Khîtmuhtu (Preposition):

Vannunsiam Bawm

Preposition thumal kan ṭhen khuai asi chun, “Pre” chu, lanah leh “Position” chu, ummun
tinâ k a si. Preposition chu, Min (Noun) leh Min Ai-awhtu (Pronoun) thumal “ummun
lanah” a to le, thumal a khitmuhtir ruangah Bâ wm lei hen, “Khîtmuhtu” ti asi. Hi thumal tla
nih Noun leh Pronoun thumal tla rangah a khîtmuh na asi. Sap lakah chun, preposition
thumal tla hi Noun leh Pronoun thumal tla hen a fawnh sih lo le, chu tla chu, thumal maiah a
to a si.

A dâ ntlangpi ah Sap hawlh hen; which one, what kind, where, when leh how hen deihnâ k
siam mi sâ ngnâ k tawng mi thumal tla chu, “Preposition” ti a si. Dâ nnarâ n hen Sap lakah
preposition word tla chu, hi a tangah hawng tâ rlang na a si.

Some Common Prepositions in English

Prepositions of time after, around, at, before, between, during, from, on, until, at, in,
since, for, within
Preposition of place above, across, against, along, among, around, at, behind, below,
beneath, beside, between, beyond, by, down, in, inside, into, near,
off, on, apposite, out over, past, through, to, toward, under,
underneath
Prepositions of at, for, on, to, in, into, onto, between
direction/movemen
t
Prepositions of by, on, in, like, with
manner
Others type by, with, of, for, by, like, as
prepositions

Bâ wm hawlh lakah hi hawi mi thumal tla a tam thlo le, Bible chang dang dang lakah rin mi
hen tahṭhimhnâ k hinah hawng tâ rlangh a si.

Ka nih Bâ wm hawlh kaltamang chu, Sap hawlh hen a bang lo le, a dang tlat asi. Kan sim
rawh hâ wihen Khîtmuhtu (Preposition) hi Sap lakah chun, Noun leh Pronoun thumal tla
maiah a um. Noun leh Pronoun thumal tla rangah an khîtmuh thlir na leh an simhfiang na
asi. Sikhawmsele, kan nih Bâ wm hawlh lakah chun; chu thumal tla (Preposition) chu Noun
leh Pronoun thumal tla maiah um lo hen a dungah “ah” thumal dungbêk ding a ngai.
Churuangah, Preposition ti lo hen Post Position ti kho a si.

Kan Bâ wm hawlh lakah thu bet/bêk timi a um. Hi hi Sap nih Affix an ti. Affix hi chinih hen
an ṭhen le; Prefix chu, “Maibêk” leh Suffix chu, “Dungbêk” kan ti tawn a si. A biktak hen “ah”
thumal dungbêk (Suffix) hen Bâ wm cha lakah chun khîtmuhtu thumal tla a timhtuah a si.
Bâ wm charin lakah a harsa dauh chem hen a lang mi chu, “khîtmuhtu thumal tla lakah “ah”
hen a zeimaw mi chu a peh, a zeimaw mih tla chu a peh lo” ti hi a si. Kan Bible leh Lasui Bu
sungah mi “ah” hen a peh leh peh lo mi tla hinah hawng tâ rlangh a si.

“ah” dungbek hen thumal peh leh peh lo tla

Thumal a peh liauah, lanah, sinah, chunah, rangah, tlunah, kiangah, zeirangah,
mi tuah, leiah, tangah, sungah, ruangah, tirah, dingah leh tikah etc.
Bethlehem ah, tak ah, dunglei ah, zan ah, khuapi ah, ram ah, lai ah,
Thumal a peh lo
ving ah, In ah, lenglei ah, zangfahnâ k ah, thu ah, lei kang ah,
mi tla
Vandum ah, Lairêltu ah leh Lenglei ah etc.
Bâ wm hawlh
lakah “ah” hen
Ngakhen, Hawihen leh Thawkhen etc.
lo mi
preposition

“Ah” hen thumal a peh leh a peh lonâ k ruangah mi tam dauh nih kan charin tla a bangver
kho lo le, zei munah peh ding mawh zei mun ah peh lo ding ti khawm hi simhfiangnâ k ṭha
chabu lakah rin hen kan nei lem lo a si. A kâ ngnung tla a simhfiang lonâ k ruangah mi
cherkhet nih kan vai le, duhdâ n hen kan rin tawn. Khîtmuhtu (Preposition) thumal tla lakah
“ah” hen a peh leh a peh lo ding tla kâ ngnung simhfiangnâ k a dâ ntlangpi hen hinah ka
hawng tâ rlangh a si.

