EASTER SUNDAY CHHUT DAN

- Robert Lalthanmawia

AD 325 a Nicea Inkhawmpui chuan Easter Sunday hi ‘vernal equinox’ ah emaw a

hnu lamah emaw a thla a bial(full moon) hnua pathianni hmasa berah hman turin
lungrual takin a lo rel a. Oxford University chuan thuziak hlui leh van lam chanchin
te a ziarchian hnuah kum 1985 khan thuchhuah siamin, ‘Isua an khenbeh hun hi Ni
3, April 33AD a ni a, Juda ten ‘nipui kut’ an hman lai a ni e’ tiin a sawi a. Vawiin
thlengin khawvelin Nicea Inkhawmpui thurel hi a la pawm zawk thung. Kan hriat
tlan angin Easter Sunday hma zirtawpni-ah Good Friday pawh kan hmang `hin a nih
hi. Hetiang anih avang hian Good Friday leh Easter Sunday kan hman hun hi kum
tinin a danglam thei ta a. A hun chhut dan hi hriatthiam harsa tak ang a lang
nimahse, awlsam zawk a sawifiah kan tum dawn a ni.

Kum khatah hian ‘equinox’ hi vawi hnih(2) a thleng `hin a. Ni 19/20/21 march leh ni
22/23/24 september-ah te a thleng `hin. Equinox awmzia chu, ni(sun) hi khawvel
lai tak(equatorial line)ah a awm tihna a ni. March thla a equinox thleng hi Spring
Equinox vuah a ni a, march equinox ti te pawhin an sawi bawk. Kumin hian keini
khawvel hmar lam(northern hemisphere) a chengte tan chuan ni 20, march zan dar
9:45 khan spring equinox/march equinox chu a thleng a ni.

Kan sawi tawh angin Easter Sunday hi spring equinox hnua thla bial hmasa ber
zawh a Pathianni hmasa berah hman `hin a ni a. Ni 22, march leh ni 25, april
inkarah te a thleng thei tihna a ni ta. Easter Sunday a thlen hma ber `um chu kum
1818 khan a ni a. Ni 21, march-ah equinox leh thlabial a inrual ta chiah mai a. A tuk
ni 22, march chu pathianni a nih bawk si avangin Easter Sunday a lo ni ta a. Hetiang
hun hi kum 2285 ah a inher chhuak leh dawn chauh a ni. Easter Sunday tlai ber hi
ni 25, april 1943 khan a thleng a. Hetiang hun hi kum 2038(tun a`anga kum 20)ah
a rawn inher chhuak leh chiah ang.