መስከረም 1 ቀን 2012 ዓ.

ም በኢዜማ ህዝብ ግንኙነት የሚዘጋጅ

 አድራሻ
ስልክ
+251118592950

ኢሜል
ethzema@gmail.com

ትዊተር
www.twitter.com/ethzema

ፌስቡክ
www.facebook.com/ethzema

የኢትዮጵያ ዜጎች
ለማኅበራዊ ፍትህ
(ኢዜማ)

መስከረም 1 ቀን 2012 ዓ.ም

አዲስ አበባ

1 ኢዜማ መስከረም 1 ቀን 2012 ዓ.ም

 ጊዜው በከንቱ አይቁጠርብን!
ያ
ለፈው አንድ ዓመት ሀገራችን
ኢትዮጰያ በብዙ መለኪያዎች አንድ
እርምጃ ወደፊት የተራመደችውን
ያህል፤ በአንዳንድ ሁኔታዎች ወደ
ኋላ ማዝገሟ እሙን ነው፡፡ ተግባራዊ ከተደረጉ
ፖለቲካዊ ማስተካከያዎች ብዙ ማትረፋችን
ይበል ቢያሰኝም የከሰርንባቸው ጉዳዮችና
አጋጣሚዎችም አልጠፉም፡፡ ብዙዎቻችን
ከትርፉ ምን ያህል ተካፈልን የሚለው
እያሳሰብን ቢሆንም ለእያንዳንዳችን ጥያቄ
ሆኖ ማለፍ ያለበት ግን ‘ለትርፉ ምን አዋጣን?’
‘ለኪሳራውስ ምን ሚና ነበረን?’ የሚለው ነው፡
፡ ሀገራችን ኢትዮጵያ በወሳኝ ታሪካዊ ሂደት
ውስጥ ባለችበት በዚህ ፈታኝ ወቅት ደግሞ
ለሀገር እቆሮቆራለሁ የሚል ዜጋ ሁሉ ይህንን
ጥያቄ ራሱን መጠየቁ ተገቢ ይሆናል፡፡ ዓመት
አልፎ ዓመት ሲተካ ደግሞ ያለፈውን መርምሮ፣
ድክመትን ከጥንካሬ ለይቶ፤ መጪውን አርቆ
አይቶ፣ አዲስ አቅምና ተስፋን ሰንቆ አዲስ
ዓመትን መቀበል ከተራ ልማድ ያለፈ አስፈላጊ
ከንውን ነው፡፡
የሀገራችን ኢትዮጵያ ወጣቶች ደግሞ
በዚህ ታሪካዊ ወቅት ላይ በወሳኝ እና ልዩ ሚና
ቴዎድሮስ አሰፋ
የወጣቶች ጉዳይ ተጠሪ
ባለው የእድሜ ክልል ላይ እንደመገኝታችን
መጠን ከራሳችን አልፎ ለወገኖቻችን ያለብንን
ኃላፊነት እጥፍ ድርብ ያደርገዋል፡፡ ለሰላም፣
ለእርቅ፣ ለሕዝብ አብሮነት፣ ለብሔራዊ
መግባባት ያዋጣነውን ቆጥረን ያጎደልነውን
ፈትሸን፤ ለቀጣዩ አዲስ ዓመት የተሻለን
መመኘት፣ በጎ በጎውን ማለም፣ ከምኞት
አልፎም ለተግባር መዘጋጀት ከሁሉም ሀገር
ወዳድ ወጣት የሚጠበቅ ቁልፍ ተግባር ነው፡፡
ጊዜ ግን ለሁሉም እኩል ይሠራል ለሁሉም
እኩል ይነጉዳል፡፡ ጊዜው በከንቱ አይቁጠርብን!
ካለፈው ጥፋቶቻችን ሳንማር፣ የበደልነውን
ይቅርታ ሳንጠይቅ፣ ወደመሃል ተቀራርበን
ሳንወያይ፣ እርስበእርሳችን ሳንዋደድ ሳንደጋገፍ፣
ዘረኝነትን ጥላቻን ቂምበቀልን ሳንጸየፍ፣
በአቃራጭ መክበርን፣ ሙስናን፣ ስርቆትን፣
ሃሜትን አሉባልታን ሳናስወግድ፣ ጊዜውና
አመቱ በከንቱ አይቁጠርብን!
