I V

. GakMaa gas ge aaR Ganok'davak, Gahsak'neh 17, 1846.

Degaisdoagoh 11.
“ Neil, nonah dahsafhaak nek asa awik'sek nek nonah ah-
sandak asa'yakda'nonak; nek nonah ahseh asawa nak'sek.
46 Nesakah ne gai'wihsakoh, yontchisdodah'gwak ; nekkuh
ne gayaneshah, deyiuhhatheh; nekkuh nonda'detgehakdanih
na'yagukriigoh'dahet nekhuh heyuthai'nehsokne yohhekoweh.
Oyadokshadogahdikgeh tgawanagwah nekhooweh, ne Pro¬
verbs 6: 22, 23.

THE MENTAL ELEVATOR.

Cattaraugus Reservation, November 17, 1846.
Number 11.

44 When thou goes!, it shall lead thee ; when thou : deepest,

shall keep thee ; and when thou awakest, it shall talk with thee.
44 For the commandment is a lamp ; and the law is light; and
reproofs of instruction are the way of life.”—Proverbs vi: 22,23.

^Printed at the Mission Press.')

 90

(Tjr3 O riailisaya'gwah'sa wah da ya gwais'do aak na'wanah

ra'wenni yuh* neh sho gwa'o wi no'ya'dos hah'geh ne ga*
ya'dos hi yu. Da neh ne'wah andwa'dye ent he'niyu wa'na ge
thoyadohine James, shayah'daad he'ni a'nan di nah ne de-
o'wan dyah'da dok ne Cha ga'o he dirs, neh neh' ha go'ya do'»
ni neJews nan'di yah'doh dah.
NE GAYA'DOSHIH NEH T;HO YA'D;QE

NE] JAMES.1.

or WAH I.

James' no'hc^'hah Na'wenni'yuh, kuh Na yah'dagwen-

ni'yuh Je sus Christ, ne wirs'ha delnni'ska eh " no'no'anja ge
gwah th'ah de'o non do'gwah, hah'de a go no'nyoh.
2. De dwa'danondeh, ahswe'heaak o gwe'goh jih oh"ni go'~
i yus deh no nah' neh huh' ah swa'yah don'da het nah'de yoh
ne gah'ni go et gent hah ;
3. A swa i'yan de'i ak na ga, a swah'ni’go'ak do ok he o well
ni swai'wa gwen ni yus'doh awadyuh'daat nae'swah'ni go-
a'ni yo'ok.
4. Neh dih' sho' he ni gai'yuh dir.s'yuh dah ne gah'ni go a'-
ni yoh tgagont' agai'wayeih, he na'yuh da'ak na'eswai'-
wayeis do'ok, tah ah kuh deh tah'gwas dah to'sa yu'i wa ek he
swa yah'da deh; a'gaak' deh tah'gwis dah deh dih'swa noh'oh.
5. Da neh dih, dya gwah sogaah he'niswa'di ant ho'dok-
da'riiak ne gall ni'goh dirs'hah ho'do'esyoh'gwah Na'wen ni'-
vuh, neh ska a noh' sho ha go'ya wis ga gwe'goh' nogweh,
tah ah kuh deh sha'go i'wa yent hah, neh kuh nah'de ga gont'
ant ha'oh. ^
6. Neh' dih na'ado'e syok a ai'wa'gwen ni yus'thaak, neh
na'ga ak dah'dc'oh ni'go an does ; neh' sah'ah ne deoh'ni go'-
an do os neh de'sga ya'on da ah nodoh'aah he ga nyiu'daeh,
o do'wi adyiehs', o dando nyah'do on dyiehs' kuh *ne gaa'hah.’
7. Neh dih gai'o nih sanoh a-ah'ni go'a |ak no'ogweh,[ne
de oh'hi go'an dons,] neh na o'yahdo went agwa'nahot neh
ne ho'gwa na dwelt' het ha yah'da deh Na yah'da gwen ni'yuh.
8. Neh neh de ah'nigo'ondenyos no'o gweh, tah ah deh-
o'ni yoh'hehs ga gwe goh he ni oh'ni go'a was.
9. Ne ne de swa'da non deh ne'ehdah'geh ni yuh'dah ha-
yah'd.i deh. hadoh'ha ah he' neh het gah showa'yo ni ;
10 Neh gw a' no'.ot ga'no ni he neh ne'ehdah'geh sho-
wa'yo. ni, neh gai’o nih chah'dayawah neh a wa'ont no ga'-
oh I' h hah'de ga gont' a a ant,
 91

