Ano ang Koran ng Arabia?

Ang Koran ng Arabia o tinatawag ring Qur'an o Quran (Arabik: ‫القرآن‬, al-Qur’ān)
"Ang Pagbigkas" ang pangunahing banal na aklat ng pananampalatayang Islam.
Pinaniniwalaan ng mga Muslim na ito ang aklat ng patnubay at direksiyon ng
sangkatauhan at isinasaalang-alang ang orihinal na tekstong Arabic mula sa totoong
salin ng mga salita ni Allah kay Muhammad sa pamamagitan ng anghel na si Jibril
(Gabriel) at pinaniniwalaang ito ang huling rebelasyon sa sangkatauhan.

Itinuturing na pinakamarikit na piraso ng panitikan sa wikang Arabe ang

Koran na kung saan ay binubuo ito ng 114 na kabanata o kapitulo na tinatawag na
surah na siya namang may isang tiyak na pangalan at isang variable na bilang ng
mga taludtod. Nahahati ang mga surah sa mga bersikulo na kung tawagin ay ayah.
Ang bilang ng mga ayah (bersikulo) ay magkakaiba ayon sa iba’t-ibang iskolar na
Muslim sa simula pa ng pagkakalikha ng Islam.

Ang katuruan ng koran ay mabubuod sa ilalim ng dalawang pamagat;

Ang Kaisahan ng Diyos na paniniwala sa iisang Diyos at pagsamba sa kaniya na
lamang at Ang Kapatiran ng Sangkatauhan na pagturing sa mga tao, sa kapwa
bilang kapantay at pagbibigay ng pantay na Karapatan para sa lahat. Ito ang
dalawang uri ng katuruan na maari nating tawaging Monoteismo at Hustisya.

Mga konkretong halimbawa kung paanong makatutulong ito sa

inyong pinagkakadalubhasaan

Mula sa mga aral na hango sa banal na aklat ng Koran o Qur’an:

1. Pantay na Pagtingin sa mga Pasyente bilang kapwa tao

Bilang isang mag-aaral na narsing ang kursong pinagkakadalubhasaan,
nararapat lamang na malinaw na sa aking pananaw ang pagiging isang mabuting
propesiyonal nars na mayroong pantay na pagtingin sa aking kapwa, ano man
ang estado at katayuan sa buhay. Isa sa mga pangunahing katuruan sa Koran
ng Arabia ang konsepto ng hustisya na dapat nating isabuhay lalo na’t bilang
nars, dapat ay ang serbisyo ay mananatiling para sa lahat. Pantay dapat at
walang kinikilingan sapagkat tayo bilang tao ay mayroong pantay pantay na
karapatan.

2. Pagkakawanggawa
Katulad ng isinasaad sa Quran 9:32 na hindi natin makakamit ang totoo
at tunay na katuwiran hangga't hindi natin pinipili ang iba kaysa sa ating
sarili, isa sa napakahalagang prinsipyo ang pagmamalasakit sa kapwa. Ang
pinakamakapangyarihang paraan ng pagpili sa kapakanan ng iba ay
pagkakawanggawa. Sa punto pa lamang na pinili ng mga nars ang kanilang
propesyon, kanilang isinakripisyo na ang kanilang sarili sa serbisyong para sa
kalusugan at kabuuang kapakanan ng iba at upang makatulong sa
nangangailangan, sa mga umiinda at may karamdaman. Kaya namang
masasabi kong ang propesyong ito ay likas na may katangiang
makapagkawanggawa.

“Sa anumang kaparaanan ay hindi ninyo maaabot ang Al Birr

(kabanalan, katuwiran, ang ipinapakahulugan dito ay ang gantimpala ng
Allah, ang Paraiso) maliban na gugulin ninyo (sa Kapakanan ng Allah) ang
mga bagay na inyong minamahal; at anumang bagay na inyong gugulin, ang
Allah ay ganap na nakakaalam nito.” (Quran 9:32)

3. Ang Kakayahang Umintindi at Pagdamay sa kapwa

Ang mahuhusay na nars ay nangangailangan din ng masusing
pagsasanay at malawak na karanasan. Bawat pasyente na kinakaharap ng
isang nars ay may kanya-kanyang relihiyon. Bilang isang nars, kailangan
unawain kung ano ang pinapayagan at bawal sa kanilang relihiyon katulad ng
Islam. Ayon sa Koran, dito matututunan sa pagbuo ng ugali ng isang tao sa
pamamagitan ng pagsusuri sa sarili at paggamit nito ayon sa kagustuhan ng
Diyos. Ito ay ang rason upang mabuo ang pakikipagkapwa tao natin at
 nagagawa mong madama ang kirot at dalamhati na nararamdaman ng
pasyente na nais mong matulungan.

4. Kababaang-loob
Ang pagnanars ay nangangahulugang malaking pagsasakripisyo sa
sarili. Ating suriing mabuti kapwa ang mga hamon at mga pagpapala ng
marangal na propesyong ito. Ayon sa Ten Quaranic Commandments, isa sa
mga utos ni Allah ay kailangang iniibig mo ang mga tao at nais mo talagang
tumulong sa iba na walang hinihinging kapalit. Dapat ay kaya mong
pakitunguhan ang kaigtingan sapagkat sa larangan ng pagnanars, kailangang
puspusan ang iyong paggawa

dahil kung hindi ay masama ang ibubunga nito. May pagkakataon na hindi
natin maiiwasan magkaroon ng pasyente na mahirap pakisamahan. Bilang
isang nars, dapat nating maunawaan kung bakit sila nagkaganyan. Ang bawat
aksyon ay may kanya-kanyang dahilan. Kailangan manataling magalang sa
kapwa natin tao na hindi nagsisinungaling, nanlilinlang at nakasasakit ng
damdamin.