Document

Axmed Cabdillaahi Aw Axmed Gufaaco
Buug Suugaameedka Xikmadda Qarniga
Ilaahay midheheena
Muush barbaara ka yeel
Iyo beelo masruura .
Illaahay magaceena
Maqaamkiisa culaa iyo.
Ciliyiinta ku muuji
Illaahay maskankeena
Masnadiisa fardawsiyo
Masaajiidda ka yeel .
Illaahay miyirkeeniyo
Mawjadaa qalbigeena
Murtidiisa ku dooji
Abwaan Axmed C/laahi Aw Axmed
{GUFAACO}
Hor dhac
Gabayada (DIINTA) ah.
Ma ogtahay dubaaxdiyo
Dirka iyo qaraabada
Diimaha illaahay
Inay daw ka bixiyeen
Ooy walaalka diintiyo
Dariskaad la nooshiyo
Riximkaaga dihashadu
Kala darajo roonyiin
Ma ogtahay ducaadiyo
Khayrka daah furkiisiyo
Digniintaada guud iyo
Duxda weedha aakhiro
In dariiqo loo maro
Ooy walaalka diintiyo
Dariskaad la nooshiyo
Riximkaaga dihashadu
Kala darajo roonyiin
Dushuunbaa qof laga yahay
Diirka waynu simanahay
Deeqaha illaahay
Darajada aqoontana
Ninba dawliskii maal
Darkoo loogu wada shuubay
Tiiyoon duudka lagu qaban
Uunku deeqda kula rabo
Waxaan daayin kuu qorin
Dibnahaaga mari waa
miyaan deebta xuladkiyo
Dhimbiishaada daarani
Tiiyoon dariska lagu dhibin
Darxumada dhashaadiyo
Dharyahaagan darabta a
Doolakha ka biinayn
Dayr cadkeena ramadkiyo
Anoo dalawo kuu madhay
Maxaa dala’si kuu galay
Adigoon dilkaagiyo
Dawadaa kala baran
Bal maxaad la duushaa
Doobir taadu badanaa
Dabinada hadoodilan
Adoo dawga suudala
Duuflaal haddaad tahay
Maxaan daabbaddaydiyo
Dushaydaba ku saara
Marbaan dibinta ruugaye
Allaah (swt) waxa uu abuuray maqluuqaad kala duwan oo badan in aynu naqaano oo la ina baray iyo in
alle(swt) uun ogyahay
Inta aynu ognahay waxaa ka mid ah abuurteena basharka ah iyo thaqalaynka (dadka. Jinka.iyo
malaa’iikta) iyo khalaaiiq tiro badan oo aan la soo koobi Karin.
Allaah (swt) waxa uu inoo abuurtay cibaado, cibaadaduna waxa ay ku jirtaa diinta taa aawadeed waxa
waajib ku saran ah in aad barato diinta islaamka
diintu waxa aydagtaa quluubta , quluubtuna waxa ay kala leedahay jaranjarooyin ay wax ku xafido , wax
kastana waxa ay xafidaa inta ay aaminsantahay.
Imaankuna waa sida dhinbiisha ama dhuxul dab ah oo si fiican dabku u qabsaday.
Dhuxusha dabka ahna waxa lagu yaqaanaa in marka ay in door ah baxdo uu dambas fuulo ama qariyo.
Waa in aynu quluubteena banbaska ka afuufnaa si aynaan u dibjirin
Haddaba si aynu iimaankeena dambaska fuulay uga afuufno waxaynu samayn doonnaa baraarujin kala
duwan oo soo jeedisa bulshadeena ku abtirsata diinta macaanka, naxariista iyo bushaarada badan ee
islaamka.inaga oo adeegsanayna wax kasta oo mudaakiro iyo xus inoo kordhinaya.
Baraarujinteenan waxaynu u adeegsanaynaa suugaanta oo fure u ah dareenka

Tusaale (timo,gabay iyo dareen-shacar-shicir-shucuur) intuba waa kalmad qudha oo siiqada odhaahda
ku kala duwan
Buugan waxa aynu ku baran doonnaa magacyada allaah (swt)
Awalan cilmiga asmaa’adu waa aqoontii uu allaah (swt) ku khaliifay abuunaa AADAM (cs)
waayo cidina cid ama shay aanay aqoonsan waxna kama kororsato waxna uma kordhiso
dhakhtarka saldhiga dugsiga iyo meel kasta oo bulsho loogu shaqaynayo inta aan wax kale lagu waydiin
waxa ugu horreeya ee lagu waydiiyo ayaa ah in la aqoonsado magacaaga
shay kasta waxa uu qabto waxa ka turjumaya magaciisa
meel kastana waxa aad ugu tagayso waxa aad ku fahmaysaa magaca loo bixiyey meeshaasi.
Cibaadaduna waa wixiin laguu abuuray
Cimliguna waa waxa lagugu doortay
Waa xaq iyo xil lagaa wada rabo
!Hadaanad aqoon lahayn
Bulshada kama tirsanid
Waxba kuma tartid - waxn kama taransatid - wixii laguu tarayna ma ogin
Xor ma tihid – xorayn maysid – lagumana xoray karo
Horumar ma gaadhaysid
Lagaa badbaadi mayo Lagugu badbaadi mayo
Naftaada dawayn maysid - Tu kale daryeeli maysid
Janadana aqoonbaa lagu galaa _ Cadaabtana jahlibaa ku geeya
GABAYGA ASMAA,DA
Abwaan; axmed cabdilaahi aw axmed
(gufaaco-dariiqo)
Alle (swt) waxa u sugnaaday 99 MAGAC oo wanwanaagsan qofka xafidaana waxa uu galay janada.
Intaa ka bacdi waxan ku tashaday in aan hab suugaamaysan ugu sharxo dadka somalida ah asma,yada
illaahay si ay dadka u soo jiidato.
Qaafiyada gabayga
Qaafiyada gabaygu waxay u dhigantahay qaab cajiib ah
Tusaale; (m g c_a l h) oo u dhiganta sidan oo kale
Magaca_allaah marka lagu daro shibanayaasha yaryar
Qaafiyada miimka ah ama (M)
• Allaahu
Muhashada naftaydiyo
inta aanan miimkiyo
macnihiyo ujeeda
maraqxoorka uga furin
allaan mahad naqiisiyo
ku bilaabay magacii
mudanaa oo nasahanaa
ISAMka koowaad ee ALLAAHU waa ISMUL JALAALE naxwe ahaan sidii aan u fahmay waan iska daayey oo
kumaan macnaynin sidaaa darted waan ku mahadiyey si aanay uga dhalan macnaha fitan islaamiya
Macnaha aan ka tagay. alifka iyo laamka hore (AL) waxay muujinayaan magac ahaanta weedha laamka
iyo ha’da godanina (lahu)waxay muujinayaan sifaha oo ah u sugnaatay marka alifka iyo laamka lagu daro
waxay noqonaysaa AL’LAHU oo macneheedu noqonayo lehe taas oo muujinaysa lahaanshaha uu wax
waliba mulkigiisa ku jiro
• Al raxmaanu
Adigaan macbuudoow
Hadday murugto xaajadu
Raxmadaadu madhanoo
Miciin hagar la’aaneed
Ku macsuuma uunkee
Maayad same raxmaanoow
Mug waynaa gacantaadu
ALRAXMAANU waxay muujinaysaa illaahay raxmadiisa baalaadhan ee wada gaadhsiiyo uunka oo dhan
taasi oo noqonaysa mid uu gaadhsiiyo muslimiinta iyo gaalada xayawaanka daciifka ah iyo xayawaanka
qawiga ah daalinka iyo madluubka cid walbana uu gaadhsiiyo deeqdaasi markay ugu yartahay waxaynu
ka soo qaadan karnaa neecawda hawada ee mar kasta inagu sicota ee meel kasta inoogu timaada
waxa dareemi kara qofka ay oksajiintu ku rakibanyahay ee hawada qaadan kari waaye
• Al raxiimu
Adigaa makhluuqaba
mu’miniinta khaaska ah
gaar uga macsuumee
magac same raxiimoow
madashii rasuulkiyo (scw)
midhihii fardawseed
ku macsuumtay nabiyada(cs)
inta meel la joogteen
ka maqnaanin naga yeel.
ALRAXIIMU waxay muujinaysaa illaahay raxmahiisa khaaska ah ee uu siiyo cida uu doono oo qudha sida
Rususha Anbiyada Mu’miniinta Awliyadiisa oo dhan. `W2Q1 BC IJUHYGFDBHNJM,. C0060
Sidaa darteed anna waxaan inoo waydiiyay janadiisa iyo inaynu la maaqaam noqono rafiiqiisa sarsare
sida Ulul cazmiga rususha oo janada aynu meel ka wada dagno waayo waxa ugu qaalisan janatul
firdawda dhexdeedana waxa ugu qaalisan booska rasuuku scw dagay
•
• Al malikku
Mulkigiyo lahaanshaha
Hadaytahay makhluuqiyo
Mawdkiyo xayaatada
Maalikyowmudiinoow
Adaa maamulaayooy
Midigtaadu haysaa
Noo miciin miciin oo na magan gali
Allaah swt waxa uu inoogu sheegay qur’aankiisa marar badan in uu yahay malik ay gacantiisa ku jirto
mulki dhamaantii oo uu abuuray geerida iyo noloshaba si uu idiinku imtixaano kiina adiinku camal fiican
waana cazziiz waana qafuur (suuratu mulki)
• Al qudduusu
Maamuuska sharaftee
Magacyada ku dheehani
Milgahaaga weeyoo
Hufnaan magac sareeyiyo
Siyaaxada intaw mudan
Qudduus lagu macneeyoowwa
Anna muhashadoodii
Waanigan mabsuudee
Mawjadaha xasuusteen
U muquurtay khayrkiyo
Miyirkiyo aqoonntaba
Muftaaxooda noo dhiib
Allaah caza wa jala waxa sifaadkiiisa iyo aamaa’adiisa wan wanaagsan ka mid ah qudduus oo ah allaha
dahiran ama hufan taasina allaah oo meelo badan oo qur’aanka kariimka ah ku muujinayaa waxa uu
yidhi
• Al salaamu
Boqorkii mudnaayee
Masaa’iibta guudiyo
Dhibta iyo mushkiladaha
Goortii loo miciinsado
Magantiisa bixiyoow
Muslimbaanu nahayoo
Macaagaanu noqonoo
Calan magacyadaadiyo
Tawxiid ka muuqdoo
Malaa’iigtu dhawrtoo
Adiga kuu macsuumoo
Masanuuntii diintiyo
U mimbera islaamkoo
Xaqa macalinkiisiyo
Waa muraayadiisoo
Waxan ahay madluuboo
Waa ii markhaatiye
Xaajadii murgacataba
Ninka maamulkoodiyo
Milgihii asxaabtiyo
Khulafadii matali kara
Nin masaalka cumarloo
Maamuusa taladoon
muraadkiisa nagu dagin
oon muruqa xoogiyo
ka xistiyin martabadoo
maatida xasilinkara
qarankana midayn kara
mahdiga dhalashadiisiyo
masnadiisa nagu sima
milgahaaga nagu sii
• Al mu’minu
• Al muhayminu
Mu’min sugan mid waaxida
Oo cidi matali Karin
Ma hagrade milgaha sare
Qasnadiisa muushka ah
Isagoon masuugayn
Madhax iyo tudhaal li’i
Awliyada mafsuudka ah
Muftaaxeeda siiyee
Sir ku muunadaystoow
Adigaa muhaymina
• Al cazziizu
• Al jabbaaru
Mawloow caziizoow
Xaajo kaama murugtoo
Muruq kuguma daaloo
Fiiro kaama mudatoo
Adigaa majarihiyo
Qorshahaw mubaaxoo
Marqudhood ahaw tidhi
Makhluuq idil ka yeelaye
Jabbaaroow martabadaa
Mahad kaaga celiyee
• Al mutakabiru
• Al khaaliqu
Dhulka madasha buuxshiyo
Badda amarka maqashiyo
Samadaa muggeediyo
Khaaliqii makhluuqoow
Adigaa mutakabira
• Al baari’u
• Al musawiru
Dhoobada madawee
Aadan laga min guurshiyo
Mani farac ka beermiyo
Midho siidh ka joogoo
Dhirta laga musbaariyo
Fadli maaxsha uunkoon
Nashqadooda meel kale
Aan looga soo madhin
Iyadoo macnawiyiyo
Maadiya la dhugan karo
Ku kastoo muta’amila
Muuminimo ku xeel
Baari’ul musawiroow
Macnohooda garansiiiiii
• Al qaffaaru
Allihii mudnaayee
Muhlak iyo qof mawjado
Mugdi galay minkaw culus
Maqaarsaarka shaydaan
Mukhayalo ku daawada
Adigaan ka maanicin
Makhraj lagu badbaadoo
Irsiq midho ka badan iyo
Sirta ugu miciinee
Yaa qaffaaru yaa maaxi
Faraj macal akhwaaniin

