NOBENA 

ITI PANAGDAYDAYAW 
KEN
APO NUESTRA SENORA DELA
CARIDAD
(Abril 22-30)

NOBENA ITI PANAGDAYDAYAW KEN

APO NUESTRA SENORA DELA CARIDAD
(Abril 22-30)

PAGANNUROTAN ITI PANAGNOBENA

    *Tandaan ti Krus
    *Panglukat a Kanta: Adtoykam Amin O Maria
    *Panagbabawi
    *Kararag ken Apo Nuestra Senora dela Caridad
    *Kararag iti Umuna nga Aldaw
    *Maudi a Kararag
    *Maudi a Kanta: Nuestra Sra de Caridad

PANGLUKAT A KANTA

TANDAAN TI KRUS
*Iti nagan ti Ama ken ti Anak ken ti Dios Espiritu Santo. Amen.

*PANAGBABAWI
    O Apok a Jesukristo, natan-ok ken mannakabalin nga Apo iti amin a parsua, paggaammok
unay nga inbukbukmo ti daram gapu iti ayatmo kaniak ket inbatim ditoy daga dagiiti
napateg a pamuspusan a pangsapulko kadagiti nasantoan a grasiam nga innak pinukaw, ket
intedmo met a mangibabaet kaniak ni nasantoan ken nadalus nga Inam, tapno agnaedak iti
nainaan a tulongna, ket babaen ti pangibabaetna, nalaka ti yaasidegko kenka a dumawat
kadagiti nabuslon a grasiam.
    Agyamanak, O Apo, iti naidumduma a dungom, isu a pamkedak nga umawag kenka. Apo,
sirurugit daytoy kararuak kadsagiti adu a basbasolko. Babawyek amin ida. Sangsangitak
amin ida. Taliawennak kasi, Apo. Saan a ti kinadakesko ti kitaem nu di ket ti
pannakapakawan ken pannakaisalakanko. Pabilgem toy bagik ken kararuak tapno
maragpatko met dagiti grasiam a tartarigagayak a maipaay iti pannakaidaydayaw mo ken
pagimbagan toy kararuak iti agnanayon. Amen.

*Kararag ken Apo Nuestra Senora dela Caridad

*Kararag iti Umuna nga Aldaw

    O Virgen Santa Maria, Ina ni Jesukristo ken Inami met, adtoykam iti natan-ok nga
arpadmo, ket agkaykaysa kam a mangidaton ken Jesus a Nanubbot kadakami, kadagiti
karkararagmi, ar-aramidmi, ragragsakmi, ken rigrigatmi, babaen ti naayat unay a
panangibabaetmo kadakami. Ibturanmi met ken anusanmi ti amin a rigat, amin a tuok,
pagel ken tarumpingay no la ket di matungpalmi met dagiti karkarimi ken annungmi a
mangitantan-ok, mangidaydayaw, ken mangiwaragawag ti nasantoan a naganmo. Agyaman
kami, O Ina, ta agnanayondaka a makitkita, makasarita, ken madendennaan ditoy nangayed
a santuaryom, ket matulongannakami ken ti met ilimi kadagiti di malitup a masapsapulmi
ditoy a biag. Manipud nga ita nga aldaw aginggat’ dikam maturpos daytoy nasantoan a
nobena a pagdaydayawmi, pagununnoymi ken panakisaritami kenka, adu, O Ina, ket adu
unay dagiti dawatenmi nga agpaay koma iti bagi ken kararuami iti familyami, ili ilimi, ken
amin pay met a tattao ditoy lubong. Parayrayyem, O Nuestra Senora de Caridad, ti
panagayatmi kenka; tulongam dagiti gimgimong a nabangon iti naganmo; ibukbukmo
kadakam dagiti grasiam a mangdalus ken mangpabileg dagiti puspuso ken kararuami tapno
maragpatmi met koma ti makipagbiag iti agnanayon ken Jesukristo nga Apomi. Amen.
KARARAG ITI MAIKADUA NGA ALDAW 
O mannakabalin unay a Señ ora ken agnanayon a katalekmi, kinunan ni Hesus met laeng
kenka, :Dumawatka, Ina, ket diak mabalin a paiden ti dawatmo, "Kasta met ti kinuna kenka
ni San Bernardino de Sena, nga amin nga adda sadi langit ken ditoy daga tungpalenna ti
nakemmo. Ita garud, O Ina, agdawatkam kenka kadagiti parabur ken grasia a kasapulanmi
unay. Ibabaetmo koma, O nasamit a Virgen Maria ken nasantaoan nga Anakmo ti Iglesiami,
dagiti Familya mi, ti ilimi, ti agtuturaymi ken amin a nasiones ditoy daga. Palagem koma
dagiti nabantut a parikut dagiti mangisursuro ken mangiwarwaragawag iti napudno ken
maymaysa a pammati tapno maisaknap ti Sao ti Dios iti amin a disso ditoy daga, isu a
taraon ken biag ti amin a parsua. Sanayem met, O natanok a Señ ora, dagiti amin a familya
tapno marisut met koma, O Reina ti Ayat, ti isip, pakinakem ken aramid dagiti pangulo ti
ilimi ken amin a nasiones ditoy lubong, tapno agari koma iti amin a tattao ti agnanayon a
kappia, urnos, taltalinaek, ken panagkikinna-awatan, ket mabuangay ti maymaysa a Bagi,
maymaysa a Pammati, a kas intuyag ti Anakmo a Mannakabalin unay ditoy daga. O, Ina, sika
ti katalek ti amin a Kristiano. Ipaagsepmo koma kadagiti amin a tattao dagiti nasantoan a
birtudesmo ket iturongmo ida kadagiti sakramento nga insungsung ni Jesus nga Anakmo
tapno maragpatda met ti agnanayon a biag sadi langit. Amen

