Dokumentaryong Pagsusuri

Unang Facebook SharedPost:

Wika:

Mapapansin sa post na ito na gumagamit ng conyo na wika o di pormal na antas ng

wika ang taong may ari ng meme na ito. Kung ating makikita at susuriin iba’t ibang uri
ng conyo line o di pormal na wika ang nakapaloob sa facebook sharedpost na ito, na
kung ating mapapansin kapag atin itong binasa ay masasabi na nating hindi ito pormal
na wika dahil ito ay magkahalong wikang ingles at wikang tagalog. Masasabi natin na
ang isang facebook sharedpost ay pormal kung ang nilalaman nito ay buong wikang
tagalog, o wikang ingles, maayos ang paraan ng pagkakalahad at maayos ang
gramatika ang nakapaloob sa kontent ng isang teksto o post. Isa pa, madalas naman
talagang di-pornal na antas ng wika ang ginagamit sa pagbabahagi at paggawa ng mga
ganitong klaseng post na tinatawag na meme.

Gramatika:

Ang gramatika ay mahalaga sa pagbabahagi ng posts sa facebook upang kaakit-akit

ang pahayag at hindi ito makalito sa mga makakakita nito. Ang paggamit ng tamang
salita ay nakakapagbigay ng kaayusan at kalinawan sa paksang nais ipapahayag.
Maayos naman ang ginamit na gramatika, kahit pa dalawang wika ang ginamit. Ngunit
dahil ito ay conyo o “taglish”, maaaring mga kabataan lamang ang makaintindi nito.
Kadalasan sa mga memes, hindi na gaanong pinapansin ang gramatika dahil ang nais
lamang ng mga memes ay makapagbigay aliw sa mga makakakita nito.

Tema o Paksa:

Ang paksa ng shared post na ito ay memes. Ang memes ay isang nakakatawang litrato
o salita na madalas kumakalat mula sa isang tao patungo sa iba. Ang shared post na
ating nakikita ay mayroong temang nakapaloob. Ang tema ng isang shared post ay ang
mga mambabasa o makakakita nito. Ito ay isang senaryo kung saan makakarelate ang
mga makakakita sa isang facebook shares post. Ang naging paksa ng meme na ito ay
tungkol sa pagpapatama ng taong lumikha ng meme na tanggap na niya na kung hindi
siya ang unang lalapit ay hindi siya kakausapin ng taong gusto niya. Maraming memes
na ganito ang paksa, kaya marami rin ang tumatangkilik ng mga ganitong Facebook
SharedPost.

Estraktura:

Kung ating susuriin ang Facebook Sharedpost ay nagsisimula sa wikang ingles at

sinundan naman ng wikang tagalog kaya naging conyo o taglish ang nilalaman ng post,
ito ang naging estraktura ng post. Pangalawa naman ay atin itong babasahin o titignan
kung nakakakit ba o nakakatuwa ang facebook sharedpost at maaari itong maipabahagi
sa ibang gumagamit ng plataporma ng social media. Panghuli naman ay bago natin ito
isharedpost o ibahagi ay titignan o aalamin muna natin kung ito ba ay may kinalaman
sa ating mga buhay o kung tayo ay relatable sa nilalaman ng isang facebook
sharedpost. Sa paggawa ng meme, hindi rin nabibigyang pansin ang estraktura at sa
bawat meme kaagad na itong may kasamang litrato. Sa makikita natin, hindi naman
gaanong akma ang litrato sa nilalaman nito ngunit nakapagbigay aliw pa rin ito sa mga
mambabasa.
Ikalawang Facebook SharedPost

Wika:

Makikita mula sa post na may pagka-halong paggamit ng parehong

wikang tagalog at ingles. Ang teksto ay unang gumamit ng mga
salitang ingles para sa unang kalahati at pagkatapos ay
nagpapatuloy sa paggamit ng taglish para sa natitira. Madalas, sa
paggawa ng anunsiyo ang wikang ginagamit ay pormal. Sa
pagkakataong ito, pormal ang ginamit ng lumikha ng post kahit pa
hindi nanatili sa iisang wika ang post na iyon. Mahalaga na pormal
na antas ng wika ang ginagamit sa pag-aanunsiyo dahil marami
ang nakakakita nito at mahalagang impormasyon ang inihahayag
nito. Kagaya sa balita, ang anunsiyo rin ay pangmalawakang
impormasyon na dapat bigyang pansin ang wikang ginagamit dito,
ang gramatika nito at ang estraktura nito.

