Udaan

By
Kaushal Meshram

True Incident
Episode-2
Title credit ke music sath hi ese folleys chal rahe hain
jaise ki phone ke tones, pub parties ke loud music, Landline
phone ki bell, police ki siren, kuch logo ka fusfusana,
moaning ki awaz, typing ki awaz, walkie pe police wali ki
aawaz.. minister table pe rakhe bell ki awaz sath blend hote
hue scene shuru hota hai...

SCENE 1- INT MORNING OFFICE SP SMRITI

SP Smriti Kaushik apne cabin me chair pe baith kar Manoj ki

files and reports study kar rahi hai. Tabhi Smriti table par
rakhi bell bajati hai aur Ek ek karke 4 log enter karte hai,
Inspector Abha Tyagi, Sub-inspector Anjana Bhati, Head
constable Poonam Verma, Constable Devki Tanwar. Uske cabin
me aakr use sab salute karte hai. Sabko ko ek sath side se
dikhaya jata hai. Aor Smriti bhi kahde hokar unke salute ka
jawab deti hai. Sab apni apni seats lete hai, jaha sub
inspectors Anjana Bhati sofe me baith jate hai. Abha, Smriti
ke samne visitor chair me, constable alag se chair me
baithte hai aor tabhi Inspector Suresh bhi waha aa jate hai.
Inspector Suresh bhi aakar Smriti ko salute karte hai aor
unke samne chair me baith jate hai.
SMRITI
I appreciate you all joining me on
such short notice. Jaise ke aap
sabko brief mila hai, ye ek high
profile suicide case hai aor islie
maine ap sabko chuna hai, apke past
records ke basis pe.
(Vo Suresh ke taarf ishara
karti hai)
Ye Inspector Suresh Yadav hai jo us
area ke in-charge hai aor ab tak
case ko head kar rahe the, ye ab
hume apni investigation ki insights
denge aor hume help karenge local
investigation me.
Sabko dikhaya jata hai aor sab sir hilate hai, aor Smriti
continue karti hai.
SMRITI
Manoj Mehra ne 4 din pehle 21
february ki raat ko after midnight
suicide kiya, usi din subah unki
wife ne unki lash ko dekha aor
police waha gayi. Maut overdose of
sleeping pills se hui hai aor hume
pata lagana hai kyu. khair! ye sab
(MORE)
(CONTINUED)
CONTINUED: 2.

SMRITI (cont’d)
to apko pata hai, ab Suresh apko
details se go through karaenge,
Suresh?
(Vo Suresh ko dekh ke take
over karne ko kehti hai)
Suresh apni chair ko sofe ke taraf ghumata hai aor start
karta hai.
SURESH
Thankyou madam. Team, humari report
ke hisab se Manoj sham kareeb 4
baje office gaya, koi 2 ghante bad
kareeban 6 bje tak saara staff
chala jata hai, vo 12:30 tak apne
office me hi raha aor 1 baje tak
ghar aa gaya. Us rat vo guest room
me gaya, jo uski biwi ke hisab se
normal hai jab bhi vo late ata tha.
Usne khana nahi khaya, sidhe wine
aor sleeping pills liya aor uska
asar hone ka wait kiya. Subah jab 8
baje ke karib uski wife ne use
dekha to vo zameen pe pada hua tha
room me aor uske muh se jhag nikal
rahi thi. Matlab usko uneasy laga
hoga aor usne uth ke bed me jane ki
koshish ki hogi par kar nahi paya
hoga.
ANJANA BHATI
Sir, vo office me kisi se mila tha?

SURESH
Nahi humne CCTV check kiya, vo
akela tha. office se ghar ane jane
me vo bas apne driver se mila,
humne uska statement liya but wohi
same old ke hume nahi pata sahab
kya karte the, hum to bas gadi
chalate hai.
SMRITI
Tum sabne bhi apna homework kiya
hoga, case ki file ke sath, Suresh
ke brief se pehle mai apse sunna
chahti hai apke insights.
(Smriti sbako dekhte hue kehti
hai.)

(CONTINUED)
CONTINUED: 3.

ABHA TYAGI
Sare account details nikale gaye
hai, Vaise to Manoj ke sare
transactions bade hote the to kuch
kaha nahi ja sakta, but hume is
year ke sare bade transaction, uske
office aor family se tally karna
chaiye taki paise ka koi angle ho
to pata chal jaye.
Abha sabko explain karti hai aor baki log bhi involvement
lena shuru karte hai.
DEVKI TANWAR
Travel history, personal or
buisness sab track karna chaiye.

ANJANA BHATI
Suresh sir, ap logo ko ek number
mila hai na, so do you think affair
ka angle ho sakta hai?
SURESH
haa, ye number uski ex employee
Rani ke naam par registered hai.
Humne use interrogate kiya hai par
ab tak uska koi involvement samne
nahi aya hai.

SMRITI
Matlab kisi aor ne uska id use
kiya?
SURESH
Humne Rani ko rule out nahi kiya
hai, but aisa ho sakta hai. Humare
liye kaam karna bahut muskil tha,
kyuki family ka involvement, aap
sab jante hai ke zyada hai. Uske
sath hi hume kafi time laga sabse
baat karne me.
ABHA TYAGI
(baat katte hue)
To apne kis strategy se kaam kiya?

SURESH
Good question. Humne sabse pehle
murder ke family ke possibility ko
sideline kiya kyuki us angle me
bahut time waste hota aor uske sahi
hone ke chances negligible hai.

(CONTINUED)
CONTINUED: 4.

POONAM VERMA
But ho sakta hai, Kisi bahar wale
ka koi motive nahi dikh rhaa, but
ghar walo ka ho sakta hai, what
about his wife?

SMRITI
Poonam, agar ye plotted suicide hai
bhi, to suicide ke angle ko chhan
marne se hume mil jaega.

SURESH
Exactly! Agar ise simple suicide ki
tarah dekha jaye, to life me kuch
to problem hogi. To hume problem
dhundhna shuru kiya. Aor ye number
affair ki taraf ishara kar raha,
Manoj piche kuch 7 months se is
number pe bat kar raha. Ghanto tak
baat hoti thi phone pe video call
pe. Ye calls humesha past midnight
hote the. Ho sakta hai wife ko is
affair ke bare me pata chala ho aor
yehi suicide ka reason ho.
POONAM VERMA
Fr to ye koi case banta hi nahi
hai.

SMRITI
Ho sakta hai wife ne provoke kiya
ho suicide ke liye, ya girlfriend
ne. Ya koi aor angle ho, jo wife ko
pata ho ya na ho, girlfriend ko
zarur batata hoga.
SURESH
Madam, koi aor baat to hai, humne
ghar pe naukro se aor office me
staff se bahut baat ki. Kisi se
kuch khas mila nahi, aor hum jante
hai ek din me koi muh nahi kholta.
But Last kuch dino me Manoj ghar
par hi rehta tha. Infact pichle 5
dino me vo aj 21 tarikh ko pehli
bar office gaya.

SMRITI
Agar vo ghar me hi rehta tha, to
uski wife ko kuch pata kyu nahi
hai?

(CONTINUED)
CONTINUED: 5.

SURESH
Madam uski wife se bat karna bahut
muskil hai, but I believe uske pas
answers honge.

Smriti thode der sochti hai aor fr kam devide karti hai.
SMRITI
Case bahut high profile hai, Media
ka attention 100% hai, hum koi bhi
kam bina soche nahi kar sakte.
Mujhe sabse ek second round of
interrogation chaiye. Abha, tum
sabko departments devide karogi,
Mujhe ek team Manoj ke personal
aspect pe chaiye aor dusri business
pe. Suresh, Tumhari help yaha local
investigation me lagegi, humesha
Abha ke sath rahoge...
Vo nod karta hai, aor cabin ke darwazze ke taraf se zoom out
hota hai jaha vo log ab bhi discuss kar rahe hote hai.

CUT TO...

