Professional Documents
Culture Documents
Narito ang ilan sa mga dapat gawin upang mapangalagaan ang ugnayan sa
Diyos at sa ating kapuwa
1. Panalangin- Ito ay paraan ng pakikipag-ugnayan ng tao sa Diyos. Sa
panalangin,ang tao ay nakapagbibigay ng papuri, pasasalamat, paghingi ng
tawad at paghiling sa kaniya.
2. Pagninilay- Ito ay nakatutulong upang ang tao ay mag-isip upang
maunawaan ng tao ang mensahe ng Diyos,sa kaniyang buhay.
3. Pagsisimba/samba –Ito ang nakatutulong sa tao upang mapalawak ang
kaniyang kaalaman sa salita ng Diyos at maibahagi sa pamamagitan ng
pagsasabuhay ng napupulot na kaalaman sa pagsimba o pagsamba.
4. Pag-aaral ng salita ng Diyos- Upang lubos na makilala ng tao ang
Diyos,nararapat na malaman ang kaniyang mga turo o aral.
5. Pagmamahal sa kapuwa- Ito ang isang dahilan ng pag-iral ng tao, ang
mamuhay kasama ang kapuwa.
Ang pagmamahal sa Diyos at kapuwa ang tunay na pananampalataya
Sinasabi sa Juan 4:20 “Ang nagsasabi na iniibig ko ang Diyos, subalit
napopoot naman sa kaniyang kapatid ay isang sinungaling. Kung ang kapatid na
kaniyang nakikita ay hindi niya magawang ibigin, paano niya maiibig ang Diyos na
hindi niya nakikita?’ kaya masasabi lamang na ang tao ay nagmamahal sa Diyos
kung nagmamahal siya sa kaniyang kapuwa, at ang pagmamahal ay mayroon apat
na uri.
Apat na uri ng pagmamahal ayon kay C.S Lewis
1. Affection- pagmamahal bilang magkakapatid o magkakapamilya.
2. Philia- ito ang pagmamahal ng magkakaibigan
3. Eros- Ito ang pagmamahal batay sa pagnanais lamang ng tao.
4. Agape- Ito ang pinakamataas na uri ng pagmamahal sapagkat hindi ito nag-
aantay ng kapalit. Ganito ang Diyos sa tao, patuloy na nagmamahal sa kabila ng
mga pagkukulang at pagkakasala patuloy niya pa rin itong minamahal dahil ang tao
ay mahalaga sa kaniya.
Angkop na Kilos Upang Mapaunlad ang Pagmamahal sa Diyos
Mga Angkop na Kilos Upang Mapaunlad ang Pagmamahal sa Diyos
Ang pagkakaroon ng matibay na pagmamahal sa Diyos ay nangangahulugan
ng pagkakaroon ng matatag na pananalig sa Kanya. Kaya naman patuloy nating
sinusunod ang Kanyang utos na mahalin ang ating kapwa katulad ng pagmamahal
sa ating sarili bilang tanda ng ating pagmamahal sa Kanya. Ngunit paano nga ba
natin mapapaunlad ang ating pagmamahal sa Diyos? Narito ang mga kilos na
makatutulong upang mapaunlad mo ang pagmamahal sa Diyos.
1. Magbasa ng:
a. salita ng Diyos – ang mga pangaral o salita ng Diyos ay
mabisang paraan upang tayo ay maliwanagan tungkol sa
kahalagahan ng buhay, kasama na dito ang mga tamang kilos ng
isang mabuting tao na may pagmamahal sa kapwa at sa
Panginoong Diyos.
b. iba pang mga babasahin o quotations na kapupulutan ng
inspirasyon upang maging positibo sa buhay
2. Makinig o manood:
a. ng inspirational songs o palabas – malaki ang magagawa nito upang ikaw ay ma
relax at maging positbo sa buhay lalo na sa mga panahon ng problema.
b. sa mga magagaling na speaker o tagapagsalita - maaari kang maghanap sa
online. Higit na makabubuti na gawin ito upang matuto ng mga makabuluhang
bagay o gawain na maaari mong gamitin upang makapamuhay ng maayos at
marangal.
3. Manalangin/magdasal – ito ay isang paraan ng pakikipag-ugnayan sa Diyos.
Mahalaga ang komunikasyon tungo sa isang matatag na relasyon kaya
mahalaga na palagi kang makipag-usap sa Kanya sa pamamagitan ng
pagdarasal.
May mga bahagi ng pagdarasal na iminumungkahi…
• P-raise - Pagpupuri o pagbubunyi sa kadakilaan ng Diyos na maylalang
ng lahat ng bagay sa mundo, may buhay man o walang buhay.
• R-epentance – Pagsisisi sa mga kasalanang nagawa at paghingi ng kapatawaran
sa lahat ng pagkukulang o pagkakasala sa isip, sa salita at sa gawa.
• A-sk- Pagsasabi ng mga kahilingan sa Panginoon ng may buong pagtitiwala na
ipagkakaloob Niya ang mga ito sa tamang panahon dahil ikaw ay gumawa ng tama
at mabuting paraan upang makamtan ang iyong mga kahilingan.
• Y-ou must thank God - Pagpapasalamat sa mga biyaya (materyal o hindi materyal)
na ipinagkaloob ng Diyos.
4. Magpasalamat sa:
a. mga biyayang natanggap- sa pamamagitan nito ay lalong uunlad ang iyong
pagmamahal at pananalig sa Diyos dahil ang nakikita mong napakaraming biyaya
na binibigay sa iyo ang Diyos. Sa halip na makita ang problema o kabiguan sa
buhay.
b. mga pagsubok nararasan sa buhay – dahil dito ay lalong tatatag ang iyong
pananampalataya sa Diyos. Isipin mong walang pagsubok sa buhay na hindi mo
kayang lagpasan dahil kasama mo ang Diyos sa lahat ng iyong laban sa buhay.
c. pamamagitan ng pagtulong sa mga nangangailangan sa abot ng makakaya – ang
pagbabahagi ng mga biyayang natanggap mula sa
Panginoon ay tanda ng appreciation sa mga biyayang
natanggap at pagbibigay pag-asa sa kapwa upang
maramdaman ang pagmamahal ng Diyos. Maging instrument
ng Diyos upang ipadama ang pagmamahal sa tao.
Isang magandang paalala mula sa isang magaling na
tagapagsalita na si Francis Kong: “When we count our blessings, our love for God
grows bigger. When we face our struggles, our faith in God gets stronger. When we
share our blessings, we bring hope to others. Faith, love and hope are so much
needed and we need to share these with others.”
5. Sumunod sa:
a. mga Utos ng Diyos – ipamuhay ang Kanyang mga salita upang
maging isang mabuting huwaran sa pagmamahal at pananalig sa
Diyos.
b. ipinatutupad na batas ng mga nasa katungkulan – tandan na ang
mga nasa pwesto ay itinalaga ng Diyos upang tayo ay gabayan at paglingkuran.
6. Makipag-usap sa isang spiritual leader - maaaring siya ay pari, pastor o isang
mabuting tao na nakakitaan ng matibay na pagmamahal at pananalig sa Diyos na
maaari mong maging ispirituwal na taga-payo.
7. Sumali sa mga grupo o organisasyon ng mga kabataan sa simbahan na
naglalayon upang lalong mapalapit sa Diyos at magkaroon ng makabuluhang
pamumuhay sa lipunan.