Garo Sabbath Skul Lesson - 3rd Quarter, 2020

DAL·GIPARANGNI SABBATH SKUL
LESSONRANG
Isolna Ripengrangko Dakani:

Isolni Kamko Sualanio Katcha-Ka∙srokani
Lessonko Tarigipa: Mark Finley
Rs. 20.00
July, August & September 2020
1
SALANTIO SASTRO PORAIANI, 2020
July August September
01 Gitrang 150 01 Toe Ski. 31 01 Isa. 11

02 Toe Ski. 1 02 Agan. 1 02 Isa. 12
03 Toe Ski. 2 03 Agan. 2 03 Isa. 13
04 Toe Ski. 3 04 Agan. 3 04 Isa. 14
05 Toe Ski. 4 05 Agan. 4 05 Isa. 15
06 Toe Ski. 5 06 Agan. 5 06 Isa. 16
06 Toe Ski. 6 07 Agan. 6 07 Isa. 17
08 Toe Ski. 7 08 Agan. 7 08 Isa. 18
09 Toe Ski. 8 09 Agan. 8 09 Isa. 19
10 Toe Ski. 9 10 Agan. 9 10 Isa. 20
11 Toe Ski. 10 11 Agan. 10 11 Isa. 21
12 Toe Ski. 11 12 Agan. 11 12 Isa. 22
13 Toe Ski. 12 13 Agan. 12 13 Isa. 23
14 Toe Ski. 13 14 Sol. Ring. 1 14 Isa. 24
22 Toe Ski. 21 22 Isa. 1 22 Isa. 32
23 Toe Ski. 22 23 Isa. 2 23 Isa. 33
24 Toe Ski. 23 24 Isa. 3 24 Isa. 34
25 Toe Ski. 24 25 Isa. 4 25 Isa. 35
26 Toe Ski. 25 26 Isa. 5 26 Isa. 36
27 Toe Ski. 26 27 Isa. 6 27 Isa. 37
28 Toe Ski. 27 28 Isa. 7 28 Isa. 38
29 Toe Ski. 28 29 Isa. 8 29 Isa. 39
30 Toe Ski. 29 30 Isa. 9 30 Isa. 40
31 Toe Ski. 30 31 Isa.10
2
SALANTIO KATCHINIKANI KI∙TAPKO PORAIANI
July
05 Thoughts from the Mount of Blessing - Ch. 2, Part 1 (p.6-27.1)

12 Thoughts from the Mount of Blessing - Ch. 2, Part 2 (p.27.2-44)
19 Thoughts from the Mount of Blessing - Ch. 3, Part 1 (p.45-60.1)
26 Thoughts from the Mount of Blessing - Ch. 3, Part 2 (p.60.2-78)
August
02 Thoughts from the Mount of Blessing - Ch. 4

09 Thoughts from the Mount of Blessing - Ch. 5
16 Thoughts from the Mount of Blessing - Ch. 6, Part 1 (p.123-137)
23 Thoughts from the Mount of Blessing - Ch. 6, Part 2 (p.138-152)
30 Ministry of Healing - Ch. 1
September

1
Lesson 1 June 27– July 3
MAINA AN∙CHINGARA SAKKI ON∙NA NANGA?
Sabbath Attam—June 27
Ia Antini Lessonna Poraiani: Luk 19:10; Zeph. 3:17; Johan
7:37, 38; 1 Tim. 2:3, 4; 2 Kor. 5:14, 15, 18–20.
Mingani Pod: “Ian an∙chingni Jokatgipa Isolni nikanio nama

aro ra∙chakani ong∙a; maina pilak manderang jokako man∙china
aro bebeko uianiona re∙bachina Ua ska.” (1 Timothy 2:3, 4).
Isolara maidakako nangnika? Ua pilak manderangkon,

pilakonikon, Uni ka∙saaniko ra∙chakaniko nangnika. Ua
manderangko Uni Gisik Rongtalgipachi dingtanganiko
nangnika. Isol manderangko Un baksa uni songnoko tanganiko
nangnika. Iarang pilakna bateba, Isol an∙chingko jokatna
nangnika. Uni ka∙saani ari sima gri. Uni ka∙saaniko an∙ching
tona amja. Isolni ka∙saani bon∙ani gri. Uni kema watani
pangnaba bon∙changja. Uni bil cham∙ja. Isolara manderangni
olakigipa gipin isolrangoni dingtanggipa ong∙a. Manderangara
ia tol∙gipa isolrangna on∙anirangko on∙a. Indiba kakketgipa
Isolde An∙tangni janggikon an∙chingna on∙aha. Na∙a jokataniko
man∙na nangnikama? Nang∙ni jokna skana baten Isol nang∙ko
jokaniko man∙aniko nangnika! (1 Tim. 2:3,4). Uni ka∙tong
gimikchi, Isol nangko aro angko jokaniko nangnika.
Sakki on∙aniara maia? Sakki on∙aniara Jisu an∙chingko
jokatna maiko dakaha uan ong∙a. Uan Jisuara maikai an∙chingni
janggi tanganirangko dingtangata, uani gimin ong∙a. Sakki
on∙aniara Sastroni bebeni aiao inmangipani gimin ong∙a.
Sastroara an∙chingna Isolni gimin skia. Sastroara an∙chingna
Isolni ka∙tongni nitoaniko mesoka. Maini gimin an∙chingara
sakki on∙na nanga? Maina an∙chingara Isolara sawa ong∙a uko
2
uia. An∙chingara an∙chingni experience ong∙aniko, Isolni
ka∙saaniko aro Uni gipin manderangna ka∙sachakaniko sualna
nanga. Aro mai gipinni giminba an∙chinga sakki on∙na nanga?
Maina an∙chingara Jisu baksa kam ka∙na nangnika. Ua
manderangko jokaton Uni kusi ong∙aniko an∙chinga sualna
nangnika. Uni ka∙saani janggi tanganirangko dingtangata.
Robibar June 28
Jokataniko Man∙na Gita Isol Dingtanganiko An∙chingna
On∙a (Luk 19:10)
Salantian Isolara Uko uina gita cholko manderangna

pilakchinan on∙a. Isolni Gisik Rongtalgipa an∙chingni
ka∙tongrango kam ka∙a. Isol Antangko an∙chingni nikenggipa
nitobegipa naturerango an∙chingna mesoka. Ia a∙gilsak aro
kosako askirang an∙chingna Isolni bil aro gisik gnanganiko
mesoka. Aroba Isolara an∙chingko Uni sepangona ra∙bana
an∙chingni janggi tanganirango mai ong∙a uako sason ka∙a. Ua
an∙chingko dila jedakode baditana kingking ua an∙chingni gimin
simsaka uko an∙ching uigen.
Oe, Gisik Rongtalgipa, ong∙atako man∙giminrang, aro
an∙chingni janggi tanganirango Isolni dilania Isolko uina
an∙chingko dakchaka. Indiba Isolni ka∙saaniko uina gita
an∙chingna nambatsranggiparang ramara maia? Darang gipinna
bate Jisu an∙chingna Isolko nambate mesoka. Jisuni janggi
tanganio aro Uni kamko ka∙anio an∙ching Isolko nika. Indake,
an∙chinga gipin manderangna Jisuko sualna nanga. Unode
an∙chinga jokaniko man∙na gita uamangna nambatsranggipa
cholko on∙a.
Luk 19:10 ko Jakob 5:19, 20 baksa tosusabo. Jisuara

maina ia a∙gilsakona re∙baaha uni gimin Luk 19:10 ara
maiko an∙chingna skia? Maikai an∙chingara gipin
manderangko jokatna Jisu baksa damsan kamko ka∙a?
3
Jakobni ki∙tap an∙chingna agana: “Papigipako uni rama
brangaoniko pil∙atgipa siaoni janggiko jokatgen, aro bang∙a
paprangko pindapgen ine uichina” (Jakob 5:20). Romni
ki∙taprang an∙chingna iako nambate uiatna dakchaka. Rom. 1
aro 2 o, Jihudi aro Jihudi ong∙gijagiparangni gimin an∙ching
poraia. Jihudi ong∙gijagiparangode Isolni gimin uamangna
mesokna Sastro dongja. Indiba uamang Isolni gimin
natureonikon skia man∙aha. Jihudirango Sastro donga. Isolara
sawa ong∙a uko uamangna Sastroan mesoka. Indiba uamango
Jisu Kristo dongjaode, uamang dol gnian gimagen. Rom. 3-5 o
Paul, an∙chingara Isolni ka∙sachakao bebera∙achisan mangmang
jokatako man∙aniko an∙chingna agana. Rom. 6-8 o, ua apsan
bilan an∙chingko jokata uan an∙chingko rongtalataniko Paul
an∙chingna agana. Rom. 10 o Paul agana, “Gitelni bimungo
bi∙gipa pilakan jokatako man∙gen” (Rom 10:13). Unikode Paul
an∙chingna agantaia: an∙ching Uo bebera∙jaode Isoloba
ka∙dongna man∙ja. An∙ching Uko uijaode Uo bebera∙naba
man∙ja. Uni gimin saoba an∙chingna agangipa dongjaode Uko
uinaba man∙ja. Indake gipin manderangko Isolni jokatna
miksonganio an∙chingara baditan gamchatgiparang ong∙aniko
na∙ara nikama? Papirangna Nama Kattako sualchina Isolara
an∙chingko jakkala. Gimagimin manderangko jokatna Isolni
kamko ka∙anio an∙chinga Una dakchaka.
An∙chinga uamangni nambatsranggipa cholni gimin
sakkiko on∙a. Manderangko jokatna Isolni miksonganio
an∙chingni bakara maia? Nang∙ni uamangna agane
on∙ahachi basik sak manderang Jisuni gimin uiaha?
Sombar June 29
Hai An∙chingara Jisuko Kusi Ong∙atna (Zephania 3:17)
Saoba nang∙ko indake sing∙ahama? “Mai rokom ong∙enga?

Ba “Da∙alora pilakan namaiengama nang∙nara?” Ia apsan
4
sing∙anirangko na∙a Isolo sing∙skaode mai ong∙gen? Na∙a indake
sing∙ode, “Gitel, nang∙ni ia salara maikai re∙enga?” Isolara
maidake aganchakgenchim ine na∙ara chanchia? Haida ua
indake aganchaknaba donga. “Angni salde namen rakbea.
Angni mikronrango mikchirangan gapa maina pilak
manderangni aro bi∙sarangni nokrang gimaatako man∙aha. Ia
manderang gipin a∙songchi kataha. Uamang uno sin∙enga aro
okkrienga. Anga ia a∙gilsakni mande bang∙begipa
songjinmarango ja∙achi re∙aha. Kangalrangko aro nokgrirangko
nike anga grapaha. Me∙chikrangko dokako aro bi∙sarangko noti-
dari dakna badinggiparangna palako nikahaon angni ka∙tong
be∙aha. Dakgrikanirang maikai janggirangko gimaataha uko
anga nikaha. Chi bana man∙anirang aro banggrianirang maikai
manderangko duk ong∙ataha uko anga nikaha. Bilonge sae
manderangni saknaanirangko anga nikaha.” Unikode an∙chinga
sing∙skana man∙gen, ”Indiba Gitel, maiba nang∙ko Nang∙ni
ka∙tongko kusi ong∙atani gnangma? Maiba nang∙ko git ring∙atna
skatani gnangma?”
Luk 15:4–32 ko poraibo. Ia golporanga maidake bon∙a?

Uarangni bon∙aniranga Isolni gimin an∙chingna maiko
agana?
Isol papi saksako jokatna man∙on salgi gimikan kusi

ong∙a. Oe, an∙ching a∙gilsako saa ding∙a, bangguria, chi bana
man∙a, aro sianian gapgipao donga. Indiba an∙ching Isolni
ka∙tongko jensalo an∙ching gipin manderangna Jisuni Nama
Kattako gipinrangna suala, uno kusi ong∙atna man∙a. Gipin
manderangna Jisuni ka∙saaniko sualna nambatsranggipa
a∙selrangoni mingsara maia? Uan an∙chingni sakki on∙anichi
Isolni ka∙tongko kusi ong∙ani gapataniko uiani ong∙a. Isolni
ka∙saani gimin changanti an∙ching gipin manderangna mesokon,
salgiogipa sakantian git ringa!
5
Zephania 3:17 ko poraibo. Ia podo an∙chingni nika gita,
jensalo an∙ching an∙chingko jokatna Uni bilko ra∙chakon
Gitelara maiko daka?
Ia noksako nang∙ni gisiko donatbo: Na∙a sanaba sakki on∙a.

Unikode ia mandeara Jisuko uni Jokatgipa ong∙a ine ra∙chaka.
Iani ja∙mande mai ong∙a? Jisuara kusi ong∙an gapa. Salgio
pilakan ring∙a. An∙chingni bilakgipa Jokatgipaba kusi ong∙e
ring∙a. Oe an∙ching ia a∙gilsako duk aro saknaan gapgipao
donga. Indiba nang∙ni Uni gimin gipin manderangna sakki
on∙aniara Isolni ka∙tongko git ring∙an baksa kusi ong∙ata. Iako
uiana bate nambatgipa mai gipin dongkua?
Mongolbar June 30
An∙ching On∙on, An∙ching Dal∙roroa (Johan 7:37, 38)
A∙gilsakni ka∙mabatsranggipa bakde Dead Sea-an

ong∙a. Dead Sea-ara ia a∙gilsako, 1,388 feet gipin chubatgipa
sagalni ka∙mao ong∙a! Dead Sea-ara banoni a∙bachenga?
Uan Jordan chibimaoni. Jordan chibimara Galili Sagaloni
ong∙kata. Unikode Jordan Chibimara Jordanni a∙kaweona
jokange Dead Sea-o braea.
Dead Sea jolni balwara namen ran∙a. Uano salara bilongen

ding∙a. Balwani ding∙ara a∙gisian a∙gisi dakpila. Dead Sea-ara
33.7% de kari nanga! Ua chio janggirang dongja. Na∙tokrangba
aro sambolrangba dongja. Dead Seani ka∙mabatgipa bakosan
maiba maiba chonchonarang donga. Ia tanggiparangara agre
chonchondugaa, microscope gride uarangko nikna man∙ja.
Ka∙sachakaniko an∙chingni nanganiko Dead Sea an∙chingna
uina dakchaka. Ka∙sachakania Isolni papni kosako indin on∙ani
ong∙a. Isolni ka∙sachakaniko an∙chingni janggi tanganirangona
an∙chingara re∙bana on∙na nanga. Unikode an∙chingni
6
ka∙tongrangoni ka∙sachakanirangara gipinrangona jokangna
nanga. Ka∙sachakani gride, an∙chingara Dead Sea gitan apsan
ong∙a. An∙chingo mamung gisik ba toromni janggi tanganin
griwa. Kristianni janggi tanganide indakede ong∙ja. An∙chingara
Dead Sea Kristianrang ong∙na nangja.
Johan 7:37, 38 aro Luk 6:38 rangko poraibo. Jensalo
Jisu an∙chingna Tanggipa Chiko ringna on∙on an∙chingni
janggi tanganirango mai ong∙a uko ia podrang an∙chingna
mesoka. An∙ching uko ringon mai ong∙a?
“Papirangko jokatna Isolara an∙chingni dakchakako

nangama? Nangja! Isolara an∙chingko Uni Depante gitan apsan
ong∙aniko nangnika. Uni gimin, Uni jokatna kam ka∙anio
an∙chingba Un baksa bakrimna nanga. Unode an∙chingba Isolni
kusi ong∙a gitan kusi ong∙pagen. Ua kusi ong∙aniara an∙chingni
manderangko Jisuni sianichi jokataniko man∙aniko nikanioni
re∙baa.
“Na∙ara papni kosako dakgrikaoni chena skama? Indakode
antangnasan chanchiaigipa ong∙nabe. Gipin manderangko
jokatna simsakna a∙bachengbo. Uan nang∙ko antangnasan
chanchiaoniko bon∙atna dakchakgen.” –Ellen G. White,
Fundamentals of Christian Education, jak 207.
Uni gimin, an∙chingara Jisu an∙chingna maiko dakaha uko
gipin manderangna sualna. Unode an∙chingni gisikni janggi
tanganirangara bilakrorogen. Isol an∙chingna Jisuo on∙ahako
mingantini gimin chanchibo! Antangna chanchiaigipa
ka∙tongsan mangmang ia on∙aniko gipin manderangna
sualaoniko ra∙rike donggen. Sualna an∙ching fail ong∙gen?
An∙chingni gisikni janggi tanganiara Dead Sea gitan apsan
ong∙gen.
Na∙a Jisuni gimin sanaba agane on∙ahama? Maikai

nang∙ni experienceara nang∙ni bebera∙aniko bilakdapataha?
7
Budbar July 1
Jisuni Ge∙etaniko Maniani (1 Timothy 2:3, 4)
An∙ching Jisuna bamon, an∙ching Uni miksonganio

ja∙rikgen. An∙ching Uni ge∙etanirangko manigen. Maia Jisuna
nangchongmotgipa ong∙a uan an∙chingnaba nangchongmotgipa
ong∙gen. Nang∙ni ka∙tongara Jisuna bamama? Indakode na∙ara
papo gimaenggipa manderangko jokatna Un baksa kam ka∙gen.
1 Timothy 2:3, 4 aro 2 Pitor 3:9 rangko poraibo. Isolni

ka∙tongni gimin ia podranga an∙chingna maiko agana?
Isolnara maia namen nangchongmotbatsranggipa ong∙a?
Manderangko jokatani gimin Isolara namen gisik

ding∙chaa. Iana bate mamungba Una gamchatbatani gri. Isolara
“pilak” manderangko joka man∙china aro “bebeko uianiona
re∙bachina” (1 Timothy 2:4) nangnika. “Gitel na∙simangna
chakchikgipa, ua saksani gimaaniko namnikja, gisik pil∙aona
pilakni re∙baaniko namnika” (2 Pitor 3:9). The SDA Bible
Commentary an∙chinga agana: 2 Pitor 3:9 o ua katta “nanga”ara
Greek katta “boulomai” oni re∙baa. “Boulomai-ara maikoba
dakna sikpretaianiko an∙chingna mesoka.” Iani ja∙mano SDA
Bible Commentary “indiba” kattani gimin agana. “Indiba” na
Greek kattara “alla” ong∙a. Pitor ia kattako “minggni dingtang
dingtang miksonganirangko mesokna jakkala. Skanggipara Isol
sakantikode jokatna sikja ine ong∙gija bebera∙ani. Indiba
gnigipade bebe ong∙a, uara Isol sakantikon jokaniko nangnika.”
The SDA Bible Commentary, volume 7, jak 615. Manderangko
jokatna gita Jisuara an∙chingko Un baksa kam ka∙china ge∙eta.
Uni ka∙saani, bebe ong∙ani aro ka∙sachakani gimin Ua
an∙chingko manderangna sakki on∙aniko nangnika.
Ka∙sachakani, an∙chingni nikani gita, iara Isolni ka∙saaniko,
kema wataniko aro bilko papni kosako on∙ani ong∙a.
8
Manderangko jokatna an∙ching kamko ka∙on, an∙chingara
uamangna Jisuni pilak mandekon jokatna skaniko mesoka.
Watata 13:47 ko Isaia 49:6 baksa tosusabo. Watata

13:47 o Paulara sako ba sani gimin aganenga? Ia podo
Paulara maiko an∙chingna aganenga?
Basakobade Niam Gitchamni nama kattaranga mingsana

bateba ortorang donga. Wat. 13:47 o, Paul Niam Gitchamni
gimin Jihudi aro Jihudi ong∙gijagiparangna Israel aro
Jokatgipani gimin agana (Isaia 41:8; Isaia 49:6; aro Luk 2:32 ko
poraibo). Maikai ia podara Niam Gitalni mondolini giminba
ong∙a uko Paul mesoka. Jisuni ge∙etaniko gisik on∙jaen
mondolina mai ong∙a? Mondoliara Isolni uamangna on∙gimin
kamko ka∙na fail ong∙gen.
Mondoli ong∙e an∙ching ia a∙gilsako maina ong∙enga uko

gualani kengnia maia?
Bristibar July 2
Ka∙saachi Dilako Man∙aha (2 Kor. 5:14, 15, 18–20)
“An∙chingara maina sakki on∙na nanga?” ine ia antio
sing∙anirangna an∙chinga aganchakaniko man∙aha. An∙chingni
bebera∙aniko sualon an∙chingara kusi ong∙aniko an∙ching
nikaha. Aroba manderangko jokatna an∙ching Isol baksa kamko
damsan ka∙paon an∙chinga kusi ong∙a. Isolni ka∙saani gimin
an∙chingni sakki on∙ania uamang maikai jokatako man∙gen uko
manderangna mesoka. Isolni bebe aro ka∙sachakani gimin
uamang rongtalbate nikna man∙gen. Gisik ra∙bo, ka∙sachakania
Isolni ka∙saaniko, kema wataniko aro papni kosako bil
man∙aniko indin on∙ani ong∙a.
Apsan somoion, an∙ching sakkiko on∙on Isol an∙chingko
bebera∙anio bilakrorona dakchaka. Indake an∙chingara Jisuko
9
gipin manderangna sualna nanganiko gisik ra∙na nanga. Isol
jeko jeko an∙chingna dakaha uarang pilakkon an∙chingara
uamangna agane on∙na nanga. Jisuni gimin sakki on∙na an∙ching
fail ong∙ode an∙chingni gisikni janggi tanganiba tang∙onanga.
An∙ching sakkiko on∙on, an∙ching Isolona sepangbatbae
re∙baa. An∙ching sakkiko on∙on, an∙chingara Isolni ge∙etaniko
katta mania. Da∙alo an∙chingni poraianio, maini gimin
an∙chingara gipin manderangna sakkiko on∙na nanga uni
nambatsranggipa a∙selrangko niata.
2 Kor. 5:14, 15, 18–20 ko poraibo. Maia Paulko

rakbemiting somoio, bebera∙aniko dake niao, neng∙begipa
obostarango, aro namgijagipa chagronganirango bilake
dongna dakchakaha? An∙chingni Jisuna kam ka∙ao bilake
dongna gita Paulni antangni gimin mesokania maikai
an∙chingna dakchakani ong∙a?
Paul ka∙saachi dilako man∙aha. Ka∙samanchaani dongode
na∙a dakna nanggnirangko dakgen. Paul agana, “Kristoni ka∙sara
chingko draata” (2 Kor. 5:14). Paulni kattaranga jringjrotnan
bebe ong∙a. “Sason ka∙a” kattara “dila, re∙dila, dakdila sakoba
maikoba bilake dakna skata.” Jeko jeko Paul dakchaka Jisuni
ka∙saa pilakon sason ka∙a. Uan Paulko Isolni jokatna
mangsonganiko Mediterranean Sagal jol gimiko agana skataha.
“Ka∙saania ka∙tongo dongna nanga. Bamgipa Kristiande uni
ka∙tongo Jisuna ning∙tue ka∙saani donga. Indakgipasa pilakkon
dakna skata. Uni gipin manderangna dakchakna ning∙tua skani
uni Jisuna ka∙saaoni chilprakbaa.”—Ellen G. White, The
Adventist Home, jak 425.
Indake an∙chinga Jisu an∙chingna chisolo maiko dakaha
uako uina nanga. Unon Jisuni ka∙saani an∙chingo gapatako
man∙gen. Unon an∙ching Ua jeko jeko an∙chingna dakaha ua
pilakkon gipinrangna agannan skaigen.
10
Aski aro sa∙grerangko Dakgipaan an∙chingna chisolo
siaha. Maikai ia Sastroni bebeara Uni ka∙saaniko gipin
manderangna sualna gita an∙chingna dakchaka?
Sukrobar July 3
Chanchidapani: Ellen G. Whiteni “God’s Purpose for His
Church” ko Watatarangni Kamrangoni jak 9–16 oniko aro
Chasongrangna Ma∙ringani jak 822–828 rangoniko poraibo.
Niam Gitalni mondoliara uamang antangtangni a∙gilsako

dongani a∙selko uijani gimino kengnio ong∙achim. Ellen G.
White ia kengnini gimin agana: “Jerusalemni mondoliko a∙rik
sanalania nama kattani kamko gipatbatna dakchakanisa
ong∙skaaha. Ua biapo nama kattako skiprakani chu∙sokaha aro
Jokatgipani a∙gilsak gimikona re∙ange nama kattako skiprakna
aganengo watatarang biapsano donge skiprakaianioba kengni
gnangchim. Diabolko chel∙chakna bilkoa warachakpilosa ama
ine chanchigija uamang Jerusalemo donggipa mondolio
bobilrangni nosto ka∙gnioniko chel∙chakna joton ka∙angkuaha.
Gisik pil∙gimin nama kattako skiskachina skie on∙ani pal
uamang an∙tangtangni chu∙sokgimin kamko chu∙ongnike
donganiba dongachim. An∙tangtangna kam ka∙giparangko
a∙gimik gipatna gita Isol a∙rik sanalanikoba watata.
Jerusalemoni rikgalatako man∙e bebera∙giparang jechi re∙anga
unon nama kattako skiprakroroaha.”—Watatarangni Kamrang,
jak 105.
Chanchigrikna Sing∙anirang:
1. Kosako Ellen G. Whiteni agananiko namedake nibo.
Bon∙chotgipa ritingko dingtangmancha gisik on∙e nibo.
Uandakgipa apsan kengnina da∙alo an∙chingara maina
simsakbena nanga? Uamangni chanchia ba dakaha gita
dakpana maini gimin ong∙gijani ong∙a?
11
2. Na∙ara maiko chanchia: maini gimin Mati, Mark, Luk
aro Johanni ki∙taprangara ua apsan ge∙etanion bon∙ea? Ia
ge∙etaniko Mati 28:18-20; Mark 16:15, 16; Luk 24:46-49;
aro Johan 20:21 oniko poraibo. Ia podrango maiko Jisu
ge∙etaha uan Uni ja∙rikgiparangara skanggipa ritcha
bilsirango tanggiparang ong∙aniko mesoka. Uan an∙chingna
da∙alo mai ong∙na nanga?
3. Sakki on∙ani aro Isolna dangdike on∙ania Isolko kakket

olakianiko bodol ka∙na man∙ama? Ong∙ode, maidake? Ia
ja∙gao an∙chinga ga∙akja ine tik ong∙na ba uina gita
an∙chingara maiko dakna man∙gen?
4. Sakki on∙ani aro Isolna dangdike on∙ania maikai nang∙ni

bebera∙aniko bilakdapata? Nang∙ni experienceoniko na∙a
maiko skie ra∙aha jean gipin manderangkoba dakchakna
man∙gen? Mai daksretanirangko na∙a dakaha? Ia apsan
gualanirangko dakjachina gita gipin manderangko na∙a
maikai dakchaka?
5. Ia a∙gilsako an∙chingsan ingipa gita, an∙ching sakanti

sakprakpraknan Isol ka∙saa. Ia ong∙chongmotania aiao
inmanbeani ong∙a! Sastroni bebe ong∙ania nang∙na mai orto
ong∙ea? Ian a∙aoba aro salgioba nangchongmotbatsranggipa
bebe ong∙a. Iani gita na∙ara maidake janggi tangna
nang∙genchim?
_____________________
12
Lesson 2 July 4–10
JISUNA SAKKI ON∙ANI: AN∙CHINGNI

GOLPORANGNI BIL GNANGANI
Sabbath Attam—July 4
Ia Antini Lessonna Poraiani: Mark 5:15–20; Mark 16:1–11;
Wat. 4:13; 1 Johan 1:1–3; Gal. 2:20; Wat. 26:1–32.
Mingani Pod: “Chinga jeko jeko nikaha aro knaaha, uko

agangija dongna man∙ja” (Watatarang 4:20).
Jisuni gimin an∙ching antangtango donggipa maidakgipa

golporang namen bil gnangata? Skanggipao, Jisu an∙chingni
ka∙tongrangko Uni ka∙saanichi ding∙bomata. Iani ja∙manode,
Jisu an∙chingni janggi tanganirangko dingtangata. Unikode
an∙chingo Uni gimin maiba gamchatgipakon aganna naata.
Chong∙mot an∙ching manderangna Jisu sana maiko dakaha uni
golporangko manderangna aganna man∙a. Indiba, Jisu
an∙chingna maiko dakaha, uni gimin an∙ching antangtangni
golpokon aganna man∙ode uan bil gnangbatgipa ong∙a.
Saniba janggi tangao chagronge nikanini gimin argue ka∙na
rakbea. Nang∙ni bebera∙arangni gimin manderang argue ka∙naba
donga. Sastroni bebe ong∙aniko nang∙ni talate on∙ako uamang
melinikjanaba donga. Toromko manderang ka∙dingsteknaba
donga ba nang∙ni Isolo bebera∙anina nang∙ko sainaba donga.
Indiba nang∙ni chagronge nikgiminni sawa argue ka∙na man∙a?
Na∙a indake aganna man∙naba donga, “Ango ka∙donga grichim.
Indiba da∙o anga ka∙dongaha. Anga antango dos gape nikachim.
Indiba anga da∙o tom∙tomani dongaha. Angni janggi tangao
ortoan gri. Indiba anga da∙o janggi tangani a∙selko uijok.”
Jensalo uamang Jisuni dakachi nang∙ni janggi tangani
dingtanganiko nikahaon, jajreng-kenchakgipa
13
manderangmangba Nama Kattachi ka∙tong moatako man∙a.
Saobarangde Paulni Damaskusni ramao gitan uamangni
gisikni janggi tangani ta∙rake dingtanganiko niknaba donga.
Indiba bang∙bata manderangan somoirang re∙angan baksasa
on∙ti on∙ti dingtanga. Jisuara sawa ong∙a uko uamang uina
a∙bachenga. Unikode uamanga Jisuni aiao inmangipa ka∙saaniko
on∙anina aro Uni uamangko paponiko jokatna skani gimin
mitelpila. Jisu an∙chingni janggi tanganirangko chu∙gimikkon
dingtangata. Manderang nikna man∙en ua dingtangata. Ia
dingtangania ia a∙gilsako manderangkoa maidake dakako
nangnika aro maikon nangbeengachim uanonan dingtangata.
Robibar July 5
Saksa Mande Jekon Darangba Ua Sakki On∙gipa Ong∙gen
Ine Niksamsoani Grichim (Mark 5:15–20)
Mark 5:15–20 ko poraibo. Ia golpoo maikai Jisuara ua

mandeko sakki on∙na gita Dekapolisona watata na∙ara
nikama? Uni bebera∙ani bilakbatgnina maina Jisuara uko
Antang sepangon rakija?
“Dekapolis” kattara Greek katta “deca” (chikkung) aro

“polis” (“songjinma”) oni re∙baa. Dekapolisara skanggipa ritcha
bilsio Galili sagalni rikamo songjinma ge 10 ni areako
man∙gopa. Uano manderangara ku∙sik apsanko agana aro janggi
tangani bewalrangban apsana. Ua biapo bang∙a manderangan ua
mandeo hajal korerangni napaniko uia. Ua kore napgipa
mandeara ong∙ronggijarangko daka jean manderangko kenata.
Darangba uo ka∙dongja. Jisu ia mandeni ka∙tongo maiba
nambataniko ning∙tuen nangenganiko nikaha. Uni gimin Jisu ia
mandeoniko korerangko wataha.
Unikode jillani manderangara Jisu maiko dakaha uko
knaaha. Jisu ua korerangko wakrango napechina on∙ahako
14
uamang uiaha. Wakrangara a∙kuangko daarionange sagalo
napsrimetokaha. Mark an∙chingna agana, “Aro uamang Jisuona
re∙baa, aro ua kore chagipa, chongmotan kotokko man∙gipa
mandeni ba∙ra gane, aro gisik name asongako nikaha; aro
uamang kenaha” (Mark 5:15). Ua mande chu∙gimikan
an∙sengaha. Jisu ua mandeni gisik, chanchiani aro kamrangko
dingtangataha. Ian Nama Kattani dakanide. Papchi
be∙gruatgimin manderangko chol man∙a mingantichi uan
dingtangata.
Iani giminsa ia mandeara songjinma dam 10 o nambatgipa
sakki on∙gipa ong∙aha. Ua mandeni janggi tangani chu∙gimikan
dingtangsrangaha. Da∙ode ua antangni Jisu baksa chagronge
nikgiminko Dekapoliso sakantinan aganna man∙aha. Ellen G.
White indake sea, “Kristoni sakkirang ong·e an·chinga jeko
u·iaha, knaaha, nikaha aro ma·siaha uko sakgipinrangna
aganskana nanga. An·chinga ja·kuantion Kristoko ja·rikode,
Uni an·chingko re·dilenggipa ramani gimin maikobade tiktak
agane on·na man·gen. Uni ku·rachakanirangko maikai porikka
ka·e niaha aro uaranga maikai bebe ong·a, uarangko an·ching
aganna man·gen. Kristoni ka·saani gimin an·chingni
u·imangiminko an·chinga sakki on·naba man·gen. Iako sakki
on·chinaan Gitel an·chingko okamaha aro iako an·ching sakki
on·jani gimin a·gilsakni manderang gimaangtokenga.”—
Chasongrangna Ma∙ringani, jak 340. Pil∙nipilan Isolara jekon
darangba Uchi jakkalako man∙gen ine mamung niksamsoani
dongja, uandakgiparangko sakkirangna jakkala. Ia manderang
janggi tanganirangko dingtangata maina Jisu uamangko skang
dingtangataha.
Nang∙ni golpoara mai? Na∙a maikai Kristian ong∙baaha

uani gimin na∙a manderangna maiko agana? Nang∙ni
chagronge nikaniko, sanaba Jisuko bebera∙gijagipana na∙a
maiko sualna man∙gen?
15
Sombar July 6
An∙chingni Jokatgipa Tanga (Mark 16:1–11)
Uan Robibar pring ong∙achim. Sakgni Mariammang Jisuni

gopramona daaribaaha. Uamang uchi Uo maikoba bi∙nade
re∙angja. Sigimin mandea uamangnara maiko on∙na man∙kugen?
Jisuko mejamangmang uamangni nikgipara, dokani an∙chirara,
an∙chi kama aro nel∙skingarangan be∙engimik gapachim.
Chisolo Jisuna mai ong∙aha uko uamang mamung saloba gualna
man∙jawaha. Ua me∙chikmarang Jisuni bimangko su∙srangna aro
uko gopna tarina re∙baaha. Uamangni ka∙tongrang namen duk
ong∙a. Mikkangchina ua me∙chikmarango ka∙dongani griaha.
Ua me∙chikmarang Jisuni gopramona sokbaaha. Unon
gopramni konggrangko nikna uamang jagokaha. Iani ja∙mano
mai ong∙ahako Mati an∙chingna agana: “Aro sa∙gre
me∙chikrangna aganchake inaha, Na∙simang da∙ken; maina
na∙simang chisolo datkapa man∙gipa Jisuko am∙enga ine anga
uia. Ua iano dongja; maina uni agana gita ua tangchaaha” (Mati
28:5, 6).
Ua me∙chikmarangni ka∙tongrang kusi ong∙an gapaha.
Uamang da∙o duk ong∙jajok. Uamang da∙o kusi ong∙jok.
Uamang grapako dontongaha. Jisu tangchapilaha ine kusi
ong∙ani gitrangko uamang ring∙aha!
Mariamni gimin Mark 16:1–11 oniko poraibo. Jisu

siaoni tangchapilaha ine uiahaon Mariam maiko dakaha?
Siaoni chakatpilani ja∙mano Mariam Jisuko gronga.