SCENE 2- INT MORNING OFFICE SMRITI

Iske baad Smriti apne office se uth kar interrogation room
me jati hai. Cabin se nikal ke use jate hue bahar Anjana
dikhti hai jo ek table me baith kar kuch logo ko interrogate
kar rahi. Smriti interrogation room pahuchti hai jaha
Anupama already baithi hui hai. Waha Devki Tanwar bhi hai jo
Smriti ko salute karti hai aor uske liye gate open karti
hai. Bahar techincal team ka ek admi hai jo system me baithe
Anupama aor Smriti ki batein record karne ke liye. Anupama
ek simple salwar suit me hoti hai, uski chehra ab bhi swell
hota hai aor ankhe thaki hui, use dekh ke samjah vo 3 din se
soyi nahi hai. Smriti uski halat notice karti hai aor sawaal
karti hai.

SMRITI
Anupama ji, thankyou aap yaha tak
ayi, I understand these are tough
times but we need your help.

ANUPAMA
Thankyou.
SMRITI
To apko kispe shaq hai?

(CONTINUED)
CONTINUED: 6.

ANUPAMA
Aapko lagta hai mere pas koi jawab
hai jo mai apko nahi de rahi?
SMRITI
Mai bas apne experience se janti hu
ke aise time me apke liye clear
mind se soch pana bahut muskil
hoga, isliye ek bar fr se puchti
hu, apko kisi pe shaq hai?

ANUPAMA
Nahi.
SMRITI
Aor aap sure hai ke ye suicide hai?
ya suicide plot kiya gaya hai?

ANUPAMA
Aor vo kon hai jo aisa karna
chahega? Aap bataiye?
SMRTITI
Kisi family member pe shaq hai
apko? ya bahar ke kisi insan pe?
ANUPAMA
Mai pehle hi bata chuki mujhe koi
clue nahi hai.

Anupama nazre jhuka kar bat kar rahi hoti hai.

SMRITI
Apka aor apke pati ka rishta kaisa
tha?

ANUPAMA
Jaisa her pati patni ka hota hai.
SMRITI
To thoda pyar thode jhagde?
ANUPAMA
Jee. keh sakte ha.
SMRITI
Apke husband guest room me kyu so
rahe the?
ANUPAMA
Jab bhi vo late ate the wahi sote
the.

(CONTINUED)
CONTINUED: 7.

SMRITI
Manoj apne baccho ke sath kaise
the?

ANUPAMA
Kya matlab kaise the? Jaisa her
baap hota hai, vo bahut pyar karte
the unse.

SMRITI
Aap dono ka koi apsi jhagda akhiri
ke dino me?
ANUPAMA
Aap kahi mujhe unke suicide ka
reason to nahi batana chah rahi?
SMRITI
Mai to sirf out of focus hue scene
ko samajhne ki kosish me hu...

Sabse sawal puchna hai mujhe, kyu

ki bahut se jawab sawal me hi chupe
hote hain... bus duty nibha rahi
hun main apni...
ANUPAMA
Jawab se jyada aap jazbaton ko
dekhiye... maine apni zindagi khoi
hai...
Smriti irritate ho jati hai par fr bhi apne aap ko shant
karke kehti hai.
SMRITI
Khair Manoj kafi dino se office
nahi ja rahe the apko idea hai kyu?

ANUPAMA
Aisa pehle bhi bahut bar hua hai,
vo multiple business chalate hai,
kai bar khud ko fresh feel karne ke
liye vo bahar bhi jate the kam
karne ke liye.

SMRITI
Okay, Vo number jispe vo bat kar
rahe the, Aapko pata hai vo kiska
number hai?

ANUPAMA
Nahi. But vo number Rani Verma ke
naam pe hai na?

(CONTINUED)
CONTINUED: 8.

SMRITI
Jo ke keh rahi use is bare me kuch
pata nahi, Vo number 16 tarikh se
band hai...
(thoda sochti hai fr kehti
hai)
Apko lagta hai Rani involve ho
sakti hai?
ANUPAMA
Involve? Matlab?

SMRITI
Matlab, uska aor Manoj ka koi
affair ho sakta hai?
ANUPAMA
Mere husband ka koi affair nahi
tha.
(Gusse me Smriti ko ghurte hue
reply deti hai)
Mujhe nahi pata vo number kiska tha
but vo business call bhi ho sakta
hai.
SMRITI
7 mahine se bas rat ko phone call
hota hai, aisa kaisa business?

ANUPAMA
to aap wahin apni duty nibhaiye...
wahi jawab dhundhiye...
CUT TO...

SCENE 3- INT/EXT MORNING HALL OR OPEN GROUND

UP me badhte rape ke wardaat par ek aam sabha par mukhya
atithi ke taur par UP ke Home Minister aane wale hain aur
kuch aur bade logo mein adhikari unhi ke party ke to bade
qaddawar neta aur 2 activist ladies, pure jagah par security
hai aur sabha me school ki students bhi hain, sabhi ko
sambodhit karti podium pe Maya hai
MAYA
Aaj humare rajya me pehle se kaafi
kam balatkar ki ghatnayein hone
lagi hai par fir bhi badi baat ye
hain ki ye ho hi kyu rahi hai aur
ise rokne ke lie humare yaha bade
adhikaari, humari mahila ayog ki
leaders aur humare mananiye Grih
(MORE)
(CONTINUED)
CONTINUED: 9.

MAYA (cont’d)
Mantri Shree. Komal Mehra ji ke
sehyog se baetiyo ko prathmik
vidyalaya se hi chahe wo sarkari
school ho ya chahe wo Niji school
ho "aatma raksha" ke lie
prashikchhan chalu karwa dena
aniwarya kiya jaye iska aadesh jari
kia gaya ha...
public ki taaliyaa bajna shuru ho jati hai aur tabhi ek
vyakti aakar Maya ji ke kan me kuch kehta hai ...
MAYA
Humare bich rajya ke Grih mantri
Mannaniya Shree Komal Mehra Saheb
aa chuke hain aur aap sabhi logo se
nivedan karti hu ki taaliyo ki
gadgadahat se hum unka aur unke
dwara betiyo ke lie uthaye gae
majboot kadam swagat kare

wahi samne se Komal Mehra pure gunmen aur security se ghire

hue stage ki taraf badh rahe hain aur taaliyon ki gadgadahat
ruk nahi rahi... bohot se log mantri ji ko raste me hi mala
arpan kar rahe hain aur kai log lo unhe chune unke pair tak
chune ke lie aage aa rahe hain bohot se log apne mobile se
tasveere aur videos bana rahe hain.. Manch me pahuchte hi
Maya ji Komal ji ko ek badi pushpon ki mala aur do mahila
aur do bade qaddawar neta unka pushp gucchon se swagat karte
hain... Maya ji bheed ko sambodhit karti hui Komal ji ko
manch par do shabd kehne ko bulati hain
MAYA
Meri gujarish rahegi Mananiya Grih
Mantri ji ki manch par aakar humari
janta ko apne do shabdon se
prafullit karein...

Maya aur pushp guccho ko table kar rakhte hain...

CUT TO...

SCENE 4- INT MORNING OFFICE MANOJ

Abha table pe rakhe pen ko uthati hui uske hath me kuch

documents hain...
ABHA
aap unke finances dekhte the, kya
aap mujhe is transaction ke bare me
bata sakte ho?

(CONTINUED)
CONTINUED: 10.

Abha Manoj ke office me baithe uske accountant se puchtach

kar rahi hoti hai. 10 din pehle Manoj ke account se 50 lakh
ke 2 transaction 2 din me lagatar hue hote hai jo paise
records ke hisab se usne khud nikale hai. Par manager bolta
hai ke ye uska personal account hai aor iske bare me vo kuch
nahi bata sakta.
ACCOUNTANT
Ye unka personal account hai. Mujhe
iske bare me nahi pata.

ABHA
Par kya kisi business deal ya
payment me ise use kiya gaya?
ACCOUNTANT
Nahi humare pas aisa koi record
nahi hai.
Fr se Abha ko dikhaya jata hai.
ABHA
Tum keh rahi vo number tumhara nahi
to tumhare adhaar card se kaise
linked hai?
Fr use samne camera jata hai to waha Accountant nahi Rani
baithi hai.

