A : Eh … bang stop berenti, budeg kali lu ye.
kage salah abang datang kemari,
Eh… bang nih ade ape maksudnye nih.
selanang-selonong di kampung orang.
Emangnye lu kagak tahu kalo nih kampung
ade yang punye???
Eh… Bang, rumah gedongan rumah belande.
pagarnya kawat tiangnya besi,
gue kaga mao tau nih rombongan datengnye
dari mane mau kemane, tapi lewat nih
kampung kudu permisi.
B: Oh… jadi lewat kampung sini kudu permisi,
bang.
A: Iye emangnye lu kate nih jalen punye nyai lu.
B: maafin aye bang, kalo kedatangan aye ama
rombongan kage berkenan di ati sudare-
sudare…Sebelomnye aye pengen ucapin salam
Bang…Assalamu, alaikum.
A: Walaikum salam…
B: Begini bang…
makan sekuteng di Pasar Jum,at
mampir dulu di Kramat Jati,
aye dateng ama rombongan dengan segala
hormat,
mohon diterime dengan senang hati.
A: Oh … jadi lu udeh niat dateng kemari…
eh…Bang, kalo makan buah kenari.
jangan ditelen biji-bijinye.kalo lu udeh niat
dateng kemari.
gue pengen tahu ape hajatnye?…
B:Oh… jadi Abang pengen tahu ape
hajatnye…emang Abang
kage di kasih tau ame tuan rumehnye…
Begini bang.. ade siang ade malam,
ade bulan ade matahari,
kalo bukan lantaran perawan yang di dalam,
kaga bakalan nih laki gue anterin ke mari.
A: Oh… jadi lantaran perawan Abang kemari?…
Eh… Bang, kage salah Abang beli lemari,
tapi sayang kage ade kuncinye,
tapi sayang tuh… perawan udeh ade yang punye.
B: Oh…jadi tuh perawan udeh ade yang punye,
eh …Bang crukcuk kuburan cine,
kuburan Islam aye yang ngajiin,
biar kate tuh perawan udeh ade yang punye,
tetep aje nih laki yg bakal jadiin.
A: …Jadi elu kaga ngerti pengen jadiin,
eh … bang kalo jalan lewat kemayoran,
ati-ati jalannye licin,
dari pada niat lu kage kesampaian.
mending lu pilih mati ape lu batalin.
B: Oh… jadi abang bekeras nih…
eh …Bang ibarat baju udah kepalang basah,
masak nasi udeh jadi bubur.
biar kate aye mati berkalang tanah,
setapak kaki kaga ade nantinye aye bakalan
mundur.
A: Oh… jadi lu kage mau mundur,
ikan belut mati di tusuk,
dalam kuali kudu masaknye,
eh… nih palang pintu kage ijinin lu masuk,
sebelum lu penuin persaratannye
B: Oh…jadi kalo mao dapet perawan sini ade
saratnye, Bang…?
A : Ade…, jadi nelayan aje ada saratnye… apa lagi
perawan…
B: Kalo begitu… sebutin saratnye… Bang…
A: Lu pengen tau ape saratnye…
Bang kepiting kejapit kerang.
Kerangnye di balik lobang batu.
Pasang kuping lu biar terang.
Adepin nih jaware gua satu persatu
B: Oh… jadi kalo mao dapet perawan di mari
saratnye kudu bekelahi Bang…
A: Iye … kalo lu takut,mendingan lu
pulang...ngangkatin jemuran noh udeh mao ujan
B:....
bintang seawan-awan, C:keluarin kemaluan lu bang
aye itungin beribu satu,
berape banyak Abang punya jagoan D:permaenan gua bego bukannye kemaluan gua
aye bakal adepin satu-persatu. Lu liat nih

A:jdi lu nantangin gua bang C:....

B:iye bang... pantang
tercapainya tujuan
A:keluarin kemaluan lu bang
Kelape ijo ditusuk belati
pulang sebelon naek, perahu lurus jalannye,
udeh banyak jago yang mati,
liat nih jurus pukulannye
D:yaudeh bang sekarang jangan banyak bacot

B:ebusehhh bang lu liat nih jurus jawere-jaware C:pok ame ame

gua
D:belalang kupu-kupu
C:Eh..bang lu gatau siapa gua
Kepiting kecapit kerang. C:ditepok biar rame
kerangnye di rawa cipondoh.
Pasang kuping biar terang D:liat nih si jago mao di adu
Kenalin nih gua alindoh

D:aliandoh kurus kering kaye kangkung kurang

aer

C:seett sial lu bang...ehh bang..

Kepiting kecapit kerang.
Kerangnye di balik batu.
Pasang kuping lu biar terang.
Kenalin nih gua jaware nomor satu

D:eh bang...
ayam jago berkoko jitu
duit cebanan gua beliin kuaci
gua tau bang lu jagoan nomor satu
tapi sayang muke lu kaye sempak banci

C:seeeh sial gua dikatain sempak banci

Bang.. duit cebanan gua beliin kuaci.
Makan nye jangan berisik.
Biar kate muke gua kaye sempak banci.
Tapi cewe gua kaye dewi persik

D: eh bang...
lu tau dalemnye rawe,
pasti lu tau kali semanan,
kalo mau tau namenye jaware,
nih lu liat gue punye maenan