ശ്രീമഹാഗണപതി മന്ത്രവിഗ്രഹകവചം

ഓം അസ്യ ശ്രീമഹാഗണപതിമന്ത്രവിഗ്രഹകവചസ്യ .

ശ്രീശിവ ഋഷിഃ . ദേവീഗായത്രീ ഛന്ദഃ . ശ്രീ മഹാഗണപതിർദേവതാ .

ഓം ശ്രീഁ ഹ്രീഁ ക്ലീഁ ഗ്ലൗഁ ഗഁ ബീജാനി .

ഗണപതയേ വരവരദേതി ശക്തിഃ .

സർവജനം മേ വശമാനയ സ്വാഹാ കീലകം .

ശ്രീ മഹാഗണപതിപ്രസാദസിദ്ധ്യതേ ജപേ വിനിയോഗഃ .

ഓം ശ്രീഁ ഹ്രീഁ ക്ലീഁ അംഗുഷ്ഠാഭ്യാം നമഃ - ഹൃദയായ നമഃ .

ഗ്ലൗഁ ഗഁ ഗണപതയേ തർജനീഭ്യാം നമഃ - ശിരസേ സ്വാഹാ .

വരവരദ മധ്യമാഭ്യാം നമഃ - ശിഖായൈ വഷട് .

സർവജനം മേ അനാമികാഭ്യാം നമഃ - കവചായ ഹുഁ .

വശമാനയ കനിഷ്ഠികാഭ്യാം നമഃ - നേത്രത്രയായ വൗഷട് .

സ്വാഹാ കരതല കരപൃഷ്ഠാഭ്യാം നമഃ - അസ്ത്രായ ഫട് .

ധ്യാനം -

ബീജാപൂരഗദേക്ഷുകാർമുകരുജാ ചക്രാബ്ജപാശോത്പല

വ്രീഹ്യഗ്രസ്വവിഷാണരത്നകലശപ്രോദ്യത്കരാംഭോരുഹഃ .

പായാദ്വല്ലഭയാ സപദ്മകരയാശ്ലിഷ്ടോജ്വലദ്ഭൂഷയാ

വിശ്വോത്പത്തിവിപത്തിസംസ്ഥിതികരോ വിഘ്നേശ ഇഷ്ടാർഥദഃ .

(ഇതി ധ്യാത്വാ . ലഁ ഇത്യാദി മാനസോപചാരൈഃ സമ്പൂജയേത്)

ഓം ഓങ്കാരോ മേ ശിരഃ പാതു ശ്രീഁകാരഃ പാതു ഭാലകം .

ഹ്രീഁ ബീജം മേ ലലാതേഽവ്യാത് ക്ലീഁ ബീജം ഭ്രൂയുഗം മമ .. 1..

ഗ്ലൗഁ ബീജം നേത്രയോഃ പാതു ഗഁ ബീജം പാതു നാസികാം .

ഗഁ ബീജം മുഖപദ്മേഽവ്യാദ് മഹാസിദ്ധിഫലപ്രദം .. 2..

ണകാരോ ദന്തയോഃ പാതു പകാരോ ലംബികാം മമ .

തകാരഃ പാതു മേ താല്വോര്യേകാര ഓഷ്ഠയോർമമ .. 3..

വകാരഃ കണ്ഠദേശേഽവ്യാദ് രകാരശ്ചോപകണ്ഠകേ .

ദ്വിതീയസ്തു വകാരോ മേ ഹൃദയം പാതു സർവദാ .. 4..

രകാരസ്തു ദ്വിതീയോ വൈ ഉഭൗ പാർശ്വൗ സദാ മമ .

ദകാര ഉദരേ പാതു സകാരോ നാഭിമണ്ഡലേ .. 5..

ര്വകാരഃ പാതു മേ ലിംഗം ജകാരഃ പാതു ഗുഹ്യകേ .

നകാരഃ പാതു മേ ജംഘേ മേകാരോ ജാനുനോർദ്വയോഃ .. 6..

വകാരഃ പാതു മേ ഗുൽഫൗ ശകാരഃ പാദയോർദ്വയോഃ .

മാകാരസ്തു സദാ പാതു ദക്ഷപാദാംഗുലീഷു ച .. 7..

നകാരസ്തു സദാ പാതു വാമപാദാംഗുലീഷു ച .

യകാരോ മേ സദാ പാതു ദക്ഷപാദതലേ തഥാ .. 8..

സ്വാകാരോ ബ്രഹ്മരൂപാഖ്യോ വാമപാദതലേ തഥാ .

ഹാകാരഃ സർവദാ പാതു സർവാംഗേ ഗണപഃ പ്രഭുഃ .. 9..

പൂർവേ മാം പാതു ശ്രീരുദ്രഃ ശ്രീഁ ഹ്രീഁ ക്ലീഁ ഫട് കലാധരഃ .

