.. ലഘുന്യാസഃ ..

ഓം അഥാത്മാനഗ്ം ശിവാത്മാനഗ് ശ്രീരുദ്രരൂപം ധ്യായേത് ..

ശുദ്ധസ്ഫടികസങ്കാശം ത്രിനേത്രം പഞ്ചവക്ത്രകം . ഗംഗാധരം ദശഭുജം

സർവാഭരണഭൂഷിതം .. നീലഗ്രീവം ശശാങ്കാങ്കം നാഗയജ്ഞോപവീതിനം . വ്യാഘ്രചർമോത്തരീയം
ച വരേണ്യമഭയപ്രദം .. കമണ്ഡൽവക്ഷസൂത്രാണാം ധാരിണം ശൂലപാണിനം . ജ്വലന്തം
പിംഗലജടാ-ശിഖാമുദ്യോതധാരിണം .. വൃഷസ്കന്ധ-സമാരൂഢം ഉമാദേഹാർധ-ധാരിണം .
അമൃതേനാപ്ലുതം ശാന്തം ദിവ്യഭോഗസമന്വിതം .. ദിഗ്ദേവതാസമായുക്തം സുരാസുരനമസ്കൃതം . നിത്യം
ച ശാശ്വതം ശുദ്ധം ധ്രുവമക്ഷരമവ്യയം .. സർവവ്യാപിനമീശാനം രുദ്രം വൈ വിശ്വരൂപിണം .
ഏവം ധ്യാത്വാ ദ്വിജസമ്യക് തതോ യജനമാരഭേത് ..

ഓം പ്രജനനേ ബ്രഹ്മാ തിഷ്ഠതു . പാദയോർവിഷ് ണുസ് തിഷ് ഠതു . ഹസ്തയോർഹരസ് തിഷ് ഠതു .
ബാഹ്വോരിന്ദ്രസ്തിഷ്ഠതു . ജഠരേഽഗ്നിസ്തിഷ്ഠതു . ഹൃദയേ ശിവസ്തിഷ്ഠതു . കണ്ഠേ
വസവസ്തിഷ്ഠന്തു . വക്ത്രേ സരസ്വതീ തിഷ്ഠതു . നാസികയോർവായുസ് തിഷ് ഠതു . നയനയോശ്ചന്ദ്രാദിത്യൗ
തിഷ്ഠേതാം . കർണയോരശ്വിനൗ തിഷ് ഠേതാം . ലലാടേ രുദ്രാസ് തി . മൂർധ്
ഷ് ഠന്തു
ന്യാദിത്യാസ് തിഷ് ഠന്തു
. ശിരസി മഹാദേവസ്തിഷ്ഠതു . ശിഖായാം വാമദേവസ്തിഷ്ഠതു . പൃഷ്ഠേ പിനാകീ തിഷ്ഠതു .
പുരതഃ ശൂലീ തിഷ്ഠതു . പാർശ്വയോഃ ശിവാശങ്കരൗ തിഷ് ഠേതാം . സർവതോ വായുസ് തിഷ് ഠതു . തതോ
ബഹിഃ സർവതോഽഗ്നിർജ്വാലാമാലാ പരിവൃതസ് തിഷ് ഠതു . സർവേഷ്വംഗേഷു സർവാ ദേവതാ യഥാസ്ഥാനം
തിഷ്ഠന്തു . മാഗ്ം രക്ഷന്തു . സർവാൻ മഹാജനാൻ രക്ഷന്തു ..

ഓം അ॒ഗ്നിർമേ॑ വാ॒ചി ശ്രി॒തഃ . വാഗ്ധൃദ॑യേ . ഹൃദ॑യം॒ മയി॑ . അ॒ഹമ॒മൃതേ᳚ .

അ॒മൃതം॒ ബ്രഹ്മ॑ണി . വാ॒യുർമേ᳚ പ്രാ॒ണേ ശ്രി॒തഃ . പ്രാ॒ണോഹൃദ॑യേ . ഹൃദ॑യം॒
മയി॑ . അ॒ഹമ॒മൃതേ᳚ . അ॒മൃതം॒ ബ്രഹ്മ॑ണി . സൂര്യോ॑ മേ॒ ചക്ഷുഷി ശ്രി॒തഃ .
ചക്ഷു॒ർഹൃദ॑യേ . ഹൃദ॑യം॒ മയി॑ . അ॒ഹമ॒മൃതേ᳚ . അ॒മൃതം॒ ബ്രഹ്മ॑ണി
. ച॒ന്ദ്രമാ॑ മേ॒ മന॑സി ശ്രി॒തഃ . മനോ॒ ഹൃദ॑യേ . ഹൃദ॑യം॒ മയി॑ .
അ॒ഹമ॒മൃതേ᳚ . അ॒മൃതം॒ ബ്രഹ്മ॑ണി . ദിശോ॑ മേ॒ ശ്രോത്രേ᳚ ശ്രി॒താഃ . ശ്രോത്ര॒ഗ്ം॒
ഹൃദ॑യേ . ഹൃദ॑യം॒ മയി॑ . അ॒ഹമ॒മൃതേ᳚ . അ॒മൃതം॒ ബ്രഹ്മ॑ണി . ആപോ॑ മേ॒
രേത॑സി ശ്രി॒താഃ . രേതോ॒ ഹൃദ॑യേ . ഹൃദ॑യം॒ മയി॑ . അ॒ഹമ॒മൃതേ᳚ . അ॒മൃതം॒
ബ്രഹ്മ॑ണി . പൃ॒ഥി॒വീ മേ॒ ശരീ॑രേ ശ്രി॒താ . ശരീ॑ര॒ഗ്ം॒ ഹൃദ॑യേ . ഹൃദ॑യം॒
മയി॑ . അ॒ഹമ॒മൃതേ᳚ . അ॒മൃതം॒ ബ്രഹ്മ॑ണി . ഓ॒ഷ॒ധി॒വ॒ന॒സ്പ॒തയോ॑
മേ॒ ലോമ॑സു ശ്രി॒താഃ . ലോമാ॑നി॒ ഹൃദ॑യേ . ഹൃദ॑യം॒ മയി॑ . അ॒ഹമ॒മൃതേ᳚ .
അ॒മൃതം॒ ബ്രഹ്മ॑ണി . ഇന്ദ്രോ॑ മേ॒ ബലേ᳚ ശ്രി॒തഃ . ബല॒ഗ്ം॒ ഹൃദ॑യേ . ഹൃദ॑യം॒
മയി॑ . അ॒ഹമ॒മൃതേ᳚ . അ॒മൃതം॒ ബ്രഹ്മ॑ണി . പ॒ർജന്യോ॑ മേ മൂ॒ർധ് നി ശ്രി॒തഃ .
മൂ॒ർധാ ഹൃദ॑യേ . ഹൃദ॑യം॒ മയി॑ . അ॒ഹമ॒മൃതേ᳚ . അ॒മൃതം॒ബ്രഹ്മ॑ണി .
ഈശാ॑നോ മേ മ॒ന്യൗ ശ്രി॒തഃ . മ॒ന്യുർഹൃദ॑യേ . ഹൃദ॑യം॒ മയി॑ . അ॒ഹമ॒മൃതേ᳚ .
അ॒മൃതം॒ ബ്രഹ്മ॑ണി . ആ॒ത്മാ മ॑ ആ॒ത്മനി॑ ശ്രി॒തഃ . ആ॒ത്മാ ഹൃദ॑യേ . ഹൃദ॑യം॒
മയി॑ . അ॒ഹമ॒മൃതേ᳚ . അ॒മൃതം॒ ബ്രഹ്മ॑ണി . പുന॑ർമ ആ॒ത്മാ പുന॒രായു॒രാഗാ᳚ത് .
പുനഃ॑ പ്രാ॒ണഃ പുന॒രാകൂ॑ത॒മാഗാ᳚ത് . വൈ॒ശ്വാ॒ന॒രോ ര॒ശ്മിഭി॑ർവാവൃധാ॒നഃ .
അ॒ന്തസ്തി॑ഷ്ഠത്വ॒മൃത॑സ്യ ഗോ॒പാഃ ..

അസ്യ ശ്രീ രുദ്രാധ്യായ പ്രശ്ന മഹാമന്ത്രസ്യ അഘോര ഋഷിഃ, അനുഷ്ടുപ് ഛന്ദഃ,

സങ്കർഷണമൂർതിസ്വരൂപോ യോഽസാവാദിത്യഃ പരമപുരുഷഃ സ ഏഷ രുദ്രോ ദേവതാ . നമഃ ശിവായേതി
ബീജം . ശിവതരായേതി ശക്തിഃ . മഹാദേവായേതി കീലകം . ശ്രീ സാംബസദാശിവ പ്രസാദ സിദ്ധ്യർഥേ
ജപേ വിനിയോഗഃ ..

