INDIANS IN WEEKLY MARKETS

# Ext. Roadside
Weekly market laga hua hai ek lady aaloo bharke sabzi waale ko deti hai…
Lady: Yeh lo bhaiya!
Seller: Lao behenji..
Lady: Agar Meethe nikle toh?
Seller aloo tolte tolte bol raha hai…
Seller: Arre madam 20 saal se aaloo bech raha hoon…aaj tak ka record hai ek aloo meetha nahi
nikla meri dukan ka..
Seller: 30 ka ho raha hai behenji…kar du?
Lady: Nahi nahi bhaiya..25 ka hi karo…
Seller: Arre le jao behenji yeh kon si kharab hone waali cheez hai…
Lady ka phone baj jaata hai…wo call pick karti hai…
Lady: Haan bolo! Shukkar bazaar mein thi(aur 50 ka note deti hai sabzi waale ko…
)…kaat lo bhaiya 25…dhaniya aur mirchi bhi daal dena…
Sabzi waala dhaniya mirchi daal ke lady ko polythene aur 25 rupye pakdaata hai…aur lady
yeh sab lekar nikalti hai itne mein saamne cycle waala aa jaata hai…
Lady: Cycle kyun lekar aaya hai jahaaz lekar ghus jaa na…..(on call)kuchh nahi wo bazaar mein
cycle lekar ghus jaate hain… haan pahoch gayi bas 15 minute mein….

TITLE: INDIANS IN WEEKLY MARKETS

Seller: Kar diya sasta…bhar lo basta…bharo 2 kilo 30…2 kilo 30….le jao bhaisaab… pyaaz ekdum
saaf hai…time bacha haaf hai…bharo 2 kilo 30…2 kilo 30
Banda: Sahi laga lo bhaiya…
Seller: Ab isse sasta kya hoga…poore bazaar mein ghoom ke dekh lo agar aisa pyaaz mil jaaye
toh…
Banda: Bazaar ka chhodo aap apna batao…
Seller: Rate kam nahi hoga bhaiya…lena ho lo..warna kahin aur dekh lo…
Banda: Lena hai tabhi toh rate poochh raha hoon…lekin aapka hi dene ka mann nahi hai…
Banda chalne lagta hai…
Seller: O bhaiya…hello…idhar aao…
Banda: Arre rehne do…
Seller: Arre aao idhar pehle…
Banda aata hai…
Seller: Kitna chahiye…
Banda: Rate laga nahi rahe ho…aur poochh rahe ho kitna chahiye…
Seller: Rate toh lag jaayega…aap batao kitna kar du….
Banda: Kar do ek paav!
Seller: (full gusse mein)…aage badh jao…aur galti se dobara ruk mat jaana yahan….paav bhar ke
liye rate lagwayenge…

# Montages
Log thaile liye chal rahe hain…dhakka mukki ho rahi hai…ke doosre ke per pe chadh jaa rahe
hain….

Ek seb ki theli waala aawaz laga raha hai…

Seller: Chhaaton kashmeeri seb 80 rupye kilo…ho gaya manda…ho gya manda…kha ke lo…leke
khao…aao thele pe leke jao…
Ek banda aata hai…
Banda: Meetha hai….
Seller: Cheeni fail hai bhaiya…khila ke bechunga…dhokha nahi milta hamare paas…
Seller ek slice kaat ke bande ko deta hai…banda khaata hai…
Banda: Sahil aga lo 2 kilo le lunga…
Seller: Kilo pe 2 rupye bach raha hai bhaisaab….peechhe se mehanga aa raha hai..
Banda: Arre ho jaayega bhaiya…laga lo..
Seller: Nahi bhaisaab rehne do…
Banda: Chalo lao yaar 1 kilo hi kar do…
Seller tol deta hai aur Banda 2000 ka note de deta hai…
Seller: Khulle de do bhaiya!
Banda: Yahi hai ek note…bas
Seller: Arre yaar ab khulle kisse laau…
Ab yeh banda poore bazaar mein khulla dhoondhne niklega..