11. Neh sail ah ga'wen ni yuli.' sho pant ga&h'gwit gant

naan'dekhaah nodaah'gwa nya'as, onali oil ga'da ge'eh no-
ge'ohjah ; neli kuh nawa'oh ohwah'sant; neh kuh heni-
yuya'osdos'yuhdas oh gai'wah'doht: neh huh kuh liaeh'-
gwah naayahda'ge eh not'ga'no ni no'o gweh lie o well nio'-
da dyah'da geh'hah doh.
12. Ho da'oh lie' o'gweh, na oh'ni go'a ni yo'ok no nah'
ho wah'ni go'da gwirs ; neh sahah, ga'wen ni yuh'sho ayu'-
yan det het heh do gas' neh huh'jih he ni oh'hoh dah, o nah
ao'yahdowent ne gah'hi gwa no oh ne yohheh'oweh neh'-
nah oh'dah ah sha go i'wis ah'seh Na yah'dagwen ni'yuh na-
ya'go yah'do went ne son dih gwa'nah ot no'wa no'oh gwah.
13. No nah ho wah'ni go'da gwirs no'o gweh, sa noli a an'-
dQ ok, hak ni'go da gwirs Na'wen ni'yuh ; neh sah'ah, nah'-
de wa et'gah sha ge deh o'gwe nyooh gah'ni go'da gwat'hah
a'o doohs Na'wen ni'yuh ; tah'ah kuh deh'so gaah deh sha-
guh'ni'go da gwirs.
14. Neh gwa' nah de yo'gweh da ge, neh gas wa oh'ni'go-
da gwat no nah gas da o'yah da'dye ent huh, wa o'dah ni'aah
neh nah oh'dah ah ne gano'es na'ohwah' ho yah'da goh [wa-
et'gah ne yeh'ne goon' dah goh.]
15. Da neh' naeh non da'deh no'shirs, ga'wen niyuh' sho
a ga na'oh het, o'nah oh wa'deh dos ne .gai'wa neh'ak shah ;
neh kuh ne gai'wa neh'ak shah, ga'wen niyuh'sho odo'dyah,
o nah oh wa'deh dos ne ga'e yaht.
16. Sanoh a swa'yah hik, dedwa'dah no'oh gwah de dwa'-
da non deh.
17. Nah'deyoh ne wiyu ne de ga'yah do'weh doh, neh
kuh nah'de yoh nede ga'yah do'weh doh'o well ne'et ga'gwa
dya weh'dah goh, neh huh dyu ya'gah oh liet'ha yah'da deh
No'wah'nih ne de yuh'hat he'no nyoh, neh ne tah ah' dah-
de'ahdenyos, tah ah kuh haeh gwah deli o'gwe nyooh ne-
yiu'i wirs thoh a'adaguh, neh na'watga'is no'da o nos'hah.
18 Ha'o hwah'tho noh'dos oh sho gwa'deh doh odyaah'-
dah goh na'wa nah ne gai'wa gwen ni'yuh, neh nih a'ga ak
do'sa ga ya'on daak ne dyu dye'ah cloh ho non'deh do'nyoh, he-
ni yoh ho dya nok'dah oh.
19. Neh gai'o nih, de dwa'dah no'oh gwah de dwa'da non deh,
hah'de yo gweh'da ge a'yont hon'deh ji'wa ak ossno'weh, os-
ha yah naeh a yis'nyieh syioh, ayoshaya'ak dayon'de-
nyah'dok.
20. Neh sah ah no'gweh go nah'gw as hah tah ah deh o'-
i oh'deh goh no'i'wi yus'dos hah Na'wen ni'yuh.
21. Neh gai'o nih wakah' swahis'dook gagwe'goh no-
neh'wa'at iga, kuh no doh'hon doh nah'de wa et'gas ha ge,
 92