RANI
Dekhiye ye bat mai pehle police
walo ko bhi bata chuki.
ABHA
Lagta hai apko fr se dohrana
padega.
RANI
Mujhe is number ke bare me kuch
nahi pata, na hi ye ke mera id
kaise use hua. Mai Delhi me hi thi
aor mere number ke details bhi
nikale ja chuke hai.
ABHA
Haa but hume kaise pata aap apne
personal number ko khud use kar
rahi thi.
RANI
To kya mere sasural wale bhi jhuth
bole rahe?

(CONTINUED)
CONTINUED: 11.

ABHA
Manoj ameer tha, tumhara boss tha 3
saal tak, ho sakta hai tumhara usse
affair raha hoga aor tumhari shadi
ke bad uski duniya ujad gayi ho.
RANI
Meri shadi ko 6 month ho gaye hai,
Mai already apke sawalo se pareshan
hu, aisa kuch bhi nahi jaisi kahani
ap bana rahe.
(rani rone lagti hai)
Fr Abha ko dikhaya jata hai.

ABHA
Tum Manoj ke personal secretery ho,
Tum to her jageh unke sath hoti
the. Vo kuch 2 hafte pehle
Hastinapur gaye the, Tab tum unke
sath kyu nahi gaye?

Uske samne fr koi aor baitha hai.

MANOJ’S PA FEMALE
Mai unke schedule, appointment
dekhti hu, her business deal me
unke sath nahi jati, unke absence
me office me bhi rehti hu.
Abha sabse ek ek karke statement leti hai.

SCENE 4- INT MORNING OFFICE SMRITI

Poonam Verma, Manoj ke driver se puchtach karti hai jispe
driver bhi kuch khas nahi batata. Uska kam bas uski gadi
chalnaa hota hai aor use nahi pata hota ke kis kaam se ja
rahe ya kisse milne.
POONAM VERMA
Tum Manoj ko kaha kaha aor kab kab
le ke jate the? Uska koi affair
tha?

DRIVER
(Meratiya style me)
madam mai to bas unko leke jata tha
her jageh jaha vo bolte the.

Ab sahab bahut logo se milte the,

Bahut ladkiya bhi hoti thi usme ab
kisi se affair raha hoga to apne ko
nahi pata.

(CONTINUED)
CONTINUED: 12.

POONAM VERMA
Hastinapur ke lie tumne hi drive
kia tha ??
DRIVER
Hastinapur gae the... nahi to.. mai
to nahi gaya kabhi... par koi 10-15
din pehle 6-7 february ko, saheb ne
chutti di thi to main bhi apne ghar
par hi tha.

CUT TO...

SCENE 5- INT MORNING OFFICE MANOJ

Waha Manoj ke office me dusri taraf Anjana Manoj ke business
ke sare details samajh rahe hai. Manoj ka staff member unhe
sab explain kar raha hai aor jo chize unhe important lag
rahi usko vo list kar rahe hai.
ANJANA BHATI
Mujhe Manoj ke sare clients ke naam
chahiye aor unse business kab se
kab tak chala ye details bhi.
aur kuch employees mil kar uske saare details ka print de
rahe hain... Anjana bhi office ke kuch documents ko dekhne
me aur kuch khaash jaise ki wo kisi angle se is case ko
dekhti hai kuch khaas un papes me talash rahi hai ek ek
papers use laakar dikhaye aur samjhaye jaa rahe hain aur wo
bade dhyan se is baat ko samajh rahi hai...
CUT TO...

SCENE 6- INT MORNING BANGLOE MANOJ

Yaha Devki aur Suresh, Manoj ke banglow me kuch dino ke sare
CCTV footage check kar rahe hote hai guard ke sath baith ke.
Vo wapas sare naukaro se baat karte hai, guard se bat karte
hai. Ghar ko aor suicide spot ko visit karte hai. Ghar ke
sare exists and entry ko dekhte hai aor sare camera
locations ko bhi check karte hai. Vo baccho se bat karne ke
bare me bolte hai par unhe permission nahi milti. To vo Baby
sitter Riya se bat karte hai.

RIYA
Madam, mai subah 7 baje ati hu aor
sham 4 baje tak chali jati hu.

(CONTINUED)
CONTINUED: 13.

DEVKI TANWAR
Tum karti kya ho?

RIYA
distant se college ka exam de rahi.

DEVKI TANWAR
I mean yaha kya karti ho?

RIYA
Madam Gudiya ka dhyan rakhna. Mai
jab ati hu to Gudiya ko school ke
lie taiyar karti hu, use bus stand
chorna fr wapas lana 1 baje. Usko
stories sunana, kahna khilana ye
sab karti hu. Uska nap, play time.
bas.
DEVKI TANWAR
Anupama to housewife hai na vo khud
kyu nahi karti ye sab?
RIYA
Ye to mai nahi bol sakti but yaha
to madam sab chiz ke liye servant
hai, 2 cook hai, gardener hai, saaf
safai ke lie 4 log hai.
SURESH
Anupama ka kya routine hai?

RIYA
Vo subah Gudiya ko school le liye
ready karti hai mere sath, sach
pucho to baccho ko handle karna hi
apne aap me badi baat hai. Jab mai
ati hu uske bad vo breakfast kar
pati hai. Unka humesha koi same
routine nahi hai, par kabhi kitties
hoti hai, kabhi kuch aor. Week me
2-3 bar vo bahar jati hai apne
dosto ke sath aor baki time vo ghar
me hi time spend karti hai. Sabka
kaam dekhna, ghar dekhna, yehi sab.
DEVKI TANWAR
Manoj se milti thi tum?
RIYA
Haa, bat zyada interaction nahi
tha. zyadatar vo kam se bahar hote
the, vo dono sham ko hi apne baccho
ke sath zyada time spend karte the.

(CONTINUED)
CONTINUED: 14.

DEVKI TANWAR
Anupama kuch share karti hai tumse?
Ya tumne kabhi notice kiya? Manoj
aor Anupama ke bich koi recent
incidents?

RIYA
Nahi madam, mai zyadatar Gudiya ke
room ya garden me hi hoti thi,
maine sath me bhi kam hi dekha hai
dono ko.

CUT TO...

SCENE 7- INT AFTERNOON OFFICE STATE HOME MINISTER

Smriti Home minister ke office me unke cabin me baithe unse

sawal kar rahi hoti hai. Vo dono sofe pe baithe hote hai.
SMRITI
Sir aap apne bhai se last time kab
mile the?

STATE HOME MINISTER

Uski maut se karib 10 din pehle.
mai bahut busy tha lately aor mai
usse milne hi nahi jata tha. Vo
office aya tha mujse milne, usne
kaha waha se guzar raha tha to aa
gaya.
SMRITI
Kya baat hui thi aap logo me?

STATE HOME MINISTER

Kuch khas nahi. Usne mere ghar ka
haal pucha maine uska. Normally
baatein hui. Maine usse pucha vo
kisi khas kam ke lie aya hai kya
par usne naa me jawab diya.
( State home minister ne kuch
sochte hue jawaab diya)
Maine usse uske kaam ke bare me bhi
pucha aor usne kaha sab sahi hai.
SMRITI
Apko koi sign dikhe... I mean Manoj
ke sath sab normal laga ya....

(CONTINUED)
CONTINUED: 15.

STATE HOME MINISTER

Mujhe laga vo pareshan hai. Vo utna
khush nahi tha. Bar bar niche dekh
ke baat kar raha tha, Usko kuch bat
karni bhi hogi to usne ki nahi.

SMRITI
Aor koi baat iske alawa?
STATE HOME MINISTER
(Kuch sochte hue)
Mujhe uspe dhyan dena chaiye tha.
Smriti bas shant hokar use dhyan se dekh rahi hoti hai.
CUT TO...

SCENE 8- INT AFTERNOON APARTMENT MAMTA

Mamta apne bedroom me bohot deri se uthti hai aur wo bhi ek
call se jo uske mobile me Madam ke naam se save hai aur wo
ek hath se aadhe nind me call recv karti hai

MAMTA
(aadhe nin me moaning wali
awaz mein)
hanji maam !!!

