EDUKASYON SA PAGPAPAKATAO

Junior High School Grade 10

Quarter III/ Unang Linggo – Ikalawang Linggo

MGA PANGUNAHING BIRTUD AT PAGPAPAHALAGANG MORAL

PAMANTAYAN SA ANTAS NG GRADO: Naipamamalas ng mag-aaral ang pang-unawa sa

mga konsepto sa pagkatao ng tao, makataong kilos, pagpapahalagang moral at isyung moral
at nagpapasya at kumikilos ng may preperensya sa kabutihan upang maging matatag sa
gitna ng mga isyung moral at impluwensya ng kapaligiran.

PAMANTAYANG PANGNILALAMAN: MGA KAKAYAHAN SA PAG-

Naipamamalas ng mag-aaral ang pag-unawa
sa pagmamahal ng Diyos.
PAMANTAYAN SA PAGGANAP:
Nakagagawa ang mag-aaral ng angkop na
kilos upang mapaunlad ang pagmamahal sa
Diyos.
AARAL/TATAS:
Nakapagpapaliwanag ng kahalagahan ng
pagmamahal sa Diyos
Natutukoy ang mga pagkakataong
nakatulong ang pagmamahal sa Diyos sa
kongretong pangyayari sa buhay

Napangangatwiranan na: Ang pagmamahal

sa Diyos ay pagmamahal sa kapwa

Nakagagawa ng angkop na kilos upang

mapaunlad ang pagmamahal sa Diyos
KAHALAGAHANG PANGKATAUHAN: Pananampalataya

1|Page
EDUKASYON SA PAGPAPAKATAO
Junior High School Grade 10

Aralin 1: AKO’Y TAO: ISANG MANANAMPALATAYA

Introduksyon
Sa modyul na ito ay inilalarawan ang pananaw, konsepto o kaisipan tungkol sa Diyos. Ang
pagsamba at pasasalamat bilang bahagi ng ating araw-araw na buhay. Masasalamin din dito ang
pagmamahal ng mga Pilipino sa Diyos sa pamamagitan ng kanilang mga gawain, kapistahan,
pagsamba at iba pang panrelihiyong pagdiriwang.

______________________________________________________________________________

Mga Tiyak na Layunin ng Pagkatuto

1. Natutukoy ang mga konsepto o kaisipan tungkol sa Diyos
2. Nasusuri ang kakayahan ng Diyos bilang mahalagang bahagi sa buhay ng
tao
3. Nakagagawa ng angkop na kilos upang mapaunlad ang sariling pananampalataya at
espiritwalidad

______________________________________________________________________________

Pangunahing Pag-unawa
1. Kilala ang mga Pilipino sa pagkakaroon ng matibay na pananampalataya
2. Ang pananampalataya ay isang matibay na paniniwala sa Diyos
3. Ang espirituwalidad ay ang debosyon o katapatan sa lahat ng bagay na espirituwal

______________________________________________________________________________

Mahalagang Tanong
1. Paano naging mahalagang bahagi ng buhay ng tao ang Diyos?
_____________________________________________________________________________

2|Page
EDUKASYON SA PAGPAPAKATAO
Junior High School Grade 10

Pag-unlad na Gawain

PAGMAMAHAL SA DIYOS

Patunay na ang Diyos ay buhay

Maraming pilosopo at alagad ng simbahan na nagpatunay na mayroong ngang Diyos at siya
ay ang Diyos na lumikha ng langit at lupa at nagbigay ng buhay sa sangkatauhan. Isa sa mga
pilosopo at alagad ng simbahan na nagbigay ng argumento kaugnay ng pagiging totoo ng Diyos ay
si St. Thomas Aquinas. Sa kanyang mga argumento ay sinaklaw niya ang agham upang
ipaliwanag na ang Diyos ay buhay at hindi kathang-isip lamang. Ang mga sumusunod ay ang
argumento na kanyang inilatag:

1. The “unmoved mover” argument

- Ayon sa agham, lahat ng bagay sa
mundo ay gumagalaw o may nag
uudyok ng paggalaw para ito ay
gumalaw. Ipinapalagay na ang
nagsimula nito ay siyang
nakaaalam, nakababatid, at hindi
nakatatalos ang karunungan. Siya
ay ang Diyos.

