KABANATA 1

PANANALIKSIK : KAHULUGAN, LAYUNIN, KATANGIAN AT URI

KAHULUGAN : Ang pananaliksik ay isang maingat, kritikal, disiplinadong inquiry sa

pamamagitan ng iba’t – ibang teknik at paraan batay sa kalikasan at kalagayan ng
natukoy na suliranin tungo sa klarifikasyon at /o resolusyon nito. - Ayon kay Good
(1963)

KAHULUGAN : Ang pananaliksik ay isang sistematikong paghahanap sa mga

mahahalagang informasyon hinggil sa isang tiyak na paksa o suliranin. Matapos ang
maingat at sistematikong paghahanap ng mga pertinenteng informasyon o datos
hinggil sa isang tiyak na paksa o suliranin at matapos suriin at lapatan ng
interpretasyon ng mananaliksik ang mga nakalap niyang datos ay mahaharap sa isa
pang esensyal na gawain- ang paghahanda ng kanyang ulat-pananaliksik.

KAHULUGAN :Ang pananaliksik ay isang proseso ng pangangalap ng mga datos o

impormasyon upang malutas ang isang partikular na suliranin sa isang syentipikong
pamamaraan . -Manuel at Medel, 1976

KAHULUGAN :Ang pananaliksik ay isang sistematikong pag-aaral o investigasyon ng

isang bagay sa layuning masagot ang mga katanungan ng isang mananaliksik. -Parel
1966

KAHULUGAN : Ang pananaliksik ay isang pagtatangka upang makakuha ng mga

solusyon sa mga suliranin, dagdag pa rito ang pangangalap ng mga datos sa isang
kontroladong sitwasyon para sa layunin ng prediksyon at explanasyon. - E. Trece at
J.W. Trece (1973)

LAYUNIN NG PANANALIKSIK

Bakit tayo nananaliksik?

Mga layunin ng pananaliksik

1. Ang pangunahing layunin ng pananaliksik ay ang preservasyon at pagpapabuti ng

kalidad ng pamumuhay ng tao. Lahat ng uri ay nakatuon sa layuning ito. Wika nga
nina Good at Scates (1972), “The purpose of research is to serve man and the goal is
the good life.”

2. Ayon kina Calderon at Gonzales (1993) ang mga tiyak ng pananaliksik ay ilan sa
mga sumusunod:

 Upang makadiskubre ng mga bagong kaalaman hinggil sa mga batid nang

penomena. Halimbawa: Ang alkohol ay isa nang batid ng penomenon at sa
pamamagitan ng pananaliksik, maaaring makalikha ng isang fuel mula sa
alkohol na ang kalidad ay katulad ng sa gasoline.
Mga makabagong tuklas An exhibitor checks the battery charger near a display of an
electric car made by Filipino company, Castech, during an exhibit of the Philippines
“energy related inventions” in Manila on Thursday. The car accommodates four people,
can attain speed of 30 km per hour, can be charged from electrical outlets or battery
charger and can run for eight hours on a full charge. — AFP

 Upang makakita ng mga sagot sa mga suliraning hindi pa ganap na nalulutas

ng mga umiiral na metodo at informasyon.
Halimbawa: Ang kanser ay isang malubhang sakit na hindi pa nahahanapan ng
ganap na lunas, ngunit sa pamamagitan ng mga intensiv at patuloy na
pananaliksik, ang sakit na ito ay maaaring malunasan na sa hinaharap.
 Mapagbuti ang mga umiiral na teknik at makadevelop ng mga bagong
instrumento o produkto.
Halimbawa: Dati ay mga teleponong analogue ngayon ay cellular phone na.
Dati ay casette recorder, naging walkman, discman, ngayon ay may i-pod, ipad,
iphone, MP4, at iba pa.
 Makatuklas ng hindi pa nakikilalang substances at elements.
Halimbawa: Dati-rati, mayroon lamang tayong siyamnapu’t-dalawang (92)
chemical elements,ngunit bunga ng pagsasaliksik, mayroon na ngayong higit sa
isandaan (100).
 Higit na maunawaan ang kalikasan ng mga dati nang kilalang substances at
elements.
Halimbawa: Bunga ng pananaliksik, napag-alaman ang mga negativong
efekto ng metamphetamine hydrochloride sa katawan ng tao na nagsilbing
dahilan upang ideklara itong isang ipinagbawal na gamot.
 Makalikha ng mga batayan ng pagpapasya sa kalakalan, industriya,
edukasyon, pamahalaan at iba pang larangan.

