Assignment 3

Pomonsoi iso teks pambasaan

MANANOM SAKOT RAHAT

Sakot rahat nopo nga iso totonomon i kapanahak do kounalan loolobi no kopio id gana do
pongindopuan. Kawo nopo do rumpai i tonomon montok pongindopuan nga roitan do Kapppaphycus.
Mogisuusuai o wotik do sakot rahat. Haro kiwotik otomou, aragang om sokulit.

Ogumu kounalan do sakot rahat. Suai ko’ milo akanon, oguno nogi id gana pongusapan. Kousap
o rumpai rahat do toruol kukulan, manampos do biongo om koidu linasu tinan.

Sakot rahat nopo nga osima do vitamin, kalsium, iodin om suusuai po. Soira nopo noilaan do
tulun ginumuan do ogumu kounalan do tanom diti, nokoinggumu o momuumutanom do sakot rahat. Ii
nopo momuumutanom ngawi dii nga kaanu sakadai mantad porinta.

Aanu o asil do sakot rahat pikiikiro do apat nohopod gisom limo nohopod tadau mantad
kinatanaman. Kinoburuon do sains om teknologi nakaanu do popouhai do ralan papadagang do sakot
rahat. Momoguno i tongomomuumutanom do laman sosial miagal do Facebook toi ko’ blog do
popointutun do asil di aanu diolo.