ይነስም ይብዛም የተፈጠረውን
መልካም ፖለቲካዊ አጋጣሚን ለበጎ
ሳንጠቀምበት፣ የሁሉንም ኢትዮጵያዊ
ሰብአዊና ዲሞክራሳዊ መብቶች ሳናከብር
ሳናስከብር፣ የማኅበራዊ እሴቶቻችንን እና
ጠቃሚ ባህሎቻችንን ሳናጠነክር፣ የሥራ
ኢዜማ መስከረም 1 ቀን 2012 ዓ.ም
ባህላችንን ሳናጎለብት፣ ለሃገራችን ያለን ፍቅር
እየሳሳ ሳይሄድ ጊዜው በከንቱ አይቁጠርብን!
መጪው ጊዜ፣ መጪው አዲስ ዓመት፣
2012 ዓ.ም ለኢትዮጵያችን የአብሮነት፣
የይቅርታ፣የካሳ፣ የመስከን፣ የማስተዋል፣
የውይይት፣ የሰጥቶ መቀበል፣ ለሃገር ቅድሚያ
የመስጠት፣ለወገን የመቆርቆር፣ ለተቸገሩት
ድጋፍ የምንሰጥበት፣ ለእውነትና ለትክክለኛው
ነገር ብቻ በመቆም ሁሉም ዜጎች ለታላቋ
ኢትዮጵያ ሰላምና መረጋጋት እንዲሁም
ለዴሞክራሲያዊ ሥርዓት ግንባታ የበኩላችንን
አንዲት ጠጠር በማበርከት/በማዋጣት
ለሰው ልጆች ሁሉ ለመኖር ምቹ የሆነችውን
ኢትዮጵያ በጋራ የምንገነባበት ዓመት እንዲሆን
እየተመኝሁ ኢዜማ ለሀገራችን ሕዝቦች
አለኝታነቱን በመግለጽ እና የፖለቲካችንን ቅኝት
እና ዜማውን በማስተካከል ዜጎችን መሰረት
ያደረገ ሰላማዊና ፍትሃዊ የፖለቲካ ትግል
በመዘርጋት የኢትዮጵያን ሕዝብ የሥልጣን
ባለቤት ለማድረግ እንዲሁም የሕዝብ
አገልጋይነትን የተላበሱ መሪዎችና ፖለቲከኞችን
በማብቃት ዴሞክራሲያዊት ኢትዮጵያን
ለመገንባት ከሕዝባችን እና ከሁሉም የፖለቲካ
ኃይሎች ጋር በጋራ ይሠራል።
2
 ለመላው ኢትዮጵያውያን እንኳን ለ2012 ዓ.ም
አዲስ ዓመት በሰላም አደረሳችሁ!

እሌኒ ነጋሽ የሙያ

መ
ማህበራት ግንኙነት ተጠሪ
ጪው ብሩህ ዓመት የኢዜማ ሙያ ማኅበራት ዘርፍ በአገሪቱ የሚገኙ መላው የሙያ ማህበራት (Civic Society) የሙያ ሥነ
ምግባሩ የተጠበቀ ሲቪል ማኅበረሰብ፣ ከየትኛውም የፖለቲካ ጣልቃ ገብነት የፀዳ፣ ተፅእኖ ፈጣሪና ሞጋች የሲቪል ማኅበራት
እንዲያብብ አበክሮ ይሠራል፡፡ ከዚህም ባሻገር ሲቪል ማኅበራቱ ለተለኮሰው የዴሞክራሲያዊ ስርዓት ግንባታ የማይተካ
ሚናቸውን እንዲጫወቱ የአቅም ግንባታ ሥራ ይሠራል፡፡ በተጨማሪም በሀገራችን መልካም አስተዳደር፣ ተጠያቂነት፣ አሳታፊነት
እንዲሰፍን የሙያ ማኅበራቶች ግንባር ቀደም ተዋናይ በመሆን ሀገራዊና ታሪካዊ ኃላፊነታቸውን እንዲወጡ የኢዜማ ሙያ ማኅበራት ዘርፍ ጥሪውን
ያስተላልፋል፡፡
በቀጣይ በመላ ሀገሪቱ የሚገኙ የሙያ ማኅበራት አባላት ጋር ሊያገናኙ የሚችሉ መድረኮችን በየደረጃው እናዘጋጃለን፡፡
በአዲስ አበባ በሚገኙ 23 የምርጫ ወረዳዎች የሙያ ማኅበራት ተወካዮች አማካኝነት የሲቪል ማኅበራቱ ንቅናቄ ሥራውን የጀመረ ሲሆን በተጨማሪም
በመላው አገሪቱ ባሉና ኢዜማ መዋቅሩን በዘረጋባቸው 305 የምርጫ ወረዳዎች የማደራጀት ሥራውን እየሠራ መሆኑን ሲገልጽ የመጪው ብሩህ
ተስፋ ምኞቱን በማብሰር ነው፡፡

3 ኢዜማ መስከረም 1 ቀን 2012 ዓ.ም

ውድ ኢትዮጲያውያን ወገኖቼ አንኳን ለአዲሱ 2012
ዓ.ም በሰላም አደረሳችሁ! አደረሰን፡፡
