ശ്രീമഹാഗണപതിപഞ്ചകം

പ്രാതഃ സ്മരാമി ഗണനാഥമുഖാരവിന്ദം

നേത്രത്രയം മദസുഗന്ധിതഗണ്ഡയുഗ്മം .
ശുണ്ഡഞ്ച രത്നഘടമണ്ഡിതമേകദന്തം
ധ്യാനേന ചിന്തിതഫലം വിതരന്നമീക്ഷ്ണം .. 1..

പ്രാതഃ സ്മരാമി ഗണനാഥഭുജാനശേഷാ-

നബ്ജാദിഭിർവിലസിതാൻ ലസിതാംഗദൈശ്ച .
ഉദ്ദണ്ഡവിഘ്നപരിഖണ്ഡനചണ്ഡദണ്ഡാൻ
വാഞ്ഛാധികം പ്രതിദിനം വരദാനദക്ഷാൻ .. 2..

പ്രാതഃ സ്മരാമി ഗണനാഥവിശാലദേഹം

സിന്ദൂരപുഞ്ജപരിരഞ്ജിതകാന്തികാന്തം .
മുക്താഫലൈർമണിഗണൈർലസിതം സമന്താത്
ശ്ലിഷ്ടം മുദാ ദയിതയാ കില സിദ്ധലക്ഷ്മ്യാ .. 3..

പ്രാതഃ സ്തുവേ ഗണപതിം ഗണരാജരാജം

മോദപ്രമോദസുമുഖാദിഗണൈശ്ച ജുഷ്ടം .
ശക്ത്യഷ്ടഭിർവിലസിതം നതലോകപാലം
ഭക്താർതിഭഞ്ജനപരം വരദം വരേണ്യം .. 4..
പ്രാതഃ സ്മരാമി ഗണനായകനാമരൂപം
ലംബോദരം പരമസുന്ദരമേകദന്തം .
സിദ്ധിപ്രദം ഗജമുഖം സുമുഖം ശരണ്യം
ശ്രേയസ്കരം ഭുവനമംഗലമാദിദേവം .. 5..

യഃ ശ്ലോകപഞ്ചകമിദം പഠതി പ്രഭാതേ

ഭക്ത്യാ ഗൃഹീതചരണോ ഗണനായകസ്യ .
തസ്മൈ ദദാതി മുദിതോ വരദാനദക്ഷഃ
ചിന്താമണിർനിഖിലചിന്തിതമർഥകാമം .. 6..

ഇതി ശ്രീദത്താത്രേയാനന്ദനാഥവിരചിതം ശ്രീമഹാഗണപതിപഞ്ചകം

സമ്പൂർണം ..
 ശ്രീമഹാഗണപതി നവാർണ വേദപാദസ്തവഃ

ശ്രീഗണേശനവരത്നമാലാ ച

This hymn or stotra has a peculiar structure. Each of the

verses has a letter from the Mahaganapati mantram (viz)
ശ്രീമഹാഗണപതയേ നമഃ . Shrimahaganapataye namaha (namana)

in the beginning. In addition they also have a line from

the Vedas in the second half of the second line. For
example, in the case of the first verse the portion reading
shriya.n vAsaya me kule . ശ്രിയം വാസയ മേ കുലേ . is a

sentence from the Shrisuktam from the Vedas.

ശ്രീകണ്ഠതനയ ശ്രീശ ശ്രീകര ശ്രീദലാർചിത .

ശ്രീവിനായക സർവേശ ശ്രിയം വാസയ മേ കുലേ .. 1..

ഗജാനന ഗണാധീശ ദ്വിജരാജ-വിഭൂഷിത .

ഭജേ ത്വാം സച്ചിദാനന്ദ ബ്രഹ്മണാം ബ്രഹ്മണാസ്പതേ .. 2..

ണഷാഷ്ഠ-വാച്യ-നാശായ രോഗാട-വികുഠാരിണേ .
ഘൃണാ-പാലിത-ലോകായ വനാനാം പതയേ നമഃ .. 3..

ധിയം പ്രയച്ഛതേ തുഭ്യമീപ്സിതാർഥ-പ്രദായിനേ .

ദീപ്ത-ഭൂഷണ-ഭൂഷായ ദിശാം ച പതയേ നമഃ .. 4..
പഞ്ച-ബ്രഹ്മ-സ്വരൂപായ പഞ്ച-പാതക-ഹാരിണേ .
പഞ്ച-തത്ത്വാത്മനേ തുഭ്യം പശൂനാം പതയേ നമഃ .. 5..

തടിത്കോടി-പ്രതീകാശ-തനവേ വിശ്വ-സാക്ഷിണേ .
തപസ്വി-ധ്യായിനേ തുഭ്യം സേനാനിഭ്യശ്ച വോ നമഃ .. 6..