Unikode ua Jisuni ja∙rikgiparangna ua golpoko aganna
daariangaha. Mariam jrip jrip dongnan man∙jajok. Ua koborara,
ua antangnade agre aiao inmangipa ong∙a. Jisu tangpilaha! Uni
gopram bangbang ong∙aha! Manderang uko pilakchin
aganenggnok. Janggi tangao an∙chingba Mariamni gronggipa
16
apsan Jisukon gronga. An∙chingba indaken, ua golpoko gipin
manderangna aganna daarina nanga. Namgipa koborko sualna
nanga! Jisuni gimin Nama Koborko an∙ching jrip donna nangja.
Ian namen gisik nangatbeani ong∙a je Jisuni ja∙rikgiparang
Mariamni aganako bebera∙na jechakaha. Gisik ra∙bo, ia apsan
ja∙rikgiparangkon Jisu Antangan basee ra∙aha. Antangni signi
aro chakatpilgnini gimin Jisu uamangna bang∙a changon
aganaha. “Mariam uamangna Jisu tangenga ine aganaha. Ua
uko nikaha ine aganaha, indiba sninggiparang uko bebera∙jaha”
(Mark 16:11, ICB). Iano an∙chingna mingsa nangchongmotgipa
skie ra∙ani gnang. Jisuni ja∙rikgiparangan ua bebe golpoko joljol
bebera∙ja. Uni gimin an∙chingba an∙chingni Jisuni gimin aganon
joljol ra∙chakgijanina aiao inmanna nangja.
Jisuni gimin nang∙ni aganna joton ka∙ao saniba

nang∙oni an∙pilanggipara basako? Ua ong∙a obostaoniko
na∙ara maiko skie ra∙a?
Mongolbar July 7
Dingtanggimin Janggi Tanganini Bil (Wat. 4:13)
Jihudi dilgiparang “Pitor aro Johanni ka∙dongako nike,

aro uamangni leka pora man∙begipa ong∙gija, mande
ramramsanko uie, uamang aiao inmanaha; aro uamang Jisu
baksachim ine uamangko uiaha” (Watatarang 4:13).
Niam Gitalni mondoliara ta∙raken silroroaha. Salsanon sak

3,000 napbolaha (Wat. 2:41)! Aro adita antini ja∙manon hajal
manderang chapattaiako man∙aha (Wat. 4:4). Maini gimin ua
mondoliara ta∙raken jelroroenga bakbakan Jihudi mondolini
dilgiparang uina a∙bachengaha. Niam Gitalni
bebera∙giparangara Jisu baksaan ong∙ahachim. Jisuni ka∙saani
Uni ja∙rikgiparangko dingtangataha. Ka∙sachakani, an∙chingni
17
nikani gita, uara Isolni ka∙sachakaniko, kema wataniko, aro
papni kosako bilko indin on∙ani ong∙a. Ia dingtanggimin me∙a
aro me∙chikrang jrip jrip dongna man∙ja. Uamang Jisuni gimin
aiao inmangipa koborko sakantinan aganna nanga.
Wat. 4:1–20 ko poraibo. Pitor aro Johanko Jisuni gimin

manderangna aganengaoniko Jihudi dilgiparang
dontongatna joton ka∙ahaon mai ong∙aha? Pitor aro
Johanni aganchakaniara maikai ong∙a?
Somoisao, Pitorara na∙tok rim∙gipasachim. Isolni ka∙saani

Pitorko dingtangataha. Batanggimin somoio, Johan aro uni
jonggipa Jakobara uamangni ka∙onangningako sasono donna
man∙jachim. Uni gimin Jisu uamangko mikka kimpretani
dedrangrang ine bimungko on∙aha. Unikode Jisuni ka∙saani
uamangkoba dingtangataha. Thomasara jajrenganian
gapkamaiachim. Jisuni sninggipa sakprakan aro Niam Gitalni
membor sakprakan Jisuni gimin maiba golporangde uamango
dongtoka. Indake, uamang jrip jrip dongna man∙ja. Iara maina
indake ong∙a uko Ellen G. White talata. “Jisuona saoba re∙baa
baktapan ua maikobade Uni gimin gipin manderangna aganna
nangnika. Jisuan Uni gamchatgipa ripeng ong∙a. Jisu uko
jokataha aro uni janggi tanganiko dingtangataha. Ia bebe
ong∙aniko Kristianrangara jrip dongna nangja.”—Kristoona
Ja∙kurang, jak 78.
Wat. 4:16 o Jihudi toromni dilgiparangara maiko agana
na∙a nikama? An∙sengatako man∙gimin mande uamangni
mikkango chadenga. Indake ua dilgiparanga ong∙ronggija
ong∙enganiko ra∙chakna nanga ga∙aka. Indiba uamang
antangtangni knaani gita dingtangna jechaka. Uan Pitor aro
Johanko Jisuni gimin sakki on∙aoniko dontongatama? Ihing,
dontongatja!
18
Jisuko uiani aro Jisuni gimin agane on∙anini gisepo
nangrimgrikanio mai meligrikani gnang? Gipinrangna Uni
gimin agane on∙na skang Jisuara sawa ong∙a uko maini
gimin an∙chinga uina nanga?
Budbar July 8
An∙chingni Chagronge Nikaniko Agane On∙ani
(1 Johan 1:1–3)
Wat. 26 o, Paulara jako sildengrang gnang Raja Agrippani

mikkango chadengako an∙chinga nika. Paul antangni janggi
tangani golpoko agana. Jisuko ja∙rikgiparangko basako uara
chadrapachim uko Paul agane on∙a. Unikode Paulara, maikai
Jisu uni janggi tanganiko dingtangataha, uani gimin rajana
agana (Wat. 26:8).
Paulara Damaskusni Ramao dingtangaha. Uano, Jihova
Paulna aganaha, “Chakatbo, aro nang∙ni ja∙achi chadengbo;
maina iani giminan, chongmotan, nang∙ni nikgimin, aro anga
nang∙na mikkang pa∙gnini gimin dakchakgipa aro sakki donna
nang∙na mikkang pa∙aha” (Wat. 26:16). An∙chingni
bebera∙aniko gipin manderang baksa sualon, ian pangnan
bilakbegipa dake nike chagrongani ong∙a. An∙chingni
bebera∙ako suala inani ortoara mai? Batanggimin somoio
Jisuara an∙chingna mai maiko dakaha mingantikon
manderangna agane on∙ani ong∙a. Uan an∙chingni janggi
tanganirango Jisu an∙chingna mai maiko dakaha ua mingantikon
da∙alo aganskaani ong∙a. Jisu an∙chingna mikkangchi maiko
dakgen uni giminba an∙chingni aganna nangani ong∙a.
An∙chingni sakki on∙aniara pangnaba an∙ching antangtangni
gimin ong∙ja, indiba Jisuni giminsa ong∙a. Jisu an∙chingni
paprangko kema wata. Ua an∙chingni saanirangko namata. Uni
ka∙saanichi Ua an∙chingko gapata. Ua an∙chingna
namnamarangko on∙a (Git. 103:3–5). Indake, sakki on∙aniara
19
an∙chingni Jisuni aiao inmangipa ka∙saani gimin agane
on∙skaani golpo ong∙a.
1 Johan 1:1–3 ko poraibo. Unikode ia podrangko Gal.

2:20 baksa tosusabo. Ia podgnion apsangiparangara maia?
Maikai Johanni chagronge nikaniara Paulni gitan apsana?
Chong∙mot, Johan aro Paulara dingtang dingtang janggi

tangao dake nike chagronganirang gnang. Indiba uamanga
sakgnian Jisu baksa chagrongani gnang. Uamangni chagronge
nikaniara changsani somoio ong∙bae pangnana bon∙angaiaha
ong∙ja. Uamangni Jisuo chagronganiara salantian ong∙a.
Salantian uamang Jisuni ka∙saanio kusi ong∙a. Salantian uamang
Uni bebeko ja∙rika. Uni bebe ong∙ania ching∙begipa ching∙ani
gitan apsan ong∙a.
Janggi tanganio dingtanggiminni maiaba ong∙ania
changsasanma? Batanggimin somoio Jisu baksa experience
ong∙gipa manderangni gimin Ellen G. White agana.
“Batanggimin somoio uamangni experience ong∙ahaan
chu∙ongaha ine uamang chanchia. Uni gimin iara sal sal ong∙na
nanggipaan ong∙a ine uamang chanchija. Indiba an∙chingara
salantian Jisu baksa dingtangatako man∙na nanggiparang
ong∙a.”—Manuscript Releases, volume 4, jak 46.
Maini gimin an∙chingara Jisu aro Uni ka∙saaniko sal

salantian uina nanga?
Bristibar July 9
Antangni Golporangni Bil Gnangani (Wat. 26:1–32)
Hai an∙chingara Paulni Raja Agrippako grongtaianiko

nitaina. Agrippara Jihudi rajarangni bon∙kamgipa ong∙achim,
jekon Macabees ine agana. Agrippa “antangba Jihudi ong∙a” ine
agana. Indiba uni ka∙tongde Rom ong∙a.” (The SDA Bible
20
Commentary, volume 6, jak 436 ko poraibo.) Paul uni janggi
tanga gimik namgijani kosako dakgrika. Da∙ode ua budepajok
aro amjajok. Jisuni gimin Nama Kattarangko aganna ua bang∙a
songreanirangko dake neng∙jok. Indakomangba, Paul uano
ka∙dongbee bilakbegipa rajani mikkango chadenga. Paulni
ka∙tongara Isolni ka∙saan gapaha aro uni mikkangara Isolni
tomtomanichi ching∙engachim. Oe, Paulni janggi tangao bang∙a
namgijanirang ong∙aha. Indioba ua Isolara nama ine aganna
man∙kua!
Agrippa rajani ka∙tongara jajrenganian gapa. Uni
ka∙tongara rakaba raka. Ong∙ama ong∙jama uade simsakja.
Paulara namen dingtangsranggipa ong∙a! Paulara bebera∙anian
gapgipa ong∙a. Bebeni gimin ua simsaka. Ua Isolna bama. Ua
uni ka∙tong gimikchi bebena warachaka. Uni bichal ka∙ramo
ong∙mitingo, Paul Agrippako aganna gita hukumko bi∙a.
Agrippa Paulna aganna hukumko on∙a.
Wat. 26:1–32 ko poraibo. Ia podrangni mesoka gita,

Paulara maikai Agrippana sakki on∙a? Paulni
kattarangoniko an∙chingara mai skie ra∙aniko dakna
man∙a?
An∙ching manderangna ka∙saon, uamang uamangni

ka∙tongrangko an∙chingna oe on∙a. An∙ching sera-bera ong∙ode,
manderangara uamangni ka∙tongrangko chipa, an∙chingna oe
on∙ja. Ia podrango baditan Paulara Agrippana mandera∙aniko
mesoka, na∙ara nikama? Paul agana, “Jihudirangni pilak
dakbewal aro jegrikanini gimin na∙a uigipa ong∙ani gimin, anga
antangko kusi ong∙gipa ine chanchienga, uni gimin anga
mol∙mola, chakchike angko knatimpakubo” (Wat. 26:3).
Unikode Paul maikai Jisu uni janggi tanganiko dingtangataha
rajana agana.
21
Paulni golpoko Wat. 26:12–18 oniko poraibo. Unikode
maikai Paulni golpoara Agrippako Wat. 26:26–28 o gisik
nangbeata simsakbee nibo. Maikai Paulni golpoara rajako
gisik nangatbea? Maini gimin Agrippara indake
aganchaka? Agrippani ka∙tongko rim∙atgipa mai kattako
Paulara agana?
Jisuni gimin Paulni antangna ong∙gipa golpo Agrippa rajani

ka∙tongko namen rim∙aha. Maina? Maina bilakbatsranggipa
sakkiko an∙chingni gipin manderangna mesokna man∙aniara
janggi tanganio dingtangani ong∙a. Jensalo uamang Isolni
ka∙sachakachi janggi tanganio dingtangatako man∙giparangko
nikon Isolo bebera∙gijagipa rajarangmangba ka∙tong moatako
man∙a. An∙chingni golpoara Paulni gita bilakbegipa ong∙janaba
donga. Indiba an∙ching gimikan Jisuni gimin aro Uni an∙chichi
jokatako man∙ani gimin manderangna agane on∙na man∙a.
Sukrobar July 10
Chanchidapani: Ellen G. Whiteni “Almost Thou Persuadest
Me” ko Watatarangni Kamrangoniko jak 433–438 rangoniko
poraibo.
Kristian janggi tangao nangchongmotbatsranggipa bakara

ka∙tongrango Jisuko man∙anian ong∙a. Jensalo an∙chingni Jisu
baksa experience ong∙a bang∙ahaon aro gapahaon, an∙ching uko
gipin manderangna sualgen. Oe, ong∙e skianiranga
nangchongmota. Ia bebe ong∙ani gimin Ellen G. White
rongtalbeen indake agana. “Bebeni gimin jegrikani rakgipa
ka∙tongrangko pangnaba nom∙atna man∙jawa ine Jokatgipa uia.
An∙chingni kattarangara saoba antangnasan chanchiaigipako
dontongatna chu∙ongja. Bebe aro a∙selrangko mesokani
mangmangde manderangko a∙gilsaknirangko ka∙saaoniko
an∙pilatna man∙jawa. Uni sninggiparangara Salgini on∙aniko
22
ra∙chakna nanganiko Jisu uia. Salgini on∙ania Nama Kattaan
ong∙a. Nama Kattara jerangni ka∙tongrangan Jisuko uianio
ding∙atako man∙aha uamangchi sualako man∙na nanga. Unode
Nama Kattara bil gnanggipa ong∙gnok. Ian an∙chingni
kattarangna Jisuni Tanggipa uiani bilko on∙ani gimin ong∙a.
Jisuan rama, bebe, aro janggi.”—Watatarangni Kamrang, jak
31.
Chasongrangna Ma∙ringani ki∙tapo Ellen G. White ia
bilakbegipa chanchianiko naata: “Oe, an∙chingara Sastroni
bebeni gimin manderangna agane on∙na nanga. Indiba Sastroni
bebe ong∙anini dakna man∙gijagipako Jisuna ka∙saanisa dakna
bil gnangata. Jisuni aiao inmangipa ka∙saani ka∙tongrangko
jrongatgen aro amgen.”—Jak 826.
Mitam Kristianrang antang janggi tangani golponi gimin
ong∙gija uiani donga. Uamang uko Sastroni bebe ong∙aniko
manderangna bebera∙atna joton ka∙ani ine chanchia. Oe, ian tik
somoio Sastroni bebeko sualna nangchongmotgipa ong∙a.
Indiba Jisuni gimin an∙chingni golpoara manderangni
gisikrangko dingtangataninaba bata. Ian ka∙tongrangko
dingtangatani ong∙a. Jisu an∙chingko dosrangoniko jakgitelata.
Ua an∙chingna tomtomaniko, ka∙sachakaniko, aro kema
wataniko on∙a. Ua an∙chingko bilakata. Ua an∙chingko ka∙donga
aro katchaachi gapata. Ua an∙chingna Uni jringjrotni on∙aniko
on∙a. Ian an∙chingni chagronge man∙giminni golpo ong∙a.
1. An∙chingni janggi tanganio chagrongmangimin
golporangara bilakbegipa ong∙a ine na∙ara
chanchiama? Manderangni golpo aro nang∙ni
chagronge nikgiminara nang∙ko maikai
dingtangataha?
23
2. Maini gimin Jisu baksa salanti chagronga
man∙aniara an∙chingni bebera∙anina namen
nangchongmotbegipa ong∙a?
3. Maini gimin rongtale janggi tangania an∙chingni

sakki on∙anini mingsa namen nangchongmotbegipa
bak ong∙a?
4. Jisuni gimin nang∙ni golpoko classo aganrimbo.

Batanggimin salrango Jisu nang∙na maiko maiko
dakaha aro da∙alo Ua nang∙na maiko daka uarangko
sualna gisik ra∙bo. Nang∙ni janggi tanganiko Jisu
maikai dingtangataha?
____________________
24
JISUNI NIKA GITA MANDERANGNI NIKANI
Ia Antini Lessonna Poraiani: Mark 8:22–26; Johan 4:3–34;
Johan 1:40, 41; Mati 4:18, 19; Wat. 8:26–38.
Mingani Pod: “Unon Jisu uamangko aganaha, Imbo, ang

ja∙man ja∙man; anga na∙simangko mande rim∙giparang dakgen”
(Mati 4:19).
Janggi tanggiparangni gisepo Jisuan janggirangko

ambabatsranggipa ong∙a. Jisu maikai manderang baksa kam
ka∙a Sastrooniko nie nibo. Unode na∙aba maikai manderangko
janggi jokaniona Isolona rimbana nanga skie ra∙na man∙gen.
Jisuni gimin an∙ching poraion, Jerusalemni mande bangwakgipa
ramarango Uni re∙aniko an∙ching nika. Judani a∙dimuari
ramarang gitaba Jisuni songreaniko an∙ching nika. Galilini a∙bri
ja∙pao samsiario Uni asonganikoba an∙ching nikatna man∙a.
Jisuni gimin an∙ching poraion, jokatako man∙na sikgipa
manderangna Uni songnokni nangchongmotgipa niamrangko
Ua maikai mesokaha an∙ching nika.
Jisude pilak me∙a aro me∙chikkon Uni songnokona
janggirangko ambagen ine nika. Jisuara sakanti sakprakprakkon
uni ka∙saani mikronrangchi nia. Jisuara Pitorko na∙tok rim∙e
cha∙aigipasan dake niama? Ihing. Jisude Pitorko Nama Kattani
bilakbegipa skiprakgipa ong∙gen inesa nika. Jakob aro
Johankora Jisuara ka∙onangraksimsimaigen ine nikama? Ihing.
Jisude Jakob aro Johanko Uni ka∙saaniko aganprakgipa ong∙gen
inesa nika. Jisude ua Samaritan me∙chik Mary Magdaleneko aro
saksa an∙chi joke sagipa me∙chikko ning∙tugipa ka∙saani
donggen inesa nika. Thomas jajaatgipa ong∙gen ine Jisu nikja.
25
Chong∙mot, Jisude Thomasko saksa kakketgipa ong∙gen inesa
nikachim. Uandake Jisu sakantikon apsan dakesa nika: Jihudi
aro Jihudi ong∙gijagipa, me∙a aro me∙chik, cha∙ugipako chisolo
datkapa man∙gipa, Romni officer, aro namgija gisik (kore) an
gapgipa mandekoba. An∙ching da∙o maidake ong∙a una maimaja
nambatesa Jisu an∙chingko nikachim. Isol an∙chingna maiko
miksonga uandakgipaosa Jisu an∙chingko nikachim. Jisu
sakantikon Jokatgipani ka∙saani mikronchisa nika.
Robibar July 12
Gnigipa Dangtapani (Mark 8:22–26)
Sastro gimiko aiao inmangipa ge∙sasan donga, indiba uko

Jisu bak gni daka. Uan Jisuni mikgriko Bethsaidao an∙sengatani.
Ia aiao inmangipa an∙sengatani ong∙a jean an∙chingni mondolina
da∙alo nangchongmotgipa skie ra∙anirang gnang. Ia aiao
inmananian sakanti bebera∙gipaan sakoba Jisuona rimbana
nanganiko Isolni miksonganiko an∙chingna mesoka. Sastro
agana, “Aro uamang Bethsaidaona re∙bara. Aro uamang saksa
mikgriko uona rimbae uko dangtapchina uko mol∙mola” (Mark
8:22). Ia podo minggni nangchongmotggipa kattarangara
“ra∙baaha” aro “mol∙molaha” ong∙a. Ia minggni kattaranga
an∙chingna maiko agana? Mikgri mandeara an∙tangaride Jisuona
re∙baja. Uni ripengrang uni nanganiko nika. Uamang uko
Jisuona rimbaaha. Haida ua mikgriode bebera∙aba
bang∙jaengnaba donga. Indiba uni ripengrango gnang.
Uamangni mikgri ripengko Jisu an∙sengatna man∙gen ine
uamango bebera∙ani gnang.
Niam Gitalo ming 25 Jisuni aiao inmangipa
an∙sengatanirangko an∙ching poraia. Ia aiao inmangiparangoni
adhana baten nokdangni mande ba uni ripengrangsa sagipa
mandeko Jisuona an∙sengatna rimbaa. Bang∙a manderangan
Jisuona antangtangaride re∙bajawa. Saoba bebera∙anio
26
bilakgipani rimbaako uamang nanga. An∙chingni kamara
indakesa: Kristianrangara agane on∙na, ba manderangko Jisuona
“rimbana” nanga.
Mark 8:22 o gnigipa nangchongmotgipa kattara
“mol∙mola” ong∙a. Ian sing∙ani, mol∙molani, agane on∙ani. Uni
ortode maikoba ka∙saa aro namao bi∙ani ba mol∙molani ine
ong∙a. Mikgrini ripengrangara ka∙sagiparang ong∙a. Uamang
ka∙sroksrok uamangni mikgri ripengko dakchakchina Jisuo
sing∙a. Ua ripengrang Jisu uamangni ripengko dakchakna
namnikgen ine bebera∙a. Aroba uamango Jisuo uko an∙sengatna
bil gnanganiko bebera∙ani gnang. Haida ua mikgri mandeode
Jisu uko an∙sengatna man∙gen ine bebera∙aniba dongjaengwa.
Indiba uni ripengrango gnang. Basakobade an∙chingni
bebera∙ania gipin manderangko uamang bebera∙ani dongkuja
dipetona Jisuona “ra∙angna” nangani ong∙a.
Mark 8:22–26 ko poraibo. Maini gimin Jisuara ua

mikgri mandeko bak gni dakao an∙sengata ine na∙a
chanchia? An∙chingara maikai Jisuna sakki on∙na nanga uni
gimin ia golpoara an∙chingna maiko skia?
An∙ching manderangko nikja dakmikna man∙ama?

Basakobade an∙chinga manderangko “bol gita re∙ruraa” (Mark
8:24) gitasa nikama? Ma an∙chingara manderangko Isolni
jokatna ska gitan nikama? Ba jagringrang gitasan an∙chingara
uarangkoa nikaiama?
Mai gipinkoba an∙chinga ia golpooniko skie ra∙na

man∙a? Papiranga jangginikoba aro sana-bananikoba
nangnaba donganiko uan an∙chingna maikai mesoka?
Sombar July 13
Manderangko Ra∙chakani Gimin Skie Ra∙ani (Johan 4:3–34)
27
Mande sakprakprakkon maidake nina nanga uani gimin
Jisu uni sninggiparangna mesoka. Uamangni nika ba nia gita
Jisu manderangko nija ba nikja. Mande sakprakan maia
ong∙bana man∙gen uandakesa Ua sakantikon nia. Jisuara
pangnan manderangna ka∙sabegipa ong∙a. Ua uamangko
mandera∙aniko mesoka. Pilni pilan Jisuara uni sninggiparangna
aiao inmanata maina uara manderangna namgipa ka∙sabegipa
ong∙a jekon Jihudirang indaka bewalko namnikja. Iara baditana
kakketgipa ong∙a uko an∙ching Jisu aro Samaritanni golpooniko
nika.
Archaeological Study Bible Jisuni somoio Jihudi aro
Samaritanrangni gisepo maidake ong∙achim uko agana: “Judea
aro Samaritanrangni bak ong∙aniara ruutaonin ong∙aha. 2 Raja
17 o Samaritanranga mikkangchini manderangni dedrangrang
ong∙achim, iako an∙chinga uie ra∙a. Uamanga Mesopotamiao
donga. Assyriani rajara Jihudirang Israelni salgroko 722 B.C. o
wate katchina draako man∙ani ja∙mano, ia manderangko Israelni
salgroo dongchina draaha. Uanona jitanggipa Samaritanranga
Yahwehkoba aro ong∙gija isolrangkoba olakiachim.”-
Zondervan Publishing, 2005), jak 1727.
Samaritanrang antangtangna torom nokko Gerizim a∙brio
rika. Uamang antangtangna rongtalgipa dilgiparangko torom
nokni incharge ong∙na gitaba seoka. Uni gimin Jisuni
sninggiparangara jensalo Jisu Galilichi re∙o Samaritano
nappakon aiao inmanaha. Jisu toromni gimin Samaritanrang
baksa jegrikjahaon Jisuni sninggiparangara aiao inmanaha.
Jisuara maikosa daka? Samaritan me∙chikmani ka∙saani aro
kema wataniko ra∙chakgniko Jisu uia. Uni gimin Jisu uni
nanganirangko on∙a.
Johan 4:3–34 ko poraibo. Ua Samaritan me∙chik baksa

Jisuara agangrikaniko maidake a∙bachenga? Uara Jisuna
maidake aganchaka? Jisuni sninggiparangara maidake
28
daka (behave ka∙a)? Ia experienceko Jisuara Isolara
maidake manderangko nika uani gimin uni
ja∙rikgiparangna skina gita maidake jakkala?
Jisuara uni ja∙rikgiparangna mingsa nangchongmotgipa skie

ra∙aniko skina nangnika. Uamanga iako skie ra∙na nanga:
“Jisuni Gisik gnanggipa manderangde ka∙saani mikronrangchi
sakantikon nigen. Ia ka∙saania Isoloni re∙baa.”—Ellen G. White,
The Signs of the Times, June 20, 1892.
Nang∙ni wilwilao nang∙ni mandera∙na nanggijagipa

manderang dongama? Dongode uamanga sawarang? Ia
dolni gimin na∙ara maina nang∙ni bewal aro dakako
dingtangatna nanga? Ua dingtangania nang∙ni janggi
tangao maidake ong∙na man∙a?
Mongolbar July 14
Na∙a Bano Donga Unon A∙bachengbo (Johan 1:40, 41)
Saoba aganaha, “Janggi tanganio, biap, jeonin na∙a

a∙bachengna nanga uara na∙a bano donga ua biaponin ong∙a.
A∙bachengna gita ua biaponi ong∙ana agre gipin biap gri.” Ia
nangchongmotgipa niamko Jisu Wat. 1:8 o indake aganaha,
“Gisik Rongtalgipani na∙simangona re∙baon na∙simang bilko
man∙gen; aro Jerusalemo aro Judea aro Samaria gimikon, aro
a∙kitikona kingking na∙simang angni sakki ong∙gen.”
Jisuni Uni ja∙rikgiparangna kattara namen rongtalbea:
“Na∙a bano ong∙a/donga unonin a∙bachengbo. Na∙a bano donga
uanonin Isolna sakki on∙bo. Nang∙ni samtangtango
donggiparangna dakna nanganirangko dakachi kamko
a∙bachengbo.”
Isolna kamko ka∙na a∙bachengna gita nang∙o bida bang∙e
dongna nanga ong∙ja. Gipin manderangna bate nang∙o changa
sapanirang bang∙bate dongna nanganiba ong∙ja. Oe, Isolni
29
changa sapanirangko on∙ania dakchakbeani ong∙a, na∙a
uarangko tik ong∙e jakkalgenchimode. Indiba bon∙kamaode,
nang∙ni pilak nangara nang∙ni Isolna aro nang∙ni janggina
ka∙saakosa. Na∙a sakki on∙na skengachim ong∙ode, Isol nang∙na
cholrangko ogen.
Johan 1:40, 41; Johan 6:5–11; aro Johan 12:20–26

rangko poraibo. Ia podranga Andrewni gisikni nikani aro
uni sakki on∙ani giminara nang∙na maiko agana?
Andrewni sakki on∙aniara an∙chingna bang∙aon skiani

ong∙a. Ua uni nokdangonin a∙bachenga. Jisuni gimin uni
jonggipa Pitornan ua skang aganchenga. Andrewara ka∙sagipa
ong∙achim; ua antangni changaniko aiao inmanatna Jisuna
on∙aha. Andrewara Greekrang baksa maidakna nangachim
ukoba uiachim. Abdrewara Isol aro toromni gimin uamang
baksa jegrikama? Rektek! Andrewara Greekranga Jisuko
nanganiko nika. Indake, Andrewara uamangko Jisuona rimbaa.
Manderangko Jisuona ambaani budide na∙a uamangna
simsakaniko mesokanian ong∙a. Na∙a uko bilaka ripengrangko
dakanichi daka. Nang baksa sepangbatsranggipa ripengrangni
gimin chanchibo, jerangan Jisuko uija. Uamangara nang∙ko
simsakgipa aro ka∙sagipa ong∙a ine nikama? Uamanga nang∙o
tom∙tomaniko nikama, jekon uamangba bilongen nanga?
Nang∙ni janggi tanganiara Jisuni Nama Kattani gimin mesokani
ong∙ama? An∙chinga Jisuko sualachi Isolna ripengrangko daka.
Indake an∙chinga manderangko Kristian ong∙bana dilbaa.
Unikode an∙chinga uamangna Isolni bon∙kaman somoini nama
katta Sastroni bebeko suala. Ia somoio, ia ripengranga SDA
Kristianrang ong∙banaba donga.
Maini gimin bang∙a somoion manderangko Jisuona
rimbana rakbeani ong∙a? Nang∙ni experience maidake
ong∙a? Mai nangchongmotgipa niamrangko nokdangni
30
manderangna sakki on∙ani gimin na∙ara classna sualna
man∙gen?
Budbar July 15
Bilonggipa Manderang Baksa Maikai Melina Man∙gen (Mati
4:18, 19)
Jisu manderang baksa melina namen changbea. Jisuni

gronggipa bang∙a manderangan melina neng∙beani ong∙a. Jisu ia
manderangna Uni uamangko ra∙chakna man∙anichi mesoka. Ua
uamangni aganarangko name knatima. Ua uamango
sing∙anirangko daka. Ua uamangna Isolni bebeko mesoke on∙a.
Jisu manderangni ka∙tongrangko nia. Ua manderangoni
rakbatsranggiparangmangba maiba nambatako nangnikenga ine
nika. Papibatsranggiparangomangba Jisuara maiba
namanirangko nika. Jisuni nikanio, Nama Kattako ra∙chakgipa
sakantian jokatako man∙gen. Jisu bebera∙a je “darang mandeba
Jisuni jokatna amgijagipa gadangona tang∙onja.” -Ellen G.
White, Chasongrangna Ma∙ringani, jak 258. An∙chingni nia
gita ong∙gija, Jisu manderangko minggipin cholchi nia. Jisuara
mande sakprakon uara mai ong∙genchim ugita nika. Jisu
manderangko maikai uamanga namkalbatgipa ong∙bana
man∙gen ugita nikna dakchaka. Uni gimin bang∙a manderangan
janggi tanganio Jisuni a∙sel namkalbatgipa manderang
ong∙baaha.
Mati 4:18, 19; Mark 12:28–34; aro Luk 23:39–43 ko

poraibo. Jisuni Pitorna, Johanna aro toromni dilgipana, aro
chisolo datkapa man∙gipa mandena agangipa kattaranga
maikai apsan ong∙na man∙a? Jisuni mande sakantini
ka∙tongko dangtapna miksonganiko poraibo. Ia
miksonganio nang∙na nangchongmotgipa bakara maia?
31
Jisu jechiba re∙angbo, gisikni dal∙roroanina cholrangko Ua
nika. Jisu manderangko Isolni songnokna jokataniko on∙na
man∙gniko nika. Jisu ia manderangko agital biaprango nikaha.
Iarangan bon∙kamgipa biaprang ong∙aniko, uano sakoba sakoba
jokatna man∙gniko na∙a nikgen. Jisuora mondoliko dal∙roroatna
man∙aniko nikani gnang. Uni ortode Jisuni uamangko nika gita
an∙chingba manderangko nikna nanga. Jisude sakantikon Uni
songnokona sachiba ambagniko nika. Kristianrang mondoliko
jelroroatani mikron gnanggiparang “mondoliko jelroroatani
nachikolrangba” dongna nanga. Uamanga manderangni
ka∙tongrango man∙na skenggiparangko knaa. Mondoliko
jelroroatani nachikol gnanggipa manderanga gipin manderangni
ka∙tongrango maia ong∙chongmotenga uako knaa, uamang
antangtangni nangnikanirangko agane on∙jaomangba.
Gisik Rongtalgipani kamna gipin manderangni janggi
tanganirango nanganirangko nikna aro uina dakchakchina Jisuo
bi∙bo. Nang∙ni mikronrang oako man∙china, nang∙ni bebera∙ako
salantian sualna cholrangko ra∙bachina bi∙bo. Mikronrang
nikchina aro ka∙tongrang knachina Isolo bi∙bo, Jisu aro uni
ka∙saaniko manderangna sualna man∙atchina Isolo bi∙bo. Unode
na∙a pangnaba nang∙ni janggi tangao experience ong∙kugijagipa
kusi katchaaniko man∙gen.
Bristibar July 16
Sakki On∙na Gita Isolni An∙chingna Ramako Oe On∙ani
(Wat. 8:26–38)
Watatarangni ki∙tapara golporangan gapaia. Ua golporanga
maikai Jisuko ja∙rikgiparangara Nama Kattako suala uni gimin
mesoka. Jisuko ja∙rikgiparang Isolni jokatani nama kattarangko
uamangni man∙a sakantinan suala. A∙bachengaoni bon∙aonan,
maikai Niam Gitalni mondoliranga dal∙roroa uko Watataranga
an∙chingna mesoka. Mondoliranga maikai naman somoioba aro
namjan somoioba dal∙roroa uko an∙ching nika.
32
2 Kor. 2:12,13 o, Troaso experience ong∙aniko Paul agana:
“Aro Kristoni nama kattana anga Troasona re∙baoa, aro Gitelo
angna do∙ga oon, angni jong Titusko anga man∙jani gimin, anga
angni gisikna ka∙dimeaniko man∙jachim; indiba uamangko wate
Makedoniaona re∙angaha.” Europeo Nama Kattako skiprakna
gita Isol Paulna ramako oe o∙na. Ian aiao inmanani ong∙a ine
Paul nika. Paulara iakoba nika: Isolni ‘do∙ga’ko da∙alo oania
knalode uko chipnaba donga. Uni gimin Paul Makedoniaona
joljol choanga.
Niam Gitalni Isolara “do∙gako oani” Isolba ong∙a. Ortode,
Isolara an∙chingni bebera∙ako sualna an∙chingna cholko oe on∙a.
Isolara Uni manderangna songjinmarango, a∙songrango, aro
songnokrango do∙gako oen jakchakjaenganiko Watatarangni
ki∙tap an∙chingna mesoka. Nangchongmotbatgipade,
manderangni ka∙tongrangko do∙ga oenba Isolara jakchakjaenga.
Wat. 8:26–38 ko poraibo. Philipni gimin ia podrangara

an∙chingna maiko skia? Mairangchi Philipara Isolni
dilaniko man∙achim? Isol una cholko on∙ahaon Philipara
maiko daka, uni bebera∙aniko sualna gita?
“Nama kattako ra∙chakna aro seng∙aniko man∙na

sengenggipa mandeona sa∙gre Philipko rimangaha, uandake je
skiprakgiparangan Gisik Rongtalgipana an∙tangtangni srerangko
aro ka∙tongrangko rongtalatna on∙a uamangni ja∙kurangko
da∙aloba sa∙grerang dilenga. Philipona re∙bagipa sa∙grean kamko
Ethiopiani mandena ka∙e on∙na man∙achim indiba indake Isol
kam ka∙jaha. Ian mande mandeskana kam ka∙china Isolni
miksongani ong∙a.”—Ellen G. White, Watatarangni Kamrang,
jak 109. Uni gimin an∙chingara knana gita gisikni nachikolrang
aro nikna gita gisikni mikronrang dongna nanga. Unode
manderangni ka∙tongrangko rim∙na gita Isol Uni sa∙grerangko
an∙chingna dakchakna watatgen.
33
Philipni golpoo Sastroara baditan nangchongmotgipa
ong∙a na∙a nikama? Aroba Sastroko uina nangania baditan
nangchongmotgipa ong∙a ukoba na∙a nikama jedakode
saoba uina nangnikenggipana antangni uianiko agane on∙na
man∙gen? Uan an∙chingna maiko skia?
Sukrobar July 17
Chanchidapani: Ellen G. Whiteni Watatarangni
Kamrangoniko “The Gospel in Samaria” ko jak 103–111
rangoniko poraibo.
An∙chingni samtangtang pilakchin manderanga jringjrotni

janggi tangani aro salgini gimin am∙tokenga. Jisu agana, “Mi
ragnide bang∙a, gamgipade bang∙ja” (Mati 9:37). Problemara
rakarini giminma? Ong∙srangja. Problemde kam ka∙giparang
bang∙ja. Uko ja∙rikgijagiparangni nikgijako Jisu nika. Ua
problemna Jisuni aganchakania maia? “Uni gimin antang mi
ragniona gamgiparangko watatchina mi raani Nokgipako
mol∙molbo” (Mati 9:38). Problemko namatna chol ramade
mirangko rana gita bang∙a manderangko watatchina bi∙nasa
ong∙a.
Iakai iano an∙ching indake bi∙na man∙gen: “Gitel, anga
Nang∙ko Nang∙ni songnokko rikna angko nikataniko nangnika.
Angni mikronrangko obo. Nang∙ni angna ogimin pilak
do∙garangko angna gisikni nikaniko salantian on∙bo. Angni
wilwilao donggipa manderangni nanganirangko nike simsakna
angko skibo. Salantio angni gronggipa mande sakantina
Nang∙ni ka∙saako aro bebekoba sualna skibo.” Ia bi∙aniko bi∙bo.
Unon Isol nang∙ni janggi tanganio adita aiao inmangipa aro
jagokmanpilgipa obostarang ong∙na dakgen ba kam ka∙gen.
34
1. Jisuona janggirangko ra∙bana na∙a kamko ka∙ahama? Ian

pangnan altuagipa kam ong∙ja, ong∙abamo? Isolsan
mangmang ka∙tongrangko dingtangatna ama. Indiba ua
an∙chingko kamo bak ra∙giparang ong∙na seoka. Saksani
janggiko Jisuona ambanara badita neng∙a? Uan somoiko,
kam bang∙e ka∙aniko, chakchikani gisikko, aro kosakoni
re∙bagipa ka∙saaniko nanga. Nang∙ni antangnasan
chanchiaigipa ka∙tongba sina nanga. Antangnirangko siatna
gita mairangko na∙a dakna man∙gen jedakode saksani
janggimangmangkode na∙a Jisuona ambana man∙gen?
2. Nang∙ni salantio gronggipa manderanga sawarang

jemangan Jisuko uija? Uamangna sakki on∙na gita na∙ara
maiko dakjok? Mairangko na∙a dakdapkuna man∙gen?
3. Tarsusni Saulni gimin chanchibo. Kristian ong∙bana uan

manderangni gisepo bon∙kame chanchigipa ong∙abamo?
Manderangko a∙palo maidake nika uano pangchake,
manderangko bi∙chal ka∙na nangjani gimin ia lessonara
an∙chingna maiko skia?
4. Paulni mitam golporangni gimin chanchikubo. Da∙ode

Mati 7:6 ko poraibo. Iano Jisuni kattarangko na∙ara
maidake uia?
________________________
35
BI∙ANI BIL: MANDERANGKO

DAKCHAKCHINA ISOLO MOLMOLANI
Ia Antini Lessonna Poraiani: Para. 12:7–9; Luk 3:21;
Ephesus. 1:15–21; Daniel 10:10–14; 1 Samuel 12:22–24.
Mingani Pod: “Uni gimin saksa sakgipinna paptangtangko

ku∙rachakgrikbo, aro saksa sakgipinna bi∙grikbo, maikai
na∙simang an∙senggen. Toromigipani mol∙mola kam ka∙e
bang∙en ama” (Jakob 5:16).
Niam Gitalni mondolini memborrangara uamangni bi∙na

nanganiko uia. “Aro uamang mol∙moloa, uamangni tom∙ani biap
moaha; aro pilakan Gisik Rongtalgipan gapaha, aro uamang
Isolni kattako kenmangija aganaha” (Wat. 4:31). Mai ong∙aha
niatbo. Skanggipao, Jisuni sninggiparangara bi∙a. Uamang Gisik
Rongtalgipachi gapatako man∙aha. Unikode uamang Jisuni
gimin kengijan Nama Kattako suala.
Iano an∙ching bi∙ani, Gisik Rongtalgipachi gapatako
man∙ani, aro Sastroni bebeko sualani gisepo nangrimgrikaniko
nika. “Jisuni sninggiparangara uamangna patichina mangmang
bi∙aijaha. Uamang manderangna bi∙na nanganiko uia. Jisuko
sninggiparang Nama Kattako a∙gilsakni pilak bakchin sualna
nanganiko uia. Uni gimin uamang bilna Isoloniko bi∙aha jekon
Jisu uamangna ku∙rachaka.”—Ellen G. White, Watatarangni
Kamrang, jak 37.
An∙chingba manderangko jokatna Isolo bi∙na nanga. Unode
Isol an∙chingni ka∙tongrango kam ka∙gen. Ua an∙chingko Uona
sepangbate salbakgen. Maikai manderangko Uni songnokona
an∙chinga ra∙bana nanga uko uina Ua gisik gnanganiko
36
an∙chingna on∙gen (Jakob 1:5). Isol uamangni janggi
tanganirango bilakbeen kam ka∙gen. Isol maikai kam ka∙a uko
an∙ching nikjanaba ba uijanaba donga. Indiba Isol uamangni
janggi tanganirango kamko ka∙enga (1 Johan 5:14–17).
Robibar July 19
Nama Aro Namgijani Gisepo Dal∙begipa Dakgrikani (Para.
12:7–9)
Para. 12:7–9; Ephe. 6:12; aro 2 Kor. 10:4 rangko

tosusabo. Ia podrang, an∙chingara nama aro namgijani
gisepo dakgrikani ong∙aniko an∙chingna mesoka. Ia
namgijani kosako dakgrikaniko amna gita bi∙aniranga
an∙chingna dakchakani gimin na∙ara maidake chanchia?
An∙chingni nikna man∙gijagipa dakgrikani gimin Sastro

an∙chingna agana. Ian nama aro namgijani gisepo a∙gilsak
gimikchin dakgrikani ong∙a. Ian seng∙a aro andalani, Jisu aro
Satanni gisepo dakgrikani. Ia dakgrikanio Isol an∙chingna
jakgitele basee ra∙aniko on∙a. Ua darang saksakoba iako ba uako
dakna draja. Ia dakgrikanio, Isol Uni Gisik Rongtalgipako me∙a
aro me∙chikrangona Sastroni bebeko uina dakchakna watata
(Johan 16:7, 8). Ia nama aro namgijani gisepo dakgrikanio
salgini sa∙grerang dakgrika. Uamang manderangko jringjrotni
janggiko seokna dakchaka (Ibri. 1:14). An∙chingni janggi
tangao an∙chingko Uona dilna gita Isolba
dingtangmanchagiparangna miksonga.
Isol Antangko seoke ra∙china darangkoba draja. Uade Isolni
songnokni aro Uni ka∙saani kosako re∙a. Isolni sorkario
ka∙saanian ja∙pang ong∙a. Uni giminsa bi∙aniara namen
gamchatbegipa ong∙a. Ua manderangko jokatna man∙na gita
an∙chingni bi∙na skangan Isol mingantikon dakenga. Indiba
jensalo an∙ching bi∙ahaon, an∙chingni bi∙anirang Isolko Uni
37
ka∙saaniko aro bilko manderangona ruatna gita kam ka∙ata.
Gipin manderangna an∙chingni jakgitele bi∙aniko Isol
mandera∙a. Ua uamangna dakchakna man∙batgen, an∙ching
bi∙jaona batede.
Iako simsakbee poraibo: “An∙chingni Uo bi∙osan
mangmang on∙ainagipa maibarangba gnang. Uarangko an∙ching
Uo bi∙jaode Ua an∙chingna on∙ba on∙jawa. Uni gimin an∙ching
uarangna bi∙ao bi∙na nanga. Ian Isolni an∙chingna miksongani
ong∙a.”—Ellen G. White, Dal∙begipa Dakgrikani, jak 525.
An∙chingni bi∙anirang, nama aro namgijani gisepo dakgrikao,
a∙gilsak gimikni janggi tanganirangkon dingtangatna man∙a. Uni
gimin an∙chingara Jisuko uigijagipa manderangnaba bi∙na
nanga. An∙chingni bi∙anirang Isolko uamangni janggi
tanganirangna patina kam ka∙atgen.
An∙chinga an∙chingni manderangna bi∙ani gimin maiba
nangchongmotgipakon pangnan gisik ra∙na nanga. Oe, maikai
Isolara an∙chingni bi∙on gipin manderangni janggi tanganirango
kam ka∙a uko an∙ching chu∙gimikde uija. Indiba, jeba ong∙china,
an∙chingara uamangna aro an∙ching antangtangnaba bi∙aniko
dakangkuaina nanga.
An∙ching bi∙on Isolara manderangna bang∙bate kam

ka∙anikora na∙ara maiko chanchia? Maikai an∙chingni
bi∙aniara manderangna kam ka∙ata an∙chinga chu∙gimikde
uija. Indiba je ong∙oba bi∙angkuaichina Sastro an∙chingna
agana. Sastroni aganako maina an∙chingara dakna nanga?
Sombar July 20
Jisu An∙chingna Bi∙chaka (Luk 3:21)
Luk 3:21; Luk 5:16; aro Luk 9:18 rangko poraibo.