• Al qahhaaru
Ninka maal aduunyiyo
Irsiq madhan ka joogee
Saxal meel ka haystiyo
Naxsi ugu minkowsaday
Adigaa mujiiboow
Codsigiyo maqaalada
Dhibta kaga malmaliyoo
Tu loo maaro waayiyo
Tu markaa na haysaba
Adigaa muquunshoo
Mar kastaba na dhawree
Qahhaaroow ku mahadshee
Naga fayd masiibada
• Al wahhaabu
• Al razzaaqu
Adaa kala mashkixiyoo
Aadamaha maqaam sare
mihiimsiiya sharaftida
muwaahabada dheeftiyo
ceeshka maayadiisana
midigtawga dhiiboo
way ka sii mugwayntahay
suuraha makhluuqee
mucdinaa wahhaaboow
maa lanaa ilayka
mulkan yaa razzaaq
Qaafiyada caynka ah ama (G)
• Al fattaaxu
• Al caliimu
Adaa guusha fureheeda
Garta waliga siiyoo
Adaa gacalka diintaada
Ku galada arwaaxdooda
Fatxi aan gumoobayne
Adaa gun iyo baar kawnka
Sirta nagu gadaanaatay
Cilmigeedu kuu gaaryey
Ciddii aad u garatiyo
Rusushaada lagu gaadhye
Na gargaar fattaaxoow
Noo godol aqoontaada
Guulahay caliimoow
• Al qaabidu
• Al baasidu
cid kaa gaar ahaatiyo
gargarkale ma sugayoo
adaa gacan furnaantaada
gaal iyo islaamkiyo
mid gaffuurka taagaba
ka goynayn masruufkoo
qabashada nin gaadh fiican
guutooyin lagu meershay
gunaanada markaad doonto
gabbashana ku dhaafaynin
waa adiga guuloowe
gurmadkaaga yaa qaabid
galadaa yaa baasid
• Al khaafidu
• Al raaficu
allahayoow guga hooriyo
abaar geedaha leefta
adigaa xilli guurka
gadba meel uga daaroo
khaafid guul ka qarsooniyo
raafic guudka sareeya
carshigiisa ku gaadhoow
guulloow hay qadin maanta
• Al mucizzu
• Al mudillu
adaa kala gunneeyoo
garanwaa cizzeeyo
gob mudnayd duleeyee
yaa mucizzu yaa mudillu
guulloow martabadaa
• Al samiicu
• Al basiiru
gacantaadu furanaa
galaddaadu badanaa
gunta badaha waxa jooga
iyo guudka barrigeena
adaa wada gardaashoo
geeraaradoodiyo
goohooda baxa iyo
dhibta uga garaaboon
kaa gadmayn basiiradu
yaa samiicu yaa basiiru
• Al xakamu
• Al cadlu
• Al ladiifu
• Al khabiiru
• Al xaliimu
gafba dhaafihiiyoow
guddi kulama talisoo
adaw kala gar qaadoo
xukunada u gooyee
yaa xakamu gudoonshoow

cadli gaara weeyoo
lidfi godobta reebiyo
khibradaada nagu gee
gadihii anbiyadioo
na gunnee xaliimoow
Qaafiyada caynka ah ama (C)
• Al cadiimu
• Al qafuuru
inaan ciddi yar samadaa
caadyari ku haynay
cuqalada wax baadhiyo
cilmigay ku sugantoo
daruuraha cartamayiyo
fadad wada camirannoo
cufka biyaha saarani
ku culaysinaynbaad
nagu caawisaayoo
waa cadamadaadee
cafwan caadilkayoow
cindaka qafuuroow
• Al shakuuru
• Al caliyu
inaan dunida ciilkiyo
caddaloolka saxadiyo
mid ay gaajo calaftiyo
dharag lagu cawaysimo
jiilaal curaaftiyo
cawo dhalad gu saac badan
xilliyadan cajiibka ah
isku caabiyeysood
hadba calan u taagtaa
waa cadamadaadee
shukran yaa caliyo
cawnan wa nasran
• Al kabiiru
• Al xafiidu
bal cibaaradoodiyo
allow yaa cirkaba daya
dayax iyo cadceeda
cutinaysa socodkiyo
xidigahan cirjiidhiyo
falagaa canjalada ah
een caajisaynee
cilad li’I sabeeyaa
waa cadamadaadee
caynaankaaga waynoow
cismadaa xafiidoow
• Al muqiitu
• Al xasiibu
ceeryoonka noolaha
coomaade iyo haad
cayayaanka duuliyo
inta ciida socotiyo
badahaa camiraniyo
caleemaha dhiraha iyo
cagaarka iyo doogiyo
curub wada iffaysiyo
calafkooda badanbay
ku casuumanyiinoo
cissigiyo xannaanadu
cisho kama go’aanoo
cabirkiyo xisabtiyo
cadadkooda badanbaa
tiro kuu cayimanoo
waa cadamadaadee
yaa muqiitu yaa xasiib
• All jaliilu
waxan ahay cabiidkii
cibaada la saroo
annagoo ku caasinay
inaad cafis na siisaa
waa cadamadaadee
caadiloow jaliiloow
codka iga ajiiboo
cadaabtaada naga hay