MADAM (MAYA) VO
(irritation wali awaz mein)
tu ab tak so rahi hai, wo naye
business men ka kya hua jiska
contact diya tha...?
(gusse mein)
tum ladkiyo ko thodi si chhut do to
der tak parties karne lagti ho
MAMTA
(awaz sambhal kar baatein
karte hue)
aap fikra mat kariye sab thik
hai... aur kam chal raha hai... bus
aap thoda time do me fresh ho kar
call karti hu...

MADAM (MAYA) VO
hmmm...
Mamta ye sun kar call cut kar deti hai aur fir apni friend
ko call karti hai... aur uth kar window tak aati hai aur
waha niche dekhti hai to Pushkar tomar niche khada milta hai
wo use ishara kar ke upar bulati hai aur wo wave karta hua

(CONTINUED)
CONTINUED: 16.

aata hai aur Mamta palat kar irritating sa expression deti

hai aur apne gate par jati hai

MAMTA
to Pussy cat tum yaha tak bhi
pahuch gae...
PUSHKAR TOMAR
tumhare lie to gear laga kar Dilli
se Manali aur jaha bolo waha tak
bhi par abhi ke lie Merut hi accha
hai ...
aur hath me laya hua bouquet Mamta ko de kar greet karta hai
par..

PUSHKAR TOMAR
to ab kya andar bhi nahi bulaogi ?
Mamta use andar aane ka ishara karti hai has kar wellcoming
hota hai aur pussy andar aakar ghar ko niharta hai aur kehta
hai ki,
PUSHKAR TOMAR
to khubsurati madam ki abhi se esi
nahi hai means bachpan se hi tum
sundarta ka roop ho..

MAMATA
kya loge?
PUSHKAR TOMAR
tumhhari.. i mean jo tumhari pasand
ho wo le aao
MAMATA
thik hai ...

kehkar ko vo kichen me chali jati hai.

CUT TO...

SCENE 9- INT EVENING STATE HOME MINISTER BANGLOW

Smriti Komal Mehra ke banglow pe uski biwi ke sath baithi

hoti hai aor unke samne chai aor biscuit rakha hota hai.
Meena ek simple cotton saree me humesha ke tareh bahut fresh
aor shant dikh rahi hoti hai.

SMRITI
Apko lagta hai Anupama aor Manoj ki
koi apsi anban iski wajeh ho sakti
hai?

(CONTINUED)
CONTINUED: 17.

MEENA
Mai sach kahu to mujhe kuch bhi
samajh nahi aa rhaa, Manoj bahut
suljha hua insan tha vo aisa kare
ye apne aap me ek shock hai.

SMRITI
To aap manti hai kuch ho sakta hai
un dono ke bich?
MEENA
Anupama to aisa kuch bata nahi rahi
aor mai uspe bharosa karti hu.
SMRITI
Aap dono aapas me sari batein share
karti hai? Kaisa rishta hai apka
Anupama se?
MEENA
Kafi acha rishta hai, Manoj se bhi
tha. Hum roz to nahi milte par
mahine me ek bar sath me bahar
dinner zarur karte hai. Baccho se
milne mai jate rehti hu, humare
khud ke bacche nahi hai na. Ye to
kafi busy rehte hai par family ke
liye hum time nikal lete hai. Manoj
aor Anupama ek dusre se bahut pyar
karte the, love marriage thi unki,
Anupama bahut undertstanding wife
hai. Mujhe yakeen nahi usne kuch
aisa kaha ho ya kiya ho jisse Manoj
ko aisa kadam uthana pada ho.

SMRITI
Apko lagta hai Manoj ka affair iski
wajeh ho sakti hai?
MEENA
Aap sure hai vo number kisi ladki
ka...
Smriti haa me sir hilati hai.
SMRITI
Baat 90% time rat ko hoti thi, aor
ghanto tak.
Meena apna sir pakad leti hai.

(CONTINUED)
CONTINUED: 18.

SMRITI
Dekhiye Anupama se hume koi madad
nahi mil rahi, agar aap unse
puchtach me meri help kare, hum us
ladki tak pahcuh sakte hai.

Meena usi sehmati aor dukh se dekhti hai aor madad karne ke
liye hami bharti hai.
CUT TO...

SCENE 10- INT NGT OFFICE SMRITI

Us din ki puri interogation karne ke bad sham kareeb 8 baje
Smriti apne office aati hai aor waha already uski team uska
wait kar rahi hoti hai. Smriti apne chair pe baithte hue
kehti hai.
SMRITI
kya report hai?
ABHA
Office se to bahut kuch mila hai.
SMRITI
Good, sunao fr.
Tabhi Devki waha sabke liye chai leke ati hai. Table par
chai rakhti hai aor side me khadi ho jati hai. Chai uthate
hue Smriti Abha ki baat sunti hai.
ABHA
Manoj construction ka business
karta hai, government tendors. Ab
tak vo buildings ke project liye
hai but last 5 years me usne bade
tendors liye hai, Jaise streets,
roadways, bridge, waterways ke
liye. Iske alawa uske 3-4 side
businesses aor kuch investement bhi
hai.
ANJANA BHATI
Haa ye rahe uske sare clients ke
list, isme uske baki ke business
partners, investments sabki details
hai.
Anjana office se mile kuch papers Smriti ko dikhata hai.

(CONTINUED)
CONTINUED: 19.

SMRITI
Isme kuch suspicious mila?
ANJANA BHATI
List abhi hi ayi hai, mujhe sabko
study karna padega.

ABHA
Maine uske acccounts ko tally kiya,
Aor tendors bade hai but limited
hai to file tally karna bhi muskil
nahi. But uske ye sare transactions
uske business acount se hote hai.
Infact vo 2 account use karta hai
ek khud ke naam se ek company ke
naam se. Iske alawa uske 2 personal
account bhi hai jisme se ek wife
Anupama ke sath joint me hai. But
personal account me cash ka flow
kamm aor online flow zayada hai.
Pichle ek sal me uska personal
account bas ghar ke kharcho,
travels aor other chizo ke lie use
hua hai. But 9 din pehle usne apne
peronal account se 50 lakh rupess
nikale apne ek do FD tod kar, share
market investment lekar ek aor 50
lakh nikale 7 din pehle. Ye pehla
transaction usne bank jakar kiya.
Uske baad ye cash kaha gaya iska
koi account nahi hai. Ye apne aap
me bahut pareshan karne wali baat
hai.

SMRITI
Koi naya tendor ka payment ho
shayad.
ABHA
Maine sab check kiya, staff se baat
ki but is amount ke liye koi
pending payment nahi hai unka piche
6 month me.
SMRITI
hmm... interesting finding.

ABHA
Hume to office se yehi lead mili.
POONAM VERMA
Madam mera to kaam aj hi khatam ho
gaya. Kuch bada hath nahi aya kisi
(MORE)
(CONTINUED)
CONTINUED: 20.

POONAM VERMA (cont’d)

se, Bas driver ne bataya ke 2 hafte
pehle Manoj ne use chutti di aor
Hastinaour gaya khud hi. Aor affair
ki baat puchne pe bhi usne sidhe
sidhe kaha nahi ke use kuch nahi
pata.
SMRITI
Hastinapur kab gaya?
POONAM VERMA
2 hafte pehle, 2 din ke liye. 6-7
february ko.

SMRITI
Akele?
POONAM VERMA
Ye to kisi ko nahi pata.

SMRITI
Aor Abha tumne kaha paise usne 9
din pehle nikale, matlb trip ke
kareeb 4-5 din baad.
ABHA
Ye blackmail ka case ho sakta hai,
ya usne kisi ko paise diye ho, kisi
known ko.
SMRITI
Dono hi case me driver ko nahi le
jana bhi valid hai. but kuch to
milna chahiye tha uske calls se.
ANJANA BHATI
Mila na Madam, ye jo calls the, ye
ladki Rani ke number se, matlab jo
vo keh rahi uske nahi hai. Vo call
se akhri bar baat bas maut se 6 din
pehle hui thi.
SMRITI
par usse to ek do month pehle hi
baat zyada hoti thi na, police ke
hisab se.
ANJANA BHATI
ha zyada hoti thi kuch 1.5 month
pehle tak, Baki kamm ho gyi thi but
thi. matlab hafte me ek bar aisa
kuch, fr 6 din pehle jo hui uske
bad ka koi record nahi.