Jisuni bi∙e janggi tangani aro Uni Isolna kamo chu∙sokani
gimin ia podrangara nang∙na maiko agana?
38
Jisu Uni janggi tanga gimiko Uni Pagipa baksa salgio
agangrikenga. Jisuni napbolaoniko niatbo. Ua somoio Jisuara
Isolni kamko dakna Una dakchakchina Isolni bilna bi∙a. Gisik
Rongtalgipa Jisuna dakchaka. Bi∙aniara bilakbegipa silchidare
ong∙aniko Jisu uia. Sak 5000 na cha∙aniko on∙on Jisu bi∙a.
Jensalo Ua mande saksa bigilo namgija be∙en naani donggipako
an∙sengaton, Jisu bi∙a. Hajal namgija gisikrangko man∙gipa
mandeko jakgitelaton Jisu bi∙a. Jisu bi∙a, maina bi∙aniara
namgijani kosako Uni dakgrikanio Una dakchakgniko Ua uia.
An∙chingni bilgrion, bi∙aniara Uni bilna Isolni miksongaoni
mingsa bak ong∙a. Bi∙anian an∙chingko Isolona ra∙dobaani rama
ong∙a. An∙chingni bi∙achi, manderangni ka∙tongrangko Isolsan
mangmang dangtapna man∙a.
Luk 22:31–34 ko poraibo. Luk 22:31–34 o uko didina

gita Jisuara Pitorna maiko agana? Maikai ia kattarangara
Pitorna uni mikkangchi ga∙akani ong∙on dakchakani ong∙a?
Da∙ode Ibri. 7:25 ko poraiskabojok. An∙ching ga∙akon ba
maia ong∙ja uko dakna skon, maikai Jisuara an∙chingko
didia?
Manderangko Jisuona janggirangko ambagiparangara

bi∙giparang ong∙a. Jisu Pitorko bimung mingen bi∙a. Pitorni
rakbatsranggipa janggi tanganioba Jisu una bi∙chakgen ine Jisu
Pitorna agana. Isolni Pitorna mangsonganiko aro nama kamko
Pitor Isolna dakna man∙gniko Satan namedaken uia. Indake
Pitorni Kristian mondolina dal∙rorona dakchakna man∙gniko
Satan minganti chol man∙ahaon nisina maiksonga. Ia somoi
jolgimiko, Jisu Pitorna bi∙a. Isol Jisuni bi∙anina Una aganchaka.
Jisu an∙chingnaba bi∙a. Iara gisik nangatbeani ong∙jama? Jisu
an∙chingko Uni manderangna bi∙anio Un baksa bakrimna
okama. Ua an∙chingko Uni singhasonni mikkango bimung
minge uamangna bi∙aniko nangnika.
39
Uni gimin an∙chingara manderangna bi∙chakaniko dakaniko
mamung saloba dontongna nangja. Unon an∙chingara an∙chingni
bi∙giparangko jokatna Isolo chu∙gimik pangchakaniko mesoka.
Na∙a da∙o sanaba bi∙engama? Uno ka∙donganian griaha

ine na∙a nikpilahaoba uko dontongjana maini gimin
nangchongmotgipa ong∙a?
Mongolbar August 21
Paulni Manderangna Bi∙ani (Ephesus 1:15–21)
An∙ching manderangna bi∙a maina Sastroan indake

dakchina agana. Uni giminan Paulara bi∙a. Uni a∙bachengatgipa
mondolirango gital gital bebera∙giparangna Paul bi∙a. Bi∙on
maiba bilakbegipa ong∙aniko Paul bebera∙a. Indiba bi∙jaode, uan
ong∙jawa. Paul uni ka∙sagipa manderangoni dingtang
dongronga. Indiba uaba uamang baksaan ka∙tongo ua dolon
ong∙aniko ua uia.
Ephesus 1:15–21 ko poraibo. Ephesus mondolini

memborrangna maiko on∙china Paulara bi∙achim list ka∙bo.
Uamangna on∙china maiko Paulara Isolo bi∙a?
Paul Ephesusna gisik gnangani aro gisikni mikronni

nikaniko on∙china Isolo bi∙a. Paul Isolko uamangni gisikrango
Isolni bebechi gapataniko nangnika. Aroba Paul Isolko
uamangni ka∙tongrango jringjrotni janggina ka∙donganichi
gapataniko nangnika. Ephesusrangara Isolni bilakgipa bilko
uamangni janggi tangao kam ka∙anirango nikna man∙china Paul
bi∙a. Isolara namen bilakbegipa ong∙a, Ua Jisuko sigiminonikon
chakatatpilaha. Ia kamkon Chakatatpilani ine minga.
Chakatpilanian jringjrotni janggiko Jisuchi man∙na an∙chingni
bebera∙ani ja∙pang ong∙a. Paul uni Ephesusrangna bi∙aniko
40
uamangni Jisuo pilak namarangni gimin aganachi bon∙ata.
Paulni kattarangko Ephesusrangara maidake ra∙enggen ine
na∙ara chanchia? Uamang de∙doaniko man∙aha. Uamangna Paul
bi∙chakenganiko uamang uiaha. Mai nanganina uara bi∙chaka
ukoba uamang uiaha.
Philippi. 1:3–11 ko poraibo. Paulni aganani rokomko

nibo. Hai an∙chingara na∙ara Philippi mondolini membor
ong∙a ine chanchina. Aro na∙a ia chitiko Pauloniko man∙aha.
Uni chitio, ua nang∙na bi∙chakako nang∙na agana. Aroba ua
maina bi∙a uni subjectkoba nang∙na agana. Uara nang∙ko
mai ong∙atgen aro maina? Paulni kattarango mai Sastroni
ku∙rachakanirangko na∙a nikna man∙a? Mai
mikrakatanirangkoba na∙a uano nika?
Philippi 1:3–11 o Paulni kattaranga Sastro gimiko

ka∙dimeatbatsranggipa kattarangoni mitam ong∙a. Ia podranga
ku∙rachakanirangan gapaia. Uaranga an∙chingni ka∙tongrango
Uni ka∙saanichi, uianichi, aro gisikni uianichi gapatchina Isol
an∙chingko agana. Iarang pilakan an∙chingni Jisuko uianionisa
re∙baa. Unikode an∙chingara Isolni nangnika gita pilakan
ong∙bagen.
Budbar August 22
Kam Ka∙anio Nikna Man∙gijagipa Bilrang (Daniel 10:10–14)
A∙gilsak gimiko nama aro namgijani dakgrikanio,

manderangna an∙chingni bi∙aniranga bilakbegipa silchidare
ong∙a. Ia dakgrikanikon an∙chingara Dal∙begipa Dakgrikani ine
minga. Ia dakgrikanikora maikai dakgrika uani gimin
examplerangoni mingsa nambatsranggipakon Daniel 10
an∙chingna mesoka.
Hai an∙chingara Jeremiani kattarangko niate ia odaiko
41
nambate uina. Jihudirangara Babylonrangna bilsi 70 na
nokolrang ong∙gen ine Jeremiara maidake aganachim na∙ara
gisik ra∙atama? Danielni janggi tangani bon∙ao, ia somoio
Jihudini nokol ong∙aniba bon∙nasiahachim. Indiba Daniel
jajrengaha. Jeremiani kattarang ong∙gniko ua nika. Indiba
Jihudirangara jakgitel ong∙jaenga.
Unikode Media aro Persiarang Babylonko dakgrikao
amaha. Indioba Jihudirangara nokolrangan ong∙engkua. Uni
gimin Daniel anti 3 na bi∙aha. Ua somoio ua mamung
cha∙anikoba cha∙ja, Daniel uni ka∙tong gimikchi uni
manderangna bi∙a. Anti 3 ni bon∙ao, sa∙gre saksa Danielona
re∙baa.
Daniel 10:10–14 ko poraibo. Ia podrango an∙chingna

mesoka gita, basako Isolara Danielni bi∙aniko knaa?
Danielni bi∙aoni joljol aganchaknara maia Isolko
dontongata?
Daniel 10:10–14 rangara ga∙subegipa podrang ong∙a. Hai

an∙chingara uarangko nambate aro chu∙gimikbate uina joton
ka∙na. Skanggipao ia podrango manderangara sawarang ong∙a
uko an∙ching uina nanga. Persia songnokni raja panteara sawa?
Uara Kairus ong∙ja. Kairusara Persiani raja. Uni gimin “Persiani
raja pante” (Daniel 10:13) de Satan ong∙na nanga. Jisu Satanko
“a∙gilsakni raja pante” (Johan 12:31) ba “ia a∙gilsakni dilgipa”
(Johan 14:30) minga. Paul Satanko “andalani bilni dilgipa”
(Ephe. 2:2) minga. Uni gimin, Persiani raja panteara Satanko
an∙chingna mesokode, Mikaelara sawasa? Mikael bimungko
Sastroo chang 5 seaha (Para. 12:7; Juda 9; Daniel 10:13, 21; aro
Daniel 12:1). Mikaelni ortode “Isol gita sawa donga?” Jisuko
an∙chingna mesokna Mikaelara Sastroni jakkalgipa minggipin
bimungba ong∙a. Uan Satanni kosako pilak sa∙grerangni dilgipa
dake dakgrikgipa ong∙a. Jisuara jringjrotna ong∙gipa ong∙a. Ua
42
pangnan tange donga. Uo pilak bilan donga. Uan Isolni Depante
ong∙a. Jisuni kamrangoni mingsara Satanko amatna, sa∙grerang
pilakni dilgipa ong∙ani ong∙a. Mikkangchi Jisu Satanko
nisigalgen.
Nama aro namgijani gisepo dakgrikaniko Daniel 10
an∙chingna mesoka. Daniel bi∙on, salgioni Mikael re∙baa.
Mikael, an∙chingni nika gita, uara Jisuan ong∙a. Norokni sipai
jinmako Mikael amata. Jisuni dakako an∙ching nikja. Indiba Jisu
an∙chingni bi∙a gimikkon knaa. Ua an∙chingni bi∙anirangna
aganchakna kam ka∙enga.
Bristibar July 23
Manderangna An∙ching Bi∙chakon An∙chinga Maina Bi∙na
Nanga? (1 Samuel 12:22–24)
Isolo bi∙gipa manderangara, uamangna maikobarang dakao

dakchina Isolo bi∙a. Bi∙aniara maikoba dakna sikbeanisan
ong∙aija. Bi∙aniara, an∙chinga aro gipin manderanga maiko
maiko nangchongmota uana Isolo bi∙ani ong∙a. Jisu uni
ja∙rikgiparangna bi∙a. Paulara Ephesus, Philippi, aro Kolosini
Kristianrangna bi∙a. Paulara uni dambe dakchakgipa Timothy,
Titus aro Johan Markmangnaba bi∙a.
1 Samuel 12:22–24 aro Job 16:21 ko poraibo. Ia

minggni podo maia apsana? Manderangna bi∙ani gimin
uaranga an∙chingna maiko agana?
An∙chingni ka∙tong gimikchi bi∙na nangani gimin Samuel

aro Jobba agana. Samuelni kattaranga raka. Ua grapa, “Anga
na∙simangna bi∙aniko dontongode, angara Jihovani kosako
papko dakenggipa ong∙gen” (1 Samuel 12:23, ERV).
Ripengrangara maidaka uko Job an∙chingna indake agana:
“Mandeni depanteni antangni mandeskana daka gita, ua
43
mandena kakketko dakchina Isolo mol∙molchakna” man∙a (Job
16:21).
1 Johan 5:14–16 ko poraibo. An∙ching manderangna

bi∙on mai ong∙a?
An∙ching manderangna bi∙on, Isol Uni patianiko uamango

ruata. Ua chijanggini chiko an∙chingo pakata. Ia chiara salgini
singhasononi jokbaa. Uan Isoloni an∙chingona jokbaa aro
an∙chingoni an∙chingni bi∙gipa manderangona jokangskaa. Iara
Isolni patianina jakkalgipa toe aganani ong∙a. Jensalo Satan aro
uni chu∙gimik sipairang an∙chingni ka∙tong gimikchi Isolni
patianina bi∙ako knaon uamang namen kena: an∙ching uni
bilakbegipa bobil Jisuo bi∙on Satan chadengna amja. Jisuni
bilna Satan namen kena. Jisuni bilna aro rajani rasongna Satan
kene morurua. An∙ching bi∙on, Satanni gimik sipaian kene
morurua.”—Testimonies for the Church, volume 1, jak 346.
Mati 18:18, 19 ko poraibo. An∙ching bi∙on an∙chingni

kattarangni gimin ia podranga an∙chingna maiko skia? Ia
podrangara maikai an∙chingko gipin manderang jemangan
Gitelko uipaja uamangna bi∙na gita didia?
Sukrobar July 24
Chanchidapani: Ellen G. Whiteni Kristoona Ja∙kurang jak
93–104 oniko “The Privilege of Prayer” ko aro Testimonies
for the Church, volume 7 jak 19–24 oniko “Work for
Church Members” ingipako poraibo.
An∙ching manderangna bi∙on, an∙chingara Uo

pangchakaniko Isolna mesokna nanga. Uo bebera∙anina Isol
mandera∙a. Manderangni janggi tanganirangko dingtangatna
salgio bil donga gimikkon ua jakkala. An∙chingni bi∙anirang
44
Isolni singhasonona re∙baon, Isol Uni sa∙grerangko an∙chingko
dakchakchina ge∙eta. “Sa∙grerangara Isolni singhason gimikon
senge donga. Uamang Jisuni ge∙etaniko joljol dakna senge
donga. An∙chingni Una bi∙achi on∙ea pilakna, Jisu uamangko
bi∙a mingantina aganchakna watata.”—Ellen G. White, Selected
Messages, book 2, jak 377.
An∙chingni bi∙aoni mingsaba indin gimajaniko an∙chingna
aganmanaha. An∙chingni bi∙arangoni mingsakoba Isol gualja.
Isol an∙chingni bi∙a gimikkon salgio chimonge dona. Uarang
Isolni uibatsranganio somoisao aro biapsao aganchakako
man∙gen. “Bebera∙e bi∙aniara pangnaba gimaja. Uni gimin
an∙chingara an∙chingni bi∙a pilakna aro nanga mingantina
an∙chingni nanganikani gita aganchakaniko man∙aina Isoloniko
ka∙dongna nangja. Uandakede ong∙ja.”—Ellen G. White,
Testimonies for the Church, volume 1, jak 231.
Jisuko uigijagipa manderangna an∙ching bi∙on ia kattarang
an∙chingna bang∙a didiataniko on∙a. Ia manderangara an∙chingni
segiparang, jikgiparang, depanterang, demechikrang, nokdangni
manderang, ripengrang, aro kam ka∙rimskarang ong∙engnaba
donga. Bebera∙e bi∙aoni mingsaba gimaja. An∙chingni bi∙anina
joljolan aganchakanikode an∙chinga pangnande nikjanaba
donga. Indiba Isol uamangni ka∙tongko moata: an∙ching uko
an∙ching salgio ong∙ahaosan mangmang uigen.
1. Philippi 1:19; Kolosi. 4:2, 3; aro 2 Thess. 3:1, 2 rangko
poraibo. Paulni patok noko ong∙mitingo, Philippirangni
bi∙anina an∙chingo mai ka∙dongani gnang? Kolosi aro
Thessalonikarangko Paulara maini gimin bi∙china agana?
Ia bi∙aniranga Jisuona janggirangko ambaani gimin
an∙chingna maiko mesoka?
45
2. Dal∙begipa dakgrikani ba nama aro namgijani gisepo
a∙gilsak gimik dakgrikani gimin chanchiatbo. Ian a∙gilsak
gimik ong∙engani ja∙pang ja∙dilde. Ia dakgrikanina nang∙ni
bi∙ani nangchongmotani gimin nang∙ko maikai uibatatna
dakchaka?
3. Bi∙na skang an∙chingko mandikataniranga mairang?

Bi∙chakanirangko nangenggiparangna bi∙na gita mai
pa∙sikanirangko na∙ara daka?
____________________
46
GISIK RONGTALGIPA AN∙CHINGKO

BILAKGIPA SAKKI ON∙GIPA ONG∙ATA
Ia Antini Lessonna Poraiani: Johan 15:26, 27; Wat. 2:41, 42;
Wat. 7:55; Wat. 4:4, 31; 2 Pitor 1:21; Wat. 16:11–15, 23–34.
Mingani Pod: “Aro uamang mol∙moloa, uamangni tom∙ani biap

moaha; aro pilakan Gisik Rongtalgipaan gapaha, aro uamang
Isolni kattako kenmangija aganaha” (Watatarang 4:31).
Jisu an∙tangni sninggiparangna indake aganaha, “A∙gilsak

gimikona na∙simang re∙ange pilak dakgiminna Nama Kattako
aganprakbo” (Mark 16:15). Jisuni sninggiparangara ia kamara
dakna amgijani ong∙a ine chanchina nanga! Maikai uamangara
dakgen? Uamangara chongipa dolsan ong∙aia. Uamango
tangkaba on∙titisan donga. Uamangoni bang∙batan skia-poraba
dongja. Uamangara ramramgipa manderangsan ong∙a. Indiba
uamango Isol donga. Ong∙na amgija kamko dakna Ua
uamangna bilko on∙na ama!
Jisu agana, “Indiba Gisik Rongtalgipani na∙simangona
re∙baon na∙simang bilko man∙gen; aro Jerusalemo aro Judea aro
Samaria gimikon, aro a∙kitikona kingking na∙simang angni
sakki ong∙gen” (Wat. 1:8). Chisolni nama kattako sualna gita
Gisik Rongtalgipaan uamangna dakchakgen. Unikode Jisuni
sninggiparangara bil gnange skiprakgen. Uamangni nama
kattarang janggi tanganirangko dingtangatgen. Ua Nama
Kattako a∙gilsak gimiko donggipa sakantinan aganahaniko Paul
an∙chingna agana (Kol. 1:23). Ia antini lessono, Gisik
Rongtalgipani an∙chingko Jisuni gimin sakki on∙na bilakbegipa
ong∙ataniko an∙ching niatgen.
47
Robibar July 26
Jisuni Ku∙rachakani: Gisik Rongtalgipa (Johan 15:26, 27)
Jisuni sninggiparangara jajrengaha. Jisuni uamangko
watangani ja∙manode uamangara mai ong∙gen? Uni uamangna
on∙gipa kamko ka∙na gita uamangara maikon maidake dakgnok?
Uni gimin Jisuara Uni sninggiparangna ku∙rachakaha. Ua
salgiona re∙angahaon Ua uamangna Gisik Rongtalgipako
watatgen. Ia ku∙rachakani Jisuni sninggiparangko jajrengaoniko
dontongataha. “Indiba anga bebekon na∙simangna agana, angni
re∙angao na∙simangna namgni ong∙a; maina anga re∙angjaode,
ua Ka∙dimeatgipa na∙simangona re∙bajawa; indiba re∙angode,
anga uko na∙simangona watatgen” (Johan 16:7). Greek ku∙siko
“Dakchakgipakora” “parakletos” ine agana. “Parakletos”ara
nang∙na dakchakna “saoba nang baksa chapchap re∙gipa” ine
ong∙a. Iakon Gisik Rongtalgipara daka! Uni
mongsongbatsranggipa kamde an∙chingni sambaona re∙bae
dakchakna senganian ong∙a. Ua an∙chingna bilko on∙a. Jisuni
gimin sakki on∙ao Uan an∙chingko dila. An∙ching Jisuna sakkiko
on∙on an∙chingara saksanja. Gisik Rongtalgipa an∙ching
sambaon donga. Ua ka∙tong sontolgiparangko manderangona
dila. Uamang bebeko am∙e dongenga. An∙chingni uamangko
grongna skangan Gisik Rongtalgipa uamangni ka∙tongrangko
taria. Gisik Rongtalgipa an∙chingna tik kattako aganna gita
dakchaka. Bebeko ua manderangni gisikrangona ra∙baa aro
bebeko uamango bebera∙ata. Gisik Rongtalgipara Uni
uamangna aganako ra∙chakna gita manderangna bilko on∙a.
Johan 15:26, 27 aro Johan 16:8 ko poraibo. Gisik

Rongtalgipani an∙chingko sakki on∙na dakchakani gimin ia
podranga an∙chingna maiko agana?
Gisik Rongtalgipara Jisuni gimin sakkiko on∙a. Uni

miksonganiara man∙a dipet bang∙a manderangko Jisuona
48
rimbana ong∙a. Gisik Rongtalgipani kamara Jisuna rasongko
on∙na ong∙a. Gisik Rongtalgipa pilak bebera∙giparangnan Jisuni
gimin manderangna sakki on∙na uamangni kam ong∙aniko
agana. Gisik Rongtalgipa an∙chingni mikronrangko oa. Ua
an∙chingko an∙chingni samtangtango pilak manderango
namaniko nikna dakchaka. Gisik Rongtalgipani kam ka∙aniko
nikna man∙ja. Uara manderangni ka∙tongrangosa kamko ka∙a,
uko an∙ching nikja. Jisuni gimin Nama Kattako ra∙chakatna ua
manderango kamko ka∙a.
Johanni ki∙tap Gisik Rongtalgipani kamni gimin rongtale
agana: Gisik Rongtalgipara a∙gilsako manderangna “papni bebe
ong∙aniko” (Johan 16:8) mesokgen. Gisik Rongtalgipa
manderangni ka∙tongrango kam ka∙a. Uamanga baditan Isoloni
chel∙aha uko uamangna mesoka. Ua uamangna paprangoni
an∙pilchina agane on∙a. Indiba Gisik Rongtalgipani kamara
an∙chingara badita namjabeaha ukosan mesokaina ong∙ja. Jisuni
namani, ka∙saani aro ka∙sachakbeani giminba ua an∙chingna
mesoka. An∙chingko Jisusrak nikatna gitaba Gisik
Rongtalgipara rake kamko ka∙a.
Sombar July 27
Mondoliara Gisikni Bilchi Gapatako Man∙a (Wat. 2:41, 42)
Watatarangni ki∙tapkora “Gisik Rongtalgipani Kamrang”

ineba mingaha. Uan indake mingako man∙aha maina
Watatarango bebera∙giparangara Gisik Rongtalgipachi gapatako
man∙ahako an∙chingna mesoka. Ia manderang uamangni janggi
tanganirangko Isolna on∙aha. Gisik uamangna gipin
manderangni janggi tanganiko nambata gadangona dingtangatna
dakchaka. Watatarangni ki∙tapara namen ga∙subegipa ki∙tap
ong∙a. Uan an∙chingna mondolini Nama Kattako sakki on∙aniko
mesoka. Mondoliara baditan ta∙rake jelrorobaaha ukoba ua
49
mesoka. Niam Gitalni mondoliara Gisik Rontalgipao chu∙gimik
pangchaka. Gisikara mondolio aiao inmangipa kamrangko daka.
Jisuna chu∙gimik on∙kange dangdike on∙gipa me∙a aro
me∙chikrangna Gisik Rongtalgipara maiko dakna man∙a
mondolian example (mesokani) ong∙a.
Wat. 2:41, 42; Wat. 4:4, 31; Wat. 5:14, 42; Wat. 6:7; aro
Wat. 16:5 rangko poraibo. Ia podrango bilakbatsranggipa
bakara maia? Ba badia nang∙ni ka∙tongko rim∙batsranggipa
ong∙a? Watatarangni ki∙tapko Luk seaha. Ia list ka∙gimin
podrango mondoliara baditana ta∙rake jelroroaha Luk
agana. Uani gimin Lukara maina an∙chingna aganna
nangnikaha na∙ara maiko chanchia? Mai nama kattako
Lukara an∙chingna uiatna joton ka∙enga?
Watatarangni ki∙tapko Lukara maina seaha? Uan, Lukara

uko poraigipa sakantian Niam Gitalni mondolio Gisik
Rongtalgipani kam ka∙aniko uianiko nangnikani gimin ong∙a.
Badita bang∙e manderangara napbolaha ukoba Lukara
aganako na∙ara nikama? Indita bang∙e napbolako Luk
an∙chingna agana maina ua skanggipa ritcha bilsirango Gisik
Rongtalgipani baditana kam ka∙aha uko ua mesokna ska. Watata
2:41 o, sak 3,000 manderang salsao aro biapsano napbolahako
Luk an∙chingna agana. Watata 4:4 o, sak 5,000 manderang
nabolahanikoba Luk an∙chingna agana. Watata 5:14 o, bang∙a
manderang Gitelko ra∙chakaha aro napbolaha.
Me∙asa aro me∙chikrangni napbolani giminba Luk
an∙chingna agana. Lydia minggipa Philippi me∙chik saksa jean
patok nokko nitimgipa ong`a, uara namgija gisikrangchi
gapatako man`gipa ong`achim, aro saksa Ethiopiani mandeba
(napbolao gnang). Golpo mingantion, Gisik Rongtalgipara
maikai mondolirangni ka∙tongrangko rim∙a Luk an∙chingna
mesoka. Mande jinma bang∙beara me∙asa aro me∙chikrang
50
ong∙aniko an∙chingara nika. Me∙asaba me∙chikba Isolni de
ong∙a. Jisu sakantinan siaha. Oe an∙chingara bang∙gipa
memborrang ong∙a. Uan an∙chingko chu∙sokengaha ingipa gita
nikata. Indiba bon∙kamode, sakki on∙batroroaniara mande
sakprakan sakprak mandeko Jisuona somoisano ambaani ong∙a.
Niam Gitalni bebera∙giparang bang∙a mondolirangko
nakatataha. Ua gital mondolirang Niam Gitalni mondoli
gimikko gisikni dal∙roroani aro bilakanina dakchakaha. Ian
an∙chingna nangchongmotgipa skie ra∙ani ong∙a.
Mongolbar July 28
Gisik Rongtalgipa Aro Sakki On∙ani (Wat. 7:55)
Watatarangni ki∙tap jolgimikan Gisik Rongtalgipani kam

ka∙aniko an∙ching nika. Gisik Rongtalgipara bebera∙giparangko
uamangni Gitelna bang∙a cholrangchi sakki on∙na dakchaka.
Gisik Rongtalgipa uamangona bilakaniko on∙a. Isolko
ra∙chakgijagipa biaprango sakki on∙na gita ua Kristianrangko
dakchaka. Gisik Rongtalgipara manderangko Sastroni bebeko
am∙na gita dila. Gisik Rongtalgipara manderangni
ka∙tongrangko Jisuko ra∙chakna tariata. Saksa Kristianni uchi
re∙angna skangan, songjinmarang gimikkon ua Gitelko
ra∙chakna tarisoa. Manderangni ong∙na man∙gen ine pangnaba
chanchigijagipaoba, Gisik Rongtalgipara Jisuni sninggiparangna
sakki on∙na cholko on∙a. Gisik Rongtalgipa uamangni kattarang
aro kamrangko bilakata.
Wat. 7:55; Wat. 8:29; Wat. 11:15; Wat. 15:28, 29; aro
Wat. 16:6–10 rangko poraibo. Ia podrango mesokgipa
experience mingantion Gisik Rongtalgipara Jisuni
singgiparangna maikai dakchaka? Gisik Rongtalgipani
Jisuni sninggiparangna dakchakna mitam kam
ka∙giparangara maiarang?
51
Skanggipa ritcha bilsimitingo Gisik Rongtalgipani kam
ka∙aniara namen aiao inmanbeani ong∙a! Experiencerangko
nang∙ni poraigipara Uni kamni chonchonarangsa ong∙a. Gisikara
Stephenna Jisuna sakkiko on∙na gisikni bilko on∙aha. Ua
somoiara mande jinmani Stephenko ro∙ong gotate siatani somoi
ong∙achim. Gisikara Philipkoba bilakbee bebeko am∙enggipa
Ethiopiani mandeonaba dilaha. Ua grongrikania Africa gimikna
Nama Kattana ona (open) dakchakaha! Gisik Rongtalgipara
Pitorna Isolara Jihudi ong∙gijagipanaba Gisik Rongtalgipani
on∙aniko on∙ahako uina chinko on∙aha. Gisikara, mondoli
be∙gruna gito gito dakon, mondolisan ong∙na kam ka∙aha.
Aroba, Gisik Rongtalgipara Paul aro gipin Kristianrangna Nama
Kattako Europeo skiprakna cholko ong∙ataha.
Gisik Rongtalgipara Niam Gitalni mondolio aro da∙alo
mondolini janggi tangaoba bimchipa. Ua an∙chingko bilakatna
nangnika. Ua an∙chingko skina, dilna, gisiksan ong∙na nangnika
aro an∙chingko a∙gilsako mongsongbatsranggipa kamko dakna
watata. Uan, me∙a aro me∙chikrangko Jisuona aro Uni bebeona
dila. Uni gimin gisik ra∙bo, Niam Gitalni somoirango kam
ka∙aha gitan Gisik Rongtalgipara da∙aloba kam ka∙enga.
An∙ching an∙tangtangko Gisik Rongtalgipani bilna open

ong∙batna gita an∙chingara sakprakprak maiko dakna
man∙gen? Aroba, gipin manderangna dakchakna Gisik
Rongtalgipa an∙chingo kamko ka∙na man∙na gita mai
baseaniko an∙chinga dakna man∙gen?
Budbar July 29
Gisik Rongtalgipa, Sastro, Aro Sakki On∙ani (Wat. 4:4, 31)
Niam Gitalni mondoli Jisuna sakkirangko on∙aha. Isolni

Katta Sastroan uamangni pilak sakki on∙anirangna pangchakani
ong∙a. Watata 4 o, Pitor Jihudirangna skiprakachi sakkiko on∙a.
52
Pitorni skiprakarangoni bang∙batan Niam Gitchamoni re∙baa. Ia
podrang Jisuara Jokatgipa ong∙aniko an∙chingna mesoka.
Ja∙mano Pitor agana, “Isol uni kattako Israelni dedrangona
watataha” (Wat. 10:36, ICB). Unikode Pitorara Jisuni sigimin
mandeko chakatate rama re∙atani golpoko Korneliusna aganjok.
Stephenba Pitor gitan apsan daka. So∙otako man∙na skang,
Stephen Niam Gitchamoniko Israelni golpoko skipraka. Niam
Gitchamo Jokatgipako watatna ku∙rachakani gimin Paul agana.
Philipba Ethiopiani mandeko uiatna Niam Gitchamni Isaia 53
ko jakkala. Jokatgipani gimin ku∙rachakani golpo mingantion
Jisuni sninggiparangara Isolni bebe ong∙anikosa aganprakaha,
uamang an∙tangtangni gimin ong∙ja.
Wat. 4:4, 31; Wat. 8:4; Wat. 13:48, 49; Wat. 17:2; Wat.
18:24, 25 rangko poraibo. Gisik Rongtalgipa, Sastro, aro
Niam Gitalni mondolini sakki on∙aniko dakchakani
gisepgriko nangrimani gimin ia podranga an∙chingna maiko
skia?
Manderangko Sastroko sena dilgipa apsan Gisik

Rongtalgipaan Sastrokoba janggi tanggiparangko dingtangatna
jakkala. Sastroo janggiko on∙na man∙gipa bil gnang. Maini
gimin? Maina Gisikara Sastrona bilko on∙a. Sastroara Jisuni
Tanggipa Katta ong∙a.
2 Pitor 1:21 aro Ibri. 4:12 ko poraibo. Sastroara maikai

janggi tanganirangko dingtangatna bil chu∙onga?
“A∙ako dakgipa apsan bilan Sastroo donga. Ia Katta

an∙chingna bilko on∙a; uan janggiko a∙bachengata. Sastroo
ge∙etgipa mingantian ku∙rachakani ong∙a. Isolni ku∙rachakaniko
an∙ching ra∙chakon uko an∙ching an∙chingni janggirango donna
nanga. Minganti ku∙rachakanian an∙chingni janggina Isolni
53
janggiko ra∙baa. Ua ku∙rachakani an∙chingko dingtangata. Uan
an∙chingko gital dakata. Unon an∙chinga an∙chingni
ka∙tongrango Isol gitan apsan ong∙baa.” –Ellen G. White,
Education, jak 126.
Sastro janggi tanganirangko dingtangatna bil gnang maina
an∙ching Sastroko poraion Gisik an∙chingko dingtangata. Iara
manderangko Sastroko sena dilgipa apsan Gisikan ong∙a.
An∙ching bebeko manderangna sualon, Gisik manderangni
janggi tanganirangoba kam ka∙a. Isol Uni Kattana patina
ku∙rachakaha, an∙chingni kattarangna ong∙ja. Bilde Sastroosa,
mandeni kamrango ong∙ja.
Bristibar July 30
Gisik Rongtalgipani Janggi Tanganiko Dingtangatna
Man∙gipa Bil (Wat. 16:11–15, 23–34)
Watatarangni ki∙tap Isolara aiao inmangipa kamrangko Uni

Gisikchi manderangni janggi tanganirango kam ka∙aniko
an∙chingna mesoka. Maikai Nama Kattara ong∙gija
chanchianiko amna man∙a Watatarang mesoka. Namgipa Nama
Kattara mandeni cholon-bewalrangkoba pangnajolna
dingtangata. Nama Kattara pilak mandenan Isolni ka∙saani,
ke∙ma watani, aro bebe ong∙aniko skia. Manderang bano donga
unon Gisik Rongtalgipara manderangko gronga. Indiba Ua
uamangko unon wate galangaija. Gisikni bilchi an∙chinga
dingtangaha.
Wat. 16:11–15, 23–34; Wat. 17:33, 34; aro Wat. 18:8

rangko poraibo. Iaranga janggi tanganio
dingtanggiparangni gimin Sastroni bang∙gija golporangsan.
Dingtang dingtang manderangni janggi tanganirangko
dingtangatna Isolni bilni gimin ia golporanga an∙chingna
maiko skia?
54
Ia podranga saksa sakgipinoni namen dingtanggrikgipa
dingtang dingtang manderangko an∙chingna mesoka. Lydiara
saksa chu∙sokgipa badingchiwalgipa me∙chikmachim. Philipini
patok nokko nitimgipara Romni songdong-a∙chagipa middle
class ong∙achim. Gisik Rongtalgipara pilak gadangni
manderangni ka∙tongrangkon rim∙na man∙a. Gisikni bil me∙a aro
me∙chik, kangal aro man∙e cha∙a, bida gnang aro bida gri
pilakkon dingtangatna man∙a.
An∙chingni listo bon∙kamgipa sakgni manderangara aiao
inmangiparang ong∙a. Watata 17:34 Areopagiteni Dionysiusni
gimin an∙chingna agana. Athens songjinmani Areopagiterangara
bichal ka∙ram noko bichal ka∙giparangni bak ong∙achim. Ia
bichal ka∙giparangara songjinmao niksenggipa memborrang
ong∙achim.
Mongsonggipa manderangni ka∙tongrangko rim∙na gita
Gisik Rongtalgipa Pauloba kam ka∙aha. Uamangoni saksara
Krispus (Wat. 18:8) ong∙a. Krispusara Jihudi mondolini dilgipa
ong∙a. Krispusara Jihudini gitcham bewalrangko ja∙rika. Indiba
Gisik Rongtalgipara uni janggi tangani aro chanchianirangko
dingtangata. An∙ching Jisuni aro Sastroni bebeko manderangna
suale on∙on Gisik Rongtalgipara gipin manderangni janggi
tanganirango aiao inmangnirangko dakgen, uko ia golporang
an∙chingna mesoka. An∙chingni kamde sakantina sakki on∙anisa.
Bat bangki kamrangkode Isol ka∙gen.
Jisuni sianiara sakantinan ong∙a. Ia nangchongmotgipa

bebe ong∙aniara, saoba mandea jokama jokjawama uko
an∙chingni bichal ka∙na nangjani giminara an∙chingna
maiko skia?
Sukrobar July 31
Chanchidapani: Ellen G. Whiteni “The Gift of the Spirit” ko
Watatarangni Kamrangoniko jak 47–56 oniko aro “Let Not
55
Your Heart Be Troubled” ko Chasongrangna Ma∙ringani jak
667–672 oniko poraibo.
Gisik Rongtalgipara an∙chingko jokatna Pagipa Isol aro

Depante Jisu baksa kam ka∙a. An∙ching sakki on∙on, an∙chinga
Gisik baksa manderangko jokatani Uni kamo bakrima. Ua
manderangni ka∙tongrangko rim∙a. Ua an∙chingna manderangna
sakki on∙na cholko on∙a. Uni Katta Sastro Jisuni gimin bebeko
manderangna mesoka. Ua Gisik an∙chingko namgija
chanchiarangchi nokol ong∙aoniko dontongata. Ong∙gija
chanchianirangni kosako dakgrikao amna ua an∙chingna
dakchaka. Namgija bewalrangoniko ua an∙chingko jakgitelata,
jean an∙chingko sildeng pate dona.
An∙ching Jisuna sakki on∙on, an∙chinga Gisik Rongtalgipa
baksa kam ka∙enga. Uan an∙chingni mikkangon donga. Ua
ka∙tongrangko Nama Kattana ready ong∙ata. Gisikara an∙ching
baksan, Ua tik chanchiani aro kattarangko basena an∙chingna
dakchaka. Ua an∙chingna manderangna ka∙saani kamrangko
ka∙na dakchaka. Jisu maikai an∙chingni janggi tanganirangko
dingtangataha uarangni gimin golporangko sualon Ua
an∙chingna dakchaka. An∙ching Bible studyko on∙on Gisikara
an∙ching baksan. An∙ching Sastro poraiani lekka
chongiparangko sanaba on∙on, Uara an∙ching baksan. An∙ching
Sastroni bebeko a∙gilsako donggipa mande sakantina jeoba
sualon, Ua an∙ching baksan. Gisikara an∙ching Uko wate
katangoba ruutaonan manderangni ka∙tongo kamko
ka∙angkugen. Mandeko jokatna gita jeko Ua dakna man∙a Ua
dakangkugen.
56
1. Na∙a sanaba sakki on∙ahaon, nang∙ni ning∙o Gisik

Rongtalgipani bilakbee kam ka∙engahani somoisani gimin
aganrimbo.
2. Nang∙ni bebera∙aniko sualna na∙ara kenama? Gisk

Rongtalgipani kam ka∙aniko uianiara maikai ua kenaniko
ra∙galaha? Gisik Rongtalgipani kam ka∙aniara maikai
nang∙ko sakki on∙na didianiko on∙a?
3. Ia antio an∙ching Gisik Rongtalgipani an∙chingni sakki

on∙anio kam ka∙ani gimin agan-chanchirimaha. Jisuna sakki
on∙e kamko ka∙anio mai gipin cholrangchiba Gisikara
kamko ka∙a? Gisik Rongtalgipara maikai gipin
manderangni janggi tanganirango sakki on∙na aro kamko
ka∙na an∙chingna dakchaka?
4. Maini gimin Sastroara an∙chingni bebera∙anina aro

sakkiko on∙anina namen nangchongmotgipa ong∙a?
_______________________
57
Lesson 6 August 1–7
AN∙CHINGNI ISOLNA DAKNA MAN∙ANI

ARI-SIMA DONGJA
Sabbath Attam—August 1
Ia Antini Lessonna Poraiani: 1 Kor. 12:12, 13, 18–22; Mark
13:34; 1 Kor. 12:7; 1 Kor. 1:4–9.
Mingani Pod: “Indiba antangni ska gita sakantian suale saksan

aro apsan Gisik iako pilakkon ka∙a” (1 Kor. 12:11).
Isol an∙chingko Una sakkiko on∙china ge∙eta (Wat. 1:8; Isa.

