Pumamantawan Atuqmanta

(willakuy)

Huk punchawsi, huk atuq

imayniraq uywallatapas
hapirqunanrayku wayqupi
purikachasqa,
unaymantas, qura ukumpi
purichkaq yututa
rikurqusqa. Chaysi atuqqa
pawaykuspa
kunkanmanta hapirqusqa.

Hinaspas machayninman
apachkaptin,
qunqayllamanta huk
machuyasqa puma ñawpaqnimpi sayarqusqa. “kay upa
atuqmanta yutu qichurqunaypaq pantarqasichaq”, nispas
pumaqa musyaykun. Chaysi kayhinata nisqa: Yaw,
wiraqucha atuq, ¿imanasqataq masiy yututa hapichkanki?
Maqanayta mana munaspaqa hampinaypaq apamuy,
nispa.

Chaysi atuqñataq kaynata kutichisqa: wiraqucha puma

¿imaynampitaq kay yutu masiyki kanman? Ñuqaqa
chayraqmi purunmanta apakamuchkani. Manam
qusqaykichu- nispa.

Chayta uyarispas, pumaqa piñarikurusqa hinaspas atuqwan

maqanakuyta qallaykun, pumas uyanpi aspirqun, atuqñataqsi
chakinta kachurqun. Hinaspas qaqa patampi sayachkaq
kunturta rikurqunku. Chay kunturqa aycha mikunanpaqsi
mayqillanpas maqanakuspa wañurqunanta suyachkasqa.

Atuqqa allinta yuyaymanaykuspas maqanakuyta mana

munasqañachu.

Chaynallataqsi machuyasqa pumapas yuyaymanykun.

Iskayninkus kunturpa mikunan kayta munasqakuchu.

1
 Chay uywakunapa manaña maqanakusqankuta rikuspas
kunturqa pawarisqa. Kuntur chinkaykusqanta
rikuspankus uywakunaqa yututa waturikunku ichaqa
maqanakunankukamas yutuqa ayqikusqa.
✓ ¿imatataq atuq rikurqusqa?
✓ ¿pumaqa imata qawaspas rimapakun
pantachinanpaq?
✓ Pumapa piñakusqa qipata, ¿imataq karqa?
✓ ¿imamantataq kay qillqa aswanta ripayawanchik?
✓ ¿imanasqataq manaña maqanakusqakuñachu?