ዘ
መን በቀናት በሳምንታት በወራትና
በዓመታት መከፋፈሉ ያለፈውን
ዘወር ብለን በማየት ያጠፋነውን
እነድናርም፤ መልካም የሠራነውን
አጠንክረን እንድንቀጥል፤ በአዲስ ዘመን
በአዲስ ተስፋና ጉለበት ብሩህ ነገር እንድናልም
ይረዳል፡፡ በዚህ ከፊታችን ባለው አዲስ
ዓመትም ያለፈውን ዘመናችንን ወደኋላ እያየን
ለአዲሱ ዘመን የተሻልን ሰዎች ለመሆን የተሻለ
ህልም እንድናልም አደራ እላለሁ፡፡
ባለፈው ዓመት ሀገራችን ኢትዮጲያ
መልካምም መጥፎም ጊዜዎችን አሳልፋለች፡
፡ እነዚህ መልካምም ሆነ መጥፎ ጊዜዎች
ያለሰዎች ተሳትፎ የተፈፀሙ አይደሉም፡፡
እስኪ ይህን አጋጣሚ እንጠቀምና ሁላችንም
ራሳችንን እንይ ለየትኛው አስተወፅዖ
አድርገናል? ለመልካሙ? ወይስ ለመጥፎው?
በሀገር ላይ የሚሆነው ሁሉ የእያንዳንዳችን
ዜጎች ድርጊት ድምር ውጤት ነው፡፡ ሰው
መለወጥም ሆነ መቆጣጠር የሚችለው ደግሞ
ኢዮብ መሳፍንት
የዓለም አቀፍ አባላት ተጠሪ
ከምንም ነገር በላይ የራሱን ድርጊት ነው፡
፡ በሌሎች ከመፍረዳችንና ሌሎችን ተጠያቂ
ከማድረጋችን በፊት ወደ ራሳችን በመመልከት
ለሀገራችን መጥፎ ሁኔታዎች ያደረግነውን
እንድንመለከት ግድ ይላል፡፡
ሀገር በልጆቿ በዜጎቿ እስከ ሕይወት
የሚደርስ መስዋዕትነት ታፍራና ተከብራ
እንደቆየችው ሁሉ በልጆቿ በዜጎቿ ቸልተኝነት
ምን አገባኝ ባይነትና የግል ጥቅም ፈላጊነት
ትቆረቁዛለች ትዋረዳለች፡፡ ለሀገር ክብር ወይስ
ውርደት? ለየትኛው ልቁም የሚለው ከምንም
በላይ የግል ውሳኔ ነው፡፡ ሁሉም ዜጋ በግል
ለሀገሩ ጥቅምና ክብር ከቆመ፤ ከራሱ ፍላጎትና
ግላዊ ጥቅም የሀገሩንና የሕዝቡን ፍላጎት
ካስቀደመ ሀገር ትከብራለች ታድጋለች፡፡
ባለፈው ዓመት በየትኛውም ጎራ ተሰልፈን
ለሀገር ኩራትም ሆነ ውድቀት የትኛውንም
አስተወፅዖ አድርገን ቢሆን አዲስ ዓመት
መጥቷልና መንገዳችንን አጠንክረን
ለመቀጠልም ሆነ ለማረም አዲስ እድል
ኢዜማ መስከረም 1 ቀን 2012 ዓ.ም
አግኝተናል፡፡ ይህንን የአዲስ ዓመት ዕድል
ለመልካም እንድንጠቀምበት፤ ለሀገር አንድነት፤
ለመተሳሰብ፤ ለፍቅር፤ ለዴሞክራሲና ከራሳችን
ግላዊ ጥቅም በላይ ለሀገራችን ለማሰብ
እንድንጠቀምበት፤ የምናደርገውን እያንዳንዱን
እንቅስቃሴ በሀገራችን ላይ ምን ዓይነት ውጤት
ያመጣል በሚል እንድንመዝነው ያስፈልጋል፡፡
በአዲሱ ዓመት በሀገራችን ዴሞክራሲ ስር
እንዲሰድ፤ አንድነታችንንና ሰላማችንን
የሚገዳደሩ ወደረተኞቻችን ሁሉ እንዲከስሙ፤
ከፀብ ወደ ፍቅር፤ ከመነቃቀፍ ወደ መተባበር፤
ከድህነት አንድ እርምጃ ወደ ብልፅግና፤ ከኋላ
ቀርነት አንድ ጋት ወደ ሥልጣኔ፤ ከኋላ ቀር
ከፋፋይነት በአንድነት ወደ ሠለጠነ የዜግነት
ፖለቲካ፤ በዜጎች መካከል ካለ መጠነ ሰፊ
የሀብት ልዩነት ማኅበራዊ ፍትህን ወደ ማስፈን
የምንሸጋገርበት መልካም ዘመን እንዲሆንልን
ከልብ እመኛለሁ፡፡
በድጋሚ እንኳን አደረሰን፡፡ መልካም አዲስ
ዓመት፡፡
4
 አዲስ ዘመን እና ምኞቴ!
