Sampung barangay sa bayan ng Atimonan at Calauag, Quezon ang binisita ng Department of Agriculture

IV-CALABARZON (DA-4A) Regulatory Division noong Pebrero 22-23, 2023.

Ito ay upang tingnan ang implementasyon ng Biosecurity sa mga pasilidad ng mga magbababoy na
naapektuhan ng African Swine Fever (ASF).

Bahagi ito ng pagpoprosesong maiangat ang lagay ng dalawang bayan sa ASF Zoning Status ng Bureau of
Animal Industry (BAI) mula sa Red Zone (infected zone) patungong Pink Zone (buffer zone) kung saan
magreresulta ito ng mas maluwag na restriksyon para sa mga magbababoy.

Kasama sa aktibidad ang mga kawani mula sa Provincial Veterinary Office (PVO) at lokal na pamahalaan.