43:10). Sakki on∙na man∙ania dingtangmancha mitam
manderangosan gisikni on∙ani dongaia ong∙ja. Pilak
Kristianrangkon sakki on∙china Isol ge∙eta.
Isolna sakki on∙giparang ong∙anio an∙chingni kamni gimin
aganna Sastroo dingtang dingtang toe agananirangko jakkala.
An∙chingara ia gitan apsan ong∙na nanganiko Jisu agana,
“Na∙simang a∙gilsakni seng∙a” (Mati 5:14). Paul an∙chingna
agana, “Chinga Kristoni gimin baltigiparang ong∙a” (2 Kor.
5:20) ine agana. 1 Pitor 2:9 o “Na∙simang segimin ma∙chong,
raja ong∙ani kamal, rongtala jat, gamtangna manderang . . .
andalaoniko . . aiao inmanani seng∙aona . . . okamgipani
namarangko mesokgnigipa” ine an∙chingna agana. Ia apsan
Isolan, an∙chingko sakki on∙china ge∙etgipaan uko daknaba
an∙chingko dakchaka. Sakanti bebera∙gipanan Isolara gisikni
on∙aniko on∙a. Isolara skia bida bang∙gipakosan seokaia ong∙ja.
Una dangdike on∙na am∙gipanade Ua man∙ata. Uo bebera∙gipa
sakantinan Isolara jokataniko indin on∙a. Apsan daken, Isolara
Uni gisikni on∙anirangko sakantinan indinan on∙a.
Unon Isolna an∙chingni dakna man∙ani mamung ari sima
dongjawa. “Antangko galaton mandeni dakna man∙ani ari sima
dongja. Indiba skanggipa uo Gisikko uni ka∙tongo kamko ka∙na
58
on∙na nanggen aro Isolna chu∙gimik tangna nanggen.”—Ellen
G. White, The Ministry of Healing, jak 159. Isolni Gisik
an∙chingo dongon, an∙chingni pilak dakna man∙ako ia antio
an∙ching poraigen.
Robibar August 2
Gisikni Dingtang Dingtang On∙anirang (1 Kor. 12:12, 13,
18–22)
Jisuni sninggiparangara baditan dingtang dingtang
ong∙achim na∙ara chanchie niahama? Uamango dingtang
dingtang bewalrang aro gisikni on∙anirang gnang. Indiba ian
namgija ong∙ja. Indiba uan mondoliko mangrakdapata. Matiara
kajina gilgipasachim. Uara namen simsakgipa aro tik dakgipa
ong∙achim. Unikode Pitorara maiko aganna nanga uko
sengsrapgija aganaigipa ong∙achim. Pitorba ramram (natural)
dilgipasa. Johanba chanchichenggija aganaigipasa. Aro apsan
somoion, uni ka∙tongara nom∙ja. Andrewara uni samtangtango
mai ong∙enga una simsaksobegipa ong∙achim. Andrewara aroba
manderangara maiko chanchitokenga uani gimin namen
simsakbegipa ong∙achim. Thomasara sing∙anirangko
sing∙rongaha, aro ua antangan jajaronga. Ia sakanti
ja∙rikgiparangan dingtang dingtang cholonrang aro on∙anirang
gnang. Indiba Isol uarang mingantikon bilakbee Una sakkiko
on∙na jakkalaha.
1 Kor. 12:12, 13, 18–22 rangko poraibo. Mondoliara

dingtang dingtang on∙anirang gnanggipa manderangko
nangani gimin ia podrangoniko an∙chingara maiko skia
man∙a?
Isol manderangko dingtang dingtang changa sapani aro

on∙anirangko Uni mondolio kamko ka∙china gita on∙na
nangnika. Mondolira Jisu Kristoni be∙en bimang ong∙a. Kristoni
59
be∙en bimangara pilakan apsanaigipa mande jinma dolsa ong∙ja.
Mondoliara country club ong∙ja jeonin manderangara apsan
biaponi re∙baa aro apsankon chanchia. Mondoliara dingtang
dingtang on∙anirang gnanggipa tanggipa manderangni dol ge∙sa
ong∙a. Ia dolara uamangni Jisuna aro Sastrona ka∙saani ge∙sano
join ka∙aha. Mondoliara Jisuni ka∙saako aro bebeko gipin
manderangna sualna nangnika (Rom. 12:4; 1 Kor. 12:12).
Kristoni bimangni memborrangara dingtang dingtang
on∙anirang gnang. Sakanti sakprakan gamchata. Mondoliara
damsan kamko ka∙na gita uni pilak memborrangkon nanga.
Unosa mondoliara silgen. Mikronrang, nachikolrang aro
gingtingrangni kamrang dingtang dingtang gnang. Indiba be∙en
bimangara uarang gimikkon nanga. Apsan dake, mondolinaba
pilak on∙anirangan gamchata (1 Kor. 12:21, 22).
Mandeni be∙en bimangara maikai kam ka∙a chanchiate
nibo. Chonbatsranggipa bakmangba gamchatbegipa kam gnang,
ong∙abamo? Nang∙ni miksimalrangni gimin chanchiatbo.
Uarang dongjaode mai ong∙genchim? Unode a∙dimuara
an∙chingni mikronni nikaniko delmrumru nikataigenchim. Aro
uni ja∙manode kenbegnirang an∙chingni nikanina ong∙genchim.
An∙ching nikani bilkon gimaatnaba donga. Uandaken, saniba
nikaniode badiaba mondolini memborara mamung
gamchatanian dongja ine nikenggen. Indiba ia mandeko
Kristoni be∙en bimango nangchongmota. Gisik Rongtalgipa ia
mandena maiba on∙anirangko on∙manaha. An∙ching ua Gisikni
on∙anirangko chu∙gimikkon Isolni kamna jakkalahaon, unon
an∙ching gipin manderangko jokatskana sakanti sakprakan
Isolko dakchakna man∙a.
Sombar August 3
Isol: Pilak Nama On∙anirangko On∙gipa (Mark 13:34)
1 Kor. 12:11, 18; Ephe. 4:7, 8; aro Jakob 1:17 Isolara pilak
on∙anirangko on∙gipa ong∙a ine an∙chingna agana. “Pilak nama
60
on∙ani, aro pilak chu∙soka on∙ani” (Jakob 1:17) Isoloni re∙baa.
Indide an∙chingara Isol an∙chingna mandeni kri
nambatsranggipa gisikni on∙anirangkon on∙gen ine ka∙dongna
man∙a. Isol an∙chingni dakna changbatsrangao Uni rongtalgipa
kamna aro Uni bimungna rasongko ra∙bana jakkalgen.
Mark 13:34 aro 1 Kor. 12:11 ko poraibo. Ia podrangni

an∙chingna mesoka gita, sana Isolara gisikni on∙anirangkoa
on∙a?
Sastroo namen rongtalbea. Isolo dingtangmancha an∙ching

sakanti sakpraknan kam gnang. Ua an∙chingko Jisuni Nama
Kattako gipin manderangna sualaniko nangnika. Jensalo Jisuni
noksani golpoko poraion ia lessonko an∙ching Mark 13 o nok
nokgipani golpoo nika. Ua nok nokgipara uni nokolrangna, uni
nokni incharge dake uamangna kam bataie on∙anga. Nokol
sakprakan dakna nanggni kam gnang (Mark 13:34). Indake ia
golpooniko, Isolara mande sakpraknan Uni mondolio kamko
ka∙na gita dingtangmancha kamko on∙ahako an∙ching nika. Ua
kamnan Isolara an∙ching sakpraknan gisikni on∙anirangko on∙a.
Uko Ua an∙chingni janggi tanganirangko chu∙gimikan Una
on∙ahaon aro Uni be∙en bimangni mondolio napbolachi
momborrang ong∙baahaon on∙aha. Unon Gisik Rongtalgipara
an∙chingna, an∙chingara mondolina dangdike on∙na aro a∙gilsako
manderangna sakkiko on∙na man∙na gita on∙anirangko on∙aha.
1903 bilsio, Ellen G. White mande saksana chiti kingsako
seaha. Ua chitio ua Isolni una on∙aniko jakkalchina, Una
dangdike on∙china didiaha. Ua sea, “An∙ching gimikan Isolni
nokdangni memborrang ong∙a. Isol an∙chingna changa sapani
monarangko on∙aha. Uarangko an∙chingara maidaka una
an∙chingara daito gnanggiparang ong∙a. Haida an∙chingni
monara dal∙engnaba ba chonengnaba donga. Ua jeba ong∙china,
an∙chingara an∙chingni monarangko Isolna dangdike on∙na
61
jakkalna nanga. Aroba an∙chingara Isolni on∙anirangko gipin
manderangna on∙skana nanga. An∙ching mande sakantikon una
on∙aniko Isolna jakkalna on∙na nanga.
“Isol an∙chingna on∙anirangko on∙a. An∙ching pangnaba
Isolni an∙chingna on∙aniranga gamchatbea ong∙ja ine chanchina
nangja.”—Letter 260, December 2, 1903.
Wat. 10:36–38; Mati 3:16–18; aro Wat. 2:38–42 rangko

poraibo. An∙ching napbolahaon Gisik Rongtalgipani
ku∙rachakani gimin ia podranga an∙chingna maiko skia?
Isol Jisuna Uni napbolahaon Gisikko ruataha. Ua Gisikara

Jisuko Uni kamko a∙gilsako ka∙na tariataha. Apsan dake,
an∙chingni napbolao Isolara an∙chingna Gisik Rongtalgipako
ku∙rachaka. Isol an∙chingko, Uni ku∙rachakaniko rakigenko
ning∙tuen bebera∙aniko nangnika.
Mongolbar August 4
Gisikni On∙anirangna Isolni Miksongani (1 Kor. 12:7)
1 Kor. 12:7 aro Ephe. 4:11–16 ko poraibo. Kristian

sakantina Isolara maina gisikni on∙anirangko on∙a? Ia
on∙anirangna Isolni miksonganiara maia?
Gisikni on∙anirangko Isol mondolina bang∙a gamchatgipa

a∙selrangna on∙a. Ua uarangko mondolina, uko bilakdapatna aro
Uni kamko ka∙na on∙a. Isol Uni on∙anirangko mondolina on∙a,
mondolio saksan gita nangrim-melie ka∙na, jedakode Uni
kamko a∙gilsako matchotna man∙gen. Sastroko segiparang,
gisikni on∙anirangko an∙chingna on∙gipani bidingo
mesokanirangko on∙a. Ia on∙aniranga gipinrangna dakchakani,
dangdike on∙ani, skiprakani, skie on∙ani, didiani, aro
on∙anirangko man∙chapa. Aroba Sastro gisikni on∙anirangni
62
gimin an∙chingna agana; uaranga sokbagiparangna ka∙sae
sokachakna aro cha∙aniko on∙na, ka∙sachakaniko mesokna,
dakchakrakgipa ong∙na, aro kusi ong∙jringgipa ong∙na ong∙a.
Iaranga Sastroo agangipa adita on∙anirangoni mitamsan ong∙a.
Iani gimin bang∙bate nina gitade Rom 12 aro 1 Kor. 12 ko
poraibo.
Gisikni on∙anirang aro changtelaigipa changa sapanirangni
gisepo nangrimgrikaniko na∙a aiao inmanengnaba donga.
Maikai ia minggniranga dingtanggrika? Gisik Rongtalgipara
Kristian sakpraknan a∙gilsako Isolni kamko mondolio
dakchakna gisikni on∙anirangko on∙a. Gisikni on∙aniranga
atchikapaoni changtelaigipa changa sapanirangkoba
man∙chapnaba donga. Uarangko Gisik Rongtalgipachi
rongtalatako man∙e Jisuni kamo jakkalna man∙a. Pilak indakgipa
changtelaianirangan Isoloni re∙baa. Indiba pilak
changtelaianirangkode Jisuna dangdike on∙anio jakkalja.
“Noksani golpoo, dingtangmancha on∙anirangni gimin
an∙ching poraia. Dingtangmancha changa sapanirang pilakande
Gisik Rongtalgipaoni re∙baja. Dingtangmancha changa
sapaniranga atchikapaoni re∙bagipa ba Isolni an∙chingna on∙gipa
changa sapanirangko man∙chapnaba donga. Jeoniba an∙chingo
dongchina, an∙chingna on∙a pilak on∙anirangkon an∙chingara
Jisuna dangdike on∙na jakkalna nanga. An∙ching Jisuni
sninggipa ong∙baahaon, an∙chingara antangtangko Jisuna on∙a.
An∙chingo donga gimikkon aro an∙chingo donga gimikkon
an∙chinga Una on∙a. Jisu an∙chingni Una on∙anirangko ra∙a. Ua
uarangko rongtalata. Unikode Ua uarangko an∙chingnan on∙pila.
Da∙ode an∙chingara ia on∙anirangko Una rasongko on∙na aro
gipin manderangna patiskana jakkalna nanga.”—Ellen G.
White, Christ’s Object Lessons, jak 328.
Aroba, katchinikani on∙aniko man∙chape Isol
dingtangmancha on∙anirangko mondolina on∙aha.
Katchinikaniko on∙ania Isolni dingtangmancha Uni mondoli
63
baksa Uni seokgimin kobor ra∙ruragiparangchi agangrikani chol
ong∙a. Isolni dingtangmancha on∙aniranga dilgipa ong∙na
on∙anikoba man∙chapa. Ia on∙aniranga pastorrangko,
elderrangko, aro skigiparangko man∙chapa jerangan
memborrangko dal∙atna dakchaka jedakode uamangba Isolna
dangdike on∙na man∙gen (Ephe. 4:11, 12). Dilgiparanga pilak
memborrangna uamangna on∙aniranga maiachim uko skie ra∙na
dakchaka. Unikode uamanga ia on∙anirangko mondoliko rikna
gita jakkalchina memborrangna skia.
Budbar August 5
Nang∙na On∙anirangko Ma∙sie Ra∙ani (1 Kor. 1:4–9)
1 Kor. 1:4–9 ko 2 Kor. 1:20–22 baksa tosusabo. Ia

podranga Jisuni re∙bapilna skang mangmango Isolni
ku∙rachakani aro gisikni on∙anirangni gimin an∙chingna
maiko skia?
Gisik Rongtalgipani pilak on∙anirangko Jisuni re∙bapilna

skang mangmang Uni mondoli mesokgenko Isol ku∙rachaka.
Isolni ku∙rachakaniranga kakket ong∙a. Uoni an∙chingna
on∙anirangko uina an∙chingko dilchina gita Ua an∙chingna Gisik
Rongtalgipani sakkiko an∙chingni ka∙tongrango on∙aha. Uni
Gisikchi, ia on∙anirangko Isol an∙chingna uiata.
An∙chingna on∙aniranga maia uko an∙ching am∙e nikna

skode, Isolara an∙chingko maiko dakchina okama?
Aganchakanina Luk 11:13; Jakob 1:5; aro Mati 7:7 ko
poraibo.
An∙ching antangtangko Isolna on∙on an∙chingara Gisikni

on∙anirangko man∙a. Unikode an∙chingara Uni an∙chingna
on∙anirangko an∙chingna mesokchina Uo sing∙na nanga.
An∙ching antangtangko dal∙nika aro gaorade∙aoniko an∙chingni
64
ka∙tongrangko konggrangatna nanga. An∙chingni dal∙batgipa
skanide an∙chingni ka∙tong gimikchi Jisuna dangdike on∙na
ong∙na nanga. Unode mai Gisikni on∙ani an∙chingora donga
Gisik an∙chingna agangnok. “Jisuni sninggiparang uamangni
janggi tanganirang chu∙gimikkon bebera∙ao aro bi∙ao Isolna
on∙aha. Unikode Isolara Uni Gisikko uamangona ruataha.
Dingtangmancha dake, ua somoio Isolara salgini on∙anirangko
Jisuni sninggiparangna on∙aha. Ua on∙aniranga Jisuo
an∙chingninjok. Indiba an∙ching uarangko nangode, skanggipao
an∙chingara Isolni Gisikko ra∙chakchengna nanga.”—Ellen G.
White, Christ’s Object Lessons, jak 327.
Isol an∙chingna gisikni on∙anirangko on∙a (1 Kor. 12:4–6 ko
poraibo) jedakode an∙chingara Una chu∙gimik dangdike on∙na
man∙gen. Nama Kattako aganania dingtangmanchagipa kam
ong∙a jekon Isol an∙chingna Una dakna gita on∙a. Ia Nama
Kattako gipatani kamko dakchina gita Ua ua on∙anirangko
an∙chingna on∙a. Gisikni on∙aniranga brie re∙baja. An∙ching
uarangko jakkalna nanga. An∙ching uarangko jakkalon, uarang
dal∙rorobaa. Gisik Rongtalgipa Uni nangnikgipa kamko ka∙na
nanganiko nangna mesokgen. Ua nangko bano mai kamo
jakkalna man∙gen dilchina bi∙bo, jean gipin manderangko
Jisuona dilbana man∙gen.
Nang∙na gisikni on∙aniranga mairang?

Nangchongmotbatgipade, uarangko na∙ara maikai Gitelni
kamo bilakbatatna man∙gen?
Bristibar August 6
An∙chingna On∙anirangko Batroroatani (Mati 25:29)
Mati 25:14–30 o monarangni golpoko poraibo. Ia
golpoo nang∙ni uiani gita mai chanchiani nakatbatsranga?
Maini gimin Isol ua bon∙kamgipakode ong∙gija, skanggipa
sakgni nokolrangko mitela? An∙chingni monarangko
65
jakkalani gimin ia golpoara an∙chingna maiko skia?
Bon∙kamgipa sing∙anina nang∙ni aganchakani gita Mati
25:29 ko gisik nangbo.
Nokgipa “sakantina uni bilni kri” (Mati 25:15) on∙na

miksongaha. Unikode ua nokol sakprakna dingtang dingtang
monako on∙a. Saksa nokolde mona 5 ko man∙a, sakgipin
nokolara mona 2 ko aro sakgipinde mona 1 ko man∙a. Nokol
sakprakan antangtangni man∙a monarangko maidake jakkalnaka
basee ra∙na man∙a. Ian nikna namen nangchongmotgipa ong∙a je
jeko uamang man∙aha uara uamangni ong∙jachim. Uan
uamangna on∙gipa sanibasa.
Nokgipara sawa nambatsranggipa aro changa sapani
dongbatsranggipa ong∙a uode kusi ong∙ja. Ua mande sakprakara
uni man∙gimin mona ba monarangko maiko dakaha uakosa nia.
2 Kor. 8:12 (ICB) o Paul agana, “Na∙a on∙na skode, nangni
on∙aniko ra∙chakgen. Nang∙ni on∙aniko (nang∙o donggijaoniko
ong∙gija) nang∙o maia donga uano hisape bichal ka∙gen.” Isolni
nikaode, gamchatbatsranggipara an∙chingo badita donga ba
maia an∙chingo donga ua ong∙ja, indiba uko an∙ching mai
dakaha uasa.
Isol sakgni nokolrangkode demitelaha maina uamang
uamangni bebera∙aniko uamangni monarangko jakkalachi
mesokaha. Uni gimin uamangni monaranga bang∙roroa. Ua
“namgijagipa” nokolde uni nokgipani on∙gipa monako
jakkaljaha. Uni gimin uni mona bang∙batroroja. Ian jringjrotnan
bebe ong∙gipa ong∙a maina “jensalo an∙ching Isolna dangdike
on∙a, an∙chingni dal∙gipa kamara an∙chingko Isol aro gipin
manderang baksa nangrimatea.”—Ellen G. White, Christ’s
Object Lesson, jak 326. Isolo bebera∙a grigipa nokol uni
dangdike on∙na man∙ani cholko gimaataha. Unikode ua uni
monakoba gimaatsrangjok.
Isolni on∙anirangko an∙chingna on∙gipako an∙ching jakkalna
66
nanga. Unode an∙chingara Uni bimungna rasongko ra∙bagen.
An∙chingna on∙anirangba barirorogen. Isolni nang∙na
on∙anirangko on∙aniko na∙ara maidake uina man∙a? Pilak
gaorade∙aoniko nang∙ni ka∙tongko konggrangatbo. Unikode
nang∙na mesokchina aro maio Uara nang∙ko Una dangdike
on∙aniko nangnika Isolo sing∙bo. Indake Isol Uni miksongako
nang∙na mesokahaon, Una kam ka∙chakatbojok! Indake
uarangko jakkalon nang∙na on∙anirang barirorogen. Unon na∙a
Una dangdike on∙anio kusi-katchaaniko man∙gen.
Ia golponi gimin chanchibo, aro uan nang∙ni janggi
tanganina mai skie ra∙ani gnang? Uni nang∙na on∙gipa
on∙anichi na∙ara Isolna maiko dakenga uani gimin ia
golpoara nang∙na maiko agana?
Sukrobar August 7
Chanchidapani: Ellen G. Whiteni Christ’s Object
Lessonsoniko jak 325–365 rangko “Talents” ingipako
poraibo.
Gisikni on∙anirangni gimin Sastroni skianiko an∙ching
ong∙e uina nanga. Unode an∙ching mondolio tom∙tomani aro
meligrikani donggen. An∙chingoni sakantian Isolni nikao
gamchatani gnangkoba an∙chinga uina nanga. Ia a∙gilsako Isolni
on∙gipa kamko matchotatna mondolini membor sakantian
nangchongmotgipa ong∙a. Uni giminsa Isolara membor
sakantinan Una dangdike on∙china gisikni on∙aniko on∙a.
“Isol sakantina Una ka∙china kamko on∙a. Uni nokol
sakpraknan Ua dingtangmancha on∙anirangko ba monarangko
on∙a. Nokol sakprakara badita monako simsakna man∙gen uko
ua uia. Indake ua “sanaba mona bonga, sanaba mona gni,
sanaba mona sa, sakantina uni bilni kri” (Mati 25:15) on∙aha.
Nokol sakantian antangtangna man∙gimin monani gimin daito
gnang. An∙chingo changa sapani badita donga uo pangchake
67
an∙chinga badita monako man∙na kraa Isol tik ka∙a. Isolo
mikkang niani ba sakoba namnikteani dongja. Ua saksana
bang∙e aro sakgipinna komie on∙ja; maina Uara saksa mandeko
ua sakgipinna bate namnikbata indake ong∙ja. An∙chingni
changa sapanina meliesa Ua monarangko an∙chingna on∙a.”—
Ellen G. White, Testimonies for the Church, volume 2, jak 282.
Gisik ra∙bo, Isolara an∙chingna Gisikni on∙anirangko Uni
rasongnasa on∙aha, an∙ching antangtangna ong∙ja. Isol uarangko
Uni bimungna rasongko ra∙bachinasa aro Uni kamko ia
a∙gilsako bon∙atna gita an∙chingko dakchaknasa on∙aha.
1. An∙ching sakantinan Isolara on∙anirangko on∙a. Ian
nang∙ni mondoliko maidake nambatatgen? Maikai ia
miksongania an∙chingko Isolna nambatkalgipa kamrangko
ka∙gipa ong∙na gita dakchaka?
2. Sakgipin memborna on∙aniranga nang∙ni janggi

tanganina patiani ong∙beengama? Ong∙engode, na∙ara
maidake patianiko man∙baaha nang∙ni klassna agan-
sualrimbo. Aroba na∙ara maidake nang∙na gisikni
on∙anirangko on∙anikoa nikaha ukoba sualbo? Nang∙na
on∙aniranga mairang ine na∙ara chanchia? Gipin
manderangna patina na∙ara uarangko maidake jakkala?
3. An∙ching gisikni on∙anirangko jakkalon uaranga

bang∙rikrikbaa. Nang∙ni janggi tanganiko nipilatbo. Na∙a
uarangko Isolna jakkalon nang∙na on∙aniranga maikai
bang∙baaha? Apsan somoion, nang∙na on∙anirangko na∙ara
badita nang∙o donga ua gimikkon Isolna jakkalama?
______________________
68
Lesson 7 August 8 – 14
SASTRONI BEBEKO SUALANI

Ia Antini Lessonna Poraiani: Git. 119:105; Ibri. 1:1–3; 2
Timothy 3:14–17; 1 Johan 1:7–9; Isaia 50:4.
Mingani Pod: “Angni ku∙sikoni ong∙katgipa angni katta

ong∙gen; ua ong∙gramaiari angona pil∙bajawa, indiba angni
namnikaniko chu∙sokatgen, aro anga jena uko watataha, uano ua
silgen” (Isaia 55:11).
Sakki on∙on an∙chingara Jisuni gimin agana. Indiba Sastro

griara baditana Jisuni gimin aganako an∙chingara uina man∙gen?
Sastro gride a∙gilsak gimiko nama aro namgijani dakgrikani
gimin, ba Isolni ka∙saani gimin, ba Jisuni janggi tangani aro
siani gimin, ba Gnigipa Re∙baengani gimin an∙chingara baditana
uina man∙gen?
Isolni bil aro nitoaniko ong∙telaigipa bakrang an∙chingna
mesoka. Indiba uara Isolni an∙chingko jokatna miksonganikode
mesokja. Isolni jokatna miksonganiko an∙ching Jisuoniko skie
ra∙a. Jisuan a∙gilsako pilak mandena chong∙mot seng∙aniko
on∙gipa ong∙a (Johan 1:9). Indakomangba an∙chingara Isolni
bebe ong∙aniko chu∙gimik talatnade Sastroko nangengkua.
Sastroara Isolni Katta ong∙a. Uasa an∙chingna Jisuni gimin
nambatsranggipa uiataniko on∙a. Jisuan Tanggipa Katta ong∙a.
Sastro gride Gisik Rongtalgipara Jisuni gimin an∙chingni
ka∙tongrango maiko mesokna man∙gen?
Jisu agana, “Na∙simang Sastrooniko am∙a; maina uano
jringjrotni janggiko man∙a ine na∙simang chanchia, aro angni
gimin sakki on∙gipa uan” (Johan 5:39). Minganti Sastro
skianian Jisuni ka∙tongo maia gnang uko an∙chingna mesoka.
69
Sastroni bebeko an∙ching suala jedakode an∙ching manderangna
Jisuni ka∙saaniko mesokna man∙gen.
Robibar August 9
Sastrona Toe Agananirang (Git. 119:105)
Git. 119:105; Jer. 23:29; Luk 8:11; aro Mati 4:4 rangko
poraibo. Sastrona mai mingbonga toe agananirangko na∙a
ia podo nika? Isolni Katta Sastroko an∙chingna mesokna
gita, maini gimin na∙ara ia mingbonga toe agananirangko
seokaha ine chanchia?
Ia podrango toe agananiranga Sastroni an∙chingni

ka∙tongrang aro janggi tanganirangko dingtangatna bil
gnanganiko an∙chingna mesoka. Jensalo an∙ching Sastroko
manderangna agane on∙on, uan to∙chri gitan apsan ong∙a. Jisu
agana, “Angan a∙gilsakni seng∙a” (John 8:12). An∙chingni
uisretaniranga andalamungan apsan ong∙a. Jisu, To∙chri
an∙chingni ka∙tongrango teng∙sua. Uan Isolara sawa ong∙a uko
an∙chingna mesoka. Isolni gimin an∙chingni uisretanirangko Jisu
ra∙anga. Gisik Rongtalgipara Uara sawa ong∙a uko an∙chingni
gisikrangna Isolni gimin skia. Gisikara Isolni Kattachi
an∙chingna mesoka.
Jeremia Isolni Kattako wa∙al aro haturi baksa toa. Sastro
an∙chingni janggi tanganirangoniko papko galata. Ua an∙chingni
rakgipa ka∙tongrangko be∙ata. Ua Jisuni nitoako manderango
nikna dakchaka. Unon uamangni rakgipa ka∙tongrang be∙a.
Jisuni ka∙saania wa∙al gitan apsan ong∙a. Uan ka∙tongoniko
minganti mikbokani aro antangnasan chanchiani gisikko
nisigala.
Sastroara bitchil gitaba apsan ong∙a. Bitchilrang janggiko
on∙a. Bitchilrangara dal∙rorona somoiko nanga. Bitchil
pilakande apsan somoio chaja. Sam bol pilakande ta∙rake
70
dal∙roroja. Indiba jensalo somoirang tik ong∙ahaon, a∙mangoni,
bitchilo janggirang sike gital janggi tanganiona gopretbaa.
Jensalo na∙a ‘bitchil’ko ba Satroni bebeko manderangni
ka∙tongrango ge∙a, ia toe agananikon gisik ra∙bo. Pangnande
an∙ching tik ong∙chaaniko nikjawa. Indiba bitchilara dal∙roroa.
Isolni dongimin somoio, an∙chingni ge∙gipa bitchil saniba
ka∙tongo nagen. Unon ua mande Isolni songnokna tarigen.
Sastroara cha∙animingan apsan ong∙aniko Jisu agana.
Ka∙tongo okkrianiko Sastro galata. Uan an∙chingni gisikni
neng∙nikaniko Isol baksa chapchap ong∙na on∙a. Uni gimin,
Sastroni ku∙rachakanirangko manderangna sualbo. Jisuara Isolni
Katta ong∙aniko mesoke on∙bo. Unon uamangni janggi
tanganirang Jisuni ka∙saachi dingtangatako man∙gen. Jisuni
ka∙saanian uamangni ka∙tongrangko muni nangatgen. Uni
ka∙sachakanian uamangko jagokatgen. Uamangni ka∙tongrango
minganti skaniko Ua gapatgen.
Sastroonikosan mangmang uina man∙gipa bebeni gimin

chanchibo. Sastro an∙chingna maiko skia uko an∙chingni
namnikbena nangani gimin ian an∙chingna maiko aganna
nanga?
Sombar August 10
Isolni Kattani Bil, Sastro (Ibri. 1:1–3)
Ibri. 1:1–3; Ibri. 4:12; aro Git. 33:6, 9 rangko tosusabo.

Ia podranga Isolni Katta Sastroni bilni gimin an∙chingna
maiko agana?
Sastroara Isolni Katta ong∙a. Uan tanggipa Katta ong∙a.