A. Thumal hi Min (Noun) leh Min Awi-awhtu (Pronoun) asi chun thumal dungah “ah”
thumal hen fawnhsih lo hen rin ding asi. Tahṭhimhnâ k ah hi a tangah hawng tar a si.

1. Bethlehem ah (Luk 2:6) = Chun, (Bethlehem ah) an um liauah a fa ring chu a hun
rawh. Hinah chanrel bracket sungah khumh mi “Bethlehem” chu, Noun a si
ruangah “ah” hen fawnh a si loh.

2. Anmah ah = (Anmah ah) ruitu a um an tul asi. Hi thuthluan lakah bracket sungah
khumh mi “Anmah” chu, Pronoun asi ruangah “ah” hen fawnh a si loh.

3. Nangmah ah = (Nangmah ah) ka ngoh. Hi thuthluan lakah bracket sungah

khumh mi “Nangmah” chu, Pronoun a si ruangah “ah” hen fawnhsih lo ding a si.

4. Ngaihsiatnâ k ah (Isai 1:4) = Tu chu ni thenhlimh tla khawmah â ukhawm Pathian

sawnh ding hen an hawng lo rawh. Nungâ k lasaktu tla khawm nih an tuar le,
Bâ wlpu tla khawm an rû m mi ko rawh. Khuapi kulh kawtkâ tla chu a karo hen a
um le, Zion chu (ngaihsiatnâ k ah) a um rawh. Hinah chanrel bracket sungah
khumh mi “Ngaihsiatnâ k” chu, Noun asi ruangah “ah” hen fawnh a si loh.
 5. Fâ ngzû nnâ k ah = (Job 39:1) = Na (fâ ngzû nnâ k ah) kalpi hen, na fâ ng pumh leh
chîltu ah mang kho ding hen na ruat ma? Hinah chanrel bracket sungah khumh
mi “Fâ ngzû nnâ k” chu, Noun a si ruangah “ah” hen fawnh a si loh.
6. Thinmakâ ah (Lungfaknâ k 1:2) = Zâ n khuavâ r hen a ṭap le; a mitthli chu a
(thinmakâ ah) a luang. A lâ nah a hâ wikawmh tla zawzawng anih rangah
Thlangamhtu pakhat khawm an umlo. Amah lei ṭâ ngṭawmtu nih an tleih le, amah
dotu an si ver rawh. Hinah chanrel bracket sungah khumh mi “Thinmakâ ” chu,
Noun a si ruangah “ah” hen fawnh a si loh.

7. In ah (Lairel 8:29) = Gideon chu a kir le, amah (in ah) a va um rawh. Hinah
chanrel bracket sungah khumh “In” chu, Noun asi ruangah “ah” hen fawnh asi lo.

8. Ni ah (Lairel 9:19) = A si chun ne, tusun (ni ah) hin Gideon leh a dawngsung tla
sinah zumhkai tak hen thil nan ti mi a si chun Abimelek lakah a lawm u le, a nih
khawm nan lakah a lawm bak seh. Hinah chanrel bracket sungah khumh mi “Ni”
chu, Noun a si ruangah “ah” hen fawnh sih a si loh.

Churuangah, Min (Noun) lel Min ai-awhtu (Pronoun) thumal tla lakah “ah” dungbêk (suffix)
lo hen rin ding asi. Chu hawi mi Noun leh Pronoun dawngh “ah” hen dungbêk lo mi kan
Bible lakah rin mi zauhtawnhnâ k rangah ka hawng tarlangh nawlh a si.