•
• Al kariimu
cissi sharaf la dheehdiyo
haybad loo cumaamado
kaad calanka saartaa
maamuus cigaalane
karaamadu ha curatoo
waa cadamadaadee
cilmigaaga nagu sii
• Al raqiibu
cidkastaba aduunyada
malaa’iig catiidiyo
codka baxa raqiibaa
xaashiyaha camirayoo
caadkaama saarnee
iyagoon ku caasiyin
cilmi badanihiiyoow
waa cadamadaadee
caffi yaa raqiib
• Al mujiibu
adigaa codkoodiyo
u cawila dhambaalkoo
cabashada adoomuhu
ku culaysinaynoo
waa cadamadaadee
waxan kaa codsanayaa
cilliyiinta sare iyo
qasnadaha camiran iyo
fadli caama oon gudhin
cusri li’I mujiiboow
• Al waasicu
• Al xakiimu
raxmadaada curatiyo
deeqdaadu waa caam
noloshana cubbaad iyo
cussaad dabarka goysaad
labadaba cibaariyo
casharada xayaatada
musaabaqo cajaa’iba
ugu calamo taagtoo
waa cadamadaadee
yaa waasicu yaa xakiim
• Al waduudu
allow caashaqaagaan
citiqaadsanahayoo
curuuqdiyo lafaha iyo
cadalaadka muruqiyo
wadnaha curiya dhiigaba
caafimaad qabkoodoo
niyyo aad cammiratiyo
qalbi adiga kuu culan
calmashada xuskaagaa
calafkooda noqotoo
waa cadamadaadee
jannada ceerigeediyo
ceelashii fardawsiyo
caanaha durdurayiyo
cadrad xuuralcayniyo
beeraha carfiga badan
inta lagu casuumeen
ku cidloonin naga yeel
• Al majiidu
makhluuqaadka cayntiyo
cirka iyo hawada iyo
ceegaaga baduhuba
col ma daafacaanoo
abaal kuuma celinoo
cissigiyo karaamadu
waa cadamadaadee
caqiidada hanuunkiyo
calaf waara eeboow
• Al baacisu
• Al shahiid
iyadoo carada iyo
aduunyadu casilantoo
dhirtu xaabo ciirtiyo
caws duuga noqotaad
circa maraqii saarnaa
cisho uga furtaayoo
caasifaadka riixdiyo
cimilada xayaatadu
hadawgii ku ciiriyo
ka rogtaa culayskoo
waa gaddii cusayroo
in dib laysku soo celin
iyadaa calaamiyo
cibro noogu filanoo
waa cadamadaadee
cardigaad abaalada
ciilmoog dulloobiyo
qalbigii cabsoonjiray
ugu kala cadgoyseed
kitaabada u celisaan
farxad kaa codsanayaa

suuratu fusilat(39) suuratu furqaan (48-49) suuratu baqara (259)
• Al xaqqu
cadibkiyo qiyaamaha
maalintaa cakiranee
xaajadeedu culustahay
kuwa cawda loo jaro
gaf kumaad cadabine
adigoo cafiyi kara
waa cadamadaadee
xaqbaa cula quluubtee
allow hay canbaarayn
• Al wakiil
codkii nabi ibraahiim
markii ay ciddiisii
ku daffeen cadaabtee
qaansadu cantuugtee
sida wadhafka loo cudhay
caawintii malaykiyo
markuu ciirsi kale nacay
alluhuu cuskadayee
ciilka uga nusreeyoow
waa cadamadaadee
taladii cakirantaba
faraj noogu caamyeel
• Al qawiyu
• Al matiinu
caad iyo samuud iyo
colaalkii fircooniyo
ciidan dabarka goostiyo
allaha cudud nin sheegtaba
ka cayima arwaaxdoow
quwo laga cabsoodiyo
caaliyadu matiinoow
waa cadamadaadee
gaalkii caweer iyo
duqaad naga colroon iyo
faajirkaan collownaba
adaan kuula cabanaye
allow ciidda hoosmari
• Al waliyyu
ma cabsaso ma ciillana
iimaan cammiranoo
caqiidada illaahay
ku caziimo qaataaa
waa cudud tamaamiya
ciddaad wehelisaayoo
citqi labada daarood
addaa nagu casuumoo
waa cadamadaadee
na cizzee allahayoow
• Al xamiidu
Annagoo cadilanoo
Cuyuuntii aduunyadu
Asnaam caabudaysoo
Cudud laysku sheegtiyo
Cawaj laysku dala’sado
Allaha calanka diintiyo
Carfigii islaamkiyo
Caynaankii rasuulkiyo (scw)
Daaha nagu camirayoow
Waa cadamadaadee
Cizzigiyo mudnaantiyo
Culuwada sarayntiyo
Ciffadaba adaa suggay
• Al muxsii
Camalada adoonkiyo
Cimrigiyo xayaatadu
Way kuu cayimantoo
Caymiskii ayaantaa
Laysku ciirsan maayoo
Aduunbaa cafiyi kara
Ceebtaanu darisnoo
Waa cadamadaadee
Curwatul wuthqaha iyo
Cismadaada nagu dhawr
• Al mubdi’u
• Al muciidu
Curiyaha alkumayee
Cadam aan wax jirin iyo
Cidla madhan aduunyada
Ahaysiiyey ciiddee
Circa iyo hawada iyo
Nuurkawgu culayee
Cisho sida kitaabada
Cidhif cidhif u duubee
U celiya halkeedoow
Waa cadamadaadee
Cidhibtii samaatiyo
Caqli doojis noo yeel
(Suuratu ruum _(27) suuratu
• Al muxyii
• Al mumiitu
Adiga cidaan ahay
Ka abuuray ciiddoo
Candhuuf naga min guurshoo
Calaqada biqlinayoo
Calashiga mudqada iyo
Seedaha cajiibka ah
Cidaamkaw gadiyayoo
Cadka soo huwinayoo
U curiya arwaaxdoo
Cindigaaga barakada
Cajabada abuurkaa
Cibro noogu filanoo
Noloshaa cabiranoo
Cisho xaalku daranyaa
Cardi laysku tubayaa
Cillo dii abuurkiyo
Cufkii diinta weeyoo
Waa cadamadaadee
Cawadkii na deeqiyo
Cafi noogu daahiri
• Alxayyu
• Al qayuum
Wajiyadu calaqanaa
Kala caynad roona
Dulmi kii cantoobshoow

Caloolyowgu daranaa
Camal suubanaantaa
Cabsi kaa dawaysee
Caamilkii dadaalaa
Calafsaday hadhkaagee
Allow caadil sanidaa
Abidkii ma cawdaha
Aan caajisayneen
Cidna mooganaynoow
Waa cadamadaadee
Bankaa ciidda lays tubay
Cidda loo hadheeyiyo
Caruusiinta naga yeel
Suuratu daah (111-112) suuratu baqara (255) suuratu cimraan (2)
Axaadiis
• Al waajidu
• Al maajidu
Allaha culimadiisiyo
Awliyada cafiifka ah
Cududooda koriyee
Caarifiin ka yeeloow
Cuudkaanu dhaqaniyo
Adaa calanka diintaba
Calaf noogu sugayoo
Citimaadka noolaha
Aduunbaa casili kara

Sharaftana cigaaloo
Waa cadamadaadee
Cuyuuntii firdawsiyo
Kuwaad ceelka raaxada
Ku casuumto naga yeel
Qaafiyada alifka ah ah (A)
• Al waaxidu
Alloow alle waaxidoo
Awlaada ka reebanoon
Aabiyo hooyaba lahayn
Ooriyo ka nasahan dacfiga
Awwooda dham ayska tiran
Amarku laxdadii kastaba
Ahaado siduu la rabo
Adaa irkashada khalqigu
Aayaha lagu deexdo iyo
Dantooda aroortay tahay
• Al samadu
Adoon ku adeegashiyo
Abaal ka sugayn khalqiga
Arlada waxa teedsaniyo
Cirkiyo xidigaha ifiyo
Usuusha makhaluuqa iyo
Alwaanta sifaysa iyo

Abuurka dhamayska tiran
Waxaa adawaat ratiban
Qalbigu ma ilduufayee
Allow samadoow raboow
Amuuraha nooga sahal
• Al qaadiru
• Al muqtadiru
Axbaabta hanuunsaniyo
Siday anbiyadu qireen
Ogaal nagu caymiyeen
Looxbaa arimaha xifdiya
Amarka lagu daadahshaa
Iraadshoow qaadiroow
Ahaw mar qudhood tidhaa
Ishoon baalkeedu qaban
Alkuma khalqigaad tahoo
Aqwaasha makhluuqa iyo
Ijaabada khayrka iyo
Irdhada lagu daalacshiyo
sirtaad nagu aamintiyo
Wixii ku aroora qayb
• Al muqadimu
• Al mu’akhiru
Adaa awaliinta iyo
Abkaad naga beertay iyo
Ayaamaha dawliska ah
Eel reeb dumadaw safoo
Sidii awlalkii shinida
Edega maqashii kacdaba
Aasaar kaga daadahshoo
Aroori duntaa xidhoo
Ayiday ku adeecsaniye
• Al awalu
• Al aakhiru
• Al daahiru
• Al baadinu
Ada awwaloo adaan
Hortaa cidi uumanayn
Adaa uunkiyo khalqiga
Oofsada waxa duul alkuman
Adaan axad kaa sarayn
Ogaalo wixii dahsoon
Tu aasani kaa dadnayn
• Al waalii
Adaa u ilhaamo siiya
Awaashiyo daymadeeda
Ukunta diin aga wareega
Ishiyo aragita hanuunsan
Idaarada maamulkiisa
Adaa ku ilaashanayaa
Afkiisa markuu ka liilsho
Abaaraha luunka daysto
Ayaadka hidaayadooda
Iimansaday waynidaadoo
Qaafiyada laamka ah ama (L)
• Al mutacaalii
Xidigaha lalmanayee
Lakabyada sarsare taxan
Liibaanta nabigiyo
Sitraduu labeegtii
Laylkii israha tagay

