kung saan ay maraming mga tao ang naninirahan. Dito rin, ay isa itong malawak na karagatan na sa nagdaan ng panahon, ay lumaki at naging isang barangay. At ang mga nakakatanda dito sa lugar na ito ay may kasaysayang nalalaman tungkol sa alamat ng Tambulilid.
Noong unang panahon sa kagitnaan ng karagatan, ay
may nanirahang mag-asawa na nagngangalang Tambu at Lili. Ang mag-asawa na ito ay magkatuwang sa buhay, nagtutulungan sa kanilang panghahanapbuhay sa pamamagitan ng pangingisda. Ang karagatan duon ay mahiwaga at nagbibigay ng maraming isda at mga lamang dagat. Sila lamang ang nakatira sa lugar na iyon.
Naglipas ang ilang taon, dumami ang tao na nakalaman
sa lugar nila. Maraming mga mangingisda ang tumungo sa kanilang lugar at naenganyo sa mga huli nila. Kaya naman sa katagalan, dumayo ang ibang mamayanan at inubos at sinira ang lamang dagat. Nang Nakita nila ang nangyari sa kanilang tahanan at kapaligiran, Nagalit ang mag-asawa at sinumpa ang lugar na wala nang makakagamit sa mahiwagang karagatan dahil sa kanilang mga ginawa, at yun na nga kumalat ang katawan ng mag-asawa sa Tambulilid at sinakop lahat ng karagatan doon, at naging kalupaan ang mag-asawa. Nanghinayang ang mga mamayanan at nagsisi sa kanilang ginawa. At kaya naman sa kanilang pagbigay pugay sa mag asawa, tinawag nila ang lugar na Tambulilid, ala-ala sa mag- asawa na nagmahal sa lugar at nagbigay ng buhay sa karagatan doon. Kaya ngayon, makikita na lamang ang mahiwagang karagatan sa ilalim ng kalupaan ng brgy. Tambulilid.