1. Zan ah = (“Zan” chu, Min (Noun) asi ruangah “ah” hen peh a si loh)
2. Khuapi ah = (“Khuapi” chu, Min (Noun) asi ruangah “ah” hen peh a si loh)
3. Ram ah = (“Ram” chu, Min (Noun) asi ruangah “ah” hen peh a si loh)
4. Bethel ah = (“Bethel” chu, Min (Noun) asi ruangah “ah” hen peh asi loh)
5. Kutzaphah ah = (“Kutzaphah” chu, Min (Noun) asi ruangah “ah” hen peh asi loh)

B. Min (Noun) leh Min (Noun), Mi (Noun) leh Min Ai-awhtu (Pronoun), Ai-awhtu
(Pronoun), leh Ai-awhtu (Pronoun), mawh Min Ai-awhtu (Pronoun) leh Min (Noun),
karah Khîtmuhtu (Preposition) tla thumal a um a si. Min (Noun) leh Min ai-awhtu
(Pronoun) rangah a sanvang (cause) leh um munnâ k (position) a simhfiang a si
chun; dâ nnarâ n hen thumal (word) dawngah “ah” hen thumal peh ding asi lai. Chu
chu, Min (Noun) mawh Min ai-awhtu (Pronoun) thumal si lo mi lakah dâ nnarâ n hen
“ah” dungbêk ding asi. Thaṭhimhnâ k rangah hinah hawng tâ rlang a si.

1. Churuangah = Churuangah fimkhurhnâ k a ṭha asi. (sanvang)

2. Sinah = Nangmah sinah um a nuam.

3. Khawmah (Isai 43:2) = Tî thû k tak na pal liau khawm na sinah ka um lai; na
lawksawngnâ k nih a nan khuh lai lo. Mei lakah na lan liau (khawmah) na kâ ng
lai lo; niknâ k fâ k tak hawng tlung mi khawm nih nganfâ k a nan pêk lai lo
(sanvang)
4. Lakah (Isai 43:2) = Tî thû k tak na pal liau khawm na sinah ka um lai; na
lawksawngnâ k nih a nan khuh lai lo. Mei (lakah) na lan liau khawmah na kâ ng
lai lo; niknâ k fâ k tak hawng tlung mi khawm nih nganfâ k a nan pêk lai lo. (Mun)
 5. Tlû nah (Lairel 9: 22) = Abimelek nih Israel tla (tlû nah) kum thum lâ i a rêl.
(Mun)
6. Lanah (Lungfaknak 1:2) = Zâ n khuavâ r hen a ṭap le; a mitthli chu a thinmakâ ah a
luang. A (lâ nah) a hâ wikawmh tla zawzawng anih rangah Thlangamhtu pakhat
khawm an umlo. Amah lei ṭâ ngṭawmtu nih an tleih le, amah dotu an si ver rawh.
7. Sinah (Isai 43:2) = Tî thû k tak na pal liau khawm na (sinah) um lai; na
lawksawngnâ k nih a nan khuh lai lo. Mei lakah na lan liau khawmah na kâ ng lai
lo; niknâ k fâ k tak hawng tlung mi khawm nih nganfâ k a nan pêk lai lo.
8. Rangah (Lungfaknak 1:2) = Zâ n khuavâ r hen a ṭap le; a mitthli chu a thinmakâ ah
a luang. A lâ nah a hâ wikawmh tla zawzawng anih (rangah) Thlangamhtu
pakhat khawm an umlo. Amah lei ṭâ ngṭawmtu nih an tleih le, amah dotu an si ver
rawh.
9. Tikah (Lev 1:2) = Israel tla nih bâ wlnâ k an ap (tikah) an zul ding mi dâ n tla a
pêk.

Bible lakah rin mi tahṭhimhnâ k rangah chu hawi mi thumal tla chu hinah tarlangh nawlh a
si. Chu tla chu - Liauah, Chunah, Kiangah, Zeirangah, Tuah, Leiah, Tangah, Sungah, Ruangah,
Tirah leh Dingah etc.

C. Min (Noun) leh Min ai-awhtu (Pronoun) khîtmuhtu thumal (word) dang dang tla hi
aw-pak (vowel) hawrawp hen a dawng asi chun mawh umnâ k mun a khît
(direction) asi chun thumal dawngah thumal hen “ah” fawnhsih lo hen rin ding asi.
Tahthimhnak ranagh chu tla chu, hawng tarlangh a si.