ሙሉዓለም ተገኘወርቅ(ዶ/ር)
የዓለም አቀፍ አባላት ጉዳይ ኮሚቴ አባል
አ ዲስ ዘመን ይዞት የሚመጣው
ተስፋ የማያሞቀው ልብ
የማያነቃቃው ስሜት የለም፤ ያን
ስሜት እጋራለሁ፡፡ ለእኔ በተለየ
ሁኔታ የዚህ ዓመት ተስፋዬ ሀገሬ ነች!!! አዲስ
ዓመት በመጣ ቁጥር የማስባት ሃገሬን ነው፡
፡ ይህ ዓመት ለሃገሬ ወሳኝ ምዕራፍ ነው ብዬ
አምናለሁ፡፡ 2012 ዓ.ም የስኬት ዓመት መሆኑ
ምርጫ አይደለም ግዴታም እንጂ፤ ለምን ካልን
የምንቆምበት ወይም የምንወድቅበት ዘመን
ይሆን የሚል ጥያቄ ስላዘለ ነው፤ መሆን ወይም
አለመሆን እንዲል ባለቅኔው የምንሆንበት
ወይም የማንሆንበት ጅማሮ ነው፡፡ በአዲሱ
ዘመን ሀገሬ እንዲሳካላት የምመኛላት ብዙ
ብዙ ነገር አለ ሊያውም እልፍ የሆነ፤ ሆኖም
ግን አንዱም ነገር እንኳ ያለ ዜጎች ንቁ ተሳትፎ
እና አስተዋጽኦ እንደማይሆን ስለማውቅ፤
ዳር ሆነው ቢያዩት ፈቅ የሚል ነገር እንደሌለ
በመረዳት በአዲሱ ዓመት ለሀገሬ ብዬ ሳስብ
ውስጤን የሚሰማኝ ትልቅ ስሜት ያለመታከት
በአቅሜ ሁሉ ለመሥራት የመቻል ተስፋ ነው!
ተ . ስ . ፋ!!!
ተስፋ ሳደርግ ደግሞ እንዲህ እላለሁ
ከጥልቁ እንቅልፋችን የምንነቃበት ዓመት
ሆኖ እንደው ምናለ ሁላችንም ስለኢትዮጵያ
ያለን የሃሳብ መስመር አቅጣጫ አንድነት
ቢሆን? ምናለ እንደዜጋ ተሰብስበን ሀገር
5 ኢዜማ መስከረም 1 ቀን 2012 ዓ.ም
ከምንም ነገር በላይ ነች ብለን በጋራ ዜማ
በጋራ ቅኝት ብንዘምር? እንደሁ ቢሆንልን
እና ብንረዳው ብዬ የማስበው ዋነኛ ነገር
ለመዋደዳችንም ሆነ ላለመግባባታችን
የሀገራችን ሰላምና የኅብረተሳባችን ደህንነትን
ማስቀደም ምርጫ የሌለው ተግባር መሆኑን
ብናምን? ምናለ ተስፈኛ ያደረገን ይህ አዲስ
ዓመት የኢትዮጵያዊነታችን በረከት መሆኑን
አውቀን በመተሳሰብ ሀገራችንን ባስቀደምን?
የመጪው ዘመን እቅዳችን ሁሉ መሰረቱ ያለው
የሀገር ደህንነት ላይ መሆኑን አውቀን ሁላችንስ
ብንሆን ለሀገር ደህንነት ቀን ከሌት ብንሰራ?
ትርፍና ኪሳራችንን ስናሰላ ከሀገር በኋላ እና
በታች ቢሆን? የተረጋጋ ማኅበረሰብ መፍጠር
የሚቻለው በደህንነት ስሜት ውስጥ እንጂ በሌላ
አይደለምና ምንአለ ግጭትና አለመተማመንን
ከሚወልዱ አሉባልታዎች ብንጸዳ? ምናለ ያለፈ
ብድር ለመመላለስ በሚል ከንቱ ድካም አዲስ
ቁርሾ ባናመርት? ምናለ ከትላንት ንትርክና
አለመግባባት ይልቅ የነገው ታሪካችንን በጉልህ
ለመጻፍ ቆርጠን ብንነሳ? ምናለ የወደፊቱን
ብናይ መጪውን ብንናፍቅ ነገን አርቀን አስበን
ከዛሬ ብንሻል? ምናል ምናል ምናል . . . አዲስ
ዓመት ለእኔ በጣም ብዙ ምናለዎች ያጨቀ
ተስፋ ነው!!! እንዲህም ሆኖ ባወጣና ባወርድ
ሳስብ ውዬ ሳስብ ባድር እንኳ ከሀገር በላይ
የተለየ እና የሚልቅ ስሜት እንደሌለ ነው
የሚሰማኝ!!! እናስ ዘመኑ ሲታደስ አዲስ ዘመን
ሲጠባ አዲስ ተስፋ እንዲያብብ ከመመኘትስ
በላይ ምን አለ?