ഓം അഗ്നിഹോത്രാത്മനേ അംഗുഷ്ഠാഭ്യാം നമഃ . ദർശപൂർണമാസാത്മനേ തർജനീഭ്യാം നമഃ .

ചാതുർമാസ്യാത്മനേ മധ്യമാഭ്യാം നമഃ . നിരൂഢപശുബന്ധാത്മനേ അനാമികാഭ്യാം നമഃ .
ജ്യോതിഷ്ടോമാത്മനേ കനിഷ്ഠികാഭ്യാം നമഃ . സർവക്രത്വാത്മനേ കരതലകരപൃഷ്ഠാഭ്യാം നമഃ
. അഗ്നിഹോത്രാത്മനേ ഹൃദയായ നമഃ . ദർശപൂർണമാസാത്മനേ ശിരസേസ്വാഹാ . ചാതുർമാസ്യാത്മനേ
ശിഖായൈ വഷട് . നിരൂഢപശുബന്ധാത്മനേ കവചായ ഹും . ജ്യോതിഷ്ടോമാത്മനേ നേത്രത്രയായ വൗഷട്
. സർവക്രത്വാത്മനേ അസ് ത്രായ ഫട് . ഭൂർഭുവസ ദിഗ്ബന്ധഃ .
്സുവരോമിതി
.. ധ്യാനം ..

ആപാതാള-നഭഃ സ്ഥലാന്ത-ഭുവന-ബ്രഹ്മാണ്ഡ-മാവിസ്ഫുര-
ജ്ജ്യോതിഃ സ്ഫാടിക-ലിംഗ-മൗളി-വിലസത്പൂർണേന്ദു-വാന്താമൃതൈഃ .
അസ്തോകാപ്ലുത-മേക-മീശ-മനിശം രുദ്രാനുവാകാഞ്ജപൻ
ധ്യായേ-ദീപ്സിത-സിദ്ധയേ ധ്രുവപദം വിപ്രോഽഭിഷിഞ്ചേ-ച്ഛിവം ..

പീഠം യസ്യ ധരിത്രീ ജലധരകലശം ലിങ്ഗമാകാശം മൂർത്തിം നക്ഷത്രംപുഷ്പമാല്യം ഗൃഹഗണകുസുമം

ചന്ദ്രവഹ്ന്യർക്കനേത്രം
കുക്ഷിഃ സപ്ത സമുദ്രം ഹിമഗിരി ശയനം സപ്തപാതാലപാദം വേദം വക്ത്രം ഷഡംഗം ദശദിശി വസനം ദിവ്യ ലിംഗം
നമാമി ..

ബ്രഹ്മാണ്ഡവ്യാപ്തദേഹാ ഭസിതഹിമരുചാ ഭാസമാനാ ഭുജംഗൈഃ

കണ്ഠേ കാലാഃ കപർദാകലിത ശശികലാ-ശ്ചണ്ഡകോദണ്ഡ ഹസ് താഃ ..

ത്ര്യക്ഷാ രുദ്രാക്ഷമാലാഃ പ്രകടിതവിഭവാഃ ശാംഭവാ മൂർതിഭേദാ

രുദ്രാഃ ശ്രീരുദ്രസൂക്ത-പ്രകടിതവിഭവാ നഃ പ്രയച്ഛന്തു സൗഖ്യം ..

ഓം ഗ॒ണാനാം᳚ ത്വാ ഗ॒ണപ॑തിഗ്ം ഹവാമഹേ ക॒വിം ക॑വീ॒നാമു॑പ॒മശ്ര॑വസ്തമം .

ജ്യേ॒ഷ്ഠ॒രാജം॒ ബ്രഹ്മ॑ണാം ബ്രഹ്മണസ്പത॒ ആ നഃ॑ ശൃ॒ണ്വന്നൂ॒തിഭി॑സ്സീദ॒ സാദ॑നം
.. മഹാഗണപതയേ॒ നമഃ ..

ഓം ശം ച॑ മേ॒ മയ॑ശ്ച മേ പ്രി॒യം ച॑ മേഽനുകാ॒മശ്ച॑ മേ॒ കാമ॑ശ്ച മേ

സൗമന॒സശ്ച॑ മേ ഭ॒ദ്രം ച॑ മേ॒ ശ്രേയ॑ശ്ച മേ॒ വസ്യ॑ശ്ച മേ॒ യശ॑ശ്ച
മേ॒ ഭഗ॑ശ്ച മേ॒ ദ്രവി॑ണം ച മേ യ॒ന്താ ച മേ ധ॒ർതാ ച॑ മേ॒ ക്ഷേമ॑ശ്ച മേ॒
ധൃതി॑ശ്ച മേ॒ വിശ്വം॑ ച മേ॒ മഹ॑ശ്ച മേ സം॒വിച്ച॑ മേ॒ ജ്ഞാത്രം॑ ച മേ॒
സൂശ്ച॑ മേ പ്ര॒സൂശ്ച॑ മേ॒ സീരം॑ ച മേ ല॒യശ്ച॑ മ ഋ॒തം ച॑ മേ॒ഽമൃതം॑ ച
മേഽയ॒ക്ഷ്മം ച॒ മേഽനാ॑മയച്ച മേ ജീ॒വാതുശ്ച മേ ദീർഘായു॒ത്വം ച॑ മേഽനമി॒ത്രം
ച॒ മേഽഭ॑യം ച മേ സു॒ഗം ച॑ മേ॒ ശയ॑നം ച മേ സൂ॒ഷാ ച॑ മേ സു॒ദിനം॑
ച മേ .. ഓം ശാന്തിഃ॒ ശാന്തിഃ॒ ശാന്തിഃ॑ ..

.. ശ്രീ രുദ്രപ്രശ്നഃ ..
ഓം നമോ ഭഗവതേ॑ രുദ്രാ॒യ ..