Laydhii carshiga iyo
Laaxinkiifardawsiyo
Laqan taashku hadhiyoo
Nin ladaabta khayrkoo
Sida laabta xuunshada
Kal laxiima yeeshoo
Libintii acmaashiyo
Laasimkii cibaadada
Liishaantay hoy u ah
Adaa laamahaa sare
Lingaxaw adkeeyee
Noo loog barwaaqada
• Al barru
• Al tawaabu
Laylkiyo cibaadada
Isha libiqsan waydee
Laamadood ka sabirtaay
Afkan luunku gawracay
Laxadaadka soonkee
Laasimay adkaartoow
Lugi faras ma gaadhee
Layli buuba baan ahay
Lagga xuuralcayntiyo
Leexada fardawsiyo
Ladanoow rasuulkoon (scw)
Laasimo agtiisana
Qalbi lahashadeedii
lubigaw habseeyiyo
naftan laaca badisee
looliga ku dagantaay
lil barri wal tawaab dhugo
shar ku loodin maayee
• Al muntaqimu
• Al cafuwu
Leedada sange laydha raaca
Lugtiyo lahashada is wayday
Lur iyo shabakado lugooyo
Laan daaqa ku hoobta looli
Markuu lahashada hungaysa
Ladaabto hamuumyadiisa
Adaa dabinada ku liigan
Liishaanada toobadkeenka
Ku looga caf liisankiisoon
Laxawsiga baaqa diidin
Qaafiyada ha’da ah ama (H)
• Al ra’uufu
Calooshooda hugmaysiyo
Qalbiga hiilka na siiya
Haaneedkaanu dhamayno
Bogeedaan huwanaayey
Naxariista hilaaban
Raxmadaada hadhaysay
Hogaamintooda wanaagsan
Aduunbay hibadaadiyo
Hilaadaadu sugtaayoo
Waa midaan la hurayne
Allow hoyga fardawsa
Hayin fiican ka sii.
• Maalikul mulki
• Duljalaali wal ikraam
Hantida maalka aduunyiyo
Badwayntaa hirdamaysiyo
Wabiyaal habqabaayiyo
Circa heegada saaran
Meerayaasha habaysan
Cadceedaa hurinaysa
Hirkiyo laaca humaaga
Wakhtiga heenka la saaray
Abaal hoodo ku seeran
Waa midaan la hurayne
Waalidkii na hanuunshay
Allow hooyga fardawsa
Hayin fiican ka sii
•
• Al muqsidu
• Al jaamicu
Haybaddi sharaftiisa
Sayidkaan hadhsanaayiyo
Nuurkaa heegga na saaray
Haldoorkii rusushaada
Waa mid aan la hurayne
Hayin fiican ka sii
• Al qaniyyu
• Al muqnii
Hadiyad aad u saraysiyo
Hibaaq soo carfanaayoo
Hamuumtii naga reebiyo
Hayin fiican ka sii

• Al maanicu
Habaaskii nagu raagiyo
Aduunkoo halcanaayoo
Haadda laysu dhigaayo
Sayidkii na hanuunshee
Shaalka noo huwinaayiyo
Hayin fiican ka sii
• Al daarru
Humaagii dhalanteedka
Hiimadii na asqaysiyo
Hayaaydii dami wayday
Hoodadii ka dambaysiyo
Hayin fiican ka sii

•
• Al naaficu
• Al nuuru
Habeenkoo na dabooliyo
Hugii foosha xumaa iyo
Hiiftaankaan damqanayney
Hadyadaa ka dambaysiyo
Hirkaa maanta na deeqay
Hayin fiican ka sii
• Al haadii
Hoottadii dadbanayd iyo
Heelladaan ku dagmaayiyo
Hanuunkaa sumadiisa
Haadigii kala saariyo
Hayin fiican ka sii
• Al badiicu
• Al baaqii
Hooraantii laga beermiyo
Halkaa manta la joogo
Kii halbeega ahaa iyo
Hayin fiican ka sii
• Al waarithu
Gaal habeen kuma seexdo
Sidaa loo haqab beeloo
Qalbigii hadhsan waayey
Hiilkiisu tabayaaye
Hadafkaad dhaxalsiisiyo

Hayin fiican ka sii
• Al rashiidu
Waa hogaanka badhaadhe
Doontaa loo wada hoydo
Waa hanuunshaha diinta
Seerahaa hanka buuxshay
Hadhiyo waa dugsi hoodo
Hadhuub laysu hambeeyo
Horseedkaa lagu deexdiyo
Hayin fiican ka si
Al sabuuru
Sidaan kuugu hadraayey
Laabtu kuugu hugmaysay
Sidaan kuu hidinaayey
Hurdo kaaga saqaafay
Hamigayga fogaaday
Sidaan kuula hadlaayey

Shucuurtayda hayaantay
Hawraartaada u sooman
Maalintaan ku hor joogo
Halacsi aan wajigaaga
Haybadaada riyaaqo
Adoo hiilka rumeeyey
Hormadii lagu reeyiyo
Xawdkii laysku habaayiyo
Hadhacii rusushaadiyo
Allow hoyga fardawsa
Hantidayda ka yeel
Gabayga ducada ah ee aabo ii tiriyey
Adigaanu kuu baahanee
Boqorkayoow hee dhe
Adigaa na barbaarshee
boqorkayoow hee dhe
Adigaa badbaadada hayee
Barashadii diinta
Qalbigana barbaar shoo
Ilaa
Barashada quraan kiyo
Cilmi baahsan nagu sii
Daahir iyo baadina
Badwayntaa rasuulkiyo
Barakada na qaadsii
Faadumada buurtiyo
Xasan baariga ah iyo

Xuseenkaan u baahnaa
Cilmigooda nagu badi
Basiiradana laabtiyo
Noo buuxi badankaba
Barakada rasuulkiyo
Aala baydka bilanayiyo
Nagu badbaadi diintaba
Bangigaaga diintiyo
Baadin iyo bidaahiiri
Barakadaba noo dhiib
Baytullaahi macmuur iyo
Bil muntahada noo mari
Xamdigaaga baahiyo
Bisinkaaga bilan iyo
Birigaaga nagu dhawr
B da nagu xijaaboo
Balaayada na baal mari
Badihii cilmiga iyo
Boqortooyadaadaan
Ku badbaado doonee
Barakadii rasuulkaan
Kaa baadi doonee
Burhaan aala baydbaan
Kaaga bahanaye
Arjigaaga boodeed
Ahaw uun ku bixisaan
Bicisati ku doonee
Bil salaami anbiyaa
Xamdigaaga baahiyo
Bi, ismil acdamka bidhiqsiga
Boqoroow ku soo beeg
Inankaagan baxarkiyo
Barakadaba lagu dhalay
Ha ka sii bilaabooo
Bad wayntaa ha sii wado
Carshigaaga bilanee
Barakada dhamaanteed
Laga baafiyaabaan
Kursigaa barakada
Kugu soo baryeynaa
Waxan kaaga baahnahay
Ismul acdamka barashada
Qalbigayga buuxsado
Bi aaamiin allahayoow
Gabayga anbiyada (allaah czwj)
calayhim salaam
aadam iyo ululcazmiga
abwaan
axmed c/laahi aw axmed gufaaco
• nabiyulaahi aadam calayhi salaam
asalkaanu lahaynoow
unugii laga beermoow
udubkii lagu joogoow
kii aqoonta la siiyee
loo ibaaxshay sujuudoow

khaliifkuu alle doortee
aduunkoo dhan la siiyoow
assalaamuu calayka
yaa abul basharayni
• nuux calayhi salaam
nabiguu alle doortayoow
nadiirkii u horeeyayoow
nis dambeedka habeenkii
naa’imiinta ka seexday
naadigii u dhawaaqee
maalintii nasan waayoow
kii nasteexada diinta
nimcadeeda la raacshee
naarahawga digaayoow
naftiisii halagamaysay
nuurkii loogu yaboohay
nasteexiisa badbaadiyo
doontii noolaha deeqday
gaaladii nafta wayday
nadaamaduu ku daboolay
markii noole dhamaaday
nudubtii laga beermoow
nabiguu alle doortoow
nuux calayka salaam

