PAGPAPAUNLAD SA

PAGBASA AT MGA
PAGSASANAY
PARA
SA IKATLONG BAITANG
(GRADE THREE)
Filipino Grade 3
Activity for the month of June week 1

Pagsasanay 1
Si Nini ay ang bunso ng pamilya. Kung iiyak siya, bibigyan
siya ng kanyang Nanay ng gatas. Doon siya natutulog sa maliit na
higaan. Hindi pa nakalalakad si Nini. Makauupo lamang siya.
Mahal siya ng lahat. Pinasasaya niya ang lahat.
MGA KATANUNGAN

1. Tungkol saan ang talata?

A. Nini
B. Tatay
C. Nanay
2. Ano ang totoo tungkol kay Nini?
A. Si Nini ay bata pa.
B. Si Nini ay maganda.
C. Si Nini ay dalawang taong gulang.
3. Aling pangungusap sa ibaba ang tama?
A. Mahal ni Nini ang kanyang pamilya.
B. Ang pangalan ng Nanay ay Nini.
 C. Pinasasaya ni Nini ang buong pamilya.

Filipino Grade 3
Activity for the month of June week 2

Pagsasanay 2

Mayroon akong magandang alaga. Ito ay nangingitlog. Ito ay nagsasabing,

“Put, putak, putak!” Ito ay umuupo sa kanyang itlong sa loob ng higit sa
dalawang linggo. Isang sisiw ang lalabas sa itlog nito. May mga sisiw na kulay
dilaw at mayroon din namang kulay kayumanggi.

MGA KATANUNGAN

1. Ano kaya ang alaga ko?

A. Isang pusa

B. Isang inahing manok

C. Isang aso

2. Tungkol saan ang kuwento?

A. Aking alaga

B. Ang mga itlog ng aking alaga

C. Ang mga sisiw ng aking alaga

3. Ano ang totoo tungkol sa aking alaga?

 A. Ito ay nangangagat

B. Ito ay nangingitlog.

C. Ito ay umiinom ng gatas.

Filipino Grade 3
Activity for the month of June week 3

Pagsasanay 3

Ito ay liham ng isang mag-aaral para sa kanyang guro.

Sa bahay

Hulyo 9, 2004

Mahal Kong Binibining Fuentes,

Ipagpaumanhin po ninyo ang pagliban ko sa klase ngayon. May sakit po

kasi ang Nanay ko. Kailangan kong mananatili sa bahay upang maaalagaan ko
ang bunso kong kapatid. Papasok din ako kaagad pag gumaling na ang Nanay ko.

Iyong mag-aaral,

Narda

MGA KATANUNGAN
1. Aling ang totoo tungkol kay Narda?

A. Lumiban siya sa klase ng isang araw.

B. Lumiban siya sa klase ng maraming araw.

C. Matagal na siyang lumiban sa klase.

2. Aling pangungusap ang nagsasabing si Narda ay matulungin?

A. May sakit ang kanyang Nanay.

B. Ikinalulungkot niya ang pagliban sa klase.

C. Siya ang nag-aalaga sa kanyang bunsong kapatid na babae.

3. Kailan muling papasok sa klase si Narda?

A. Kung gumaling na ang kanyang Nanay.

B. Kung papayagan siya ng Tatay.

C. Kung makalalakad na ang kanyang kapatid.

Filipino Grade 3
Activity for the month of June week 4

Pagsasanay 4

Ito ay malaki
Ito ay bilog.
Ito ay sumisikat araw araw
Ito ay nakatutulong sa ating kalusugan.

Ito ay pula
Ito ay dilaw
Sa umaga
At sa hapon.

Ito ay nagbibigay ng liwanag

Mula sa kalayuan,
Ito ay nagpapasaya sa atin
Sa pagtatrabaho at paglalaro.

1. Tungkol saan ang tula?

 A. Sa bituin B. Sa araw C. Sa kandila

2. Ano ang nagagawa nito upang tayo ay maging malusog?

A. Ito ay umuulan.

B. Ito ay sumisikat.

C. Ito ay tumatakbo palayo.

3. Ano ang makapagpapasaya sa atin?

A. Ang kanyang laki

B. Ang kanyang liwanag

C. Ang kanyang kulay

Filipino Grade 3
Activity for the month of July week 1

Pagsasanay 5

Oras na para matulog. Sina Marina, Renato at Ernie ay nag-iingay. Abala pa

ang Nanay sa maraming gawain.

“Kung tatahimik kayo diyan, kukuwentuhan ko kayo ng napakagandang

kuwento pag matapos ko itong mga ginagawa ko,” sabi ng ina.

Naghahanda na ang mga bata para matulog. Nagsisipilyo sila ng ngipin.

Nagbibihis sila ng damit pampatulog. Mabilis silang pumunta sa higaan at
tahimik na naghihintay kay Nanay.

