WIKANG MAPAGBAGO AT TAO ANG BUMAGO

Isa, dalawa, tatlo, bakit ganito?

Tanong sa isip ko, sana magkaintindihan tayo
Iminulat ko ang aking mga mata
Kasabay ng aking pagtayo sa kama
Lumabas ako at tumingin sa kalangitan
Tumingin sa paligid at aking pinagmasdan
Mga punong pinutol, na ang tao ang may kagagawan
Mga nagbeberdihang dahong nagsisilagas at walang mapaglagyan
Mga ibong wala ng masilungan
Mga taong nakakasalamuha mo tapos di kayo magkaintindihan
Gusto ninyo ba ganito, ang nangyayari sa mundo?
Bakit ba ganito ang dming nabago?
Isa na ditto ang mga salitang ginagamit mo
Itong pinupunto ko ang pambansang wikang totoo
Kasabay ng pagbabago ng paligid ang pagbabago ng wikang pambansa
Na ginagamit ko, ginagamit mo, ginagamit nating lahat
Sinuri ang pagbabago, maraming napalitan, maraming nahirapan at hindi nagkaintindihan
Maraming salitang nadagdag, ibang tao’y naguguluhan
Dahil ba sa moderno, kailangan makisabay sa uso.
Sino nga ba ang nagpapabago?
Hindi ba’t tayong mga tao?
Kung sa pag-ibig nga gumagawa ka ng paraan para mahalin ka niya
Para mahalin mo siya
Kahit hindi mo rin magawa sa wika, ang pagmamahal na ginagawa mo sakanya?
Nandiyan si facebook, instagram, twitter
Ang kajejemonan ay hindi maiwasan
Sa halip na ang salita ay kompleto
Ngunit iyong binabawasan
Paano uunlad ang ating bansa
Kung tayo mismo ang gumagawa ng paraan
Upang ito’y lumagpak sa kalupaan
Paano uunlad ang ating bansa kung salita at pagsasalita ay pabago
Bago ang ginagamit na wika
Yun ngang pagmamahal mo sakanya, kaya mong ipaglaban
Sana’y wika’y ganon din na kaya mong panindigan.
Wikang Pilipino ang kailangan ng ating bansa
Huwag kalimutan ang tamang salita at pagsasalita
Salitang kanto, balbal at iba pa
Dapat ito’y balewalain na lamang
Wikang Pilipino, ang siyang dapat pagaralan
Gumising ka sa pagkakahimbing mong pagkakatulog
Huwag mong hayaang wikang pambansa ay kalimutan
Dahil ito ang susi ng pagkakaunawaan
Ang dilang pumapalipit, sana’y unatin sa katotohanan
Wika ko, wika mo, wika nating lahat
Kung anong nakasanayan yun dapat
Kung ikaw ay tunay na Pilipino
Ang lahat ng ito’y magiging sapat..