CHAWNGKHUM DAN TLANG HUAT LOH CHANCHIN THAR

 Aizawl Chhim Presbytery Inkhawmpui, Thakthing Veng Kohhran Biak Ina neih zawh takah
Kulikawn Vengthlang Kohhran Zaipawl ten tha takin hla an rem thei a, member 63 lai in hla an
rem a, Zaipawl enkawltute an lawmin hla rem zawng zawngte chungah lawmthu an sawi a,
Zaipawl hla zir leh hla rem lehzel na turah member la tel ngai chiahlo tepawh inthlahrung hauh
lova tel zel turin an sawm nghal bawk ani.

 October Ni 23 zan hian Kulikawn Vengthlang KTP Inkhawm ah Synod Choir night an hmang dawn
a, member te pawh an phur tawh hle niin thu kan dawng, hemi chungchang hi kan reporter
chuan belchiang in kan Branch atanga tel Nl.Hmingteii chu a kawm a, An inbuatsaih dan te zawt
in Nl.Hmingtei chuan nasa taka an inbuatsaih thu leh, hla 7 vel tal chu sak an tum thu a sawi a,
hemi bakah hian Special Item pawh nei tel turin kan zir mek ani tiin kan palai zawhna a chhang.

 November Ni 13 Thawhtan zan KTP Inkhawm ah Ramthar North Branch ten Kulikawn Vengthlang
Branch an tlawh dawn a, inbuatsaihna pawh nasa takin a kal chho mek a ni. Inkhawm ah hian
Pu.Robert Lalduhzuala(Leader,Ramthar North) Super Trio member ni bawk chuan thu a sawi
dawn a, Inkhawm ban ah hian Fellowship ropui tak neih tum niin Branch 2 te atangin Special
Item hmuhnawm tak tak mit leh beng ti tlai tur a awm dawn a, Refreshment tui takin a tawp
khar ala ni cheu dawn niin thu kan dawng

 Mi tu tih hriat lohin Dawr khar sak

October Ni 13 zirtawp zan khan mi tu tih hriat lohin Tv. Joseph Vanlaldina te dawr a
kharsak a, dawr neitute an hrilh hai in mak an ti hle ,kan thu dawn na chuan zan pawh an muhil
tha theilo niin a sawi. Dawr khar sak tu hi tun thlengin tunge a nih hriat ala nilo.

 Biak In sak lai mek ah mithiam rawn ani

Kulikawn Vengthlang Presbyterian Kohhran Biak In sak lai mek ah mithiam rawn a ni a,
Biak In sak zawh nan hian Brick leh balu hman la ngai tur zat te zawh niin a bengvarthlak in kan
hlawkpui hle a ni. Tunah kan reporter leh kan mithiam inkawmna ilo thlir ho ang u.

 Presbytery Inkhawmpui kan hman zawh tak a Hla copy chanloh vanga buai em em Tv.Rocky
Lalnunsiama chu Hla copy frame hlan a ni.

 Bial Masihi Sangati Praise Team te zingah ‘Ka Kha Ga’ thiamlo an tam hle, sawichhuak thei pawh
an awmlo niin thu kan dawng, Vai tawng thiam chhun te pawh hian in “Bhaia tih leh He” tih
chauh an hria niin an sawi, he thil hi thil serious tak niin a lang a, Bial Masihi Sangati hruaitute
chuan Praise Team te hi hla zir lova Spoken Hindi class kal phawt turin thurawn an pe a ni.

 Girls’ group thangduang tak Kulikawn Vengthlang Church Dolls (KVCD) te chu an lar chak hle a,
Branch Committee te ai pawhin member te ah an tla na zawk niin anmahnin an sawi,
chutihrualin Kulikawn Vengthlang Church Dolls te hi an zai lova an lam heklo mahse Inkhawm
ban a Reels video tawi tete siam paha thingpui in ho an ching a, tisa leh thlarau takin an chak
phah hle a,Church Dolls leader Mawitei nimahse Zuitei chuan,”Member te nghet tura member
te hneh hi an pawl dinchhan a ni” tiin kan palai a hrilh.
  Kulikawn Vengthlang huam chhungah Mizo Beauty Pageant thlan a ni a, Vun Glow ber Top 3
thlanchhuah niin an tha theh thawh hlawm hle, kan Top 3 te lo thlir ho dawn ila :-

1). Tv. Israel Lalremruata “Is-a chuan hetia alo glow up chhan hi a zep tlat a, zep tlat
mahse kan thudawn nain a sawi danin khaw thim hnuah zan lamah sunscreen a
inhnawih uluk hle thin bakah inbual nan rose water ngat a hmang thin niin a sawi.
2). Tv. Laldanmawia “ Dantea hian khaw thim hnua pawn a chhuah apianga nihliap a
khum ziah thu leh a eng lam zawng chauha thil a thlir tlat thin vang niin a sawi a, inbual
nan pawh distilled water hlir a hmang thin”
3). Tv.Hrangthankima “ Hranghranga hian hetia alo ngo vak chhan chu nula kawng kal a
thlir nasat vang leh inbualna atana filter tui hlir a hman thin thu a sawi.”