Isolni Katta jeko agana uko dakna bil gnanggipa ong∙a.
Mandeni kattarangde uara maiko daka ukosan aganna man∙a.
Indiba Isolde bang∙arangkon aganna man∙a; aro mamung
71
dakkugijaonikoba maibarangko ong∙atnaba man∙a. Uni kattani
bilchi Ua bang∙arangkon daka. Sastroara bil gnanggipa katta
ong∙a, Uchi bang∙arangkon ong∙atna man∙a. Isolni agangipa
kattaranga Ua maiko maiko agana uarangko ong∙atna bil
gnanggipa ong∙a.
A∙ba. 1 o, “Isolni agangimin” kattarangko setaitaiaha (A∙ba.
1:3, 6, 11, 14, 20, 24, 26, 29). Isolni kattaranga namen bil
gnanggbegiparang ong∙a. Ua aganahaon, chirangoniba ran∙gipa
a∙a nadobaaia. Uni kattaranga sam bolrangkoba chaata,
bibalrangko balata, aro matburingrang janggi gnanggipa
ong∙baa.
A∙ba. 1 o Ibri katta ga∙subegipako an∙ching nikna man∙a.
Uan “bara” katta ong∙a. Ia katta Isolni bilni mamung
donggijaonikoba maikobarang ong∙baatna man∙aniko
an∙chingna mesoka. Isolsan mangmang “bara” ba mamung
donggijaoniko nikna man∙gipa aro nikna man∙gijagipa
bosturangko dakna man∙gipa ong∙a. Mamung donggijaonikon
Isol maikobarang Uni kattani bilchi daka.
Isol ia a∙gilsakko Uni kattani bilchi dakaha. Ua uko ia
apsan kattachin re∙atenga. Ia apsan bilan, chong∙motan Isolni
agangimin kattaan Uni segimin Katta Sastro ong∙a. Ia apsan
Gisik Rongtalgipaan Isolko a∙gilsakko dakna aro manderangko
Sastroko sena dakchakaha. An∙ching Sastroko poraion ba uko
manderangna sualon, Gisik Rongtalgipa an∙ching baksa donga.
Sastroo janggiko on∙na man∙gipa, janggiko dingtangatna
man∙gipa bil gnang. Salgiko aro a∙ako dakna man∙gipa bil
Sastroo gnang. Sastroara bilko on∙a. Uan janggikoba on∙a.
Sastroo pilak ge∙etanian Isolni ku∙rachakani ong∙a. Isolni
ku∙rachakarangoni mingsamangko an∙ching ra∙chakahaon, Isolni
janggi an∙chingo napa. Uni giminsa Isolni ku∙rachakanirangara
an∙chingni ka∙tongrangko, Isolni gita apsanona dingtangatna
man∙a.”—Ellen G. White, Education, jak 126.
Jensalo an∙ching Isolni ku∙rachakanirango ka∙dongchakon,
72
an∙chingni janggi tanganiranga dingtangako man∙gnok. Jensalo
an∙ching manderangko uarangko bebera∙atna dakchakon, Gisik
Rongtalgipa uamangni janggi tanganirangko dingtangatgen.
Ia noksako nang∙ni gisiko dakbo: Isol katta mingsako

aganaha, aro mamung donggijaoni Uni agana gitan
ong∙baaha! Ian aiao inmanbeani! Isolni bilni gimin ian
an∙chingna maiko agana? Maini gimin ia Isolni bebeara
an∙chingko ka∙dimeata?
Mongolbar August 11
Sastroko Poraie Patianiko Man∙ani (2 Timothy 3:14–17)
Isolni Katta Sastroo ku∙rachakanirangko poraianio bang∙a

dingtang dingtang patianirang gnang. Sastroo
ku∙rachakanirangko maina an∙chingara poraina nanga uni gimin
Pitor an∙chingna agana. Jensalo an∙ching poraion ia “gamchata
aro dal∙bea Isolonigipa ku∙rachakanirangko bak man∙gipa
ong∙na man∙gen” (2 Pitor 1:4). Isolni Kattako poraiao mai ong∙a
uko Jakobba “na∙simangni janggiko jokatna amgipa ge∙gimin
kattako sontol ong∙e ra∙bo” (Jakob 1:21) ine agana. Paulba iani
gimin indake agana, “Isol aro uni ka∙saani katta. Ua kattaan
nangna bilko on∙na man∙a, aro uan nang∙na patianiko on∙gen
jean Isolni uni pilak rongtalgiparangna on∙ani ong∙a” (Wat.
20:32, ICB). Sastroara Isolni an∙chingko jokatna miksongaoni
mingsa bak ong∙a. Jisuko an∙ching Sastroo nika, aro an∙chinga
dingtanga. Uni Kattao Jisuko nikachi, an∙chinga Ugitan
rongtalgipa aro ka∙sagipa ong∙baa (2 Kor. 3:18). “Ka∙tong aro
gisikni gimin iakai mingsa nangchongmotgipa niam. An∙chingni
ka∙tong aro gisikrang maiko nika uandaken an∙ching
dingtangbaa. Gisikara maini gimin chanchia uanona ka∙sne
ka∙sne dingtangbaa.”—Ellen G. White, Da∙begipa Dakgrikani,
jak 555.
73
2 Timothy 3:14–17 aro Johan 17:14–17 ko poraibo. Mai
gipin patianirangko Sastroko poraiaoniko an∙ching man∙na
ama?
Sastrona bamchia Paul Timothyna agana. Unikode Paul

Sastroko poraie an∙chingni patianirangko man∙ani gimin agana.
Maiko bebera∙na nanga uko Sastro an∙chingna mesokanikoba
Paul agana. Aroba Sastroara maia tol∙a uko nikna an∙chingna
dakchaka. Isolni manderangko jokatna miksonganiko Sastro
an∙chingna mesoka. Aroba Sastroara an∙chingni paprangko
an∙chingna mesoka. An∙chingni ong∙gija chanchianirangkoba
uan namata. Maikai rongtale janggi tangna nanga ukoba uan
an∙chingna mesoka. Jisuni jokatna ka∙sachakaniko Sastro
an∙chingna mesoka. Sastro an∙chingko an∙chingni ka∙tongrango
Jisu gitan apsan ong∙bana dilenga. Sastro, Jisuni antangna
mamungkoba chanchigija, an∙chingna ka∙saaniko mesoka.
Unikode, baditan an∙chingara antangtangnasan chanchiaigipa
ong∙a, uko an∙ching nika. Baditan Jisuara manderangna ka∙saa
aro simsaka uarangko an∙ching Sastroo nika. Ia Sastroni bebe
ong∙anian an∙chingni janggi tanganirangko dingtangata. Sastroni
bebeko an∙ching manderangna agane on∙on, uamangni janggi
tanganirangba dingtangatako man∙a. Sastroo an∙ching Jisuko
nikon, an∙chinga aroba ka∙sabatbaa. An∙chingni ka∙tongrango
an∙chingba ugitan apsan ong∙baa. Sakki on∙aniara an∙chingni
chanchiako aro bebera∙ako sualasan ong∙aija. Sakki on∙aniara
Sastroo nikgipa jringjrotni bebe ong∙ani gimikkon sualani ong∙a.
Sastroara an∙chingni janggi tanganirangna aiao inmananirangchi
patibeaha. Uni gimin an∙ching manderangna, maikai uan
uamangni janggi tanganirangnaba patiani ong∙gen, aganna
nanga.
Budbar August 12
Bebeo Janggi Tangani (1 Johan 1:7–9)
74
Sastroo ming 3000 na baten ku∙rachakanirang gnang.
Minganti ku∙rachakanian ka∙sagipa Isolni ka∙tongoni re∙baa. Ia
Isolsan “an∙chingni pilak bi∙ani aro chanchianina bate namen
bang∙en dakna amgipa” (Ephesus. 3:20) ong∙a. Sastroo
ku∙rachakaniranga Isolni an∙ching sakantina ku∙rachakanirang
ong∙a. Ia ku∙rachakanirango an∙ching ka∙dongchakon aro
manderangko uarango ka∙dongchakchina aganon mai ong∙a?
Unon Isol Uni patianirangko an∙chingna pakata. Maini gimin
indake daka uni a∙selko Paul Romrango an∙chingna agana: “Ua
antang Depanteko rakjaha, indiba uko an∙ching pilakna jako
on∙aha, ua un baksa an∙chingna pilakkon maidake ka∙sae
on∙jagen?” (Rom. 8:32). Ia a∙selni gimin aroba Pitor on∙tisa
talattaia. Pitor agana, “Jisuo Isolni bil gnang. Aro uni bilan
Isolna on∙kange janggi tangna an∙chingni nanga pilaknan
an∙chingna on∙manaha” (2 Pitor 1:3, ERV). Chisolo, papni
kosako Uni siahao, Jisu dakgrikao amaha. Satanni kosakoba,
namgijani bil aro gopramo dakgrikao Ua amaha. Rongtala aro
gisikni gita janggi tanganina, an∙chingna on∙na minganti
nanganiko, Jisuni cheanichi uarangko an∙chingna man∙ata.
An∙chingni salantio nanganirangni giminba simsakna Jisu
ku∙rachaka.
1 Johan 1:7–9 aro Philippi 4:13, 19 ko tosusabo. Ia

ku∙rachakaniranga ge∙sa ge∙gipinoni namen dingtanggrika.
Indiba uaranga Isolni ka∙tongo maia gnang uani gimin
an∙chingna maikao skia? Maikai ia ku∙rachakaniranga
nangni janggi tanganiko nambatataha?
Ia podrango minganti ku∙rachakanian dingtanga. Indiba

minggni ku∙rachakanirangan Isolni apsan noksakon an∙chingna
on∙a. Ia ku∙rachakaniranga Isolara ka∙sagipa aro kema ka∙gipa
ong∙aniko an∙chingna mesoka. Ua salgioba aro a∙gilsakoba pilak
bilan Uo donga. Isolba an∙chingni salantio nanganirangna
75
simsaka. Indake, ia ku∙rachakaniranga Isol an∙chingna ning∙tuen
simsakaniko an∙chingna mesoka.
Ibri. 3:19; Ibri. 4:1–3; aro Mati 13:58 rangko poraibo.

Bebera∙anina an∙chingni nangani gimin ia podrangara
an∙chingna maiko agana?
Isol an∙chingna Sastroo aiao inmangipa bang∙a

ku∙rachakanirangko on∙a. Ia ku∙rachakaniranga maidake
antangtangna ong∙ata? An∙ching uarango bebera∙na nanga maina
uarangko Jisuan dakaha. Unode iano patina ku∙rachakaniranga
an∙chingna ong∙baa. Indiba maini gimin Isolni
ku∙rachakaniranga an∙chingni janggi tanganirango
ku∙rachakgimin gita ong∙baja? Uan, an∙chingara Uo chu∙onga
bebera∙niko mesokjani gimin ong∙a. Isol maiko dakna aganaha
uko an∙chinga bebera∙ja. Uni gimin bi∙bo, jedakode Isol nangko
saoobana dilgen. Ia ku∙rachakanirang ka∙tongrangko
ka∙dongachi gapatgen.
Bristibar August 13
Sastroni Bebeko Sualani (Isaia 50:4)
Namgipa koborde sualanian ong∙a. Nang∙ni janggi tanganio

namgipa koborrang jean nang∙ko kusi ong∙atbeaha, ua
somoirangni gimin chanchiatbo. Haida uan nang∙ni bia ka∙ani
sal ong∙engnaba donga. Ba nang∙ni bi∙sani atchiani sal
ong∙enggen. Ba nang∙ni kam gital man∙ani, ba gari gital man∙ani
ba nok gital man∙ani sal ong∙engnaba donga. Ua namgipa
koborrangko sualna na∙ara namen kusi ong∙aha.
Chong∙mot, an∙chingni kusi ong∙ani a∙selrangko
manderangna sualna namen nambeani ong∙a. Indiba
nambatsranggipa koborde Jisuni gimin agane on∙na man∙anian
ong∙a. Sastroo nambegipa nikaniko nang∙ni nikahani somoini
76
gimin chanchiate nibo. Na∙a uko gipinna agannan skaigen, ba
mo? Ua apsanan Pitornaba ong∙aha. Toromni dilgiparang
Pitorko uni ripengrangna Sastroni bebeko skiprakaoniko
dontongatna joton ka∙aha. Indiba Pitor uamangna aganaha,
“Chinga jeko jeko nikaha aro knaaha, uko agangija dongna
amja” (Wat. 4:20).
“Jisuona saoba re∙baa baktapan, Jisuan una gamchatbegipa
Ripeng ong∙aniko ua aganna nangnika. Ia bebe ong∙aniko uni
sualaoniko darangba uko dontongatna man∙ja. Jensalo Jisu
an∙chingko rongtalatahaon, Uni Gisik Rongtalgipana, jean
an∙chingo donga, uani gimin an∙chingara kusi ong∙an gapa. Uni
gimin an∙ching manderangna aganna nangnika.”—Ellen G.
White, Steps to Christ, jak 78.
Rom. 1:14–16 o, Paul sea: “Anga Greekrangna, aro
Rorirangna, uigiparangna aro uigijagiparangna gro nanggipa
ong∙a. Uandake anga antangde na∙simang Romo
donggiparangnaba nama kattako aganprakna ska gnang. Maina
anga nama kattana kratcha∙ja; maina bebera∙gipa sakantina,
Jihudina skang aro Greeknaba, ua jokatanina Isolni bil ong∙a.”
Paul, Jisu maikai uni janggi tanganiko dingtangataha uani gimin
uni golpoko aganao pangnaba neng∙ja. Paulnade, nama
koborkode sualnan nanga. Ua jrip jrip dongna man∙ja.
Sastroni bebeko sualanio mai nangchongmotgipa

niamrangko Isaia 50:4; Agan. 3:1; aro 2 Tim. 4:2 ranga
an∙chingna on∙a?
An∙ching an∙chingni janggi tanganirangko chu∙gimikkon

Una on∙ahaon, Jisu an∙chingna sakkiko on∙na cholko on∙a. Ua
manderangko, jerangan ka∙tongrangko oa, an∙chingni janggi
tanganirangona ra∙bae on∙a. An∙ching sakki on∙on minggittam
niamrangko gisik ra∙na nanga: maiko an∙ching agana, uko
an∙chinga maikai agana aro an∙chinga uko basako agana.
77
Nang∙ni janggi tangao na∙ara maikai skangna bate
nambatgipa sakki on∙gipa ong∙na man∙gen?
Sukrobar August 14
Chanchidapani: Ellen G. Whiteni Kristoona Ja∙kurang
ki∙taponiko “A Knowledge of God” ko jak 87–91 oniko, aro
Gospel Workers ki∙taponiko “Bible Readings With Families”
ko jak 192, 193 oniko, aro Evangelismoniko “Bible Work
Techniques” ko jak 481–486 oniko poraibo.
An∙ching gimikni ka∙tongrangon Isol kam ka∙a. Bano

Isolara kamrangko ka∙a uarangko nikna gita an∙chingo gisikni
nikani dongna nanga. Unode an∙chingara manderangna Sastroni
bebeko sualna cholrangko nikgen. Isol uamangni ka∙tongrangko
bebeni bitchilko ge∙na an∙chingna tariata. Gisik Rongtalgipa
Nikodemusni ka∙tongko tariaha. Aroba Gisik Rongtalgipa
chiakolo me∙chik saksani ka∙tongko tariaha. Aroba an∙chi joke
sagipa me∙chikni ka∙tongkoba, chisolo datkapa man∙gipa
cha∙ugipakoba, Romni sipaini dilgipakoba, aro bang∙a
manderangkon tariaha. Uamang Jisuko grongna skangan, Gisik
uamangko Jisuko ra∙chakna tariaha. Uamangna dingtang
dingtang janggi tanganio chagronganirangko man∙ate Gisik iako
dakaha. Aroba Gisikara uamangni ka∙tong aro gisikrangko
Isoloni chanchianirangchi gapataha.
An∙chinga uamangna bi∙na man∙genma? Sastroo
ku∙rachakanirangni gimin aganne on∙na, ba Sastroni mitam
magazinerangko on∙na manderango sing∙na an∙chinga
kratchaengnaba donga. Indiba na∙ara uiahama, nangni
bebera∙aniko sanaba suale on∙na am∙on una mai ong∙manchaa?
Bang∙bata changon, na∙a indake nikgen: Gisik Rongtalgipa ua
mandena na∙a maiko una aganna am∙enga uko knatimna ua
mandeko tarisoaha.
78
1. Mai saoba nang∙ona re∙baode aro ua namen doso ong∙jok
ineode. Uko kema ka∙na gita Isolko nanga. Mai ku∙patianiko
na∙a una on∙gen? Mai Sastroni odai podko agangen?
Indakgipa doso aro Isolni kema watani bilni gimin nang
janggi tangao na∙a antangni experienceara mai ong∙aha?
2. Basakobade Isol manderangko an∙chingni janggi

tanganirangona ra∙baa, maina Ua uamangko Uni bebeko
uianiko nangnika. Isolni an∙chingona rimbae on∙gipa
mandena dakchaknara an∙chinga maiko dakna tik ong∙gen?
3. A∙bachengani golpoo maikai Isolara salgi aro a∙ako

dakaha, iani gimin Isolni bil aro Uni kattani gimin
chanchibatkubo. Bangbangara namen apalbea. Uni apalako
an∙chingde chanchichipatnamangba neng∙a, an∙chingni
gisikrangchide. Indiba Isol uko dakgipa, Ua jerangko
dakaha uarangna bateba namen bilakbatbegipa ong∙a! Ia
namen bilakbegipa Isolan an∙chingnaba ka∙saa. Ia
chanchianiara maikai an∙chingko ka∙dimeata? Isolni gimin
iarangko uiaoniko mai ka∙donganiko an∙chinga man∙a?
Maikai ia uianiara an∙chingko namkalbatgipa sakki on∙gipa
dakgen?
_____________________
79
JISUNI DAKAHA GITAN MANDERANGNA DAKANI
Ia Antini Lessonna Poraiani: Mati 5:13, 14; Mati 8:5–10; Luk
10:25–27; Mati 4:23–25; Mati 25:31–46.
Mingani Pod: “Aro mande jinmarangko nike uamangna

ka∙sachakaha, maina uamangko, nirikgipa gri mesko gita, duk
man∙ataha aro bilding-bildangataha” (Mati 9:36).
Jisu manderangko namedaken simsaka. Ua manderangna

dangdike on∙nasa tangaha, Antangna ong∙ja. Jisu Uni
samtangtango manderangni nangarangko man∙ate on∙aha.
Manderangna ka∙saaniko mesoke Ua Isolna kam ka∙a. Ua
uamangni be∙en bimangrangko, gisikrangko, aro ka∙tongrangko
an∙sengataha. Kenbegnigipa bigilni sabisi man∙gipa
manderangko Jisu an∙sengataha. Ua mikgriko nikna aro
nagokko knana dakchakaha. Namgija kore gisik man∙aoniko Ua
manderangko jakgitelataha. Okkrigiparangna Jisu cha∙aniko
on∙aha. Kangalrangko ua simsakaha. Jisu iarangko dakahaon,
manderangni ka∙tongrang aro janggi tanganiranga dingtangaha.
Manderangni janggi tanganiranga maini gimin
dingtangaha? Uan Jisuara uamangko namedaken simsakaniko
manderangni nikahani gimin ong∙a. Uni ka∙saara
ka∙sachongmota. Uni giminsa uamangni ka∙tongranga Sastroni
beberangna aro Uni skianiangna oako man∙aha. “Jisuni daka
gita dakgipasan mangmang manderangona sokatna an∙chingna
dakchakgen. Jokatgipa manderang baksa somoiko re∙ataha.
Uamangna nambatakosa Ua man∙atna skaha. Ua uamangna
ka∙saaha. Ua uamangni nanganirangko simsakaha. Ua uamangni
ka∙tongrangko amaha. Unikode Ua uamangna “Angko
80
ja∙rikbabo” ine aganaha —Ellen G. White, The Ministry of
Healing, jak 143. Manderangara ia a∙gilsako Nama Kattako
nikna nanga, skiprakako knaasan ong∙aija ine Jisu nikaha. Jisuni
daka gita an∙chingba dakpaon, an∙chingni janggi tanganiranga
bilakgipa sakkirang ong∙baa. An∙chingni janggi tanganirang
an∙chingni agana kattarangna bilko on∙a.
Robibar August 16
Manderangko Jisuara Maidake Ra∙a? (Mati 5:13, 14)
Jisuara pangnan gipin manderango namarangkosa nia.

Nambatsranganirangkosa Ua uamangoniko naatronga. Jisuni
somoio toromni dilgiparanga Jisuko matnanga maina Ua
“papirangko ra∙chaka, aro uamang baksa cha∙rima!” (Luk 15:2).
Dilgiparangara jajrenga maina Jisuara Isolko
mandera∙gijagiparang baksaba ripeng ong∙a. Toromni gimin
dilgiparangni chanchianirangara Jisuni chanchianirangoni
dingtanga. Toromni dilgiparangara Isolni manderangara
papirangoni dingtang dongna nanga, papirang baksa
mamungoba bak dongna nangja ine chanchia. Uni gimin,
jensalo Jisu “Anga toromirangko okamna re∙baja, indiba
papirangkosa” (Mati 9:13) ine aganahaon dilgiparangara namen
aiao inmanaha.
Jihudi dilgiparangni toromde papko gelani ong∙a. Uamang
“pap ong∙aoniko antangtangko ra∙rikna gita, chinga jeko dakna
man∙a mingantikon dakna nanga” ine chanchia. Uni gimin
uamang uamangde pap bang∙a ine chanchichipenba
manderangoni chel∙e donga. Indiba Jisuni daka bewalrangara
namen dingtanga. Ua ia a∙gilsakona re∙baaha. Iaba chipuan
gapgipa a∙kol gitan apsan. Indiba Jisu an∙chingko gelja. Ua
an∙chingko jokatnasa tik biapona re∙onbaa. Uan a∙gilsakni
seng∙a” (Johan 8:12) ong∙a.
81
Mati 5:13, 14 ko poraibo. Mai minggni noksarangko
Jisuara sawarang Uni ja∙rikgiparang ong∙a uko an∙chingna
mesokna jakkala? Jisuara ia noksarangko maini gimin
jakkalaha ine na∙ara chanchia? Aganchakanina Johan 1:9;
Johan 12:46; aro Philippi 2:15 rangko poraibo.
Niam Gitalni somoirango kariara namen gamchatbegipa

ong∙a. Uni gamchatbeani namen dal∙a. Basakoba basakoba
Romni sipairang kariko tangkani pal jakkala. Indake kariara
man∙e cha∙anina toe skiani ong∙a. Cha∙anikoba kariara cha∙toata
aro uko nosto ong∙gnioniko champenge rakia. Jensalo Jisu Uni
ja∙rikgiparangko uamangara kari gitan apsan ong∙a ine
aganahaon uara maikomancha miksonge aganenga? Uni
miksongania, ia a∙gilsako chong∙motgipa man∙e cha∙ania tangka
aro bil man∙batsranggipa manderang ong∙ja. Ia a∙gilsako
kakketgipa man∙e cha∙anide Kristianrangsa. Uamangni ka∙sae
aro antangtangko jegale kam ka∙anirang ia a∙gilsako ka∙saaniko
tangkamjringe rakia.
Gnigipa Jisuni toe skiania Mati 5:14 ong∙a: uan teng∙ani.
Teng∙a andalako gele katja. Teng∙aniara andalao seng∙aniko
on∙a. Teng∙a andalaoni bak ong∙e dongja. Uan andalaoniko
jasengatasa. Jisuni ja∙rikgiparang papni andalao dongtokenggipa
manderangona Isolni bebeni seng∙aniko ra∙bana nanga.
Sombar August 17
Jisu Manderangna Ka∙sagipa Ong∙a (Mati 8:5–10)
Mejalo an∙chingni skia man∙gimin gita, Jisuara pangnan

manderangona nambatsrangakosa ra∙baatna nangnika.
Obostarang namen rakbegipa ong∙oba, Jisuara ka∙saachi kam
ka∙aha. Luk mande jinmarangni gimin “uni ku∙sikoni ong∙kata
katchaani kattarangna aiao inmantokaha” (Luk 4:22) niko
an∙chingna agana. Johanba “ka∙sara aro bebe Jisu Kristochi
82
ong∙aha” (Johan 1:17) ine an∙chingna agana. Jisu manderangni
ka∙tongrangko amaha. Uni ka∙sagipa kattarang uamangni
ka∙tongrangko Una ona dakchakaha.
Mati 8:5–10 aro Mark 12:34 rangko poraibo. Mai

ka∙dongan gapgipa kattarangko Jisuara Romni sipai
dilgipana aro Jihudi toromni dilgipana agana?
Romni sipaini dilgipa ba sak 100ni pamongna Jisuni

kattarangara Jihudi toromni dilgiparangni chanchianiode
dal∙begipa dingtangani ong∙a. Chanchibo, ua sak 100 ni
pamongara jensalo Jisu una uni bebera∙ania Israel jat gimikoba
iana bate dal∙bata bebera∙aniko nikkuja ine aganon maikon
chanchipilenggnok! Iakoba chanchibo, Jisu una “Isolni
songnokoni na∙a chel∙ja” (Mark 12:34) ine aganahaon, ua Jihudi
toromni dilgipara maidaken chanchipilenggen. Mairongpilgipa
kattarang! Jisuo manderangoniko nambatsrangako ra∙bana
changa sapani gnang. An∙chingni ka∙saani, mitelani, aro
demitelani kattarang manderangko uamangni ka∙tongrangko
Nama Kattana ona dakchaka.
Isaia 42:3; Kolosi 4:5, 6; aro Ephesus 4:15 rangko

tosusabo. An∙chingni bebera∙aniko gipin manderang baksa
sualani aro uamang baksa ripeng ong∙ani gimin mai
nangchongmotgipa niamrangko ia podranga an∙chingna
skia?
Jensalo an∙chingni kattarang de∙doani aro Isolni ka∙saa aro

ka∙sachakanian gapa, unon manderangni janggi tanganiko
nambataona dingtangatna an∙chingo bil donggen. Isaia
an∙chingna agana, Jisu “be∙gopgipa tiluko . . . pe∙jawa, aro
dimelgipa tochrini kildingko . . . kimitjawa” (Isaia 42:3). Ia toe
agananiranga Jisuara namen ka∙sabegipa ong∙aniko an∙chingna
83
mesoka. Uo bebera∙na re∙baenggipa saksakoba Ua gisik saatjana
simsakbegipa ong∙a. Jisu uamangni ka∙tongrango bebera∙ani
chonbatsranggipa ‘wal∙misi’koba kimitjawa.
An∙ching “maidake” maikoba agana uara

gamchatbegipa ong∙a. Haida iara uana batemangba
gamchatbatangnaba donga. Maini gimin ian bebe ong∙a?
Mongolbar August 18
Jisuni An∙sengatani Kam: Bak 1 (Mati 9:1–7)
Bilakbegipa kamrangchi Jisu bebeko sualaha. Salantian

Jisu bang∙a dingtang dingtang nanganirang gnanggipa
manderangko grongaha. Indakgipa apsan manderangkon
an∙chingba gronga. Uamangni gisikrang, be∙en bimangrang, aro
ka∙tongrang pilakan nanganirang gnang. Jisuara ia manderangni
nanganirangko man∙ate on∙na, an∙ching baksa kamko ka∙na gisik
dingchaaha. Uko an∙chingara Jisu baksa maidake kam ka∙a?
Manderangna simsakaniko mesokon, uamang duk ong∙on ba
sikdikdik ong∙on uamang baksa duk ong∙e dongpaon, an∙chinga
Jisu baksa kam ka∙paa. An∙chingni uamangna simsakanio Jisuba
an∙chingna dakchaka.
A∙gilsako dongmitingo Jisu manderangko uamangni
nanganirango salantian gronga, jedakode Ua uamangni gisikni
nangbatsranganirangko man∙atna man∙gen. Ia salantio
nanganirangkoa felt needs ine mingaha. Felt needrangara
golmal [problem] mingsa ong∙a jean saoba uni golmalko
antangaride namatna man∙jawa ine uia. Ia mande dakchakaniko
nanga. Haida uara sada ringaniko watna, be∙en jrimaniko
komiatna, nambata cha∙aniko cha∙na, ba gisik nengskimaniko
ritchengatna dakchakaniko nengengnaba donga. Haida ia
mandeara salantio nanganirangko bang∙bate nangengnaba
84
donga. Uara cha∙anirangko, nokko, ba doctorko grongna
nangengnaba donga. Ba ia mandeara uni bia ka∙anina ba
nokdangna agankupatianiko nengengnaba dona.
Felt needrangara ultimate needoni dingtanga. Ultimate
needara mandeni nangbatsranggipa maiba ong∙a. Uamang
antangtangni janggi tanganiko Isol baksa nangrimatna nanga.
Uamang uamangni janggi tanganio basee ra∙aniara jringjrotni
sianiona ba tanganiona dilaniko uina nanga. An∙ching ia nosto
ong∙gimin a∙gilsako donga aro papchi saknaatako man∙a. Indake
Isol baksa saksan gita ong∙ani ba nangrimanian an∙chingni
ultimate need ong∙a.
Mati 9:1–7 o rama re∙na man∙gijagipa ba uni bimangko

jitna man∙gijagipa mande saksani gimin golpoko poraibo.
Aroba Mark 5:25–34 o saksa me∙chik bilsi 12 na an∙chi joke
sagipani gimin golpoko poraibo. Maikai ia golporanga
Jisuni be∙enko an∙sengatania manderangko Isol baksa
saksan gita ong∙bana dakchakani ong∙aniko an∙chingna
mesoka?
Jisuni an∙sengatani kamara be∙enko aro gisikko

an∙sengataninaba namen bata. Jisu manderangko chu∙gimik
nampiltaianiko ning∙tuen nangnika. Jisunade, saniba be∙enko
an∙sengatania uni gisikko an∙sengatani gride chong∙motgipa
an∙sengatani ong∙ja. Isolni ka∙saani an∙chingko manderangna
nambatsranggipa an∙senganiko man∙na skatna nanga. Isolni
ka∙saanian uamangni gisikni an∙senganina simsakna an∙chingna
dakchakgen. An∙ching manderangko da∙o aro salgioba kusi
ong∙e aro an∙senge janggi tanganiko man∙na skatna nanga. Gisik
ra∙bo, mande sakantian ia a∙gilsako Jisuni an∙sengatgipara
ja∙manon siaia. Uni gimin, nangchongmotgipade, pilakna bate
gisiknisa ong∙a, ong∙abamo?
85
Budbar August 19
Jisuni An∙sengatani Kam: Bak 2 (Mati 4:23–25)
Mati 4:23–25 aro Mati 9:35 ko poraibo. Manderangni

nanganirangko man∙atna mai minggittamrangko Jisuara
dakaha? Ia minggittamrangara maikai manderangni janggi
tanganirangko nambataona dingtangataha?
Jisuni a∙gilsako kamko ka∙anio minggittam bakrang donga:

uan (1) skiani (2) skiprakani aro (3) an∙sengatani. Sastroni bebe
ong∙aniko Jisu suala jedakode an∙chinga janggi tangani ortoko
uigen. Ua agana, “Uamang maikai janggiko man∙gen, aro
chu∙soke man∙gen uni gimin anga re∙bara” (Johan 10:10). Jisuni
a∙gilsako kam ka∙ania ka∙sachake dakanian gapa. Ka∙sachakani,
kema watani aro papni kosako bilko on∙ania Isolni indin on∙asa.
An∙chingni janggi tanganirango da∙o aro pangnajolna
ka∙sachakanichi gapatna gita Jisu re∙baaha.
Mark 1:32–39 ko poraibo. Jisuara salmadrangan

sagiparangko an∙sengate aro manderangoniko korerangko
rikgalate somoiko re∙ataha. Unikode Isolo bi∙aha aro
pringgipinon manderangara an∙sengataniko man∙na bang∙e
re∙bataiaha. Unikode Jisuara songjinma gipinona
re∙angaha. Jisuara mainasa manderangkora an∙sengatja?
Uni a∙selko na∙a pod 38 aro 39 o nikama?
Ia golpo namen dakchakbea. Salsana skang manderangko

an∙sengatani ja∙mano, salgipinode Jisuara mande jinmako wate
re∙anga. Uamang Jisuko am∙roroe re∙baaha. Uamangba
an∙sengataniko nanga. Indakora Jisuara mainasa unon dongkue
uamangko an∙sengatja. Jisu, Uni ia a∙gilsakona re∙baani a∙selara
Nama Kattako skipraknasa ine agana. Jisuara aiao
inmananirangko dakaigipasan ong∙aija. Uara Isolni
86
Depantemanchaan jean manderangko jokatna re∙baaha.
Manderangni saakosan an∙sengataina Jisu nangnikja. Jringjrotni
janggiko indin on∙aniko manderangni ra∙chakanikoba Jisu
nangnika. Ia on∙aniko Ua uamangna on∙na nangnika. Jisu maini
gimin ia a∙gilsakona re∙baaha Ua an∙chingna rongtalbeen indake
agana: “Gimagiminko am∙na, aro jokatna Mandeni Depante
re∙baaha” (Luk 19:10). Changanti Jisu sakoba an∙sengaton Ua
manderangna Isolara sawa ong∙a aro Uni ka∙tongara mai gnang
uko mesoka. Minganti an∙sengatani kaman saaniko namata aro
sanaba jringjrotni janggiko on∙na cholko man∙ata.
Na∙ara kangalgipa aro sagipasa ong∙ode Jisuni on∙gipa

ka∙sachakanio chu∙gimik janggi tangna man∙ama?
Manderangni an∙sengatako man∙anina bateba Jisuara
maiba ning∙tubatgipa on∙aniko on∙ama? Ong∙ode uara
maia? An∙ching manderangni ka∙tong aro be∙enni
nanganirangna maidakgipa simsakanirangchi uamangko
gisikni bebeona dilna man∙gen?
Bristibar August 20
Jisuara Maina Simsakbata (Mati 25:31–46)
Mati 25 o, Jisu Uni ja∙rikgiparangna bon∙kaman somoini

gimin minggittam golporangko agana. Ua golporanga Jisu Uni
bon∙kaman somoina manderangko, Uni Gnigipa Re∙baanina
sengsoaniko nangnikaniko an∙chingna mesoka. Sakchikkung
tusienggipa me∙trarangni golpoara Gisik Rongtalgipachi
gapatako man∙na nangchongmotaniko an∙chingna mesoka.
Mona 10 ni golpoara maini gimin an∙chingara Isolni an∙chingna
indin on∙gimin on∙anirangko saksa sakgipinna jakkalna nanga
uko an∙chingna mesoka. Mes aro do∙bokni golporangara
kakketgipa Kristianrangde manderangni nanganirangna
simsakaniko an∙chingna mesoka.
87
Mati 25:31–46 ko poraibo. Kristian chong∙mot
ong∙aniara maidakako Jisuara agana? Ia podrango Isolna
daka kamrangko list ka∙bo.
Mati 25:31–46 o golpoara manderangni be∙en
an∙senganirangna nanganirangko simsakanini gimin agana.
Apsan somoion, ia golpoona agreba maiba nangdapani
dongkuama? Oe dongkua. Manderangara uamangni gisiko
Jisuna okkrigipa aro ringna sikbegiparangba donga. Jisusan
mangmang ua nanganiko gapatna ama aro uamangni okkria aro
ringna skaniko ra∙anga (Johan 6:35; Johan 4:13, 14). Jisu Uni
rongtalgipa janggi tanganichi an∙chingo gapatkujaskal
an∙chingara pilakan konggranggiparang ong∙a. Jisu an∙chingko
Uni ka∙saani aro kema watanichi pindapa (Para. 3:18; Para.
19:7, 8).
Niam Gitchamni kobor ra∙ruragiparangara manderangni saa
aro an∙sengna man∙gijani gimin pilnipilan agana (Isa. 1:5; Jer.
30:12–15). Manderang saa aro sigen. Indiba Jeremia an∙chingna
mingsako mesoka jean an∙chingko an∙sengatna man∙gen: “anga
nang∙ni matarangko namatgen” ine Jihova agana” (Jer. 30:17).
Jisu an∙chingko saatgipa aro siatgnigipa paponiko an∙sengata.
Mes aro do∙bokni golpoara an∙chingni samtangtango
manderangni nanganirangko simsakchina an∙chingko mikrakata.
Ia golpo aroba an∙chingko, an∙chingni wilwilao manderangni
nanganirangko simsakna Jisu baksa kam ka∙china okama.
Indake dakon an∙ching antangtangna mangmang chanchie
janggi tangjawa aro manderangna mamungkoba dakgija
ong∙jawa. Ong∙jaode an∙ching jringjrotni janggiko gimaatnaba
donga. Golpoo, gipinrangna dakchake janggi tanggipa
manderangko Jisu demitela. Gitel uamangko Un baksa
jringjrotna dongna salgiona rimchaksoa. Indiba
antangtangnasan tangaigiparangkode ong∙ja. Uamang ia
a∙gilsako gipin manderangko dakchake jangi tangna simsakjaha.
Uni gimin Jisu uamangko sal giona rimchaksoja.
88
Sukrobar August 21
Chanchidapani: “Bang∙an Isolo bebera∙ja. Uamang
manderangoba bebera∙ja. Indiba uamangni ka∙tongranga ka∙sae
dakchakani kamrangchi moatako man∙a. Ua mande uamangni
ka∙tongrangko moata, aro tangkana ba demitelaniko man∙na
kam ka∙ja. Ua uamangni nokrangona re∙baa, sagiparangna
dakchaka, okkrigiparangna cha∙aniko on∙a. Ua ba∙ra
kingsamangba donggijagipa manderangna ba∙rarangko on∙a.
Duk ong∙gipa manderangko ua ka∙dimeata. Uni
dakchakgiparangko ua Jisuona dilbaa. Ia mande kam ka∙gipara
uan Jisuni kattako ra∙ruragipa ong∙aniko mesoka. Ia mandeni
ka∙tongo ka∙saani gnang aro ua ka∙sachakania Jisuoni re∙baa.
Manderang ia ka∙saani pilak kamrangko nikon, uamangni
ka∙tongrangara moatako man∙a. Uamang mitelpilako man∙a.
Bebera∙ani uamangni ka∙tongrango nabaa. Isolni uamangna
simsakaniko uamang da∙o nika. Sastroko oprake uamangna
skion uamang knatimna taria.”—Ellen G. White, The Ministry
of Healing, jak 145.
Jisuni kamrang Uo kadongchakna aro Nama Kattako
ra∙chakna manderangko dakchaka. Mondoliara a∙gilsako Jisuni
be∙en bimang ong∙a. Ka∙saan ka∙tongchi, mondolini
memborrangara manderangni nanganirangko pilakchin
man∙atna nanga. Jisu an∙chingko Uni bimungo watata. Ua
an∙chingko songjinmarangona aro songsulrangona manderangni
janggi tanganirangko nambatatchina watata. Oe an∙chingara
papchi aro namgijarangchi ia a∙gilsako mitchiatako man∙jana
simsakbegiparang ong∙na nanga. Apsan somoion, an∙chingara
manderangoni chel∙e ba a∙te ong∙eba dongna nangja. An∙ching
uamangona re∙angna nanga aro uamang bano donga uanon
uamangni tanggi tanganirango dangtapna nanga. Ia kamko Una
ka∙na an∙chingara antangtangko Isolna jakkalchina on∙na nanga.
Isol manderangko uamanga bano aro maio ong∙a, uanoniko
uamanga bano ong∙na nanga uanona ra∙baaniko nangnika.
89
1. Maini gimin manderangna ka∙sae dakaniara namen

bil gnangbegipa ong∙a jean manderangni rakbegipa
ka∙tongrangko jrongatna aro manderangko toromni
bebeko ra∙chakna dakchakani ong∙a? An∙chingba
Jisuni dakaha gitan, ua apsan dakanikon
manderangna dakpaodechim? Sakki on∙anio
baditanan nambatgenchim?
2. Nang∙ni somoisao maiba ong∙chongmotaniko

agananiko chanchiatbo. Indiba na∙a uko ong∙gija
bewalo aganaha. Ua expeienceoniko na∙a ugita
daktaijanaha gita maiko skie ra∙aha? Maini gimin
bebeko sualania an∙chingni gisik tom∙tom ong∙osa
nambatgipa ong∙a?
3. Maidakgipa kamrangko nang∙ni mondoliara Isolna

nang∙ni gittimo dakna man∙a jekon mondoli da∙o
dakjaenga?
_____________________
90
JISU MANDERANGKO MAIDAKE NIKAHA

Ia Antini Lessonna Poraiani: Johan 4:27–30, 39–42; Mati
15:21–28; 2 Thess. 1:1–4; Rom. 15:7; 1 Pitor 3:15.
Mingani Pod: “Na∙simangni ka∙tongrango Gitel ine Kristoko

rongtalatbo. Na∙simango donggipa ka∙donganini gimin,
na∙simango katako sing∙gipa pilakna aganchakna pangnan
tarisoe dongbo” (1 Pitor 3:15).
Baditana Jisuni janggi tanganini gimin an∙ching poraia,

inditanan an∙chingara manderangko Uni ra∙chakna man∙anini
gimin aro uamango gamchatani donganiko uiatani gimin aiao
inmanbatroroa. Chong∙mot Jisuara Uni somoio toromni
dilgiparangko saia. Indiba Jisuara papo ong∙gipa
manderangkoba kusi ong∙been ra∙chakaia. Jerangan
antangtangko dos ong∙nika aro janggi tanganio ka∙donganiko
watgalaha uandakgipa manderangkoba Jisuara ra∙chakaia. Jisu
uamangna Uni ka∙sachakaniko on∙a. Ka∙sachakania Isolni ka∙sae
indin on∙anisa, aro pap kema watani aro papni kosako bilko
man∙aniba ong∙a. Jisu Uni ka∙sachakaniko papibatsranggipanaba
on∙a. Uni pap kema watania namen ning∙tua. Ua uamangni
paprangna bateba ning∙tubatanga. Jisuni ka∙saani ari sima
dongja.
Jisuni ka∙tongo gaorade∙ani dongja. Ua Antangko
gipinrangna bate nambata ine mesokja. Ua mande sakantion
Isolni dakgimin ong∙aniko nika. Oe, manderangde
ga∙akgiminrang ong∙a, indiba Jisu uamangko paponiko jokatna
re∙baaha. Uni ka∙sana darangba sokna chel∙dugaja. Jisu uni
gronggipa sakantina mandera∙aniko mesoka. Ua manderangko
91
Uni songnoko napna gisik on∙ata maina Ua manderango
bebera∙a. Uamangni janggi tanganiranga Uni janggi tanganichi
dingtangako man∙aha maina Uara uamangna namedaken
simsakmanchaa. Uni gimin, Uni uamangko ong∙bana
ka∙dongani gitan manderangara ong∙baaha.
Ia antini lessono, manderangko Jisuara maidake
chanchiachim uarangni gimin ning∙tubate oprakgen. An∙chingni
janggi tangao ia niamrangko an∙chingara maidake ja∙rikna
nanga uarangni giminba an∙chinga skie ra∙gen.
Robibar August 23
Nama Kattana Ogipa Ka∙tongrang (Johan 4:27–30, 39–42)
Jisuni Samaritan me∙chik baksa agangrikaniko Johan