യേ ഭജന്ത്യക്ഷരം ത്വാം തേ പ്രാപ്നുവന്ത്യക്ഷരാത്മതാം.

നൈകരൂപായ മഹതേ മുഷ്ണതാം പതയേ നമഃ .. 7..

നഗജാ-വര-പുത്രായ സുര-രാജാർചിതായ ച .
സുഗുണായ നമസ്തുഭ്യം സുമൃഡീകായ മീഢുഷേ .. 8..

മഹാ-പാതക-സംഘാത-തമ-ഹാരണ-ഭയാപഹ .
ത്വദീയ-കൃപയാ ദേവ സർവാനവ യജാമഹേ .. 9..

നവാർണ-രത്ന-നിഗമ-പാദ-സമ്പുടിതാം സ്തുതിം .
ഭക്ത്യാ പഠന്തി യേ തേഷാം തുഷ്ടോ ഭവ ഗണാധിപ .. 10..

.. ഇതി ശ്രീമഹാഗണപതി-നവാർണ-വേദപാദ-സ്തവഃ സമപ്തഃ

..
 ശ്രീമഹാഗണപതിവജ്രപഞ്ജരകവചം

.. പൂർവപീഠികാ ..

മഹാദേവി ഗണേശസ്യ വരദസ്യ മഹാത്മനഃ .

കവചം തേ പ്രവക്ഷ്യാമി വജ്രപഞ്ജരകാഭിധം ..

.. വിനിയോഗഃ ..

ഓം അസ്യ ശ്രീമഹാഗണപതിവജ്രപഞ്ജരകവചസ്യ ശ്രീഭൈരവ

ഋഷിഃ,
ഗായത്രം ഛന്ദഃ, ശ്രീമഹാഗണപതി ദേവതാ, ഗം ബീജം, ഹ്രീം
ശക്തിഃ,
കുരു കുരു കീലകം, വജ്രവിദ്യാദിസിദ്ധ്യർഥേ
മഹാഗണപതിവജ്രപഞ്ജരകവചപാഠേ വിനിയോഗഃ ..

.. ഋഷ്യാദിന്യാസഃ ..

ശ്രീഭൈരവർഷയേ നമഃ ശിരസി . ഗായത്രഛന്ദസേ നമോ മുഖേ

.
ശ്രീമഹാഗണപതിദേവതായൈ നമോ ഹൃദി . ഗം ബീജായ നമോ
ഗുഹ്യേ .
ഹ്രീംശക്തയേ നമോ നാഭൗ . കുരു കുരു കീലകായ നമഃ
പാദയോഃ .
വജ്രവിദ്യാദിസിദ്ധ്യർഥേ മഹാഗണപതിവജ്രപഞ്ജരകവചപാഠേ
വിനിയോഗായ നമഃ സർവാംഗേ ..

.. കരന്യാസഃ ..

ഗാം അംഗുഷ്ഠാഭ്യാം നമഃ . ഗീം തർജനീഭ്യാം നമഃ .

ഗൂം മധ്യമാഭ്യാം നമഃ . ഗൈം അനാമികാഭ്യാം നമഃ .
ഗൗം കനിഷ്ഠികാഭ്യാം നമഃ . ഗഃ കരതലകരപൃഷ്ഠാഭ്യാം നമഃ

..

.. അംഗന്യാസഃ ..

ഗാം ഹൃദയായ നമഃ . ഗീം ശിരസേ സ്വാഹാ . ഗൂം ശിഖായൈ

വഷട് .
ഗൈം കവചായ ഹും . ഗൗം നേത്രത്രയായ വൗഷട് . ഗഃ
അസ്ത്രായ ഫട് ..

.. ധ്യാനം ..

വിഘ്നേശം വിശ്വവന്ദ്യം സുവിപുലയശസം ലോകരക്ഷാപ്രദക്ഷം

സാക്ഷാത്സർവാപദാസു പ്രശമനസുമതിം പാർവതീപ്രാണസൂനും .
പ്രായഃ സർവാസുരേന്ദ്രൈഃ സസുരമുനിഗണൈഃ സാധകൈഃ
പൂജ്യമാനം
കാരുണ്യേനാന്തരായാമിതഭയശമനം വിഘ്നരാജം നമാമി ..

.. കവചപാഠഃ ..
ഓം ശ്രീം ഹ്രീം ഗം ശിരഃ പാതു മഹാഗണപതിഃ പ്രഭുഃ .
വിനായകോ ലലാടം മേ വിഘ്നരാജോ ഭ്രുവൗ മമ .. 1..

പാതു നേത്രേ ഗണാധ്യക്ഷോ നാസികാം മേ ഗജാനനഃ .

ശ്രുതീ മേഽവതു ഹേരംബോ ഗണ്ഡൗ മേ മോദകാശനഃ .. 2..

ദ്വൈമാതുരോ മുഖം പാതു ചാധരൗ പാത്വരിന്ദമഃ .