Mizo Beauty Pageant Vun Glow thlan chungchang hi fairlo ti tam tak an awm a, chung
zinga Top 3 lan in beisei lang ve ta silo te zinga lungawilo langsar zualte chu :-
1). Pu.Vanlalsiama
2). Pu.Zoramthanga
3). Pu. Reuben Lalremruata
Anni 3 hian inthurualin lungawilohna an thehlut hial a, Mizo Beauty Pageant Top 3 a lang
ve tur hian Sawmtea music video an en nasat thu leh an nupui te thu pawh an awih viau thu an sawi, chu
mai bakah heng top 3 a langte aia an glow lohna bik an hrelo.

 Khawvel Magazine lar ber pawl VOGUE Magazine Cover ah Kulikawn Vengthlang model
chhuanvawr 2 Miss Asangi leh Miss Siamtei te hman an ni a, hetiang mi sial kan nei hi kan lawm
in kan chhuang em em ani.

 Kohhran Zaipawl chhungah chi inthliarna a hluar mek niin thu kan dawng, hemi chungchangah
hian Kohhran Zaipawl Bass te chuan lungawilohna thu ziakin Zaipawl Director hnenah lehkha an
thehlut a, Conductor te chuan Hmeichhia te chu duhsak bikin, a hranin hla te an zirpui thin a,
bass leh tenor mipa ho te chu pawnah chhuah tirin anmahni in an zirtir a ngaihsak zui an hlawh
lo hle a, anlo luh leha an thiamloh chuan anlo hau leh hrep mai thin a, kut te thlak in Pu.Henry a
phei chu hla thar a vawi 1 rawn zir naah an vaw hial ani, hetih lai hian hmeichhe thiamlo te chu
an hrelo der leh daih thung niin thu kan dawng. Hemi chungchangah hian Director Pu.Chawia
pawh a rilru a hah thar hle a, kan palai ten an kawmna ilo thlir ho ang u……….hemi boruak
chungchangah hian Pu.Chawia chuan hlim taka Mizo lama lam ho mai hi a chinfelna ni berin a
hria, kan palai pawh he lam hian a hneh hle ani.

 Relationship Sub-Committee din ani.

Branch chhungah inngaizawng an tam theih nan Relationship Sub Committee din a ni a,
Chairman ah Tv.Lalrintluanga Ngente (Oppa Tluang Kook-a) ruat niin Secretary atan
Tv.Lalhungliana (Hungbia) te ruat an ni. Vengchhung ah hian thalai single an tam hle a,
inngaizawng phei chu an tlem hle, a inngaizawng chhun te pawh hi an nghetlo hle niin thu kan
dawng a. Oppa Tluang Kook a chuan kan palai zawhnate chhangin Relationship Sub Committee
din anih hnu hian nasa takin hma kan sawn niin a sawi a, heng inngaizawngte inkarah hian
kungfu pawh a hluar hle a, induhna lantir nan an hmang thar nasa hle niin thu kan dawng
 vengchhungah induh tak tak an pung nasa a, inthup zo tawh lovin thla te an la dun nasa hlawm
hle a, an thlalak te pawh hi a leakout nasa hle niin thu kan dawng.

 Tunlai hian Biak Inah muthlu an tam thei hle

Kan thudawn na in a sawi danin tunlai hian inkhawmna ah, a bikin thalai muthlu kan pung
nasa hle a, tawngtaia muthlu tlang ban hlain a kaihthawh chauh te an awm nual nia hriat a ni,
heta nasa taka muthlu an pun chhan hi mutchhuah vang te, In lama mut khamloh vang te leh ni
la vui zo lova than vak vang anih thu kan dawng, hemi chungchangah hian engtia hmalaka han
bawhzui chi nge tih chungchangah Branch Asst.Leader Tv.Lalnghakmawia chu kawm ani a,
hetiang hian kan palai zawhna a chhang…..