• ibraahiim calayhi salaam
oofintintii wacadkiisa
kii aayaadka quraanka
illaahay ku amaanoow
kii awooda kufaarta
naarihii alwanaayey
malaa’iigta adeegta
arxankeeda ka soomee
illaahay ku sabraayee
amniga loogu yaboohoow
nabigii amranaayee
oomankii saxaraha
ooridiisii rumaysiyo
ilmihiisa ku dhaafee
toga looga afjeexoow
kii suxuufta adeegta
akhbaarteeda la siiyoow
aabahayga rumaadeey
isirkuu rabi doortay
abtirsiin ku maraanoow
ilaykuu rabi daaray
kay duntiisu ahaydoow

odxaduu wehelkiisa
amarkii lagu siiyey
ismaaciil birta saaree
wanka oofaha waynle
eebahay ku fardaanshee
aqwaashiisii hufnayd iyo
takbiirtuu afka saaray
lala oogay taxmiidoow
eedaankiisiyo baaqa
arladaa barakaysan
udbahaa kacbadeena
xajarkaa aswadan
asraartaa lagu dayray
ilhaamhuu rabi siiyey
wali ooganyihiinoow
asalaamu calayka
ibraahiimul waffaa
yaa abul fudalaa
• muusaa calayhi salaam
markii awdhalanaayey
maamadii qarinaysay
kii muraadada fiican
illaahay makansiiyoow
kay dartii u madheenee

sanduuqqii lagu moorshiyo
maayaddii lagu qaaday
fircoonkii magligiisa
maatidooda ku laayey
maqaamkuu daganaa iyo
muskiisuum la dul joojee
illaahay ka masruufee
arladii makansiiyee
mija xaabshay kufaartoow
muruqii alle kaabiyo
midigtii la cizzeeyoow
habeenkuu mugdigii
marwadiisa ku dhaafay
milicsiguu dabka mooday
markii nuurku daboolay
maah gartee ku hanuunoow
mucjizaadka la siiyey
ushiisii mirirkiiba
maska looga dhigaayiyo
mulaaxdaa garabkiisa
nuurkii looga maleegiyo
malkaduu daganaayee
masnada looga dhigaayiyo
gaaladaa midhohooda
ayaxii madhiinaayiyo
mawjadii guryohooda
maqiiqnaanta la jiidhiyo
duufaantii lagu miisee
mooraduugay colaalka
kii miizaanka lahaayoow
markii gaadh lagu meershay
baddii loo kala moosayiyo
biyihii kala miirmay
marinkii laga siiyeyey
kii meeleeyay dadkiisee
masaakiinta la dhoofee
fircoon mawjadu qaadoow
allihii makrigoodiyo
muhlikiinta ka soocay
maaxiguu qudus k eenoow
kii maxfuudka duraantee
muslimiinta ku duugan
miciinkuu alle siiyey
isagoon ka masuugin
u masayray dadkiisee
macneheeda la siiyoow
ka mug wayn qirahayga
maqalkii waxyigaagiyo
milgihii lagu siiyay
warkeedaan madhanaynin
inaan meela ka baydho

muusiihii xaqqa maaloow
meersigii ciliyiinta
maqaamkii rusushoo dhan
illaahay ku macsuumay
inaanaan ka maqnaanin
madasheenu ahaato
malayka noogu yaboohdiyo
ergo noogu muraadiyo
mawle hayga ajiibo
maqaalka iyo su’aasha
kii muraadka samaayoow
sidaan kuula muhday
salaantaydu markaaba
meeshaad joogto ha gaadho
• ciisaa calayhi salaam
ciidda dhoobada taaliyo
kaan candhuuf laga saafin
cidaamka iyo jidhkiisee
ruux cullaagu ka uumoow
calooshii lagu beeray
markii ceebta la saaray
cirdigeeda la qoomay
carabkii lagu dhawriyee
sharafteeda cigaaloow
gaaladii cudcudnayd iyo
kay caweer balameenee
cidhibtooda jaraayoow
cawadaanu sugayniyo
cawadkii muslimiintoow
ciirsigaanu tabaynee
caasifaadka lahaayoow
asalamu calayka
ciisihii la kor yeeloow
• muxamed calayhi salaatu wa salaam (sayidkii anbiyada)
Nabigii amaanada
Aayaadka diintiyo
Xaqqa nagu ogaayoow
Axmedkii axbaabtiyo
Uunka loogu deeqoow
Sayidkii anbiyadoow
Asalaamu calayka
Nabiigii mudnaayee
Neefaafkii abaraasaday
U naaxeen dartiiyee
Nuujintii xaliimana
Naaseheeda dararshoow
Nuurkii asraartoow
Asalaamu calayka
muxamed calayhi salaatu wa salaam (carfiga makka)
Muxamadoow rasuulkii
Miyirkiyo xuskaygiyo
Maankiyo quluubtaba
Lagu mayracaayoow
Nabigii mudnaayee
Xaqa muujinaayoow
Asalaam calaykaa yaa rasuulalaahii
Magligiyo bilaawaha
Seefta muruqa jiidhiyo
Dirir madaxa lays jaray
Gaalada muquunshoow
Mudanihii adoomaha
Mimberka looga dhigayoow
Asalaam calaykaa yaa rasuulalaahi
Malaa’iiktu jeexdee
Maanka loo sifeeyee
Laga maydhay xumohoow
Rabbi kuu macsuumee
Circa miridh ku dhaaffoow
Assalaamu calaykaa yaa rasuulalaahii
Muxamdoow rasuulkii
Maxsharkiyo qiyaamaha
Wasiilada muggeeda le
Mawluhu aqbalayoow
Miciinkii islaamkee
Sirta loo macneeyoow
Assalaam calaykaa yaa rasuulallaahi
Mucjizada la siiyee
Farihiisa malabkiyo
Durdurku maaxanaayoow
Macaankii fardawsiyo
Xawdka mawjadiisoow
Assalaam calaykaa yaa rasuulalaahi
Muxamdoow rasuulkii
Mugga buurahaa culus
Dahab loogu madhayee
Nafta maara galiyoow
Milgihii islaamkee
Murtidaw xambaaroow
Assalaam calaykaa yaa rasuulallaahi
Mawliidkiyo israha iyo
Maqaamkiyo dikriga iyo
Madxigiyo xuskaana
mirir kama maqnaadee
carfigii makkaadee
naftu maaxinaysoow
assalaam calaykaa yaa rasuulallaahi
muhashada naftaadaan
u muhdaa quluubtoo
mawjad iga tanroonbaa
miranaysa laabtoo
hadba maayadeedaa
I muquurinaysee
Midigtaada ii dhiib
Muftaaxii anbiyadoow
Aan muquurto khayrkee
muxamed calayhi salaatu wa salaam (curwatul wuthqaa)
aduunyo ku siisan mayo
adaa uunkaba samaystay
ogoow adigaa ogsoone
aqoon kugu doorsan mayo
aheey ah intaan idhaahdo
adiga kugu eersan maayo
allow ku aqoonsannee
akhlaaq badanoow rasuulka.
ijaabada nooga yeel.
muxamed calayhi salaatu wa salaam (curwatul wuthqaa)
salallaahu calayka yaa cawnal ciliyiin
salallaahu calayka saalixul culamaa
citqunaa fil islaam curwatul wuthqaa

salallaahu calayka
sayidkii ciliyiintoow
suurad’\dii alraxmaanoow
salallaahu calayka
salallaahu calayka
suubanoow nabigiiyoow
sitradii miciraashkoow
salallaahu calayka
salallaahu calayka
saabiqii awaliintoow
samsamkaanu dhamaynoow
salallaahu calayka
salallaahu calayka
siiradii alraxmaanoow
saamigii ajalaynkoow
salallaahu calayka
salallaahu calayka
saxwadii amranaydoow
seefihii idmanaayoow
salallaahu calayka
salallaahu calayka
sayladii darajaadkoow
salallaankii jamirnaayoow
salallaahu calayka
salallaahu calayka
saa’imkii kaba raystoow
suufkii raaxada diidoow
salallaahu calayka
3546792 c/ khaddar
Jamhuuriyada Somali land date 13/05/2014
Ujeedo; codi qiimay gabay diini ah
Aniga oo ka mid ah aftahanka jamhuuriyada Somaliland
Markii aan arkay baahida loo qabo in diinta iyo dacwa la gaadhsiiyo bulshadeena oo ah bulsho diinta
islaamku si mugleh uga muuqato
Isla markaana aad u qiimaysa suugaanta
Markii aan arkay suugaantan danbe oo run ahaantii
U eegaatay dhaqamadii gaalada.
Waxan jeclaystay in aan alifo gabay aan hore soomaalidu u tirin oo ay ku dhanyihiin 99 ka magac ee
ilaahay
Sidaa darteed waxaan wasaarada diinta iyo awqaafta jamhuuriyada Somaliland ka codsanayaa in ay ila
faaqidaan oo ay ila daraaseeyaan gabaygan.
Madaama oo ay ku jirraan magacyadii illaahay (swt)
Allaa mahad le
Gabayada ducada ah
Allaah (swt) waxa uu yidhi (nabi muxamadoow) marka ay adoomadaydu ikaa waydiiyaan anigu waan u
dhawahay waan aqbalayaa
Gabaygan waxa la yidhaa (faraj)
(dariiqo)
Allaha falaga meeriyo
Xidigaha finiinka ah
Foodsaar ka yeeloow
Fayo dhawr ku saameel
Farsamadan lifaaqa ah
Allaha foosha dihinee
Radiidkeedu faashaday
Nuuga kaga furfurayoow
Faraceeda damalka ah
Abaal fidha ka wada sii
Allaha faxal deeqdiyo
Nimcadaw fatihiyoow
Kuwa faranku daashaday
Nasrigaaga fahamsii
Allaha kala fardaanshee
Tiiyoo galawgu foodhyoo
Faran iyo colaad tahay
Maxabada intuu furo
Kuu rabo fitneeyoow
Faraj calal muslimiin
Allaha faysaskuu xidhay
Ciddii fiishta loo sudho
Nuurkooda fidiyoow
Kuwa fahamka dheeree
Ficilada khawaasta ah
Fulintooda loo diray
Een kaa fitnoobayn
Filka sare na gaadhsii
Allaha filimadiisiyo
Riyadaa falaadha ah
Bushaarada ku fidiyoow
Gaal kaa fitnoobiyo
Faajir baydhay mooyee
Kuwa faa’isiintiyo
Anbiyada ku faylee
Furayaasha diinta ah
Uga fayd basiirada
Gabaygan waxa la yidhaa
(kaligii taliye)
(dariiqo)
Mid aan kiis qabanaynoow
Kaligii taliyoow
Maadaan keenada haynin ?
Kaligii taliyoow
Maadigaa kari waaya?
Kaligii taliyoow
Kab maadaa huri waaya
Karin laygu habseeyiyo