Gramatika:

Ang gramatika na nasa teksto ay nagbibigay ng sapat na pag-

unawa sa mambabasa. Dahil gumagamit ito ng halo-halong mga
salitang Taglish - tulad ng paggamit ng wikang Ingles para sa
pagkakategorya at paggamit ng Tagalog para sa mas madaling
pagpapaliwanag, pinalalawak nito ang posibilidad na maunawaan
ng mas maraming mambabasa ang tekstong ibinahagi. Mahalaga ang gramatika sa
pag-aanunsyo upang maiwasan na makapagbigay lito ito sa mga makakakita at
makakabasa nito.

Tema o Paksa:

Ang post ay tungkol sa kaganapang "Mens Summer Basketball League 2023",

masusuri sa Facebook Post na ibinahagi ng mag-aaral ang mga kinakailangan upang
makasali, at kung saan gaganapin ang kaganapan. Ang mga kinakailangan para
makasali ay ang pagpili ng naaangkop na ranggo ng edad; ang pagiging legal resident
ng Barangay San Ramon, Dinalupihan, Bataan; at ang pagpasa ng contact number ng
caoch at birth certificate ng player. Mahalagang mabigyang linaw ang paksa at tema
kapag nag-aanunsiyo ng mahahalagang impormasyon kagaya nito. Kung hindi malinaw
ay maaaring maraming tao ang maguluhan kung tungkol ba talaga saan ang
inanunsiyo.

Estraktura:

Mababasa natin na nagsimula ito sa mga importanteng detalye agad na kung saan
ipinapaalam na kung saan ito gaganapin at kung ano mayroon sa kaganapan at kung
ano ang mga kategorya na pasok sa isang paligsahan na laro. Dito na din pumasok ang
mga huling kinakailangan malaman at ang mga kailangan gawin ng mga taong sasali sa
sa paligsahan na ito. Masusuri rin natin na naging maayos ang estraktura nito sa
kadahilanang tungkol sa pag-aanunsiyo ang post. Malaking tulong ang estraktura
upang mabilis maintindihan ng mga makakakita ng post ang paksa at tema nito.
Ikatlong Facebook SharedPost

Wika:

Ang antas ng wikang ginamit dito ay pormal na wika, kung saan halos sa lahat ng balita
ay ginagamitan nito. Mababasa rin na gumamit ng mga Ingles na salita dahil may mga
salitang mula sa ibang wika tulad nan ga lamang ng sim registration na hindi na dapat
isalin sa wikang tagalog, ngunit sa pormal na paraan pa rin ito ginawa ng manunulat ng
balita.

Gramatika:
Makikitang maayos ang gramatika nito, dahil mahalagang impormasyon ang laman ng
post at posibleng maraming makakakita nito. Gumamit ang manunulat ng nasabing
balita ng mga salitang akma sa paksa ng post, gumamit din ng mga tamang salita
katulad na lamang ng “nang” Ang salitang nang ay sumasagot sa mga tanong na
paano, kailan, gaano, o bakit. Sa paggawa at pagbabahagi ng balita, mahalagang
tamang mga salita ang ginagamit at kung maaari at tama rin ang maging estraktura at
gramatika nito dahil kung hindi ay maaaring itong magbigay kalituhan sa mga taong
makakakuha ng impormasyon na ito.