KARARAG ITI MAIKATLO NGA ALDAW 

O manangaasi nga Ina ken katalekmi, adtoykam ita iti arpadmo ken uti natanok a tronom
nga agununnoy kenka a sumasainnek ta nupay idawdawatanmi dagiti bukbukidmi a
panggep, biag ken kararuami, annungmi met, O Señ ora, kas nakaippen iti pudno a Pammati
ken maymaysa nga Arban nga idawdawaten met dagiti amin a kakabsatmi a simiasi iti
nasatoan a Pammati, Anansata, O Maria, ta adu met dagiti nasingpet nga adda iti ruar ti
Pammati nga agururay laeng iti pannakaipaltiing ti Sao ti Dios kadakuada ken adu met
kadakuada ti agayat iti padada met laeng a tao ken agsapul iti kinapudno. Dagitoy, O Señ ora
de Caridad, ti inkam ita idawdawatan ket sapay koma ta babaen dayta mangliwliweng a
kaasim, mawaknitan dagiti matmatada a siaabbung kadagiti mangibalballaibu a sursuro
ken sirib ; marukatan koma met dagiti panpanunotda a sibabalud iti natillo a pammati. Iti
daytoy a panggepmi, O Señ ora, dawatenmi kenka ti panangtarabayo kadakam nga
agnanayon tapno dikam maisiasi iti nadiosan a Pammati, ket dagiti koma naiwawa
agsublida met laeng iti maymaysa nga Arban babaen ti panangbabaetmo iti Anakmo, ket
agpulangda met laeng iti maymaysa a Pastor, isu ni Jesukristo nga anakmo ken Apomi.
Amen