ae swah'ni go a'ni das'do ok e swa'yah do went no"wa nail ga-

yen'thoh' ni yuh'dah swan nyah'sagob, neh iga o'gwe'-
nyoli naja'ohhet ne swat wais'hah shoh'oh.
22. Da neli' dih e swai'wa ye'isdok nowanah, a'ga ak
deli neli' sho tae'swa di'wat hon'da sek, a'ga ak ta'eswada-
dah'ni goh'hah da'ni ak.
23. Neh sah'ah dya gwah' so gaah' a an'di wat'hon da sek'
gas no wa.'nah, a ga'ak deli ai'waye'isthah', ne shah'de yuh-
dah'sho' kuh no'o gweh non da'dat gat'hwat halt otgat'hwas-
yot ne de'a da'de ga'neli he ni a'goh soh'dah.
24. Neh sah'ah ne ha da'de ga'yan daht, waah'dandih o'-
yahjih hosa'eh onah' agwors' o gon'da dyieh da oh'ni go halt
he'ni a'yah doh'dah.
25. Neh. dih son'dih gwa'nah ot da an'dyah do wet, a ah'ni-
go'a yan daht he ni ga'ya nes'yuh dah ne tgai'wayeih gaya'-
nes ha'gwen ni'yuh ne yon da'dwen ni'yuh het hah [he o weh
ne gai'wa neh'ak shah,] dyut gont' na ai'wa ye'is thaak' kuh,
he ni ga'ya nes'yuh dah, neh hoi ga' o'gweh tali ah deh oh'ni-
go'has na'a di wathon'daas neh gwa', ne do gas' neh huh' ni-
a'ye hah he ni gai'oh dirs'yuh das [neh he'ni ga'ya nes'ha ye-
ah,] neh. hoiga' o'gweh tga gont'a an da'oh het he'oweh
neh neh huh' ni a'ya noli'dah.
26. Neh neh dya'gwah so gaah' he'ni swadi ayah' ah
ho i'wiyus'doh ha i'wa'aas' ah ne gai'wi yus'dirk, neh gwa
naeh ne tah'ah de o'goh so da'hoh no ah'noh sah'geh, neh
dili' sho a oh'ni goh'hah dah na'o hwah ha wen'nyah sah geh
neh hoiga' o gweh no i'wi yus'dos hah tah ah deh tah'gwis-
dah tao'disdah.
27. Ne gai'wi yus'dirk, ne do gas wiyu, tah ah kuh deh-
tahgwisdah' degayes'doh na'waet'gent he de a'ga neh Na'-
wen ni'yuh ne She dwah'nih, neh' ne gah na ga, neh na'-
o di'yoh se'aak ne goyes'hahoh neh kuh ne go nahgwayes'-
hahsyioh no nah ha dih'ni go'a et gas : neh kuh nega'o-
hwan' aya'goda'datga'a ok neh tah ah daa'go dyah'gwaas'ooh
neh nohda'eh niyu dye'ah ne yu an'jali geh.

GAi NAH 33. 11s.

The Backsliders Renewed of Covenant with God.

1
Is neh Sgwa'wen ni'yuh, o nah' heh se gat
A gwah'si aah, na ja'gwa da di wis irs
Na'ya gwai'wa ye'is neh sgwai'wis ah'seh,
He na ya'gyoh lii'so ok ne yuanjak geh.
2
Wak'a gwai'wa gon'dvk nis hell syak da deli
A gwa'yak dak'shok, kuh no gwat'wais'hak'shok ;
Gagwe'goh gwa' na gwe gas ik o gwa'wah,
Is ga gwe'goh a sgai'wa yan dah'go ok.
3
A yo'gw'irs deis do'ok di sak'ni gook dak,
Ta'ya gwai'wa dyiant huh gai'wa nek'ak shak ;
A ya'gwat hon'da sek ne sai'wih sak'hok ;
Is aji'sa wa'ga ak ha gyoh'henvok.
V 4
Is on'da sat'gak' ne sat wais'hi'yus hak,
I)a gwa'noh het nik no gwak'ni go ak'geh :
Dagwa'ye na'waks' nek na'ya gwai'wa yeis
He'ni gai'wa yan dah'goh so gwek'dak shok.
5
Nek no nah' ha ya gwah'si akk heh chikdyok
Ne dwa nis'yo wa'n ah, O, nek da gwa as,
Ga ok' non da sweh,' is, nok swai'wa'ye'is
Das swa yeh' he gik'dyok gya neh goh swa dyak.

