Fil02

Pagbasa ng mga dalumat sa Filipino tungo sa pananaliksik

Rebyu sa mga Batayang kasanayan sa Pananaliksik.

 Pagpili ng mga batis ng impormasyon

 Pagbabasa at paglalagom ng impormasyon
 Pagsasalin, paraphrasing atbp.
 Pagpili ng paksa ng pananaliksik
 Pagbabalangkas

Pananaliksik: Kahulugan, layunin at katangian

Ang pananaliksik ay isang maingat, kritikal, disiplinadong inquiry sa pamamagitan ng iba’t

ibang teknik at paraan batay sa kalikasan at kalagayan ng natukoy na suliranin
tungo sa klaripikasyon at /o resolusyon nito. - Ayon kay Good (1963)

Ang pananaliksik ay isang proseso ng pangangalap ng mga datos o impormasyon upang

malutas ang isang partikular na suliranin sa isang syentipikong pamamaraan . -Manuel
at Medel, 1976

Ang pananaliksik ay isang sistematikong pag-aaral o imbestigasyon ng isang

bagay sa layuning masagot ang mga katanungan ng isang mananaliksik. -Parel 1966

Ang pananaliksik ay isang pagtatangka upang makakuha ng mga solusyon sa

mga suliranin, dagdag pa rito ang pangangalap ng mga datos sa isang kontroladong sitwasyon
para sa layunin ng prediksyon at explanasyon. - E. Trece at J.W. Trece (1973)

LAYUNIN NG PANANALIKSIK

1. Preserbasyon at pagpapabuti ng kalidad ng pamumuhay ng tao.

2. Wika nga nina Good at Scates (1972), “The purpose of research is to serve man and the
goal is the good life.”
3. Ayon kina Calderon at Gonzales (1993) ang mga tiyak na layunin ng pananaliksik ay ilan
sa mga sumusunod:
3.1 Upang makadiskubre ng mga bagong kaalaman hinggil sa mga batid nang
penomena.
3.2 Upang makakita ng mga sagot sa mga suliraning hindi pa ganap na nalulutas
ng mga umiiral na pamamaraan at impormasyon.
3.3 Mapagbuti ang mga umiiral na teknik at makadevelope ng mga bagong
instrumento o produkto.
3.4 Makatuklas ng hindi pa nakikilalang substances at elements.
3.5 Higit na maunawaan ang kalikasan ng mga dati nang kilalang substances at
elements.
3.6 Makalikha ng mga batayan ng pagpapasya sa kalakalan, industriya, edukasyon,
pamahalaan at iba pang larangan.
3.7 Matugunan ang kuryosidad ng mananaliksik.

Mga Katangian ng Mabuting Pananaliksik

1. Sistematik – may sinusunod itong proseso o magkakasunud - sunod na mga hakbang

tungo sa pagtuklas ng katotohanan, solusyon ng suliranin, o ano pa mang
nilalayon sa pananaliksik.

2. Kontrolado - lahat ng mga baryabol na sinusuri ay kailangang mapanatiling konstant.

Fil02
Pagbasa ng mga dalumat sa Filipino tungo sa pananaliksik
3. Empirikal - kailangang maging katanggap - tanggap ang mga pamamaraang
ginagamit sa pananaliksik maging ang mga datos na nakalap.

4. Mapanur – sa pananaliksik, ang mga datos na nakalap ay kailangang suriin nang kritikal
upang hindi magkamali ang mananaliksik sa paglapat ng interpretasyon sa mga datos na
kanyang nakalap.

5. Objective, lohikal at walang pagkiling. Lahat ng tuklas o findings at mga kongklusyon ay

kailangang lohikal na nakabatay sa mga empirikal na datos at walang pagtatatangkang
ginawa upang baguhin ang resulta ng pananaliksik.

6. Gumagamit ng mga quantitative o statistical na pamantayan. Ang mga datos ay dapat

mailahad sa pamamaraang numerical at masuri sa pamamagitan ng statistical na
treatment upang matukoy ang kanilang gamit at kahalagahan.

