Ky Standard Ndërkombëtar për Shërbimet e Ndërlidhura (ISRS) merret me përgjegjësitë e

kontabilistit kur angazhohet për të ndihmuar menaxhimin me përgatitjen dhe paraqitjen e

informacionit financiar historik pa marrë asnjë siguri për atë informacion dhe për të raportuar për
angazhimin në përputhje me këtë ISRS.

Kjo ISRS zbatohet për angazhimet e përpilimit të informacionit financiar historik. Standarti
mund të zbatohet,të përshtatet sipas nevojës, për angazhimet e përpilimit për informacion
financiar të ndryshëm nga informacioni financiar historik, dhe për angazhimet e përpilimit për
informacionin jofinanciar.

Menaxhimi mund të kërkojë nga një kontabilist profesionist në praktikën publike që të ndihmojë
në përgatitjen dhe paraqitjen e informacionit financiar të një njësie ekonomike. Vlera e një
angazhimi përpilimi të kryer në përputhje me këtë ISRS për përdoruesit e informacionit financiar
rezulton nga aplikimi i ekspertizës profesionale të specialistit në kontabilitet dhe raportim
financiar dhe pajtueshmëria me standardet profesionale, duke përfshirë kërkesat përkatëse etike,
dhe komunikimin e qartë të natyrës dhe shtrirja e përfshirjes së praktikantit me informacionin
financiar të përpiluar.

Meqenëse një angazhim përpilimi nuk është një angazhim sigurie, një angazhim përpilimi nuk
kërkon që praktikuesi të verifikojë saktësinë ose plotësinë e informacionit të dhënë nga
menaxhimi për përmbledhjen, ose ndryshe të mbledhë prova për të shprehur një opinion
auditimi ose një përfundim rishikimi për përgatitjen e informacionit financiar.

Menaxhimi mban përgjegjësinë për informacionin financiar dhe bazën mbi të cilën është
përgatitur dhe paraqitur. Kjo përgjegjësi përfshin zbatimin nga menaxhimi i gjykimit të kërkuar
për përgatitjen dhe paraqitjen e informacionit financiar, duke përfshirë përzgjedhjen dhe
zbatimin e politikave të përshtatshme kontabël dhe, kur është e nevojshme, zhvillimin e
vlerësimeve të arsyeshme kontabël.

Kjo ISRS nuk imponon përgjegjësi mbi menaxhimin ose mbi ato që janë të ngarkuar me
qeverisjen, ose nuk anulon ligjet dhe rregulloret që rregullojnë përgjegjësitë e tyre. Një angazhim
i kryer në përputhje me këtë ISRS kryhet me premisën që menaxhimi kanë rënë dakord për disa
përgjegjësi që janë thelbësore për kryerjen e angazhimit të përpilimit. Informacioni financiar që
është objekt i një angazhimi përpilimi mund të kërkohet për qëllime të ndryshme.

Dy janë objektivat kyçe të këtij standarti:

1) Zbaton ekspertizën e kontabilitetit dhe raportimit financiar për të ndihmuar menaxhimin në

përgatitjen dhe paraqitjen e informacionit financiar në përputhje me një kornizë të zbatueshme të
raportimit financiar bazuar në informacionin e dhënë nga drejtimi,

2) Raporton në përputhje me kërkesat e kësaj ISRS.