AKALA

Heto nanaman ang walang hanggang katanungan,

Kasabay ng buhos ng ulan, ang pighating nararamdaman.
Tila ba nalulunod sa matataas na alon ng karimlan,
Binabagtas ng luha ang bawat kanyang madaanan.

Saan ba nagsimula ang lahat ng paalam?

Sino ba ang nagpauso ng sakit na dinaramdam?
Bakit halos lahat ng tao iisa lang ang alam?
Magmahal. Manakit.
Magmahal. Masaktan ulit.

Noong unang panahon akin kitang natanaw,

Ikaw ay isang bituing sa langit na namamanglaw.
Kasabay ng tumatakbong mga orasan,
Ay ang pagdaundong ng mga puso kong naghahabulan.

Tumingin ka sa aking direksyon,

Doon pa lang nakita kong mayroon na tayong koneksyon.
Bagay tayo, parang pinagsadya talaga ng panahon,
Nahulog ako sa inaakala kong tamang tao at pagkakataon.

Criteria:
20
> Kumpleto ang elemento ng tula
Di bababa sa anim na saknong
20
> Gamit ng tayutay (di bababa sa anim)
10
> Paksa ng pag-ibig

Cruz | Viena | Bitanga | de Vera | Franco | Sangalang

STE 10- Borealis
 Ako ay lumapit na iyo ring ginawa,
Malalakas na kabog ang pilit na kumakawala.
Malapit ng magkalapit ang ating mga paa,
Subalit nang ako’y huminto, bakit lumagpas ka?

Humakbang ako paabante kasabay ng pagtingin sa inyo,

Mahal niyo nga talaga ang isa’t-isa, sabi ko sa isip ko.
Bakit pa kasi hindi ako natuto sa unang pagkatalo?
Umasa lang pala ako kasi akala ko may motibo.

Para akong pinagbagsakan ng langit at lupa,

Bakit ngayon pa ako hindi sinuportahan ng tadhana?
Hindi pala totoo ang pagsungkit mo sa mga tala,
Ngunit kahit ganoon ay umiwas nalang ako at tumalima,
Ngumiti ako ng mapakla tulad ng kape mo sa umaga.

Mahal, hanggang ngayo’y nasasaktan parin ako,

Ngunit inaamin kong masaya ako para sa inyo
Pinapangako kong hindi na manggugulo,
Dahil sa araw na ito, tinatanggap ko na ang aking pagkatalo.

Criteria:
20
> Kumpleto ang elemento ng tula
Di bababa sa anim na saknong
20
> Gamit ng tayutay (di bababa sa anim)
10
> Paksa ng pag-ibig

Cruz | Viena | Bitanga | de Vera | Franco | Sangalang

STE 10- Borealis