Kawnkan layga habraystay?
Kaligii taliyoow
Haddaan kobo abuurta
Kuligii waxa uuman
Kii unkee aslanaayee
Kobicii u horeeyey
Kaalintii laga beermay
Iyo taan kas malaynin
Ba‘naantii naga keenayee
Korinteeda lahaayoow
Kaligii taliyoow
Kow mee aan lala koobin
Karaankiisaba uunka?
Kaligii taliyoow
Yaase kaalada oofsha ?
Kadabka yaa na af deeqsha?
Kaligii taliyoow
Yaa kifaayaha diinta
Kuliyadiisa aqoonta
Kadabaa na yidhaahda?
Kaligii taliyoow
Ciddii aan kibrahaynee
Keebka baaska ridaynee
Kas u boobtagahaynee
Kuruskooda damcaybaan
Koorsadaw tabiyaaye
Maxaa koorta I saaray?
Kaligii taliyoow
Aduunbay korsanaayee
Maxaa lay kadiyaa?
Kaligii taliyoow
Kimistayda ha goynin
Kaligii taliyoow
Kaag-gaagaan dhamayaaye
Allow hay kaliyaynin
Kaabayaal I daryeeliyo
Kadab waara I siiso
Kaligii taliyoow
Kash iyo laab nin u xaadhaanaoo
Kaalmadiisu I deeqdoo
Kaydka raadyaha joogoo
Kobcintii sancadiisiyo
Kaalintiisa daryeeliyo
Rafiiq kaalmada sii
Kaligii taliyoow
Koolkooli oo ha dulaynin
Karaankiisa u buuxi
Haday noo kas baxaanoo

Karamallaahu dartaaya
Noo kifaayo dhahaan
Karamallaah wajhahum
(muush barbaara)
(dariiqo)
Ilaahay midheheena
Muush barbaara ka yeel
Iyo beelo masruura .
Illaahay magaceena
Maqaamkiisa culaa iyo.
Ciliyiinta ku muuji
Illaahay maskankeena
Masnadiisa fardawsiyo
Masaajiidda ka yeel .
Illaahay miyirkeeniyo
Mawjadaa qalbigeena
Murtidiisa ku dooji .
Illaahay midigteeniyo
Muruqeena ha kaabo .
Illaahay mayalkeeniyo
Raayadaa macneheediyo
Mooraalkeena sarreeyiyo
Maqsadkeena ha xoojo .
Alle haynagu meersho
Junuudiisa malayka
Een muggeeda la koobin .
(cilaaqaadka sirta)
(axmed-dariiqo)
Carafaad Axmed Cabdillaahi
Illaahoow cirdigayga
Ku cigaal sharaftaadoo
Mid aan ciirin ka yeel .
Illaahoow cilmigayga
Cilaaqaadka sirtaadiyo
Ladunnaha cindigaagiyo
Caynaankaaga ka yeel .
mIllaahoow cududayda
Caawintii muslimiintiyo
Caabintii keenadiidkiyo
Ciirsi muuqda ka yeel .

Illaahoow calankayga
Jeeroo ciidda la duuboo
Kawnka layska carawshiyo
Illaa caynta fardawsa
Mid caweeya ka yeel .
Illaahoow carrabkayga
Cod ijaaba la siiyiyo
Cawwo laysku manaystiyo
Sifo ceeb ka saliimiyo
Candhuuf dibbi la saariyo
Ceelalyaynta islaamkiyo
Cismadaada ka yeel .
(juhdi)
(axmed-dariiqo)
Johoraddii xubigaagiyo
Jamashadii nabigeeniyo
Jacaylkii umaddaadu
May jartaa silcadaadoo
Janno maygu heshaa?
Jibada maanka I saaqdiyo
Jidiinkayga cadaaday
Jibaadkayga baxaayiyo
Jalaadkayga dayaamay
Jaleeco aan ku badbaadiyo

Janno maygu sugtaa?
Juhdigaan bixinaayiyo
Jaahaagaan u hanqaarmay
Jarabkaad I marsiisay
Jawaabtaan sixi waayo
Kol jibriilb ka adeego
Jidka maygu sugtaayoo
Janno maygu heshaa?
Jaahilbaan damac waayin
Jaljaleeca aduunyo
Haday laabtu janjeedho
Naftaydaa ku jeclaatay
Jaho maw noqotaa?
Jeegaagaan madhanayne
Joogtadii camalkaageen
Jirridiisa adkeeyey
Juucjuucii iga seexshiyo
Jeebbadaada I saaran
Jeelka mayga furtaayoo
Xadhiga mayga jartaa?
Sidii jaawida geeloo
Jeelanbaan hugmayaaye
Jirada maanta I qaadiyo
Ilmada jaaha I qoysay
Jidhkaygaa is guraaya
Jahanamoon ka badbaadiyo
Jagadayda fardawsa
Jinaw mayla sugtaa?
Sidaan kuugu janjeedho
Jilaabtaadaa u raadsho
Jidkaad ii dhibyaraysiyo
Jalfistaad iga qaado
Quluubtaad ku jirtaaye
Sidaad iigu jahayso
Jawaabtaada samaatay
Jalla yaa dal culaa
Jalla yaa dul cizzaa
Allahayoow jannada hayga qadin waan ku soo jiraye
Jaahii rasuulkiyo allow jamaca diintaada
Allahayoow johoradaad dhigtiyo xuliyadii joogtay
Jiilkii abraartiyo allow juhadadii gaadhay
Jaarkayga meelsare ka yeel jaamicbaad tahaye
Gabay Alle bari ah (nadaamo)
Abwaan; Axmed Cabdilaahi Aw Axmed
(Gufaaco)
Allahayoow noloshayda
Kuwii nuurka u diiday
Nasteexayga dulaystay
Naftoodaad dabartaaye
Naarahaaga ku daadi
Allahayoow niyadayda
Kuwii nuuxsi u diiday
Nidar soo qaban waaye
Naarahaaga ku daadi
Allahayoow nugul ooman
Naf bogeedu harraaday
Nudubtaa godlan wayday
Adigoo naxariistay
Kuwii neefta ku ciilay
Naarahaaga ku daadi
Allanahyoow nacabkayga
Nimcadayda qadhaabta
Naxac xaadhka I daarran
Hadaan kuu nabad waayo
Naftaydaa ku rumuysan
Nasrigeeda ha raajin
Gabayada; sarbeeban
Gabaygan waxa la yidha (Xilli guur)
(Axmed-Dariiqo)
• Waxa jira gabood cunay wuxuu gaadhka ka ahaaye
• Gonda bahal haddaad guul ku tahay goorsanbaa xigiye
• Iyana waa xiliga guurayiyo Saban gadaashiiye

• Uunkuba sumuucdaan gadfaco waa dambuu garane
• U gurguuro waayaha gingiman gool jabaad tahaye
• Durdur guuxay gacan soo rogmaday dooxo galaclaysay
• Oon god oomay goornaba afqoyn galina aan joogsan
• Iyana waa xiliga guurayiyo saban gadaashiiye
• Gool huruda gama, aan kabixin gaban ku uur jiifa
• Oo gooha iyo reenka damin giida iyo taaha
• Doofaar gaddii sumal iha guuto idil saarta
• Oo aan garaadkuba is tabin gucumaduu jiitay
• Waayeel xumaatada gudiyey garasho eel reebtay
• Qalbi gudhay xusuus wada gam tidhi garabsalaax daashay
• Indho gigan hamuum aan gudhayn goorisada ooman