(CONTINUED)
CONTINUED: 21.

SMRITI
Aor tabhi se ye number band hai. To
ye to kafi clear hai.
ABHA
Par jab tak paise ka hisab nahi mil
jata hum sure nahi ho sakte.
POONAM VERMA
Uski ye trip, iske bare me hume aor
janne ki zarurat hai

SMRITI
Manoj her jageh driver le jata the
but city se bahar jane ke lie usne
driver ko chutti di. Ye koi ittefaq
nahi hai ke ye number, ye trip aor
ye paise bhi shayad connected hai.
are you sure ye ladki sach bol rahi
hai?
ABHA
Maine usko bahut pressure diya,
uske body language se bhi aisa kuch
khas nahi pata chal raha hai. Ya to
vo bahut mahir hai jhuth bolne me
ya sach bol rahi. vaise uska jo
number hai uske locations us call
wale number ke location se match
nahi karte. uska Delhi ka koi
record bhi nahi hai. To agar vo
involve hai bhi to isme aor bhi koi
hai.

SMRITI
Anupama to kuch kaam ka jawab nahi
de rahi, use lagta hai hum uske
naukar hai aor use answers hum de.
But uske halat bhi aise hai, Ya to
use sab pata hai aor affair hai
islie vo bol nahi rahi, ya vo kuch
nahi janti. Devki tumhari kya
report hai?
DEVKI TANWAR
Riya se kuch khas nahi mila, baki
ke naukaro ka bhi wahi same. Vo log
ghar me itne ghante guzarte the,
unke pas kuch zyada hoga batane ko,
par sabka wahi ghisa pita answer,
hum apna kam karte hai hume pata
nahi.

(CONTINUED)
CONTINUED: 22.

DEVKI TANWAR
Par hume CCTV se kafi kuch mila
hai.

SMRITI
Kya?
DEVKI TANWAR
Pichle 10 dino ki footage me Manoj
sirf 3-4 bar bahar gaya hai,
deatils mai apne sath layi hu.
Anupama aor Manoj to kuch mahino se
hi sath me akele kahi bahar gaye hi
nahi. Aor agar Manoj itna ghar me
rehta tha to kisi ne humse kuch
kaha kyu nahi is bare me.
SMRITI
Matlab koi muh khol ke fasna nahi
chah raha.

DEVIKA TANWAR
Ha madam, jaha ye naukar itne saalo
se kam kar rahe, kisi ne bhi ye
notice nahi kiya? Ya koi Anupama ke
darr se kuch batana nahi chah rahe?

SMRITI
To ab hume isi direction me kaam
karna hoga. Pata to chale family ko
itni obviuos baat pata kyu nahi
hai. Sab keh rahe Manoj ke sath sab
kuch normal tha. Abha! Tum Manoj ke
phone, laptop, PC, diaries, jo bhi
uska personal hai, jaha bhi hai
ghar office, sabko personally check
karogi. Apni team usme laga do. Aor
Anjana, Tum interrogation jari
rakho, kuch aor logo se milo, pata
karo vo kisse milta tha, uske dost
kon the, uska cricle kaisa tha.
Devki, dekho ke is number ka
location Hastinapur ka raha hai kya
us same dates pe? In fact us number
ke sare location nikalo. Poonam tum
ghar ke around raho, puchtach karo
aor office me bhi puchtach karo,
business partners ki list me kam
karo, mujhe kal second half me
sabse result chaiye. Agressively
approach karo, apne tarike use karo
but karo.
Smriti sabko order dekar motivate karti hai.

(CONTINUED)
CONTINUED: 23.

CUT TO...

SCENE 11- INT NGT HOTEL ROOM

Yaha ek smart phone dikhaya jata hai jispe ek ladki ka hath
hai uske perfectly manicured fair fingers dikh rahe aor
nails pe shiny pink nailpaint laga hua hai. Us screen pe ek
number dial karti hai vo aor fr apne kan me lgati hai tab
uska neck aor lips dikhte hai. 2 ring ke baad vo cut kar
deti hai, miss call karke. Ab vo ek gehri saas leti hai aor
uska face dikhaya jata hai. apna phone side me rakh kar wait
karti hai. Jab vo phone rakhti hai to dikhta hai ke bed me
baithi hai aor uske legs dikhte hai. Kaafi der tak wait
karti hai par call back nahi ata. Tabhi uska phone bajta
hai, aor dekh ke khush ho jati hai ke use wahi call back
aya. Sirf ladki ko dikhaya ja raha aor samne wale ki bs awaz
aa rahi.
SEEMA
Hello
RAVINDER SINGH SHEKHAWAT
Hello, Mujhe apke number se call
aya tha...
Seema bahut hi dhire se gehri awaz me bolti hai...
SEEMA
Mere number se? ruko mai check
karti hu.
vo thode der ka gap leke fr se kehti hai.
SEEMA
Vo maine galti se laga diya shayad,
koi aor number dial kar rahi thi, I
am really very sorry.
RAVINDER SINGH SHEKHAWAT
Oh, no problem. Vaise aap kaha se
baat kar rahi hai?
SEEMA
Mai Merut se hu. Actually mai yaha
se hu nahi, yaha rehti hu...
nevermind mai bhi kya batane lag
gayi..
RAVINDER SINGH SHEKHAWAT
Are koi baat nahi, mai bhi Merut se
hi hu.

(CONTINUED)
CONTINUED: 24.

SEEMA
Oh nice... good to hear that, I
dont know many people here..
RAVINDER SINGH SHEKHAWAT
To fr aap yaha kaise?
SEEMA
Job ke liye, mai yaha job karti
hu...

RAVINDER SINGH SHEKHAWAT

Oh! very nice, to aap originally
kaha se hai?
Aor is tarike se unki baatein lambi chalne lagti hai. Vo
kafi der tak baat karne lage aor Seema ne akhir me khush
hokar phone rakha. End me usne ek gehri saans li aor phir ek
aor call kiya. Vo us call me kafi khush hokar bat karti hai.
SEEMA
Madam, Kaam shuru ho gaya hai.

CUT TO...

SCENE 12- INT NGT APARTMENT MAMTA

Iske bad vo phone apne kaan se hatati hai tab uska hath aor
phone dikhaya jata hai but is bar nailpaint ka colour alag
hai ek dusra phone hai aor dusra hath bhi. Screen pe Seema
ka naam dikh raha hai aor vo call cut karti hai. Ye vo madam
hai jisse Seema bat kar rahi thi. Iske bad Mamta phone bed
me rakh deti hai aor uske piche se dikhaya jata hai jab vo
room me rakhe dressing table ke taraf jati hai. Vo dressing
table pe jakar baith jati hai aor lipstick apply karne lagti
hai uska lips dikhaya jata hai aor Fr smile kart hai, tabhi
uska phone ring hota hai aor vo uth ke wapas bed ke taraf
jati hai. Usne ek blue nighty pehni hai aor vo jakar apne
phone ko dekhti hai jisme kisi ka video call aa raha, Vo
phone ka screen dekhte hue apne hair set karti hai aor is
dauran uska face dikhaya jata hai aor vo phone pick karti
hai. Vo video call me kisi admi se bat karte hue apne bed me
jati hai aor usse intimate batein karne lagti hai. aur
lagatar Pushkar ke msgs use aane lagte hain Dhire dhire baat
karte karte vo moan karne karne lagti hai aor vo dono video
call sex karne lagte hai.
 25.

