STREEPTEKSTEN LATIJN

KLAS 1

PERIODE 2

Naam:……………………………………………..Klas:……….
LES 6 : Castor et Pollux

1 Romani bellum gerunt, sed haud facile est

victoriam parere. Dux Romanorum cladem timet.

Auxilium deorum orat. Subito sonitus ungularum!

Equi accedunt. Equi candidi et ingentes sunt.

5 Sedent in equis viri, candidi et ingentes.

Hostes pavescunt. Dicunt: ‘Non viri, sed dei sunt!

Castor et Pollux sunt! Si in pugna dei Romanis

favent, vincere nobis fas non est.’ Ideo hostes

fugiunt. Sic auxilio Castoris et Pollucis Romani

10 hostes vincunt.

Interea in urbe populus pugnae eventum exspectat.

Turba feminarum, puerorum et puellarum in foro est.

 Omnes tacent. Anxii sunt. Pro vita militum timent,

nam patres et fratres et mariti in bello pugnant.

15 Cladem timent. Matri puer dicit: ‘O mater, si hostes

vincunt, num licet eis me in servitutem?’

Mater lacrimat: ‘Hostibus licet facere, quod cupiunt,

nisi milites Romae eos vincunt.’ Anicula eam corrigit:

‘Lacrimare haud prodest. Melius est auxilium deorum orare.’

20 Statim turba deos orat.

Subito puella clamat: ‘Equi accedunt!’ Equi sunt

Castoris et Pollucis. Ridet anicula: ‘Ecce, dei nobis

favent, sicut semper. Romam dei amant!’ Equi

Castoris et Pollucis e fonte prope templum Vestae

25 aquam bibunt. Ibi dei populo de victoria narrant.

 Turba exsultat. Mox intrant urbem dux et milites.

Romani victoriam celebrant. Dux Romanorum

civibus dicit: ‘Aedificare templum Castori et Polluci

necesse est, sed ubi ?’ Uxor ducis clamat: ‘Scilicet

30 in loco, ubi nuper dei nobis de victoria narraverunt!’

LES 8 - Triumphus

1 Mater cum filio et filia sub columnis templi Castoris

et Pollucis sedet. Filius Aulus est, filia Marcia est.

Initium triumphi exspectant. Optimos locos

habent. Ibi diu sedent. Puero et puellae mora

5 difficilis est. Aulus discedere temptat. Mater rogat:

‘Cur discedis?’ Aulus respondet: ‘Sitio. Aquam

bibere cupio.’ Mater eum discedere vetat: ‘Prope

me manere debes. Tu quoque, Marcia. Si disceditis,

fortasse erratis. Ingens in via turba spectatorum

10 est.’ Filia lacrimat. Mater rogat: ‘Cur lacrimas?’

Puella dicit: ‘Et ego sitio. Ambo sitimus. Siti

perimus. Num tu, mater, aquam tecum habes?

 Filiam et filium haud bene curas!’

Mater tacet. Subito servum accedere videt. Servus

15 aquam situlo portat. Aquam spectatoribus vendit.

Mater servum vocat: ‘Iubeo te ad me venire, quod

emere aquam cupimus.’ Servo pecuniam tradit.

Servus feminae poculum aqua complet. Statim

Aulus clamat: ‘Primum ego bibo. Marcia exspectare

20 debet.’ Mater recusat: ‘Immo, tu debes exspectare.

Et tacere. Aut nihil bibis. Sorori poculum praebeo.’

Marcia bibit. Aulus tacet, sed haud diu. Mox

murmurare incipit: ‘Quamdiu exspectamus!

Quando Imperatorem videmus?’ Addit soror:

25 ‘Cur hic ante initium triumphi iam sedemus?’

 Mater non respondet.

Tandem Aulus dicit: ‘Tubas audio. Pompam venire

video. Nonne vides, Marcia?’ Clamant puer et

puella cum turba spectatorum: ‘Io, Triumphe!’

30 Mater respirat: ‘Io, Triumphe!

Les 9 Gladiatores

1 Dies festus est: hodie cives Romae Ludos celebrant.

Ubique praecones in viis clamant  :

AVDITE, ROMANI.

SPECTACVLA NVNTIAMVS.

5 VENITE ET VIDETE!

VENITE AD AMPHITHEATRVM .

LVDOS CELEBRATE!

Puer nomine Gaius cito per vias currit. Gaudet,

nam spectacula valde ei placent. Subito amicum

10 Marcum videt. Eum vocat: ‘Heus, Marce, quo

curris? Nonne ad amphitheatrum accedis?’ ‘Ita est,’

respondet Marcus, ‘accedo…’ Sed sententiam

finire non potest, nam Gaius iterum amicos

accedere videt. Clamat: ‘Ave, Quinte, ave Publi,

15 nonne vos ad Ludos venitis?’ ‘Scilicet!’ respondet

 Publius, ‘Domi manere non possumus. Quando

in arena pugnant gladiatores, nos semper in

cavea sedemus. Hodie gladiatori Celado favemus.

Celadus thraex est: gladio pugnat. Omnes superat.

20 Et tu? Quis tibi heros Ludorum est?’ Dicit Gaius:

‘Ego Cornaci faveo. Cornax retiarius est: tridente

et reti pugnat. Nemo celeritate eum superat!’

Deinde Marcum rogant amici: ‘Dic nobis, tu

quid videre cupis?’ Marcus respondet: ‘Bestias

25 spectare mihi placet, leones et pantheras et

elephantos. Pugnam numquam specto: si sanguis

fluit, ego semper oculos claudo