• Ninka gaal u diihaal muteel kaba galiilyoonin
• Iyo garabka diintiyo nasriga geesiyada eebbe
• Waa kala gurkii haadigiyo gulufkii waynaaye
• Gammuunkiyo falaadhuna xaqbay uga guduuteene
• Iyana waa xilliga guurayiyo saban gaddashiiye
• Uunkuba sumuucdaan gadfaco waa dambuu garan
• Islaqam goosan goosana xaqoon laysku garabsiinin
• Oo qaa’idkii geeshkii geeshka waday lagu gumaynaayo
• Oo aan garowshiiyo iyo garab la siinaynin
• Ninka gaal u diihaal muteen kaba galiilyoonin
• Iyo garabka diintiyo nasriga geesiyada eebe
• Waa kala gurkii haadigiyo gulufkii waynaaye
• Gammuunkiyo falaadhuna xaqbay uga guduuteene
• Islaam goosangoosana xaqoon laysku garab siinin
• Oo qaa’idkii geeshka waday lagu gumaynaayo
• Oo aan garawshiiyo iyo garab la siinaynin

• Haddi sabanku gaaleef afliyo gudimo kuu qaatay
• Adba geesinimadaadiibaad gaar u dabarteene
• Godobtayna wada daaranbaad gini ku doontaane
• Is galuubka faalada guracan wiirsi gola keenku
• Haday gool dhashiyo ku ahayd geesinimo doora
• Xagayaga gugoo hooray iyo galayax waalaystay
• Iyo shaadir kugu gaadhanoo go’ay sidiisii’ye
• Gaawaha camiran maalintuu gorofku ceegaago
• Gadhba inaad hormoodkooda tahay gorayo khaakhlaynta
• Oon geedka cidi kaa horayn soow la garan mayo
• Col ku galay dagaal kuu gabaday geeri lagu hoobtay
• Oo goosankeedii saqdhexe gaadhka laga meershay
• Gadh cadaagu duulkuu hawirey gaadadaa miriye
• Nin walaalkii geesaha ka xidhay gawracaa sudhane
• Gaarida haween maalintay gooha damin waydo
• Ganafyada ilmadu daadatiyo gaadadiyo lawga
• Gabanada caruurtaa ku dhaca gaws dambeedyada
• Gadh madoobeheedaa anbada goor xumaatada e
• Waa xaajo kii gudanlahaa goof ku sii ridaye
• Gabal baas inay tahay iyana saw la garan mayo
• Haddii geesi baraduu fadhiyo guuto lagu saaro
• Gogol kuma ladaayee markuu gaadhka sare fuulo
• Eew gumuca baaruuda liyo ganayo liishaanka
• Gad alleetto mooyee inaan guushu ka caraabin
• Oon gamashi dhiiladu ka noqon sow la garan maayo

Gabay guubaabo ah (Kaalo)
(Axmed-Dariiqo)
Maxaa kiis adoo galay saq dhexe koolo adag saaray
Kaawaha maxaan soo ratibay koorso lagu daatay
Kadabkaaga mooyee maxaan kaalo kugu biirshay
Kafan duugta mooyee anoo kaymo adag seexshay
Hadduunbay kitaabada safteen kuruskii deebeede
Kadinada hamuumtaw qabaan koorta sudhayaaye
Kawnkiyo anoo lay igmaday kaafka iyo nuunka
Kooraha haddaan saarayaa kaabbihii farase
Kas maleeya hootada sandahan kaafibaan ahaye.
Gabay guubaabo ah (Guri Hooyo)
(Axmed-Dariiqo)
Inay nabadu guri hooyo tahay gogoshii kuu talay
Waayeel guyaal badan jiriyo geesinimo doora
Hadaan galalku taawilo sinaan guux horaa jira’e
Nin gafkiisa lagu caydhiyaan gibishu saarnayne
Waa godan barwaaqa ahirman gawe loo sido’e
Kolna waa gabood lagu nastiyo godan la seexdaaye
Kolna waa gasiin lagu qadiyo maal’aan kaa gudhine
Kolna waa gufaacada cirkiyo galihii roobeede
Kolna waa gugoo hooray iyo geedo soo baxaye
Kolna waa gammaankaagii iyo geenyo shaaximane
Kolna waa nimcadii gaaxatoon godol ka maalnaaye

Inyaan cadawgu gogoshaada iman gaadhka feejigo
Afartaa ga’diyo woowga iyo gabayadaydiidhe
Godkaa lagu hubsaday qaarigii guuleheen baraye
Gad yaroon hadeer soo alfiyo gabay horaantii dhe
Anna waan gudoonsaday inaad hooyo guud tahaye
Galad iyo nasteexbaad u tahay gaadhka maatida’e
Godol noo irmaanbaad tahoon gaagaxayn abide
Cirkoo gaadankiisii waqlaha garabka soo buuxshay
Oo hoorimaadkii golaha dhibicu goomaayo
Oo aan gardaamiyo lahay dhaxan ku gawraysa
Adigaa gaddiisii arladu kuu golmoontahaye
Anna kuguma gees maro rabina guusha kuu dhali
Gujisiyo garnayl maaha iyo ganayo sayruukhe
Gumuc iyo rasaas maaha iyo goobta dirireede
Dadkoo kala go’doomiyo ma tihid guluf colaadeede
Aar soo gaoodiyo ma tihid gado unuufeede
Gumaad iyo ma tihid miinadii gaaska loo xidhaye
Godkii lagu xabaaliyo ma tihid gabadinkeediiye
Golxabkiyo bilaawaha ma tihid gorisiyo faashe
Abaar geedo leeftiyo ma tihid dhuxul garaacdiiye
Gaashaanka noolaha baxshiyo gaadh biraad tahaye

Col gaashaaman guutooyin baxay gaasas diriraaya
Afkoon godobta laga dhawrin iyo gumuca oo yoola
Godkii rag isku maadaba haday gubato neecawdu
Oo ay gantaaluhu qarxaan guuli kaa maqan
Aanada ninkii gaystaybaad garab ku siisaane
Shan kastoo wixii guule qoray goobta iman doono
naf waliba waxay galabsataa goodigaw sudhan
Gabay guubaabo ah (Laas)
(Axmed-Dariiqo)
Qisada gabayganina waxay ahayd manaam aan kula sheekaystay
Xaaji Cabdi Ismaaciil (Guul Alla) isaga oo igu dardaraaya in qofnimada iyo waxa loo abuuray aad laysku
waydiiyoo
Wuxuu yidhi dalka ciddii ku kibirta ma ka qabataan?
Deeqda ciddii ku ambatay maxaad ka yeeshee?
Daacada maxaad la qabateen?
Kuwii ganaaxnaa ma hagaageen?
Hurdada ma iska nacdeen?
Ka dib waxan ku jaawabay gabaygan oo aan ka xasuustay
Intan yer eek ban.
Libintoodii duudsiyey cabdoow nimankii laalaaye
Hadduu luunku gawracay kuwii laaganaan jiraye
Kuwaad laaxunkoodii jartaan laas u dhurayaaye
Leexada haddaan saarayaa leeddofuul ba’ane
Haddaan gaadhka liishaamayaa sida libaaxiiye

Lil bitaata laamaha saraan leeb u ganayaaye
Kaan luxudka diidayninbaan liif ku xalayaaye
Haddaan kuugu soo loogayaa luuq-qii beeraha e
Ha ligligan ninkii liitaybay laydhu sidataaye
Gabay guubaabo ah (Guuxa Hawlaha)
(Axmed-Dariiqo)
Gabaygani wuxuu kamid yahay gabayaada dhacdooyinkiisu aadka ay iigu layaabka badnaayeen, maxaa
yeelay wuuxuu ahaa gabay aan manaam ku tiriyey.
Habeen habeenada ka mid ah ayaa aniga oo hurda waxa I soo dul fadhiistay nin weyn oo gadh casleh oo
midabkiisu carab yahay .
Run ahaantii aad ayaan u jeclaystay ag fadhigiisa laakiin wax su’aal ah imuu waydiinin cabaar ka dibna
anaa lafahayga u baqday oo waxa niyadayda soo gashay waar malaha waa malagii nafta qaadayey,
waayo aad ayuu mizaan u lahaa juhdigiisu.
Markii aan hurdadii ka toosay ayaan aad isu waydiiyey ninkani waxa uu ahaa.
Aniga oo aad uga warwaraya anuu ahadana ii yimaado ayaan seexday habeenkii 2aad
Ka dib markii aan gamay ayuu yimi laakiinse malintan dambe wuxuu igula hadlayey hadalo sarbeeban oo
aad iigu duxayey iyo tilmaamo faro badan oo aan aad ugu baahnaa,
Xataa mararka qaarkood waxa ay ahaayeen gabayo faro badan.
Marka aan godlado ee aan hadlo aniguna waxa uu ii ishaarayey inta uu afka gacanta saaro inaan aamuso
maxaa yeelay casharada lay siinayey ayaan u baahnay wax hadal ah.
Marka laga reebo gabaygii ugu horeeyey oo markii uu I salaamay aan la boobay ereyada ka dambeeya
tilmaamta iyo araarta tilmaamaya sidii aanu sheekha u kulanay.
Sheekhu markii uu I salaamay gacantiisu aad ayay u qaboobay waxan ka dareemay dabacsanaan iyo
qabaw naxariis ah oo aan aniga oo riyo iyo hurdo ku dhex jira hadana markaa cabaar aan ku lulooday.
Kadib ayaa waxa uu caajiskii iga duuliyey isaga oo hadalka boobaya oo leh
nin lagu seexdoow ha seexan
xilbaad sidaa ha seexan
ka dib waxa afkayga ka so baxday aniga oo ilmaynaya
Awoow raali iga noqo waan kugu seexdaye