ഓം നമ॑സ്തേ രുദ്ര മ॒ന്യവ॑ ഉ॒തോത॒ ഇഷ॑വേ॒ നമഃ॑ . നമ॑സ്തേ അസ്തു॒ ധന്വ॑നേ

ബാ॒ഹുഭ്യാ॑മു॒ത തേ॒ നമഃ॑ . യാ ത॒ ഇഷുഃ॑ ശി॒വത॑മാ ശി॒വം ബ॒ഭൂവ॑ തേ॒
ധനുഃ॑ . ശി॒വാ ശ॑ര॒വ്യാ॑ യാ തവ॒ തയാ॑ നോ രുദ്ര മൃഡയ . യാ തേ॑ രുദ്ര ശി॒വാ
ത॒നൂരഘോ॒രാഽപാ॑പകാശിനീ . തയാ॑ നസ്ത॒നുവാ॒ ശന്ത॑മയാ॒ ഗിരി॑ശന്താ॒ഭിചാ॑കശീഹി
. യാമിഷും॑ ഗിരിശന്ത॒ ഹസ്തേ॒ ബിഭ॒ർഷ്യസ് ത॑വേ . ശി॒വാം ഗി॑രിത്ര॒ താം കു॑രു॒ മാ
ഹിഗ്ം॑സീഃ॒ പുരു॑ഷം॒ ജഗ॑ത് . ശി॒വേന॒ വച॑സാ ത്വാ॒ ഗിരി॒ശാച്ഛാ॑വദാമസി . യഥാ॑
നഃ॒ സർവ॒മിജ്ജഗ॑ദയ॒ക്ഷ്മഗ്ം സു॒മനാ॒ അസ॑ത് . അധ്യ॑വോചദധിവ॒ക്താ പ്ര॑ഥ॒മോ
ദൈവ്യോ॑ ഭി॒ഷക് . അഹീഗ്॑ശ്ച॒ സർവാ᳚ഞ്ജം॒ഭയ॒ന്ത്സർവാ᳚ശ്ച യാതുധാ॒ന്യഃ॑ . അ॒സൗ
യസ്താ॒മ്രോ അ॑രു॒ണ ഉ॒ത ബ॒ഭ്രുഃ സു॑മം॒ഗലഃ॑ . യേ ചേ॒മാഗ്ം രു॒ദ്രാ അ॒ഭിതോ॑ ദി॒ക്ഷു
ശ്രി॒താഃ സ॑ഹസ്ര॒ശോഽവൈ॑ഷാ॒ഗ്ം॒ ഹേഡ॑ ഈമഹേ . അ॒സൗ യോ॑ഽവ॒സർപ॑തി॒ നീല॑ഗ്രീവോ॒
വിലോ॑ഹിതഃ . ഉ॒തൈനം॑ ഗോ॒പാ അ॑ദൃശ॒ന്നദൃ॑ശന്നുദഹാ॒ര്യഃ॑ . ഉ॒തൈനം॒ വിശ്വാ॑
ഭൂ॒താനി॒ സ ദൃ॒ഷ്ടോ മൃ॑ഡയാതി നഃ . നമോ॑ അസ്തു॒ നീല॑ഗ്രീവായ സഹസ്രാ॒ക്ഷായ॑
മീ॒ഢുഷേ᳚ . അഥോ॒ യേ അ॑സ്യ॒ സത്ത്വാ॑നോ॒ഽഹം തേഭ്യോ॑ഽകര॒ന്നമഃ॑ . പ്രമു॑ഞ്ച॒
ധന്വ॑ന॒സ്ത്വമു॒ഭയോ॒രാർത്നി॑യോ॒ർജ്യാം . യാശ്ച॑ തേ॒ഹസ്ത॒ ഇഷ॑വഃ॒ പരാ॒ താ
ഭ॑ഗവോ വപ . അ॒വ॒തത്യ॒ ധനു॒സ്തവഗ്ം സഹ॑സ്രാക്ഷ॒ ശതേ॑ഷുധേ . നി॒ശീര്യ॑
ശ॒ല്യാനാം॒ മുഖാ॑ ശി॒വോ നഃ॑ സു॒മനാ॑ ഭവ . വിജ്യം॒ ധനുഃ॑ കപ॒ർദിനോ॒
വിശ॑ല്യോ॒ ബാണ॑വാഗ്ം ഉ॒ത . അനേ॑ശന്ന॒സ്യേഷ॑വ ആ॒ഭുര॑സ്യ നിഷം॒ഗഥിഃ॑
. യാ തേ॑ ഹേ॒തിർമീ॑ഢുഷ്ടമ॒ ഹസ്തേ॑ ബ॒ഭൂവ॑ തേ॒ ധനുഃ॑ . തയാ॒ഽസ്മാൻ,
വി॒ശ്വത॒സ്ത്വമ॑യ॒ക്ഷ്മയാ॒ പരി॑ബ്ഭുജ . നമ॑സ്തേ അ॒സ്ത്വായു॑ധാ॒യാനാ॑തതായ
ധൃ॒ഷ്ണവേ᳚ . ഉ॒ഭാഭ്യാ॑മു॒ത തേ॒ നമോ॑ ബാ॒ഹുഭ്യാം॒ തവ॒ ധന്വ॑നേ . പരി॑
തേ॒ ധന്വ॑നോ ഹേ॒തിര॒സ്മാന്വൃ॑ണക്തു വി॒ശ്വതഃ॑ . അഥോ॒ യ ഇ॑ഷു॒ധിസ്തവാ॒രേ
അ॒സ്മന്നിധേ॑ഹി॒ തം .. 1 ..

ശംഭ॑വേ॒ നമഃ॑ . നമ॑സ്തേ അസ്തു ഭഗവൻ വിശ്വേശ്വ॒രായ॑ മഹാദേ॒വായ॑ത്ര്യംബ॒കായ॑

ത്രിപുരാന്ത॒കായ॑ ത്രികാഗ്നികാ॒ലായ॑ കാലാഗ്നിരു॒ദ്രായ॑ നീലക॒ണ്ഠായ॑ മൃത്യുഞ്ജ॒യായ॑
സർവേശ്വ॒രായ॑ സദാശി॒വായ॑ ശ്രീമന്മഹാദേ॒വായ॒ നമഃ॑ ..

നമോ॒ ഹിര॑ണ്യബാഹവേ സേനാ॒ന്യേ॑ ദി॒ശാം ച॒ പത॑യേ॒ നമോ॒ നമോ॑ വൃ॒ക്ഷേഭ്യോ॒

ഹരി॑കേശേഭ്യഃ പശൂ॒നാം പത॑യേ॒ നമോ॒ നമഃ॑ സ॒സ്പിഞ്ജ॑രായ॒ ത്വിഷീ॑മതേ
പഥീ॒നാം പത॑യേ॒ നമോ॒ നമോ॑ ബഭ്ലു॒ശായ॑ വിവ്യാ॒ധിനേഽന്നാ॑നാം॒ പത॑യേ॒ നമോ॒
നമോ॒ ഹരി॑കേശായോപവീ॒തിനേ॑ പു॒ഷ്ടാനാം॒ പത॑യേ॒ നമോ॒ നമോ॑ ഭ॒വസ്യ॑ ഹേ॒ത്യൈ
ജഗ॑താം॒ പത॑യേ॒ നമോ॒ നമോ॑ രു॒ദ്രായാ॑തതാ॒വിനേ॒ ക്ഷേത്രാ॑ണാം॒ പത॑യേ॒ നമോ॒
നമഃ॑ സൂ॒തായാഹ॑ന്ത്യായ॒ വനാ॑നാം॒ പത॑യേ॒ നമോ॒ നമോ॒ രോഹി॑തായ സ്ഥ॒പത॑യേ
വൃ॒ക്ഷാണാം॒ പത॑യേ॒ നമോ॒ നമോ॑ മ॒ന്ത്രിണേ॑ വാണി॒ജായ॒ കക്ഷാ॑ണാം॒ പത॑യേ॒
നമോ॒ നമോ॑ ഭുവം॒തയേ॑ വാരിവസ്കൃ॒തായൗഷ॑ധീനാം॒ പത॑യേ॒ നമോ॒ നമ॑
ഉ॒ച്ചൈർഘോ॑ഷായാക്ര॒ന്ദയ॑തേ പത്തീ॒നാം പത॑യേ॒ നമോ॒ നമഃ॑ കൃത്സ്നവീ॒തായ॒
ധാവ॑തേ॒ സത്ത്വ॑നാം॒ പത॑യേ॒ നമഃ॑ .. 2 ..

നമഃ॒ സഹ॑മാനായ നിവ്യാ॒ധിന॑ ആവ്യാ॒ധിനീ॑നാം॒ പത॑യേ॒ നമോ॒ നമഃ॑ കകു॒ഭായ॑

നിഷം॒ഗിണേ᳚ സ്തേ॒നാനാം॒ പത॑യേ॒ നമോ॒ നമോ॑ നിഷം॒ഗിണ॑ ഇഷുധി॒മതേ॒
തസ്ക॑രാണാം॒ പത॑യേ॒ നമോ॒ നമോ॒ വഞ്ച॑തേ പരി॒വഞ്ച॑തേ സ്തായൂ॒നാം പത॑യേ॒
നമോ॒ നമോ॑ നിചേ॒രവേ॑ പരിച॒രായാര॑ണ്യാനാം॒ പത॑യേ॒ നമോ॒ നമഃ॑ സൃകാ॒വിഭ്യോ॒
ജിഘാഗ്ം॑സദ്ഭ്യോ മുഷ്ണ॒താം പത॑യേ॒ നമോ॒ നമോ॑ഽസി॒മദ്ഭ്യോ॒ നക്ത॒ഞ്ചര॑ദ്ഭ്യഃ
പ്രകൃ॒ന്താനാം॒ പത॑യേ॒ നമോ॒ നമ॑ ഉഷ്ണീ॒ഷിണേ॑ ഗിരിച॒രായ॑ കുലു॒ഞ്ചാനാം॒
പത॑യേ॒ നമോ॒ നമ॒ ഇഷു॑മദ്ഭ്യോ ധന്വാ॒വിഭ്യ॑ശ്ച വോ॒ നമോ॒ നമ॑ ആതന്വാ॒നേഭ്യഃ॑
പ്രതി॒ദധാ॑നേഭ്യശ്ച വോ॒ നമോ॒ നമ॑ ആ॒യച്ഛ॑ദ്ഭ്യോ വിസൃ॒ജദ്ഭ്യ॑ശ്ച വോ॒ നമോ॒
നമോഽസ്യ॑ദ്ഭ്യോ॒ വിധ്യ॑ദ്ഭ്യശ്ച വോ॒ നമോ॒ നമ॒ ആസീ॑നേഭ്യഃ॒ ശയാ॑നേഭ്യശ്ച
വോ॒ നമോ॒ നമഃ॑ സ്വ॒പദ്ഭ്യോ॒ ജാഗ്ര॑ദ്ഭ്യശ്ച വോ॒ നമോ॒ നമ॒സ്തിഷ്ഠ॑ദ്ഭ്യോ॒
ധാവ॑ദ്ഭ്യശ്ച വോ॒ നമോ॒ നമഃ॑ സ॒ഭാഭ്യഃ॑ സ॒ഭാപ॑തിഭ്യശ്ച വോ॒ നമോ॒ നമോ॒
അശ്വേ॒ഭ്യോഽശ്വ॑പതിഭ്യശ്ച വോ॒ നമഃ॑ .. 3 ..

