Pasasalamat sa ating mga bagong bayani ng mga OFW’s
Sa ating mga OFW na isa sa mga kinikilalang bayani,hinahangaan po naming kayong
lahat. Mga bagong bayani,mga pilipinong mas pinili ang makipagsapalaran sa ibang bansa upang ihango sa kahirapan ang kani-kanilang mga pamilya pati na ang ekonomiya ng sariling bansa. Kadahilanan sa mga ofw na nilisan ang pilipinas at nagdesisyon na mangibang bansa ay sa kadahilanang ang desisyong ito ay kinakailangang gawin, hindi dahil ang desisyong ito ay kagustuhan nilang gawin. Ang kanilang pagpapagod at pakikipagsapalaran sa ibayong dagat ay hindi lamang pakinabang sa kanilang mga pamilya kundi maging sa ating bansa. Hindi biro ang mamuhay na malayo sa pamilya, ang mamuhay nang mag -isa para mabigyan ng maayos na buhay ang kaniyang naiwang pamilya dito sa pilipinas. Mga hirap na dinanas nila sa tuwing sila’y nagkakasakit, walang mag-aalga sa kanila at hindi pa sila pwedeng huminto og magpahinga sa kanilang ginagawa. Ilan taon nilang di alintana ang pagod at hirap. Pinipilit ngumiti sa gitna ng pagkukunwaring masaya sila. Haharapin ang lahat maiahon lang ang pamilya sa hirap at magkaroon ng magandang kalagayan ang kanilang pamilya. Ang ofw ay tunay ngang bayani sapagkat sila ay sumusulong sa isang labanan na ang sandata ay tanging luha. Ang tanging lakas nila ay nagmumula sa pamilya. Pahalagahan ang bawat sentimo na pinapadala ng ating mga ofw. Pahalagahn ang sakripisyo at paghihirap nila para maibigay ang ating pangangailangan. Dahil ang tanging hangad ng isang ofw na nakikipasapalaran sa ibang bansa ay ang kaginhawaan ng kanilang pamilya. Sa bawat paglayo ng ofw, nawa’y hindi ito masayang,upang matupad din ang pangarap ng bawat minamahal nito sa buhay. Hiling ko para sa ating mga bayaning ofw, sana dumating ang araw na wala ng dapat mangibang bansa upang wala ng luha na tutulo dahil sa lungkot na dahilang malayo sa pamilya, wala ng magsasakripisyo na lumayo sa pamilya para mabigyan ng magandang buhay ang kanilang pamilya. Sana malapit na ang araw na inaasam-asam ng bawat pilipinong nasa ibang bansa at mga pamilyang naiwan sa pilipinas na takam SA MULING PAGKIkita NG kanilang pamilyang malayo sa kanila. Saludo ako sa ating mga kababayan na nasa ibang bansa.