7. Orihinal na akda. Maliban sa historikal na pananaliksik, ang mga datos na nakalap ng

mananaliksik ay sarili niyang tuklas at hindi mula sa panulat, tuklas o lathala ng ibang
mananaliksik. Idagdag pa na ang mga datos ay kailangang nagmula sa mga primaryang
sources o mga hanguang first-hand.

8. Isang acurate na imbestigasyon, obserbasyon at deskripsyon. Bawat aktibidad na

pampananaliksik ay kailangang maisagawa nang tumpak ang tuklas. Samakatwid, lahat
ng kongklusyon ay syentipikong nakabatay sa mga aktwal na ebidensya.

9. Matiyaga at hindi minamadali. Upang matiyak ang katumpakan o accuracy ng

pananaliksik, kailangang pagtiyagaan ang bawat hakbang nito. Ang pananaliksik na
minadali at ginawa nang walang pag-iingat ay kadalasang humahantong sa mga hindi
matitibay na kongklusyon at paglalahat.

10. Pinagsisikapan. Kailangan itong paglaanan ng panahon, talino at sipag upang

maging matagumpay.

11. Nangangailangan ng tapang sapagkat maaaring makaranas siya ng mga hazards

at discomforts sa kanyang pananaliksik, di-pagsang - ayon ng publiko at lipunan o di
pagkakaunawaan sa pagitan ng mga kasamang mananaliksik.

12. Maingat na pagtatala at pag-uulat. Lahat ng datos na nakalap ay kailangang maingat

na maitala. Ang maliit na pagkakamali ay maaaring makaapekto sa mga tuklas ng
pananaliksik.

13. Kailangan din itong maiulat sa pasulat na paraan sa anyo ng isang papel-
pampananaliksik para sa angkop na dokumentasyon, at kadalasan, sa pasalitang paraan
o ang tinatawag na oral presentation o defense.

KATANGIAN NG ISANG MANANALIKSIK

1. Masipag sa pangangalap ng datos, pagsisiyasat sa lahat ng anggulo at

panig ng paksa, hindi dinodoktor ang resulta ng pananaliksik, kumpleto ang mga
datos at katibayan.
2. Matiyaga – pasensyoso, mapaghanap ng iba pang sanggunian.
3. Maingat sa pagpili at paghimay – himay ng mga makabuluhang datos, sa
dokumentasyon, pagkilala sa pinagkunan ng datos at pinagmulan ng anumang
ideya, tiyaking may sapat na validasyon.
4. Sistematik – sinusunod ang mga hakbang ng pananaliksik
5. Kritikal o mapanuri sa pag-ieksamen ng mga impormasyon, datos,
ideya o opinyon upang mapatunayan kung ito ay valid, mapagkakatiwalaan, lohikal
Fil02
Pagbasa ng mga dalumat sa Filipino tungo sa pananaliksik
at may batayan, tinitimbang – timbang ang mga katwiran pang mapagpasyahan
kung alin doon ang may pakinabang sa kanyang pananaliksik

Pangangalap ng mga datos

 Aklatan

 Internet

 Field

> Panayam

> Pagmamasid

> Panonood atbp.

Mga Hanguan ng Impormasyon o Datos

Primaryang Hanguan (Primary sources)

a) Mga indibidwal o awtoridad

b) Mga Grupo o organisasyon tulad ng pamilya, asosasyon, unyon, fraternity, katutubo o

mga minorya, bisnes, samahan, simbahan at gobyerno.

c) Mga pampublikong kasulatan o dokumento

Hanguang Sekundarya (Secondary sources)

a) Mga aklat

b) Mga nalathalang artikulo sa journal, magasin,pahayagan at newsletter

c) Mga tisis, disertasyon at pag-aaral ng pisibiliti, nailathala man ang mga ito o hindi

Kung internet ang pinagkunan ng datos

Anong uri ng website?

a. . edu -- institusyon ng edukasyon o akademiko.

b. .org – organisasyon ;

c. .com – komersyo o bisnes

d. .gov -- institusyon o sangay ng pamahalaan

Panayam/ Interview

 Isang uri ng pasalitang diskurso ng dalawang tao ng isang pangkat at isang indibidwal–

 Ang layunin ng interbyu ay makakuha ng mga mapanghahawakan na mahahalagang

impormasyon mula sa kinakapanayam hinggil sa isang tiyak na paksa.