Halimbawa: Bunga ng mga pananaliksik, napag-alaman na ang mga mag-

aaral sa hayskul ay kulang sa kaalaman at kasanayan sa paggamit ng wika
sa mga iskolarling diskurso. Ito ang naging isa sa dahilan upang ipasya ng
Departamento ng Edukasyon na baguhin ang kurikulum sa batayang
edukasyon kung kaya’t sa kasalukuya’y ipinatutupad ang Basic Education
Curriculum o BEC at sa hinaharap ang K12.

 Masatisfay ang kuryosidad ng mananaliksik.

Halimbawa: Naging misteryo kay Thomas Edison kung paano nangingitlog
ang manok. Bunga ng kanyang kuryosidad sa bagay na ito, nagsaliksik siya
at kalauna’y nakainvento ng tinatawag na incubator.
 Mapalawak o maverify ang mga umiiral na kaalaman.
Halimbawa: Sa pamamagitan ng pananaliksik hinggil sa mga isda, maaaring
maverifay ng mga mananaliksik ang mga kaalamang una nang natuklasan ng
 mga pananaliksik o di kaya nama’y maari silang makatuklas ng mga bagong
kaalaman hinggil sa mga katangian at kalikasan ng mga isda na maaring
pakinabangan ng mga mangingisda, mangangalakal at maging ng mga
mamimili.

Mga Katangian ng Mabuting Pananaliksik

1. Sistematik. May sinusunod itong proseso o magkakasunud - sunod na mga

hakbang tungo sa pagtuklas ng katotohanan, solusyon ng suliranin, o ano pa mang
nilalayon sa pananaliksik.

2. Kontrolado - lahat ng mga varyabol na sinusuri ay kailangang mapanatiling

konstant.

3. Empirikal - kailangang maging katanggap -tanggap ang mga pamamaraang

ginagamit sa pananaliksik maging ang mga datos na nakalap.

4. Mapanuri. Sa pananaliksik, ang mga datos na nakalap ay kailangang suriin nang

kritikal upang hindi magkamali ang mananaliksik sa paglapat ng interpretsayon sa
mga datos na kanyang nakalap. Kailangan ding gumamit ng mga navalideyt nang
pamamamaraang pang-estaditika sa pagsusuri ng datos upang masabing analitikal
ang pananaliksik.

5. Objektiv, lohikal at walang pagkiling. Lahat ng tuklas o findings at mga

kongklusyon ay kailangang lohikal na nakabatay sa mga empirikal na datos at walang
pagtatatangkang ginawa upang baguhin ang resulta ng pananaliksik. Walang puwang
rito ang mga pansariling pagkiling.

6.Gumagamit ng mga kwantiteytiv o istatikal na metodo. Ang mga datos ay dapat

mailahad sa pamamaraang numerical at masuri sa pamamagitan ng istatikal na
tritment upang matukoy ang kanilang gamit at kahalagahan.

7.Orihinal na akda. Maliban sa historikal na pananaliksik, ang mga datos na nakalap

ng mananaliksik ay sarili niyang tuklas at hindi mula sa panulat, tuklas o lathala ng
ibang mananaliksik. Idagdag pa na ang mga datos ay kailangang nagmula sa mga
primaryang sources o mga hanguang first-hand.

8. Isang akyureyt na investigasyon, observasyon at deskripsyon. Bawat aktividad

na pampananaliksik ay kailangang maisagawa nang tumpak o akyureyt nang ang
tuklas ay humantong sa formulasyon ng mga syentifikong paglalahat. Samakatwid,
lahat ng kongklusyon ay syentifikong nakabatay sa mga aktwal na evidensya.

9. Matiyaga at hindi minamadali. Upang matiyak ang katumpakan o accuracy ng

pananaliksik, kailangang pagtiyagaan ang bawat hakbang nito. Ang pananaliksik na
minadali at ginawa nang walang pag-iingat ay kadalasang humahantong sa mga hindi
matitibay na kongklusyon at paglalahat.
10. Pinagsisikapan. Kailangan itong paglaanan ng panahon, talino at sipag upang
maging matagumpay.