ദന്താന്മമൈകദന്തോഽവ്യാദ്വക്രതുണ്ഡോഽവതാദ്രസാം .. 3..

ഗാംഗേയോ മേ ഗലം പാതു സ്കന്ധൗ സിംഹാസനോഽവതു .

വിഘ്നാന്തകോ ഭുജൗ പാതു ഹസ്തൗ മൂഷകവാഹനഃ .. 4..

ഊരൂ മമാവതാന്നിത്യം ദേവസ്ത്രിപുരഘാതനഃ .

ഹൃദയം മേ കുമാരോഽവ്യാജ്ജയന്തഃ പാർശ്വയുഗ്മകം .. 5..

പ്രദ്യുമ്നോ മേഽവതാത്പൃഷ്ഠം നാഭിം ശങ്കരനന്ദനഃ .

കടിം നന്ദിഗണഃ പാതു ശിശ്നം വിശ്വേശ്വരോഽവതു .. 6..

മേഢ്രേ മേഽവതു സൗഭാഗ്യോ ഭൃംഗിരീടീ ച ഗുഹ്യകം .

വിരാടകോഽവതാദൂരൂ ജാനൂ മേ പുഷ്പദന്തകഃ .. 7..

ജംഘേ മമ വികർതോഽവ്യാദ്ഗുൽഫാവന്ത്യഗണോഽവതു .
പാദൗ ചിത്തഗണഃ പാതു പാദാധോ ലോഹിതോഽവതു .. 8..
പാദപൃഷ്ഠം സുന്ദരോഽവ്യാന്നൂപുരാഢ്യോ വപുർമമ .
വിചാരോ ജഠരം പാതു ഭൂതാനി ചോഗ്രരൂപകഃ .. 9..

ശിരസഃ പാദപര്യന്തം വപുഃ സപ്തഗണോഽവതു .

പാദാദിമൂർധപര്യന്തം വപുഃ പാതു വിനർതകഃ .. 10..

വിസ്മാരിതം തു യത്സ്ഥാനം ഗണേശസ്തത്സദാഽവതു .

പൂർവേ മാം ഹ്രീം കരാലോഽവ്യാദാഗ്നേയേ വികരാലകഃ ..

11..

ദക്ഷിണേ പാതു സംഹാരോ നൈരൃതേ രുരുഭൈരവഃ .

പശ്ചിമേ മാം മഹാകാലോ വായൗ കാലാഗ്നിഭൈരവഃ .. 12..

ഉത്തരേ മാം സിതാസ്യോഽവ്യാദൈശാന്യാമസിതാത്മകഃ .

പ്രഭാതേ ശതപത്രോഽവ്യാത്സഹസ്രാരസ്തു മധ്യമേ .. 13..

ദന്തമാലാ ദിനാന്തേഽവ്യാന്നിശി പാത്രം സദാഽവതു .

കലശോ മാം നിശീഥേഽവ്യാന്നിശാന്തേ പരശുസ്തഥാ .
സർവത്ര സർവദാ പാതു ശംഖയുഗ്മം ച മദ്വപുഃ .. 14..

ഓം ഓം രാജകുലേ ഹൗം ഹൗം രണഭയേ ഹ്രീം ഹ്രീം

കുദ്യൂതേഽവതാത്
ശ്രീം ശ്രീം ശത്രുഗൃഹേ ശൗം ശൗം ജലഭയേ ക്ലീം ക്ലീം
വനാന്തേഽവതു .
ഗ്ലൗം ഗ്ലൂം ഗ്ലൈം ഗ്ലം ഗും സത്ത്വഭീതിഷു മഹാവ്യാധ്യാർതിഷു
ഗ്ലൗം ഗം ഗൗം
നിത്യം യക്ഷപിശാചഭൂതഫണിഷു ഗ്ലൗം ഗം ഗണേശോഽവതു ..

15..

.. ഫലശ്രുതിഃ ..

ഇതീദം കവചം ഗുഹ്യം സർവതന്ത്രേഷു ഗോപിതം .

വജ്രപഞ്ജരനാമാനം ഗണേശസ്യ മഹാത്മനഃ .. 1..

അംഗഭൂതം മനുമയം സർവാചാരൈകസാധനം .

വിനാനേന ന സിദ്ധിഃ സ്യാത്പൂജനസ്യ ജപസ്യ ച .. 2..

തസ്മാത്തു കവചം പുണ്യം പഠേദ്വാ ധാരയേത്സദാ .

തസ്യ സിദ്ധിർമഹാദേവി കരസ്ഥാ പാരലൗകികീ .. 3..

യം യം കാമയതേ കാമം തം തം പ്രാപ്നോതി പാഠതഃ .

അർധരാത്രേ പഠേന്നിത്യം സർവാഭീഷ്ടഫലം ലഭേത് .. 4..

