Panagaapon manen kakabsat.

Agleppas manen ti kabuklan ti tawen a pannakamulimi akas annak

ti Dios. Kas maiyarig kadagiti piyek nga agapon iti salinong ti inada kalpasan iti agmalem nga
inda panagkuray iti daga tapno mabussogda iti maysa ken maysa, madanon met ngarud iti
panagaawidmi nga annak ken kakabsatyo iti dennayo a familiami. There is no place like Home
kuna tay ngarud iti pagsasao.

Abrasa iti Familia, Abrasa ti Dios. Isu daytoy ti tema iti panagrambaktayo iti Panagaapon 2019.
Palubusandak man ngarud gagayyem ken kakabsat nga mangipalawag nu anya ti kayatna a saw-
en ken iti kaipapanan daytoy a tema.

Ti panangabrasa wennu panagarakup iti maysa ken maysa iti uneg ti familia ket nakapatpateg la
unay para kadakami nga annak ken kakabsatyo. Ammomi a saan nga kadawyan iti kultura tayo
ken manmano nga ipariknatayo ti panagdungngotayo ti maysa ken maysa babaen ti panangabrasa
ngem ti kinapudno na, nakitami ti kinapateg na daytoy nga ‘practice’ wenno kaugalian/aramid.
Gapu daytoy nga abrasa, isu ti mangipasigurado kadakami nga aklonenyo iti katataomi, agraman
amin nga pagkapuyanmi. Daytoy nga abrasa isu ti mangipasimudaag kadakami nga awan ti
masapol a pagdanaganmi ta adda kayo nga familiami iti abaymi. Daytoy nga abrasa isu ti
mangiparikna kadami nga ay-ayaten dakami ken dungdungngoen dakami.
Ken ti kabuklanna, daytoy nga abrasa iti pakapadasanmi met iti abrasa ti Apotayo a Dios.
Babaen iti nabara ken tight nga panangaabrasayo kadakami, mariknami met nu kasano iti
kinauneg iti panagayat ni Apo Dios kadakami: nga aklonenna ti kinasiasinno mi, nga awan ti
pagdanaganmi no addakam iti sidong na, ken ited na latta iti panagayat na numan pay adu ti
paglabsinganmi. Iti kasta, mariknami ngarud iti naimpusoan a panangabrasa iti Naindaklan nga
Ama kadakami nga annakna. Gapu iti daytoy nga simple nga abrasa, maamirismi nga parte kami
iti Familia ti Dios. Familia nga awan idumdumana nu di ket maayaban ken matipon amin tapno
agnaed iti Nadaeg a Puso na. Kas annak ti Dios, kasapulan nga agsublitayo met laeng Kenkuana.
Ta iti sidong laeng ti Apo ti pakagun-odantayo iti pudpudno a panagayat ken ragsak. Ti
panagaponmi kadakayo a familia mi ket isu met ngarud ti panagaponmi iti sidong iti Apo.

Adda man la ngarud maysa a dawatmi kadakayo a kafamiliami: kanayon koma nga agiinnabrasa
tayo ken iparikna tayo iti panagayat tayo iti maysa ken maysa iti uneg ti familiatayo tapno iti
kasta, agari ti Ayat ken Kappia ti Apo iti puspusotayo ken iti familiatayo. Tumakder tay man
amin ngarud kakabsat. Intay ngarud ipaay kadagiti kafamiliatayo iti nasam-it nga “I love you” a
maigiddan iti nabara nga panangabrasa.