1. Vawrhlei ah (Thufing 2:1) = “Ephesi khua mi kawhmi vâ nmifial sinah chun rîn
rawh: “A kut (vawrhlei ah) â rfi pasarih put hen, ngû n meichêu pasarih kiangah â
zî lemang mi nih khan hi bang thu hi a sim asi. (Hinah chanrel bracket sungah
khumh mi “vawrhlei” chu, aw-pak (vowel) “i” hen a dawng asi. Chun, “Vawrhlei”
nih umnâ k mun a khît (direction) ruangah, “Vawrhlei” hen “ah” hen fawnh sih a
si loh)

2. Dunglei ah (Thufing 1:10) = Lalpa ni ah chun Thlarau hen ka hawng um le, ka

(dunglei ah) tâ wtawrâ wt hâ u hâ wi hen hâ u fâ k tak hen, (Hinah chanrel bracket
sungah khumh mi “Dunglei” chu, aw-pak (vowel) “i” hen a dawng asi. Chun,
“Dunglei” nih umnâ k mun a khît (direction) ruangah, “Dunglei” hen “ah” hen
fawnh sih a si loh)
3. Lênglei ah (Lâ irêl 9:34) = Churawhchun Abimelek leh a mi tla chu zâ n ah anna
ṭhial le, Sekem khua (lênglei ah) murui li ah anna suah le, anna thup. Hinah
chanrel bracket sungah khumh mi “Lênglei” chu, aw-pak (vowel) “i” hen a dawng
asi. Chun, “Lênglei” nih umnâ k mun a khît (direction) ruangah, “Lênglei” hen “ah”
hen fawnh sih a si loh.
4. Bul ah (Thufing 1:17) = Chun, amah chu ka muh kâ hen mithi hâ wi bang hen a kê
(bul ah) ka tlû rawh. Chun, anih nih chun a kut vawrhlei chu ka tlû nah a thâ ng le,
ka sinah, “Ṭ ih lah, kei masachem leh madungchem leh. Hinah chanrel bracket
 sungah khumh mi, “bul” nih umnâ k mun a khît (direction) ruangah, “bul” hen
“ah” hen fawnh sih a si loh.
5. Lai ah = Upa (lai ah) to a tha lo. Hinah chanrel bracket sungah khumh mi “Lai”
chu, aw-pak (vowel) “i” hen a dawng asi. Hinah chanrel bracket sungah khumh
mi, “Lai” nih umnâ k mun a khît (direction) ruangah, “Lai” hen “ah” hen fawnh sih
a si loh.

D. Mun, thil leh hun thilrêl khitmuhtu thumal asi chun, Khitmuhtu lakah “ah” hen
pehtlai lo hen rin ding a si. Tahthimhâ k ranagh chu tla chu, hawng tarlangh a si.

1. Ni nih ah = Bandarban (ni nih ah) ka tleng lai. Hinah bracket sungah mi “ni nih”
ti mi nih “hun” thu a simhfiang ruangah “ah” hen pehtlâ i a si lo.

2. Mun nih ah = Bangladesh chu phairam leh tlâ ngram (mun nih ah) ṭhen asi. Hinah
bracket sungah mi “mun nih” ti mi nih phairam leh tlangram Min (Noun) a
khîtmuh na le “mun” thu a simhfiang ruangah “ah” hen pehtlâ i a si lo.

A tlunah thumal simhfiang mi zawzawng kha Min (Noun) leh Min Ai-awhtu (Pronoun)
thumal tla a dungah a bêk le, Min (Noun) leh Min Ai-awhtu (Pronoun) thumal tla khitmuh
na leh an simhfiang na ver. Hi a tlunah, “ah” hen peh leh peh lo ding simhfiangnâ k pêk mi
nih kan Bawm Bible leh Labu lakah a peh leh a peh lo mi thumal tla a uap dauh ver a si.
Sikawmsele, thumal zeimawzat chu, hinah criteria siam mi tla nih a uap kho tâ wk lo mi
thumal khawm a um thiam rih a si.