ഇതി ഗുഹ്യം സുകവചം മഹാഗണപതേഃ പ്രിയം .

സർവസിദ്ധിമയം ദിവ്യം ഗോപയേത്പരമേശ്വരി ..

.. ശ്രീരുദ്രയാമലേ തന്ത്രേ ശ്രീമഹാഗണപതിവജ്രപഞ്ജരകവചം

സമ്പൂർണം ..
 മഹാഗണപത്യേകവിംശതിനാമസ്തോത്രം

ഓം ഗണഞ്ജയോ ഗണപതിർഹേരംബോ ധരണീധരഃ .

മഹാഗണപതിർലക്ഷപ്രദഃ ക്ഷിപ്രപ്രസാദനഃ .. 1..

അമോഘസിദ്ധിരമിതോ മന്ത്രശ്ചിന്താമണിർനിധിഃ .
സുമംഗലോ ബീജമാശാപൂരകോ വരദഃ ശിവഃ .. 2..

കാശ്യപോ നന്ദനോ വാചാസിദ്ധോ ഢുണ്ഢിർവിനായകഃ .

മോദകൈരേഭിരത്രൈകവിംശത്യാ നാമഭിഃ പുമാൻ .. 3..

യഃ സ്തൗതി മദ്ഗതമനാ മമാരാധനതത്പരഃ .

സ്തുതോ നാമ്നാം സഹസ്രേണ തേനാഹം നാത്ര സംശയഃ .. 4..

നമോ നമഃ സുരവരപൂജിതാംഘ്രയേ നമോ നമോ

നിരുപമമംഗലാത്മനേ .
നമോ നമോ വിപുലകരൈകസിദ്ധയേ നമോ നമഃ
കരികലമാനനായ തേ .. 5..
കിങ്കിണീഗണരണിതസ്തവ ചരണഃ പ്രകടിതഗുരുമിതിചാരിത്രഗണഃ

.
മദജലലഹരികലിതകപോലഃ ശമയതു ദുരിതംഗണപതിനൃപനാമാ

.. 6..

ഇതി മഹാഗണപത്യേകവിംശതിനാമസ്തോത്രം സമ്പൂർണം .

ശ്രീവിദ്യാഗണേശാഷ്ടോത്തരശതനാമസ്തോത്രം

ശ്രീമദ്വിദ്യാഗണേശസ്യ നാമ്നാമഷ്ടോത്തരം ശതം .

വക്ഷ്യാമി ശൃണു ദേവേശി സാവധാനേന ചേതസാ .. 1..

സർവപാപപ്രശമനം സർവവിഘ്നനിവാരകം .
സർവരോഗഹരം ദിവ്യം സാധകാഭീഷ്ടദായകം .. 2..

ബ്രഹ്മാദയഃ സുരാഃ സർവേ വസിഷ്ഠാദ്യാ മുനീശ്വരാഃ .

വിദ്യാഗണാധിനാഥസ്യ ചക്രാരാധനതത്പരാഃ .. 3..

സ്തോത്രേണാനേന സമ്പൂജ്യ ജപ്ത്വാ രവേഃ പദേ സ്ഥിതാഃ .

സുഖിനോഽദ്യാപി ദൃശ്യന്തേ സദ്യഃ സന്തുഷ്ടമാനസാഃ .. 4..

താദൃശം പരമം ദിവ്യം പ്രത്യക്ഷഫലദായകം .

യഃ പഠേത് പ്രാതരുത്ഥായ ചിന്തയേന്മൂനി ബാലകം .. 5..
സ സർവദുരിതാന്മു(ക്ത്വാ)ക്തോ സർവാൻ കാമാനവാപ്നുയാത്

.
ചക്രപൂജാവിധാനേന പ്രയാണേ സമുപസ്ഥിതേ .. 6..

ശോഭനേഷു സമസ്തേഷു കാര്യേധ്വന്യേഷു ബുദ്ധിമാൻ .

സ്തോത്രേണാനേന സമ്പൂജ്യ ജപ്ത്വാഭീഷ്ടമവാപ്നുയാത് .. 7..

ധാന്യകാമീ ലഭേദ്ധാന്യം ധനകാമീ ധനം ലഭേത് .

സന്താനകാമീ സന്താനം ക്ഷേത്രാർഥീ ക്ഷേത്രമുത്തമം .. 8..

സർവം ലഭേത് സർവകാമീ നിഷ്കാമീ തത്ഫലം ലഭേത് .

(അഥ സ്തോത്രം .)
ഓം വിദ്യാഗണപതിർവിഘ്നഹരോ ഗജമുഖോഽവ്യയഃ .. 9..

വിജ്ഞാനാത്മാ വിയത്കായോ വിശ്വാകാരോ വിനായകഃ .

വിശ്വസൃഗ്വിശ്വഭുഗ്വിശ്വസംഹർതാ വിശ്വഗോപനഃ .. 10..

