Ang simula ng kwentong ito ay ang pagsasalarawan sa kagandahan ni Mutya Maria na
sinasabihang noong unang panahon ay reyna ng Katagalugan. Si Datu Batumbakal na syang ama ni Maria. Dahil sa kagandahan ni Maria marami ang sa kanya ay nabibighani. Ilan dito ang mga datu ng mga kalapit na lugar. Ngunit ni isa sa kanila ay walang nagustuhan si Maria bagkus ang kanyang iniibig ay si Garduke na simpleng mamamayan lamang. Subalit tutol ang ama ni Maria sa pagsuyo ng binata sa kanyang anak na si Maria.
Ang gitna ng kwento ay nagsimula sa pagbabawal ng ama ni Maria kay
Duke na pumunta sa palasyo at maging ang pakikipagkita sa dalagang si Maria. Labis na kinabahala at kinalungkot ng dalaga ang pangyayaring iyon. Hinamon ni Maria si Duke na sya ay ipaglaban kung sya ay talagang sinisinta ng binata. Sa tagpong ito, napagpasiyahan nilang magkita sa hardin ng palasyo pagsapit ng dilim.
Ang wakas ng kwento ay naging isang malungkot na trahedya
sapagkat nalaman ng Datu ang kanilang lihim na pagkikita. Dito nya piang-utos na ang dugong maharlika ay maaari lamang umibig sa isa ring may dugong maharlika. At dahil nilabag ni Maria at Duke ang utos na ito, si Duke at pinugutan ng ulo. Ito ay naging usap usapan at tinawag ang lugar na iyon na Marinduque mula sa ngalan ng dalawang magkasintahang sila Maria at Duke.