GAA NAH 34. L. M.

Remember now thy Creator in the days of thy Youth

1
Ah'soh ne'wak sni go'ak seeh,
He sas'haak'sek Yawenni'yuk ;
Nek sa yak'do wah'seh sak ah
Nek sho na ji'sah sah'se aak.
2
-Satgat'huh noi'wa nek'a goh ;
We suk' no i'wa nek'ak shak ;
Nek'naeh nek huh' ha o'yak dent
Heo well Ede dyu'doh ho ga'nyakt.
3
Oeh'dak a swa dok na'yak'dak,
Hot wais'hak da wan'dok ho gaik ;
De o'nokdayak ne wi yu :
Nek'sho Nams'he o'nak geh.
 94

4
Go wah'go wa, Is gos ha'nis,
Da gi'Q nyah he gyah'da deh,
Neh nagat'waih aswah'dan dih,
Isoh' noh'ni go'i yus deh.
James Young.

CUA NAH 36. C. M.'& L. M.

[C.M. Howard : Car. Sac."p.l02. L.M. Frenor : p.56.]

The Backslider s\Confession and Prayer.

1. (C.M.)
O neh teh'genni’nan'dokhaak
Neh he ni yu'neh'waat
Nagi'wa neh'ak shah hegwa
Na yah'da gwen ni'yuh !
2. (L. M.)
Ho'da'ni’daoh ; dya'wah oh;
No'da'ni da'os hah| a gwirs'
Syi'gwa we'ah nigah'ses, naeh
He'ni gah'ses de yiuh'hat heh.
3. (C.M.)
Da neh nae nih, he neh suhjih
Agi'waneh'agoh,
No'nah'gvvah shah^hek^noh'an deh
De o'da no'ya nit.
4. (L. M.)
Do gas sah ah he yat'gah wah,
A gi'wa joh noh gi'wls aah';
We ah gwah huh oh ga'do wih
No'twais'hah5 he'ni gyah'da deh.
51: (C. M.)
Don da'sah get, sat wais'hi yu ;
Don'da gi'wah sa guh ;
O! a'ga ak' deh sgat'gah wa§.h !
A'gaak' deh a'gie yooh !
6. (L. M.)
Do gas ih gai wa yan'dah goh
He'ni yoh' oh gi'wa neh'aak ;
Neh huh' nae a'sgi da'ga ak',
Je sus ant ho'i wah'ga ak.
 95

GAl NAH 35. 8s & 7s. 6 lines.

“ ,
Gently Lord Oh gently lead usP

1
Syan ni yu, Syah'da gwen ni yuh,
Nell nis as gwa na'chi neh,
Ne yuan'jahgeh agyoh'heh;
Da gyoh' sa da'ni daos hall.
Is a sgwa'ye na'wall se'aak,
He'nisa da'nikla oh.
2
O gwa'yah do was wa et gah,
Ti ga'wen ni yuh' dwet hall,
Je sus tab. ah ta'sho gwat gah;
Neh gwa' sho na sho'gyoh het.
Neh dyui'wah he sa'da no'thus
Ne 'Chaga'o he'da neh.
3
Ah'soh sah'ni goa et'gant hah.
Hah'de yoh ne yuan'jah geh ;
Ha yan neh go h h a j ih'sa*ah,
Het'hah dyoh Na'wen ni yuh ;
Neh dyui'wali he sa'da no'thus
Ne Chaga'o he'daneh.
4
O neh dae'ahsaohiyoh'gwaak,
Ne do'w^ah sa o'nyoh gwah,
Dyutgont' ho wan’dano'dani,
Nadi'o yah'ge o noh ;
Ho ni'da oh ; neh f dih shah gaat
Da sha gwaah'saVnyo ok.
James Young.

