॥ രുദ്രപ്രശ്നഃ ॥

ശ്രീ രുദ്രം ലഘുന്യാസമ്

സ॒ദ്യോജാ॒തം പ്ര॑പദ്യാ॒മി॒ സ॒ദ്യോജാ॒തായ॒ വൈ നമോ॒ നമഃ॑ । ഭ॒വേ ഭ॑വേ॒
നാതി॑ഭവേ ഭവസ്വ॒ മാമ് । ഭ॒വോദ്ഭ॑വായ॒ നമഃ॑ ॥
വാ॒മ॒ദേ॒വായ॒ നമോ ജ്യേ॒ഷ്ഠായ॒ നമഃ॑ ശ്രേ॒ഷ്ഠായ॒ നമോ॑ രു॒ദ്രായ॒ നമഃ॒
കാലാ॑യ॒ നമഃ॒ കല॑വികരണായ॒ നമോ॒ ബല॑വികരണായ॒ നമോ॒ ബലാ॑യ॒
നമോ॒ ബല॑പ്രമഥനായ॒ നമഃ॒ സര്വ॑ഭൂതദമനായ॒ നമോ॑ മ॒നോന്മ॑നായ॒ നമഃ॑ ॥
അ॒ഘോരേഭ്യോഽഥ॒ ഘോരേഭ്യോ॒ ഘോര॒ഘോര॑തരേഭ്യഃ ।
സര്വേഭ്യഃ സര്വ॒ ശര്വേഭ്യോ॒ നമ॑സ്തേ അസ്തു രു॒ദ്രരൂ॑പേഭ്യഃ
തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി । തന്നോ॑ രുദ്രഃ
പ്രചോ॒ദയാത് ॥
ഈശാനഃ സര്വ॑വിദ്യാ॒നാ॒- മീശ്വരഃ സര്വ॑ഭൂതാ॒നാം॒ ബ്രഹ്മാധി॑പതി॒-
ര്ബ്രഹ്മ॒ണോഽധി॑പതി॒-ര്ബ്രഹ്മാ॑ ശി॒വോ മേ॑ അസ്തു സദാശി॒വോമ്
നമോ ഹിരണ്യബാഹവേ ഹിരണ്യവര്ണായ ഹിരണ്യരൂപായ
ഹിരണ്യപതയേ ഽബിംകാപതയ ഉമാപതയേ പശുപതയേ॑ നമോ॒ നമഃ
ഓം അഥാത്മാനഗ്മ് ശിവാത്മാനഗ് ശ്രീ രുദ്രരൂപം ധ്യായേത് ॥
ശുദ്ധസ്ഫടിക സംകാശം ത്രിനേത്രം പംച വക്ത്രകമ് ।
ഗംഗാധരം ദശഭുജം സര്വാഭരണ ഭൂഷിതമ് ॥
നീലഗ്രീവം ശശാംകാംകം നാഗ യജ്ഞോപ വീതിനമ് ।
വ്യാഘ്ര ചര്മോത്തരീയം ച വരേണ്യമഭയ പ്രദമ് ॥
കമംഡല്-വക്ഷ സൂത്രാണാം ധാരിണം ശൂലപാണിനമ് ।
ജ്വലംതം പിംഗലജടാ ശിഖാ മുദ്ദ്യോത ധാരിണമ് ॥

വൃഷ സ്കംധ സമാരൂഢം ഉമാ ദേഹാര്ഥ ധാരിണമ് ।

അമൃതേനാപ്ലുതം ശാംതം ദിവ്യഭോഗ സമന്വിതമ് ॥

ദിഗ്ദേവതാ സമായുക്തം സുരാസുര നമസ്കൃതമ് ।

നിത്യം ച ശാശ്വതം ശുദ്ധം ധ്രുവ-മക്ഷര-മവ്യയമ് ।
സര്വ വ്യാപിന-മീശാനം രുദ്രം-വൈഁ വിശ്വരൂപിണമ് ।
ഏവം ധ്യാത്വാ ദ്വിജഃ സമ്യക് തതോ യജനമാരഭേത് ॥

അഥാതോ രുദ്ര സ്നാനാര്ചനാഭിഷേക വിധിം-വ്യാഁക്ഷ്യാസ്യാമഃ । ആദിത

ഏവ തീര്ഥേ സ്നാത്വാ ഉദേത്യ ശുചിഃ പ്രയതോ ബ്രഹ്മചാരീ ശുക്ലവാസാ
ദേവാഭിമുഖഃ സ്ഥിത്വാ ആത്മനി ദേവതാഃ സ്ഥാപയേത് ॥