KARARAG ITI MAIKAPAT NGA ALDAW

O Ina ti Kaasi, biag ken namnamami, sirurukbabkam ita nga aldaw nga agdawat iti ayat mo
ta tulongam ken saranayem amin a mangmangged ditoy ili mi ken iti amin a disso ti lubong.
Bigat, aldaw ken malem, O Nuestra Señ ora de Caridad, makitkitanakam nga umay
agparintumeng, agkararag ken agununnoy iti saklangmo; makitkitam dagiti awit mi a
babantut ti biag mi ditoy daga, maigapu, O Inami, iti panagsapulmi, panagtegged mi ken
panaggunod mi kadagiti kasapulan mi a taraon ti biagmi, ti familya mi, ken ti pay met pada
mi a tao. O Virgen Santa Maria, sika ti awaganmi a mangiburay ken mangipaay kadakam
kadagiti isu amin a grasia nga agubbug iti nadungo ken nasudi, nasantoan a puso ni Jesus
nga Anak mo, tapno mapudnoanmi a tungpalen ken aramiden dagiti annungmi kadagiti
trabaho mi, ket mailisikam iti kinasadut, kinagaramugam, kinapalalo, kinatiri, ken
napalanguad a sursuro ken galad. Wen, nadungo nga Inami, di nakam kadi baybayan a
mangmangged; paraburannakam kad iti agnanayon a kired ken salunat, kappia ken
namnama. Kasta met, O Nasantoan a Virgen, a tulongam dagiti awanen trabaho ken
panggedan tapno nalaka met ti panagbirukda kadagiti kasapulan ti bagi ken kararuada, ket
iti kasta, O Ina, mairagpatda koma ken Jesukristo nga Apomi, isu a Taraon, Dalan, krn Biag
nga agnanayon, Amen.

KARARAG ITI MAIKALIMA NGA ALDAW 

O Ina a manangaasi ken managan iti Pia dagiti Masaksakit, indengannakam, Señ ora a
mangikakaasi kadagiti amin a masaksakit nga adipen ti Mannakabalin a Dios nga Apo;
dawatenmi nga iburaymo koma kadakuada dagiti gracia a makapasalunat, makapakired,
ken makadalus. Ipalubos mo kadi, O Virgen Santa Maria, a babaen ti balsamo dayta danum
nga agpuspusuak iti sibay ti santoaryom, kas iti ubbog a pinasukay mo iti gukayab idiay
Lourdes a nagparangam, maagasan koma dagiti naruay ken nadumaduma a sakit ken
sagubanit ti bagbagimi. O Ina, katalekmi, iti imatang dagiti nadungo a matam, makitam
dagiti naidalit iti sakit kadagiti balbalay wenno kadagiti ospital ditoy ilimi ken amin a disso
ditoy lubong; isaadmo kadi, O Nuestra Señ ora de Caridad, dagita nainaan a dakulap mo iti
mugingda, puspusoda, barukongda, bareng koma met mapunas ken maagasan dagiti sakit
da. Wen, O manangaasi nga Ina, no dakam met ti agsagaba iti sakit, subuken ti sulisog ken
gargarien ti dakes, palubusannakam kadi a kumamang kenka iti madaras ken agdawat ita
nainaan a tulongmo, isu a makapunas kadagiti rigrigat, pagel ken ladingit a malakammi.
Parayrayem koma nga agnanayon, O Virgen Santa Maria, ti panagtalek ken
pananginanamami kenka, ken kasta met ti yaasidegmi koma nga agnanayon iti denna ni
Jesukristo nga Apomi, Amen.

KARARAG ITI MAIKANEM NGA ALDAW 

O nadalus ket naayat a Virgen Maria, adtoy kam ditoy nainaan nga arpadmo nga
agdawdawat iti panangibabaetmo kadagiti amin nga ubbing ken agtutubo ditoy ilimi ken ti
amin a disso ditoy lubong. Anansata, O Nuestra Señ ora de Caridad, a kas kinuna met laeng
ni Jesus nga Anakmo, “Bayam dagiti ubbing ta umayda Kaniak,” idatonmi ngarud kenka
dagiti annakmi ken dagiti amin nga ubbing ken agtutubo ditoy ili, ta tubayem koma dagiti
naganus a nakem, biag ken puspusoda tapno mananamda ti siribmo, ti taknengmo,
kinasantam ken kinadalusmo; ket sappuyotem koma ida nga iturong iti nalinteg a dalan ni
Jesus nga Apomi. Ipagapum kadi, O nasamit nga Ina, ta kadagitoy nga aldaw, panawen ken
siglo adu dagiti ragragsak ken sursuro a makagargari, makaallilaw ken makasulisug, ket
dagiti ubbing ken agtutubo nalapitda ken naganusda ket nalakada unay a matnag iti basol.
Iti kasta, O nasingpet a Virgen, pardasam kadi ti mangbalakad ken mangipalagip kadakuada
iti annungda nga agayat, agadal ken agserbi iti Dios a Namarsua. Kasta met, O Inami, a dika
koma baybayan dagiti pagadalan a makaisuro iti pannagayat iti Dios ken iti maymaysa ken
pudno nga Pammati, ket ibukbukmo koma met. O Virgen ti Ayat, dagiti nasantoan a grasia
kadakami a nagannak ken amin pay met a nagannak ditoy lubong tapno maisungsung ken
maiturong met dagiti ubbing ken agtutubo iti nanakman ken nadalus a panagbiag, isu a
makaliwliwa iti Dios Ama nga agnanayon. Amen.

