SAMA-SAMANG PAGKILOS PARA SA PAMBANSANG KAUNLARAN..

Hindi uunlad ang isang bansa kung hindi makikiisa ang bawat mamamayan. Bawat isa sa atin
ay may kanya-kanyang gampanin upang mapaunlad ang ating bansa. Maaaring makapagbigay
ng kontribusyon sa pamamagitan ng pansariling pagsisikap o ang sama-samang
pagtutulungan. Kailangan ng pangkaisahang kilos ng bawat isa , upang sa ikauunlad ng ating
bansa. Ang pagiging MAALAM ay isa sa mga estratehiya upang makatulong sa pag-unlad ng
bansa. Ang mga halimbawa nito ay ang:

1. TAMANG PAGBOTO. Pagdating ng halalan, ugaliing pag-aralan ang mga programa ng

kandidato at mga isyung pangka-unlaran ng ating bansa upang sa ganoon ay ating masuri
kung sinong kandidato ang may malalim na kabatiran sa mga ito. Usisiin ng mabuti kung ang
hangarin ng isang kandidato ay sa ikabubuti ng ating lipunan o bansa .Ang pag-unlad ng ating
kulturang pulitikal ay nasasalamin sa klase ng mga kandidatong ating inihahalal maging sa nasyonal o
lokal na pamahalaan. Higit anuman, ang ating pagkakamali sa pagboto ay hindi agarang maiwawasto
sa pagbubura ng pangalan sa balota dahil anumang kamalian ay magbubunga ng masamang epekto sa
ating ekonomiya, sa reputasyon ng ating bansa at katayuan sa internasyonal na komunidad. Idagdag
pa rito ang agam-agam at desperasyon ng ating mga kababayan at kabataan sa pagsulong ng
pagbabago sa ating lipunan at bansa. Kung kaya, nais kung ipahatid sa inyo ang aking pakiusap na sana
habang maaga ay simulan na natin ang pag-iisip at pagtimbang sa mga kandidato upang sa gayon
pagdating ng araw ng pagboto ay maging tama at wasto ang ating desisyon.Gamitin ang inyong
karapatang bumuto na panlaban sa katiwalian. Palitan ang takbo ng politika ng inyong lalawigan
upang ang buong bansa ay tuluiyan na umusad tungo sa pagbabago at kaunlaran.

2. 2. PAGPAPATUPAD AT PAKIKILAHOK SA MGA PROYEKTONG PANGKAUNLARAN SA

KOMUNIDAD. Bilang kabataan, tungkulin natin ang tumulong sa ating pamahalaan upang sa
ganoon ay mapadali o mas madaling umunlad ang ating lipunan. Dapat kailangan nating isipin
ang magiging lagay ng ating lipunan . At sa maliit na paraan ay makakatulong na tayo,
halimbawa na lamang ay ang pagbuo at pagtupad ng proyektong ikakaunlad ng ating
komunidad. Hindi kailangan ng puro salita , mas maipakikita natin ito sa pamamagitan ng
pagkilos ng bawat isa .

Kaya bilang bahagi ng lipunan na siyang kinabibilangan natin ay kailangang Maalam tayo sa
mga bagay na makakaunlad sa ating bansa.