ደግሞስ ሀገሬ ሀገሬ ሀገሬ እያሉ
ከመዝፈን ከመግጠም ከመፎከር እና ከመሸለል
በላይ መሬት ላይ መውረድ የሚችል ሥራ
ለመሥራት አዲስ ዘመንን ያህል ምን አለ?
አዲስ ዘመን እኮ ይዞ የሚመጣው ትልቁ ነገር
ተስፋ ነው በእርግጥ ከተስፋስ በላይ ምን
አለ? እናም ተስፋ አደርጋለሁ! ተደማምጠን
ሀገር እንደምንገነባ! ተስማምተን ዴሞክራሲን
እንደምናሰፍን! ልዩነታችንን አክብረን የተሻለች
ሀገር እንደምንገነባ ተስፋ አደርጋለሁ! በሃሳብ
በተግባር ብንለያይም ሀገራችንን አስቀድመን
እንደምንቆም፤ ድርድራችን ሁሉ ስምምነታችን
ሁሉ ለሀገር ስለሀገር እንደሚሆን:: የሚፈካው
ሰማይ የፈካ አስተሳሰብን እንደሚያጎናጽፈን፤
የሚለመልመው ምድር የለመለመ ምግባር
እንደሚያላብሰን፤ አዎን ተስፋ አደርጋለሁ!
ኢትዮጵያን ማኅበራዊ ፍትህ የሰፈነባት
ዴሞክራሲያዊ ሀገር የሚያደርገው ትውልድ
አካል ሆኖ በፅናት መቆም እንደምችል አምናለሁ
እናም የዚህ ዓመት ትልቁ ተስፋዬ እሱ ነው!!!
ተስፋችን ህልም ሳይሆን እውን የሚሆንበት
ዘመን ይሁንልን!!!
 የአዲሱ 2012 አመት ምኞቶቼ፣
ወቅቱ የዘመን መለወጫ ነው። ይህ
ወቅት ልዩ ባህሪ አለው። ባህሪው ሁለት
ዓመቶች መጋጠሚያ በመሆኑ ነው። ይህ ልዩ
ባህሪ ያለፈውን ዓመት ደግና ክፉ ሁኔታዎችን
በአይነ ህሊና ወደ ኋላ የሚያስጎበኝ፣ የመጭውን
ዘመን ምናባዊ ምኞት የማስመተር የጉጉት
ስሜት የመቀስቀስ አቅም አለው። እኔም
የጉጉት ስሜቱ አሸነፈኝና ያለፈውን ዓመትና
የመጭውን ዓመት አገናኝቼ በጊዜ ባቡር
ወደ ኋላና ወደፊት ነጎድኩ። ያለፈው ዓመት
ሲጀምር ከወዲያኛው ዓመት የተረከበውን፣
በሀገራችን ላይ የተጀመረው የለውጥ ሂደት
የፈጠርውን፣ እጅግ ከፍተኛ ተስፋ በመሰነቅ
ነበር። እኔም የዚህ ተስፋ ክፍተኛ ባለ ጉዳይ
ነበርኩ።
ተስፋው ወደ ተጨበጠ ለውጥ
እንዲለወጥ የምችለውን አስተዋጾ ማድረግ
አለብኝ ብዬ ወደ ተግባራዊ እንቅስቃሴ ውስጥ
የገባሁበት በዚሁ በመጠናቀቅ ላይ ባለው
ዓመት ነበር። ይህ ተግባራዊ እንቅሳቃሴ ፍሬ
አፍርቶ፣ እኔም አቅሜ የፈቀደውን አድርጌ፣
ባለፈው ግንቦት ወር 2011 ዓ.ም፣ ከሰባት
የሚበልጡ የፖለቲካ ድርጅቶች ማንነታቸውን
አፍርሰው እንደገና እንደ አዲስ በመገንባት፣
የኢትዩጵያ ዜጎች ለማኅበራዊ ፍትህ፣ ኢዜማን
አቋቋሙ።
በአሁኑ ጊዜ የኢዜማ ከፍተኛ
የአመራር አካል በሆነው የብሄራዊ ሥራ
አስፈጻሚ ኮሚቴ ዓባልና የሴቶች ጉዳይ ተጠሪ
በመሆን እየሠራሁ እገኛለሁ። ይህም በመሆኑ