നമ॑ ആവ്യ॒ധിനീ᳚ഭ്യോ വി॒വിധ്യ॑ന്തീഭ്യശ്ച വോ॒ നമോ॒ നമ॒

ഉഗ॑ണാഭ്യസ്തൃഗ്ംഹ॒തീഭ്യ॑ശ്ച വോ॒ നമോ॒ നമോ॑ ഗൃ॒ത്സേഭ്യോ॑ ഗൃ॒ത്സപ॑തിഭ്യശ്ച
വോ॒ നമോ॒ നമോ॒ വ്രാതേ᳚ഭ്യോ॒ വ്രാത॑പതിഭ്യശ്ച വോ॒ നമോ॒ നമോ॑ ഗ॒ണേഭ്യോ॑
ഗ॒ണപ॑തിഭ്യശ്ച വോ॒ നമോ॒ നമോ॒ വിരൂ॑പേഭ്യോ വി॒ശ്വരൂ॑പേഭ്യശ്ച വോ॒ നമോ॒ നമോ॑
മ॒ഹദ്ഭ്യഃ॑, ക്ഷുല്ല॒കേഭ്യ॑ശ്ച വോ॒ നമോ॒ നമോ॑ ര॒ഥിഭ്യോ॑ഽര॒ഥേഭ്യ॑ശ്ച
വോ॒ നമോ॒ നമോ॒ രഥേ᳚ഭ്യോ॒ രഥ॑പതിഭ്യശ്ച വോ॒ നമോ॒ നമഃ॒ സേനാ᳚ഭ്യഃ
സേനാ॒നിഭ്യ॑ശ്ച വോ॒ നമോ॒ നമഃ॑, ക്ഷ॒ത്തൃഭ്യഃ॑ സംഗ്രഹീ॒തൃഭ്യ॑ശ്ച വോ॒ നമോ॒
നമ॒സ്തക്ഷ॑ഭ്യോ രഥകാ॒രേഭ്യ॑ശ്ച വോ॒ നമോ॒ നമഃ॒ കുലാ॑ലേഭ്യഃ ക॒ർമാരേ᳚ഭ്യശ്ച
വോ॒ നമോ॒ നമഃ॑ പു॒ഞ്ജിഷ്ടേ᳚ഭ്യോ നിഷാ॒ദേഭ്യ॑ശ്ച വോ॒ നമോ॒ നമ॑ ഇഷു॒കൃദ്ഭ്യോ॑
ധന്വ॒കൃദ്ഭ്യ॑ശ്ച വോ॒ നമോ॒ നമോ॑ മൃഗ॒യുഭ്യഃ॑ ശ്വ॒നിഭ്യ॑ശ്ച വോ॒ നമോ॒
നമഃ॒ ശ്വഭ്യഃ॒ ശ്വപ॑തിഭ്യശ്ച വോ॒ നമഃ॑ .. 4 ..

നമോ॑ ഭ॒വായ॑ ച രു॒ദ്രായ॑ ച॒ നമഃ॑ ശ॒ർവായ॑ ച പശു॒പത॑യേ ച॒ നമോ॒

നീല॑ഗ്രീവായ ച ശിതി॒കണ്ഠാ॑യ ച॒ നമഃ॑ കപ॒ർദിനേ॑ ച॒ വ്യു॑പ്തകേശായ ച॒ നമഃ॑
സഹസ്രാ॒ക്ഷായ॑ ച ശ॒തധ॑ന്വനേ ച॒ നമോ॑ ഗിരി॒ശായ॑ ച ശിപിവി॒ഷ്ടായ॑ ച॒
നമോ॑ മീ॒ഢുഷ്ട॑മായ॒ ചേഷു॑മതേ ച॒ നമോ᳚ ഹ്ര॒സ്വായ॑ ച വാമ॒നായ॑ ച॒ നമോ॑
ബൃഹ॒തേ ച॒ വർഷീ॑യസേ ച॒ നമോ॑ വൃ॒ദ്ധായ॑ ച സം॒വൃധ്വ॑നേ ച॒ നമോ॒
അഗ്രി॑യായ ച പ്രഥ॒മായ॑ ച॒ നമ॑ ആ॒ശവേ॑ ചാജി॒രായ॑ ച॒ നമഃ॒ ശീഘ്രി॑യായ
ച॒ ശീഭ്യാ॑യ ച॒ നമ॑ ഊ॒ർമ്യാ॑യ ചാവസ്വ॒ന്യാ॑യ ച॒ നമഃ॑ സ്രോത॒സ്യാ॑യ ച॒
ദ്വീപ്യാ॑യ ച .. 5 ..

നമോ᳚ ജ്യേ॒ഷ്ഠായ॑ ച കനി॒ഷ്ഠായ॑ ച॒ നമഃ॑ പൂർവ॒ജായ॑ ചാപര॒ജായ॑ ച॒

നമോ॑ മധ്യ॒മായ॑ ചാപഗ॒ൽഭായ॑ ച॒ നമോ॑ ജഘ॒ന്യാ॑യ ച॒ ബുധ്നി॑യായ ച॒
നമഃ॑ സോ॒ഭ്യാ॑യ ച പ്രതിസ॒ര്യാ॑യ ച॒ നമോ॒ യാമ്യാ॑യ ച॒ ക്ഷേമ്യാ॑യ ച॒
നമ॑ ഉർവ॒ര്യാ॑യ ച॒ ഖല്യാ॑യ ച॒ നമഃ॒ ശ്ലോക്യാ॑യ ചാഽവസാ॒ന്യാ॑യ ച॒
നമോ॒ വന്യാ॑യ ച॒ കക്ഷ്യാ॑യ ച॒ നമഃ॑ ശ്ര॒വായ॑ ച പ്രതിശ്ര॒വായ॑ ച॒
നമ॑ ആ॒ശുഷേ॑ണായ ചാ॒ശുര॑ഥായ ച॒ നമഃ॒ ശൂരാ॑യ ചാവഭിന്ദ॒തേ ച॒ നമോ॑
വ॒ർമിണേ॑ ച വരൂ॒ഥിനേ॑ ച॒ നമോ॑ ബി॒ൽമിനേ॑ ച കവ॒ചിനേ॑ ച॒ നമഃ॑ ശ്രു॒തായ॑
ച ശ്രുതസേ॒നായ॑ ച .. 6 ..

നമോ॑ ദുന്ദു॒ഭ്യാ॑യ ചാഹന॒ന്യാ॑യ ച॒ നമോ॑ ധൃ॒ഷ്ണവേ॑ ച പ്രമൃ॒ശായ॑

ച॒ നമോ॑ ദൂ॒തായ॑ ച॒ പ്രഹി॑തായ ച॒ നമോ॑ നിഷം॒ഗിണേ॑ ചേഷുധി॒മതേ॑
ച॒ നമ॑സ്തീ॒ക്ഷ്ണേഷ॑വേ ചായു॒ധിനേ॑ ച॒ നമഃ॑ സ്വായു॒ധായ॑ ച സു॒ധന്വ॑നേ
ച॒ നമഃ॒ സ്രുത്യാ॑യ ച॒ പഥ്യാ॑യ ച॒ നമഃ॑ കാ॒ട്യാ॑യ ച നീ॒പ്യാ॑യ ച॒
നമഃ॒ സൂദ്യാ॑യ ച സര॒സ്യാ॑യ ച॒ നമോ॑ നാ॒ദ്യായ॑ ച വൈശ॒ന്തായ॑ ച॒ നമഃ॒
കൂപ്യാ॑യ ചാവ॒ട്യാ॑യ ച॒ നമോ॒ വർഷ്യാ॑യ ചാവ॒ർഷ്യായ॑ ച॒ നമോ॑ മേ॒ഘ്യാ॑യ
ച വിദ്യു॒ത്യാ॑യ ച॒ നമ॑ ഈ॒ധ്രിയാ॑യ ചാത॒പ്യാ॑യ ച॒ നമോ॒ വാത്യാ॑യ ച॒
രേഷ്മി॑യായ ച॒ നമോ॑ വാസ്ത॒വ്യാ॑യ ച വാസ്തു॒ പായ॑ ച .. 7 ..