SCENE 13- INT AFTERNOON OFFICE MANOJ

Agle din Poonam Verma aur Suresh Yadav Manoj ke office me
uske business ke clients se puchtach kar raha hota hai.
SURESH YADAV
Aap apne contract ki file leke aye
hai?
Government ka ek admi aya hota hai jo government ke sath
road ke Manoj ke tender ko dikhata hai. Suresh vo dekhta hai
aor Poonam se kuch kaanafoosi karta hai aur palat kar sawal
karta hai.
POONAM VERMA
to ye project apne pichhle sal hi
December me khatam kia hai... aur
iska payment clear hua?
TENDER GUY SURJIT
ab sir govt. ka project hai itne
jaldi kaha bill senction hota
hai... aur ap bhi to govt ke log
hai lagega wakt isme bhi...
SURESH YADAV
(uski bat kat.te hue thode
gusse se kehta hai)
achha to govt slow kam karti hai
tumhe badi jaldi hai lagta hai
paise paane ki hainaa??
TENDER GUY SURJIT
(confidently)
sir jaldi kise nahi hoti aate laxmi
ki...
POONAM VERMA
to tumhari Manoj se kab bat hui thi
aakhiri bar...

TENDER GUY SURJIT

dekho madam esa hai ki, kaam sir
apne company se uthate hai aur
theka mujhe de dete... aur main
Manoj ji ke sath kareeban 7-8 saal
se kam kar raha hu, mujhe maloom
hain kab baat karni aur kab
nahi...aur rahi baat aakhiri bar
baat ki to wo humari baat kya main
office me hi aaya tha january me
isi ke kagaj patri jama karne...

(CONTINUED)
CONTINUED: 26.

SURESH YADAV
Surjit ! tum abhi kuch waqt tak
state ke bahar bhi jao to inform
karna...

TENDER GUY SURJIT

sir main ab tak apne jile ke bahar
nahi gaya, par ap kehte hain to
jarur bataunga hai naa... to abhi
shayad mujhe jana hoga, thik hai
poonam ji.

aur wo dono ko Namaskar karta hua chala jata hai jaate jaate
Vo Manoj ke accountant se bhi baat karta hai. aur Suresh
use notice bhi karta hai ...
CUT TO...

SCENE 14- INT DAY OFFICE SMRITI

Devki State home minister ki bhi family ko interogate kar
rahi hai. Kuch naukar bhi hote hai jinhe bulaya jata hai. Vo
servants se puchta hai ke Manoj kab ate jate the aor ghar me
kya chata tha.
NAUKAR
Sahab ka to koi time fix nahi tha
ane ka par sunday bacchi ke sath hi
hota tha. Pichle kuch dino se
sunday bhi bahar rehne lage the, ek
do bar koi business ke trip se
sunday aa nahi paye.

DEVKI TANWAR
Manoj aor Anupama ke bich baat chit
thi?
NAUKAR
madam sirf batchit hi nahi accha
ganga-jamuna ka sangam the dono...
DEVKI TANWAR
Aap waha 10 saal se kam karte hai.
NAUKAR
isi lie ye bata paa rahe hain choti
moti chillachapat to hur ghar me
hoti hai par waise dono ke bich sab
sahi hi tha...
Wahi Smriti ke hi office me Anjana, Manoj ke dosto aor
rishtedaro se batchit kar rahi hoti hai.
 27.

SCENE 15- INT DAY OFFICE SMRITI

Smriti ek chart bnati hai apne office me jaha vo sare dost
ko connect kar rahi hoti hai. Tabhi use ek knock sunayi deti
hai, vo palat kar Anupama ko dekhti hai aor andar ane ko
kehti hai. Is chart se ek angle nikal kar samne ata hai jise
Smriti Anupama ko samjhati hai aor fr sawaal karti hai.
SMRITI
Apko idea hai Manoj Hastinapur kyu
gaye the?

ANUPAMA
Business ke liye gaye the, kisi se
meeting thi.
SMRITI
Apne pucha nahi?
ANUPAMA
chidiya ghosla bhale hi ped ki daal
me banaye, par udta aasman me hi
hai...

SMRITI
accha to chidiya ne sone ke ande
diye the pata chala tha??
ANUPAMA
(kuch confusion mein)
matlab??
SMRITI
(muskurate hue Anupama ki
taraf dekh kar pause le kar)
Hume kuch concerning chize mili
hai. Is trip se ane ke 5 din baad
unhone 1 crore rupees apne personal
account se nikale, apko koi idea
hai ye kis lie hai?

ANUPAMA
Jee nahi iska mujhe idea nahi.
SMRITI
Kya vo aksar aise paise nikalte
the?
ANUPAMA
Mujhe iska idea nahi. Mera aor unka
ek joint account hai, agar paise
usse nikalte to mujhe pata hota.
But hum Vo account ghar ke baccho
(MORE)
(CONTINUED)
CONTINUED: 28.

ANUPAMA (cont’d)
ke lie use karte the. Apko kya
lagta hai, ye paise kyu nikale? Koi
unhe pareshan kar raha tha?

SMRITI
Hume iska shaq hai. jis number ke
silsile me humne apko bulaya tha
aor us ladki Rani ko bulaya tha.
Usse is paise ke transaction ke
agle din se hi contact band hai.
Unke office me bhi is paise ke bare
me kisi ko pata nahi. Ye firauti ho
sakti hai.
ANUPAMA
Par aisa kuch hota to vo mujhe
batate.
SMRITI
Ho sakta hai ye apki safety ka bhi
issue raha ho.
(Anupama thodi pareshan si ho
jati hai. Vo kuch sochti hai.)
aur utne me hi Smriti ka mobile ring hota hai aur ek unknown
number se call ata hai aur wo call utha leti hai. aur
anupama ko kehti hai ek min bol kar kamre ke ek kone me jati
hai...
SMRITI (CONT.)
haan... kon?
KUNDALI
aap sirf suniye, aaj ke mukhya
samachar... aap Manoj ke case mein
jis bhi disha me talash rahi hai
bilkul sahi hai, par merut mein
humesha ulta teer lagta hai to kafi
kareeb hain aap teer ko jhelne ke
lie tyaar rahiye ga jaldi hi kuch
aur nayi khabar ke sath upasthiti
darj karai jayegi...
phone cut hota hai aur smriti kuch samaj nahi pati aur thodi
shock ho jati hai jyada dhyan nahi deti. wapas flow me aakar
SMRITI
han to hm aapki safty me the.
ANUPAMA
Bhaisahab ko to batate vo, unhe to
batate aisa hota to.

(CONTINUED)
CONTINUED: 29.

SMRITI
(baato ko ghumate hue thoda
wakt lekar)
Nahi wo to panchi hai aasmaan me
udte hain wo kyu batayenge...
beherhaal...
Jee State home minister sahab se
milne gaye the vo aor unhe bhi vo
kuch pareshan se lag rahe the, Ghar
pe unka behavior kaisa tha?

ANUPAMA
(baato ki gehraai ko samajhte
hue)
Ghar me rehte hi kaha the, 1-2
mahine se vo zada hi busy rehte
the, ek naye deal pe kam kar rahe
the.
SMRITI
Par kuch din se to ghar me hi the.

ANUPAMA
Apne home office me hote the pure
time mujhse koi bat nahi hoti thi.
SMRITI
Koi dost ya family jise itne paiso
ki zarurt ho?
ANUPAMA
Aap humari family ko janti hai na?
State home minister hai bhaisahab
aor mera mayka bhi apne research
kar hi liya hoga.
SMRITI
Sure kiya hai, but amount bhi chota
nahi, aap cooperate karengi to
bahut help hoga.
ANUPAMA
Mai aor aisa kya bata du jo mujhe
pata hi nahi. Maine kabhi business
me dakhal nahi diya, Meri family,
bacche, friends ye sab hi bahut hai
mere liye.
SMRITI
Jee mai samjh sakti hu.

(CONTINUED)
CONTINUED: 30.

ANUPAMA
Apki shadi hui hai?
SMRITI
Talaq bhi hua hai.

ANUPAMA
Ohh, family sambhalna easy nahi
hai.
SMRITI
Apko lagta hai kuch aisa ho jo
Manoj apse chupa rahe ho?
ANUPAMA
Jaise?

SMRITI
Jaise ye paise, ya koi affair?
ANUPAMA
(haste hue)
Aapka kaam hai jawaab dhundhna,
sawaal paida karna nahi.
SMRITI
Aapke aor apke husband ke bich
relation kaisa tha?