1
പ്രജനനേ ബ്രഹ്മാ തിഷ്ഠതു । പാദയോ-ര്വിഷ്ണുസ്തിഷ്ഠതു । ഹസ്തയോ-
ര്ഹരസ്തിഷ്ഠതു । ബാഹ്വോരിംദ്രസ്തിഷ്ടതു । ജഠരേഽഅഗ്നിസ്തിഷ്ഠതു ।
ഹൃദ॑യേ ശിവസ്തിഷ്ഠതു । കംഠേ വസവസ്തിഷ്ഠംതു । വക്ത്രേ
സരസ്വതീ തിഷ്ഠതു । നാസികയോ-ര്വായുസ്തിഷ്ഠതു । നയനയോ-
ശ്ചംദ്രാദിത്യൌ തിഷ്ടേതാമ് । കര്ണയോരശ്വിനൌ തിഷ്ടേതാമ് । ലലാടേ
രുദ്രാസ്തിഷ്ഠംതു । മൂര്ഥ്ന്യാദിത്യാസ്തിഷ്ഠംതു । ശിരസി
മഹാദേവസ്തിഷ്ഠതു । ശിഖായാം-വാഁമദേവാസ്തിഷ്ഠതു । പൃഷ്ഠേ പിനാകീ
തിഷ്ഠതു । പുരതഃ ശൂലീ തിഷ്ഠതു । പാര്ശ്വയോഃ ശിവാശംകരൌ
തിഷ്ഠേതാമ് । സര്വതോ വായുസ്തിഷ്ഠതു । തതോ ബഹിഃ സര്വതോഽഗ്നി-
ര്ജ്വാലാമാലാ-പരിവൃതസ്തിഷ്ഠതു । സര്വേഷ്വംഗേഷു സര്വാ ദേവതാ
യഥാസ്ഥാനം തിഷ്ഠംതു । മാഗ്മ് രക്ഷംതു ।

അ॒ഗ്നിര്മേ॑ വാ॒ചി ശ്രി॒തഃ । വാഘൃദ॑യേ । ഹൃദ॑യം॒ മയി॑ । അ॒ഹമ॒മൃതേ ।

അ॒മൃതം॒ ബ്രഹ്മ॑ണി ।
വാ॒യുര്മേ പ്രാ॒ണേ ശ്രി॒തഃ । പ്രാ॒ണോ ഹൃദ॑യേ । ഹൃദ॑യം॒ മയി॑ ।
അ॒ഹമ॒മൃതേ । അ॒മൃതം॒ ബ്രഹ്മ॑ണി ।
സൂര്യോ॑ മേ॒ ചക്ഷുഷി ശ്രി॒തഃ । ചക്ഷു॒ര്ഹൃദ॑യേ । ഹൃദ॑യം॒ മയി॑ ।
അ॒ഹമ॒മൃതേ । അ॒മൃതം॒ ബ്രഹ്മ॑ണി ।
ചം॒ദ്രമാ॑ മേ॒ മന॑സി ശ്രി॒തഃ । മനോ॒ ഹൃദ॑യേ । ഹൃദ॑യം॒ മയി॑ । അ॒ഹമ॒മൃതേ
। അ॒മൃതം॒ ബ്രഹ്മ॑ണി ।
ദിശോ॑ മേ॒ ശ്രോത്രേ ശ്രി॒താഃ । ശ്രോത്ര॒ഗ്മ്॒ ഹൃദ॑യേ । ഹൃദ॑യം॒ മയി॑ ।
അ॒ഹമ॒മൃതേ । അ॒മൃതം॒ ബ്രഹ്മ॑ണി ।
ആപോമേ॒ രേതസി ശ്രി॒താഃ । രേതോ ഹൃദ॑യേ । ഹൃദ॑യം॒ മയി॑ ।
അ॒ഹമ॒മൃതേ । അ॒മൃതം॒ ബ്രഹ്മ॑ണി ।
പൃ॒ഥി॒വീ മേ॒ ശരീ॑രേ ശ്രി॒താ । ശരീ॑ര॒ഗ്മ്॒ ഹൃദ॑യേ । ഹൃദ॑യം॒ മയി॑ ।
അ॒ഹമ॒മൃതേ । അ॒മൃതം॒ ബ്രഹ്മ॑ണി ।
ഓ॒ഷ॒ധി॒ വ॒ന॒സ്പതയോ॑ മേ॒ ലോമ॑സു ശ്രി॒താഃ । ലോമാ॑നി॒ ഹൃദ॑യേ ।
ഹൃദ॑യം॒ മയി॑ । അ॒ഹമ॒മൃതേ । അ॒മൃതം॒ ബ്രഹ്മ॑ണി ।
ഇംദ്രോ॑ മേ॒ ബലേ ശ്രി॒തഃ । ബല॒ഗ്മ്॒ ഹൃദ॑യേ । ഹൃദ॑യം॒ മയി॑ ।
അ॒ഹമ॒മൃതേ । അ॒മൃതം॒ ബ്രഹ്മ॑ണി ।
പ॒ര്ജന്യോ॑ മേ॒ മൂ॒ര്ദ്നി ശ്രി॒തഃ । മൂ॒ര്ധാ ഹൃദ॑യേ । ഹൃദ॑യം॒ മയി॑ ।
അ॒ഹമ॒മൃതേ । അ॒മൃതം॒ ബ്രഹ്മ॑ണി ।
ഈശാ॑നോ മേ॒ മ॒ന്യൌ ശ്രി॒തഃ । മ॒ന്യുര്ഹൃദ॑യേ । ഹൃദ॑യം॒ മയി॑ ।
അ॒ഹമ॒മൃതേ । അ॒മൃതം॒ ബ്രഹ്മ॑ണി ।