നമഃ॒ സോമാ॑യ ച രു॒ദ്രായ॑ ച॒ നമ॑സ്താ॒മ്രായ॑ ചാരു॒ണായ॑ ച॒ നമഃ॑ ശം॒ഗായ॑

ച പശു॒പത॑യേ ച॒ നമ॑ ഉ॒ഗ്രായ॑ ച ഭീ॒മായ॑ ച॒ നമോ॑ അഗ്രേവ॒ധായ॑
ച ദൂരേവ॒ധായ॑ ച॒ നമോ॑ ഹ॒ന്ത്രേ ച॒ ഹനീ॑യസേ ച॒ നമോ॑ വൃ॒ക്ഷേഭ്യോ॒
ഹരി॑കേശേഭ്യോ॒ നമ॑സ്താ॒രായ॒ നമ॑ശ്ശം॒ഭവേ॑ ച മയോ॒ഭവേ॑ ച॒ നമഃ॑
ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒
നമ॒സ്തീർഥ്യാ॑യ ച॒ കൂല്യാ॑യ ച॒ നമഃ॑ പാ॒ര്യാ॑യ ചാവാ॒ര്യാ॑യ ച॒ നമഃ॑
പ്ര॒തര॑ണായ ചോ॒ത്തര॑ണായ ച॒ നമ॑ ആതാ॒ര്യാ॑യ ചാലാ॒ദ്യാ॑യ ച॒ നമഃ॒
ശഷ്പ്യാ॑യ ച॒ ഫേന്യാ॑യ ച॒ നമഃ॑ സിക॒ത്യാ॑യ ച പ്രവാ॒ഹ്യാ॑യ ച .. 8 ..

നമ॑ ഇരി॒ണ്യാ॑യ ച പ്രപ॒ഥ്യാ॑യ ച॒ നമഃ॑ കിഗ്ംശി॒ലായ॑ ച॒ ക്ഷയ॑ണായ ച॒

നമഃ॑ കപ॒ർദിനേ॑ ച പുല॒സ്തയേ॑ ച॒ നമോ॒ ഗോഷ്ഠ്യാ॑യ ച॒ ഗൃഹ്യാ॑യ ച॒
നമ॒സ്തൽപ്യാ॑യ ച॒ ഗേഹ്യാ॑യ ച॒ നമഃ॑ കാ॒ട്യാ॑യ ച ഗഹ്വരേ॒ഷ്ഠായ॑ ച॒ നമോ᳚
ഹ്രദ॒യ്യാ॑യ ച നിവേ॒ഷ്പ്യാ॑യ ച॒ നമഃ॑ പാഗ്ം സ॒വ്യാ॑യ ച രജ॒സ്യാ॑യ ച॒ നമഃ॒
ശുഷ്ക്യാ॑യ ച ഹരി॒ത്യാ॑യ ച॒ നമോ॒ ലോപ്യാ॑യ ചോല॒പ്യാ॑യ ച॒ നമ॑ ഊ॒ർവ്യാ॑യ
ച സൂ॒ർമ്യാ॑യ ച॒ നമഃ॑ പ॒ർണ്യാ॑യ ച പർണശ॒ദ്യാ॑യ ച॒ നമോ॑ഽപഗു॒രമാ॑ണായ
ചാഭിഘ്ന॒തേ ച॒ നമ॑ ആഖ്ഖിദ॒തേ ച॑ പ്രഖ്ഖിദ॒തേ ച॒ നമോ॑ വഃ കിരി॒കേഭ്യോ॑
ദേ॒വാനാ॒ഗ്ം॒ ഹൃദ॑യേഭ്യോ॒ നമോ॑ വിക്ഷീണ॒കേഭ്യോ॒ നമോ॑ വിചിന്വ॒ത്കേഭ്യോ॒ നമ॑
ആനിർഹ॒തേഭ്യോ॒ നമ॑ ആമീവ॒ത്കേഭ്യഃ॑ .. 9 ..

ദ്രാപേ॒ അന്ധ॑സസ്പതേ॒ ദരി॑ദ്ര॒ന്നീല॑ലോഹിത . ഏ॒ഷാം പുരു॑ഷാണാമേ॒ഷാം പ॑ശൂ॒നാം

മാ ഭേർമാഽരോ॒ മോ ഏ॑ഷാം॒ കിഞ്ച॒നാമ॑മത് . യാ തേ॑ രുദ്ര ശി॒വാ ത॒നൂഃ ശി॒വാ
വി॒ശ്വാഹ॑ഭേഷജീ . ശി॒വാ രു॒ദ്രസ്യ॑ ഭേഷ॒ജീ തയാ॑ നോ മൃഡ ജീ॒വസേ᳚ . ഇ॒മാഗ്ം
രു॒ദ്രായ॑ ത॒വസേ॑ കപ॒ർദിനേ᳚ ക്ഷ॒യദ്വീ॑രായ॒ പ്രഭ॑രാമഹേമ॒തിം . യഥാ॑
നഃ॒ ശമസ॑ദ്ദ്വി॒പദേ॒ ചതു॑ഷ്പദേ॒ വിശ്വം॑ പു॒ഷ്ടം ഗ്രാമേ॑ അ॒സ്മിന്നനാ॑തുരം
. മൃ॒ഡാ നോ॑ രുദ്രോ॒ത നോ॒ മയ॑സ്കൃധി ക്ഷ॒യദ്വീ॑രായ॒ നമ॑സാ വിധേമ തേ .
യച്ഛം ച॒ യോശ്ച॒ മനു॑രായ॒ജേ പി॒താ തദ॑ശ്യാമ॒ തവ॑ രുദ്ര॒ പ്രണീ॑തൗ .
മാ നോ॑ മ॒ഹാന്ത॑മു॒ത മാ നോ॑ അർഭ॒കം മാ ന॒ ഉക്ഷ॑ന്തമു॒ത മാ ന॑ ഉക്ഷി॒തം .
മാ നോ॑ഽവധീഃ പി॒തരം॒ മോത മാ॒തരം॑ പ്രി॒യാ മാ ന॑സ്ത॒നുവോ॑ രുദ്ര രീരിഷഃ . മാ
ന॑സ്തോ॒കേ തന॑യേ॒ മാ ന॒ ആയു॑ഷി॒ മാ നോ॒ ഗോഷു॒ മാ നോ॒ അശ്വേ॑ഷു രീരിഷഃ . വീ॒രാന്മാ
നോ॑ രുദ്ര ഭാമി॒തോഽവ॑ധീർഹ॒വിഷ്മ॑ന്തോ॒ നമ॑സാ വിധേമ തേ . ആ॒രാത്തേ॑ ഗോ॒ഘ്ന ഉ॒ത
പൂ॑രുഷ॒ഘ്നേ ക്ഷ॒യദ്വീ॑രായ സു॒മ്നമ॒സ്മേ തേ॑ അസ്തു . രക്ഷാ॑ ച നോ॒ അധി॑ ച ദേവ
ബ്രൂ॒ഹ്യധാ॑ ച നഃ॒ ശർമ॑ യച്ഛ ദ്വി॒ബർഹാഃ᳚ . സ് തു॒ഹി ശ്രു॒തം ഗ॑ർത॒സദം॒
യുവാ॑നം മൃ॒ഗന്ന ഭീ॒മമു॑പഹ॒ത്നുമു॒ഗ്രം . മൃ॒ഡാ ജ॑രി॒ത്രേ രു॑ദ്ര॒ സ്തവാ॑നോ
അ॒ന്യന്തേ॑ അ॒സ്മന്നിവ॑പന്തു॒ സേനാഃ᳚ . പരി॑ണോ രു॒ദ്രസ്യ॑ ഹേ॒തിർവൃ॑ണക്തു॒
പരി॑ ത്വേ॒ഷസ്യ॑ ദുർമ॒തി ര॑ഘാ॒യോഃ . അവ॑ സ്ഥി॒രാ മ॒ഘവ॑ദ്ഭ്യസ്തനുഷ്വ॒
മീഢ്വ॑സ്തോ॒കായ॒ തന॑യായ മൃഡയ . മീഢു॑ഷ്ടമ॒ ശിവ॑തമ ശി॒വോ നഃ॑ സു॒മനാ॑
ഭവ . പ॒ര॒മേ വൃ॒ക്ഷ ആയു॑ധന്നി॒ധായ॒ കൃത്തിം॒ വസാ॑ന॒ ആച॑ര॒ പിനാ॑കം॒
ബിഭ്ര॒ദാഗ॑ഹി . വികി॑രിദ॒ വിലോ॑ഹിത॒ നമ॑സ്തേ അസ്തു ഭഗവഃ . യാസ്തേ॑ സ॒ഹസ്രഗ്ം॑
ഹേ॒തയോ॒ന്യമ॒സ്മന്നിവ॑പന്തു॒ താഃ . സ॒ഹസ്രാ॑ണി സഹസ്ര॒ധാ ബാ॑ഹു॒വോസ്തവ॑ ഹേ॒തയഃ॑
. താസാ॒മീശാ॑നോ ഭഗവഃ പരാ॒ചീനാ॒ മുഖാ॑ കൃധി .. 10 ..