ከውሰር እንድሪስ
የሴቶች ጉዳይ ተጠሪ
እየተጠናቀቀ ያለውን ዓመት አብዛኛውን 4. 4. ኢዜማ ሀገራዊ ኃላፊነት መሸከም
እንቅስቃሴዬ ያተኮረው ኢዜማን የመቋቋምና የሚችል፣ የተሻለ አማራጭ ያለው ድርጅት
ከተቋቋመ በኋላም በማጠናከሩ ተግባራት ላይ ነው የሚለው ሀሳብና ስሜት በሕዝብ
ነበር። እነዚህ የጥረት ተግባራት ለመጭውም ዘንድ ለማስረጽ የሚደረገው ጥረት የተሳካ
አዲስ ዓመት መሸጋገራቸው አይቀርም። ኢዜማ እንዲሆን፣
አሁን ሀገራችን ካለችበት አስቸጋሪ ሁኔታን ወደ 5. 5. መጭው ምርጫ ለሀገራችን ተስፋ
ተሻለ ሁኔታ ለመለወጥ የሚያድርገው ጥረት በሚሰጥ ውጤት እንዲጠናቀቅ ኢዜማ
ማሳካቱ ከሁሉ ጉዳይ በላይ የሚሳስበኝ ጉዳይ በራሱም ሆነ ከሌሎች ወገኖች ጋር በጋራ
በመሆኑ፣ በምናባዊ የአዲስ ዓመት የምኞት የሚያደርገው ጥረት የተሳካ እንዲሆን፣
መንፈስ አየሁት፣ ያየሁትንም ለእናንተ 6. 6. በየጊዜው በተለያዩ የሀገራችን
ለወገኖቼ ለማካፈል ወሰንኩ። ክፍሎች የሚነሱ ግጭቶ ባሳለፈነው 2011
የ2012 ዓመት ምኞቶቼ፣ ዓ.ም በብዙ ኢትዮጵያዊ ወገኖቻችን
1. 1. የኢዜማ ዓባላትና ደጋፊዎች፣ ኢዜማ ላይ ያደረሱት ጉዳይ እጅግ ከፍተኛ
ትልቅ ሀገራዊ ፋይዳ ያለው ድርጅት በመሆኑ፣ እንዚህ ችግሮች በአዲሱ
መሆኑን ሙሉ ለሙሉ የረተዳን ዓባላትና ዘመን እንዳይደገሙ፣ የመንግሥት
ደጋፊዎች እንድንሆን፣ አካላትም ሆኑ መንግሥታዊ ያልሆኑ፣
2. 2. የኢዜማ ዓባላትና ደጋፊዎች፣ የተቻለው የቅድሚያ ዝግጅትና ጥንቃቄ
በሀገራችን ዘለቂ ሰላምና መረጋጋት እንዲያደርጉ፣
እንዲኖር የሚደረገው ጥረት እጅግ ወሳኝ 7. 7. ከሰው በጎ ምኞት፣ ፍላጎትና ጥረት
መሆኑን ተረድተን በማናቸውም ቀደም በላይ ከሚመጡ አስቸጋሪ ሁኔታዎች
ሲል በሀገራችን የነበረው ሁኔታ የፈጠረው ሁሉ፣ ሀገራችንን ኢትዮጵያንና
ስሜትና የግልና የቡድን ፍላጎቶች ሕዝቧን ፈጣሪ አምላክ እንዲጠብቅ፣
ሳያሰናክሉን፣ በሰከነ መንፈስ፣ በትግስት፣ እንዲባርካት፣ ወደ የተሻለ የተስፋ አዲስ
በብልሀት፣ በአርቆ አሳቢነት የምንቀሳቀስ ዓመት እንዲያሻጋግራት፣ የተጎዱንትን
ዜጎች እንድንሆን፣ ወገኖቻችንን በቸርነቱ እንዲጎበኛቸው፣
3. 3. በሀገር ውስጥና በውጭ ተስፋ ላጡትም ተስፋ እንዲሆናቸው፣
የጀመርናቸው የማደራጀት ተግባራት ከልብ እመኛለሁ።
ጠናክረው በመቀጠል ኢዜማ ሰፊ የሕዝብ
ድጋፍ ያለው ሀገራዊ ፓርቲ እንዲሆን መልካም አዲስ 2012 ዓመት!