2
ആ॒ത്മാ മ॑ ആ॒ത്മനി॑ ശ്രി॒തഃ । ആ॒ത്മാ ഹൃദ॑യേ । ഹൃദ॑യം॒ മയി॑ ।
അ॒ഹമ॒മൃതേ । അ॒മൃതം॒ ബ്രഹ്മ॑ണി ।
പുന॑ര്മ ആ॒ത്മാ പുന॒രായു॒ രാഗാത് । പുനഃ॑ പ്രാ॒ണഃ പുന॒രാകൂ॑ത॒മാഗാത് ।
വൈ॒ശ്വാ॒ന॒രോ ര॒ശ്മിഭി॑ര്വാവൃധാ॒നഃ । അം॒തസ്തി॑ഷ്ഠ॒ത്വമൃത॑സ്യ ഗോ॒പാഃ
॥

അസ്യ ശ്രീ രുദ്രാധ്യായ പ്രശ്ന മഹാമംത്രസ്യ, അഘോര ഋഷിഃ, അനുഷ്ടുപ്

ഛംദഃ, സംകര്ഷണ മൂര്തി സ്വരൂപോ യോഽസാവാദിത്യഃ പരമപുരുഷഃ
സ ഏഷ രുദ്രോ ദേവതാ । നമഃ ശിവായേതി ബീജമ് । ശിവതരായേതി
ശക്തിഃ । മഹാദേവായേതി കീലകമ് । ശ്രീ സാംബ സദാശിവ പ്രസാദ
സിദ്ധ്യര്ഥേ ജപേ വിനിയോഗഃ ॥

ഓം അഗ്നിഹോത്രാത്മനേ അംഗുഷ്ഠാഭ്യാം നമഃ । ദര്ശപൂര്ണ

മാസാത്മനേ തര്ജനീഭ്യാം നമഃ । ചാതുര്-മാസ്യാത്മനേ മധ്യമാഭ്യാം നമഃ ।
നിരൂഢ പശുബംധാത്മനേ അനാമികാഭ്യാം നമഃ । ജ്യോതിഷ്ടോമാത്മനേ
കനിഷ്ഠികാഭ്യാം നമഃ । സര്വക്രത്വാത്മനേ കരതല കരപൃഷ്ഠാഭ്യാം നമഃ ॥

അഗ്നിഹോത്രാത്മനേ ഹൃദയായ നമഃ । ദര്ശപൂര്ണ മാസാത്മനേ ശിരസേ

സ്വാഹാ । ചാതുര്മാസ്യാത്മനേ ശിഖായൈ വഷട് । നിരൂഢ
പശുബംധാത്മനേ കവചായ ഹുമ് । ജ്യോതിഷ്ടോമാത്മനേ നേത്രത്രയായ
വൌഷട് । സര്വക്രത്വാത്മനേ അസ്ത്രായഫട് । ഭൂര്ഭുവസ്സുവരോമിതി
ദിഗ്ബംധഃ ॥

ധ്യാനം

ആപാതാല-നഭഃസ്ഥലാംത-ഭുവന-ബ്രഹ്മാംഡ-മാവിസ്ഫുരത്-
ജ്യോതിഃ സ്ഫാടിക-ലിംഗ-മൌലി-വിലസത്-പൂര്ണേംദു-വാംതാമൃതൈഃ ।
അസ്തോകാപ്ലുത-മേക-മീശ-മനിശം രുദ്രാനു-വാകാംജപന്
ധ്യായേ-ദീപ്സിത-സിദ്ധയേ ധ്രുവപദം-വിഁപ്രോഽഭിഷിംചേ-ച്ചിവമ് ॥

ബ്രഹ്മാംഡ വ്യാപ്തദേഹാ ഭസിത ഹിമരുചാ ഭാസമാനാ ഭുജംഗൈഃ

കംഠേ കാലാഃ കപര്ദാഃ കലിത-ശശികലാ-ശ്ചംഡ കോദംഡ ഹസ്താഃ ।
ത്ര്യക്ഷാ രുദ്രാക്ഷമാലാഃ പ്രകടിതവിഭവാഃ ശാംഭവാ മൂര്തിഭേദാഃ
രുദ്രാഃ ശ്രീരുദ്രസൂക്ത-പ്രകടിതവിഭവാ നഃ പ്രയച്ചംതു സൌഖ്യമ് ॥

3
ഓം ഗ॒ണാനാം ത്വാ ഗ॒ണപ॑തിഗ്മ് ഹവാമഹേ ക॒വിം
ക॑വീ॒നാമു॑പ॒മശ്ര॑വസ്തമമ് । ജ്യേ॒ഷ്ഠ॒രാജം॒ ബ്രഹ്മ॑ണാം ബ്രഹ്മണസ്പദ॒ ആ
നഃ॑ ശൃ॒ണ്വന്നൂ॒തിഭി॑സ്സീദ॒ സാദ॑നമ് ॥ മഹാഗണപതയേ॒ നമഃ ॥

