LLANK’AQKUNA:

JULIO CESAR CATUNTA MACHACA

CARMEN ROSA SURCO JINCHO

AYAR WAWQIKUNAMANTA WILLAKUY

Pakariqtambo urqumantas, tambu t’uqumanta lluqsimusqaku tawa wawqikuna , kay hatun
qucha llapan hallp’api tiyaq runakunata millp’upusqan qhipata, kay tawantin ayar
wawqikunaqa warmintin kama lluqsimusqaku, paykunaqa karanku: Ayar Manco,
warmintaq Mama Ocllo, Ayar Cachi, warmintaq Mama Cora, chaymantapas Ayar Uchu,
warmintaq Mama Rahua ultimutataq Ayar Auca warmintaq kasqa Mama Huaco.

Tawantin wawqikunaqa, waqchayay kay pachapi kasqanta qhawarispankus, tawantin

wawqikunaqa rimanakusqaku; haqay uray laruman rinankupaq, allin hallp’ata tarispataq
chaypi tiyanankupaq. Kuchkan puriypi kachkaqtinkutaqsi huk sasachakuywan tupanku,
imaraykuchus Ayar Cachi kasqa sinchi kallpasapallaña, atiyniyuq, phiña uya runa, chaysi
wawqinkunaqa paymanta t’aqarikuyta munaqku, manaña imata yachayta munaspa
kamachisqaku tambu t’uquman kutinampaq chaymanta imaymana mikhuykunata
apamunanpaq, chaykamataqsi wichq’arapusqaku hatun rumiwan kay tambu t’uqu ukhupi.
Chaysi Ayar Cachiqa mana imaynata lluqsimuyta atispa qaparimusqa llapan kallpanwan
wawqinkunata mancharichisqa, chaysi pampataraq chhawchirisqa, hanaq pachamanraq
chayasqa kunkampas.

kimsantin qhipaq wawqikunaqa, purichkallaqkus allin hallp’ata machkhaspa

warmikunantin kuchka, hinaspas chayarusqaku Huanacauri urquman, chaysi tarisqaku huk
rumimanta Diosninkuta, chaysi haykusqaku yupaychaq manchakuyllawan. Ayar
Uchuñataqsi ichaqa mana kasurisqachu aswanpis asipayasqa, chaysi kaq ratu rumiman
tukupusqa, mana kuyuripusqachu, aswanpis wawqinkunallata nisqa qankunaqa purillaychis
nispa, aswanpis yuyariwankichispuni Huarachikuy raymichakuy p’unchawpi nispa.
Kuchkan ñanta allin hallp’ata machkhaspa purichkaqtinkus Ayar Aucaqa allin hallp’a
machkaq puririsqa chay chiqasman, chaysi laprankuna lluqsiramusqa hinaspas phalarirusqa
haqay pampas del sol nisqa chiqasman, hinaspas paypas rumiman tukupullasqataq.

Ayar Manco sapallanñas qhipapun tawantin warminkunantin, payqa sapallanñas

chayamusqa Qusqu wayq’u kama, maypichus tarisqa allin hallp’ata chaypi sat’irusqa kay
hatun quri barata Inti taytan qumusqanta, kaypi huk khatun suyuta paqarichinanpaq,
tawantin suyu nisqata. Chaypi paqarichin tawantin panankunatin kuchka sumaq munay
Qusqu llaqtata, Inti taytata wiraquchatawan yuyarispanku.
 TAPUKUYKUNA

LITERAL
1.-¿Maymantan Ayar wawqikuna lluksimusqaku?

2.-¿Mayqin Ayar wawqikunataq rumiman tukupurqanku?

3.-¿Mayqin Ayar wawqitaq Qusqu llaqtatari paqarichirqan?

INFERENCIAL
1.-¿Ima raykutaq Ayar Uchuri asikuran kay rumi taytachankumanta?

2.-¿Ima raykutaq Ayar Cachitari rumiwan wisq’apuranku t’uquman?

3.-¿Imanaptintaq Ayar Aucari rumiman tukupullarantaq kay pampas del sol nisqaman
chayaramuspan?

CRITICO REFLEXIVO
1.-¿Allinchu karan kay wawqikunaq puriyninku?

2.-¿ Allinchu chay kallpasapa wawqinkuta t’uquman wisq’askanku?

3.-¿Imaynatataq qanri wawqiykikunawan parlariwaq allin puririnaykichikpaq?

Allinchu chay