1. Ano kaya ang mabuting pamagat sa talata?

A. Ang Abalang Nanay

 B. Maiingay na Mga Bata

C. Paghahanda sa Pagtulog

2. Ano ang tama tungkol sa mga bata?

A. Sila ay mapaglaro.

B. Sila ay matulungin.

C. Sila ay masunurin.

3. Alin dito ang tama?

A. Mahilig ang mga bata na making sa kuwento.

B. Gusto ng mga bata na kumanta.

C. Hindi tumahimik ang mga bata.

Filipino Grade 3
Activity for the month of July week 2

Pagsasanay 6

“Mga bata, agahan ninyo ang pagpasok bukas. Magkakaroon tayo ng

palatuntunan. Ipagdiriwang natin ang kaarawan ni Dr. Jose Rizal,” sabi ni
Binibining Santos.

“Ika-18 ng Hunyo ngayon. Alam ko ang kaarawan ni Dr. Rizal” sabi ni Agnes.
Bukas na iyon.”

“Bakit ipagdiriwang natin ang kaarawan ni Dr. Jose Rizal?” tanong ni Rico.

“Si Jose Rizal ay ang ating Pambansang bayani. Isang siyang dakilang
Pilipino,” sabi ni Binibining Santos.
1. Kailan ang kaarawan ni Dr. Jose Rizal?

A. Ika-19 ng Hunyo B. Ika-18 ng Hunyo C. Ika-17 ng Hunyo

2. Bakit sinabi ni Binibining Santos sa mga bata na pumasok ng maaga?

A. Magkakaroon sila ng parada.

B. Magkakaroon sila ng paligsahan.

C. Magkakaroon sila ng palatuntunan.

3. Sino si Dr. Jose Rizal?

A. Ating presidente

B. Ating matalik na kaibigan

C. Ating pambansang bayani

Filipino Grade 3
Activity for the month of July week 3

Pagsasanay 7

Umiiyak si Ruth. Kararating lang niya galing sa paaralan. Marumi ang

kanyang damit at basang-basa ang kanyang sapatos.

“Bakit ka umiiyak?” tanong ng kanyang ina.

“Hindi ko po mahanap ang pera ko. Nahulog po ito nang tumalon ako sa
kanal. Siguto natangay iyo ng tubig,” sabi ni Ruth.
1. Ano ang pinag-uusapan sa kuwento?

A. Kung bakit nagkasakit si Ruth

B. Kung bakit nahuli si Ruth

C. kung bakit umiiyak si Ruth

2. Aling ang tama tungko kay Ruth?

A. Siya ay galing sa palengke.

B. Siya ay galing sa paaralan.

C. Siya ay galing sa ilog.

3. Bakit umiiyak si Ruth?

A. Marumi ang kanyang damit.

B. Nawala ang kanyang pera.

C. Nabasa ang kanyang sapatos.

Filipino Grade 3
Activity for the month of July week 4

Pagsasanay 8

Bru-u-u-um!

Ang maliit na si Liza ay tumakbo papunta kay Nanay. Ipinikit niya ang
kanyang mga mata. Tinakpan niya ng kanyang mga kamay ang kanyang tainga.

“Nanay, natatakot po ako,” sabi ni Liza.

“Huwag kang matakot. Hindi ka sasaktan ng kulog,” sabi ng Nanay.

 Pagkatapos dumating ang ulan. Umulan nang malakas. Umulan buong
araw. Si Liza ay hindi makalabas upang maglaro. Wala siya makikita sa labas ng
bahay. Napakadilim sa labas.

1. Ano ang ikinatakot no Liza?

A. Ang ulan

B. Ang dilim

C. Ang kulog

2. Aling pangkat ng mga salita ang nagsasabi na si Liza ay natatakot?

A. Tumakbo siya papunta sa kanyang silid

B. Pinagmasdan ang pagpatak ng ulan

C. Ipinikit ang kanyang mga mata at tinakpan ng kanyang mga kamay ang

kanyang mga tainga

3. Bakit hindi makapaglaro si Liza sa labas ng bahay?

A. May sakit siya.

B. Umulan buong araw.

C. Hindi siya pinayagan ng Nanay niya na lumabas.

Filipino Grade 3
Activity for the month of August week 1

Pagsasanay 9

“Bibisitahin natin ang lola bukas,” sabi ng Nanay. “Kaarawan niya kasi
bukas.”
 “Ano ang ireregalo natin sa kanya?” Tanong ng Tatay.

“Bibigyan po natin siya ng aklat. Gusto po niyang magbasa ng mga akalat,”

sabi ni Pepe.

“Kaya ang ireregalo natin sa inyong lola ay cake at aklat,” sabi ng Nanay.

“Natitiyak ko na maging masaya siya sa kanyang kaarawan,” sabi ng Tatay.