የሚደረገው ጥረት እንዲሳካ፣
ኢዜማ መስከረም 1 ቀን 2012 ዓ.ም 5
 ኢዜማ በአዲስ አበባ ጎዳናዎች ላይ የእንኳን
አደረሳችሁ መልዕክት አስተላለፈ
የ ኢትዮጵያ ዜጎች ለማኅበራዊ ፍትህ
(ኢዜማ) አመራር እና አባሎች
አዲሱን ዓመት በማስመልከት
በአዲስ አበባ በተለያዩ ዋና ዋና
መንገዶችና አካባቢዎች በመዘዋወር ለሕዝቡ
የእንኳን አደረሳችሁ መልዕክት አስተላለፉ፡፡
የአዲስ ዓመት መልካም ምኞት
መግለጫ ጉዞው መነሻውን ፒያሳ አራዳ
ጊዮርጊስ በማድረግ በ4 ኪሎ፣ ቀበና፣
መገናኛ፣ ቦሌ፣ ወሎ ሰፈር፣ ቄራ፣ ንፋስ ስልክ፣
ላፍቶ፣ ጉለሌ ልደታና ሚክሲኮን እንዲሁም
ሌሎች ቦታዎችን በማዳረስ ፍጻሜውን ፒያሳ
ሚኒሊክ አደባባይ አድርጓል፡፡ ጉዞው በይፋ
የተጀመረው የፓርቲው ሊቀ መንበር የሺዋስ
6 ኢዜማ መስከረም 1 ቀን 2012 ዓ.ም
መስከረም 1 ቀን 2012 ዓ.ም (የዜጎች መድረክ)
አሰፋ ባስተላለፉት የእንኳን አደረሳችሁ እና
የመልካም ምኞች መልዕክት ነበር፡፡
የዝግጅቱ አስተባባሪ የኢዜማ የዓለም
አቀፍ አባላት ተጠሪ ኢዮብ መሳፍንት የዝግጅቱ
ዋና ዓላማ ለሕዝቡ እንኳን አደረሳችሁ
ለማለት እንዲሁም ኢዜማንም ከሕዝቡ ጋር
ለማስተዋወቅ መሆኑን ገልጸው፤ በዕለቱ
የመልካም ምኞች መግለጫ ፖስት ካርድ እና
የኢዜማን ዓላማ የሚገልጽ በራሪ ወረቀት
ማዳረስ መቻሉን ተናግረዋል፡፡ የሕዝቡ
አቀባበል ከጠበቁት በላይ እንደሆነ የገለጹት
ተጠሪው “ወደ ሕዝቡ ቀረብ ብለን እንድንሠራ
ጥያቄ ቀርቦልናል፤ ይሄንንም እናደርገዋለን”
በማለት ጨምረው ገልጸዋል፡፡
ይሄንን ዝግጅት ለማከናወን ስንሰናዳ ቅድሚያ
ለአዲስ አበባ መስተዳደር በደብዳቤ አሳውቀን
የነበረ ቢሆንም አስተዳደሩ ለአዲስ አበባ
ፖሊስ ኮሚሽን ባለማሳወቁ ምክንያት የአዲስ
አበባ ፖሊስ ኮሚሽን አባላት መርኃ ግብሩን
ማካሄድ እንደማንችል ገልጸው ለተወሰነ ጊዜ
አስቁመውን የነበረ ቢሆንም ከሚመለከታቸው
አካላት ጋር በተደረገ ሰላማዊ ንግግር
የተፈጠረው ችግር በመፈታቱ የተጀመረው
ሥራ ቀጥሎ በሰላም መጠናቀቁን ተጠሪው
አብራርተዋል፡፡ በቀጣይም በአዲስ አበባ
ከተማ ሕዝባዊ ስብሰባዎችን እና ከነዋሪው
ጋር የሚያቀራርቡ ሥራዎች በስፋት እደሚሠሩ
ጨምረው ገልጸዋል፡፡
 ምርጫ ወረዳ 17 አባላት ለአረጋዊያን
ድጋፍ አደረጉ
የ ኢትዮጵያ ዜጎች ለማኅበራዊ ፍትህ
(ኢዜማ) የአዲስ አበባ ምርጫ
ወረዳ 17 አባላት ባሳለፍነው
ቅዳሜ ጷግሜ 2 እና እሁድ
ጷጉሜ 03 ቀን 2011 ዓ.ም ለአረጋዊያን ዜጎች
የምሳ ግብዣ እና የመገልገያ ቁሳቁስ ድጋፍ
አደረጉ፡፡
ቅዳሜ ጷግሜ 2 ቀን 2011 ዓ.ም
በመቄዶንያ የአረጋዊያን እና የአእምሮ ህሙማን
መርጃ ማኅበር በመገኘት ድጋፍ ባደረጉበት