സ॒ഹസ്രാ॑ണി സഹസ്ര॒ശോ യേ രു॒ദ്രാ അധി॒ ഭൂമ്യാം᳚ . തേഷാഗ്ം॑ സഹസ്രയോജ॒നേഽവ॒ധന്വാ॑നി

തന്മസി . അ॒സ്മിന്മ॑ഹ॒ത്യ॑ർണ॒വേ᳚ഽന്തരി॑ക്ഷേ ഭ॒വാ അധി॑ . നീല॑ഗ്രീവാഃ
ശിതി॒കണ്ഠാഃ᳚ ശ॒ർവാ അ॒ധഃ, ക്ഷ॑മാച॒രാഃ . നീല॑ഗ്രീവാഃശിതി॒കണ്ഠാ॒ ദിവഗ്ം॑
രു॒ദ്രാ ഉപ॑ശ്രിതാഃ . യേ വൃ॒ക്ഷേഷു॑ സ॒സ്പിഞ്ജ॑രാ॒ നീല॑ഗ്രീവാ॒ വിലോ॑ഹിതാഃ .
യേ ഭൂ॒താനാ॒മധി॑പതയോ വിശി॒ഖാസഃ॑ കപ॒ർദിനഃ॑ . യേ അന്നേ॑ഷു വി॒വിധ്യ॑ന്തി॒
പാത്രേ॑ഷു॒ പിബ॑തോ॒ ജനാൻ॑ . യേ പ॒ഥാം പ॑ഥി॒രക്ഷ॑യ ഐലബൃ॒ദാ യ॒വ്യുധഃ॑
. യേ തീ॒ർഥാനി॑ പ്ര॒ചര॑ന്തി സൃ॒കാവ॑ന്തോ നിഷം॒ഗിണഃ॑ . യ ഏ॒താവ॑ന്തശ്ച॒
ഭൂയാഗ്ം॑സശ്ച॒ ദിശോ॑ രു॒ദ്രാ വി॑തസ്ഥി॒രേ . തേഷാഗ്ം॑ സഹസ്രയോജ॒നേഽവ॒ധന്വാ॑നി
തന്മസി . നമോ॑ രു॒ദ്രേഭ്യോ॒ യേ പൃ॑ഥി॒വ്യാം യേ᳚ഽന്തരി॑ക്ഷേ॒ യേ ദി॒വി യേഷാ॒മന്നം॒
വാതോ॑ വ॒ർ॒ഷമിഷ॑വ॒സ്തേഭ്യോ॒ ദശ॒ പ്രാചീ॒ർദശ॑ ദക്ഷി॒ണാ ദശ॑
പ്ര॒തീചീ॒ർദശോദീ॑ചീ॒ർദശോ॒ർധ്വാസ് തേഭ്യോ॒ നമ॒സ്തേ നോ॑ മൃഡയന്തു॒ തേ യം ദ്വി॒ഷ്മോ
യശ്ച॑ നോ॒ ദ്വേഷ്ടി॒ തം വോ॒ ജംഭേ॑ ദധാമി .. 11 ..

ത്ര്യം॑ബകം യജാമഹേ സുഗ॒ന്ധിം പു॑ഷ്ടി॒വർധ॑നം . ഉ॒ർവാ॒രു॒കമി॑വ॒

ബന്ധ॑നാന്മൃ॒ത്യോർമു॑ക്ഷീയ॒ മാഽമൃതാ᳚ത് . യോ രു॒ദ്രോ അ॒ഗ്നൗ യോ അ॒പ്സു യ ഓഷ॑ധീഷു॒
യോ രു॒ദ്രോ വിശ്വാ॒ ഭുവ॑നാ വി॒വേശ॒ തസ്മൈ॑ രു॒ദ്രായ॒ നമോ॑ അസ്തു . തമു॑ ഷ്ടു॒ഹി॒
യഃ സ്വി॒ഷുഃ സു॒ധന്വാ॒ യോ വിശ്വ॑സ്യ॒ ക്ഷയ॑തി ഭേഷ॒ജസ്യ॑ . യക്ഷ്വാ᳚മ॒ഹേ
സൗ᳚മന॒സായ॑ രു॒ദ്രം നമോ᳚ഭിർദേ॒വമസു॑രം ദുവസ്യ . അ॒യം മേ॒ ഹസ്തോ॒ ഭഗ॑വാന॒യം
മേ॒ ഭഗ॑വത്തരഃ . അ॒യം മേ᳚ വി॒ശ്വഭേ᳚ഷജോ॒ഽയഗ്ം ശി॒വാഭി॑മർശനഃ . യേ തേ॑
സ॒ഹസ്ര॑മ॒യുതം॒ പാശാ॒ മൃത്യോ॒ മർത്യാ॑യ॒ ഹന്ത॑വേ . താൻ യ॒ജ്ഞസ്യ॑ മാ॒യയാ॒
സർവാ॒നവ॑ യജാമഹേ . മൃ॒ത്യവേ॒ സ്വാഹാ॑ മൃ॒ത്യവേ॒ സ്വാഹാ᳚ . ഓം നമോ ഭഗവതേ രുദ്രായ
വിഷ്ണവേ മൃത്യു॑ർമേ പാ॒ഹി ..

പ്രാണാനാം ഗ്രന്ഥിരസി രുദ്രോ മാ॑ വിശാ॒ന്തകഃ . തേനാന്നേനാ᳚പ്യായ॒സ്വ . സദാശി॒വോം ..

ഓം ശാന്തിഃ॒ ശാന്തിഃ॒ ശാന്തിഃ॑ ..

.. ചമകപ്രശ്നഃ ..

ഓം അഗ്നാ॑വിഷ്ണൂ സ॒ജോഷ॑സേ॒മാ വ॑ർധന്തു വാം॒ ഗിരഃ॑ . ദ്യു॒മ്നൈർവാജേ॑ഭി॒രാഗ॑തം .

വാജ॑ശ്ച മേ പ്രസ॒വശ്ച॑ മേ॒ പ്രയ॑തിശ്ച മേ॒ പ്രസി॑തിശ്ച മേ ധീ॒തിശ്ച॑ മേ॒
ക്രതു॑ശ്ച മേ॒ സ്വര॑ശ്ച മേ॒ ശ്ലോക॑ശ്ച മേ ശ്രാ॒വശ്ച॑ മേ॒ ശ്രുതി॑ശ്ച മേ॒
ജ്യോതി॑ശ്ച മേ॒ സുവ॑ശ്ച മേ പ്രാ॒ണശ്ച॑ മേഽപാ॒നശ്ച॑ മേ വ്യാ॒നശ്ച॒ മേഽസു॑ശ്ച
മേ ചി॒ത്തം ച॑ മ॒ ആധീ॑തം ച മേ॒ വാക്ച॑ മേ॒ മന॑ശ്ച മേ॒ ചക്ഷു॑ശ്ച മേ॒
ശ്രോത്രം॑ ച മേ॒ ദക്ഷ॑ശ്ച മേ॒ ബലം॑ ച മ॒ ഓജ॑ശ്ച മേ॒ സഹ॑ശ്ച മ॒
ആയു॑ശ്ച മേ ജ॒രാ ച॑ മ ആ॒ത്മാ ച॑ മേ ത॒നൂശ്ച॑ മേ॒ ശർമ॑ ച മേ॒ വർമ॑
ച മേ॒ഽംഗാ॑നി ച മേ॒ഽസ്ഥാനി॑ ച മേ॒ പരൂഗ്ം॑ഷി ച മേ॒ ശരീ॑രാണി ച മേ .. 1..

ജ്യൈഷ്ഠ്യം॑ ച മ॒ ആധി॑പത്യം ച മേ മ॒ന്യുശ്ച॑ മേ॒ ഭാമ॑ശ്ച॒ മേഽമ॑ശ്ച॒

മേഽംഭ॑ശ്ച മേ ജേ॒മാ ച॑ മേ മഹി॒മാ ച॑ മേ വരി॒മാ ച॑ മേ പ്രഥി॒മാ ച॑ മേ
വ॒ർഷ് മാ ച॑ മേ ദ്രാഘു॒യാ ച॑ മേ വൃ॒ദ്ധം ച॑ മേ॒ വൃദ്ധി॑ശ്ച മേ സ॒ത്യം ച॑
മേ ശ്ര॒ദ്ധാ ച॑ മേ॒ ജഗ॑ച്ച മേ॒ ധനം॑ ച മേ॒ വശ॑ശ്ച മേ॒ ത്വിഷി॑ശ്ച
മേ ക്രീ॒ഡാ ച॑ മേ॒ മോദ॑ശ്ച മേ ജാ॒തം ച॑ മേ ജനി॒ഷ്യമാ॑ണം ച മേ സൂ॒ക്തം ച॑
മേ സുകൃ॒തം ച॑ മേ വി॒ത്തം ച॑ മേ॒ വേദ്യം॑ ച മേ ഭൂ॒തം ച॑ മേ ഭവി॒ഷ്യച്ച॑
മേ സു॒ഗം ച॑ മേ സു॒പഥം॑ ച മ ഋ॒ദ്ധം ച॑ മ॒ ഋദ്ധി॑ശ്ച മേ കൢ॒പ്തം ച॑
മേ॒ കൢപ്തി॑ശ്ച മേ മ॒തിശ്ച॑ മേ സുമ॒തിശ്ച॑ മേ .. 2..