 Isang napakamakabuluhang paraan ng pagkuha ng mga impormasyon na magagamit sa

pagsulat ng papel pampananaliksik.

Isa rin itong paraan ng pagbe-verify ng mga datos o impormasyong nakalap sa mga nakasulat
na hanguan at isang pagkakataon upang ma-update ang mga impormasyon o datos tungkol sa
mga makabagong debelopment hinggil sa isang larangan o tiyak na paksa na maaaring hindi pa
nalalathala.
Fil02
Pagbasa ng mga dalumat sa Filipino tungo sa pananaliksik
Survey- Questionnaire

 Ginagamit din ito sa pagkuha ng datos, pananaw,opinyon, damdamin, paniniwala ng

isang partikular na mga sampol ng mga respondente na kumakatawan sa kabuuang
populasyon ng isang pangkat.

 Ang survey na talatanungan ay binubuo ng mga tanong. At ang mga tanong na ito ay
tiyak na isinulat kaugnay ng isang paksa o isyu.

 Maaaring open-ended question o kaya naman ay may pagpipiliang sagot.

Matagumpay ang survey kung matapat at kumpletong sinagutan ng respondente (

kumakatawan sa nakararami/ sampling) ang talatanungan

( questionnaire).

Ang checklist ay talaan rin ng mga tanong subalit may mga nakalaang sagot na
pagpipilian. Ang napiling sagot ay maaaring markahan sa pamamagitan ng pagbibilog,
pagtse-tsek o ano pa man.

Mga pahinang Preliminari o Front Matters

a. Fly Leaf 1- blangko

b. Pamagating Pahina– nagpapakilala sa pamagat ng pamanahong-papel; nakasaad dito

kung kanino iniharap o ipinasa ang papel; kung saang asignatura ito kailangan; kung sino
ang gumawa at panahon ng kumplesyon.

Inverted pyramid ang pagkakaayos ng mga impormasyong nasa pahinang ito.

c. Dahon ng Pagpapatibay – tawag sa pahinang kumukumpirma sa pagkakapasa ng

mananaliksik at pagkakatanggap ng guro ng pamanahong papel.

Pahina ng Pagpapakilala - inutukoy ng mananaliksik ang mga indibidwal, pangkat, tanggapan o

institusyong maaaring nakatulong sa pagsulat ng pamahong-papel at kung gayo’y nararapat
pasalamatan o kilalanin.

Talaan ng Nilalaman - Nakaayos ang pagbabalangkas ng mga bahagi at nilalaman ng

pamanahong-papel at nakatala ang kaukulang bilang ng pahina kung saan matatagpuan ang
bawat isa.

Talaan ng mga Talahanayan at Grap - Nakatala ang pamagat ng bawat talahanayan at/ o graph
na nasa loob ng pamanahong papel at ang bilang ng pahina kung saan matatagpuan ang bawat
isa.

Fly Leaf 2 - blangkong pahina bago ang katawan ng pamanahong-papel.

Mga Kabanata

Kabanata I: Ang Suliranin at Kaligiran Nito

a. Panimula o Introduksyon – ay isang maikling talataang kinapapalooban ng

pangkalahatang pagtalakay ng paksa ng pananaliksik.

b. Layunin ng Pag-aaral – inilalahad ang pangkalahatang layunin o dahilan kung bakit

isinasagawa ang pag-aaral. Tinutukoy rin dito ang mga tiyak na suliranin na nasa anyong
patanong.
Fil02
Pagbasa ng mga dalumat sa Filipino tungo sa pananaliksik
c. Kahalagahan ng Pag-aaral – inilalahad ang ang maaaring maging kapakinabangan o
halaga ng pag-aaral sa iba’t ibang indibidwal, pangkat, tanggapan, institusyon,
propesyon, disiplina o larangan.