ወቅት ማኅበሩን በመወከል ንግግር ያደረጉት
ማሞ ታደሰ በመቄዶንያ ድጋፍ የሚደረግላቸው
ዜጎች በፊት ዶክተር፣ መሐንዲስ፣ ኢንጂነር
የነበሩ አሁን ላይ ግን አቅም አጥሯቸው፣
እራሳቸውን መግዛት ያልቻሉ እንደሆኑ
ጠቁመው ድጋፍ ላደረጉት የኢዜማ የአዲስ
አበባ ምርጫ ወረዳ 17 አባላት ምስጋናቸውን
ገልጸዋል፡፡
በዕለቱ በክብር እንግድነት ተጋብዘው
የተገኙት የኢዜማ ሊቀመንር የሺዋስ አሰፋ
ድጋፉን ላደረጉት ለምርጫ ወረዳ 17 አመራርና
አባላት ምስጋና አቅርበው በዕለቱ በቦታው
ተጋብዘው በመገኘታቸው የተሰማቸውን
ደስታ ገልጸዋል፡፡ የመቄዶንያ መስራች የሆነው
ብንያም እና አጋሮቹን ‹‹ለኢትዮጵያዊነት ምሳሌ
ስለሆኑ አመሰግናለሁ፡፡›› ያሉት ሊቀመንበሩ
የኢትዮጵያዊነት መታወቂያ ታላላቆችን
ማክበር እና ጨዋነት እንደሆነ አስታውሰዋል፡
፡ በመቄዶንያ ድጋፍ እየተደረገላቸው ላሉት
ዜጎችም “ኢትዮጵያ የእናንተን ጉልበትና ገንዘብ
ባትፈልግም ፀሎታችሁን ግን ትፈልጋለች፡
፡ አዲሱ ዓመት የፍቅር፣ የአንድነትና
የእውነተኛ ዴሞክራሲ ዓመት ይሁንልን!” ሲሉ
መልዕክታቸውን አስተላልፈዋል፡፡
በተመሳሳይ፣ እሁድ ጷግሜ 3 ቀን
2011 ዓ.ም በቦሌ ቡልቡላ አካባቢ በሚገኘው
ክብረ አረጋውያን በተሰኘ ምግባረ ሰናይ
ድርጅት የምሳ ግብዣ ፕሮግራም ተደርጓል፡፡
ክብረ አረጋውያን ከተቋቋመ 10 ዓመታትን
ያስቆጠረ ሲሆን በአሁኑ ሰአትም ቁጥራቸው
ከ100 ለሚልቁ ደጋፊ ለሌላቸው አረጋውያን
ድጋፍ እያደረገ የሚገኝ ተቋም ነው፡፡ የተቋሙ
ኢዜማ መስከረም 1 ቀን 2012 ዓ.ም
መስከረም 1 ቀን 2012 ዓ.ም (የዜጎች መድረክ)
መስራችና ዳይሬክተር የሆኑት ወርቅነሽ ሙልዬ
“ኢዜማ የዜግነት ግዴታዬን ልወጣ ብሎ ይህን
መሰሉን ድንቅ የምሳ ፕሮግራም በማዘጋጀቱና
ጊዜውንም ከአረጋውያን ጋር በማሳለፉ ያለኝን
አድናቆት ለመግለፅ እፈልጋለሁ፡፡ በእጅጉም
ደስ ብሎኛል” ሲሉ ለዜጎች መድረክ ገልፀዋል፡
፡ የኢዜማ ምክትል መሪ አንዱዓለም አራጌ
ለአረጋውያኑ ባደረጉት ንግግር ‹‹እናንተን
ማክበር ሀገርን ማክበር ነው፤ ታሪክን ማክበር
ነው፡፡ ሀገር ሲባል ዛሬ ብቻ አይደለም፡፡
ትላንት የተሠራው ነው ዛሬም የሚያቆየን፡፡
ዛሬ የምንሠራው ነው ነገን የሚያስተካክለው፡፡
ስለዚህ እናንተን ስናከበር ትላንትን፣ ታሪካችንን
ሀገራችንን አከበርን ማለት ነው›› ብለዋል፡፡
የኢዜማ የአዲስ አበባ ምርጫ ወረዳ
17 ሰብሳቢ የሆኑት ኤፍሬም ሰለሞን ይህን
መሰል ማኅበራዊ ሥራዎች በምርጫ ወረዳ 17
አባላት ሲሠሩ ለሶስተኛ ጊዜ መሆኑን ጠቁመው
በቀጣይነትም መሰል ማኅበራዊ ሥራዎችን
መሥራቱን እንደሚቀጥሉበት ገልፀዋል፡፡
7