ശം ച॑ മേ॒ മയ॑ശ്ച മേ പ്രി॒യം ച॑ മേഽനുകാ॒മശ്ച॑ മേ॒ കാമ॑ശ്ച മേ

സൗമന॒സശ്ച॑ മേ ഭ॒ദ്രം ച॑ മേ॒ ശ്രേയ॑ശ്ച മേ॒ വസ്യ॑ശ്ച മേ॒ യശ॑ശ്ച
മേ॒ ഭഗ॑ശ്ച മേ॒ ദ്രവി॑ണം ച മേ യ॒ന്താ ച॑ മേ ധ॒ർതാ ച॑ മേ॒ ക്ഷേമ॑ശ്ച
മേ॒ ധൃതി॑ശ്ച മേ॒ വിശ്വം॑ ച മേ॒ മഹ॑ശ്ച മേ സം॒വിച്ച॑ മേ॒ ജ്ഞാത്രം॑
ച മേ॒ സൂശ്ച॑ മേ പ്ര॒സൂശ്ച॑ മേ॒ സീരം॑ ച മേ ല॒യശ്ച॑ മ ഋ॒തം ച॑
മേ॒ഽമൃതം॑ ച മേഽയ॒ക്ഷ്മം ച॒ മേഽനാ॑മയച്ച മേ ജീ॒വാതു॑ശ്ച മേ ദീർഘായു॒ത്വം
ച॑ മേഽനമി॒ത്രം ച॒ മേഽഭ॑യം ച മേ സു॒ഗം ച॑ മേ॒ ശയ॑നം ച മേ സൂ॒ഷാ ച॑
മേ സു॒ദിനം॑ ച മേ .. 3..

ഊർക് ച॑ മേ സൂ॒നൃതാ॑ ച മേ॒ പയ॑ശ്ച മേ॒ രസ॑ശ്ച മേ ഘൃ॒തം ച॑ മേ॒

മധു॑ ച മേ॒ സഗ്ധി॑ശ്ച മേ॒ സപീ॑തിശ്ച മേ കൃ॒ഷിശ്ച॑ മേ॒ വൃഷ്ടി॑ശ്ച
മേ॒ ജൈത്രം॑ ച മ॒ ഔദ്ഭി॑ദ്യം ച മേ ര॒യിശ്ച॑ മേ॒ രായ॑ശ്ച മേ പു॒ഷ്ടം ച॑
മേ॒ പുഷ്ടി॑ശ്ച മേ വി॒ഭു ച॑ മേ പ്ര॒ഭു ച॑ മേ ബ॒ഹു ച॑ മേ॒ ഭൂയ॑ശ്ച മേ
പൂ॒ർണം ച॑ മേ പൂ॒ർണത॑രം ച॒ മേഽക്ഷി॑തിശ്ച മേ॒ കൂയ॑വാശ്ച॒ മേഽന്നം॑ ച॒
മേഽക്ഷു॑ച്ച മേ വ്രീ॒ഹയ॑ശ്ച മേ॒ യവാ᳚ശ്ച മേ॒ മാഷാ᳚ശ്ച മേ॒ തിലാ᳚ശ്ച മേ
മു॒ദ്ഗാശ്ച॑ മേ ഖ॒ൽവാ᳚ശ്ച മേ ഗോ॒ധൂമാ᳚ശ്ച മേ മ॒സുരാ᳚ശ്ചമേ പ്രി॒യംഗ॑വശ്ച॒
മേഽണ॑വശ്ച മേ ശ്യാ॒മകാ᳚ശ്ച മേ നീ॒വാരാ᳚ശ്ച മേ .. 4..

അശ്മാ॑ ച മേ॒ മൃത്തി॑കാ ച മേ ഗി॒രയ॑ശ്ച മേ॒ പർവ॑താശ്ച മേ॒ സിക॑താശ്ച മേ॒

വന॒സ്പത॑യശ്ച മേ॒ ഹിര॑ണ്യം ച॒ മേഽയ॑ശ്ച മേ॒ സീസം॑ ച മേ॒ ത്രപു॑ശ്ച
മേ ശ്യാ॒മം ച॑ മേ ലോ॒ഹം ച॑ മേ॒ഽഗ്നിശ്ച॑ മ॒ ആപ॑ശ്ച മേ വീ॒രുധ॑ശ്ച മ॒
ഓഷ॑ധയശ്ച മേ കൃഷ്ടപ॒ച്യം ച॑ മേഽകൃഷ്ടപ॒ച്യം ച॑ മേ ഗ്രാ॒മ്യാശ്ച॑ മേ
പ॒ശവ॑ ആര॒ണ്യാശ്ച॑ യ॒ജ്ഞേന॑ കൽപന്താം വി॒ത്തം ച മേ॒ വിത്തി॑ശ്ച മേ ഭൂ॒തം
ച॑ മേ॒ ഭൂതി॑ശ്ച മേ॒ വസു॑ ച മേ വസ॒തിശ്ച॑ മേ॒ കർമ॑ ച മേ॒ ശക്തി॑ശ്ച॒
മേഽർഥ॑ശ്ച മ॒ ഏമ॑ശ്ച മ॒ ഇതി॑ശ്ച മേ॒ ഗതി॑ശ്ച മേ .. 5..

അ॒ഗ്നിശ്ച॑ മ॒ ഇന്ദ്ര॑ശ്ച മേ॒ സോമ॑ശ്ച മ॒ ഇന്ദ്ര॑ശ്ച മേ സവി॒താ ച॑ മ॒

ഇന്ദ്ര॑ശ്ച മേ॒ സര॑സ്വതീ ച മ॒ ഇന്ദ്ര॑ശ്ച മേ പൂ॒ഷാ ച॑ മ॒ ഇന്ദ്ര॑ശ്ച മേ॒
ബൃഹ॒സ്പതി॑ശ്ച മ॒ ഇന്ദ്ര॑ശ്ച മേ മി॒ത്രശ്ച॑ മ॒ ഇന്ദ്ര॑ശ്ച മേ॒ വരു॑ണശ്ച
മ॒ ഇന്ദ്ര॑ശ്ച മേ॒ ത്വഷ്ടാ॑ ച മ॒ ഇന്ദ്ര॑ശ്ച മേ ധാ॒താ ച॑ മ॒ ഇന്ദ്ര॑ശ്ച മേ॒
വിഷ്ണു॑ശ്ച മ॒ ഇന്ദ്ര॑ശ്ച മേ॒ഽശ്വിനൗ॑ ച മ॒ ഇന്ദ്ര॑ശ്ച മേ മ॒രുത॑ശ്ച മ॒
ഇന്ദ്ര॑ശ്ച മേ॒ വിശ്വേ॑ ച മേ ദേ॒വാ ഇന്ദ്ര॑ശ്ച മേ പൃഥി॒വീ ച॑ മ॒ ഇന്ദ്ര॑ശ്ച
മേ॒ഽന്തരി॑ക്ഷം ച മ॒ ഇന്ദ്ര॑ശ്ച മേ॒ ദ്യൗശ്ച॑ മ॒ ഇന്ദ്ര॑ശ്ച മേ॒ ദിശ॑ശ്ച മ॒
ഇന്ദ്ര॑ശ്ച മേ മൂ॒ർധാ ച॑ മ॒ ഇന്ദ്ര॑ശ്ച മേ പ്ര॒ജാപ॑തിശ്ചമ॒ ഇന്ദ്ര॑ശ്ച മേ .. 6..

അ॒ഗ്ം॒ശുശ്ച॑ മേ ര॒ശ്മിശ്ച॒ മേഽദാ᳚ഭ്യശ്ച॒ മേഽധി॑പതിശ്ച മ ഉപാ॒ഗ്ം॒ശുശ്ച॑

മേഽന്തര്യാ॒മശ്ച॑ മ ഐന്ദ്രവായ॒വശ്ച॑ മേ മൈത്രാവരു॒ണശ്ച॑ മ ആശ്വി॒നശ്ച॑
മേ പ്രതിപ്ര॒സ്ഥാന॑ശ്ച മേ ശു॒ക്രശ്ച॑ മേ മ॒ന്ഥീ ച॑ മ ആഗ്രയ॒ണശ്ച॑
മേ വൈശ്വദേ॒വശ്ച॑ മേ ധ്രു॒വശ്ച॑ മേ വൈശ്വാന॒രശ്ച॑ മ ഋതുഗ്ര॒ഹാശ്ച॑
മേഽതിഗ്രാ॒ഹ്യാ᳚ശ്ച മ ഐന്ദ്രാ॒ഗ്നശ്ച॑ മേ വൈശ്വദേ॒വശ്ച॑ മേ മരുത്വ॒തീയാ᳚ശ്ച മേ
മാഹേ॒ന്ദ്രശ്ച॑ മ ആദി॒ത്യശ്ച॑ മേ സാവി॒ത്രശ്ച॑ മേ സാരസ്വ॒തശ്ച॑ മേ പൗ॒ഷ്ണശ്ച॑
മേ പാത്നീവ॒തശ്ച॑ മേ ഹാരിയോജ॒നശ്ച॑ മേ .. 7..