ശം ച॑ മേ॒ മയ॑ശ്ച മേ പ്രി॒യം ച॑ മേഽനുകാ॒മശ്ച॑ മേ॒ കാമ॑ശ്ച മേ

സൌമനസ॒ശ്ച॑ മേ ഭ॒ദ്രം ച॑ മേ॒ ശ്രേയ॑ശ്ച മേ॒ വസ്യ॑ശ്ച മേ॒ യശ॑ശ്ച മേ॒
ഭഗ॑ശ്ച മേ॒ ദ്രവി॑ണം ച മേ യം॒താ ച॑ മേ ധ॒ര്താ ച॑ മേ॒ ക്ഷേമ॑ശ്ച മേ॒
ധൃതി॑ശ്ച മേ॒ വിശ്വം॑ ച മേ॒ മഹ॑ശ്ച മേ സം॒വിഁച്ച॑
മേ॒ ജ്ഞാത്രം॑ ച മേ॒
സൂശ്ച॑ മേ പ്ര॒സൂശ്ച॑ മേ॒ സീരം॑ ച മേ ല॒യശ്ച॑ മ ഋ॒തം ച॑ മേ॒ഽമൃതം॑ ച
മേഽയ॒ക്ഷ്മം ച॒ മേഽനാ॑മയച്ച മേ ജീ॒വാതു॑ശ്ച മേ ദീര്ഘായു॒ത്വം ച॑
മേഽനമി॒ത്രം ച॒ മേഽഭ॑യം ച മേ സു॒ഗം ച॑ മേ॒ ശയ॑നം ച മേ സൂ॒ഷാ ച॑ മേ॒
സു॒ദിനം॑ ച മേ ॥