4:27–30, 39–42 oniko poraibo. Maikai ia agangrikania,
an∙chingni ka∙dongsogijagipa biaprangonimangba pilak
rokom manderangan Nama Kattana oaniko bebeko
mesoka?
Jisuni ja∙rikgiparangni Nama Kattako ra∙chakna ka∙dongani

grie nikgipa biaprangoni Samariaan bon∙kamgipa biap
ong∙achim. Samaritanrangara, Jihudirangni ong∙e skiani aro
olakiani gimin uamang baksa pangnan dakgriksimaia. Ia
meligrikgijani ruuta bilsirangnan re∙engaha. Ritcha bilsirangna
skang Samaritanranga Jerusalemo torom nokko rikao
dakchakna skachim. Indiba Jihudirangara uamangko ra∙chakja.
Maini gimin? Samaritanranga tol∙gipa isolrangko olakigipa
jikgiparangko bia ka∙aha. Aroba, ua Samaritanrangara toromni
gimin ong∙gija bebera∙a. Uni gimin Jihudirangara uamangni
dakchakna am∙ako jechaka. Iani gimin, ua Samaritanrangara
Gerizim a∙brio antangtangna gilja nokko rikaha. Jisuni
sninggiparangan Nama Kattako Samariao skiaoniko gelna
sikbatgipade!
92
Jisu Samariao Uni ja∙rikgiparangni nikgijako, Nama
Kattana uamangni ka∙tongrangko oaniko uano nika.
Me∙chikmani gimin Johanni golpo ua chiakolo ia kattarangchi
a∙bachenga: “Gitel Judeako wate Galiliona re∙angtaiaha. Aro ua
Samariako re∙angna nangaha” (Johan 4:3, 4). Jisu Samariachi
re∙na nangaha” maina Gisik Rongtalgipa Una uano donggipa
manderangni gimin aganaha, jerangan Nama Kattana ogenchim.
Jensalo Gisik Rongtalgipa an∙chingni mikronrangko oahaon,
an∙chingni nikaniranga dingtanga. An∙chinga pilak aiao
inmangiparangko nika jeon manderangara dukrarakosa nika.
Wat. 8:4, 5, 14 ko poraibo. Jisuni Samariachi re∙ani

gimin aro Uni daka kamna Watatarango mai ong∙a?
Jisuni ja∙rikgiparangara Nama Kattako Samariao aganna

cholko ra∙gija uko watchangangna nangnika. Uni
ja∙rikgiparangni nikgijako Jisu nikskaa. Gisik Rongtalgipani
Nama Kattako ra∙chakna sikna ua me∙chikna dakchakgniko Jisu
uia. Ua uni janggi tanganiko Jisuna on∙a. Ian aiao inmanani
ong∙a: uan ua songjinmao bang∙a manderangni janggi
tanganirangko dingtangata. Sakki on∙anio an∙ching uni biteko
ta∙rake ba dal∙e pangnan nikningjawa. Indiba an∙chingara je
ong∙oba manderangna Nama Kattako sualna nanga. An∙ching
bebeni bitchilrangko uamangni ka∙tongrango ge∙na nanga.
Unode ja∙mano, ua bitchil chabaahaon, ia manderangara gipin
manderangko uamang baksa Isolni songnokona rimbaskagen.
Sombar August 24
Ka∙tongni Dingtangani (Mati 15:21–28)
An∙chingni chanchiani aro kamrang manderangni janggi
tanganiko nambataona dingtangatna man∙a. Namgijagipa
gisikde manderangko nang∙oniko chel∙atgen. Nang∙ni je
93
agananirangkoba, na∙a bebekon agangenchimoba, uarangan,
uamangko knaatna skatjawa.
Indiba manderangni gimin name chanchianiara
manderangko nang wilwilao namaona ong∙ata. Ka∙saani
kattarang aro kamrang ripeng ong∙aniko dal∙rorona dakchaka.
Jisu ia niamko rongtalbee dakaha. Ua indake agana, “Anga
na∙simangko nokolrang ine injawaha; maina giteltangni dakako
nokol uija. Indiba anga na∙simangko ripeng ine inaha; maina
Apaoniko angni pilak knaako anga na∙simangna uiataha” (Johan
15:15). Ripengrangara, uamang gualanirangko dakmanahaoba
saksa sakgipinko ra∙chakgrika. Ripengrangara, uamangni duk
aro kusi ong∙anirangkoba parak agan-sualgrika.
Mati 15:21–28 aro Mark 14:6–9 ko poraibo. Ia podrang
an∙chingna sakgni dingtanggrikgipa me∙chikrangni gimin
agana. Ia me∙chik sakgnini daka gita Jisu dakja. Ua saksa
me∙chik baksa nama. Indiba skanggipaode ua
saksagipanade gisik on∙jachim. Ia golpo mingprakoniko
Jisuni me∙chik sakantikon jokatna joton ka∙ani aro Uo
ka∙donganiko rikatna skani gimin na∙ara maiko nika?
Mati 15 ni me∙chikara Kanaanni ong∙a. Skanggipaode
Jisuara uni nangnikaniko dake on∙ja. Indiba ua me∙chik Uo
dakchakaniko man∙na ske bi∙chae donga. Ian uko bebera∙anio
dal∙rorona dakchaka. Bon∙kamaode Jisuara ua me∙chikna uni
nanganiko on∙a. Unikode Jisu maiba aiao inmananiko agana.
Jihudi toromni dilgiparangoni darangba ua somoio ia duk
ong∙enggipa Kanaanni me∙chikna iako aganjawachim. Sakantini
mikkangon Jisu iako agana, “O me∙chik, nang∙ni bebera∙a
bang∙a” (Mati 15:28). Ua Kanaanni me∙chikni bebera∙anina Jisu
demitela. Toromni dilgipani mingsa nambatsranggipa aganna
man∙ania sanaba bebeko am∙enggipana aganna man∙anian ong∙a.
Ua me∙chikmani ka∙tong ka∙srokan gapaha! Chong∙mot, Jisuni
kattarang uni janggi tanganiko dal∙been dingtangataha.
94
Jisuni ja∙ako dam rakbegipa similgipa tochi ja∙suatgipara
Jihudi ong∙a. Uaba gipin manderangni one ra∙ako man∙gipa
me∙chik ong∙a. Uni gimin manderang uni batanggimin janggi
tanganio namako aganja. Uo bang∙a dakgualanirangko dakaha
aro paprangko ka∙taitaiaha. Indiba Jisu uarangko kema wataha.
Ua uko dingtangataha aro gital daktaiaha. Gipin manderang uko
namgija aganon, Jisu uni kamrangna demitelskaaha, Ua agana,
“Beben anga na∙simangna agana, Pilak a∙gilsakni je je biapo
nama kattako aganprakgen, iakoba, jeko ia me∙chik dakaha, uko
gisik ra∙atna agangen” (Mark 14:9).
Mongolbar August 25
Ka∙saachi Bebeko Sualani (2 Thess. 1:1–4)
Ripeng ong∙anichi mangmangde manderangko Jisuona

ambana man∙ja. An∙chingo bang∙a ripengrang dongnaba donga.
Ripengrangara manderang ong∙a, uamang baksa an∙ching kusi
ong∙enga. Uamangba an∙chingchi kusi ong∙aniko man∙a. Indiba
mai, an∙ching pangnaba an∙chingni ripengrangna Jisuni
an∙chingna mai ong∙a ukon aganjaode? Maikai Ua an∙chingni
janggi tanganirangko dingtangataha uamang uichina. Ong∙jaode
an∙chingni ripeng ong∙aniara jringjrotni janggiko nikaniona
darangnaba dakchakani ong∙jawa. Chong∙mot, an∙chinga
pilakon ripengrang baksa kusi ong∙e ronaba donga. Indiba
Isolara una bateba dakchina an∙chingko agana, maina ripeng
ong∙animangmangde manderangko Jisuona rimbana man∙ja.
Paul an∙chingko “ka∙sao bebe ong∙e” skotonggipa
Kristoona pilakchin dal∙rorogen (Ephe. 4:15) ine agana. Jensalo
an∙ching man∙a dipet manderang baksa melia unon ripeng
ong∙ani dal∙roroa. Jensalo an∙ching manderangni maiba namako
dakanina uamangko demitelon ripeng ong∙ani dal∙roroa.
An∙ching namgijakode manderangoniko niamna nangja.
95
2 Thess. 1:1–4 ko poraibo. Paulara Thessalonikarangko
maina mitelaha ua listrangko dakbo.
Gipin manderango mai mai namgijanirang gnang uarangko

am∙rikitgipa mitam manderangba donga. Ua mande maiko
dakaha, maiba namgijako man∙ahaode uamanga kusi ong∙a.
Gipin manderangni namgijako dakako nikahaode uamang
antangtangko nambatnika!
Paulde dingtangsa. Uni dangdike on∙gipa
mondolirangoniko namarangkosa ua am∙a. Oe, Paul ua
mondolirangni gualanirangko mesoke on∙a. Paulde papkode
ra∙chakja. Indiba ua Uni a∙bachengatgipa mondolirangko rikna
ska. Mingsa Paulni iako dakahaniara mondolirangna mai
namako daka uko aganna gita ong∙a.
Namgipa ripeng ong∙anini gamchatani gimin Ellen G.
White an∙chingna indake agana: “An∙ching an∙chingni
ka∙tongrangko gaorade∙aniko konggrangatna nanga. Unikode
an∙ching gipin manderangna ka∙sana aro ku∙sachakan gapna
nanga. An∙ching uamangna namna aro ka∙sachakan ka∙tongrang
dongna nanga. An∙ching iako dakode, je mondolio da∙o
saksasan napea uno sak ritcha manderang napegen.”—
Testimonies for the Church, volume 9, jak 189.
Ellen G Whiteni seaoniko kosakniko chanchibo. Sakanti

memborni ka∙tongan nang∙ni mondolio ka∙saani, namani,
aro ka∙sachakan gapani dongode mai ong∙genchim? Nang∙ni
mondoliko maidake nikgenchim? Nang∙ni ka∙tongko nibo.
Isolni ka∙saaniko gipin manderangna maikai na∙ara
nambate mesokna man∙gen?
Budbar August 26
Sastroni Aganani: Manderangko Maidake Uamang Ong∙a
Ua Obostao Ra∙chakani (Rom. 15:7)
96
Rom. 15:7 aro Ephe. 4:32 ko poraibo. Ia podrangni
an∙chingni mesokani gita, gipin manderangko uamang mai
obostao ong∙a uano ra∙chakani a∙selara mai? Gipin
manderangko indake ra∙chakna man∙ani ka∙tong inani
ortoara mai?
Rom. 15:7 aro Ephe. 4:32 rango, nangchongmotgipa

niamrangni gimin Paul agana. Uno maini gimin an∙chingara
ra∙chakna nangaia uni gimin talata. Jisu an∙ching sakantikon
ra∙chaka aro kema ka∙a. Indide an∙chingara maikai saksa
sakgipinko kema ka∙na jegalna man∙gen? Jisu an∙chingko
ra∙chakahani gimino, an∙chingba saksa sakgipinko ra∙chakna
nanggen, dakgualanirang bang∙oba aro chu∙sokgipa
ong∙jaomangba.
Iara maini orto rake chanchibo: na∙ara sawamancha ong∙a?
Nang∙ni maikoba dakgiminrangni aro da∙ona kingking
dakgrikbeenggipani gimin chanchibo. Haida na∙a iarangko
uiengnaba donga. Indiba na∙a gipin manderang uko uiode mai
ong∙gen ine chanchie kenbegen.
Nang∙ni bebera∙achi, Jisu nang∙ko je obostaoba ra∙chaka.
Nang∙ni janggi tangao gipin manderangni uigijagipa pilak
obostakon Ua uia. Oe, Ua pilakkon nang∙ni gimin uia aro uien
nang∙ko ra∙chaka. Nang∙ni maiba namako dakahani gimin
ong∙ja. Indiba Uni rongtalgipa janggi tangani aro namgipa
kamrangni a∙selsa. Ia pilakko uie, na∙ara maidake gipin
manderangni giminara chanchia aro kam ka∙na nanga?
Manderangko ra∙chaka inani ortoa uamangko je obostaoba
an∙chingni ra∙chakani ong∙a. Uamangni paprang aro
namgijagipa bewalrang dongen uamangko an∙chingni
ra∙chakani. Maina? Maina Isol uamangko antang gitan dakaha.
“An∙ching papi ong∙engon Kristo an∙chinga sichakaha” (Rom.
5:8) aro an∙chingko Isolona ra∙bae nangrimataha (Rom. 5:10).
Skanggipa an∙ching sanba baksa ra∙chakani aro
97
simsakaniko rikchengna nanga. Unikode uamang baksa ka∙saa
gnang Sastroni bebeko sualna nanga. An∙ching iako dakjaode,
an∙chingara an∙chingni ripengrangko ka∙samanchagiparang
ong∙ja. Ripengrang ong∙e, janggi tanganina dingtangani aro
jringjrotni bebeko an∙chingni ripengrangna sualani dongna
nanga.
Nang∙ni dakna ska gimikko dakaibo, ong∙aia, anga nang∙ko
ra∙chakaigen ingipa agananiode Jisuara dakjaha. Jisu iakon
rongtalbee agana je “na∙a gualanirangko dakoba anga nang∙ko
kema ka∙gen aro dingtangna nang∙na bilko on∙gen” inesa. Jisuni
gisiko ka∙saan ka∙tongchi an∙ching Sastroni bebeko sualangon
an∙chingara janggi tanganirangko dingtangatna Jisuona
ambagen.
An∙chingara maikai manderangko ra∙chaka aro apsan

somoion uamangni namgija cholon aro papkode ra∙chakja?
Bristibar August 27
Bebeko Ka∙saachi Sualani (1 Pitor 3:15)
Jisu bebeko ka∙saachi sualna fail ong∙jaha. Ua uko sualna

fail ong∙ahaode Uo ka∙saani dongja ga∙akgenchim. Gipin
mandena ka∙saania pangnan nambatsrangakosa on∙na nangnika.
Ka∙saa aro bebeo meligrikgijani dongja. Uni gimin an∙chinga
bebeko je rokomoba an∙chingni ka∙tongrango gaora gri sualna
nanga. An∙ching uko dakon an∙chinga ka∙saako mesoka. Jisu
agana, “Angan rama, aro bebe, aro janggi” (Johan 14:6). Jokna
gita an∙chingna Jisusan mangmang rama (Wat. 4:12). Jisuni
an∙chingko jokatna ka∙saani aro ka∙sae dakani an∙chingko jokata
jedakode Uni bebeko an∙ching uigen aro Uni janggi tanga gita
tanggen. Bebeara ka∙saani gride mamung gisikni janggi gri
bamaniona dila. Bebe gri ka∙saa nangko jokatna man∙gijagipa
toromona dila. Uni giminsa bebeara pangnan ka∙saachi sualako
98
man∙na nanga. Unode bebeara asol Kristian experienceona
an∙chingko dilgen jean an∙chingna chong∙motgipa janggi
tangani a∙selko on∙a.
1 Pitor 3:15; 2 Timothy 4:2; aro Titus 3:4, 5 rangko

poraibo. Sastroni bebeko sualon an∙chingni ka∙tongo gaora
dakanirangko galataniara baditan nangchongmotgipa
ong∙a, uni gimin ia podrango an∙chingna maiko mesoka?
Niam Gitalko segiparang ka∙saako bebeni kosako pangnaba

donja. Uko segiparang ka∙saa aro bebeko, aro ka∙sachakanikora
niam baksa, aro ka∙saaniko kakket baksa namprete brina. Pitor
Kristianrangna agana “Na∙simango donggipa ka∙donganini
gimin, na∙simango kattako sing∙gipa pilakna aganchakna
pangnan tarisoe dongbo” (1 Pitor 3:15). Na∙a maiko bebera∙a
aro maina uko bebera∙a uko na∙a uina nanga jedakode na∙a gipin
manderangko nang∙ni bebera∙aniona bebera∙atna man∙gen. Iako
an∙ching an∙chingni ka∙tong gaorade∙aoni konggrang ong∙osan
mangmang dakna man∙gen.
Paul Timothyna agana, “Namani salo aro namgijani salo
bimchipbo; pilak chakchika aro skian baksa namgijako
mesokbo, manengbo, mol∙molbo” (2 Timothy 4:2). Paul Titusna
agana, Isol an∙chingko jokata maina Uara ka∙sabegipa ong∙a.
Uni giminsa an∙chinga Uo gital janggiko man∙a (Titus 3:5).
Isol an∙chingko ka∙tong gaorade∙aniko konggrangate
bebeko ka∙sae sualchina okama. Ia a∙gilsako dongenggipa
manderangna an∙ching Gitelni bon∙kaman somoini kattarang
gnang. Isol an∙chingko Uni bebeko ka∙saa gnang sualchina, Un
baksa Uni kamo bak ra∙china okama.
Saoba nang∙ko “na∙ara maina Kristian” ong∙a ine

sing∙ode na∙ara maidake aganchakgen, aro maini gimin?
99
Sukrobar August 28
Chanchidapani: “Mes nirikgipani ka·saani, ma·a paani
ka·saani aro Jokatgipani tona amgija ka·sachakani Kristoo
donga. Uni patianirangko Ua man·na skatbeanichi an·chingna
on·a. Patiani donga ine agananio Ua chu·ongnikja; uarangko
man·atna skaniko on·e Ua on·a. Uandake Uni nokolrangba
aganna ampilgijagipa On·aniko, rasongni gamko agane on·na
nanga. Bebera·ani ja·pangrangko agantaitaiani mamung
namgniko ong·atna man·jaoba Kristoni ka·saani ka·tongrangko
jrongatgen aro bamatgen. “Ka·dimeatbo, na·simang angni
manderangko ka·dimeatbo, ine na·simangni Isol agana.” “O
Na·a Zionna nama kattarangko agangipa, a·bri chugipani
kosakona doangbo; O na·a Jerusalemna nama kattarangko
agangipa, rake inwatbo, inwatbo da·ken, na·simangni Isolko
nibo ine Judani songjinmarangna aganbo!... Mes nirikgipa gita
Ua an·tangni jakko cha·amatgen, An·tangni jakpongo mes
bi·sarangko ua tom∙atgen, aro An·tangni ka·bako uarangko
ra·anggen, bi·sa gnanggiparangko Ua ka·sne mogen” (Isaiah
40:1, 9–11). —Ellen G. White, Chasongrangna Ma∙ringani, jak
826, 827.
1. Mitam manderangde gipin manderangni dakguala

daksretanirangko agane rona namnika. Maikai ia apsan
ja∙gao ga∙akjana gita an∙chingara tik ong∙na man∙gen?
2. Nang∙ni ripeng saksa mandeko gopeaoni re∙bapila. Ua
nang∙na indake agana, “Angni ade salgichi re∙angaha aro ua
da∙o angko nionate nikatengani gimin anga namen kusi
ong∙a. Aiao nambejok.” Ia antini bakoniko an∙chinga
bebeko maikai sualna nanga uani gimin maiko skie ra∙a,
na∙ara maidake aganchakgen?
100
3. “Gipin manderango namgijaniko am∙on ua am∙gipa
mandeo namgijani gisik nabaa. Gipin manderangni
namgijanirangko an∙ching chanchion an∙chinga
uamangonan dingtangatako man∙a. Indiba an∙ching Jisuni
aro Uni ka∙saani aro namsranggipa ong∙ani gimin aganode
an∙chingba Jisuni cholonona dingtangatako man∙a. Jisuni
rongtalgipa janggi tangani gimin an∙ching chanchijringon
an∙chingba Jisuni ka∙tong gitan apsan rongtalbaaniko
man∙a. Unon an∙ching Isol baksa donggen. Isol baksa
an∙ching dongahaon, an∙chingni janggi tangaoni seng∙ani
re∙baa aro gipinrangona teng∙suanga.”—Ellen G. White,
Gospel Workers, jak 479.
______________________
101
Lesson 10 August 29–Sept. 4
ISOLNI KAMO BAKKO RA∙ANIA

NAMGIPA CHOL ONG∙A
Ia Antini Lessonna Poraiani: A∙ba. 1:1, 2, 26; Re∙o. 18:21–
25; 1 Kor. 12:12–25; Wat. 18:1–5; Wat. 4:31.
Mingani Pod: “Unon ua antang sninggiparangna aganaha, “Mi

ragnide bang∙a, gamgipade bang∙ja; uni gimin antang mi
ragniona gamgiparangko watatchina mi raani Nokgipao
molmolbo” (Mati 9:37, 38).
Saoba aganaha, “Bang∙anio bil bang∙bata.” Iani ortoara mai?

Uni ortode jensalo an∙ching dol ong∙e damsan kam ka∙a uno
chu∙sokbatani gnang. Saksan saksan dakana batede, jinma jinma
dol dake kam ka∙anio bite nambata. Uni giminsa bang∙a
manderang be∙enko an∙sengatani aro exercise ka∙ani clubrango
napa. Uamang gipin manderangmung exercise ka∙paode
uamang gong∙bate kam ka∙gen aro kusi ong∙batgen ine uamang
bebera∙a. Apsan dake Isolba an∙chingko ripengrangko man∙na
on∙aha. Ripeng jinma dongode, an∙chingna chakgiparang
dongode an∙chinga nambatkale kam ka∙a. Ian an∙chingni gisikni
janggi tanganioba bebe ong∙a.
Chongipa dolara an∙chingni bebera∙aniko bilakdapatna
Isolni miksongani ong∙a. Sastroni gimin nambate skie ra∙na
chongipa dolrang an∙chingna dakchaka. Chongipa dolrang
an∙chingni bi∙e janggi tanganiko ning∙tubatata aro indake
an∙chingko sakki on∙na dakchaka. Pagipa Isol, Depante aro
Gisik Rongtalgiparangara a∙gilsakko dakao chongipa dol ong∙a.
Moseara chongipa dolo dilgipa ong∙a. Jisuba chongipa dolko
102
Uni ja∙rikgiparangchi a∙bachengataha. Paul Rome Songnokchi
uni chongipa dol ripengrang baksa songreangaha. Jisuni
Namgipa Kattako uamang pilakchin sualaha.
Ia antini poraianio, chongipa dolni gimin Sastroara maiko
agana uko an∙ching niatgen.
Robibar August 30
Chongipa Dolrang: Ian Isolni Skanggipa Miksongani (A∙ba.
1:1, 2, 26)
A∙ba. 1:1, 2, 26; Ibri. 1:1, 2; aro Ephe. 3:8, 9 rangko

poraibo. Maikai ia podranga Pagipa Isol, Jisu aro Gisikara
ku∙cholsan ong∙tokani gimin an∙chingna mesoka?
Pagipa Isol, Depante Jisu, aro Gisik Rongtalgipa ia

a∙gilsakko dakao damsan kam ka∙a. Sakantian dingtang
dingtang kam ka∙gni gnang. Indiba uamang damsan “Saksan
gita” kamko ka∙a. Maikai mingantia nikna nanga, iani bidingo
Pagipara incharge ong∙achim. A∙gilsakko dakani miksonganiko
Ua naataha. Jisuara, Gisik Rongtalgipako dakchakna gita
Pagipani miksonganiko chu∙sokataha. Uamang ia a∙gilsakko
dakao maikai damsan kamko ka∙aha uko uina rakbeani ong∙a.
An∙ching jeko altuae rongtale uina man∙a uade Isolara ia a∙ao
kosakogipa salgi, aro uni wilwilao bangbang aro uo donggipa
pilakko dakahakosan uia (Rom. 1:18–20 ko poraibo).
Isol chongipa dolrangko bikotaha. An∙ching Isolni aiao
inmanani gimin aganon an∙chinga simsakbena nanga. Apsan
somoion, Pagipa Isol, Depante Jisu, aro Gisik Rongtalgipara
itihaso skanggipa ‘chongipa dol’rang ong∙aniko an∙ching
naljokbeen aganna man∙a. Uamang mandeko dakna damsan
kam ka∙a. Unikode uamang manderang papko ka∙ahaon
uamangko jokatna damsan kam ka∙a.
103
Johan 10:17, 18 ko Rom. 8:11 aro 1 Kor. 15:15 rang
baksa tosusabo. Jisuni siaoni chakatpilania maikai Pagipa
Isol, Depante Jisu, aro Gisik Rongtalgipani manderangko
jokatna miksonganio melianiko mesoka?
Pagipa, Degipa aro Gisik Rongtalgipa ‘chongipa dol’ ong∙e

manderangko jokatna kamko damsan ka∙a. Manderangko
jokatna Isolni miksonganiara somoini a∙bachengna skangan
ong∙ahachim.”—Ellen G. White, Fundamentals of Christian
Education, jak 186. Manderangko man∙a dipet bang∙e
jokatanina agrede Isolna mamung gipin gamchatbatani dongja
(1 Tim. 2:4; 2 Pitor 3:9). Chongipa dolara bang∙a kamrangko
ka∙na man∙a. Ua bang∙a kamrangoni mitamrangko an∙ching ia
antio nigen. Indiba chongipa dolni nangchongmotbatsranggipa
kamko dakna man∙anide janggirangko Jisuona rimbaanian
ong∙a. Chongipa dolo an∙ching damsan kamko ka∙on, an∙ching
antangtangkoba aro gipin manderangkoba dakchaka.
Pagipa, Degipa aro Gisik Rongtalgipani ku∙cholsan

melie kamko ka∙ani giminan chanchibatkubo. Uko uina
rakbeani ong∙a. Indiba an∙ching jekon namedake uija,
ukomangba bebera∙na aro ka∙dongna man∙a, ong∙abamo?
Bebera∙aniona re∙baon, maini gimin ia niam an∙chingna
ja∙rikna namen nangchongmotbegipa ong∙a?
Sombar August 31
Sastroo Chongipa Dol (Re∙o. 18:21–25)
Sastroo an∙chingna chongipa dolni gimin bang∙a

mesokanirangko on∙a. Ia dolo manderangara damsan bi∙na,
saksa sakgipinko didigrikna, aro Jisuna damsan kamko ka∙na
somoiko ra∙a. Chongipa dolrang an∙chingna Isolni kam ka∙aniko
sualna aro an∙chingna gisikni on∙anirangko chu∙gimik jakkalna
cholko on∙a.
104
Re∙o. 18:21–25 ko poraibo. Mai nama ku∙patianiko
Moseni o∙bite Jethroara Mosena on∙a, jean dal∙a dakchakani
ong∙aha? Maini gimin ia miksongania nangchongmotbegipa
ong∙a?
Israelni a∙tipo sakantian sak 10 sak 10 manderangni dolo

ong∙a. Dilgipara ua dolni incharge ong∙achim. Ia chongipa dolni
dilgipaan uamangni gisepo golmalrang nakatode namatna
kamko ka∙achim. Ia chongipa dol uamang antangtanggrikde
ripengrang ong∙a. Iamang gisikni dal∙roroanina dakchakgrika.
Ua dolo manderang Isolni Israelna miksonganirangko agan-
golpoa. Uamang bilakgipa ripeng ong∙aniko rikaha. Da∙o gitan
uano manderangara problemrang nakata. Chongipa dolara
an∙chingna ding∙bomgipa, simsakrakgipa ripengko, gisikni
dal∙roroaniko, aro neng∙nikanirangko namatani cholrangko on∙a.
Na∙ara maiba ga∙subegipako uina skama? Chongipa dolni
expertrang an∙chingna agana: chongipa dolna nambatsranggipa
sizede sak 6 – 12 ona ong∙a. Ian nama tiktak size ong∙a. Mose
aro Jisuba iakon uamangni chongipa dolo jakkalaha.
Luk 6:12, 13; Mati 10:1; aro Mark 3:13–15 rangko

poraibo. Uni chongipa dolna Uni ja∙rikgiparangko seokanio
Jisuo minggni a∙selrang gnang. Ia a∙selranga mairang?
Jisu, Isolni kamko ia a∙sako ka∙na gita Uni ja∙rikgiparangko

tarina ia chongipa dolkon jakkalaha. Uamangni Jisu baksa
ripeng ong∙ani uamangni gisikni janggi tanganirangna
dal∙rorona dakchakaha. Uamangni chongipa dolni
meetingrango, Jisuni ja∙rikgiparanga maikai nambatkale kam
ka∙na aro dangdike on∙na nanga skie ra∙aha. Sal sal, uamang Uni
samtangtango manderangni nanganirangna Jisuko simsakaniko
nikaha. Ian, maikai uamangna on∙gimin monarangko Isolna
jakkalna nanga uamangko skiaha. Bebeko manderangna maikai
105
sualna nanga uani gimin Jisu Uni ja∙rikgiparangna skina
chongipa dolko jakkalaha.
Somoisani gimin chanchiatbo jeon na∙ara saksa

sakgipinna simsakgrikgipa chongipa dolo ong∙engachim. Ua
experienceoniko, maini gimin chongipa dolara an∙chingni
bebera∙aniko uiatna dakchakna nangchongmotgipa bak
ong∙a, na∙ara maiko skie ra∙aha?
Mongolbar Sept. 1
Isolna Kam Ka∙na Re∙bachimongani (1 Kor. 12:12–25)
1 Kor. 12:12–25 ko poraibo. Mandeni be∙en bimangara

chongipa dolo manderangni damsan kam ka∙anini gimin
talatna maikai namsranggipa noksa ong∙a?
Maini gimin gisikni on∙aniranga mondolio gamchata uko

Paul an∙chingna mesoka. Mongsonggipa gamchatgipa
on∙anirangni giminba ua an∙chingna listrangko on∙a.
Mandeni be∙en bimangko poraion, ua be∙enni bakrangkoa
dingtang dingtang dolrango donahako an∙ching nika. Gisikni
on∙anirangba uandaken be∙enni dingtang dingtang bakrang gitan
apsana. Jensalo uarangko dolo donaton, ia gisikni on∙anirang
nambate kam ka∙a. Be∙en bimangni bang∙bata bakrangan
antangtangari kam ka∙na man∙ja. Be∙enni bak mingantini kam
ka∙an dal∙kalbatgipa kamni bak ong∙a. Be∙enni pilak bakrangan
an∙chingko tangatna aro be∙en an∙senggipa ong∙atna damsan
kam ka∙a.
Be∙enni dingtang dingtang bakranga maiba an∙chingni
nanggipakon an∙chingna skia, jedakode an∙chingara an∙chingni
gisikni on∙anirangko nambatsrangao jakkalna man∙gen. Saksan
kamko ka∙aiode an∙chingara ka∙dongako gimatna altubea. Indiba
chongipa dolni ong∙e an∙chingara damsan kamko ka∙ode
106
nambate ka∙na man∙a. An∙chingara dolsani manderang,
jemangan apsan interesto gisik nanggiparang ong∙a. Ia
manderang an∙chingni nangakon apsan nanga. Uan an∙chingko
nambate aro rakbate kamko ka∙atna dakchaka.
Chongipa dolrang an∙chingni gisikni on∙anirangko jakkalna
an∙chingna nambatsranggipa biapko on∙a. Chongipa dolrangara
gipin manderangna Nama Kattako sualanio mongsonggipa
ong∙bana man∙a.
Ellen G. White chongipa dolni gamchatani gimin indake
agana, “Isol gualaniko dakja. Ua angna mesokmanaha. Dol
chonchone kamko ka∙ania Kristianrangna nangchongmotgipa
ong∙a. Mondolio memberrang bang∙e dongode, memborrangko
chonchone dol dakna nanga. Uamanga bebera∙gijagipa
manderangna aro mondolini memborrangnaba kamko ka∙na
nanga. Hai an∙chingara iako dakna biap donga ine aganna. Jeon
sakgni ba sakgittamsan Sastroni bebeko uia, uno uamang
chongipa dolko dake, damsan kamko ka∙gipa dol ong∙na jak
on∙na nanga. Uamang damsan tomdake kamko ka∙na nanga.
Uamang ka∙sae aro meligrike mikkangchi re∙mikkangna damsan
tom∙dakna nanga. Uamang Isolni kamo saksa sakgipinko
didigrikna man∙a. Unon uamang ka∙donggen aro saksa
sakgipinoniko bilko man∙gen.”—Testimonies for the Church,
volume 7, jak 21, 22.
Chongipa dolchi kam ka∙aniko Isol ra∙chaka. Ia dol
mondolini membor sakantini gisikni janggi tanganiko
bilakatbatrorona dakchaka. Chongipa dolrangara aroba
memborrangko bilakgipa ripeng ong∙aniko rikna dakchaka.
Chongipa dolo, memborrangara Isolni uamangna on∙gimin
monarangko Una dangdike on∙na jakkalna man∙a.
Budbar Sept. 2
Niam Gitalni Chongipa Dolrang (Wat. 18:1–5)
107
Niam Gitalni mondoli ta∙raken jelroroaha. Bang∙gija
bilsirangni gisepon chongipa doloni bebera∙giparangara hajal
hajal bebera∙e olakigiparangona sokbaaha. Ia ta∙rake
jelroroanina uno bang∙a a∙selrang gnang. (1) Jisuni a∙gilsako
kam ka∙ani manderangko Uni ja∙rikgiparangni skiprakaniko
ra∙chakna tariani ong∙aha. (2) Jisuni salgichi re∙pilangani
ja∙mano Isol Uni Gisikko Jisuni ja∙rikgiparangona ruataha. (3)
Minggipin a∙sel Niam Gitalni mondolini ta∙rake jelroroaniara
chongipa dolrangni a∙selsa ong∙aha.
Wat. 18:1–5 aro Wat. 20:1–4 rangko poraibo. Maini

gimin Luk ia podrango mitam manderangni bimungrangko
mingaha jemingan Paul kam ka∙aha? Na∙ara mako
chanchia?
Paul baksa kam ka∙gipa mitam manderangni bimungrangko

Lukni iano bimung mingania namen gisik nangatbeani ong∙a.
Mande sakantian Paulna gamchata. Ua uamangko bimung uien
uia. Paul aro uni ripengranga uamangni Isolna kam ka∙anio
saksa sakgipinna dakchakgrika. Mande sakantini bimungrangko
jerangmingan Paul kam ka∙aha uko Luk an∙chingna aganja.
Indiba Lukni an∙chingna bimungrangko minggipara uni
chongipa dolo Paulna namen gamchatbatbeaniko mesoka.
Ia podrango mande sakprakan dingtang dingtang
on∙anirang gnang. Uamanga pilakan dingtang dingtang
a∙songrangonisa uamangni jatni aro janggi tangani bewalrang
gnange re∙baa. Indake uamanga gimikande apsanja. Apsan
somoion, mande sakantian Isolna kamko ka∙anio dingtang
dingtang kam gnang. Sakprakan Jisu baksa dingtang dingtang
chagronge nikanirang gnang. Uamangni dingtang dingtang
monarang aro experienceranga Niam Gitalni mondoliko
dal∙roroatna dakchaka.
108
Wat. 16:11–15, 40 aro Wat. 12:11, 12 ko tosusabo. Ia
podrango an∙chingni nika gita ua Kristian ong∙a baktapan
mai okamaniko Lydiara Paulna on∙aha? Paul aro Pitor
sakgnian patok nokoni jakgitel ong∙ani ja∙mano bachi
re∙angaha?
Niam Gitalni somoio bebera∙giparangara nokrangosa

grongrikaniko daka. Isolni bebeko sualgrikna Kristianrangni
nokara nangchongmotgipa biap ong∙baa. Uarangara chongipa
dolrangni Isolna kamko ka∙anio kam ka∙ani centreba ong∙baaha.
Nang∙ni noko chongipa dolko bikotna na∙a chanchie

niahama? Haida na∙a dongmanengnaba dongaha. Ong∙a
ong∙ode, maikai chongipa dolara nangni gisikni janggi
tanganina patiani ong∙engaha?
Bristibar Sept. 3
Chongipa Dolni Kam Ka∙ani Bewal (Wat. 4:31)
Isolara Uni mondoliko jelroroatna chongipa dolko jakkala.