Ek Husband wife hain jo throughout video dukan badalte rahenge…..

(1)Geeta: Bhaiya yeh tamatar kaise diye…
Seller: 20 rupye kilo behenji…
Geeta: Kya karke maanoge bhaiya…(to husband) chalo ji aage dekhte hain…___
(2)Geeta: Yeh gazar kaise di bhaiya…
Seller: 15 rupye behenji…
Geeta: Kya bhaiya itni mehangi ho gayi kya gazar…(to husband) chalo ji aage dekhte hain…___
(3)Geeta: Baigan kya rate hai bhaiya…
Seller: 25 rupye kilo…
Geeta: Kya bhaiya itna mehanga kab se ho gaya baigan….(to husband) chalo ji aage dekhte
hain…____
(4)Geeta: Bhaiya shimlamirch kaise hai…
Seller: 40 ka kilo…
Geeta: Dimaag theek hai bhaiya aapka….(to husband) chalo ji aage dekhte hain…
Dono baazar ke end pe khade hain
Husband: Mandi khatam ho gayi…aage kahan jaogi…
Geeta: Lahsun bhool gayi..tum yahin ruko lahsun lekar aati hoon…

# Ek kapde dukan pe ek lady aur ek bachcha aata hai…

Lady: Bhaiya ek shirt dikha do iske naap ki..
Seller 3-4 shirts dikhaata hai…
Seller: Yeh dekh lo madamji..
Lady: (point karke)Yeh waali theek hai bhaiya…kitne ki hai….
Seller: 250 de do madam…
Lady: Arre bhaiya 250 toh bahot jyada hai iske…sahi laga lo..
Seller: 2 rupye kam de dena madam…
Lady: Dene waali bolo bhaiya…
Seller: Aap kya dogi…
Lady: 100 rupye!
Seller: Wapas rakh de chhotu…kahin aur dekh lo madam…100 rupye mein parta nahi pad raha..
Lady: 110 le lena bhaiya…bachche ka mann reh jaayega…
Seller: Madam sabka mann rakhne lage toh ho gayi dukandaari…
Lady: Bhaiya sadar mein 70 rupye mein bhi koi nahi poochhega..
Seller apni pocket se 200 ka note nikaalta hai….
Seller: Yeh pakdo aap…3 mere liye le aao…
Lady: Ab main tumhare liye sadar jaungi kya…
Seller: Nahi aap baat hi aisi kar rahi ho…aise to gehu 18 rupye ka aata hai…lekin aata 30 ka kyun
bik raha hai…madam sadar se yahan tak 5 log beech mein hain…
Lady: Yeh Ram kahani mat sunao mujhe…rakh lo apni shirt…yeh pakdo 200 rupye….chal Sonu
aage waale se dilwati hoon tujhe…

Ek nightie ki dukan pe ek lady aati hai…

Lady: Bhaiya ek cotton ki nightie dikha do…
Seller: (ishara karke) Yeh lagi hui hai madam…batao kon si utaar du…
Lady: Wo red waali…
Seller: Yeh
Lady: Nah nahi..wo blue ke side mein…
Seller: Yeh…
Lady: Nahi nahi wo…haan haan wahi…
Seller utaarta hai…
Lady: Colour toh nahi jaayega bhaiya…
Seller: Arre madamji nightie fatt jaayegi colour nahi jaayega..
Lady: Kitne de du?
Seller: Ek rate lagega…200 rupye…
Lady: Rehne do bhaiya…
Lady jaane lagti hai…
Seller: Batao toh sahi kya dogi madam…
Lady: Arre rehne do bhaiya…aage dekh lungi main…
Seller: Ek minute idhar aao aap…
Lady aati hai…
Seller: Aap apna toh batao…kya dena hai aapko..
Lady: 120 se ek rupye faaltu nahi dungi…
Seller: Chalo 150 lao…(nightie polythene mein daalne lagta hai)
Lady chali jaati hai…
Lady chal rahi hai baazar mein…aur ek sabzi waale pe rukti hai…aur jaise hi sabzi chhaatti hai..
Seller: Lao 140 de do…
Lady: Nahi leni bhaiya…
Lady rickshaw pe chal deti hai….
Lady: Chalo bhaiya…
Seller Rickshaw waala banke baitha hai…
Rickshaw waala: 130 dena hai madam….
Lady rickshaw se utar se chal deti hai….
Int. Home
Lady ghar mein ghusti hai thaila rakhti hai thak jaati hai…aur jaise hi saamne dekhti hai…
saamne Seller baitha hai…
Seller: Lao 120 de do madam….aur jaldi se pehen ke dikhao….fir baad mein badalne ki tension
na ho…
Lady gusse mein aati hai bagal mein pada hua danda uthaati hai aur Seller ko dauda leti hai…