ഇ॒ധ്മശ്ച॑ മേ ബ॒ർഹിശ്ച॑ മേ॒ വേദി॑ശ്ച മേ॒ ധിഷ്ണി॑യാശ്ച മേ॒ സ്രുച॑ശ്ച മേ

ചമ॒സാശ്ച॑ മേ॒ ഗ്രാവാ॑ണശ്ച മേ॒ സ്വര॑വശ്ച മ ഉപര॒വാശ്ച॑ മേഽധി॒ഷവ॑ണേ ച
മേ ദ്രോണകല॒ശശ്ച॑ മേ വായ॒വ്യാ॑നി ച മേ പൂത॒ഭൃച്ച॑ മ ആധവ॒നീയ॑ശ്ച മ॒
ആഗ്നീ᳚ധ്രം ച മേ ഹവി॒ർധാനം॑ ച മേ ഗൃ॒ഹാശ്ച॑ മേ॒ സദ॑ശ്ച മേ പുരോ॒ഡാശാ᳚ശ്ച
മേ പച॒താശ്ച॑ മേഽവഭൃ॒ഥശ്ച॑ മേ സ്വഗാകാ॒രശ്ച॑ മേ .. 8..

അ॒ഗ്നിശ്ച॑ മേ ഘ॒ർമശ്ച॑ മേ॒ഽർകശ്ച॑ മേ॒ സൂര്യ॑ശ്ച മേ പ്രാ॒ണശ്ച॑

മേഽശ്വമേ॒ധശ്ച॑ മേ പൃഥി॒വീ ച॒ മേഽദി॑തിശ്ച മേ॒ ദിതി॑ശ്ച മേ॒ ദ്യൗശ്ച॑
മേ॒ ശക്ക്വ॑രീരം॒ഗുല॑യോ॒ ദിശ॑ശ്ച മേ യ॒ജ്ഞേന॑ കൽപന്താ॒മൃക്ച॑ മേ॒ സാമ॑
ച മേ॒ സ്തോമ॑ശ്ച മേ॒ യജു॑ശ്ച മേ ദീ॒ക്ഷാ ച॑ മേ॒ തപ॑ശ്ച മ ഋ॒തുശ്ച॑
മേ വ്ര॒തം ച॑ മേഽഹോരാ॒ത്രയോ᳚ർവൃ॒ഷ്ട്യാ ബൃ॑ഹദ്രഥന്ത॒രേ ച॑ മേ യ॒ജ്ഞേന॑
കൽപേതാം .. 9..

ഗർഭാ᳚ശ്ച മേ വ॒ത്സാശ്ച॑ മേ॒ ത്ര്യവി॑ശ്ച മേ ത്ര്യ॒വീച॑ മേ ദിത്യ॒വാട് ച॑ മേ

ദിത്യൗ॒ഹീ ച॑ മേ॒ പഞ്ചാ॑വിശ്ച മേ പഞ്ചാ॒വീ ച॑ മേ ത്രിവ॒ത്സശ്ച॑ മേ ത്രിവ॒ത്സാ
ച॑ മേ തുര്യ॒വാട് ച॑ മേ തുര്യൗ॒ഹീ ച॑ മേ പഷ്ഠ॒വാട് ച॑ മേ പഷ്ഠൗ॒ഹീ ച॑
മ ഉ॒ക്ഷാ ച॑ മേ വ॒ശാ ച॑ മ ഋഷ॒ഭശ്ച॑ മേ വേ॒ഹച്ച॑ മേഽന॒ഡ്വാഞ്ച॑
മേ ധേ॒നുശ്ച॑ മ॒ ആയു॑ര്യ॒ജ്ഞേന॑ കൽപതാം പ്രാ॒ണോ യ॒ജ്ഞേന॑കൽപതാമപാ॒നോ
യ॒ജ്ഞേന॑ കൽപതാം വ്യാ॒നോ യ॒ജ്ഞേന॑ കൽപതാം॒ ചക്ഷു॑ര്യ॒ജ്ഞേന॑ കൽപതാ॒ഗ്॒
ശ്രോത്രം॑ യ॒ജ്ഞേന॑ കൽപതാം॒ മനോ॑ യ॒ജ്ഞേന॑ കൽപതാം॒ വാഗ്യ॒ജ്ഞേന॑ കൽപതാമാ॒ത്മാ
യ॒ജ്ഞേന॑ കൽപതാം യ॒ജ്ഞോ യ॒ജ്ഞേന॑ കൽപതാം .. 10..

ഏകാ॑ ച മേ തി॒സ്രശ്ച॑ മേ॒ പഞ്ച॑ ച മേ സ॒പ്ത ച॑ മേ॒ നവ॑ ച

മ॒ ഏകാ॑ദശ ച മേ॒ ത്രയോ॑ദശ ച മേ॒ പഞ്ച॑ദശ ച മേ സ॒പ്തദ॑ശ
ച മേ॒ നവ॑ദശ ച മ॒ ഏക॑വിഗ്ംശതിശ്ച മേ॒ ത്രയോ॑വിഗ്ംശതിശ്ച മേ॒
പഞ്ച॑വിഗ്ംശതിശ്ച മേ സ॒പ്തവിഗ്ം॑ശതിശ്ച മേ॒ നവ॑വിഗ്ംശതിശ്ച മ॒
ഏക॑ത്രിഗ്ംശച്ച മേ॒ ത്രയ॑സ്ത്രിഗ്ംശച്ച മേ॒ ചത॑സ്രശ്ച മേ॒ഽഷ്ടൗ ച॑ മേ॒
ദ്വാദ॑ശ ച മേ॒ ഷോഡ॑ശ ച മേ വിഗ്ംശ॒തിശ്ച॑ മേ॒ ചതു॑ർവിഗ്ംശതിശ്ച
മേ॒ഽഷ്ടാവിഗ്ം॑ശതിശ്ച മേ॒ ദ്വാത്രിഗ്ം॑ശച്ച മേ॒ ഷട്ത്രിഗ്ം॑ശച്ച മേ
ചത്വരി॒ഗ്ം॒ശച്ച॑ മേ॒ ചതു॑ശ്ചത്വാരിഗ്ംശച്ച മേ॒ഽഷ്ടാച॑ത്വാരിഗ്ംശച്ച
മേ॒ വാജ॑ശ്ച പ്രസ॒വശ്ചാ॑പി॒ജശ്ച॒ ക്രതു॑ശ്ച॒ സുവ॑ശ്ച മൂ॒ർധാ ച॒
വ്യശ്നി॑യശ്ചാന്ത്യായ॒നശ്ചാന്ത്യ॑ശ്ച ഭൗവ॒നശ്ച॒ ഭുവ॑ന॒ശ്ചാധി॑പതിശ്ച ..

11..

ഇഡാ॑ ദേവ॒ഹൂർമനു॑ര്യജ്ഞ॒നീർബൃഹ॒സ്പതി॑രുക്ഥാമ॒ദാനി॑ ശഗ്ംസിഷ॒ദ്വിശ്വേ॑ദേ॒വാഃ

സൂ᳚ക്ത॒വാചഃ॒ പൃഥി॑വീമാത॒ർമാ മാ॑ ഹിഗ്ംസീ॒ർമധു॑ മനിഷ്യേ॒ മധു॑ ജനിഷ്യേ॒ മധു॑
വക്ഷ്യാമി॒ മധു॑ വദിഷ്യാമി॒ മധു॑മതീം ദേ॒വേഭ്യോ॒ വാച॑മുദ്യാസഗ്ം ശുശ്രൂ॒ഷേണ്യാം᳚
മനു॒ഷ്യേ᳚ഭ്യ॒സ്തം മാ॑ ദേ॒വാ അ॑വന്തു ശോ॒ഭായൈ॑ പി॒തരോഽനു॑മദന്തു.. ഓം ശാന്തിഃ॒
ശാന്തിഃ॒ ശാന്തിഃ॑ ..