- Faleminderimet dhe lavdimet i takojnë Allahut zotit të botërave, paqja dhe
shpëtimi i Allahut qoftë mbi ju. Mbulesa është respekt ndaj urdhërave të Allahut dhe të Pejgamberit s.a.v.s. Allahu xh.sh bëri mbulesën titull nderi duke thënë: O Pejgamber, thuaju grave tuaja, bijave tuaja dhe grave te besimatrëve le ti vënë shamitë (mbuloj) e veta mbi trupin e tyre sepse kjo është më afër që ato të njihen (se nuk janë rrugaçe) e të mos (ofendohen), Allahu fal gabimet e kaluara, ai është mëshirues. Allahu xh.sh thotë: O bijtë e Ademit, ne krijuam për ju petk, që ju mbulon vendturpësinë dhe petk zbukurues, por petku i devotshmërisë është më i mirë. Mbulesa është e obligushme për muslimanen dhe nje akt bindës ndaj krijuesit. Veshja Islame nuk është vetëm mbulimi i trupit por ajo është edhe adhurim dhe afrim ndaj krijuesit Zotit, kështu ajo i bindet Zotit dhe me dërilesi i nënshtrohet urdhërit të tij. Mbulesa është simbol i dërilësisë, modestisë, dhe mirësjelljes, muslimania duhet ti përmbahet natyrës së saj. Zoti i dënon ato femra që sillen si meshkuj dhe anasjelltas, prandaj mbulesa është ruajtja e natyrshmërisë së femres dhe manifestim i devotshmërise. Muslimania duhet të jetë dinjitoze në aspektin fizik dhe e perkushtuar në aspektin shpirtëror. Mbulesa është një mbrojtje e sigurt në refuzimin e gjithë sjelljeve të liga. Gruaja me mbulesë nuk është e robëruar siç mendojnë njerëzit, përkundrazi mbulesa tregon liri absolute që krijuesi ja ka dhuruar gruas i cili e bëri të barabartë gruan para zotit dhe njerëzve të tjerë. Allahu xh.sh thotë: Thuaju dhe besimtareve të ndalin shikimet e tyre, të ruajnë pjesët e turpshme të trupit të tyre, të mos zbulojnë stolitë e tyre përvec atyre që janë të dukshme, le ti vënë vellot e tyre mbi kraharorin e tyre( En Nur.31) dhe ka thënë : Dhe rrini në shtepitë tuaja e mos e shfaqni bukurinë tuaj si shfaqej në injorancën e hershme (El Azab.33) Bukuria e muslimanes është në moralin e saj e jo në grim. Bukuria nuk është në makiazhin e saj por në sjelljen dhe angazhimin e saj ndaj zotit. Bukuria e muslimanes është në zgjuarsinë e mendjes dhe në punët dhe veprat me të cilën ajo fiton kënaqësinë e Allahut. Makiazhi hiqet me larjen e fytyrës, por etika dhe morali mbeten. Bukuria qëndron në moral e jo ne makiazh. Mos harro motër se je një Xhevahir i çmuar që duhet të ruhet dhe të mbrohet, përmbaju mbulesës se ajo është nder, respekt dhe krenari për ty. Një nga shenjat e besimit të vërtetë është të bësh adhurim me dashuri. Dashuria për mbulesën që ka qënë tek brezat e parë të grave muslimane duket sikur është dobësuar pak në zemrat e muslimaneve të sodit. Kur Aliu e pyeti gruan e tij Fatimen, vajzën e Pejgamberit a.s se cila është gjëja më e dashur për një grua besimtare ajo iu pergjigj: Të mos shikojë e të mos shoh asnjë burrë të huaj. Çfarë ndodhi me këtë dashuri për modestinë që të kthejmë dashurinë për mbulesën në zemrat e grave muslimane. Gruaja muslimane duhet të largojë nga zemra sëmundjen sipas të cilës mbulesa i bën inferiore dhe i kufizon jetën. Mbulesa e gruas muslimane është e drejta e saj që ja ka dhënë Allahu xh.sh. Zoti i të gjithë botërave është drita e saj që e dallon motrën muslimane nga errësira e jobesimtarëve. Muhamedi a.s thotë: O Zoti im, metëvërtetë unë ngushtohem për të drejtat e dy të dobtëve, jetimit dhe gruas. Me keqardhje po them se dikush metëvërtetë shkel nderin e gruas, dikush po ua ndalon mbulesen grave dhe bijave të islamit, dikush po ua ndalon edhe shkollimin për shkak të mbuleses së tyre. A nuk është kjo shkelje e të drejtave? Vërtetë jeta e njerëzve që janë lidhur pas iluzioneve digjet si një cigare... Launtina Dovolani