QOSQO TEQSIMUYU RUNAKUNAQ YACHAY TARPUN

Qosqo! Willka llaqta

Pumaq kurkun hina seq’erisqa llaqta,
Lliu kausaq wawaykikunan…
Anchata yupaychaykiku.
Muspharispan qhawariyku
Ancha allin llank’arisqa
Rumiwan saphichasqa,
T’uruwan llut’arisqa llaqtata.
Inti taytaq, pachamaqpa wawankunan
Kusi, llaki kausayninkuwan sayarichisqantan
Ancha allintan yupaychasayku
Ukhu sonqoykupitaqmi apayku.
Haqay huk’i k’uchukunapi
Atipaq kallpaykichista saqerispaykis,
Hunp’iwan, yawarniykiswan k’uskirispa iman
K’uchiy ch’itillan lank’arikurankichis.
Runa siminchista rimarikuspaykis
Willka kokachanchista hallparikuspa
Q’ello sara aqhachaykichista ujyarikuspaykismi…
Kusi sami sonqo pura.
Chayta yuyarispan… QOSQO LLAQTA!
Ancha qhapaq kaq kausayniykikunata iman
Wamink’a runa runakuna hinapunin
Lliu wawaykikuna amachasaqku ch’ulla kallpa hina.