ISKAY HAWAS RURUCHAMANTA

 Huk runapa qipinmantas iskay hawas ruruchakuna

urmaykusqaku ranra aqu allpaman. Chaysi punchaw rupaypi
yakumanta yaqa wañusqaku. Tutankunataq chirimanta
katkatatasqaku. Wakin punchawkunataq pichinkukuna yaqa yaqa
mikurqusqaku. Chaynas iskaynin hawaskunaqa, unay sinchita
ñakarisqaku. Mana para kaptin, mana allpa kaptin, yaqaña
wañukusqaku. Chayllamansi hanaq pacha, aswan kuyapayaspa,
parata apachimusqa.
Chay tarpuy killa parawansi, kallpanchakusqaku, chaymantas
allpawan qataykukuspa puñusqankupi, qumir yuraman
tukuspanku kusisqa kawsasqaku.

ALLINTA ÑAWINCHAYKUSPA, KAYCHAPI QILLQACHAYKUSUNCHIK:

LITERAL TAPUKUNA NISQANKU

1. PIMANTAM RIMACHKANKU?
2. MAYMANTAM URMARUSQAKU?
3. IMAYNAM KARAKU TUTAPI?
4. PUNCHAWNINQA PIM YAQA MIKURQUSQAKU?
5. PITATAQ ÑAKARISQAKU?
6. IMATAM APACHIMUSQA HANAQ PACHA?
7. IMAYNAM KAWSARISQAKU PARAWAN?

INFERENCIAL TAPUKUNA NISQANKU

1. IMAYNAYA URMARURAKU ISKAY HAWAS RURUCHAKUNA?

2. IMA KILLAPITAQ KARAKU MANA PARA KANAMPAQ?
3. IMANASQATAQ PICHINKUCHAKUNA HAWASKUNATA MIKUYTA MUNARA?
4. IMAYNATAQ TARPUY KILLA PARAWANQA KALLPANCHAKUN KAUSAYKUNA?