ഓം ശാംതിഃ॒ ശാംതിഃ॒ ശാംതിഃ॑ ॥

॥ അഥ ശ്രീ രുദ്രപ്രശ്നഃ ॥
ശ്രീ ഗുരുഭ്യോ നമഃ । ഹരിഃ ഓ 3ം।

ഓം ഗണാനാം ത്വാ ഗണപതി ഹവാമഹേ കവിം

കവീനാമുപമശ്രവസ്തമം।

ജ്യേഷ്ഠരാജം ബ്രഹ്മണാം ബ്രഹ്മണസ്പത ആ നഃ ശ്രൃണ്വന്നൂതിഭിസ്സീദ

സാദനം ॥

॥ ഓം ശ്രീ മഹാഗണപതയേ നമഃ ॥

॥ ഓം നമോ ഭഗവതേ രുദ്രായ ॥

ഓം നമസ്തേ രുദ്ര മന്യവ ഉതോത ഇഷവേ നമഃ।

നമസ്തേ അസ്തു ധന്വനേ ബാഹുഭ്യാമുത തേ നമഃ॥

യാ ത ഇഷുഃ ശിവതമാ ശിവം ബഭൂവ തേ ധനുഃ।

ശിവാ ശരവ്യാ യാ തവ തയാ നോ രുദ്ര മൃഡയ॥

യാ തേ രുദ്ര ശിവാ തനൂരഘോരാഽപാപകാശിനീ ।

തയാ നസ്തനുവാ ശന്തമയാ ഗിരിശന്താഭിചാകശീഹി॥

4
യാമിഷും ഗിരിശംത ഹസ്തേ ബിഭര്‍ഷ്യസ്തവേ।

ശിവാം ഗിരിത്ര താം കുരു മാ ഹിസീഃ പുരുഷം ജഗത് ॥

ശിവേന വചസാ ത്വാ ഗിരിശാച്ഛാവദാമസി ।

യഥാ നഃ സര്‍വമിജ്ജഗദയക്ഷ്മഗും സുമനാ അസത് ॥

അധ്യവോചദധിവക്താ പ്രഥമോ ദൈവ്യോ ഭിഷക് ।

അഹീശ്ച സര്‍വാഞ്ജംഭയന്ത്സര്‍വാശ്ച യാതുധാന്യഃ ॥

അസൌ യസ്താംരോ അരുണ ഉത ബഭ്രുഃ സുമങ്ഗലഃ ।

യേ ചേമാ രുദ്രാ അഭിതോ ദിക്ഷു ശ്രിതാഃ സഹസ്രശോഽവൈഷാ

ഹേഡ ഈമഹേ ॥

അസൌ യോഽവസര്‍പതി നീലഗ്രീവോ വിലോഹിതഃ ।

ഉതൈനം ഗോപാ അദൃശന്നദൃശന്നുദഹാര്യഃ ॥

ഉതൈനം വിശ്വാ ഭൂതാനി സ ദൃഷ്ടോ മൃഡയാതി നഃ ।

നമോ അസ്തു നീലഗ്രീവായ സഹസ്രാക്ഷായ മീഢുഷേ ॥

അഥോ യേ അസ്യ സത്വാനോഽഹം തേഭ്യോഽകരന്‍ നമഃ ।

പ്രമുഞ്ച ധന്വനസ്ത്വ-മുഭയോരാര്‍ത്നിയോര്‍ജ്യാം ॥

യാശ്ച തേ ഹസ്ത ഇഷവഃ പരാ താ ഭഗവോ വപ ।

അവതത്യ ധനുസ്തവ സഹസ്രാക്ഷ ശതേഷുധേ ॥

നിശീര്യ ശല്യാനാം മുഖാ ശിവോ നഃ സുമനാ ഭവ ।

വിജ്യം ധനുഃ കപര്‍ദിനോ വിശല്യോ ബാണവാ ഉത ॥

അനേശന്നസ്യേഷവ ആഭുരസ്യ നിഷങ്ഗഥിഃ ।

യാ തേ ഹേതിര്‍മീഢുഷ്ടമ ഹസ്തേ ബഭൂവ തേ ധനുഃ ॥

തയാഽസ്മാന്‍ വിശ്വതസ്ത്വമയക്ഷ്മയാ പരിബ്ഭുജ ।

നമസ്തേ അസ്ത്വായുധായാനാതതായ ധൃഷ്ണവേ ॥

ഉഭാഭ്യാമുത തേ നമോ ബാഹുഭ്യാം തവ ധന്വനേ ।

പരി തേ ധന്വനോ ഹേതിരസ്മാന്വൃണക്തു വിശ്വതഃ ॥

5
അഥോ യ ഇഷുധിസ്തവാരേ അസ്മന്നിധേഹി തം ।

നമസ്തേ അസ്തു ഭഗവന്വിശ്വേശ്വരായ മഹാദേവായ ത്ര്യംബകായ

ത്രിപുരാന്തകായ ത്രികാഗ്നികാലായ കാലാഗ്നിരുദ്രായ ത്രികാലാഗ്നി

നീലകണ്ഠായ മൃത്യുംജയായ സര്‍വേശ്വരായ

സദാശിവായ ശ്രീമന്‍മഹാദേവായ നമഃ ॥1॥

നമോ ഹിരണ്യബാഹവേ സേനാന്യേ ദിശാം ച പതയേ നമോ

നമോ വൃക്ഷേഭ്യോ ഹരികേശേഭ്യഃ പശൂനാം പതയേ നമോ

നമഃ സസ്പിഞ്ജരായ ത്വിഷീമതേ പഥീനാം പതയേ നമോ

നമോ ബഭ്ലുശായ വിവ്യാധിനേഽന്നാനാം പതയേ നമോ

നമോ ഹരികേശായോപവീതിനേ പുഷ്ടാണം പതയേ നമോ

നമോ ഭവസ്യ ഹേത്യൈ ജഗതാം പതയേ നമോ

നമോ രുദ്രായാതതാവിനേ ക്ഷേത്രാണാം പതയേ നമോ

നമസ്സൂതായാഹന്ത്യായ വനാനാം പതയേ നമോ

നമോ രോഹിതായ സ്ഥപതയേ വൃക്ഷാണം പതയേ നമോ

നമോ മന്ത്രിണേ വാണിജായ കക്ഷാണം പതയേ നമോ

