Gnyana Sangha

Saint Kabir’s Teachings

Dohas
Ek Raam Dashrath ka beta, duja ghat ghat baitha
Teeje Raam ka sakal pasara, chautha sabse nyaara

Maala japun na kar japun, Aur mukha se kahun na Raam

Raam humara humein jape, hum payo bisram

Jab mai tha, tab Hari nahi, ab Hari hai mai naahi
Prem gali ati saankali, tamein do na samay

Ek daal do panchhi baithha, Ek guru ek chela

Chela vo jo phal-phool khaave, Guru nirantar khela

To main lagaoon us ek se, ek bhaya sab mahi.

Sab mera mai saban ka, tahan doosra nahin
Aawo humare des
Nirgun galiyan saakri, wahan to chaddhiyo nahi jaaye
Wahan chadhe to Piyu mile, aawa gaman mita jaaye,

Mahri heli wo aawo humara des

Mahre lagya bhajan wala baan,
mahri heli wo Aawo saahibji ke des

Kahan uge kahan aaste, kahan ujaala ho

Yahin uge ne yahin aaste, yahin ujaala ho
Mahri heli wo aawo humara des
Kahan garje ne kahan barse, kahan sukaka hariya ho
Yahin garje ne yahin barse, yahin sukaka hariya ho
Mahri heli wo aawo humara des

Nirgun ke bazaar mein hove hira ko vyaapaar

Sugura maanav sauda kare. Nugura mool ganvaaye
Mahri heli wo aawo humara des

Anhad ke maidaan mein, mahra sahibji ki sej

Kahe Kabira Dharmdas se, na to mare na buddha hoye
Gagan ma
Aari gagan ma jyot jalant hai

Aeno akhand bhayo ujwaalo

Mahro Raam rame rangraro Hari

Mahro Pirbhu rame che nirdhaaro

Aari gagan ma baaja baaje

Jheeno jheeno aa jhankaro

Kahat Kabira sunno bhai sadhu

Aira Anghadiya teerath kaune bharyo?

Jo dise so hai naahin
Jo Dise So Hai nahee.

Hai So Kaha Na Jayee

Bin Dekhe Parteet Na Aave.

Kahe Na Koyee Patiyana

Samajh Hoye To Rabeen Cheenho,

Achraj Hoye Ayana

Koi Dhyave Nirakar Ko,

Koi Dhyave Aakaara

Ja Bidhi In Dono Te Nyara,

Jane Jananhara

Woh Raag To Likhia Na Jayee,

Maatra Lakhe Na Kana

Kahat Kabir So Padhe Na Parlay,

Surat Nirat Jin Jana

Kabir & Guru

Guru kumhaar shishya kumbh hai, gadhh gadhh kaadhhe khot
Antar haath sahaar de, baahar maare chot

'Haan' kahun to hai nahin, 'na' bhi kahyo nahin jaaye

'Haan' aur 'na' ke beech mein, more Satguru rahe samaaye

Ya ghat bheetar anhad baaje, Ya hi mein uthhat phuwaara

Kahe Kabir suno bhai saadho, ya hi mein Guru hamaara
Dhhoondhhe re dhhondhhe andhiyaara
Yeh sab guru hain hadh ke, behadh ke guru naahin,
Behadh aap upje, anubhav ke ghar maa hi.

Sadhu bhookha bhaav ka, dhan ka bhookha naahi

Dhan ka bhookha jo phire, so to saadhu naahi

Tips for Seekers

Bhawara bilma baag mein, Bahoo phulan ki aas
Hans chalaa ghar aapne, Taj baadi ki aaas

Kabira bahuta bhatkiya, mann le Vishaya Viram

Chalat chalat jug bhaya, til ke ote Raam
Kabira khada bazaar mein, maange sabki khair,
Na kisise dosti, na kisise bair

Kabira khada bazaar mein, liye lukaati haath

Jo ghar jalaaye aapna, chale humare saath

Laalan ki nahin boriyaan. Aur hansan ke nahin path

Sinhan ke nahin lahade. Aur sadhu na chale jamaat

nirguna aage saguna nache, baaje sohum tu

chele ke paon guru lage, yahi acchambha pur

Bund padi samund mein, jaane hai sab koi

Samund samaya bund mein, jaane virla koi.
Kabir haldi piyari, chuna ujwal bhai,
Raam usme hi yun mile, jyon sab varna gawai.

Moko Kahan Dhundhere Bande

Moko Kahan Dhundhere Bande Mein To Tere Paas Mein

Na Teerath Mein, Na Moorat Mein, Na Ekant Niwas Mein

Na Mandir Mein, Na Masjid Mein Na Kabe Kailas Mein

Mein To Tere Paas Mein Bande Mein To Tere Paas Mein

Na Mein Jap Mein, Na Mein Tap Mein Na Mein Barat Upaas Mein

Na Mein Kiriya Karm Mein Rehta Nahin Jog Sanyas Mein

Nahin Pran Mein Nahin Pind Mein Na Brahmand Akas Mein

Na Mein Prakuti Prawar Gufa Mein Nahin Swasan Ki Swans Mein

Khoji hoye turat mil jaoon ik pal ki talas mein

Kahe Kabir suno bhai sadho mein to hun viswas mein

Kar Guzran
Kar guzraan garibi mein, saadhu bhai, magroori kyon karta?

Jogi hokar, jaata badhave, nange pair kyon phirta hai re bhai,

Gathadi baandha sir upar dhar le, yun kya malik milta?

Mullah hokar baang pukaare, kya tera sahib behara hai re bhai,

Chitti ke paon nevar baaje to bhi sahib suntan hai re bhai,

Dharti Aakasha gufan ke andar, Purush wahan ek rehta hai re bhai,

Haath na pawon rupa nahi Rekha, nanga hokar phirta hai re bhai,

Jo tere ghat mein, wo mere ghat mein, sabke ghat mein ek hai re bhai,

Kahe Kabir suno mere sadhu, har jaise ko taisa

Mat kar Maaya ko ahankaar
mat kar maaya ko ahankaar, mat kar kaaya ko abhimaan
kaaya gaar se kaachi, ho kaaya gaar se kaachi, jaise os raa moti

jhonka pawan kaa lag jaae, jhapaka pawan kaa lag jaae, kaaya dhul ho jasi,
kaaya teri dhul ho jasi, jaise os raa moti

aisa sakht tha maharaj, jinka mulkon main raaj, jin ghar jhulata haath
jin ghar jhulata hathi, jaise os raa moti.

Bhariya Sindra Me Tel Jaha Rachayo Sab Khel

Jal Rahi Diya Ki Baati, re jaise os raa moti

khoot gaya sindada ro tel, bikhar gaya sab nij khel, bujh gayi diya kii baati
ho bujh gayi diya kii baati, re jaise os raa moti
Lal Me Kaa Lal Tera Kaun Kya Hawaal
Jinko Jamm Le Jaasi Jinko Jam Le Jaasi

jhootha maai taaro baap, jhutho sakal parivaar, jutha kutata chaati
ho jutha kutata chaati, jaise os raa moti

bolya Bhavani ho nath, guruji ne sar pe dharya haath, jinase mukti mil jasi
jinase mukti ho jasi, jaise os raa moti

mat kar maaya ko ahankaar, mat kar kaaya ko abhimaan

kaaya gaar se kaachi, ho kaaya gaar se kaachi

jhonka pawan kaa lag jaae, jhapaka pawan kaa lag jaae, kaaya dhul ho jasi,
kaaya teri dhul ho jasi, jaise os raa moti