ANUPAMA
Jaisa apke aor apke pati ke bich
nahi tha, i guess.
(smriti ko sarcastic look dete
hue)
dekhiye mere aor mere pati ke bich
sab acha tha, hum apni family me
bahut khush the. Ye jo kuch bhi hai
kuch aor hai, ho sakta hai kisi ne
unhe blackmail kiya ho, aor apko
uska pata lagana hai but affair
nahi hai.
SMRITI
Mai Samjhti hu apke liye ye time
bahut muskil hai, ek choti bachhi,
fr itne sare sawaal hai apke mann
me bhi, par hum sirf apki madad
karna chah rahe.
ANUPAMA
Aor kuch puchna hai apko?

(CONTINUED)
CONTINUED: 31.

SMRITI
Nahi abhi ke liye itna hi.
Anupama nikal kar chali jati aor Smriti apne chaart pe lag
jati hai. Smriti ko Anupama ki bato se apna shaq aor pakka
hota dikhta hai.

CUT TO...

SCENE 16- EXT/INT DAY CAFE MEERUT

Anubhav Dvivedi apni luxury car me back seat par baithe hua
hai aor call me kisi se batein kar raha hai. Uski car ek
cafe ke samne jakar rukti hai. Vo car se utarta hai aor uske
sath driver bhi. Driver use gadi ki keys dekar waha se chala
jata hai aor Dvivedi andar jakar ek table me baithta hai aor
menu dekhe bina coffee order kar ke baith jata hai. Vo apne
phone me kisi ko call karke jaldi ane ko kehta hai.
Thode der me us cafe me Mamta pahuchti hai aur waha pahuch
kar wo andar jati hai aur Dvivedi ke table ke taraf jati
hai. Jaise hi Mamta cafe me enter karti hai Dvivedi dekhta
hi reh jata hai. Usne Meerut me aisi ladki pehle nahi dekhi,
Vo kafi khusurat to hai hi, kafi modern bhi hai. Vo aakr
Dvivedi ke pas baithti hai ao 15-20 min baad Dvivedi aor
Mamta cafe se nikalte hai, vo aise behave karte hai jaise vo
dono kisi kaam se aye hai aor professionally baat kar rahe,
vo bahar nikal ke Dvivedi ki car me baith ke nikal jate hai
aur aage jate hi uski car ko overtake karte hue ek dusri car
aakar samne se rok leti hai Pushkar us car se nikal kar
samne wali car ka gate khol kar Mamta ko bahar nikalta hai
aur Mamta Dvivedi se kehti hai ek min... aur bahar aa kar
Pushkar se bat karti hai

MAMTA
tu samajh kya raha hai maine tujhse
thodi bat chit kar li ghar par aane
dia dosti kar li to tu kon ho gaya
mera sun be "Aadar wale madar"
thoda banda ban ja colege me
admission le aur padh le
PUSHKAR TOMAR
(gusse mein hanste hue)
waah meri jaan waah kya performance
hai maza aagaya filmo me try karte
hain chal na tu bombay... to beta
Gujjar hu saf saf baat karta me
reply nahi de rahi yahi puchne aya
tha par shayad tera mood thik nahi
chal mil baad me ... baaki teri
acting dekh kar dil behel gaya...

(CONTINUED)
CONTINUED: 32.

esa keh kar wo apni car me baith kar nikal jata hai aur
Mamta bhi Dvivedi ki car me jate jate ek call laga leti hai
baith kar chali jati hai
CUT TO...

SCENE 17- INT DAY OFFICE SMRITI

Smriti ke office me chai aor nashte ka intezam kiya gaya hai
aor sara staff apne apne kam me lage hue hai kyuki State
home minister sahab kabhi bhi ate honge. Smriti ne State
home minister ko request kiya ke vo uske office me aye.
Jaise hi State home minister ate hai aor unki gadi rukti hai
samne ki seat se PA Ashok nikalta hai aor piche State home
minister ke lie gate open karta hai. State home minister
humesha ki taraf kurte me ate hai apne shades nikalte hai
aor sidhe andar jate hai. Sab unhe salam thokte rehte hai
office me aor vo sidhe andar jate hai SP ke office me.
SMRITI
Jai Hind sir.

STATE HOME MINISTER

Jai Hind. Apne yaha bulaya kuch
result expect kar raha hu mai.
SMRITI
Bas result oriented discussion hai.

Vo apne chart ke taraf jati hai aor explain karna shuru

karti hai. Pura explanation sunne ke bad State home minister
dung reh jata hai. Vo thode der tak kuch kehta nahi. Fr pani
pita hai table pe rakha hua aor apni ankhe malta hai.

STATE HOME MINISTER

Are you positive about it?
SMRITI
yes, I am. mai ye 100% keh nahi
sakti ke ye suicide ka reason hoga
but ye sab mujhe blackamil hi lag
raha.
STATE HOME MINISTER
usne mujhe kyu nahi bataya.
SMRITI
Anupama ka bhi yehi kehna tha.

(CONTINUED)
CONTINUED: 33.

STATE HOME MINISTER

Anu? Anupama ko bataya apne?
SMRITI
Aj subah hi bulaya tha, I don’t
mean to be rude but vo cooperate
nahi kar rahi.
STATE HOME MINISTER
Vo abhi shock me hai. Hum sab shock
me hai par uska tarika thoda alag
hai.
SMRITI
Aap sabke bich sab thik hai? I just
want to make sure family ke bich
koi issue na ho.

STATE HOME MINISTER

I want to assure ke humare family
me aisa kuch nahi hai, Anupama aor
Manoj se mai kam milta tha par hum
bahut close hai. Jaha tak mujhe
pata hai, Anupama Manoj ke
pareshani ki wajeh nahi ho sakti.
SMRITI
sure. but mai ise rule out nahi kar
rahi. But on this angle, apko kisi
pe shaq hai.
STATE HOME MINISTER
Apne mere lie pucha hota to mai
bahut naam gina deta, but Manoj, vo
politics se bahut dur hai, uska
business me mera ya politics ka koi
invovlment nahi hai, aor uski khud
ki kabhi kisi se aisi anban nahi
rahi.

SMRITI
To family ke pas blackmail ka koi
suspect nahi hai?
STATE HOME MINISTER
I am afraid, nahi.

SMRITI
In that case, I am suspecting an
extra marital affair.

(CONTINUED)
CONTINUED: 34.

STATE HOME MINISTER

SP sahiba, ye bahut serious
allegation hai, I hope aap soch
samjh ke bol rahi.

SMRITI
7 mahino se bat ho rahi is number
pe, ye pure blackmail hi hai. Maine
already sare personal devices check
karne ke order de die hai.

STATE HOME MINISTER

Mujhse kya support chaiye apko?
SMRITI
Ye baat bahar gayi to media pagal
ho jaegi apko pata hai, islie
Anupama aor apko bataya hai bs, I
insist ap ye kisi se discuss na
kare.
STATE HOME MINISTER
fair, aor?

SMRITI
Manoj aor Anupama bahut close the,
sab naukro se pata chala kuch
mahino se chize sahi nahi hai ya
Manoj busy hai. Mujhe chahiye ap
btaye agar kuch aisa hai jo Anupama
hume nahi bata rahi.
STATE HOME MINISTER
Apko Anupama pe shaq hai?

SMRITI
Apko nahi hai.
STATE HOME MINISTER
(kuch sochte hue)
nahi.
CUT TO...

SCENE 18- INT DAY ROAD TO DEHRADUN

 35.

Dvivedi aor Mamta ka body language change ho gaya hai car

me. Dvivedi Mamta ke thigh pe hath rakhta hai aor Mamta bhi
use dekh ke smile karti hai. Vo usse bar bar chu chu kar
baatein karta hai aur Mamta ke pero par hath ferta hai,
Mamta bhi uske sath puri cozy ho rahi hai aur dono car se
city ke bahar nikal gaye hai.
CUT TO...