Chongipa dolara manderangna uamangni neng∙nikanirangko,
uamang maio gisik nanga aro mai jajrengani gnang uarangko
agan-sualrimna naljokgipa biap ong∙a. Chongipa dol
manderangna gisikni dal∙roroanina cholko on∙a. Ripeng ong∙ani
aro simsakaniba chongipa dolni experienceni bak ong∙a. Bang∙a
Kristian ong∙gijagiparang gilja dal∙gipachi skanggipa changna
re∙angana batede chongipa dolni nokni meetingchi re∙angao
dongtobata.
Wat. 4:31; Wat. 12:12; aro Wat. 20:17–19, 27–32

rangko poraibo. Niam Gitalni chongipa dolo mai mairangko
daka uarang gimikko list dakbo. Uamangara mairangko
daka?
109
Niam Gitalni Kristianrang manderangna bi∙na damsan
gronggriktoka. Uamangara uamangni jajrengenggiparangnaba
bi∙aha. Uamang namgipa ripeng gronggrikanirangko dakaha,
agan-golporimaha, Sastro poraiaha, Isolna maikai nambate
dangdike on∙na man∙gen skie ra∙aha, saksa sakgipinoniko tol∙a
skigiparangoniko champengaha/ganggopaha, aro damsan sakki
on∙aha.
Chongipa dolrangni janggi tangani nambatkala. Ia chongipa
dolni manderangara Isolna damsan dangdike on∙na
on∙anirangko on∙a. Uamang manderangna Nama Kattako sualna
antangtangko Gisik Rongtalgipachi jakkalna on∙a. Chongipa
dolranga Isolni jakrango bilakbegipa ustrorang ong∙a.
Mati 9:37, 38 ko poraibo. Ia podrango an∙chingni nika

gita, Jisuara manderangni dal∙gipa a∙bani giminara maiko
agana jekon Isolni songnokona ra∙bana nangaha? Jisuara
maidake ua problemko namatani giminara agana?
Jisuni ja∙rikgiparang Nama Kattako manderangna sualna

on∙titisan kadongaianiko nikaha. Indiba Jisude a∙ba dal∙en aro
dal∙a chu∙sokanikon nikaha. Jisu Uni ja∙rikgiparangna aiao
inmangipa koborko aganaha, “Mi ragnide bang∙a, gamgipade
bang∙ja” (Mati 9:37). Unikode Jisu problem donganiko Uni
ja∙rikgiparangna aganaha. Ua problemna Jisuni aganchakania
bi∙ani ong∙a. “Uni gimin antang mi ragniona gamgiparangko
watatchina mi raani Nokgipako mol∙molbo” (Mati 9:38).
Chongipa dolrangan Jisuni bi∙anina aganchakani ong∙a.
Chongipa dolrang kam ka∙giparangko bang∙batatna dakchaka.
Chongipa dolrangni nangchongmotgipa kamara sakki
on∙ani aro Isolna dangdike on∙anian ong∙a. Chongipa dolara
manderangko Jisuona dilbana, uamangni bebera∙aniko
silbatatna, aro uamangko sakki on∙gipa ong∙atna dakchakna
nanga.
110
Sukrobar Sept. 4
Chanchidapani: Bang∙a bilsirang re∙angaha, Europeo chongipa
mondoli maiba dal∙akon aro nangchongmotgipakon Isolna
dakna nanggen ine tik ka∙aha. Ua mondoliara
dal∙rorojaengachim. Darang saksani napbolaba ua mondolio
donggija ruutpilengahachim. Ua mondolina mikkangchina nama
ka∙dongsoani dongja. Pamong aro mondolini dilgiparang bi∙aha.
Mondoliko dakchakna uamang miksonganiko chanchiaha.
Uamang Niam Gitalko poraina a∙bachengaha. Indake
uamang poraiahaon, Isolna nambate kamko ka∙na gita chongipa
dolko a∙bachengna uamang tik ka∙aha. Ua miksonganio sak sku
memborrang namen gisik ding∙atako man∙aha. Isolna man∙a
dipet nambatsrange dangdike on∙na uamangni chongipa dolko
maikai jakkalgen uni gimin uamang damsan bi∙na aro poraina
tik ka∙aha. Uamang sakprakni nokon, gipin manderang baksa
Sastroni bebeni gimin chanchirimaniko bakan dakna tik ka∙aha.
Ua dolni memborrang dingtang dingtang cholrangchi uamangni
monarangko jakkalna skie ra∙aha. Bi∙na aro kangalrangko
dakchakna gita uamang gital dolrangko bikotaha. Uamang
uamangni jolo manderang baksa ripengrangko dakaha. Uamang
membortangni nokdangrangni memborrangna, ripengrangna,
aro giljachi re∙gijagipa Adventistrangna ka∙sabatroroaniko
mesokaha. Ua sak sku membor chongipa dolni dilgiparang
uamangni nokrango Bible studyrangko dakaha. Sak sotbri
sokgiparang re∙baaha. Ua chongipa dol, Gisik Rongtalgipa
maiko dakaha uana gisik ding∙doako man∙aha. Bakan ua dol sak
sotbri re∙bagiparangoni sak chi∙sni napbolaha. Ia golpoara
an∙chingna maiko mesoka? Chongipa dolrang dal∙a
dingtanganirangko ra∙bana man∙a! Chongipa dolara bang∙a
dingtang dingtang mondolini memborrangko mondolio Isolni
kamna Uni chol-rama ong∙a.
111
1. Klasso, Bristibarni bako chongipa dolni dakarangko

poraigipakon aroba aganbatkubo. Mai gipinrangkoba
chongipa dolara dakna man∙gen? Chongipa dolni
manderangna dakchakna man∙nakgipara cholranga
mairang, je on∙anikon uamang skangrango pangnaba
jakkalkujachim?
2. “Chongipa dolrangni nangchongmotgipa kamara Nama

Kattako gipin manderangna sualanian ong∙a.” Maini gimin
ian uamangni gisik ra∙na nangchongmotgipa ong∙a? Aroba,
uamangni local mondolio nangrime dongkamna nanganiara
maini gimin nangchongmotgipa ong∙a?
3. Na∙ara chongipa dolni bak ong∙e nikjokma, jean

sichipjok? Ian maina indake ong∙na nanga?
4. Da∙alni bako poraigipa Europeni chongipa mondolini

gimin name somoi ra∙e chanchibo. Maia ua chongipa dolko
chu∙sokataha? Jensalo na∙a nang∙ni wilwilao Isolna
skanggipa changna kamko ka∙chengon maini gimin mande
nokara gilja nokna bate gronggrikna namkalbatgipa biap
ong∙a?
__________________________
112
Lesson 11 Sept. 5–11
JISUNI GOLPOKO AGANE ON∙ANI

Sabbath Attam—September 5
Ia Antini Lessonna Poraiani: Ephe. 2:1–3; 1 Johan 1:1–4;
Mark 5:18–20; Ibri. 10:19–22; Gal. 2:20.
Mingani Pod: “ Iarangko anga na∙simangna . . . Isolni

bimungko bebera∙giparangna seaha, maikai na∙simang
jringjrotni janggiko man∙aha ine uina man∙gen” (1 Johan 5:13).
An∙chingni aganmangimin gita, Nama Kattani gimin

bilakbatsranggipa sakki on∙anide janggi tanganio dingtanganian
ong∙a. Nang∙ni bebera∙anirangni gimin manderang iako uako
agannaba donga. Uamang nang∙ni Sastrooniko skianirangko
ong∙nikjanaba donga. Uamang nang∙ko Sastrokon uija ine
innaba donga. Indiba nang∙ni janggi tangao Jisu nang∙na mai
ong∙a aro Ua nang∙na nang janggi tangao maiko dakaha ua
golponi giminde nang∙ko sawa maiko aganna man∙gen?
Sakki on∙ania Jisuni gimin an∙ching maiko uia uni gimin
agane on∙ani ong∙a. Sakki on∙ania gipin manderangna Jisuara
an∙chingna mai ong∙a aro Ua an∙chingna maiko dakaha uko
uiatnasa ong∙a. Mitam manderang sakki on∙aniara uamangni
bebera∙ania ong∙a aro gipinrangni bebera∙ania ong∙ja ine sakki
on∙na joton ka∙anisa ine chanchia. Indiba indake dakbebeode,
an∙chinga manderangko bang∙e bang∙e Jisuona ambana
man∙jawa. Jisuni gimin an∙chingni sakkiara Uni ka∙sachakani
aro pap kema watani, Uni ka∙saani aro Uni bebechi
dingtangatako man∙ahani gimin ka∙tongoni re∙bana nanga.
Unode gipin manderang, maikai an∙chingni bebera∙gipa bebeara
an∙chingni janggi tanganirangko dingtangataha uni gimin
nikgen. Maini gimin an∙chingara an∙chingni bebera∙a gita janggi
tangna nanga, ian nambatgipa a∙selde.
113
An∙chinga minganti Sastro skianion Jisuni gimin aro Uni
ka∙saani gimin mesokna nanga. Unode manderang Sastro maiko
skia uko ra∙chakna namnikgen.
Robibar Sept. 6
An∙chingni Golporangna Jisunian Nambatgipa Sakki (Eph.
2:1–3)
Kristianrang ong∙e, an∙ching pilakan aganna antangtangni

golpo donga. Ia golpoara Jisu maikai an∙chingni janggi
tanganirangko dingtangataha aro Ua an∙chingna maiko dakaha
uni gimin ong∙a.
Jisuko uina skangara an∙chingara maidake daka? Uko

ra∙chakahaon maiasa an∙chingni ong∙baskaaha?
A. Jisuko uina skang an∙chingni janggi tanganiara (Eph.

2:1–3).
B. Jisuko uiani ja∙mano an∙chingni janggi tanganiara (Eph.

2:4–10).
Nibo, baditan an∙chingara dingtangaha! Jisuko an∙ching

uina skangde an∙chingara “namgija dakanirango aro paprango
sigimin ong∙a”chim (Eph. 2:1). An∙chingara “papirang gita
janggi tangachim” aro “a∙gilsakni tanga gita re∙ruraachim”
(Eph. 2:2, NIrV). An∙chingara “pilakan skango . . . be∙en aro
gisikni skako chu∙sokate, antangtang be∙enni aro
chanchianirangni skarang gita dakrongachim” (Eph. 2:3).
“Isolara an∙ching sakantikon ka∙onangachim” (Eph. 2:3, NIrV).
Jisuko uina skangde an∙chingara gimagiminrang ong∙achim.
An∙chingara antangtangko kusi ong∙niknaba donga. Indiba
gisik ning∙chide duk ong∙enga, an∙chingara maiaba nambatakon
nangenga aro janggi tangani ortoko uina aro uona sokna
114
nangengako nikenga. Unon an∙ching Jisuona re∙baa. Uni
ka∙saani pilakkon dingtangata. Da∙ode an∙ching Jisuo
tangchongmotaha. Uan “Isol an∙chingna Kristochi gital janggi
tanganiko on∙aha” (Eph. 2:5, ICB) ni gimin ong∙a. Isol iako
dakaha maina Ua “an∙chingna ning∙tuen ka∙saa. Ua ka∙sachakan
gapgipa ong∙a” (Eph. 2:4, NIrV). Ua iako dakaha jedakode
re∙baenggipa chasongrango Uni ka∙saani agre gamchatako
Kristo Jisuo an∙chingna rinok rinok dake mesokna man∙gen
(Eph. 2:7). Jisuo janggi tanganiara gital orto gnang. Johanni
agana gita, “Unon janggi gnangchim, aro ua janggi
manderangna seng∙a ong∙achim” (Johan 1:4).
Ephesus 2:10 ko poraibo. Kristian bebera∙anina
namgipa kamrangara baditan nangchongmotgipa ong∙a uni
gimin ia podara an∙chingna maiko agana? Apsan somoion,
manderangara uamangni bebera∙ani gimin jokatako
man∙ahako an∙chinga bebera∙a. Niamko manie uamang
jokatako man∙ja” (Rom. 3:28, NIrV). Kamrangchi
an∙chingara jokatako man∙jaode, indide an∙chingara
uarangko maina nanga? Mai nama kamrang an∙chingni
janggi tanganirango gnang?
Sombar Sept. 7
Jisuni Gimin An∙chingni Golporang (1 Johan 1:1–4)
Johan aro Jakobmangara Zebedeeni depanterang
ong∙achim. Johan aro Jakobmangkora “Mikka kimpretani
dedrangrang” ine mingachim (Mark 3:17). Jisuan uamangna ia
bimungko on∙aha. Johanara ka∙onangrakgipa ong∙a. Ua
rang∙sanan ka∙onangaia. Johan basako ka∙onangpreta uni
somoiko Sastro an∙chingna agana. Jisu aro uni ja∙rikgiparang
Samaria gita songreangaha. Uamang un walo song damsao
waltuna biapko am∙na joton ka∙aha. Indiba Samaritanranga
Jihudirangko namnikja. Indake Samaritanranga Jisu aro uni
ja∙rikgiparangna uamangni songo waltuna je biapkoba on∙jaha.
115
Samaritanrangni namgija bewalko tik ka∙na gita Jakob aro
Johan chanchiaha aro uamang dakna nanggni tikkon uiaha. “O
Gitel, chinga uamangko nisina salgioni wa∙al ga∙akchina
ge∙etako namnikgenma?” (Luk 9:54). Jisuni aganchakani Johan
aro Jakobko aiao inmanataha. Uamang gimikan ua songko jrip
jrip wate re∙angaha. Jisuni kamara ka∙saani kamsa, draanichi
ong∙ja.
Jisuni sambao ong∙rongahae Johanni ka∙onangrakani
dingtangaha. Johanara ka∙sabegipa, namgipa, aro rinokgipa
gisik ong∙baaha. Johanni skanggipa chitio, ua katta “ka∙saa” ko
chang 40 ong∙nasipile setaitaiaha.
1 Johan 1:1–4; 1 Johan 3:1; 1 Johan 4:7–11; aro 1
Johan 5:1–5 rangko poraibo. Johanni Jisuni gimin personal
golporangni gimin ia podranga nang∙na maiko agana? Uni
Jisuko ripeng dakani a∙sel Johanni janggi tanganio mai
dingtanganirang dongaha?
Janggi tangani nangchongmotgipa niam gnang. Mrs. E. G.
White uani gimin agana: “An∙chingni bilko drae jakkalania
Isolni sorkarini kosako re∙a. Isolara manderangko Una
ka∙saachisa Una dangdike on∙aniko nangnika. Ka∙sachina drana
man∙ja. Bilchi ba draanichi ka∙saaniko ambana amja.
Ka∙saanichisan ka∙saaniko ong∙ata.”— Chasongrangna
Ma∙ringani, jak 22.
An∙ching an∙chingni janggi tanganirangko chu∙gimikan
Jisuna on∙ahaon, Uni ka∙saanian an∙chingo gapatako man∙gen.
Gipin manderang ia ka∙saaniko nikgen. Kristian ong∙ani
dal∙batsranggipa sakkide janggi tanganio dingtanganian ong∙a.
Iara mamung gualanikoba dakjawaha ba Jisuni ka∙saaniko
mesokna fail ong∙jawaha ine miksongani ong∙ama? Ong∙ja.
Janggi tanganio dingtanggiminni ortode Jisuni ka∙saaniko
an∙chingni janggi tangarango nikna man∙gen. Ian an∙chingni
samtangtango donggipa manderangna patiani ong∙gen.
116
Jisuni ka∙saaniko badita name na∙ara manderangna
mesoka? Nang∙ni aganchakania na∙a antangni gimin
maidake agana?
Mongolbar Sept. 8
Jisuni Gimin Golpoko Aganani (Mark 5:18–20)
Jisuni nama kattako sualna watatgipa skanggipa

manderangara sawarang? Uan uamanga Un baksa ruute
ja∙rikaha ong∙jachim. Jisuni skanggipa watatgipa manderanga
korean gapaigiparang ong∙achim. Jisuni uamangni janggi
tanganiona re∙bana skang uamanga songo noko sakantikon
kenatgiparang ong∙achim, manderangni ka∙tongranga uamangna
kenan gapaiachim.
Korerangara manderangko uamangko kagipa sildengrangko
chotatna man∙pile namen bilakata. Unikode ia mandea namen
kengnigipa ku∙rango chrika. Ua antangni be∙enkon ro∙ong
darengrangchi matata. Ia manderangni chrika–ma∙amaniranga
uamangni gisikrango ning∙tua saknaaniko mesoka (Mati 8:28,
29; Mark 5:1–5).
Indiba ia sakgni manderang Jisuko grongaha. Uamangni
janggi tanganirang pangnajolnan dingtangaha. Jisu ua
korerangko uamangni be∙en bimangoniko wate re∙angataha. Ua
koreranga wak jinmao napeskaaha. Unikode wak jinmaranga
a∙kuangko katonange sagalo napsrime sietokaha. (Mati 8:32–34;
Mark 5:13, 14).
Mark 5:1–17 ko poraibo. Ia manderangna mai ong∙aha?
Jillani manderanga mai ong∙aha uko nina re∙batokahaon
maiko nikaha?
Kore napa man∙gipa manderanga Jisuni bilchi
dingtangatako man∙aha. Jillani manderang ua manderangko
Jisuni ja∙ao tomtom asongengako niketokaha. Ua sakgni
117
manderanga Jisu mai maiko agana katta mingantikon name
knatimengachim. Matini ki∙tapoba iakon agana, Jisuni kore
man∙aoniko jokatgipa manderang sakgni gnangchim. Indiba
Markni golpoo uamangoni saksakosan an∙chingna agana. Uina
nangchongmotgipa bakde iasa: Jisu ua sakgnikon gital dakaha.
Ua uamangni be∙en bimangko, gisikrangko, ka∙tongrangko, aro
gisikrangko an∙sengataha.
Mark 5:18–20 ko poraibo. Ia podrangoniko nang∙ni

nikani gita, ia dingtanggimin manderang Jisu baksa dongna
ska. Indiba Jisu uamangko maiko dakna watata?
“Pagla dake saaoni nampilatako man·gimin mande

sakgnian Dekapolis jolgimikona Jisuni nama kattako
skiprakchina watatako man·chenggiparang ong·achim. Uamang
dikdiksa somoina mangmangsa Jisuni skiako knapana
man·aiachim. Uamang Uni nama kattako skiprakaniko mamung
saloba knatimkujachim. Uamang Kristo baksa salanti
dongkapkapgipa sninggiparang gitade manderangna skina
man·pajawachim. Indiba uamanga be·entangtango Jisu Kristoni
Messaia ong·ani sakkiko ra·bitachim. Uamanga Kristoni bilni
gimin maiko u·iaha, knaaha aro nikaha uarangko aganna
man·aha. Isolni ka·sachakanichi ka·tongo dangtapako man·gipa
mande sakantian iako dakna man·a.”—Ellen G. White,
Chasongrangna Ma∙ringani, jak 340. Jisuni gimin ia
manderangni personal golporangko agananiara Dekapolisni
manderangko Jisuko aro uni skianirangko ra∙chakna ready
ong∙ataha.
Budbar Sept. 9
Isol An∙chingko Jokataha Ine Bilak-Mangrake
Bebera∙chongmotani (Ibri. 10:19–22)
118
1 Johan 5:11-13; Ibri. 10:19-22; aro 1 Kor. 15:1, 2
rangko poraibo. Jringjrotna janggi tanggnini gimin mai
ka∙donganirangko ia podranga an∙chingna on∙a? Maini
gimin an∙chingara bilak-mangrake aro bebera∙chongmote
Isolan an∙chingko jokataha ine aganna man∙a?
Jisu an∙chingko jokataha ine an∙chinga bebera∙jaode, ia

bebera∙aniko an∙ching darangnaba sualna man∙jawa. An∙ching
antangtangon donggijakode an∙chinga gipinna sualna man∙ja.
Pangnan kene dongkamaigipa nambegipa ka∙sachakbegipa
Kristianrang gnang. Saksa seng∙begipa budepa skiprakgipa
agana, “Anga antangko nion, jokataniko man∙na anga mamung
cholkon nikja. Anga Jisuchiko niaton, anga gimaatako man∙na
a∙selkon nikja.” Gitelni kattaranga jensalo Ua uamangko
aganaha, aro uaranga da∙o chong∙mot ong∙a: “Angchiko nie
jokatako man∙bo, pilak a∙ani ki∙tikrang; maina angan Isol ong∙a,
aro sakgipin dongja” (Isaia 45:22).
An∙chingni Gitel an∙chingko jokaniko nangnika. Ua
an∙chingna jringjrotni janggiko on∙aniko indinan on∙aha. Ua ia
on∙aniko an∙chingni ka∙tongrangko kusi ong∙achi gapatchina
on∙a. Ua an∙chingko dosi aro paprangoniko rongtalataniko
nangnika. Un baksa tik ong∙aniko Ua an∙chingko nangnika. Paul
agana, “Uni gimin bebera∙achi toromi inako man∙enba,
an∙chingni Gitel Jisu Kristochi an∙ching Isol baksa
tom∙tomaniko man∙na hai” (Rom. 5:1). Aroba Paul an∙chingni
ka∙dongna man∙ako agana, “da∙o Kristo Jisuo donggiparangna
mamung matnanga dongja” (Rom. 8:1). Johan an∙chingna
agana, “Depanteko man∙gipa janggiko man∙aha, aro Isolni
Depanteko man∙gijagipa janggiko man∙ja” (1 Johan 5:12).
Bebera∙achi an∙ching Jisuko ra∙chaka. Unikode Ua Uni
Gisik Rongtalgipani bilchi an∙chingni ka∙tongrango donga. Iani
a∙sel, da∙alo an∙chinga jringjrotni janggiko on∙aniko man∙aha!
Uan an∙chinga pangnaba Isolni ka∙sachakaniko on∙aniko
119
gimaatjawaha ine orto ong∙ama? Indakede ong∙chongmotja! (2
Pitor 2:18–22; Ibri 3:6; Para. 3:5 rangko poraibo).
Isoloni an∙pilangna an∙chingo pangnan basee ra∙na gita
jakgitelani donga. Indiba maini gimin an∙chinga indakna
nanggen? An∙ching da∙o Uni ka∙saaniko uia. Maini gimin Ua
an∙chingna siaha an∙ching uibatroroa. Indake an∙chinga
an∙chingni Jisuo ka∙sachakaniko man∙aniko manderangna sualna
salantian cholko am∙e donggen.
Jisuo jokataniko man∙ahako na∙ara bebera∙ama? Oe ine

inode, na∙ara maini gimin tik ong∙a? Sastroo na∙a bano iana
a∙selrangko bilake nikna man∙a? Na∙a jokna tik ong∙jaode,
maini gimin ong∙ja? Nang∙ni nangenggipa bilakgipa
ka∙donganiko na∙a maikai man∙gen?
Bristibar Sept. 10
Gamchatbegipa Gamko Sualani (Gal. 2:20)
“Kristo baksa anga chisolo datkapako man∙aha; angade

tanggipa ong∙jaha, indiba Kristoan ango tangenga. Aro da∙o
be∙eno angni janggi tanga bebera∙ao, chong∙motan angna
ka∙sae angni gimin antangko on∙gipa Isolni Depanteko
bebera∙ao janggi tanga” (Gal. 2:20).
Chong∙mot, an∙ching Jisuko ra∙chakahaon, iarangan

an∙chingni watgalna nanggiparang ong∙a. Ua an∙chingko
iarangko watchina agana. Uko ja∙rikon an∙chingara maiko
maiko dakna nanga Jisuara rongtalbeen agana: “Saoba angni
ja∙man re∙bana skode, ua antangko jechina, aro salanti antang
chisolko ripee angko ja∙rikchina” (Luk 9:23). Chisolo sianiara
namen saknabeani ong∙a. An∙ching an∙chingni janggi
tanganirangko Jisuna on∙ahaon, an∙chingni gitcham janggi
tanganirangko chisolo siataha (Rom. 6:6 ko poraibo). Ian
saknabeani. An∙chingni janggi tangao ruutaonin dakbaenggipa
120
bewalko watna basakobade saknabeani ong∙a. Indiba uko watani
boksisara gamchatbea.
Jisu an∙chingna maiko dakaha uani golporang an∙chingni
janggi tanganirangko dingtangatna man∙a. Ia golporanga
an∙chingni Jisuko ra∙chakna watangani gimin ong∙ja. Uaranga
Jisu an∙chingna maiko dakaha uarangni giminsa.
Kristian ong∙ani itihasara golporangan gapaia. Manderang
Jisuni a∙sel bang∙arangkon wataha. Ia manderangara uamangni
kamrangchi jringjrotni janggiko man∙na joton
ka∙enggiparangma? Ihing, indake ong∙ja. An∙ching je namako
dakoba an∙chingara Isolni ka∙sachakako man∙na amgiparang
ong∙ja. Ia me∙a aro me∙chikrang Kristo uamangna maiko dakaha
uko uiaha. Uni giminsa uamangara Jisuna aro Uko ja∙rikna
jekoba watna skenggiparang ong∙a.
Jisuni gimin mingsa personal golpode Jisuara
an∙chingna maiko dakaha uani gimin pangnan ong∙a. Johan
1:12; Johan 10:10; Johan 14:27; aro 1 Kor. 1:30 rangko
poraibo. Ia kosako on∙gipa podrangoniko nang∙ni nikgipa
Isolni mitam namnikbegipa on∙anirangko list ka∙bo.
Kosako on∙gipa podrangko na∙a poraion, Jisuara nang∙na
maiko dakaha uani gimin chanchibo. Haida na∙a janggi tanga
gimikan bambegipa Kristian ong∙engnaba dongaha. Ba haida
na∙ara bilakbegipa chagronganiko man∙ahani ja∙manosa Isolona
re∙baengnaba donga. Chanchibo: badita Jisuara nang baksa
ong∙aha, tom∙toma aro kusi ong∙aniko nang∙na on∙aha. Badita
chang Uara nang∙ni janggi tangao neng∙begipa aro rakbegipa
somoirangko chagrongna nang∙na bilakaniko on∙aha.
Antangko ja∙rikna Jisuara nang∙oniko maiko
watgalchina aganaha? Nang∙ni experienceoniko na∙ara
maiko skie ra∙aha? Maiko na∙a skie ra∙aha uara maikai
gipin manderangna patianiko on∙na man∙gen?
121
Sukrobar Sept. 11
Chanchidapani: Mark 5:25–34 ko poraibo.
“Aiao inmane nie dongenggipa aro Jisu sambao Uko

sinchepchepenggipa mande jinmaranga Uni bilakgipa bilko
man·ani gimin mamungkoba u·ipajaha. Indiba jensalo
saknaenggipa me·chik an·sengatako man·gen ine bebera·e Uko
dangtapna gita jaktangko snilaha unon ua an·sengatani bilko
u·iaha. Gisikni bidingoba uandaken apsan ong·a. Gisik
nangbregija dake toromni gimin golpo ka·ani aro bebera·ani gri
aro gisiko okkriani gri Isolo bi·aniara mamung namgni dongja.
Bimungna mangmang Kristoo bebera·aiode aro a·gilsakko
Jokatgipa ine Uko ra·chakmangmangaiode an·sengataniko
mamung saloba ra·bana man·jawa. Janggi jokaniona
bebera·aniara nama kattako gisikchi ra·chakmangmangaiani
ong·ja. Bebera·aniko ranta ka·na skang chu·gimik u·ianiko
man·na senggiparangara Isolni pattianiko man·na amja. Kristoni
gimin bebera·ani mangmangara chu·ongja; an·chingara Uo
bebera·na nanga. Uko paltangni Jokatgipa ong·a ine ra·chakna
aro Uni namarangchi jokgen ine bebera·anisan mangmang
an·chingna namgni ong·gipa bebera·ani ong·a. Bang·a
manderangan bebera·anikoara gisiktango ong·nikanisan ong·aia
ine chanchia. Janggi jokaniko on·gipa bebera·aniara pala ba
breani gita ong·a jechin Kristoko ra·chakgiparangara
ku·monggrikani nangrimanichi an·tangtangko Isol baksa
nangrimata. Chong·motan bebera·aniara janggi ong·a. Tanggipa
bebera·aniara bilakrorobaani aro pangchakna man·gipa
ka·dongani ong·a jechin janggiara chegipa bil ong·a.”—Ellen
G. White, Chasongrangna Ma∙ringani, jak 347.
122
1. Jisuni gimin personal golpoara mai ga∙subeani ba gisik

nangatbeaniko ong∙ata? Paulni personal golponi gimin, uni
Agrippana agangipaoniko poraibo (Wat. 26:1–23). Mai
a∙selko Paulara uni personal golpona on∙a?
2. Maiko na∙ara chanchia: Jisuni gimin an∙chingni personal

golporangara maini gimin bilakbegipa ong∙a? Saoba ia
sing∙aniko sing∙on na∙a maikai aganchakgen: “Nang gita
experienceko anga chagrongkujaode angara maiko daka?
Maini gimin angara Jisuko ja∙rikna nanga?”
3. Jisuo bebera∙gijagipana na∙a nang∙ni personal golpoko

aganengon na∙a maiko aganna nangja?
4. An∙chinga jokatako man∙mangiminrang ong∙ahani gimin

chanchibo. Maini gimin iara Kristian janggi tangao
nangchongmotgipa bak ong∙a? An∙chimngara jokgiminrang
ong∙aha ine maikai an∙chingara tik (sure) ong∙gen? Apsan
somoion, an∙ching jokatako man∙jaon, jokgiminrang
ong∙aha ine bebera∙jana gita maini gimin an∙chingara
simsakbena nanga?
________________________
123
SUALNA GAMCHATBEGIPA NAMA KATTA

Ia Antini Lessonna Poraiani: Para. 14:6–8, 14–20.
Mingani Pod: “Aro anga salgini jatchio bilanggipa sakgipin

sa∙greko nikaha, ua a∙ao donggiparangna, aro pilak jat aro
ma∙chong aro ku∙sik aro mandena aganprakna jringjrotni nama
kattako man∙e, gam∙bee indine aganaha, 7. Isolna kenbo, aro
una rasongko on∙bo; maina uni bichalni konta sokbaaha. Aro
salgiko aro a∙ako aro sagalko aro chirangni chimikrangko
dakgipako olakibo” (Parape∙a 14:6, 7).
Jisu sakanti sakpraknan siaha. Uni gimin Nama Kattara

sakantinan ong∙a. Nama Kattara Jisuni gimin ong∙a. Ian Jisuara
maikai Satanko aro sianiko dakgrikao amaha uni gimin ong∙a.
Jisu an∙chingna siaha aro da∙o an∙chingna tangenga. Ua
an∙chingko papni sasti aro biloniko jakgitel ong∙atna re∙baaha.
An∙chingko paponiko pangnajolna jakgitel ong∙atna Jisu
re∙bataigen. Jisu an∙chingni sina nanggipako sianiko siataha
jedakode an∙ching Un baksa tange dongna man∙gen. Jisu
an∙chingko Isolona nangrimattaia. Ua an∙chingko rongtalata.
Bakan Ua an∙chingko rasongchi pindapgen aro an∙chingna
sigijagipa bimangko on∙gen.
Jisuni changgni re∙baani gimin Sastro an∙chingna agana. Ua
skanggipa chango an∙chingko jokatna re∙baaha. Ua an∙chingko
nokona rimangna re∙bataigen. Parape∙ani ki∙tapara Gnigipa
Re∙baanina an∙chingko tarina dakchakna semanaha. Maini
gimin Parape∙ara da∙alo manderangna nangchongmotgipa ong∙a
ia antio an∙ching poraigen. Aroba an∙chingara Jisuni Uni
bon∙kaman somoini mondolina ia bon∙kamgipa ku∙rachakani
124
nama kattako ia a∙gilsakni manderangna sualao Uko dakchakna
okamaniko niatgen.
Robibar Sept. 13
Ia Somoina Pitorni Dingtangmanchagipa Nama Katta (2
Pitor 1:12)
Pilak Sastroni itihas gimiko, Isolara dingtangmancha

kattarangko Uni manderangona watataha. Ia katchinikanirang,
maia re∙baengachim una tarisona Isolni manderangko
dakchakaha. Mai ong∙gen Isolara pangnan uia (Isaiah 46:9, 10).
Uni gimin Isolara Uni manderangna mikkangchina tarisona
uamangona katchinikgiparangko watate dakchaka. Isolni sasti
uamangni kosako re∙bana skangan ua katchinikgiparang Isolni
manderangko mikrakata (Amos 3:7). Chi dubina skang Isolara
Noako nama kattachi watataha. Unikode Noara Chi Bana
re∙baenganiko a∙gilsako donggipa manderangna mikrakataha.
Isol Egypto Josephko bilsi 7 na cha∙ani chu∙ongjanakgipana, ua
obosta ong∙na skangan manderangna tarisona dakchakna
seokaha. Babylonni sipairangni Jerusalemko nisina
re∙baenganiko Jihudi katchinikgiparang Israelni dilgiparangko
mikrakataha. Johan Napbolatgipani nama katta Jisuni skanggipa
re∙baenganina tarisochina Jihudirangna dakchakaha.
2 Pitor 1:12 ko poraibo. Uni somoio Kristianrangna

Isolara una nama kattako on∙ani gimin ia podrango mai
kattarangko Pitorara sea?
2 Pitor 1:16–21 ko poraibo. Ia podrango mesoka gita,
mai ‘uororoni nama katta’ko Pitor aro Jisuni
ja∙rikgiparangara aganpraka? Uororo ba da∙ororoni nama
kattakon manderangara uamangni tangmiting somoio
knana nangbatsranggipa ong∙a.
125
Pitorni somoio uororoni nama kattara Jisu re∙baaha
inechim. Jisuni chisolo sianian Pagipa Isolni ka∙saako
mesokaha. Pap siaona dila. Indiba Jisu uko sakantinan
jringjrotni janggiko man∙na amata. Da∙ode ia on∙aniko ra∙nama
ra∙janama an∙chingni basee ra∙anisaha (Rom. 3:23; Rom. 6:23;
Eph. 2:8). Isolni jringjrotni janggiko Jisuo on∙ani nama kattara
pangnaba choligija (outdated) ong∙jawa. Ian pilak chasongo
janggi tanggipa pilak mandenan present truth ba da∙ororoni
nama katta ong∙a.
Sastroni bon∙kamgipa ki∙tapde Parape∙a ong∙a. Parape∙ara
Jisu aro Uni jringjrotni janggiko on∙aniko mesoka. Ia ki∙tapko
bon∙kaman somoio tanggipa manderangna Jisuni Gnigipa
Re∙baanina tarisochina dakchakna seaha. Mandeni janggi
tanganio ong∙gija re∙anirangko aro antangnasan chanchiaiani
toromko Parape∙a an∙chingna mingantikon mesoka.
A∙bachenggipa jakoni bon∙kamgipa jakonan Parape∙ara Jisu aro
Uni mandeangko jokatna kamko ka∙aniko mesoka. Jisuan
bebegipa sakki ong∙a. Ua an∙chingna Uni Pagipara sawa ong∙a
mesoka. Jisuan “a∙gilsakni rajarangni pamong” (Para. 1:5)
ong∙a. Parape∙ara pilakan Jisuni gimin ong∙a.
Sombar Sept. 14
Parape∙ani Bon∙kamgipa Somoina Nama Katta (Para. 1:7)
Niam Gitalni skanggipa kingbri ki∙taprangko Nama

Kattarang ine minga. Ua nama kattaranga Jisuni skanggipa
re∙baani gimin mongsong ong∙a. Uamangni golporanga Jisuni
atchignini, Uni janggi tanggnini, Uni a∙gilsako Isolna kamko
ka∙anini, Uni chisolo signini, aro Uni siaoni chakatpilani gimin
ong∙a. Ua nama kattaranga Gnigipa Re∙baani gimin agana.
Indiba uade uamangni nangchongmotbatsranggipa katta
bichong ong∙ja. Nama kattarangni dakgijako Parape∙ani ki∙tap
dakskaa. Parape∙ani nangchongmotbatsranggipa katta
126
bichongde Isol aro Satanni gisepo dakgrika bon∙anini giminsa
ong∙a. Pilak nangchongmotgipa katchinikaniranga Gnigipa
Re∙baanio bon∙ea.
Para. 1:7; Para. 11:15; Para. 14:14–20; aro Para.

19:11-18 rangko poraibo. Ia pod mingantio mai ong∙a?
Uaranga maidakao bon∙ea?
Parape∙ani skanggipa odaioni bon∙kamgipa odaiona

minganti katchinikaniranga Jisuni Gnigipa Re∙baanio bon∙ea.
“So∙otgimin Mes Bi∙sa” (Para. 5:12) re∙bataigen. Uan “pilakni
kosako sason ka∙gipa” (Para. 19:15) Raja ong∙a. Uamangni
bebera∙anina Isolni manderangko duk on∙gipa aro chadrapgipa
pilak bobilrangko Jisu amatgen (Para. 17:14). Jisu Uni
manderangko papni janggi tangaoniko jokatgen. Ua Uni
manderangko Un baksa rasongo dongna ra∙bagen. Nama aro
namgijani gisepo a∙gilsak gimik dakgrikani bon∙gen. Isol
a∙gilsakko gital daktaigen. Jokgiminrang uno pangnajolnan
uamangni Gitel baksa donggen (Para. 21:1–4).
Parape∙a 22:7 o, Jisu agana, “Nibo! anga bakbak re∙baa. Ia
ki∙tapni katchinike agana kattarangko rakigipa kusi ong∙a” (pod
12, 17, aro 20 rangkoba poraibo). Jisuni pilak manderangna
bon∙kamgipa kattako agana rongtalbea. Ua uamangko Uni
Gnigipa Re∙baanina tarisoaniko nangnika. Uni gimin Ua
uamangko Uni ka∙saa aro ka∙sachakaniko aro Sastroni bebeko
maniako aro ra∙chakaniko nangnika. Parape∙ani ki∙tap Jisuni
okamachi bon∙ea: “Gisik aro namchik agana, Re∙babo; aro
knagipa aganchina; Re∙babo” (Para. 22:17).
An∙chingni Gitel jringjrotni janggiko am∙gipa sakantikon
Uona re∙bachina okama. Unikode Ua an∙chingko gipin
manderangko Uni ka∙saani kattako ra∙chakchina okamanio Un
baksa bakrimchina okama. Jisu Uni kattako manderangna
sualchina an∙chingko watata. Ia kattaan uamangko Jisuni
127
Gnigipa Re∙baanina tarisona dakchakgen. Ua bakbak re∙baenga.
Hai an∙chingara Un baksa damsan kamko ka∙na!
Mongolbar Sept. 15
Bon∙kaman Somoina Parape∙ani Nama Katta (Para. 14:14–
20)
Parape∙ani mongsongbatsranggipa bakde odai 14. Ia
odaiara bon∙kaman salrango Isolni manderangna namen
nangchongmotgipa ong∙a. Uan Isolni manderangna bon∙kaman
somoini nama kattako mesoka. Ia kattara Isolni manderangna
aro a∙gilsako donggipa pilak mandeni jatnan nangchongmotgipa
ong∙a.
Parape∙a 14:14–20 ko poraibo. Jisuni Gnigipa
Re∙baaniko mesokna ia podrango mai noksarangko
jakkala?
Jisuni Gnigipa Re∙baaniko mesokna biteko raani noksako
Sastroo jakkala (Mati 13:37–43; Mark 4:29 ko poraibo). Para.
14 o, mi minaniara bamgipa manderangko Isolni
jokatgiminrangko an∙chingna mesoka. Sogimin draka biteranga
Isol namgijagipa manderangko nisigenko an∙chingna mesoka.
Para. 14:6–12 bon∙kaman somoina nangchongmotgipa katta
gnang. Ia katta bon∙kamgipa ‘raa’ni bak jean Isol a∙gilsakoniko
jokata, uana tarisona me∙a aro me∙chikrangna dakchakgen.
Parape∙a 14:6, 7 ko poraibo. Ia podranga maiko
aganenga? Maikai ia podranga Seventh-day Adventistrang
ong∙e an∙chingara sawarang ong∙a uko uina an∙chingna
dakchaka?
Skanggipa Sa∙greni Nama Kattara an∙chingni janggi tangani
ortoko on∙a. Uan an∙chingni somoio manderangni ning∙tue
nangenggipa ong∙a. Skanggipa Sa∙greni Nama Kattara, Isolara
128
jekoba Uni ka∙sae on∙aniko ra∙chakgipanade kema ka∙genko
mesoka. Isolni ka∙sachakani papo ong∙aoniko an∙chingko
rongtalata. Isolni ka∙saani papni kosako dakgrikao amna
an∙chingna dakchaka. Skanggipa Sa∙greni Katta an∙chingni
gamchatani a∙selko an∙chingna on∙a: Jisu an∙chingko dakaha aro
an∙chingko jokata. Skanggipa Sa∙greni Katta mikkangchi Isol
namgijako dakgiparangko bichal ka∙gen aro sasti on∙genko
an∙chingna mesoka. Ian nambegipa kobor ong∙a! Uan
namgijania pangnajolnade baijawako an∙chingna mesoka.
“Dingtangmancha dake, Isol Seventh-day