Tema o Paksa:

Ang tema o paksa ng balitang ito ay tungkol sa Sim Registration na kasalukuyang

nangyayari sa bansa. Ayon sa balita, ieextend pa ang nasabing registration dahil
marami pang mamamayan sa bansa ang hindi pa nakakapag-register ng kanilang sim
at maaari itong maideactivate kung hindi makakapagparegister nito. Ayon din sa balita
ay inaprubahan na ito ng Pangulong Ferdinand Marcos Jr. Ang balitang ito ay mula kay
DOJ Sec. Boying Remulla.

Estraktura:

Kung susuriin ang Facebook Post na ibinahagi ng mag-aaral, makikita natin na ulo ng
balita ang unang una nating mababasa. Sumunod na ang mga detalye nito na
makakapagbigay linaw na sa mismong nais iparating ng balita. Nagbigay din ng
larawan upang agad maintindihan ang post na ito, ang laman ng litrato ay ang
impormasyon ng balita tulad ng kung kailan inanunsyo ang balita, kung ilang araw na
lamang ang natitira para sa mga mamamayang hindi pa nakakapag-register ng sim. Sa
paggawa ng balita, mahalaga ang estraktura hindi puwedeng halo halo ang
impormasyon dahil may pagkakataong malito ang mga mambabasa o nakakapanood
ng mga balitang ito.

Matapos ang pakikipanayam sa mga piling mag-aaral, sinuri naman ng mga

mananaliksik ang ilang mga post na inirekomenda ng mga mag-aaral na kinuhanan ng
panayam. Sinuri ito ng mga mananaliksik upang makapagbigay datos at patunay o
ebidensiya sa mga naging kasagutan ng mga mag-aaral. Sinuri ang nilalaman ng mga
sumusunod na Facebook SharedPost

Ayon kay Raphael D Rodriguez (2017), Ang smart-shaming (SS) ay isang kilos na
naobserbahan sa social media partikular na sa Facebook. Sa kasalukuyan, wala pang
pag-aaral na naisasagawa tungkol dito at wala pa rin itong pormal na kahulugan.
Nagsagawa ng dalawang pag-aaral upang maunawaan nang husto ang kilos na ito. Ang
unang pag-aaral ay naglayong alamin ang depinisyon ng SS at magbigay ng
desksripsyon ng kilos at ng mga taong sangkot dito sa pamamagitan ng pag-interbyu sa
mga taong nakaranas nito. Mahalaga ang gramatika sa memes dahil maaaring ikaw ay
mabatikos sa ginawa mong memes kung ito ay hindi nakaayos ang pagkakagawa ng
gramatika nito. Alam naman natin na marami ang mapanghusga sa panahon ngayon
isang pagkakamali mo lamang ay libo libong tao ang nakamata sa ginawa mo.

I. BBahagi 2: Paano nailalarawan ang paggamit ng wika sa mga

Facebook Sharedpost na tinatangkilik ng mga piling mag-aaral ng
mga piling mag-aral

Talahanayan 2: Gaano Kadalas Magbahagi ng Post sa Facebook ang mga

Mag-aaral

Respondent # Kasagutan
1 Madalas
2 Oras – oras
3 Madalas
4 Madalas
5 Madalas
6 Madalas
7 Madalas
 8 Minsan
9 Hindi Gaanong Madalas
10 Madalas

Kung susuriin ang talahanayan, ipinapakita rito na pito (7) sa sampung

mag-aaral ang madalas magbahagi at lumikha ng mga Facebook SharedPost,
ayon sa pakikipanayam sa mga mag-aaral na sumagot ng madalas, hindi
bababa ng lima (5) ang post na ibinabahagi nila sa kadahilanang
nakakapagbigay aliw ito sakanila. May mga sumagot din naman ng hindi
gaanong madalas, makikita natin na dalawang (2) mag-aaral ito dahil kadalasan
ay nauubos ang oras nila sa ibang bagay, tulad ng pag-aaral. At huli, isa (1) sa
sampung estudyante ang nagsabing oras – oras ay nakakapagbahagi siya ng
mga Facebook Post