വിശ്വാനുഗ്രാഹകഃ സത്യഃ ശിവതുല്യഃ ശിവാത്മജഃ .

വിചിത്രനർതനോ വീരോ വിശ്വസന്തോഷവർധനഃ .. 11..

വിമർശീ വിമലാചാരോ വിശ്വാകാരോ വിനായകഃ .

സ്വതന്ത്രഃ സുലഭഃ സ്വർചഃ സുമുഖഃ സുഖബോധകഃ .. 12..

സൂര്യാഗ്നിശശിദൃക് സോമകലാചൂഡഃ സുഖാസനഃ .

സ്വപ്രകാശഃ സുധാവക്ത്രഃ സ്വയം വ്യക്തഃ സ്മൃതിപ്രിയഃ .. 13..
ശക്തീശഃ ശങ്കരഃ ശംഭുഃ പ്രഭുർവിഭുരുമാസുതഃ .
ശാന്തഃ ശതമഖാരാധ്യശ്ചതുരശ്ചക്രനായകഃ .. 14..

കാലജിത് കരുണാമൂർതിരവ്യക്തഃ ശാശ്വതഃ ശുഭഃ .

ഉഗ്രകർമോദിതാനന്ദീ ശിവഭക്തഃ ശിവാന്തരഃ .. 15..

ചൈതന്യധൃതിരവ്യഗ്രഃ സർവജ്ഞഃ സർവശത്രുഭൃത് .

സർവാഗ്രഃ സമരാനന്ദീ സംസിദ്ധഗണനായകഃ .. 16..

സാംബപ്രമോദകോ വജ്രീ മാനസോ മോദകപ്രിയഃ .

ഏകദന്തോ ബൃഹത്കുക്ഷിഃ ദീർഘതുണ്ഡോ വികർണകഃ .. 17..

ബ്രഹ്മാണ്ഡകന്ദുകശ്ചിത്രവർണശ്ചിത്രരഥാസനഃ .
തേജസ്വീ തീക്ഷ്ണധിഷണഃ ശക്തിവൃന്ദനിഷേവിതഃ .. 18..

പരാപരാശ്ച പശ്യന്തീ പ്രാണനാഥഃ പ്രമത്തഹൃത് .

സങ് ക്ലിഷ്ടമധ്യമഃസ്പഷ്ടോ വൈഖരീജനകഃ ശുചിഃ .. 19..

ധർമപ്രവർതകഃ കാമോ ഭൂമിസ്ഫുരിതവിഗ്രഹഃ .

തപസ്വീ തരുണോല്ലാസീ യോഗിനീഭോഗതത്പരഃ .. 20..

ജിതേന്ദ്രിയോ ജയശ്രീകോ ജന്മമൃത്യുവിദാരണഃ .

ജഗദ്ഗുരുരമേയാത്മാ ജംഗമസ്ഥാവരാത്മകഃ .. 21..
നമസ്കാരപ്രിയോ നാനാമതഭേദവിഭേദകഃ .
നയവിത് സമദൃക് ശൂരഃ സർവലോകൈകശാസനഃ .. 22..

വിശുദ്ധവിക്രമോ വൃദ്ധഃ സംവൃദ്ധഃ സസുഹൃദ്ഗണഃ .

സർവസാക്ഷീ സദാനന്ദീ സർവലോകപ്രിയങ്കരഃ .. 23..

സർവാതീതഃ സമരസഃ സത്യാവാസഃ സതാം ഗതിഃ .

ഇതി വിദ്യാഗണേശസ്യ നാമ്നാമഷ്ടോത്തരം ശതം .. 24..

യഃ പഠേച്ഛൃണുയാദ്വാപി നിത്യം ഭക്തിസമന്വിതഃ .

തസ്യ സാധകവര്യസ്യ സർവാവസ്ഥാസു സർവദാ .
നാസാധ്യമസ്തി കിമപി വിദ്യാവിഘ്നേശ്വരാത്മനഃ .. 25..

.. ഇതി മഹാശൈവതന്ത്രേ അതിരഹസ്യേ

ആകാശഭൈരവകല്പേ ശങ്കരവിരചിതേ
ശ്രീവിദ്യാഗണേശാഷ്ടോത്തരശതനാമസ്തോത്രം സമ്പൂർണം ..
 ശ്രീവല്ലഭമഹാഗണപതിത്രിശതീനാമാവലിഃ

ശ്രീഗണേശായ നമഃ .
ശ്രീവല്ലഭമഹാഗണപതിപ്രീത്യർഥം
ശ്രീമഹാഗണപതിപ്രസാദസിദ്ധ്യർഥം
ശ്രീമഹാഗണപതിമഹാമന്ത്രജപം കരിഷ്യേ ..