KARARAG ITI MAIKAPITO NGA ALDAW 

Natanok ken managayat a Virgen, Ina a napnuan anus ken sirib, adtoykam iti arpadmo iti
daytoy nagasat a kanto nga inkam manen panagunnunnoy ita nainaan a pangibabaetmo
kadkam iti Nadiosan nga Anakmo, ket dikam masaba ti gagarmi a dumawat ti tulongmo
tapno mapasantak, mataginayon ken maisaknap koma to bocasion a kinapadi ken napudno
a ministro ti maymaysa a Dios ken Pammati. Adu, O Señ orami, dagiti kakabsat mi a
mawawan krn umawawag iti pannakaisuro to nadiosana Pammati kadakuada ken kadagiti
annakda, ngem iti kinakirang dagiti napudno a ministro, mabaybayanda a maisurot iti killo
a pammati; agsagaba da iti bantut dagiti basbasolda ket matayda piman a di makaamo ken
makabalikad iti nagan ti Dios a Namarsua. Isu nga ayaten, pagserbian ken ipangpangruna
iti amin, O, nasingpet nga Ina, tulongam ti Santo Papami, dagiti obispos, papadi ken amin a
tumultolong iti Simbaan ken iti Pammati. Tulungan met dagiti agtutubo a naanep nga
agadal a naimbag a Pastor ken agserbi iti Dios, ta isuda, O Nuestra Señ ora de Caridad, ti
agaywan to kadakami ken dagiti pay met amin a tattao iti sidong ti Santa nga Inglesia.
Saranayem ngarud, O Virgen a taklin ken namnamami, dagiti amin a seminaryo ken
seminarista ditoy ilimi ken toy lubong; bendisionam ida ket pakirdem ida maigapu met
laeng ken Jesukristo nga Anakmi, Isu a Dios met laeng nga agnanayon. Amen.
  
*MAUDI A KARARAG
    O Nasam-it a Maria, nalpasen ti sumagmamano a kanito nga inkam pannakisarsarita
kenka, panagkarkararag ken panagunnoy kenka, ket ita mariknami a nalag-an ti
panpanunotmi, naugasan ti kinarugitmi, k;lll  kadakami. Ngem, O Nuestra Senora de
Caridad, agpakadakam manen kenka. Pumanawkam iti sidong dagiti nainaan a matam a
mangkitkita kadakami ken ti ilimi ket palubusannakam kadi, O Nasingpet a Virgen, a
mangawit  kadagiti nasantoan nga ayatmo, ayat a pagpatulad, ayat a panginanamaan , ayat
a mangted iti kappia, ragsak ken urnos kadigiti familyami ken ti ilimi. O Senora a napnuan
anus, dinakam koma liplipatan! Tarabayennakam koma nga agnanayon tapno nadalus
laeng ti panagbiagmi, nanakman ti galadmi, ken nasingpet ti panagsasaritanmi. Annasata, O
Ina, malapit ti bagi ken kararuami, ken iti koma kasta no dadduma a matnagkam iti
sebbang ti pagbasolan. Iti kasta, O Virgen a nasudi, palubusannakam manen a kumamang
kenka ken umasideg kenka a dagus a sisasangit , sipaparintumeng ken sibabawi, ket dika
kad ipaidam dayta aanainaan nga ayatmo kadakami, kibinennakam koma a dagus tapno
magun-odmi met laeng ti pakawan dagiti basbasolmi ken maitiponkam met manen ken
Jesus nga Anakmo. Amen

MAUDI A KANTA