11. Nangangailangan ng tapang sapagkat maaaring makaranas siya ng mga hazards

at discomforts sa kanyang pananaliksik, di-pagsang - ayon ng publiko at lipunan o di-
pagkakaunawaan sa pagitan ng mga kasamang mananaliksik.

12. Maingat na pagtatala at pag-uulat. Lahat ng datos na nakalap ay kailangang

maingat na maitala. Ang maliit na pagkakamali ay maaaring makaapekto sa mga
tuklas ng pananaliksik. Kailangan din itong maiulat sa pasulat na paraan sa anyo ng
isang papel-pampananaliksik para sa angkop na dokumentasyon, at kadalasan, sa
pasalitang paraan o ang tinatawag na oral presentation o defense.

KATANGIAN NG ISANG MANANALIKSIK

1. Masipag sa pangangalap ng datos, pagsisiyasat sa lahat ng anggulo at panig ng

paksa, hindi dinodoktor ang resulta ng pananaliksik, kumpleto ang mga datos at
katibayan

2. Matiyaga – pasensyoso, mapaghanap ng iba pang sanggunian

3. Maingat sa pagpili at paghimay – himay ng mga makabuluhang datos, sa

dokumentasyon, pagkilala sa pinagkunan ng datos at pinagmulan ng anumang ideya,
tiyaking may sapat na validasyon o katibayan ang anumang posisyon o
interpretasyong ginagawa sa pananaliksik.

4. Sistematik – Sinusunod ang mga hakbang ng pananaliksik </li></ul>

5. Kritikal o mapanuri sa pag-ieksamen ng mga informasyon, datos, ideya o opinyon

upang mapatunayan kung ito ay valid, mapagkakatiwalaan, lohikal at may batayan,
tinitimbang – timbang ang mga katwiran pang mapagpasyahan kung alin doon ang
may pakinabang sa kanyang pananaliksik

6. Kinikilala ang lahat ng pinagkunan niya ng datos.Ginagawan ng tala ang bawat

termino at ideya na kanyang hiniram. Hindi nagnanakaw ng ideya ng iba kundi
sinisipi at binibigyan ng sapat na pagkilala. Hindi nagkukubli ng datos para lamang
palakasin o pagtibayin ang kanyang argumento o walang pagkiling sa isang partikular
na pananaw. Mapaninindigan ang lahat ng interpretasyon na kanyang binuo batay sa
masinop at maingat na pagsusuri ng kanyang mga datos na nakalap.

ANO ANG PLAGYARISMO?

Pangongopya ng mga datos, ideya, pangungusap, buo at balangkas ng isang akda,

programa, himig at iba pa, na hindi kinikilala ang pinagmulan o kinopyahan. Ito ay
isang uri ng pagnanakaw at pagsisinungaling dahil inangkin mo ang hindi iyo.
Kaparusahan : Dahil sa paglabag ng Intellectual Property Rights Law, maaaring ihabla
ang tao sa korte, matanggal sa tungkulin, pagtanggal ng digri kahit nagtapos na,
mawalan ng kredibilidad, magbayad ng karampatang halaga. Kung estudyante ay
maaaring bumagsak sa kurso, mapatalsik sa kanyang unibersidad, sentensyahan ng
multa o pagkabilanggo.

MGA HALIMBAWA NG PLAGYARISMO

Kung hindi itinala ang pinagkunan o ipanaloob sa panipi ang ginamit na orihinal na
termino. Ni – re – phrase lamang ang orihinal na pangungusap nang di kinilala ang
pinagkunan. Kung namulot ng mga ideya at pinagtagni – tagni ang mga ito ngunit
hindi kinilala ang pinagkunan. Nang isalin sa sariling wika ang mga termino, salita o
pahayag ay inangkin na ito. Kung kinuha ang isang bahagi ng disenyo, balangkas,
himig at hindi kinilala ang pinagkunan ng “inspirasyon”.