Inta uu ilmeeyey ayuu yidhi maxaad igu garatay halkaas ayaan inta aan dhididka iyo ilamada isku darey
ka bilaabay gabayga aniga oo leh sidan
Gabal wacane ruuxaan goblamin waa gadaad tahaye
Ilmadii gufaacada lahayd gacamadii hooray
Naxariistii igu gaaxataan gamay horaantiye.
Cabbaar markaan waday ayuu iigu jawaabay dhawr bayd oo miizaan wayn leh
Hadana waan u celiyey aniga oo isugu darey war iyo wardoon
Markuu iga sii tagayeyna waxa uu iiga tagay lacag aan ahayn lacagtii aan aqaanay waxa kale oo uu ii
xidhay darajo ciidan oo aanan markaa aqoon u lahayn laakiin markii darajada ciidamada la siiyey ayaan
ogaaday inay ahayd darajo aan ciidankaba la siinin.
Ka dibna wuu ila dardaarmay oo wuu iga tagay ana hudadii ayaan ka toosay.
! gabayguna waa kan
Xalay galin dhexaadkii anoo sheekha garab jooga
Gadhka iyo anoo kala dhex maray gaadadiyo laabta
Gogoshaan ku jiifiyo anoon dhaafin golahayga
Garnaqsiga mar aan kula gudiyey ereyo googoosa
Tibaax gaara weeyee bal aan galiyo diiwaanka
Gudoonkiisa reenkiyo markii guuxu naga duulay
Salaantiisan gaarka ah markaan guudka ugu meershay
Gabal wacane ruuxaan goblamin waa gadaad tahaye
Ilmadii gufaacada lahayd gacamadii hooray
Naxariistii igu gaaxataan gamay horaantiye
Gacantaada igu raagtaybaa godoshay laabtiiye
Allihii ku gaashaamaybaa gaaxda noo dhigaye
Gabankaagiibaan ahay hadana guun jiraan ahaye
Garabkii rasuulkaan ahiyo nuurkii gaaddada’e
Godolkii asaraartaan ahiyo guuxii hawlaha’e
Gurmadkaagiibaan ahay haddii guul laguu miyaye

Waxan ahay gugii kaa tagiyo gaaxdii maalmaha’e
Wuxuu yidhi gudoomaye awaw gabankayoow heedhe
Giriyaad habaasliyo adoo gaajo socon waayay
Waxan ahay gasiin iyo anfaco goorsan kuu timiye
Golcastiyo falaadhaha markaad gawla dalandoosho
Guul hadhiye damal aad gashiyo goodi malab joogo
Gal xareedi jiiftaan ahiyo gob iyo dhaameele
Garwaha habeenkii adoo dhaxanta gaylaansan
Waxan ahay gabood lagu nastiyo gama la seexdaaye
Godka iyo xabaashaba haddaan gacal is taageerin
Oow iil ku gaaryahay wuxuu gooyey camalkaagu
Waxan ahay nimaan gamashiyeyn gu iyo jiilaale
Waxan adhi aduunkoo gayaxan lay gadbixi waaye
Gafka iyo tumaatida guracan gaadadiyo shiishka
Gujis iyo garnayl soo dhaciyo golaha baaruuda
Gabagabo dagaal meel rasaas gumuc is waydaartay
Oo maydku gaylaansanyahay haaddu gabax laysay
Waxad tahay gumaadaha kufriga gaaddadaw dhiga’e
Gaaleef xamiiriyo haddii goorisadu yoontay
Garbo aan la riixaynin iyo gaadh biraan ahaye
Gaagaabsan maayoo anaa gigay kufaartiiye
Gawaan laga hayaamiyo anoo geeri go,an joojay

Oo galin dhexaadkii danbana goolku dhalan waayey
Waxad tahay gadayr soo kacdiyo guuto xoog badane
Gal dadliqa nimaan kula gudbini kama gayoodeene
Adaa goofka naga daadahshaye laygu kaa gunud
Wuxuu yidhi gawaanbaa jiriyo guul habeensadaye
Haday taladu googoosantoo iniba gees raacdo
Gondaloolo mooyee haday guushu dhalan waydo
Gawaankeeda yoolkiyo hadduu guuxu dami waayo
Garaad duuble nabadoon guntaday guurti odayaala
Cuqaal geesha gole loo dhanyahay godolka waanwaanta
Ma gorfeeyo xaajada ninkii eel ku gaadhaniye
Geel kiis haday kala noqdeen gacal is doondoonay
Oo qaranku aalaha gambiyey garasho aafawday
Waxad tahay guddoonkii maqnaa goorahaa tagay’e
Aduunbaan garaadada ku sudhay darajadii guude
Ha gabbane tibaaxdawgu godol gaawohoo siman
Abtirsiimadayda
Axmed cabdillaahi aw axmed
xasan cabdile xareed
Sharmarke Xoosh cali
Cismaan abokor Xuseen
daa,uud ibraahim ayuub
Sheekh isxaaq
Binu axmed binu muxamed binu xuseen
Binu cali binuxamsatul mudahar binu cabdilaahi
Binu ayuub binu muxamed binu qaasim
Binu axmed binu cali binu ciisaa

Binu yaxyaa binu muxamed almahdi
Binu xasan al caskari binu cali al naqiyi
Binu muxamed al jawaad binu cali al ridaa
Binu muusaa al kaadim binu jacfar saadiq
Binu muxamed al baakir binu cali zaynal caabidiin
Binu imam xusayn
Cali binu abii daalib faaduma muxamed scw
Cabdil mudalib binu haashim binu cabdi manaaf
Binu qusaay binu kilaab binu murraa
Binu kacab binu lu,aay binu qaalib
Binu fihir binu qaalib binu nadar
Binu kinaana binu khuzayma binu murdika
Binu ilyaas binu madar binu nizaar
Binu macad binu cadnaan
Xadiith nabawi ah ayaa jira oo uu nabigu csw yidhi ab tirsiintayda
yaan la dhaafif cadnaan
lakiin waxa hubaal ah in uu ku abtirsado nabiyo 5 ah
nabiyullaahi ismaaciil calayhi salaam
nabiyullaahi ibraahiim calayhi salaam
nabiyullaahi nuux calayhi salaam
nabiyullaahi idriis calayhi salaam
nabiyullaahi aadama calayhi salaam

Document

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Document

Uploaded by

Copyright:

Available Formats

Axmed Cabdillaahi Aw Axmed Gufaaco

Buug Suugaameedka Xikmadda Qarniga

Muush barbaara ka yeel

Iyo beelo masruura .

Maqaamkiisa culaa iyo.

Abwaan Axmed C/laahi Aw Axmed

Gabayada (DIINTA) ah.

Dirka iyo qaraabada

Inay daw ka bixiyeen

Ooy walaalka diintiyo

Khayrka daah furkiisiyo

Digniintaada guud iyo

Duxda weedha aakhiro

In dariiqo loo maro

Ooy walaalka diintiyo

Kala darajo roonyiin

Dushuunbaa qof laga yahay

Diirka waynu simanahay

Ninba dawliskii maal

Darkoo loogu wada shuubay

Tiiyoon duudka lagu qaban

Uunku deeqda kula rabo

Waxaan daayin kuu qorin

Dibnahaaga mari waa

miyaan deebta xuladkiyo

Tiiyoon dariska lagu dhibin

Anoo dalawo kuu madhay

Maxaa dala’si kuu galay

Dawadaa kala baran

Bal maxaad la duushaa

Doobir taadu badanaa

Adoo dawga suudala

Duuflaal haddaad tahay

Marbaan dibinta ruugaye

Waa in aynu quluubteena banbaska ka afuufnaa si aynaan u dibjirin

Baraarujinteenan waxaynu u adeegsanaynaa suugaanta oo fure u ah dareenka

Buugan waxa aynu ku baran doonnaa magacyada allaah (swt)

shay kasta waxa uu qabto waxa ka turjumaya magaciisa

Cibaadaduna waa wixiin laguu abuuray

Cimliguna waa waxa lagugu doortay

Waa xaq iyo xil lagaa wada rabo

!Hadaanad aqoon lahayn

Bulshada kama tirsanid

Xor ma tihid – xorayn maysid – lagumana xoray karo

Lagaa badbaadi mayo Lagugu badbaadi mayo

Naftaada dawayn maysid - Tu kale daryeeli maysid

Janadana aqoonbaa lagu galaa _ Cadaabtana jahlibaa ku geeya

Abwaan; axmed cabdilaahi aw axmed

Qaafiyada gabaygu waxay u dhigantahay qaab cajiib ah

Tusaale; (m g c_a l h) oo u dhiganta sidan oo kale

Magaca_allaah marka lagu daro shibanayaasha yaryar

Qaafiyada miimka ah ama (M)

inta aanan miimkiyo

maraqxoorka uga furin

allaan mahad naqiisiyo

Hadday murugto xaajadu

Maayad same raxmaanoow

Mug waynaa gacantaadu

gaar uga macsuumee

magac same raxiimoow

madashii rasuulkiyo (scw)

inta meel la joogteen

ka maqnaanin naga yeel.