അസ്യ ശ്രീമഹാഗണപതിമഹാമന്ത്രസ്യ ഗണകഋഷിഃ ഗായത്രീ

ഛന്ദഃ ശ്രീമഹാഗണപതിർദേവതാ .

ഗാം ബീജം, ഗീം ശക്തിഃ, ഗൂം കീലകം,

ശ്രീമഹാഗണപതിപ്രസാദസിദ്ധ്യർഥേ ജപേ വിനിയോഗഃ

ഗാം അംഗുഷ്ഠാഭ്യാം നമഃ .

ഗീം തർജനീഭ്യാം നമഃ .
ഗൂം മധ്യമാഭ്യാം നമഃ .
ഗൈം അനാമികാഭ്യാം നമഃ .
ഗൗം കനിഷ്ടികാഭ്യാം നമഃ .
ഗഃ കരതലകരപൃഷ്ഠാഭ്യാം നമഃ .
ഗാം ഹൃദയായ നമഃ .
ഗീം ശിരസേ സ്വാഹാ .
ഗൂം ശിഖായൈ വഷട് .
ഗൈം കവചായ ഹൂം .
ഗൗം നേത്രത്രയായ വൗഷട് .
ഗഃ അസ്ത്രായ ഫട് .
ഭൂർഭുവസുവരോം ഇതി ദിഗ്ബന്ധഃ .

.. ധ്യാനം ..

ബീജാപൂരഗദേക്ഷുകാർമുകരുജാ ചക്രാബ്ജപാശോത്പല .
വ്രീഹ്യഗ്രസ്വവിഷാണരത്നകലശപ്രോദ്യത്കരാംഭോരുഹഃ ..

ധ്യേയോ വല്ലഭയാ സപദ്യകരയാഽഽശ്ലിഷ്ടോജ്ജ്വലദ്ഭൂഷയാ .

വിശ്വോത്പത്തി വിപത്തി സംസ്ഥിതികരോ വിഘ്നോ
വിശിഷ്ടാർഥദഃ ..

മൂഷികവാഹന മോദകഹസ്ത, ചാമരകർണ വിലംബിതസൂത്ര .

വാമനരൂപ മഹേശ്വരപുത്ര, വിഘ്നവിനായക പാദ നമസ്തേ ..

.. മാനസപൂജാ ..
ലം പൃഥിവ്യാത്മകം ഗന്ധം ശ്രീവല്ലഭമഹാഗണപതയേ
സമർപയാമി നമഃ .
ഹം ആകാശാത്മകം പുഷ്പം ശ്രീവല്ലഭമഹാഗണപതയേ
സമർപയാമി നമഃ .
യം വായ്വാത്മകം ധൂപം ശ്രീവല്ലഭമഹാഗണപതയേ ഘ്രാപയാമി
നമഃ .
രം വഹ്നയാത്മകം ദീപം ശ്രീവല്ലഭമഹാഗണപതയേ ദർശയാമി
നമഃ .
വം അമൃതാത്മകം നൈവേദ്യം ശ്രീവല്ലഭമഹാഗണപതയേ
നിവേദയാമി നമഃ .
സം സർവാത്മകം താംബൂലം ശ്രീവല്ലഭമഹാഗണപതയേ
സമർപയാമി നമഃ .

.. അഥ ത്രിശതീ നാമാവലിഃ ..

ഓം ഓങ്കാരഗണപതയേ നമഃ .
ഓം ഓങ്കാരപ്രണവരൂപായ നമഃ .
ഓം ഓങ്കാരമൂർതയേ നമഃ .
ഓം ഓങ്കാരായ നമഃ .
ഓം ഓങ്കാരമന്ത്രായ നമഃ .
ഓം ഓങ്കാരബിന്ദുരൂപായ നമഃ .
ഓം ഓങ്കാരരൂപായ നമഃ .
ഓം ഓങ്കാരനാദായ നമഃ .
ഓം ഓങ്കാരമയായ നമഃ .
ഓം ഓങ്കാരമൂലാധാരവാസായ നമഃ .. 10..

ഓം ശ്രീങ്കാരഗണപതയേ നമഃ .
ഓം ശ്രീങ്കാരവല്ലഭായ നമഃ .
ഓം ശ്രീങ്കാരായ നമഃ .
ഓം ശ്രീം ലക്ഷ്മ്യൈ നമഃ .
ഓം ശ്രീം മഹാഗണേശായ നമഃ .
ഓം ശ്രീം വല്ലഭായ നമഃ .
ഓം ശ്രീഗണേശായ നമഃ .
ഓം ശ്രീം വീരഗണേശായ നമഃ .
ഓം ശ്രീം വീരലക്ഷ്മ്യൈ നമഃ .
ഓം ശ്രീം ധൈര്യഗണേശായ നമഃ .. 20..

ഓം ശ്രീം വീരപുരേന്ദ്രായ നമഃ .