A gwai'wa ok hah gas neh i yah, neh tah ah ngo

deh gai'wa ya'os doh na'gai'wa'ni ya dah ne ga noh'gwah ;
agweh, neh noo gai'o nih ne tah ah deh a'guh ni'go a-
yan dahs he'ni gai'yuh'dah. Da neh' dih ne'eh dah ge'gwa ga-
ya'nohdoh, o'gwenyooh na ye'i. wa noh'sa hak he'ni sra'wa-
noh'dah naas'nyiet nai'wa'niyaathah no nah' neh huh' nent-
hai'wa'ni yaat; da o nah' a'ya guh'ni go'a yan daht he ni gai'¬
yuh'dah neh neh wah e'i wis'irs no nah' mya'go nyaak ; neh
kuh, a’dih gwah ga ya'os doh, tah ah, gih shah ; kuh haeh'-
 96

gwah, a'dih gwali ohgai'wa ye ill‘ he'nit hoh'nl gooh'dah' Na'¬

wen ni'yuh he'o well neh nah o'i oh'dah. Ga'wen ni'yuh' she
11a a'ni nan dok nai'wa'ni yaah thah, neh neh tall ah deh tali-

gwisdah dah ae'yu di'yah hih'doh onah aas'nyiet, aalj.,

“De jidat; nell kuh deja'da dis'oh daah ne ji yan neh go'gwa*
Is ne gall ne seji'noh onah nell os he'yafr da guh
ne hoiga oshes'ohda wak'hoh, nedanja'diak negaya'nes-
hah'ges hoh. O nah oh si'wis aah hedea'ganeh Na'wen ni'-
yull kuh na ga ha nih'dyoh ha di'wa gwai'ih sos oil sih dya-
wall oh a ke no'oh gwaak, ak he'yns de Is, de wan doh kuh ta'ke-
yat'ga ok noyall ne ye'oh he'ni yuo well' hah. da jo gik'hah-
sih ne ga'e yaht.
Onah is ne'syi'oh neh wae'syah da gull ne hoi ga neehsis'-
oh da'wak hoh ne syan'neh go'gwa ne dan ja'dials, ne ga ya-
nes hah'geh shoh, onah oh si'wis aah he de a'ga neh Na'wen-.
ni'yuh kuh naga ha nih'dyoh ha di'wa gwai'ih sos, oh sih
dya'wah oh a e no'oh gwaak, a e'yors de is a e'yat hon dek, de-
wan doh kuh ta'e yat'ga ok no yah na'ji noli he'ni yu o weh
hah da jo gik'hah sih ne ga'e yaht.
O nan dih' ih gih he ji'nyaak' jadat yioh oh wa'doh neh huh
non'da weh' he nio'ya nes'yuh dah Na'wen ni'yuh : neh dih Na->
wenni'yuh shanih'waat hosyonih sa noli so gaah no.gweh
daje'i wait.”

Goda'oh, ne shon'dih gwa'nah ot naye'i wa ye'is naga

wah e'i wis'aah. Ho iii'da oh no'ano an'johdah, ga'a gwa'-
q weh nahga'an joh'dah, he'o weh ne gan dyiuh'gwa gwe'-
goh ha di'wa ye'is thah neh nah oh'dah ah.
Do noo' ni wah'nyah'es-yooh' ne'wah na'yo gweh'da'ge-
noh' na no'gweh o weh, neh teh'a'wah o'noh gagwe'goh
na'a nos de'is do'nah na'an di'wa ye'is do noh neh nah o'i oh'-,
dah he'nah o'nis het, he'ni yuo weh' naga ne'wah neh huh
hega'awis? Dogas' gaya'csdoh nae'dweh he'aak, hahde-.
yu doll hoh ni' go wa nah Na'wen ni yuh. Tgai'wa ye'ih, o-
da'nida'oh gwali huh he'ni ga'ya nes'ha ye'ah neh' sho gwa-
ya nes'yo nih.
Ha doh Na wen ni'yuh, Sa noh de she'yah dah'gwah.1'’—
Ha'doh ne Cha ga'o he drvs, -‘neh gwa noh gw a'as, son dih-
gwa'nah ot ant sha'go yah'da ga daat ne'yioh, na ga'ak neh
dehoiwah na'o wa'yah don dill ha'o hwah' tho i'vvah naya'go-
yah'hik ; neh kuh neh son dih gwa'nah ot as ho'di nyaak' ne
de ja'go dek'hah so, neh haeh'gwah noh tha'yah dirk.”