നമോ ഭുവംതയേ വാരിവസ്കൃധായൌഷധീനാം പതയേ നമോ

നമ ഉച്ചൈര്‍ഘോഷായാക്രന്ദയതേ പത്തീനാം പതയേ നമോ

നമഃ കൃത്സ്നവീതായ ധാവതേ സത്വനാം പതയേ നമഃ ॥2॥

നമഃ സഹമാനായ നിവ്യാദിന ആവ്യാധിനീനാം പതയേ നമോ

നമഃ കകുഭായ നിഷങ്ഗിണേ സ്തേനാനാം പതയേ നമോ

നമോ നിഷങ്ഗിണ ഇഷുധിമതേ തസ്കരാണാം പതയേ നമോ

നമോ വഞ്ചതേ പരിവഞ്ചതേ സ്തായൂനാം പതയേ നമോ

നമോ നിചേരവേ പരിചരായാരണ്യാനാം പതയേ നമോ

6
നമഃ സൃകാവിഭ്യോ ജിഘാസദ്ഭ്യോ മുഷ്ണതാം പതയേ നമോ

നമോഽസിമദ്ഭ്യോ നക്തംചരദ്ഭ്യഃ പ്രകൃന്താനാം പതയേ നമോ

നമ ഉഷ്ണീഷിനേ ഗിരിചരായ കുലുഞ്ചാനാം പതയേ നമോ

നമ ഇഷുമദ്ഭ്യോ ധന്വാവിഭ്യശ്ച വോ നമോ

നമ ആതന്വാനേഭ്യ പ്രതിദധാനേഭ്യശ്ച വോ നമോ

നമ ആയച്ഛദ്ഭ്യോ വിസൃജദ്ഭ്യശ്ച വോ നമോ

നമോഽസ്യദ്ഭ്യോ വിധ്യദ്ഭ്യശ്ച വോ നമോ

നമ ആസീനേഭ്യഃ ശയാനേഭ്യശ്ച വോ നമോ

നമഃ സ്വപദ്ഭ്യോ ജാഗ്രദ്ഭ്യശ്ച വോ നമോ

നമസ്തിഷ്ഠദ്ഭ്യോ ധാവദ്ഭ്യശ്ച വോ നമോ

നമഃ സഭാഭ്യഃ സഭാപതിഭ്യശ്ച വോ നമോ

നമോ അശ്വേഭ്യോഽശ്വപതിഭ്യശ്ച വോ നമഃ ॥3॥

നമ ആവ്യധിനീഭ്യോ വിവിധ്യന്തീഭ്യശ്ച വോ നമോ

നമ ഉഗണാഭ്യസ്തൃഹതീഭ്യശ്ച വോ നമോ

നമോ ഗൃത്സേഭ്യോ ഗൃത്സപതിഭ്യശ്ച വോ നമോ

നമോ വ്രാതേഭ്യോ വ്രാതപതിഭ്യശ്ച വോ നമോ

നമോ ഗണേഭ്യോ ഗണപതിഭ്യശ്ച വോ നമോ

നമോ വിരൂപേഭ്യോ വിശ്വരുപേഭ്യശ്ച വോ നമോ

നമോ മഹദ്ഭ്യഃ ക്ഷുല്ലകേഭ്യശ്ച വോ നമോ

നമോ രഥിഭ്യോഽരഥേഭ്യശ്ച വോ നമോ

നമോ രഥേഭ്യോ രഥപതിഭ്യശ്ച വോ നമോ

നമഃ സേനാഭ്യഃ സേനനിഭ്യശ്ച വോ നമോ

നമഃ ക്ഷത്തൃഭ്യഃ സംഗ്രഹീതൃഭ്യശ്ച വോ നമോ

നമസ്തക്ഷഭ്യോ രഥകാരേഭ്യശ്ച വോ നമോ

7
നമഃ കുലാലേഭ്യഃ കര്‍മാരേഭ്യശ്ച വോ നമോ

നമഃ പുഞ്ജിഷ്ടേഭ്യോ നിഷാദേഭ്യശ്ച വോ നമോ

നമ ഇഷുകൃദ്ഭ്യോ ധന്വകൃദ്ഭ്യശ്ച വോ നമോ

നമോ മൃഗയുഭ്യഃ ശ്വനിഭ്യശ്ച വോ നമോ

നമഃ ശ്വഭ്യഃ ശ്വപതിഭ്യശ്ച വോ നമഃ ॥4॥

നമോ ഭവായ ച രുദ്രായ ച

നമഃ ശര്‍വായ ച പശുപതയേ ച

നമോ നീലഗ്രീവായ ച ശിതികണ്ഠായ ച

നമഃ കപര്‍ദിനേ ച വ്യുപ്തകേശായ ച

നമഃ സഹസ്രാക്ഷായ ച ശതധന്വനേ ച

നമോ ഗിരശായ ച ശിപിവിഷ്ടായ ച

നമോ മീഢുഷ്ടമായ ചേഷുമതേ ച

നമോ ഹ്രസ്വായ ച വാമനായ ച

നമോ ബൃഹതേ ച വര്‍ഷീയസേ ച

നമോ വൃദ്ധായ ച സംവൃദ്വനേ ച

നമോ അഗ്രിയായ ച പ്രഥമായ ച

നമ ആശവേ ചാജിരായ ച

നമഃ ശീഘ്രിയായ ച ശീഭ്യായ ച

നമ ഊര്‍ംയായ ചാവസ്വന്യായ ച

നമഃ സ്രോതസ്യായ ച ദ്വീപ്യായ ച ॥5॥

നമോ ജ്യേഷ്ഠായ ച കനിഷ്ഠായ ച

നമഃ പൂര്‍വജായ ചാപരജായ ച

നമോ മധ്യമായ ചാപഗല്‍ഭായ ച

8
നമോ ജഘന്യായ ച ബുധ്നിയായ ച

നമഃ സോഭ്യായ ച പ്രതിസര്യായ ച

നമോ യാംയായ ച ക്ഷേംയായ ച

നമ ഉര്‍വര്യായ ച ഖല്യായ ച

നമഃ ശ്ലോക്യായ ചാഽവസാന്യായ ച

നമോ വന്യായ ച കക്ഷ്യായ ച

നമഃ ശ്രവായ ച പ്രതിശ്രവായ ച

നമ ആശുഷേണായ ചാശുരഥായ ച

നമഃ ശൂരായ ചാവഭിന്ദതേ ച