ഓം ഹ്രീങ്കാരഗണേശായ നമഃ .
ഓം ഹ്രീങ്കാരമയായ നമഃ .
ഓം ഹ്രീങ്കാരസിംഹായ നമഃ .
ഓം ഹ്രീങ്കാരബാലായ നമഃ .
ഓം ഹ്രീങ്കാരപീഠായ നമഃ .
ഓം ഹ്രീങ്കാരരൂപായ നമഃ .
ഓം ഹ്രീങ്കാരവർണായ നമഃ .
ഓം ഹ്രീങ്കാരകലായ നമഃ .
ഓം ഹ്രീങ്കാരലയായ നമഃ .. 30..

ഓം ഹ്രീങ്കാരവരദായ നമഃ .
ഓം ഹ്രീങ്കാരഫലദായ നമഃ .
ഓം ക്ലീങ്കാരഗണേശായ നമഃ .
ഓം ക്ലീങ്കാരമന്മഥായ നമഃ .
ഓം ക്ലീങ്കാരായ നമഃ .
ഓം ക്ലീം മൂലാധാരായ നമഃ .
ഓം ക്ലീം വാസായ നമഃ .
ഓം ക്ലീങ്കാരമോഹനായ നമഃ .
ഓം ക്ലീങ്കാരോന്നതരൂപായ നമഃ .
ഓം ക്ലീങ്കാരവശ്യായ നമഃ .. 40..

ഓം ക്ലീങ്കാരനാഥായ നമഃ .
ഓം ക്ലീങ്കാരഹേരംബായ നമഃ .
ഓം ക്ലീങ്കാരരൂപായ നമഃ .
ഓം ഗ്ലൗം ഗണപതയേ നമഃ .
ഓം ഗ്ലൗങ്കാരബീജായ നമഃ .
ഓം ഗ്ലൗങ്കാരാക്ഷരായ നമഃ .
ഓം ഗ്ലൗങ്കാരബിന്ദുമധ്യഗായ നമഃ .
ഓം ഗ്ലൗങ്കാരവാസായ നമഃ .
ഓം ഗം ഗണപതയേ നമഃ .
ഓം ഗം ഗണനാഥായ നമഃ .. 50..

ഓം ഗം ഗണാധിപായ നമഃ .
ഓം ഗം ഗണാധ്യക്ഷായ നമഃ .
ഓം ഗം ഗണായ നമഃ .
ഓം ഗം ഗഗനായ നമഃ .
ഓം ഗം ഗംഗായ നമഃ .
ഓം ഗം ഗമനായ നമഃ .
ഓം ഗം ഗാനവിദ്യാപ്രദായ നമഃ .
ഓം ഗം ഘണ്ടാനാദപ്രിയായ നമഃ .
ഓം ഗം ഗകാരായ നമഃ .
ഓം ഗം വാഹായ നമഃ .. 60..

ഓം ഗണപതയേ നമഃ .
ഓം ഗജമുഖായ നമഃ .
ഓം ഗജഹസ്തായ നമഃ .
ഓം ഗജരൂപായ നമഃ .
ഓം ഗജാരൂഢായ നമഃ .
ഓം ഗജായ നമഃ .
ഓം ഗണേശ്വരായ നമഃ .
ഓം ഗന്ധഹസ്തായ നമഃ .
ഓം ഗർജിതായ നമഃ .
ഓം ഗതായ നമഃ .. 70..

ഓം ണകാരഗണപതയേ നമഃ .
ഓം ണലായ നമഃ .
ഓം ണലിംഗായ നമഃ .
ഓം ണലപ്രിയായ നമഃ .
ഓം ണലേശായ നമഃ .
ഓം ണലകോമലായ നമഃ .
ഓം ണകരീശായ നമഃ . (ഗരീശായ)
ഓം ണകരികായ നമഃ . (ഗരികായ)
ഓം ണണണങ്കായ നമഃ . (ണംഗായ)
ഓം ണണീശായ നമഃ .. 80..

ഓം ണണീണപ്രിയായ നമഃ . (ണണീശപ്രിയായ)

ഓം പരബ്രഹ്മായ നമഃ .
ഓം പരഹന്ത്രേ നമഃ .
ഓം പരമൂർതയേ നമഃ .
ഓം പരായ നമഃ .
ഓം പരമാത്മനേ നമഃ .
ഓം പരാനന്ദായ നമഃ .
ഓം പരമേഷ്ഠിനേ നമഃ .
ഓം പരാത്പരായ നമഃ .
ഓം പദ്മാക്ഷായ നമഃ .. 90..