Talahanayan 3: Wikang Kadalasang Ginagamit ng mga Mag-aaral sa

Pagbabagi at Paglikha ng Facebook SharedPost

Respondent # Kasagutan
1 Taglish
2 Taglish
3 Tagalog
4 Tagalog, minsan Ingles
5 Tagalog at Ingles
6 Tagalog
7 Taglish
8 Taglish
9 Taglish
10 Taglish
Ipinapakita ng ikatlong talahanayan na walo (8) ang mga mag-aaral na
gumagamit ng tagalog at ingles o mas alam sa katawagang “taglish” sa paggawa
at pagbabahagi ng mga Facebook SharedPost, habang ang natitirang dalawang
(2) mag-aaral naman ay tagalong lang ang kabuoang wikang ginagamit kapag
sila ay nagbabahagi ng Facebook SharedPost.

Kung sususriin ang talahanayan, makikita na iba’t ibang paksa ang

kadalasang ginagamit ng mga mag-aaral sa pagbabahagi ng mga Facebook
Post. Nangunguna ang memes kung saan, lima (5) sa sampung (10) estudyante
ang mas madalas na magbahagi ng mga post na may kinalaman sa memes,
habang ang natitirang lima (5) naman ay iba – iba rin. Isa (1) sa sampung
estudyante ang nagsabi na tungkol sa pag-aaral o mga anunsiyo sa paaralan
ang madalas niyang ibahagi. Isang (1) mag-aaral naman ay sinabing mas
madalas niyang ibahagi ang mga post na may kinalaman sa arts o di kaya ay
sports. Isa (1) pang mag-aaral sinabing tungkol sa entertainment madalas na
paksa ng kaniyang mga Facebook SharedPost, kagaya na lamang ng tungkol sa
“Kpop”. Makikita rin sa talahanayan na may isa pang estudyante na mas
madalas nakikita at ibinabahagi ang mga post na may kinalaman sa Memes o di
kaya ay Balita.

Ayon sa talahanayan, ang karaniwang antas ng wika na ginagamit ng mga

mag-aaral ay Impormal, sampo (10) sa sampung (10) mag-aaral ang nagsabi
nito, kung saan makikita na isa sa mga impormal na salitang kanilang madalas
makita at gamitin ay ang “conyo” o pinaghalong tagalog at ingles na salita na
sinamahan ng maarteng “accent”. Mayroon din nagsabing balbal na salita naman
sa ilalim ng impormal na antas ng wika ang kadalasang gamit ng mga mag-aaral.

Ayon kay Sales (2015), dahil sa nasa makabagong henerasyon na nauso

ang platapormang Facebook, mas nakasanayan na ng karamihan na impormal
na wika ang ginagamit dito dahil sa makabagong henerasyon na o mga kabataan
na ang madalas nasa social media. Nakakalikha sila ng iba’t – ibang salita na
nakakapag-bigay aliw sa mga nakakakita nit, katulad na lamang ng mga salitang
conyo at iba pang uri ng wika na nakapailalim sa impormal na antas ng wika.

Talahanayan 6: Lumawak ba ang iyong bokabularyo (Ingles or Tagalog)

mula sa pagbabasa, paggawa at pagbabahagi ng mga Facebook post?

Respondent # Kasagutan
1 Oo
2 Medyo
3 Medyo
4 Hindi
5 Oo
6 Hindi
7 Oo
8 Oo,
9 Oo
10 Oo

Ipinapakita sa talahanayan na anim (6) sa sampung (10) mag-aaral ang

sumasang-ayon na lumawak ang kanilang bokubolaryo sa pamamagitan ng
pagbabasa, paggawa at pagbabahagi ng mga Facebook Post, habang ang
dalawang (2) estudyante ay sinabing medyo lamang ang paglawak ng kanilang
bokubolaryo dahil sa mga Facebook SharedPost. Ang natitirang dalawang (2)
mag-aaral ay itinangging lumawak ang kanilang bokubolayo dahil sa pagbabasa,
paggawa at pagbabahagi ng mga Facebook Post.

