Martin P. Posadas Avenue, San Carlos City, Pangasinan 2420 Tel. Nos. (075) 531-5222; (075) 955-5222; (075) 634-1111 local 136 Website: http:///www.vmuf.edu.ph/ Email : vmuf1068@gmail.com
Padlan, Giane R. Abril 2, 2020
STEM III – St. Cecilia Pagbasa at Pagsusuri ng Iba’t Ibang Teksto Tungo Sa Pananaliksik Gawain 3
1. Ano ang bibliograpi? Paano nito pinatitibay ang kredibilidad ng pananaliksik?
Ayon kay Gates (1994), ang bibliograpi, na tinatawag ding talaaklatan o
talasanggunian, ay isang talaan ng mga aklat, artikulo, opisyal na dokumento ng gobyerno, manuskrito, at iba pang publikasyon tungkol sa isang paksa na binibigyang- detalye at isinasaayos nang may sistematikong pagkakasunod-sunod. Sa maikling salita, ito ay isang listahan ng mga sangguniang ginamit sa pananaliksik. Ang masusing paggamit ng isang bibliograpi ay nagpapakita ng katunayan na ang mga kaisipan at konsepto na binanggit ng isang mananaliksik sa kaniyang pag-aaeral ay may basehan, hindi haka-haka o opinyon lamang, at walang bahid ng pagkiling o bias.
2. Bakit dapat unahin ang paggawa ng tentatibong bibliograpi sa isang pananaliksik
sa halip na huli?
Sa proseso ng paggawa ng isang pananaliksik, isa sa pinakamahalagang gawain ay
ang pagbabasa. Bago pa man umpisahan ang pag-aaral, kailangan ay mayroon nang mga konkretong ideya kung saan iikot ito at kung paano ang daloy nito, at iyon ay makakamit sa pamamagitan ng masusing pagbabasa o critical reading.
Habang nagbabasa ng mga iba’t ibang aklat, peryodikal, jornal, magasin,
pahayagan at iba pa upang makakalap ng maaaring gawing basehan, inililista na kaagad dapat ang mga sangguniang ito na may mahahalagang impormasyon upang magsilbing gabay at masundan ang background ng pag-aaral. Ang talang iyon ay ang tentatibong bibliograpi, na siyang maaaring baguhin (dagdagan o bawasan) habang nananaliksik, at siyang magiging permanenteng bibliograpi pagkatapos ng pananaliksik.