Professional Documents
Culture Documents
Letter To Mayor Cesar Ynares
Letter To Mayor Cesar Ynares
Nawa’y nasa mabuti po kayong kalagayan habang binabasa ang liham na ito.
Alam ko pong kayo ay maraming ginagawa at alalahanin. Subalit bilang isang
anak, hindi ko po matitiis na ang aking ina na si FELY AZURES ay dumanas ng
matinding EMOTIONAL DISTRESS hinggil sa sunud- sunod at di- makatwirang
reklamo ng mga kapit-bahay namin dito sa Barangay Mambog. Isa rin po kayong
anak at alam ko pong nauunawaan ninyo ang damdaming ito.
Nitong December 3, 2020 ay nagpunta naman sa aming bahay ang mga taga
Municipal Health Office na sina GIAN KARLO APIADO, KARL LEO
DISCUTIDO at isang empleyado na di nagpakilala upang magbigay ng
panibagong Sanitary Defects/ Violation laban sa aking ina. Pirmado po ito ni
GIAN KARLO APIADO even ung pangalan ng Sanitaion Inspector III na si
Marilou C. Feliciano at Municipal Health Officer Dr. Angelito U. Dela Cuesta na di
naman nagkaroon ng sanitation inspection sa amin noong araw na iyon. Di yata’t
FORGERY ang ginawa ni G. APIADO sa dokumentong ibinigay niya para sa
aking ina. Ano po ang sinasabi ng mga batas natin tungkol sa Forgery halimbawa
na lamang ng Article 301 Penal Code amended by Act No. 2712 at GR No.
L-21168? Kung sasabihin naman po ni G. Apiado na “nai- BY” niya ang nasabing
pirma bakit po ganon ang ginawa niyang pagpirma? (see attachment G) May
tamang pamamaraan po ng pag-BY ng pirma di po ba? Nakakalungkot na
ginagawa ito ng ilang tao sa munisipyo ng Binangonan.
Nasaan po ang fairness at justice? Solved Case na dapat ang usapin na ito kung
di lamang humadlang si Gng. Merlita Bolado sa pagkakabit namin ng temporary
drainage. Bakit po hinahayaan ng barangay na lumawig pa ang ganitong usapin
kung may magagawa naman sana sila para maisaayos ang gusot na ito. Di po
ba’t obligasyon ng bawat lingkod bayan na maging bahagi ng solusyon?
Lubos na gumagalang,
December 3, 2020
Pasado alas diyes ng umaga ay napalabas ako sa aming bahay dahil narinig
kong may kausap ang tiyuhin ko na sa mga oras na iyon ay gumagawa ng grills
para sa bakod ng aming bahay. Nagpakilala silang taga-munisipyo sa
departamento ng Municipal Health Office. Ang sabi nila ay nagpunta sila sa
aming bahay upang ibigay ang reklamo ng aming kapit-bahay na si Merlita
Bolado tungkol sa pagtagas ng tubig mula sa aming poso negro at para na rin
inspeksyunin. Ako sa mga oras na iyon ay nag-oobserba lang sa kanila habang
kausap nila ang aking tiyuhin. Ang aking ina na si Fely Azures ang nakasulat sa
reklamo. Subalit wala siya ng mga oras na iyon.
Sa aking pag-oobserba sa kanila ay nakita kong nakatayo lamang ang
dalawang taga-munisipyo kasama ng tiyuhin ko sa gilid malapit sa aming
palikuran at nag-uusap ng masinsinan samantalang ang isa nilang kasama ay
nakaupo lamang sa may tapat ng bahay ng aming kapitbahay. Ang sinasabing
inspeksyon na gagawin ay nauwi sa usapin at pagkatapos ng ilang minuto ay
lumipat sila sa harap aming bahay para ipagpatuloy ang pag-uusap. Ilang minuto
silang nag-usap sa may harap ng bahay. Di ko napigilan ang aking sarili na
makilahok sa usapan upang iklaro ang sinabi ni Gian Karlo Apiado
(taga-munisipyo) na wala pang ginagawang aksyon tungkol sa inerereklamo pa
noon ng aming kapit-bahay.
Pahayag ko sa kanya na ito ay napag-usapan na sa barangay tungkol sa
inirereklamo nila at napagkasunduang ipapagawa ang daluyan ng tubig ngunit
nung araw na ginagawa na ay hindi nakipagkooperasyon ang nagrereklamo kaya
hindi natapos ang paggawa dahil hindi pumayag si Merlita Bolado na magpadaan
sa kanila para makapunta sa may gilid ng bahay namin kung saan gagawin ang
pansamantalang drainage.
Pagkatapos ng pahayag ko na iyon ay hindi na ako sumali at hinayaan na
muling magsalita G. Apiado at bumalik sa pag-oobserba. Ang lalaking nakaupo
sa tapat ng bahay ng aming kapitbahay ay malayo sa mga kasama at tahimik na
nakatingin sa bahay na katapat ng bahay namin habang si Gian Karlo Apiado na
sa simula ng pagpunta sa bahay ay siyang tanging nakikipag-usap lamang
tungkol sa hinaing ng nagrereklamo. Habang ang isa namang natukoy ko dahil
sa I.D. na si Karl Leo Discutido ay kumukuha ng larawan sa harap ng aming
bahay. Hindi siya humingi ng permiso bago kumuha ng mga larawan namin
habang kausap si G. Apiado. Hindi ko na rin siya nasita dahil tutok ako sa mga
himutok na sinasabi ni G. Apiado tungkol sa “nuisance” na sanhi diumano ng
tumatagas na tubig sa poso negro.
Attachment H