Talahanayan 7: Kung iyong tatantiyahin, gaano ka nahihirapan sa pagglikha

ng mga sanaysay sa wikang Filipino? (5 - Hindi nahihirapan, 1 – Higit na
Nahihirapan)
 Respondent # Kasagutan
1 3
2 5
3 3
4 4
5 5
6 3
7 4
8 3
9 4
10 2

Ipinapakita sa ikapitong talahanayan na apat (4) sa sampung mag-aaral

ang nagsasabing sakto lamang ang hirap na kanilang nararanasan sa paglikha
ng mga sanaysay, habang may tatlong (3) mag-aaral naman ang nagsabing hindi
naman sila gaanong nahihirapan kapag gumagawa sila ng sanaysay sa wikang
Filipino. Dalawa (2) sa sampung (10) estudyante naman ang nagsabing hindi sila
nahihirapan kapag gumagawa ng mga sanaysay, lalo na sa wikang tagalog at
may isang (1) mag-aaral naman ang nagsabing nahihirapan sila kapag lumilikha
ng mga sanaysay.

II. Bahagi 3: Impluwensya ng mga Facebook SharedPost ang

kakayahang panggramatika ng mga mag-aaral sa Ikalabing-isang
baitang

Talahanayan 8: Bakit sa iyong sariling opinyon na ang ganoong antas ng

wika ay ang pinaka madalas na wikang ginagamit sa Facebook?

Respondent # Kasagutan
1 Memes siya, kung magiging pormal ang gagamiting
antas ng wika, hindi na magiging nakakatuwa.
2 Memes siya, hindi na kailangang maging pormal.
 3 Mas akma dahil social media ito at kadalasan ay memes
naman ang paksang ibinabahagi ko.
4 Kung pormal, hindi na ito akma sa post, lalo na kung ang
post ay hindi naman kinakailangan ng pormal na wika o
lenggwahe.
5 Mas maraming tao ang mas makakaintindi, lalo na mga
kabataan at nakakapag express ng kanilang
nararamdaman.
6 Dahil karaniwan sa gumagamit ng mga salitang balbal ay
ang mga kabataan sa makabagong henerasyon kaya ito
rin ang kadalasang nasa mga social media, gaya ng
Facebook.
7 Mas maraming nakakakaintindi at nakakarelate.
8 Upang magkaroon ng pagkatuto ang mga mamamayang
pilipino sa ibang lengguwahe at magkaroon ng
kasanayan na kailangan ding tangkilikin natin ang sa iba
upang magkaroon tayo kahit kaunting kaalaman tungkol
sa kanilang wika.
9 Dahil ito ang nakasanayang wika ng mga tao o di kaya
naman ay ito ang pangalawang wika na kanilang
natutunan.
10 Tagalog dahil ito ay ang ating sariling wika at ito ay nag
mula satin.

Makikita sa talahanayan na dahil sa memes ang kadalasang paksa ng

mga Facebook SharedPost, impormal na antas ng wika ang kadalasang akma at
ginagamit ng mga mag-aaral kapag nagbabahagi sila ng post sa platapormang
Facebook, ito ay ayon sa apat (4) na mag-aaral na nakipanayam. Sabi naman ng
iba pang mag-aaral na nakapanayam, dahil sa kabataan ang madalas na
nakakakita at nakakabasa ng mga Facebook SharedPost, mas naakma ito. Ayon
naman sa natitirang mag-aaral, ito ay ang wika natin at ito ang nakasanayan
kaya ito ang kadalasang ginagamit ng mga mag-aaral sa pagbabahagi ng post
sa Facebook.