ആഗ്നേയ്യാം മേ സദാ പാതു ഹ്രീഁ ശ്രീഁ ക്ലീഁ ലോകമോഹനഃ .. 10..

sanskritdocuments.org
BACK TO TOP

ക്ഷി ശ്രീ ക്രീഁ ഹ്രഁ ഐഁ ഹ്രീഁ സ്രൗഁ

 ദക്ഷിണേ ശ്രീയമഃ പാതു ക്രീഁ ഹ്രഁ ഐഁ ഹ്രീഁ ഹ്സ്രൗഁ നമഃ .

നൈരൃത്യേ നിരൃതിഃ പാതു ആഁ ഹ്രീഁ ക്രോഁ ക്രോഁ നമോ നമഃ .. 11..

പശ്ചിമേ വരുണഃ പാതു ശ്രീഁ ഹ്രീഁ ക്ലീഁ ഫട് ഹ്സ്രൗഁ നമഃ .

വായുർമേ പാതു വായവ്യേ ഹ്രൂഁ ഹ്രീഁ ശ്രീഁ ഹ്സ്ഫ്രേഁ നമോ നമഃ .. 12..

ഉത്തരേ ധനദഃ പാതു ശ്രീഁ ഹ്രീഁ ശ്രീഁ ഹ്രീഁ ധനേശ്വരഃ .

ഈശാന്യേ പാതു മാം ദേവോ ഹ്രൗഁ ഹ്രീഁ ജൂഁ സഃ സദാശിവഃ .. 13..

പ്രപന്നപാരിജാതായ സ്വാഹാ മാം പാതു ഈശ്വരഃ .

ഊർധ്വം മേ സർവദാ പാതു ഗഁ ഗ്ലൗഁ ക്ലീഁ ഹ്സ്രൗഁ നമോ നമഃ .. 14..

അനന്തായ നമഃ സ്വാഹാ അധസ്താദ്ദിശി രക്ഷതു .

പൂർവേ മാം ഗണപഃ പാതു ദക്ഷിണേ ക്ഷേത്രപാലകഃ .. 15..

പശ്ചിമേ പാതു മാം ദുർഗാ ഐഁ ഹ്രീഁ ക്ലീഁ ചണ്ഡികാ ശിവാ .

ഉത്തരേ വടുകഃ പാതു ഹ്രീഁ വഁ വഁ വടുകഃ ശിവഃ .. 16..

സ്വാഹാ സർവാർഥസിദ്ധേശ്ച ദായകോ വിശ്വനായകഃ .

പുനഃ പൂർവേ ച മാം പാതു ശ്രീമാനസിതഭൈരവഃ .. 17..

ആഗ്നേയ്യാം പാതു നോ ഹ്രീഁ ഹ്രീഁ ഹൃഁ ക്രോഁ ക്രോഁ രുരുഭൈരവഃ .

ദക്ഷിണേ പാതു മാം ക്രൗഁ ക്രോഁ ഹ്രൈഁ ഹ്രൈഁ മേ ചണ്ഡഭൈരവഃ .. 18..

നൈരൃത്യേ പാതു മാം ഹ്രീഁ ഹൂഁ ഹ്രൗഁ ഹ്രൗഁ ഹ്രീഁ ഹ്സ്രൈഁ നമോ നമഃ .

സ്വാഹാ മേ സർവഭൂതാത്മാ പാതു മാം ക്രോധഭൈരവഃ .. 19..

പശ്ചിമേ ഈശ്വരഃ പാതു ക്രീഁ ക്ലീഁ ഉന്മത്തഭൈരവഃ .

വായവ്യേ പാതു മാം ഹ്രീഁ ക്ലീഁ കപാലീ കമലേക്ഷണഃ .. 20..

ഉത്തരേ പാതു മാം ദേവോ ഹ്രീഁ ഹ്രീഁ ഭീഷണഭൈരവഃ .

ഈശാന്യേ പാതു മാം ദേവഃ ക്ലീഁ ഹ്രീഁ സംഹാരഭൈരവഃ .. 21..

ഊർധ്വം മേ പാതു ദേവേശഃ ശ്രീസമ്മോഹനഭൈരവഃ .

അധസ്താദ് വടുകഃ പാതു സർവതഃ കാലഭൈരവഃ .. 22..

ഇതീദം കവചം ദിവ്യം ബ്രഹ്മവിദ്യാകലേവരം .

ഗോപനീയം പ്രയത്നേന യദീച്ഛേദാത്മനഃ സുഖം .. 23..

കവചസ്യ ച ദിവ്യസ്യ സഹസ്രാവർതനാന്നരഃ .

ദേവതാദർശനം സദ്യോ ലഭതേ ന വിചാരണാ .. 24..

ഇതി ശ്രീമഹാഗണപതി മന്ത്രവിഗ്രഹകവചം സമ്പൂർണം .

Encoded and proofread by Krishna Vallapareddy krishna321 at hotmail.com

sanskritdocuments.org BACK TO TOP