Adventistrangko ia a∙gilsako nitimgipa aro seng∙aniko
on∙gipa dake dakaha. Ia siangenggipa a∙gilsakna
bon∙kamgipa mikrakataniko Isol Seventh-day Adventistna
on∙aha. Isol Seventh-day Adventistna aiao inmangipa
Sastroni bebeko on∙aha. Isolara aroba Seventh-day
Adventistna bilongen nangchongmotgipa kamko ka∙na
on∙aha. Uamangni kamara Sagipa, Gnigipa aro Gittamgipa
Sa∙grerangni Nama Kattako ia a∙gilsako donggipa
manderangna aganprakani ong∙a. Darang gipin kamde ia
gita gamchatanio sokja. Seventh-day Adventistrang
uamangni gisiko nangna nanggipa ia kamoniko
mamungchiba re∙ekatna nangja.”—Ellen G. White,
Evangelism, pages 119, 120. Maikai an∙chingara ia kamo
an∙chingni chu∙gimik gisik on∙aniko dakna man∙gen?
Budbar Sept. 16
Bon∙kamgipa Somoina Isolni Nama Kattako Chu∙gimikbate
Uiani (Agan. 12:13, 14)
Parape∙ani bon∙kaman somoina nama kattara Jisu aro Uni

ka∙sachakaniko mesoka. Ia ku∙rachakania pilak mandenan ong∙a
(Para. 14:6). Ia bon∙kaman somoini nama kattara an∙chingko
129
an∙chingni pilak dakao Isolko manina aro mandera∙na agana.
Isol da∙o an∙chingni Bichal Ka∙gipa ong∙e kamko ka∙a. Uni
gimin an∙ching Uni ge∙etanirangko dal∙nikna aro Uni niamko
manina nanga (Para. 14:7). “Isolna kenani” (Para. 14:7) ara Una
bamna aro mandera∙na ine ong∙a. Isolna kenania an∙ching
maikai chanchia uani giminba ong∙a. Isolna kenani ortode
an∙chinga Isolni kusi ong∙anina tangani ong∙a. Isolna kenani
ortode an∙chingni tangao Isolko kusi ong∙atna nanga.
An∙chingni pilak chanchianirangon an∙chingara Ukosa skang
donchengrongna nanga. Unode an∙chingara an∙chingni ka∙tong
aro gisik gimikchi Isolna bamgen. Ia chanchiani aro uianian
an∙chingko rongtale janggi tangna dilgen (Toe Skiani. 3:7; Wat.
9:31; 1 Pitor 2:17). Skanggipa Sa∙greni Nama Kattara aroba
an∙chingko Isolna rasongko on∙china okama (Para. 14:7).
An∙chingni janggi tangao Isolko dal∙nikachi aro Uko
mandera∙achi an∙chinga uko daka.
Agan. 12:13, 14 aro 1 Kor. 6:19, 20 rangko poraibo. Ia

podranga ‘Isolna kena’ aro Una rasongko on∙a inani
miksonganiara maia uko maikai an∙chingna uina
dakchaka?
An∙chinga ia somoio, bang∙bata manderangni uamang mai

namgijako dakachim uana daitoko ra∙na sikgijagipa somoio
tangenga. Million manderang darang saksanaba aganchakna
nangani dongja inesa uiaia. Skanggipa Sa∙greni Nama Katta
da∙on ia a∙sako Isolni bichal ka∙ani somoi ong∙engako
an∙chingna gisik ra∙na dakchaka. Unigimin an∙chingara
an∙chingni kamrangna daito ra∙giparang ong∙na nanga. Iarangni
gisepo nangrimani gnang: Isolko mandera∙ani, Uko maniani, aro
Uni an∙chingni Bichal Ka∙gipa ong∙e kam ka∙ani. Bamaniara
Jisu baksa ripeng ong∙aoni re∙baa. Ia somoio an∙chingko jokatna
Uni rongtalgipa janggi tanganisan mangmang namani chu∙onga.
130
An∙chinga an∙chingni pilak dakao Isolni Bimungna rasongko
on∙na tanga.
Para. 14:7; Para. 4:11; A∙ba. 2:1–3; aro Re∙o. 20:8–11

rangko poraibo. Pilak kakketgipa olakianina
nangchongmotgipa a∙selara maia? Maikai Sabbathara ia
nangchongmotgipa niamko mesoka?
Satan Sabbathko chadrapaha. Sabbathara olakiani

mongsonggipa ong∙aniko ua uia. Sabbath Jisuko Uan a∙ako
dakgipa ong∙a ine demitela. Sabbathna Isol sakantikon “salgiko
aro a∙ako aro sagalko aro chirangni chimikrangko dakgipako”
(Para. 14:7) olakina okama. Ian ia somoina nangchongmotgipa
parakatani ong∙a. A∙gilsakkora maidake dakahachim uani
bidingo bang∙bata manderangan ong∙gija bebera∙anirangosa
bebera∙a.
Bristibar Sept. 17
Isolni Bon∙kamgipa Okamani (Para. 14:8)
Para. 14:8; Para. 17:3–6; aro Para. 18:1–4 rangko

poraibo. Gisikni Babylonni gimin an∙chinga ia podoniko
maiko skie ra∙a?
Parape∙ani ki∙tapo “Babylon”ara kakket ong∙gijagipa

toromni bilna toe aganani noksa ong∙a. Ia tol∙gipa toromni
bilara manderangko uamangni namgipa kamrang uamangko
jokata ine skia. Ia tol∙aniara Babylonni bang∙a tol∙a
skianirangoni mingsa ong∙a. Ia tol∙gipa toromni bilara Sastroni
bebeni kosako re∙gipa mandeni tarigipa agananirangko aro
janggi tangani bewalrangko mandera∙na skia. Babylon, Jisuna
bate aro Uni rongtala janggi tanganina bate manderangko aro
uamangni namgipa kamrangkosa demitela. Babylon, mandeni
131
toromni skigiparangni ge∙etanirangkosa Isolni ge∙etanirangna
bate gamchatbate dona. Niam Gitchamo, Babylonara salko
olakiani ong∙gija torom ba miterangni olakiani centre
ong∙achim. Uni bebera∙aniara mandeni bimang siahaoba uni
janggide tange dongkua ine bebera∙ani ong∙a. Da∙ororoni
Babylon bang∙a Niam Gitchamni Babylonni toromni
bebera∙anirangko aro janggi tangani bewalrangko da∙ororoni
olakiaona mix ka∙a. Isolni bon∙kaman somoina nama katta
an∙chingni siangenggipa a∙gilsaknasan mangmang nama katta
ong∙a. Iano Jisu aro Uni rongtala janggi tanganisan an∙chingko
jokata. “Ga∙akaha, ga∙akaha, dal∙gipa Babylon! . . . . Uoni
ong∙katbabo, O angni manderang, maikai na∙simang uni
paprangmung bak man∙pajawa, aro maikai na∙simang uni dukko
man∙pajawa” (Para. 18:2, 4). Jisuni nama kattako chu∙gimik
aganprakchina Isol Seventh-day Adventist mondoliko
pakwataha. Uni ortode an∙chingara Jisuni skia gimikko
manderangko gisik nanganiona ra∙bachina ge∙etako man∙aha.
An∙chinga jean “rama, aro bebe, aro janggi” ko (Johan 14:6)
aganprakna nanga. Maikai Babylonni daksretanirangkoara
Jisuni Sastroni beberang baksa tosusae an∙chinga mesokna
nanga.
Para. 14:7, 9–11 ko poraibo. Ia podrango mai dingtang

dingtang minggnirangko olakienga?
Parape∙a 14 minggni dingtang dingtang olakiani kamrangko

mesoka. (1) Salgi aro a∙ako Dakgipako olakiani aro (2) Sagalni
matburingni bilko olakiani. Ia minggni olakianirangan nama aro
namgijani gisepo dakgrikani bon∙kamgipa obostara neng∙takani
salni gimin ong∙gniko an∙chingna mesoka. Tol∙gipa Sabbathara
mandeni niamrangni chin ong∙a.
132
Sukrobar Sept. 18
Chanchidapani: “Sastroni somoirango Isol Israelrangko ia
a∙gilsako Uni sakkirang ong∙e chadengchina ge∙etaha. Da∙aloba
Isol Uni mondoliko ua apsankon dakna ge∙eta. Isol SDA
mondoliko ia a∙sako gipin mondoli aro manderangoniko
dingtang donaha. Isolara bebeko Uni manderangko gipin
mondolirangoniko densotna matbegipa churi gita jakkala. Ua
bebe jekon Isol Uni manderangko dingtang ka∙na jakkalaha uara
1 gipa, 2 gipa aro 3 gipa sa∙grerangni nama kattarangan ong∙a.
Isol Uni manderangko uamangko Uni sepangona ra∙bana gita
dingtang donaha. Isol Uni manderangna ia somoina Uni niamko
aro dingtangmancha nama kattako on∙aha. Isol Uni
manderangko ia Sastroni beberangko ia a∙gilsako sakantinan
sualaniko nangnika. Jensalo ua Uni rongtalgipa niamrangko
on∙ahaon, iako dakchina Isol Sastroni somoirango Israelko
am∙aha.
“Parape∙a 14 ni Sa∙gre Sakgittamrangara toe aganani
noksarang ong∙a. Uarang an∙chingna Sa∙gre Sakgittamni nama
kattarangko ra∙chakgipa manderangko aro ia a∙sakna
mikrakatgipa sakantiko mesoka. Jisu Uni ja∙rikgiparangna
agana, “Na∙simang a∙gilsakni seng∙a“ (Mati 5:14). Skobikroko
chisolara saksa janggini Jisuko ra∙chakania baditan gamchata
uko mande sakantinan mesoka. Jisu uamangna aganaha,
“A∙gilsak gimikona na∙simang re∙ange pilak dakgiminna nama
kattako aganprakbo” (Mark 16:15). Ia kamko dakaoniko
an∙ching an∙chingko mamungchiba dontongatna on∙na nangja.
Ian an∙chingni somoina namen nangchongmotgipa kam ong∙a . .
. . Jensalo Jisu uamangko jokatna chisolo siaha, baditana Ua
manderangna ka∙saaha Ua mesokaha. Ia apsan ka∙saanian Jisuni
ja∙rikgiparangko kamko ka∙na didiani ong∙atgen.
“Antangko chu∙gimikan Una on∙kanggipako Jisu namen
kusi ong∙bee mande sakantikon ra∙chaka. Jisu manderangko
Isolona nangrimata. Unikode Jisuara Uni ka∙saaniko a∙gilsako
133
sakantikon agane on∙atna an∙chingko jakkala. Ia ka∙saania aiao
inmanani ong∙a. Uan Jisuko mande ong∙atna aro a∙gilsakona
re∙baatna gisik nangata. Uni ka∙saani gimin aganbo. Uni gimin
bi∙bo. Uni gimin ring∙bo. Jisuni bebeni nama kattachi a∙gilsak
gimikon gapatbo.”—Ellen G. White, Counsels for the Church,
jak 58, 59.
1. Parape∙a 14 o Sa∙gre Sak 3 ni nama kattara maikai

an∙chingna Seventh-day Adventist mondolini dakna
nanggniko aro maini gimin an∙chingara ia a∙gilsako
ong∙enga mesoka?
2. Sabbathni gimin chanchibo. Anti antian, Isol jean

an∙chingko dakaha aro an∙chingko jokata, an∙chingko Uko
gisik ra∙china ge∙eta. Maini gimin Sabbathara
nangchongmotgipa ong∙a maikai ia Sastroni bebeara
an∙chingko uina dakchaka? Sabbathara an∙chingna maiko
mesoka?
3. Babylon aro sagalni matburingni chinko manderangna

aganmitingo an∙chingra sontol aro ka∙sagipa ong∙na nanga.
Maikai an∙chingara ia Sastroni beberangko man∙a dipet
nama bewalo suale on∙na man∙gen?
____________________
134
BEBERA∙ANIO RE∙MIKKANGANI
Ia Antini Lessonna Poraiani: Philippi. 2:5–11; Mati 4:18–20;
Wat. 9:3–6, 10–20; Johan 21:15–19.
Mingani Pod: “Kristo Jisuo ia je gisik gnangchim, uan

na∙simangoba ong∙china; ua Isolni bimungko man∙e Isol baksa
apsan ong∙ako ra∙sekani ine chanchijachim, indiba nokolni
bimangko ra∙e, mande gita ong∙e, ua antangko algriataha”
(Philippirangna 2:5–7).
Jisu ia a∙gilsakona re∙bana pilakkon watbaaha. Ua salgiko,

sa∙grerangko, aro Uni mikkangchakchak Pagipa Isol baksa
ripeng ong∙aniko galbaaha. Jisu ia namgijagipa a∙gilsakona
Isolni ka∙saaniko an∙chingna mesokna re∙baaha. Ua
manderangni ka∙tongrangko ambapilna aro papirangko
signioniko jokatna re∙baaha. “An∙ching an∙chingni Jokatgipa
baksa Isolni singhasonni mikkango chadengna man∙kujaskal
an∙chingko jokatna Isolna baditan dam rakbeani ong∙aha uko
an∙ching pangnaba uina amjawa. Unon an∙ching salgini
rasongko nikgen. Ianasa Jisuara salgio pilakkon an∙chingna
watbajokko an∙ching gisik ra∙gen. Ua an∙chingna inditan dakjok.
Riskko Ua ra∙jok. Iako an∙ching uibaahaon, an∙ching an∙chingni
mukutrangko Uni ja∙ao oke dongen. An∙ching ia gitko ring∙gen,
“So∙otgimin Mes Bi∙sa, bil, aro gam, aro uiani aro bilakani, aro
mandera∙ani aro rasong aro mitelaniko ra∙na krara!” (Para.
5:12).—Ellen G. White, Chasongrangna Ma∙ringani, jak 131.
Jensalo an∙ching papirangko jokatna Jisu baksa kam ka∙a,
unon an∙chingni watna nanggnirangba gnang. An∙chingara
bebera∙e aro bame re∙mikkangna nanga.
135
Robibar September 20
Jisu Antangkon Dam Rakbee On∙aha (Philippi 2:5–11)
An∙chingni gisik aro chanchianirang Jisuni gita an∙chingo

dongchina Paul an∙chingko didia. Ian adita gisik nangatbegipa
sing∙anirangko ong∙ata. Jisuni gisikara maidakechim? Maia uni
chanchianiko sason ka∙a? Uara maini gimin chanchia?
Philippi 2:5–11 ko poraibo. Jisuni pilak chanchiara

maia ong∙achim ia podranga maikai mesoka? Mai
nangchongmotgipa niam Uni janggi tanga gimikko sason
ka∙aha?
A∙bachengaonin Jisuara Isol baksa apsanchim. Ia

jringjrotna bebe ong∙aniko Paul ia kattarango agana, “Kristo
pilakon Isol gitanchim. Ua Isol baksan apsana. Indiba Uni Isol
baksa apsanania maikoba ra∙sekna ine ong∙ja” (Philippi. 2:6,
ICB). Ia katta “apsan”ara Greek katta “morphê oni re∙baa.”
“Morphê” ni ortoara minggni bosturangni apsan gun donganiko
ba gadang apsananiko mesokani ong∙a. Iano Pagipa aro Depante
gamchatanio apsan gadango ong∙aniko an∙chingna mesoka. The
SDA Bible Commentary agana: “Jisuara Pagipa baksan apsana.
Uan pilak bilni kosako ong∙a. Paul iakon Jisu mandeni bimango
namen ona gadangona re∙baaha ine agana.”—Volume 7, jak
154. Ellen G. White agandapa, “Jisuon janggi ong∙a. Ia janggi
darang gipinoni re∙baja. Iako banonikoba ra∙srobaja.”—
Chasongrangna Ma∙ringani, jak 530.
A∙bachengaonin Jisuara Isol baksa apsan ong∙achim.
“Indiba Isol baksa apsanania maikoba ra∙sekna ine Ua
chanchijaha.” Ia orto Greekode namen ga∙subea. Ia kattarangko
“konggrangata” ine seskana man∙gen. Indake Jisu Uni rasong
aro mandera∙ani Isol baksa apsan ong∙aniko Antangko
konggrangatna basee ra∙aha. Unikode Ua mandeni jato atchie
136
re∙bana aro janggi tangna basee ra∙aha. Ua manderangna nokol
ong∙baaha. Ua salgini ka∙saani niamko sakantinan mesokaha.
Unikode Ua dal∙batsranggipa ka∙saani kamko mesokaha.
An∙chingna pangnajolna jokataniko on∙na Ua chisolo siaha,
an∙chingni paprangna Ua Antangni janggiko on∙aha.
Jisuni chanchianiranga ka∙saanian gapa. Uni ka∙saania Uni
janggikon on∙aha. Uni ka∙saa gita ka∙sapaon An∙ching Jisuko
ja∙rika. Uni dangdike on∙aha gitan an∙chingba dangdike on∙na
nanga. Uni kam ka∙aha gitan an∙chingba kam ka∙na nanga. Gisik
Rongtalgipana an∙ching an∙chingni antangnasan chanchiani aro
miksonganirangko galatna on∙na nanga. Iako dakna an∙ching
koros ka∙na nanga dongja. Jisuan pilak damkon gamtokaha. Iani
giminan Sastro indake agana, Isol Kristoko chubeataha, aro
pilak bimungna bate dal∙bata bimungko una on∙aha (Philippi.
2:9).
Sombar Sept. 21
Jisuni Okamani (Mati 4:18–20)
Ia noksako nangni gisiko dakbo: Pitor aro Johanmangara
uamangni ringrangochim. Ian Galilio nambegipa pring
ong∙achim. Pitor aro Johan na∙tok rim∙ani gimin chanchia.
Na∙tok bang∙a. Ia salroroo na∙tok rim∙na nambea. Unigimin
Pitor aro Johan uamang na∙tok bang∙e man∙taigen ine ka∙donga.
Unikode pringwalni seng∙ahao, Pitor aro Johan saniba chi
kosako antangtangchipakna re∙baengako nikata. Uan Nazarethni
Jisu ong∙achim. Uamangni janggi tanganiara bakan pangnajolna
dingtangako man∙gen ine uamango mamung niksamsoani
dongjachim.
Mati 4:18–20 ko poraibo. Jisu Pitor aro Johanko na∙tok
rim∙ana baten maikoba dakna nangako ia podranga
an∙chingna maikai mesoka? Pitor aro Johanara Jisuko
ja∙rikna tik ka∙ako na∙ara maidake chanchia?
137
Johan aro Pitor Jisuko bilsi 1 na baten uiahako Johan
an∙chingna agana. Indiba Johan aro Pitorara uamangni janggi
tanganiko Jisuna chu∙gimikan on∙kuja. Jisuni kattarango,
mikkango, ba kamrango Pitor aro Johanko Jisuara Isolna
dangdike on∙na okamaniko mesokenggnok. Jisuko ja∙rikna
uiahaenba, Pitor aro Johan uamangni ringrangko, kamrangko,
aro mingantikon galanga. Maina? Uamangni janggi
tanganirango uamangni dakrongana bateba maikoba dakchina
Jisu uamangko okama. Pitor aro Johanara ramram na∙tok rim∙e
cha∙aigiparangsan ong∙a. Indiba uamanga Jisu uamangko maiba
dingtangmanchakon dakna aganenganiko uia. Isol nang∙ko,
nang∙ni kamko watna da∙alo aganjaengnaba donga. Indiba Ua
nang∙ko maiba dingtangmancha kamko Una dakaniko
nangnikenga. Ua Uni ka∙saaniko sualaniko nangnika. Ua
nang∙ko Uni bebeni gimin manderangna sakki on∙aniko aro Uni
bimungna rasongko ra∙baaniko nangnika.
Jisuni Mati kajina gilgipako Mati 9:9 o okamaniko

niatbo. Maini gimin ian namen aiao inmanani ong∙a?
Rom songnoko kajina gilgiparangara pilnipilan

manderangoniko tangkako nangana bate drae ra∙rongachim. Uni
gimin kajina gilgiparangara Israelo mitchiako man∙a. Indiba Jisu
ia kajina gilgipako Uko ja∙rikchina okama. Jisuni okamani Mati
Jisuni gimin knaaha aro Uko uni ka∙tong gimikchi ja∙rikna
skahako an∙chingna mesoka. Jisu Matiko okamahaon, Mati
ready ong∙aha. Jisu uko Uni ja∙rikgiparangoni saksa ong∙na
nanganiko nikanina Mati aiao inmanaha.
An∙chingni ka∙tongrango, an∙chingba chinape, maina
nambatakon janggi tanganirango nanga. An∙chingba da∙ona bate
maiba dalbatsranggipakon janggi tanganio nanga. Uni giminsa
Jisuara Matiko gitan an∙chingko Uko ja∙rikaniko am∙a.
138
Jisuko ja∙rikna gita manderanga maiko watna nanga
chanchiatbo. Maina, bon∙kamaode uan gamchatbeani
ong∙gen?
Mongolbar Sept. 22
PAUL: Isolni Seokgimin Dilgipa (Wat. 9:3–6, 10–20)
Jensalo Paul Jisuko ra∙chaka, Paulni chu∙gimik janggi

tanganian dingtangsranga. Jisu Paulna chu∙gimik gital janggi
tanganiko on∙a. Aroba Jisu Paulko uni pangnaba indaka
ong∙gniko chanchisomanggijagipaona dila. Gisik Rongtalgipa
Paulko Mediterranean Sagal jolo donggiparangna Sastroni
bebeko hajal manderangna skiprakna dila aro dakchaka. Paulni
sakki on∙ani Kristian historyko aro mandeni historykoba
dingtangata.
Wat. 9:3–6, 10–20 ko poraibo. Maikai ia podranga Jisu

Paulni janggi tanganina miksongani donganiko an∙chingna
mesoka?
An∙chingni chanchisogijagipa manderangko Jisu pangnan

seokronga. Kore napgipa sakgni mandeni gimin chanchiatbo, ba
chiakolo Samaritan me∙chikni gimin. Mary Magdalene. Saksa
kajina gil∙e cha∙gipa. Na∙tok rim∙e cha∙giparang. Aro da∙o Paul
jean Kristianrangko a∙rik-sanala aro duk on∙a! Ia pilak
manderangan Isolni ka∙saanichi dingtangaha. Unikode Jisu
uamangko Una dangdike on∙na watataha. Uamang uamangni
ka∙tongrango ka∙sroke uamangni janggi tanganirango Jisu
maiko maiko dakaha uarang mingantini golpokon aganaha. Ua
golporangko aganna uamang mamung saloba neng∙nikjaha. Jisu
uamangna maiko dakaha uara namen aiao inmangipa ong∙a,
uamang uko aganan skaia. Uamang jrip jrip dongna man∙ja.
139
Wat. 28:28–31 aro 2 Tim. 4:5–8 ko tosusabo. Paulni uni
chu∙gimik janggi tanganikon Jisuna kam ka∙na on∙aniko ia
podrango an∙chingara maiko nika?
Uni janggi tangani bon∙ao Paul agana, “Isol ia jokatako

gipin jatrangona watataha ine na∙simang uibo; uamang knaaba
knagen!” (Wat. 28:28). Paul uona re∙bagipa sakantikon
grongani gimin Watatarang agana. Paul uamangna nama
kattako skipraka (Wat. 28:30, 31). Uni janggi tanga bon∙ao,
Paul Timothyna skiprakgipani kamko dakchina agana. Paul
antangni gimin agana, “Anga nama dakgrikaniko dakgrikaha,
daarina nangako matchotaha, bebera∙ako rakiaha” (2 Timothy
4:7).
An∙chingni experience Paulni gita ga∙subegipa ong∙janaba
donga. Isol an∙chingko je ong∙oba Un baksa kam ka∙china
okama. Janggi tanganio Paul bang∙a neng∙nikanirangko man∙aha
(2 Kor. 11:25–30). Indiba Paul Isolna bame donga. Paulni
golpoara bilakbegipa ong∙a. Uan Isolsan maiko dakna man∙a
uko mesoka. Ua uni janggi tanganiko chu∙gimikkon Isolna on∙a.
Isolara nang∙ko maiko dakna aganaha? Na∙ara uko

dakgenma?
Budbar September 23
Ka∙saara An∙chingoniko Maiko Am∙a (Johan 21:15–19)
Ka∙saara an∙ching maiko daka uko antangtangan pangnan

mesoka. An∙chingni Jisuna ka∙saani an∙chingko gimagimin
manderangna maikoba dakata. Paul ua apsankon Korintho
mondolina agana: “Kristoni ka∙sara chingko draata” (2 Kor.
5:14). Kristian ong∙aniara jokatako man∙na namgijanirangko
wataiasan ong∙aija. Jokaniko on∙na gita Jisu salgio
namgijanirangko wata indake ong∙ja. Ua namarangkosa wataha
140
jedakode Ua gipin manderangko jokatna man∙gen. An∙chingni
somoiko, monarangko, aro gamrangko Uni kamna on∙china
mangmangde Jisu an∙chingko okamja. Jisu anchingko
an∙chingni janggi tanganirangkoba Una on∙china okama.
Pringsao, Jisu Uni ja∙rikgiparangko Galili Sagalni
mikkango sagal rikamo grongaha. Uano Jisu Uni
ja∙rikgiparangna pilak ka∙saani gimin aro ka∙saara
an∙chingoniko maiko am∙a uarangni gimin aganaha.
Johan 21:15–19 ko poraibo. Ia podrango an∙chingni

nika gita, mai sing∙aniko Jisuara Pitoro chang gittamna
sing∙a? Pitorni aganchakaniara maia? Maina Jisuara ia
sing∙aniko Pitoroniko chang gittamna sing∙a?
Pitor Jisuko uni kattarangchi chang gittamna jegalaha.

Indake, Jisuara Pitoroniko ka∙saani gimin aganchakaniko Pitorni
ku∙chilonikon chang gittamna kingking am∙a. Jisu iako
uamangni Pitoro aro Pitorni Uo ka∙dongchakna man∙aniko
rikpiltaina Uni ja∙rikgiparangni mikkango daka. Jisu Pitorko
Isolni uko kema wataniko bebera∙aniko nangnika. Aroba, Jisu
Pitorko Isolara una kam gnang, Una kamko ka∙na nanganiko
nikna nangnika.
Johan 21:15–19 ko poraitaibo. Pitorni Jisuna

ka∙saaniko Jisuni Pitoroniko aganchakaniko am∙aniko
ianpako gisik on∙bo. Jisuara Pitorna maiko dakchina
agana?
Isolna ka∙saanide pangnan nikna man∙gipa kam ka∙ani

gnang. Ka∙sachongmotaniara an∙tangko chu∙gimikkon sanaba
on∙ani ong∙a. Ka∙saania an∙chingko kam ka∙ata. Ka∙saania
an∙chingko nangenggipa manderangna dakchakaniona dila. Jisu
Pitorna agana, “Angni mesrangko nirikbo” (Johan 21:15). Ian
141
ge∙etaniba aro ka∙dimeani kattarangba ong∙a. Uni ka∙saaniko
aganchakaniko Jisu Pitoroniko am∙a. Aroba Jisu Pitorko, ua
Jisuoni an∙pilangahani ja∙manomangba Isol uko Una kamko
ka∙aniko dakangkuchina nangnikaniko bebera∙china didia.
Pitorara Jisuko uija ingipa gita dakaha. Namjabatsranganide,
Jisuara Pitorko indake dakgen inen aganaha.
Maini gimin an∙chingara ia katta bichongni gimin
aganenga? Maina na∙a Pitor gitan nang∙ni Gitelna bang∙a
changan fail ong∙engnaba dongaha. Namgipa koborde Isol
nangko kema ka∙a. Ua nang∙ko watgalkuja. Na∙a uko dakna
skode, Ua nang∙na kamko on∙engpiti.
Bristibar Sept. 24
Ka∙saani Ku∙rachakani (Johan 21:18, 19)
Jisu aro Pitor agangrikaniko matchota. Uamang sagal rikam

joljol re∙a. Chipakkore sagal rikamona chi satpakbaon, Jisu
Pitorna Uni ja∙rikgipa ong∙nara baditana rakani ong∙a uko
agana. Pitor Uni okamaniko ra∙chakode, una mai experience
ong∙gen uko chu∙gimik uianiko Jisu Pitorko nangnika “Angni
mesrangko nirikbo” (Johan 21:15).
Johan 21:18, 19 ko poraibo. Uko ja∙riknara badita

rakani ong∙achim maiko Jisuara Pitorna agana? Jisu ia
somoio Pitorna maiba jagokmangniko mesokaha ine na∙ara
maini gimin chanchia?
Johan 21:18, 19 o, maikai Pitor sigen uko Jisu una agana.

Pitorni jakrang chisolo salpakkrangako man∙gen. Maini gimin
Jisuara Pitorni signiko ua ong∙na skangan agana? Jisu Pitorko
basee ra∙na on∙na nangnika. Jisu Pitorni janggina
dal∙batsranggipa kusi ong∙aniko on∙a: uan manderangni Isolni
songnoko jokataniko man∙aniko nikna ong∙a. Pentekostna
re∙angani ramao Pitor hajal manderangni Jisuko ra∙chakaniko
142
nikgen. Pentekostara Isolni Uni Gisikko Uni mondolio ruatani
somoi ong∙a, Jisuni salgichi re∙pilangani ja∙mano. Pitor Jisuni
bimungo aiao inmananirangko dakgen. Aroba, Pitor bang∙a
hajal manderangni mikkango Isolna rasongko on∙gen. Pitoro
Jisu baksa bon∙changgijagipa kam ka∙anini gimin kusi donggen.
Indiba ua boksisara dam [price] baksasa re∙bagen. Pitor uni
janggi tanganiko watna nanga. Jisu ia bebe ong∙aniko
Pitoroniko donnuja. Pitor da∙o Jisuni watna agana gimikko
watna nanganiko uia.
1 Johan 3:16–18 ko poraibo. Ka∙saara maidakmanchaa,

Johan maiko agana? Maikai an∙ching an∙chingni ka∙saara
chong∙mot ong∙a ine mesoka?
Salgio an∙ching Jisuna chu∙onge dakjahaniko an∙ching

uigen. Jisude an∙chingni ia janggi tanganio Una badita dakaha
uana maimaja bate an∙chingna salgio bang∙en on∙gen. Uni
giminan an∙chingara an∙chingni Jisuna ka∙saaniko an∙chingni
kattarangchiba aro kamrangchiba kusi ong∙na nanga. An∙ching
mamungkoba ra∙rikgija Una dakon ba kam ka∙on an∙chinga
Isolna ka∙saaniko mesoka. Isolni ka∙saaniba manderangna sakki
on∙na aro uamangna Jisuko mesokna an∙chingna dakchaka.
Unode an∙chingara Isolni an∙chingni janggi tanganirangna
miksonganio janggi tanga. Jisu agana, “Iarangko uiode, indide
iarangko dakode, na∙simang an∙senga” (Johan 13:17). Isolni
bebeko aro Uni ka∙saako sualbo. Nang∙ni janggi tanganiko Una
tangbo. Na∙a Isolna rasongko on∙on, chongmot katchaaniko aro
kusi ong∙jringaniko na∙a uigen.
Nang∙ni gisiko Jisu baksa jringjrotni janggini noksako

dakbo. Ua noksako maidake nika, klasso sualbo.
143
Sukrobar Sept. 25
Chanchidapani: “Mondolini dilgiparang membor sakantikon
maiba Isolni kamo napatna cholrangko am∙na nanga. Iako
skango name dakjaha. Sakantini monarangkon mondolio Isolni
kamna jakkalna nanga. Miksonganirangko dakna nanga aro
uarangko daknan nanga. Ia ku∙patianiko ja∙rikjani gimin
mondoli ong∙e an∙chingara baditana gimaaha bang∙gija
manderangsan uiaia.”
“Isolni kamo dilgiparang generalrang gita seng∙na nanga.
Mikkangchi re∙mikkangna gita uamang miksonganirangko
dakna nanga. Uamangni ripengrangna aro noksulrangna
mondolini memborrangni dakna man∙gnigipa kamrangko
uamang sandina nanga. Mondolini memborrang dakna
nanggnigipa kamko ka∙jaskal Isolni kam ia a∙gilsako matchotna
man∙jawa. Uamang pamongrang baksa aro mondolini
memborrang baksa bakrime ka∙na nanga.
“Manderangko jokatna kamara personal kamkoba
man∙chapa jekon an∙ching pilakan dakna nanga. An∙ching
manderangni an∙chingona re∙baako sengna nangja. Me∙a aro
me∙chikrangko mikrakatna aro uamangko kam ka∙atna tik
ong∙gipa kattarangchi aganna anga man∙osamung! An∙chingo
somoirang bang∙jaha. An∙chinga jringjrotni janggini rikingo
chadengenga. Somoiko gimaatchana an∙chingo somoi
dongjajok. Sekenprakan gamchata. Antangtangko kusi
ong∙atnasa somoiara jakkalna inditan gamchatdugaa. Sawa
Isolko am∙gen? Uni bamgipa kam ka∙giparang ong∙na gita, sawa
Isoloniko bil aro bilakataniko ia a∙gilsako man∙gen?
“Mondoli ge∙antion changa sapanirang gnang. Ia changa
sapanirangko Isolni kamo aiao inmanbee dakchakna man∙na
gita namdapatna man∙a. Uan an∙ching manderangko uamangni
tik changa–sapanirango jakkalon indake ong∙gen. An∙ching da∙o
maiko nangchongmotbatsranga uara an∙chingni mondolirangko
aro workerrangko rikna gita mondolio mai changanirang donga
144
uko uigipako nangani ong∙a. Ia monarangko namdapatna nanga.
An∙chingni monarangko Isolna jakkalna an∙ching antangtangko
skia man∙atna nanga.”—Testimonies for the Church, volume 9,
jak 116, 117.
1. Kosako Mrs. E. G. Whiteni agangipao

nangchongmotbatsranggipara miksongania maia?
An∙chingna on∙gimin monarangko namdapatna kam
ka∙aniara maikai sakki on∙aniko dingtangatna man∙a?
Maikai uchi nang∙ni mondolini gipin manderangna sakki
on∙anio bilakdapatna man∙a?
2. Ka∙sachongmotanikora maikaimancha pangnan mesoka?

Ka∙saani mitam mesokaniranga mairang jean
chong∙motgipa ka∙saani ong∙ja?
3. Gitelni gimin manderang maiko maiko watbaaha

uarangni gimin agan-chanchirimbo. Bebera∙ani gimin
janggitangrangko gimatgipa manderangnara mai ong∙gen?
Ia golporangoniko na∙ara maiko skie ra∙na man∙a?
4. Jisuna na∙ara maiko watbaaha? Na∙a maina uko dakjok?

Uan gamchatani ong∙ahama? Na∙a maiko aro maikai
dakaha uko saoba Kristian ong∙gijagipana na∙ara maikai
talatgen?
____________________________
145

Garo Sabbath Skul Lesson - 3rd Quarter, 2020

Uploaded by

Document Information

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Garo Sabbath Skul Lesson - 3rd Quarter, 2020

Uploaded by

Copyright:

Available Formats

DAL·GIPARANGNI SABBATH SKUL

Isolna Ripengrangko Dakani:

July August September

01 Gitrang 150 01 Toe Ski. 31 01 Isa. 11

05 Thoughts from the Mount of Blessing - Ch. 2, Part 1 (p.6-27.1)

02 Thoughts from the Mount of Blessing - Ch. 4

06 Ministry of Healing - Ch. 2

MAINA AN∙CHINGARA SAKKI ON∙NA NANGA?

Mingani Pod: “Ian an∙chingni Jokatgipa Isolni nikanio nama

Isolara maidakako nangnika? Ua pilak manderangkon,

Salantian Isolara Uko uina gita cholko manderangna

Luk 19:10 ko Jakob 5:19, 20 baksa tosusabo. Jisuara

Saoba nang∙ko indake sing∙ahama? “Mai rokom ong∙enga?

Luk 15:4–32 ko poraibo. Ia golporanga maidake bon∙a?

Isol papi saksako jokatna man∙on salgi gimikan kusi

Ia noksako nang∙ni gisiko donatbo: Na∙a sanaba sakki on∙a.

A∙gilsakni ka∙mabatsranggipa bakde Dead Sea-an

Dead Sea jolni balwara namen ran∙a. Uano salara bilongen

“Papirangko jokatna Isolara an∙chingni dakchakako

Na∙a Jisuni gimin sanaba agane on∙ahama? Maikai

An∙ching Jisuna bamon, an∙ching Uni miksonganio

1 Timothy 2:3, 4 aro 2 Pitor 3:9 rangko poraibo. Isolni

Manderangko jokatani gimin Isolara namen gisik

Watata 13:47 ko Isaia 49:6 baksa tosusabo. Watata

Basakobade Niam Gitchamni nama kattaranga mingsana

Mondoli ong∙e an∙ching ia a∙gilsako maina ong∙enga uko

2 Kor. 5:14, 15, 18–20 ko poraibo. Maia Paulko

Niam Gitalni mondoliara uamang antangtangni a∙gilsako

3. Sakki on∙ani aro Isolna dangdike on∙ania Isolko kakket

4. Sakki on∙ani aro Isolna dangdike on∙ania maikai nang∙ni

5. Ia a∙gilsako an∙chingsan ingipa gita, an∙ching sakanti

JISUNA SAKKI ON∙ANI: AN∙CHINGNI

Mingani Pod: “Chinga jeko jeko nikaha aro knaaha, uko

Jisuni gimin an∙ching antangtango donggipa maidakgipa

Mark 5:15–20 ko poraibo. Ia golpoo maikai Jisuara ua

“Dekapolis” kattara Greek katta “deca” (chikkung) aro

Nang∙ni golpoara mai? Na∙a maikai Kristian ong∙baaha

Uan Robibar pring ong∙achim. Sakgni Mariammang Jisuni

Mariamni gimin Mark 16:1–11 oniko poraibo. Jisu

Siaoni chakatpilani ja∙mano Mariam Jisuko gronga.

Jisuni gimin nang∙ni aganna joton ka∙ao saniba

Jihudi dilgiparang “Pitor aro Johanni ka∙dongako nike,

Niam Gitalni mondoliara ta∙raken silroroaha. Salsanon sak

Wat. 4:1–20 ko poraibo. Pitor aro Johanko Jisuni gimin

Somoisao, Pitorara na∙tok rim∙gipasachim. Isolni ka∙saani

Wat. 26 o, Paulara jako sildengrang gnang Raja Agrippani

1 Johan 1:1–3 ko poraibo. Unikode ia podrangko Gal.

Chong∙mot, Johan aro Paulara dingtang dingtang janggi

Maini gimin an∙chingara Jisu aro Uni ka∙saaniko sal

Hai an∙chingara Paulni Raja Agrippako grongtaianiko

Wat. 26:1–32 ko poraibo. Ia podrangni mesoka gita,

An∙ching manderangna ka∙saon, uamang uamangni

Jisuni gimin Paulni antangna ong∙gipa golpo Agrippa rajani

Kristian janggi tangao nangchongmotbatsranggipa bakara

3. Maini gimin rongtale janggi tangania an∙chingni

4. Jisuni gimin nang∙ni golpoko classo aganrimbo.

JISUNI NIKA GITA MANDERANGNI NIKANI

Mingani Pod: “Unon Jisu uamangko aganaha, Imbo, ang

Janggi tanggiparangni gisepo Jisuan janggirangko

Sastro gimiko aiao inmangipa ge∙sasan donga, indiba uko

Mark 8:22–26 ko poraibo. Maini gimin Jisuara ua

An∙ching manderangko nikja dakmikna man∙ama?

Mai gipinkoba an∙chinga ia golpooniko skie ra∙na

Johan 4:3–34 ko poraibo. Ua Samaritan me∙chik baksa