നമോ വര്‍മിണേ ച വരൂഥിനേ ച

നമോ ബില്‍മിനേ ച കവചിനേ ച

നമഃ ശ്രുതായ ച ശ്രുതസേനായ ച ॥ 6॥

നമോ ദുന്ദുഭ്യായ ചാ ഹനന്യായ ച നമോ ധൃഷ്ണവേ ച പ്രമൃശായ

നമോ ദൂതായ ച പ്രഹിതായ ച നമോ നിഷങ്ഗിണേ ചേഷുധിമതേ

നമ സ്തീക്ഷ്ണേഷവേ ചായുധിനേ ച നമഃ സ്വായുധായ ച സുധന്വനേ

നമഃ സ്രുത്യായ ച പഥ്യായ ച നമഃ കാട്യായ ച നീപ്യായ ച

നമഃ സൂദ്യായ ച സരസ്യായ ച നമോ നാദ്യായ ച വൈശന്തായ ച

നമഃ കൂപ്യായ ചാവട്യായ ച നമോ വര്‍ഷ്യായ ചാവര്‍ഷ്യായ ച

നമോ മേഘ്യായ ച വിദ്യുത്യായ ച നമ ഈധ്രിയായ ചാതപ്യായ ച

നമോ വാത്യായ ച രേഷ്മിയായ ച നമോ വാസ്തവ്യായ ച

വാസ്തുപായ ച ॥ 7॥

9
നമഃ സോമായ ച രുദ്രായ ച നമസ്താംരായ ചാരുണായ ച

നമഃ ശങ്ഗായ ച പശുപതയേ ച നമ ഉഗ്രായ ച ഭീമായ ച

നമോ അഗ്രേവധായ ച ദൂരേവധായ ച

നമോ ഹന്ത്രേ ച ഹനീയസേ ച നമോ വൃക്ഷേഭ്യോ ഹരികേശേഭ്യോ

നമസ്താരായ നമശ്ശംഭവേ ച മയോഭവേ ച

നമഃ ശംകരായ ച മയസ്കരായ ച

നമഃ ശിവായ ച ശിവതരായ ച

നമസ്തീര്‍ഥ്യായ ച കൂല്യായ ച

നമഃ പാര്യായ ചാവാര്യായ ച

നമഃ പ്രതരണായ ചോത്തരണായ ച

നമ ആതാര്യായ ചാലാദ്യായ ച

നമഃ ശഷ്പ്യായ ച ഫേന്യായ ച

നമഃ സികത്യായ ച പ്രവാഹ്യായ ച ॥ 8॥

നമ ഇരിണ്യായ ച പ്രപഥ്യായ ച

നമഃ കിശിലായ ച ക്ഷയണായ ച

നമഃ കപര്‍ദിനേ ച പുലസ്തയേ ച

നമോ ഗോഷ്ഠ്യായ ച ഗൃഹ്യായ ച

നമസ്തല്‍പ്യായ ച ഗേഹ്യായ ച

നമഃ കാട്യായ ച ഗഹ്വരേഷ്ഠായ ച

നമോ ഹ്രദയ്യായ ച നിവേഷ്പ്യായ ച

നമഃ പാസവ്യായ ച രജസ്യായ ച

നമഃ ശുഷ്ക്യായ ച ഹരിത്യായ ച

നമോ ലോപ്യായ ചോലപ്യായ ച

10
നമ ഊര്‍വ്യായ ച സൂര്‍ംയായ ച

നമഃ പര്‍ണ്യായ ച പര്‍ണശദ്യായ ച

നമോഽപഗുരമാണായ ചാഭിഘ്നതേ ച

നമ ആഖ്ഖിദതേ ച പ്രഖ്ഖിദതേ ച

നമോ വഃ കിരികേഭ്യോ ദേവാനാ ഹൃദയേഭ്യോ

നമോ വിക്ഷീണകേഭ്യോ നമോ വിചിന്വത്കേഭ്യോ

നമ ആനിര്‍ഹതേഭ്യോ നമ ആമീവത്കേഭ്യഃ ॥ 9॥

ദ്രാപേ അന്ധസസ്പതേ ദരിദ്രന്നീലലോഹിത ।

ഏഷാം പുരുഷാണാമേഷാം പശൂനാം മാ ഭേര്‍മാഽരോ മോ ഏഷാം

കിംചനാമമത് ॥ 10-1॥

യാ തേ രുദ്ര ശിവാ തനൂഃ ശിവാ വിശ്വാഹ ഭേഷജീ ।

ശിവാ രുദ്രസ്യ ഭേഷജീ തയാ നോ മൃഡ ജീവസേ ॥ 10-2॥

ഇമാ രുദ്രായ തവസേ കപര്‍ദിനേ ക്ഷയദ്വീരായ പ്രഭരാമഹേ മതിം॥

യഥാ നഃ ശമസദ്ദ്വിപദേ ചതുഷ്പദേ വിശ്വം പുഷ്ടം ഗ്രാമേ

അസ്മിന്നനാതുരം ॥ 10-3॥

മൃഡാ നോ രുദ്രോത നോ മയസ്കൃധി ക്ഷയദ്വീരായ നമസാ വിധേമ

തേ ।

യച്ഛം ച യോശ്ച മനുരായജേ പിതാ തദശ്യാമ തവ രുദ്ര പ്രണീതൌ

॥ 10-4॥

മാ നോ മഹാന്തമുത മാ നോ അര്‍ഭകം

മാ ന ഉക്ഷന്ത-മുത മാ ന ഉക്ഷിതം ।

11
മാ നോഽവധീഃ പിതരം മോത മാതരം പ്രിയാ മാ

നസ്തനുവോ രുദ്ര രീരിഷഃ ॥ 10-5॥

മാനസ്തോകേ തനയേ മാ ന ആയുഷി മാ നോ ഗോഷു

മാ നോ അശ്വേഷു രീരിഷഃ ।

വീരാന്‍മാ നോ രുദ്ര ഭാമിതോഽവധീ-ര്‍ഹവിഷ്മന്തോ

നമസാ വിധേമ തേ ॥ 10-6॥