Talahanayan 9: Nakukuhang Epekto sa pagbabahagi at pagbabasa ng mga

Facebook SharedPost, ito man ay wikang Tagalog o Ingles.

Respondent # Kasagutan
1 Wala
2 Wala
3 Mas lumawak bokubularyo ko sa dalawang wika, Ingles at
Tagalog
4 Wala
5 Mas nahahasa ang kaalaman ko sa tamang paggamit ng
mga filipino or english term.
6 Natuto ako ng iba – ibang mga salita.
7 Natututo ako at mas nahahasa ang aking kaalaman.
8 Nakapag bibigay ito ng magandang epekto sa akin, dahil
nagkakaroon ako ng pagkatuto sa iba’t ibang lungguwahe.
.9 Mas tumatalas ang aking kaisipan at komunimasyon.
Lumalawak din ang aking bokabularyo.
10 Ang aking nakukuwang kaalam ay ang iba’t iba. Tulad na
lamang ng mga tamang gramatika at bagong mga salita.

Pito (7) sa sampung mag-aaral ang nagsabing positibo ang nagiging

epekto sakanila ng pagbabahagi at paggawa ng mga Facebook SharedPost,
ang iba ay nahahasa ang kaalaman sa wika, natuto sila ng tamang gramatika
at tamang mga salita at lumawak din ang bokubolaryo nila sa wikang ingles o
tagalog. Ayon naman sa talahanayan, tatlong (3) mag-aaral ang nagsabing
walang nagiging epekto sakanila ang paggawa o pagbabahagi ng Facebook
Post.
 Talahanayan 10: Bakit mahalagang gumamit ng tamang gramatika sa
wikang Filipino sa paggawa o pagbabahagi ng Facebook Shared Posts?

Respondent # Kasagutan
1 Para madaling maintindihan.
2 Social media ang plataporma, maraming nakakakita at
nakakabasa nito.
3 Para mas madaling maintindihan
4 Social media siya, maraming nakakabasa at nakakakita
lalo na mga kabataan kaya mahalagang tama ang
ginagamit mong wika at tama ang iyong gramatika.
5 Siguro para sa mga taong mababa ang reading
comprehension pag dating sa english kasi may mga
taong mas madaling makaintindi kung gagamitan ng
sariling wika.
6 Upang maayos na maintindihan ng mga mambabasa.
7 Upang hindi makapagbigay ng maling impormasyon.
8 Upang magkaroon ng pagkatuto ang mga mamamayang
pilipino sa ibang lengguwahe at magkaroon ng
kasanayan na kailangan ding tangkilikin natin ang sa iba
upang magkaroon tayo kahit kaunting kaalaman tungkol
sa kanilang wika.
9 Dahil ito ang nakasanayang wika ng mga tao o di kaya
naman ay ito ang pangalawang wika na kanilang
natutunan.
10 Dahil ito ay nakikita ng mga kabataan, kaya dapat ay
tama para matutunan nila ng tama ang gramatikang
tagalog.

Makikita sa talahanayan na samu’t – sari ang mga opinyon ng bawat mag-

aaral. Ayon sa ibang mag-aaral, ang dahilan kung bakit mahalaga ang tamang
 gramatika sa pagbabahagi at paggawa ng mga Facebook SharedPost ay dahil
sa maraming nakakakita lalo na ng mga kabataan at dapat ay tama ito upang
hindi maling impormasyon ang mapulot nila. Sabi naman ng apat (4) pang
estudyante, mas madaling maiintindihan kung aayusin ang gramatikang
ginagamit sa pagbabahagi ng mga Facebook Post. At sa huli, ayon sa isang (1)
mag-aaral ito ang nakasanayang wika ng mga tao o di kaya naman ay ito ang
pangalawang wika na kanilang natutunan, kaya mahalagang tamang gramatika
ang gamitin sa mga Facebook SharedPost.

KABANATA IV

PAGLALAGOM

KONKLUSYON

REKOMENDASYON