ACTIVITY 1:

Isa – isahin :

1 – 4 Kapakinabangan ng Pananaliksik sa pamumuhay ng tao

5 - 7 Katangian ng isang mabuting pananaliksik

8 – 10 Katangian ng mananaliksik

11 – 13 Mga dapat iwasan sa pananaliksik

14 – 16 Mga halimbawa ng plagyarismo

17 – 20 Mga kaparusahang maaring igawad sa isang mananaliksik na napatunayang

nagkasala ng Plagyarismo

KABANATA 2

BAHAGI NG PANANALIKSIK

Ito ang mga nagbibigay linaw sa mga prosesong dpat gawin sa iyong mga
pananaliksik.

Ang isang pananaliksik ay may apat na kabanata. Sa paksang ito, tatalakayin natin
ang bawat isa.
KABANATA I (Suliranin at Kaligiran)

 Rasyunal- Dito malalaman ang sagot sa tanong na Ano at Bakit. Ano ba ang
paksang inaaralan at Bakit ito pinag-aaralan.
 Paglalahad ng suliranin- Dito nakalagay ang sanhi o layunin ng paksang
inaaralan sa anyong patanong. Iaanyo ito ng nangunguna ang pangkalahatang
layunin na susundan ng 3 o higitpang mga tiyak na layunin.
 Kahalagahan ng Talakay- Dito bibigyang kahulugan ang mga salitang
mahahalaga o pili naginagamit sa pananaliksik.
 Batayang Konseptwal- Dito nakalagay ang teoryang pagbabatayan ng pag-aaral.
 Saklaw at Limitasyong ng Pag-aaral- Dito naka saad ang lawak at limitasyong
ng pinag-aaralan.

KABANATA II (Metodo Ng Pananaliksik)

 DISENYO NG PANANALIKSIK- Nililinaw sa bahaging ito ang ginamit nadisenyo

ng pananaliksik
 RESPONDENTE- Dito inalalahad ang eksaktongbilang ng mga sumagot sa
inihandang kwesyoner- sarvey.
 INSTRUMENTO NG PANANALIKSIK- Dito nakikita ang mga ginamit na
instrumento sa pag survey sa mga respondente katuald ng “questionnaire”.
 TRITMENT NG MGA DATOS- Nakalagay dito ang simpleng statistik na mga na
kuhang datos galing sa respondente

KABANATA III (Pagsusuri at Interpretasyon ng Datos)

 Pagsusuri- Ito ay nagagawa sa pamamagitan ng pagpapahayag o

pagpapaliwanang ng kinalabasan ng pinag-aaralan.
 Interpretasyon- Sa pagbibigay interpretasyon ng kinalabasan ng pag-aaral,
ipinahahayag dito ang pansariling implikasyon at resulta ng pananaliksik.
 Paliwanag/pagsusuri- Dito naka lagay ang paliwanag batay sa interpretasyon
ng datos na nakuha sa pananaliksik.

KABANATA IV (Paglalahad Ng Resulta Ng Pananaliksik)

Dito inilalahad nang isa-isa at malinaw ang mga nagingkasagutan sa bawat suliranin
o tanong o layunin na iyong binigay sa simula ng pananaliksik.

ACTIVITY 2

Isulat ang tamang sagot

1. Nakalagay dito ang simpleng statistik na mga na kuhang datos galing sa

respondente.
2. Dito malalaman ang sagot sa tanong na Ano at Bakit. Ano ba ang paksang
inaaralan at Bakit ito pinag-aaralan.

3. Nakalagay dito ang simpleng statistik na mga na kuhang datos galing sa

respondente.

4. Ito ay nagagawa sa pamamagitan ng pagpapahayag o pagpapaliwanang ng

kinalabasan ng pinag-aaralan.

5. Dito inalalahad ang eksaktongbilang ng mga sumagot sa inihandang kwesyoner-

sarvey.

6. Dito nakikita ang mga ginamit na instrumento sa pag survey sa mga respondente
katuald ng “questionnaire”.

7. Dito nakalagay ang teoryang pagbabatayan ng pag-aaral.

8. Dito naka saad ang lawak at limitasyong ng pinag-aaralan.

9. Dito naka lagay ang paliwanag batay sa interpretasyon ng datos na nakuha sa

pananaliksik.