2. The “nothing is caused but itself”

argument
- Hindi nilikha ang isang bagay o organismo o ano pa man ang kanyang sarili.
Masasabing ang lahat ng ito ay may isang matalino at nakatatalos ng lahat ng bagay
na nagpasimula ng lahat-siya ay ang Diyos.

3. The cosmological argument

- Lahat ng bagay na mayroon ang mundo, tulad ng bundok, kabundukan, ilog,
kapatagan, burol, talampas at marami pang iba ay minsang umiral at maaring mawala
gaano man katagal ang inilagi nito. Samakatuwid ay mayroong makapangyarihan na
lumikha dito-siya ay ang Diyos.

4. Objects in the world have differeng degrees of qualities such as goodness

- Iba-iba ang katangian ng lahat ng bagay sa mundo. Masasabi nating ang kakulangan,
kahinaan, kalakasan ng isang bagay o nilalang kung mayroon tayong
pinaghahambingan at pinagbabatayan. Sa paghahambing na ito lalo at higit ay ang
kabutihan ay mayroon tayong pinaghahambingan, iyon ay ang itinuturing na
nagtataglay ng lubos na kabutihan-ang Diyos.

3|Page
EDUKASYON SA PAGPAPAKATAO
Junior High School Grade 10

5. The teleological argument (argument from design)

- Lahat ng bagay sa mundo ay gumagalaw dahil sa partukilar na layunin. Hindi
nagkataon lamang ang lahat ng bagay sa mundo. May isang dakilang kamay na
nagdisenyo at lumikha nito. Siya ay nagtataglay ng hindi matatarok na katalinuhan at
eternal na kapangyarihan-ang Diyos.

Pagmamahal: Ugnayan ng Tao at ng Diyos

“Gayon na lamang ang pag-ibig ng Diyos sa sanlibutan, kaya ibinigay niya ang kanyang
bugtong na anak upang ang sino mang sa Kaniya’y sumampalataya ay hindi mapahamak kundi
magkaroon ng buhay na walang hanggan.” Juan 3:16

Isa ito sa maituturing pagmamahal ng Diyos. Siya ay nagpamalas ng walanghanggang

pagmamahal sa Kaniyang nilikha. Ayon sa paniniwalang Kristiyano, ibinigay niya ang Kanyang
bugtong na anak upang tayong lahat ay mailigtas sa kasalanan.

Ang pagmamahal na ipinamalas ng Diyos ay itinuturing na huwaran ng mga tao. Kaya naman
upang maipakita ng mga tao ang pagmamahal sa Diyos, mahalagang maipamalas muna niya ang
pagmamahal sa kaniyang kapuwa tao.

Kayraming magagndang bagay ang ibinubunga ng pagmamahal. Dahil sa kapangyarihan ng

pagmamahal, nagagawa ng tao ang magsakripisyo, magparaya at marami pang iba.

Pananamapalataya at Espirituwalidad ng Tao

Ayon sa UP Diksiyonaryong Filipino, ang pananampalataya ay nangangahulugan ng mga
sumusunod:
• Matibay na paniniwala sa Diyos o sa mga doktrinang pinaniniwalaan ng isang relihiyon
batay sa espirituwal na pang-unawa sa halip na katibayan;
• Sistema ng paniniwalang pang relihiyon;
• Isang taimtim na paniniwala sa teorya

Ang taong may pananampalataya ay may matibay na paniniwala kaugnay ng mga gawain,
paniniwala, at iba pa sa isang partikular na relihiyon. Dahil sa kaniyang pananampalataya ay
tinutupad niya nang taos-puso ang mga kautusan at inaasahan sa kaniyang kinabibilangang
relihiyon.

Ang espirituwalidad naman ay nangangahulugan ng debosyon o katapatan sa lahat ng bagay

na espirituwal. Ang pananampalataya at espirituwalidad ng tao ay magkabuhol. Sa pamamagitan
ng pagpapamalas nila ng matibay na pananampalataya at paglinang ng kanilang espirituwalidad
ay naipakikita ng tao ang pagmamahal niya sa Diyos.