d. Saklaw at Limitasyon – tinutukoy ang simula at hangganan ng pananaliksik. Dito

itinatakda ang parameter ng pananaliksik dahil tinutukoy rito kung anu-ano ang
baryabol na sakop at hindi sakop ng pag-aaral.

e. Depinisyon ng mga Terminolohiya - tinatala dito ang mga katawagang makailang

ginamit sa pananaliksik at ang bawat isa’y binigyan ng kahulugan

Kabanata II: Mga Kaugnay na Pag-aaral at Literatura

 Tinutukoy dito ang mga pag-aaral at mga babasahing may kaugnayan sa paksa ng
pananaliksik.

 Dito tinutukoy kung sinu-sino ang mga may-akda ng naunang pag-aaral o

literatura,disenyo ng pananaliksik na ginamit, mga layunin at mga resulta ng pag-aaral.

 Dito ipinaalam ng mananaliksik ang kasalukuyang estado ng kaalaman kaugnay ng

kanyang paksa.

Kabanata III: Disenyo at Paraan ng Pananaliksik

a. Disenyo ng Pananaliksik – nililinaw kung anong uri ng pananaliksik ang kasalukuyang

pag-aaral.

Hal. Deskriptib-analitik – isang disenyo ng pangangalap ng mga datos at impormasyon

hinggil sa mga salik o factors na kaugnay ng paksa ng pananaliksik.

b. Respondente ng sarbey– dito tinutukoy kung ilan sila at paano at bakit sila ang napili.

C. Instrumento ng Pananaliksik – dito inilalarawan ang paraang ginamit ng pananaliksik

sa pangangalap ng mga datos.

Sa bahaging ito, maaari niyang mabanggit ang paggamit ng pakikipanayam, pagco-

conduct ng survey at pagpapasagot sa survey-questionnaire.

D. Tritment ng mga Datos– inilalarawan kung anong istatistikal na paraan ang ginamit
upang ang mga numerical na datos ay mailarawan. Sa pamanahong-papel, sapat na ang
pagkuha ng porsyento o bahagdan matapos mai- itally ang mga kasagutan sa
kwestyuneyr ng mga respondente.

Kabanata IV: Presentasyon at Interpretasyon ng mga Datos

 Dito inilalahad ang mga datos na nakalap ng mananaliksik sa pamamagitan ng tekstwal

at tabular o grapik na presentasyon. Sa teksto, inilalahad ng manananaliksik ang
kanyang analisis o pagsusuri.

Kabanata V: Lagom, Kongklusyon at Rekomendasyon

a. Lagom – binubuod ang mga datos at impormasyong nakalap ng mananaliksik na

komprehensibong tinatalakay sa Kabanata III.
Fil02
Pagbasa ng mga dalumat sa Filipino tungo sa pananaliksik
b. Kongklusyon – mga inferences, abstraksyon, implikasyon, interpretasyon at
impormasyong nakalap ng mananaliksik.

c. Rekomendasyon – mga mungkahing solusyon para sa mga suliraning natukoy o

natuklasan sa pananaliksik.

Mga Panghuling Pahina

a. Listahan ng Sanggunin– isang kumpletong tala ng lahat ng mga hanguan o sources na

ginamit ng mananaliksik sa pagsulat ng pamanahong-papel

b. Apendiks / Dahong-Dagdag – maaaring ilagay o ipaloob dito ang liham, pormularyo ng

ebalwasyon, transkripsyon ng interbyu,sampol ng sarbey-kwesyoneyr, bio-data, ng
mananaliksik, mga larawan, kliping at kung anu-ano pa.

Course Requirement / Output

 Papel-pananaliksik na nakasandig sa maka-Filipino at Pilipinong dalumat.

 Presentasyon ng papel.

Grading System

Pasulat na task - 40%

Paglalahad ng mga saliksilk - 30%

Pakikibahagi sa mga makabuluhang gawain (gawaing papangkat o indibidwal) - 30%

100%

Prepared by:

Irene C. Gumiran, LPT, MAED,

PhD (C) in Educational Management