Para sa mga Matatanda

Awit: Pag-aalay ng Puso

Joe Nero - Nemy Que, SJ

Minsan lamang ako daraan sa daigdig na ito.

Kaya anuman ang mabuting maa'ring gawin ko ngayon.
O anumang kabutihan ang maari kong ipadama?
Itulot ninyong magawa ko ngayon ang mga bagay na 'to.

Koro:
Nawa'y h'wag ko 'tong ipagliban o ipagwalang-bahala,
Sapagkat 'di na 'ko muling daraan sa ganitong mga landas

Commentator: Pakinggan natin ang habilin para sa matatanda.

PAGBASA MULA SA AKLAT NG KAWIKAAN (23:22-25)

ANG SALITA NG DIYOS MULA SA AKLAT NG KAWIKAAN

Pakinggan mo ang iyong ama na pinagkakautangan mo ng buhay, at huwag hahamakin

ang iyong ina kapag siya'y matanda na.

Hanapin mo ang katotohanan, karunungan at unawa. Pahalagahan mo ang mga ito at

huwag pababayaang mawala.

Ang ama ng taong matuwid ay puno ng kagalakan. Ipinagmamalaki ng ama ang anak

na matalino.

Sikapin mong ikaw ay maging karapat-dapat ipagmalaki ng iyong mga magulang at

madudulutan mo ng kaligayahan ang iyong ina.

Ang Salita ng Diyos.

Lahat: Salamat sa Diyos.

1
PAGHAHANDOG AT PANALANGIN PARA SA ATING MGA
MATATANDA

Panginoon, itinatagubilin po namin ang lahat ng matatanda sa aming Parokya.

Alalahanin Mo po sila, na aming mga matatanda, mga lolo at lola ng tahanan. Ngayong
sila'y nasa takipsilim na ng buhay, sa pagdidilim ng kanilang mata at isipan, ibuhos Mo
sa kanila ang liwanag ng saya, ng pagmamahal, ng pag-aaruga ng kanilang mga mahal
sa buhay. Patawarin mo po nawa sila sa kanilang mga kasalanan at pagkukulang. At sa
pagdating ng Iyong pagtawag Mo sa kanila patungo sa Iyo, ay kaligayahan nilang
walang hanggan sa Piling Mo. Amen.

1 Ama Namin, 1 Aba Ginoong Maria, 1 Luwalhati

( Ibababasbas ang Santisimo)

Awit: Pag-aalay ng Puso

Minsan lamang ako daraan sa daigdig na ito.

Kaya anuman ang mabuting maa'ring gawin ko ngayon.
O anumang kabutihan ang maari kong ipadama?
Itulot ninyong magawa ko ngayon ang mga bagay na 'to.

Koro:
Nawa'y h'wag ko 'tong ipagliban o ipagwalang-bahala,
Sapagkat 'di na 'ko muling daraan sa ganitong mga landas