Ek banda kapde ki dukan pe teh laga raha hai aur tabhi ek banda aata hai..
Banda: Bhaiya yeh T-shirt tight ho rahi hai…
Seller dekhta hai T-shirt…fir rakh leta hai..
Seller: Doosri dekh lo..
Banda: Nahi doosri nahi..paise wapas kr do mere…
Seller: Paise toh wapas honge nahi…doosri le lo
Banda: Are bhai jab doosri leni hi nahi hai…
Seller: Toh paise wapas nahi honge…
Banda: Kyun paise kyon nahi honge wapas…
Seller: Nahi honge matlab nahi honge…keh toh raha hoon doosri le lo..
Banda: Abe jab doosri pasand aayegi tab lunga na..chal paise wapas..
Seller: Tameez se baat kar pehle…
Banda: Saari tameez sikha dunga ek minute mein…
Seller: Sikha ab tu…nahi ab tu tameez hi sikha tabhi paise dunga tere wapas..
Banda: Teri dukaan uthwane mein time nahi lagega…yeh baat samajh liyo…keh raha hoon paise
wapas kar de mere..
Seller: Ab tu dukaan uthwa tabhi wapas karunga paise…
Banda jhalla kar wahan se bhaagta hua chala jaata hai….

2 Dost ek bag ki dukaan pe aate hain…

Ram: Bag dikhana bhaiya..
Seller: Kis type ka dikha du bhaiya..
Shyam: Normal sa dikha do ofc jaane type ka
Seller: Kitne tak ka dikha du..
Ram: Rate ki tension nahi hai aap bas bag badhiya dikhao..
(fast fast mein)Seller jaldi jaldi kayi saare bags dikhata hai lekin dono dekh dekh ke mana
karte rehte hain…
Seller: Arre bhaiya 400 bag dikha diye tumhe ab kya dikhau..
Shyam: Rehne do bhaiya…kahin aur dekh lete hain…
Seller: Aisa hai pagal nahi baitha main… jo mere 60 grahak bhagwa ke aage badh liye…
Ram: Kya matlab?
Seller: Matlab ab bag toh fir aage badho…free ka kirtan karne nahi baitha main jo maze lene aa
gaye mujhse…
Shyam: O hello! Jabardasti hai kya koi?
Seller: Haan bete jabardasti hai ab toh…aur bina bag liye tum aage nahi badh paoge…
Ram: Police bulau…
Seller: Bula le bula le…police army airforce sab bula le lekin bete bina bag liye tum dono ek
kadam aage nahi badh paoge…
Ram Shyam dono khusfus karte hain ek doosre ke kaan mein…fir Ram bolta hai
Ram: Chitkani waala bag chahiye..
Seller: 2022 hai yeh 2002 nahi jo chitkani waala bag milega…
Shyam: Kya matlab nahi milega…bhai chitkani waal bag laakr do..hamara time waste kar diya
tumne itna…
Seller: Aisa hai bhai mere paas toh hai nahi…kahin aur dekh lo…
Ram: Chal Shyam bekaar ruk gaye iski dukaan pe…
Dono nikal jaate hain fir ek doosre ko dekhte hain aur aankh maarte hain…
Shyam: Ho gaye apne 2 ghante pass…