SCENE 19- INT DAY OFFICE MANOJ

Yaha Abha Manoj ke office me record room me baithe CCTV
footage dekh rahi, vo dekhna chah rahi ke usse milne kon kon
aya aor sath me vo uske staff se sabki identity bhi confirm
kar raha hai. Poonam uski madad kar rahi hai.
CUT TO...

SCENE 20- INT DAY OFFICE SMRITI

Anjana office me baitha Manoj ke ghar ke samne ke CCTV

footage dekh rahi aor uske ane jane ka time note kar raha.
Vo sath hi Anupama ke bhi activity pe nazar rakh raha. Bahut
puchtach se use milta hai ke Anupama aor Manoj khas batchit
nahi kar rahe the. Vo naukaro ko bhi cross check karti hai.

CUT TO...

SCENE 21- EXT/INT DAY BANK MANOJ

Abha us bank me jati hai jaha Manoj ka personal account hai

aor Bank manager se jakar milti hai. Vo gadi se utarkar bank
ke andar reception me bat karke andar manager ke room me
jati hai aor usse hath mila kar baith jati hai.

CUT TO...

SCENE 22- EXT/INT EVENING FARM HOUSE DEHRADUN

Mamta aor Dvivedi balcony me baithe drinks pi rahe hote hai.
Sham ka sunset woods ke view ko aor romantic bana deta hai.
Sunhare asmaan ke niche baithe jab dono ek dusre se batein
kar rahe hote hai aor aise lagta hai kafi ache couple hai
vo.
MAMTA
To manna padega, Mujhe sachme nahi
laga tha Mr. Anubhav Dvivedi ke aap
mere liye Delhi se Meerut tak
aaenge.

(CONTINUED)
CONTINUED: 36.

Dvivedi uske samne se uth kar uske bagal me jakar baith jata
hai.
ANUBHAV DVIVEDI
Tumhe shaq tha mere irado pe?

MAMTA
Nahi, par mai kabhi kisi aise insan
se mili nahi, Mai ek simple se
ladki hu mere zyadatar dost job
karte hai. Mujhe nahi pata tum neta
log kaise hote ho.
(Aor ek teasing si smile karti
hai, dono hasne lagte hai)
DVIVEDI
Mere sath rahogi to sab pata chal
jaega.
(Ye kehkar vo Mamta ke hairs
sawarne lagta hai)
MAMTA
To tum karte kya ho? I mean mujhe
to koi idea nahi.
DVIVEDI
Kabhi le chalunga mai tumhe, sab
dikhaunga. Bahut kam hote hai,
bahut jageh jana hota hai, party ke
liye.
MAMTA
Mujhe minister bana do, sare deals
ek bar me ho jaenge.
(aor hasti hai)
DVIVEDI
Tumhe kam karne ki kya zarurat, tum
to bas khush raho aor khush karo.

Mamta smile karti hai aor dono pine lagte hai.

CUT TO...

SCENE 23- INT EVENING SMRITI OFFICE

Smriti ke pas Abha aor Anjana ate hai apni apni report leke
aor usse andar ane ko permission mangte hai. Smriti nod kar
ke permission deti hai fr puchti hai.

(CONTINUED)
CONTINUED: 37.

SMRITI
Abha tumhe kuch mila office se?

ABHA TYAGI
Haa, Manoj vaise bahut sare
locations pe jata tha to find out
karna muskil tha but office me ane
wale logo ka number limited hai aor
usme se ek tha Vinay Appu.

SMRITI
Vinay Appu?
ABHA TYAGI
Ye ek local gangster hai madam,
Tranport ke dhande me hai aor
illegal saman ke transport karta
hai. Vo Manoj se maut ke kuch 4 din
pehle mila tha. Aate waqt bhi vo
samaan leke aya tha jate waqt bhi
kuch saman leke gaya.

SMRITI
To staff ka kya kehna hai?
ABHA TYAGI
Vinay Manoj ke liye kaam nahi karta
tha.
SMRITI
Matlab Vinay ek naya player hai,
isko dhundh ke nikalo.

ABHA TYAGI
Madam ek aor baat, ye Vinay Maya
Jaiswal ke liye kam karta hai.
SMRITI
Vo social worker?
ABHA TYAGI
Ha, uske Minister sahab aor unki
family se kafi ache relation hai.

SMRITI
Pehle Vinay ko dhundho fr unse bhi
bat karte hai. Aor Anjana?
ANJANA BHATI
Madam husband wife ke bich baatchit
ekdum na ke barabar thi, family
outings bhi do hafte se nahi hui.
Aor ek jhagda bhi hua tha bada.

(CONTINUED)
CONTINUED: 38.

SMRITI
Interesting, kab?
ANJANA BHATI
kareeb ek month pehle, naukaro ke
hisab se room me the dono fr Manoj
kafi gusse me bahar gaye.
SMRITI
Mujhe Anupama pe pehle se doubt hai
ke kuch chupa rahi,

Smriti ke pas reports chor ke vo dono chale jate hai.

CUT TO...

SCENE 24- INT EVENING FARM HOUSE DEHRADUN

Yaha Mamta bedroom me hai aor usko ek call ata hai aor vo
bat karne lagti hai.

MAMTA
Kya bat kar rahi ho?
(thode der shant rehti hai)
Nahi jo kam shuru kiya hai usko
khatam karo, par iske bad mere
orders ka wait karna.

Tabhi whaa dvivedi ata hai. Aor Mamta ache se sab kam karne
ko kehkar call cut kar deti hai.
DVIVEDI
Kisko order diye ja rahe bahi.
(Aor vo bed me baith jata hai)
Kafi workholic ho.
MAMTA
Aise hi nahi hota Spa ka kam, bahut
mehnat lagti hai.

DVIVEDI
Mujhe kaise pata kitni mehnat lagti
hai.
Mamta phone side table me rakh kar Bed me baith jati hai aor
Dvivedi ke piche jakar use back massage dene lagti hai.
Dvivedi ekdum relax ho jata hai aor thode der me kehta hai.
DVIVEDI
Yar manna padega, tum sirf Spa
chalati nahi tumhe pura kam bhi ata
hai.

(CONTINUED)
CONTINUED: 39.

MAMTA
To kaisa lag raha hai?
DVIVEDI
relaxed, lagta hai tumse her rat
milna padega.

Ye kehkar vo Mamta ka hath pakad kar usko samne lata hai aor
dono kiss karne lagte hai aor intimate hone lagte hai.
CUT TO...

SCENE 25- INT NGT OFFICE SMRITI

Smriti time dekhti hai kafi late ho gaya hai, aor sign off
karne ko ready hoti hai, vo sari files band karti hai aor
hawaldar ko bulati hai. Par hawaldar ke jageh Abha office me
enter karti hai vo na permission na kuch kuch sidhe enter
karke Bolne lag jata hai.
ABHA TYAGI
madam apko ye dekhna pdega.

SMRITI
Ha dekhungi par tum bina puche
ghuse chale aa rahi ho. baat kya
hai.

ABHA TYAGI
Is case ka climax.
Suresh Smriti ko laptop me ek footage dikhata hai.
ABHA TYAGI
Ye humne Manoj ke mobile
ke recover kiya hai, kuch 10 din
pehle ka hai maut ke.
Footage kafi samne se hota hai aor Manoj ka head dikh rha
hota hai. Soon Smriti realise karti hai ke ye ek sex tape
hai. Voice muted hoti hai but Manoj ka chehra saaf dikh raha
hota hai aor vo khushi se top me hota hai aor video me jo
camera ke samne upar dikh raha aor niche koi ladki hai aor
vo sex kar rahe. Sirf Manoj dikh raha aor vo pura nude hai.
Smriti dekh ke hairaan ho jati hai.

CUT TO...
 40.

SCENE 26- INT NGT FARMHOUSE DEHRADUN

Usi tarah ke same shot me Dvivedi dikhta hai aor vo bhi
khush dikhta hai, nude hota hai aor sex kar raha hota hai
aor fr niche Mamta ka shot dikhata hai.

FREEZE...
End credit starts with the name of Director and the next
plate of writers name... pictorial flashes ke sath chal rahe
hai background me suspense music hai aur bohot saare related
folley’s as mentioned in the main credits...
DIP TO BLACK...