SIBOL
Ni Mariel Celeste G. Presidente
SA PAG LIPAS NG MGA ARAW
AY MULI NATING NATATANAW
UNTI-UNTI NG DUMUDUNGAW
ANG LANGIT NATING KULAY BUGHAW
NA TILA AY NOON AY INAGAW
SA KAPAL NG USOK NA UHAW.
SA BUONG BANSA'Y SUMAMBULAT
DI INALINTANANG PAGKALAT
SA LUNAS NA SINISIYASAT
KAILAN KAYA MAIUULAT?
NA MALAYA NA TAYONG LAHAT
SA SAKIT NA ITONG KAY BIGAT
ANG BUONG MUNDO'Y NANANAGHOY
SA EPIDEMYANG DI MATUKOY
TILA BA ITO'Y ISINABOY
SA DAMI NG MGA PALABOY
KAYA'T ITOY DI MAITABOY
BUHAY PABA'Y MAITUTULOY?
NASAKSIHAN NG MGA MUSMOS
KUNG PAANO TAYO'Y NIYAPOS
NG BAYANING ORAS AY KAPOS
TILA SILA AY NAKAGAPOS
SUMUSUNOD LAMANG SA UTOS
BAKIT DI MAUNAWAANG LUBOS?
SILA AY ATING UNAWAIN
ANG MGA AKSYON AY LIMIIN
BATANG KAISIPA'Y PUNUIN
MGA PANGARAP AY ABUTIN
ANG PAYO AY DAPAT SUNDIN
SATING SAMA-SAMANG LAYUNIN
SA UNANG PAG IYAK NG SANGGOL
PAG BAGSAK NG TAGAPAGTANGGOL
SA LUNAS NA TANGAN AY GAHOL
DAPAT PA BA TAYONG MAGMAKTOL?
SA PLANONG SATI'Y INIUKOL
ANG PAG-ASA'Y SATIN SISIBOL.