Ang pagiging marino ay isang propesyon na importante sa pag-unlad ng ekonomiya at
lipunan. Isa itong propesyon na nagbibigay ng oportunidad sa mga marino na maglakbay sa buong mundo at magkaroon ng mataas na sahod na magbibigay sa kanila ng pera para magkaroon ng magandang kabuhayan at kinabukasan para sa kanila at sa kanilang pamilya. Ngunit sa kabila ng magandang sahod at pagkakataon na maglakbay sa iba’t ibang lugar sa mundo pagiging malayo sa pamilya ang kapalit ng propesyon ng mga marino. Ang pagiging malayo sa pamilya buhat ng paglalakbay sa barko papuntang ibang bansa. Ang propesyong Marino ay may malaking ambag sa pag unlad ng industriya at ekonomiya. Ito ang nagbibigay daan sa mga produkto galing sa ibang bansa papunta sa bansa natin. Ang mga barkong naglalaman ng mga produkto at mga kayamanan na galing sa ibang bansa na pinapadala sa ibang banasa upang ibenta. Nagdudulot ito ng magandang kalakaran sa industriya at pag unlad ng bansa. Kung walang mga marino, walang magdadala ng mga produkto mula sa isang lugar papunta sa iba. Walang barkong mag-eexport o import ng mga produkto na kailangan ng mga konsyumer o mamamayan ng isang ekonomiya. Ang industriyang marino ang umaambag ng malaki sa pangdaigdigang kalakaran, ang pagaangkat ng mga produkto at pagpapadala nito sa mga barko papuntang ibang bansa ay nagpapatunay na isa itong importanteng aspekto ng pag-unlad ng bansa.