1. Aling pangungusap ang totoo?

A. Mahal ng buong pamilya ang lola.

B. Gustong-gusto ng buong pamilya ang pagdalo sa salu-salo.

C. Hindi mahal ng buong pamilya ang lola.

2. Alin ang totoo tungkol kay lola?

A. Mahilig siya sa pananahi.

B. Bata pa si lola.

C. Mahilig siya sa pagbabasa ng aklat.

3. Ano ang gagawin ng buong pamilya sa susunod na araw?

A. Bibili sila ng aklat para kay lola.

B. Bibili sila ng cake para kay lola.

C. Dadalhan nila ang lola ng mga regalo sa kanyang kaarawan.

Filipino Grade 3
Activity for the month of August week 2

Pagsasanay 10

Ang lahat ay tumingin kay Elsa habang siya ay pumapasok sa silid. Maganda
at bago ang kanyang damit. Bago rin ang kanyang sapatos. Masayang-masaya
siya.

“Napakaganda mo ngayon, Elsa,” sabi ni Binibining Tecson. “Kaarawan mo

ba ngayon?”

“Opo Ma’am, kaarawan ko po ngayon,” sagot ni Elsa.

“Ilang taong gulang ka na ba ngayon?” tanong ni Binibining Tecson.

“Pitong taong gulang po ako noong nakaraang taon. Ngayon alam na ninyo
kung ilang taong gulang na po ako ngayon,” pangiting sabi ni Elsa.

1. Tungkol saan ba ang seleksyon?

A. Kaarawan ni Elsa

B. Magandang damit ni Elsa

C. Bagong damit at sapatos ni Elsa

2. Ilang taong gulang na si Elsa?

A. Siyam na taong gulang

B. Walong taong gulang

C. Pitong taong gulang

3. Alin sa sumusunod ang totoo?

A. Magkakaroon ng salu-salo si Elsa.

 B. Masaya si Elsa sa kanyang kaarawan.

C. Isinusuot ni Elsa ang kanyang luma pero magandang damit.

Filipino Grade 3
Activity for the month of August week 3

Pagsasanay 11

“Papauwi na si Tatay. Magdadala po ba ang Tatay ng maraming mais,

Nanay?” Tanong ni Perla.

“Sabi niya mag-uuwi siya ng maraming bayabas ngayon. May maraming

bayabas sa taniman sa panahon ngayon,” sabi ng Nanay. “Siguro mag-uuwi rin
siya ng kamote at mani.”

Ilang sandali ay dumating ang Tatay. Nakasakay siya sa likod ng kanyang

kalabaw. Hinihila ng kalabaw ang kalesa na may kargang apat na sako.

1. Ano sa palagay ninyo ang trabaho ng tatay ni Perla?

A. Isang magsasaka

B. Isang bumbero

C. Isang mangingisda

2. Ano kaya ang laman ng mga sako?

A. Isda at itlog

B. saging at manok

C. Mais, kamote at bayabas

3. Alin sa sumusunod ang nagsasabing trabaho ni tatay?

 A. Pagsasaka

B. Pangingisda

C. Pagmamaneho ng kalesa

Filipino Grade 3
Activity for the month of August week 4

Pagsasanay 12

Tumutulong sa mga gawaing bahay si Amelia tuwing Sabado. Naglilinis siya

ng bahay. Nagbubungkal siya sa hardin. Namimitas siya ng sariwa at
magagandang bulaklak sa hardin at inilalagay niya ito sa kanilang plorera.
Pinakakain niya ang kanilang mga alagang baboy at manok. Tumutulong din siya
sa kanyang Nanay sa pagluluto. Pagkatapos ng pananghalian, tumutulong din
siya sa kanyang Nanay sa pagpaplantsa ng kanilang mga damit. Ikinawiwili niya
ang pagtulong sa paggawa ng mga gawain sa bahay.

1. Tungkol saan ang kuwento?

A. Tatay

B. Nanay

C. Amelia

2. Aling salita ang angkop na gamitin sa paglalarawan kay Amelia?

A. Matulungin

B. Matapat

C. Masayahin

3. Bakit magagawa ni Amelia ang maraming gawain sa bahay tuwing Sabado?

A. Walang pasok sa paaralan sa Sabado.

 B. Hindi magtatrabaho ang Nanay tuwing Sabado.

C. Mas pipiliin niyang magtrabaho sa bahay tuwing Sabado kaysa pumasok

sa paaralan.

Prepared by:

Filipino Technical Working Group

Chairman: Dr. Wilfreda O. Flor
EPS, Filipino & MTB

Dr. Marivi T. Orapa

Master Teacher II, Rizal ES, Talibon I

Mrs. Ponciana B. Sobiono

Master Teacher II, Burgos ES Talibon I

Mrs. Elvira P. Baroga

Sintenila ES, Ubay I