10. Dito bibigyang kahulugan ang mga salitang mahahalaga o pili naginagamit sa
pananaliksik.

Mga Hakbang sa Pananaliksik

May mga sinusunod na mabisang hakbang upang angnagsasagawa ng pananaliksik

ay magkaroong isang maayos atmasistemang paraan.

1.Pagpili ng tamang paksa. Dito ay isinasaalang-alang ang interes ng

mananaliksik.Sinusuri kung ang paksang napili ay napapanahon, makabuluhan,
atkailangan ng mananaliksik nito o ng higit na malaking kliyente- anglipunan o ang
bansa sa kabuuan. Gayundin, kailangan niyangmabatid kung paano lilimitaham o
gagawing tiyak ang isangnapakalawak na paksa.

2.Paghahanda ng balangkas. Dito ay inihahanda ng estruktura ng buong

organisasyon ng gagawing pananaliksik.

3. Paghahanda ng bibliyograpi. Dito ay masusing hinahanap ng mananaliksik ang

pagpili at pangangalap ng aklat, magasin, journal at iba pang mga mapagkukunan ng
datos para sa gagawing pananaliksik.

4. Pangangalap ng mga kinakailangang datos at materyal. Dito ay binabasa ang

nilalaman ng mga aklat, magasin, at journal na binanggit sa itaas. Pinagpapasyahan
ng mananaliksik kung ating mga datos dito ang mahalagang makuha at maisama
sagagawin niyang ulat.

5. Pag oorganisa ng nilalaman batay sa balangkas. Aayusin ng mananaliksik ang mga

nakalap na datos ayon sa uri ng paglalahad o batayang gagamitin sa ulat.

6. Pagsulat ng pananaliksik. Maayos na isinasagawa ang pasulat na ulat batay sa mga

naunang ginawang preparasyon ng mananaliksik. Kadalasan, ito ayinaabot ng isa o
higit pang linggo depende sa uri ng pananaliksik saisinasagawa.

7. Pagrereserba ng papel. Dumaraan ang unang draft ng isinulat sa masusing

editingupang matiyak na may kawastuhan sa paggamit ng wika at estilo.

8. Pagsulat ng pinal na papel.

Sa kabuoan, narito ang karaniwang balangkas ng isang ulat

pananaliksik/tesis/disertasyon.

TALAAN NG NILALAMAN

Pagpapakilala sa Pangkat/Awtor/Mananaliksik

Tagubilin para sa Pagsusulit na Oral

Dahon ng Pagpapatibay

PaghahandogPasasalamat

Talaan ng Talahanayan

Kabanata I- SULIRANIN AT SANLIGAN NG PAG-AARAL

Kabanata II- KAUGNAY NA PAG-AARAL AT LITERATURA

Panimula

Saligang Pangkasaysayan

Balangkas

Konseptuwal/Teoretikal

Paglalahad ng Suliranin

Kahalagahan ng Pag-aaral

Saklaw ng Delimitasyon

Katuturan ng Terminolohiyang Ginamit

Kabanata III- PAMAMARAN

Kabanata IV- PAGLALAHAD AT PAGSUSURI NG DATOS

Kabanata V- PAGLALAGOM NG MGA NATUKLASAN,KONGKLUSYON, AT

REKOMENDASYON

Lagom ng mga Natuklasan

Kongklusyon

Rekomendayson

Bibiliyograpiya

Apendiks

Tala sa Buhay ng Mananaliksik

ACTIVITY 3

1.Bakit kinakailangang limitahan o gawing tiyak ang isang napakalawak na paksa?

2.Paano makatutulong ang proseso ng paglilimita sapaksa sa pagiging maayos at

makakatotohanan ngisang sulating pananaliksik?

3.Bilang isang bagong mananaliksik, ano sa palagay mo ang pinakamahirap na

bahagi sa mga hakbang sa maayos na pananaliksik.

B. Humanap ng dalawang (2) siping mga pananaliksik. Tingnan ang Talaan ng

Nilalaman ng bawat isa at magkaroon ng paghahambing sa mga hakbang na sinunod
ng bawat pananaliksik. Saan sila nagkatulad? Saan nagkaiba?

C. Manaliksik kung ano ang pormat ng Talaan ng Nilalaman sa estilo ng APA o

American Psychological Association.