ആരാത്തേ ഗോഘ്ന ഉത പൂരുഷഘ്നേ ക്ഷയദ്വീരായ

സുംനമസ്മേ തേ അസ്തു ।

രക്ഷാ ച നോ അധി ച ദേവ ബ്രൂഹ്യധാ ച നഃ

ശര്‍മ യച്ഛ ദ്വിബര്‍ഹാഃ ॥ 10-7॥

സ്തുഹി ശ്രുതം ഗര്‍തസദം യുവാനം മൃഗന്ന ഭീമ-മുപഹത്നുമുഗ്രം ।

മൃഡാ ജരിത്രേ രുദ്ര സ്തവാനോ അന്യന്തേ

അസ്മന്നിവപന്തു സേനാഃ ॥ 10-8॥

പരിണോ രുദ്രസ്യ ഹേതിര്‍വൃണക്തു പരി ത്വേഷസ്യ ദുര്‍

മതിരഘായോഃ ।

അവ സ്ഥിരാ മഘവദ്ഭ്യസ്തനുഷ്വ മീഢ്വസ്തോകായ

തനയായ മൃഉഡയ ॥ 10-9॥

മീഢുഷ്ടമ ശിവതമ ശിവോ നഃ സുമനാ ഭവ ।

പരമേ വൃക്ഷ ആയുധന്നിധായ കൃത്തിം വസാന

ആചര പിനാകം ബിഭ്രദാഗഹി ॥ 10-10॥

12
വികിരിദ വിലോഹിത നമസ്തേ അസ്തു ഭഗവഃ ।

യാസ്തേ സഹസ്ര ഹേതയോന്യമസ്മന്നിവപന്തു താഃ ॥ 10-11॥

സഹസ്രാണി സഹസ്രധാ ബാഹുവോസ്തവ ഹേതയഃ ।

താസാമീശാനോ ഭഗവഃ പരാചീനാ മുഖാ കൃധി ॥ 10-12॥

സഹസ്രാണി സഹസ്രശോ യേ രുദ്രാ അധി ഭൂംയാം ।

തേഷാ സഹസ്രയോജനേഽവധന്വാനി തന്‍മസി ॥ 11-1॥

അസ്മിന്‍ മഹത്യര്‍ണവേഽന്തരിക്ഷേ ഭവാ അധി ॥ 11-2॥

നീലഗ്രീവാഃ ശിതികണ്ഠാഃ ശര്‍വാ അധഃ ക്ഷമാചരാഃ ॥ 11-3॥

നീലഗ്രീവാഃ ശിതികണ്ഠാ ദിവ രുദ്രാ ഉപശ്രിതാഃ ॥ 11-4॥

യേ വൃക്ഷേഷു സസ്പിംജരാ നീലഗ്രീവാ വിലോഹിതാഃ ॥ 11-5॥

യേ ഭൂതാനാമധിപതയോ വിശിഖാസഃ കപര്‍ദിനഃ ॥ 11-6॥

യേ അന്നേഷു വിവിധ്യന്തി പാത്രേഷു പിബതോ ജനാന്‍ ॥ 11-7॥

യേ പഥാം പഥിരക്ഷയ ഐലബൃദാ യവ്യുധഃ ॥ 11-8॥

യേ തീര്‍ഥാനി പ്രചരന്തി സൃകാവന്തോ നിഷങ്ഗിണഃ ॥ 11-9॥

യ ഏതാവന്തശ്ച ഭൂയാസശ്ച ദിശോ രുദ്രാ വിതസ്ഥിരേ

തേഷാ സഹസ്ര-യോജനേഽവധന്വാനി തന്‍മസി ॥ 11-10॥

നമോ രുദ്രേഭ്യോ യേ പൃഥിവ്യാം യേഽന്തരിക്ഷേ

യേ ദിവി യേഷാമന്നം വാതോ വര്‍ഷമിഷവസ്തേഭ്യോ ദശ

പ്രാചീര്‍ദശ ദക്ഷിണാ ദശ പ്രതീചീര്‍ദശോദീചീര്‍ദശോര്‍ധ്വാസ്തേഭ്യോ

നമസ്തേ നോ മൃഡയന്തു തേ യം ദ്വിഷ്മോ യശ്ച നോ ദ്വേഷ്ടി

തം വോ ജംഭേ ദധാമി ॥ 11-11॥

ത്ര്യംബകം യജാമഹേ സുഗന്ധിം പുഷ്ടിവര്‍ധനം ।

ഉര്‍വാരുകമിവ ബന്ധനാന്‍മൃത്യോ-ര്‍മുക്ഷീയ മാഽമൃതാത് ॥ 1॥

യോ രുദ്രോ അഗ്നൌ യോ അപ്സു യ ഓഷധീഷു

13
യോ രുദ്രോ വിശ്വാ ഭുവനാഽഽവിവേശ

തസ്മൈ രുദ്രായ നമോ അസ്തു ॥ 2॥

തമുഷ്ടുഹി യഃ സ്വിഷുഃ സുധന്വാ യോ വിശ്വസ്യ ക്ഷയതി ഭേഷജസ്യ ।

യക്ഷ്വാമഹേ സൌമനസായ രുദ്രം നമോഭിര്‍ദേവമസുരം ദുവസ്യ ॥

3॥

അയം മേ ഹസ്തോ ഭഗവാനയം മേ ഭഗവത്തരഃ ।

അയം മേ വിശ്വഭേഷജോഽയ ശിവാഭിമര്‍ശനഃ ॥ 4॥

യേ തേ സഹസ്രമയുതം പാശാ മൃത്യോ മര്‍ത്യായ ഹന്തവേ ।

താന്‍ യജ്ഞസ്യ മായയാ സര്‍വാനവ യജാമഹേ ।

മൃത്യവേ സ്വാഹാ മൃത്യവേ സ്വാഹാ ॥ 5॥

ഓം നമോ ഭഗവതേ രുദ്രായ വിഷ്ണവേ മൃത്യുര്‍മേ പാഹി ।

പ്രാണാനാം ഗ്രന്ഥിരസി രുദ്രോ മാ വിശാന്തകഃ ।

തേനാന്നേനാപ്യായസ്വ ॥ 6॥

നമോ രുദ്രായ വിഷ്ണവേ മൃത്യുര്‍മേ പാഹി

॥ ഓം ശാന്തിഃ ശാന്തിഃ ശാന്തിഃ ॥

14