Ti Biget ay isa anak aalta a nakataan ti Sierra Madre. Ti kana ay nakataan nu
isadut a bili nu wagot. Kausil na tutidemana atta tutignana, atta tusangay aatulangna. Isadalam te Biget ay munlangad tiddi nu gilid nubelena linawayna a mottampa ilangit, mottalang tu bulan, maadu a biton. Tu ulop ay pukna na kaliskis na ikan ti odesay ay palatandean a maadu a maalap a palaekan na sinag na udma. Pinumali- pali nanulos nu wagot nangalap na agema na ipain nubiwas taanon makalap nu Iget. Kinaumabakan moagep anay bangun ti Biget. Inalap na tu buslo ako lagyan na pain na inumakang din siya paangay ti kalakakan. Habe siya a tisabang ay nakaylaway siya na pun-no betag. Mopeya kahinog a betay. Aged na nilapsang tu betag taintimabalon siya nu pung –ngekanan. Mong-ngeta siya na isa solog a Pun-ekanan. Inusil tu gilid nu aluskitidenuanayon ki tiddi unolun na aketiddi maadu a pongngikanan maalap a iget Inanumay ni Biget tu parrain na ipombiwas. Inumalap siya tainlage na nutage. Inumalap siya tainlage na nutage. Linumangad din siya nu untik-alilim nu pun-nu uuntik a agid . Intulabak nu disalad nuwagot. Tinumuk aged Ti Biget. Pakoddemdemon na moppeya nuki kung kalatnutage. Pagmasden na tutamse nu biwas at tupatukbe. Kakane hanga guyat nutinumandog tu patukbe. Tikanaau na Nangilat Yadey aged kinumalat din nu pain Aged na niyutud nu patukbe ay ah mudalmot aguydun Tupatukbe. Tinalanan na ipaangguyod na, hanga guyyat hanga iget inalap na. Muttola sakit ti Biget usweltin tiyak Ti odes a sinag ni Biget tu luluwag n ani Biget in pagpag nu patukbe . Tikanaay muttola dimo pa ni kalap na tianga igeT, ‘’ maadu pa eekakaylan ta uwan siya nay sesek. Nakalap pa siya na Iget naluluayan pa at nagdimulagen pa nadimulagen. Muttola – mutlola ti Biget la naadu naalap na a iget . “ Pambi hede asinag Te odes na tamaadu naalap na iget kalena. Tiyak tu dinalap ko anim a hang apala iget. Intunad tu pala tawid a biwas tu pangalap ng Iget dikanapa ang gayak a paule. Pinagkoddong-kodong na isadut alanut tu pala iget. Intudok nu ki asang ni ikat u tohogen ni ikan tu lanut a ginawa tuhogen upang mataknay tu ikan. Ti kana ay inumakang a pauli a tawid na tu nalap na iget. Inumakang paditong nu adini ni beledi nu kinumulawit ti Biget a sinabi Panlautin niyo a Maadu nalap ko a pala iget. Tikana ay motoa sakit “ Inay tigna palawin yo imaadu nalap ko”. Ay betet tu hangaen iget, o sabin mutignana, peho matula, to ti di mamo, atto at tolang mo. Ita emod ta ipakalto ta anon kikanon kitam, na de kitan o mabakan. Maggeleng a inolasan natignana tona dacup na a iget, enalatna tu sundang ta anonna naulasan. Ginamit na to kinayas a kawayan, tinudukan na to isa-isa. “ Biget gayamod to totidemam taanon mandutong no apoy”, ta anon maisangap tanudin to nadacap mo iget. Haledin tigna inagay din ni Biget to tedemana. Ti demac oggewuyan cayud noti denac, taman dutong cayud no apoy” , haledin anak ko, tagaanyayac din tinma Tamoggeleng ngan anandutong no apoy to tedemana. Biget sabi mo nutignamo asaydidin to apoy a pabacaltuan no iget. Haledin tedemac taginawa yan dangan ni Biget to tegnana. Mudpola a inisangop notignana altotedemana, to pala iget tenuducan no kawayan. Habe uttanun ni Biget, amalto, to isinangop a iget, nangipeya pamo siya napela lungos tiddi noblede. Tinumaled ipila minuto anal to ding to inisangop a iget ya di naynad tanaltodin to inisangop a iget um mubbangi tamppeya. Anak ko guweyan mud to tam attulangang mo, tanaltoding to omobacan tamutos nu tedemana. Haledin tedemac tagewayang kud to attulong co Kaliw, Delepos, Diaggo ilogcayod ta mamangaan kitamdin. Moggeleng, adinumane to adtulong na tiddi no pon manganan, kausil nad to tedemana atto tignana, madtolosid apenamann e saloan de to iget a inisangop. Anak ko Biget salamat ta nabul kami to tiddi nodimakop mo a iget, ay apu suwerti kami akebukan, nakaimayamo, wan mande ke antuman tidemak. Madtola, anompontawa, tu bu a mag-anak.