4|Page
EDUKASYON SA PAGPAPAKATAO
Junior High School Grade 10

Pananampalataya: Tanda ng Pagmamahal sa Diyos

Ang pagmamahal sa Diyos ay pagsunod sa kaniyang mga utos. Naipakikita ang pagmamahal
at pananampalataya sa Diyos sa pamamagitan ng:

1. Pagpapairal ng kabutihan
- Ang Diyos ay mabuti at hangad niya ang kabutihan ng tao at ng lahat niyang nilikha.
Bilang mga mananampalataya, inaasahan din Niyang maging instrumento ka ng
pagpapairal ng kabutihan.
2. Pangangalaga sa kapaligiran at sa lahat ng nilikha Niya
- Bilang isang mananampalataya, tungkulin natin na pangalagaan ang lahat ng kanyang
nilikha. Nilikha Niya ito batay sa ating mga pangangailangan upang maging ganap ang
ating pag-iral.
3. Paggalang sa karapatan at pag-iral ng tao
- Ang tao ay nilikhang kawangis ng Diyos. Kawangis mo ang iyong kapuwa. Bilang
pagpapakita ng pagmamahal sa Diyos, marapat mahalin mo ang iyong kapuwa.
4. Pagsunod sa Kaniyang utos at kagustuhan
- Walang ginusto ang Diyos kundi ang kabutihan ng tao at ng lahat ng kaniyang nilikha.
Dahil dito, walang dahilan ang tao upang hindi sundin ang Kaniyang mga utos.
5. Pakikipag-ugnayan sa Kaniya sa pamamagitan ng panalangin
- Nakikipag-usap ang tao sa Diyos sa pamamagitan ng panalangin. Ito ang nag-uugnay
sa tao at Diyos. Sa pamamagitan ng panalangin ay nakapagpapasalamat tayo sa
Kanya at naibabahagi natin ang ating mga hiling, hinaing, at tiwala.
6. Paglaan ng panahon sa pananahimik at pagninilay
- Mahalagang maglaan tayo ng panahon ng pananahimik upang ating mapagnilayan at
masuri ang ating mga sarili. Ito rin ang pagkakataon upang pagmuni-munihan ang mga
ginawa, naging desisyon, at mga kilos sa partikular na sitwasyon.
7. Pagsamba
- Ang mga simbahan, mosque o anumang bahay dalanginan ay itinuturing na tahanan
ng Diyos. Sa pamamagitan ng pagsamba ay tinutupad natin ang ating tungkulin bilang
mananampalataya.
8. Pag-aaral ng salita ng Diyos
- Ang salita ng Diyos ay naka-sinsel sa mga banal na aklat. Ang pag-aaral ng salita ng
Diyos ay pagkilala sa kaniyang mga plano. Isa ito sa matibay na pundasyon ng ating
pananampalataya.
9. Paglaan ng panahon na basahin ang mga aklat kaugnay ng espirituwalidad
- Hindi lamang sa banal na aklat mababasa ang salita ng Diyos. Maraming mga
babasahin na maaring magbunyag sa atin ng salita ng Diyos.
10. Pagtuklas sa Kaniyang prisenya sa iyong buhay
- Naniniwala tayo na ang Diyos ay nariyan sa ating mga buhay. Kaagapay natin Siya sa
ating mga paghihirap; Kasama natin siya sa ating tagumpay.

5|Page
EDUKASYON SA PAGPAPAKATAO
Junior High School Grade 10

Mga Salitang Dapat Tandaan:

✓ Ang Diyos ang bukal ng kapangyarihan

✓ Ang pagmamahal o pag-ibig ang pinakadakilang damdamin sa lahat.

✓ Ang Diyos ang simula at wakas ng lahat ng bagay sa mundo.

Pakikipag-ugnay na Gawain
Ibigay ang mga argumentong inilahad ni St. Thomas Aquinas kaugnay ng pagiging buhay
at totoo ng Diyos. Magbigay ng sariling paliwanag.

MGA ARGUMENTO SARILING PALIWANAG

Paglalagom/Ebalwasyon
Paghambingin ang pananampalataya at espirituwalidad gamit ang venn diagram sa ibaba:

6|Page
EDUKASYON SA PAGPAPAKATAO
Junior High School Grade 10

Repleksyon

Nauunawaan ko na _______________________________________________________

Naniniwala ako na _______________________________________________________

Sanggunian
Para sa karagdagang kaalaman, sumangguni sa sumusunod:

• Setubal*Villafuerte Edukasyon sa Pagpapakatao-MARANGAL 10

Checked by: Noted by:

MINA G. BRIONES VON CHESTER O. CALABIA

Cluster Coordinator Principal

7|Page