ഓം പദ്മാലയാപതയേ നമഃ .
ഓം പരാക്രമിണേ നമഃ .
ഓം തത്ത്വഗണപതയേ നമഃ .
ഓം തത്ത്വഗമ്യായ നമഃ .
ഓം തർകവേത്രേ നമഃ .
ഓം തത്ത്വവിദേ നമഃ .
ഓം തത്ത്വരഹിതായ നമഃ .
ഓം തമോഹിതായ നമഃ .
ഓം തത്ത്വജ്ഞാനായ നമഃ .
ഓം തരുണായ നമഃ .. 100..
ഓം തരണിഭൃംഗായ നമഃ .
ഓം തരണിപ്രഭായ നമഃ .
ഓം യജ്ഞഗണപതയേ നമഃ .
ഓം യജ്ഞകായ നമഃ .
ഓം യശസ്വിനേ നമഃ .
ഓം യജ്ഞകൃതേ നമഃ .
ഓം യജ്ഞായ നമഃ .
ഓം യമഭീതിനിവർതകായ നമഃ .
ഓം യമഹൃതയേ നമഃ .
ഓം യജ്ഞഫലപ്രദായ നമഃ .. 110..

ഓം യമാധാരായ നമഃ .
ഓം യമപ്രദായ നമഃ .
ഓം യഥേഷ്ടവരപ്രദായ നമഃ .
ഓം വരഗണപതയേ നമഃ .
ഓം വരദായ നമഃ .
ഓം വസുധാപതയേ നമഃ .
ഓം വജ്രോദ്ഭവഭയസംഹർത്രേ നമഃ .
ഓം വല്ലഭാരമണീശായ നമഃ .
ഓം വക്ഷസ്ഥലമണിഭ്രാജിനേ നമഃ .
ഓം വജ്രധാരിണേ നമഃ .. 120..

ഓം വശ്യായ നമഃ .
ഓം വകാരരൂപായ നമഃ .
ഓം വശിനേ നമഃ .
ഓം വരപ്രദായ നമഃ .
ഓം രജഗണപതയേ നമഃ . (രംഗണപതയേ)
ഓം രജകരായ നമഃ . (രങ്കാരായ)
ഓം രമാനാഥായ നമഃ .
ഓം രത്നാഭരണഭൂഷിതായ നമഃ .
ഓം രഹസ്യജ്ഞായ നമഃ .
ഓം രസാധാരായ നമഃ .. 130..

ഓം രഥസ്ഥായ നമഃ .
ഓം രഥാവാസായ നമഃ .
ഓം രഞ്ജിതപ്രദായ നമഃ .
ഓം രവികോടിപ്രകാശായ നമഃ .
ഓം രമ്യായ നമഃ .
ഓം വരദവല്ലഭായ നമഃ .
ഓം വകാരായ നമഃ .
ഓം വരുണപ്രിയായ നമഃ .
ഓം വജ്രധരായ നമഃ .
ഓം വരദവരദായ നമഃ .. 140..

ഓം വന്ദിതായ നമഃ .
ഓം വശ്യകരായ നമഃ .
ഓം വദനപ്രിയായ നമഃ .
ഓം വസവേ നമഃ .
ഓം വസുപ്രിയായ നമഃ .
ഓം വരദപ്രിയായ നമഃ .
ഓം രവിഗണപതയേ നമഃ .
ഓം രത്നകിരീടായ നമഃ .
ഓം രത്നമോഹനായ നമഃ .
ഓം രത്നഭൂഷണായ നമഃ .. 150..

ഓം രത്നകാരകായ നമഃ .
ഓം രത്നമന്ത്രപായ നമഃ .
ഓം രസാചലായ നമഃ .
ഓം രസാതലായ നമഃ .
ഓം രത്നകങ്കണായ നമഃ .
ഓം രവോധീശായ നമഃ . (രവേരധീശായ)
ഓം രവാപാനായ നമഃ . (രവാഭാനായ)
ഓം രത്നാസനായ നമഃ .
ഓം ദകാരരൂപായ നമഃ .
ഓം ദമനായ നമഃ .. 160.. ..

ഓം ദണ്ഡകാരിണേ നമഃ .
ഓം ദയാധനികായ നമഃ .
ഓം ദൈത്യഗമനായ നമഃ .
ഓം ദയാവഹായ നമഃ .
ഓം ദക്ഷധ്വംസനകരായ നമഃ .
ഓം ദക്ഷായ നമഃ .
ഓം ദതകായ നമഃ .
ഓം ദമോജഘ്നായ നമഃ .
ഓം സർവവശ്യഗണപതയേ നമഃ .. 170..

ഓം സർവാത്മനേ നമഃ .
ഓം സർവജ്ഞായ നമഃ .
ഓം സർവസൗഖ്യപ്രദായിനേ നമഃ .
ഓം സർവദുഃഖഘ്നേ നമഃ .
ഓം സർവരോഗഹൃതേ നമഃ .
ഓം സർവജനപ്രിയായ നമഃ .
ഓം സർവശാസ്ത്രകലാപധരായ നമഃ .
ഓം സർവദുഃഖവിനാശകായ നമഃ .
ഓം സർവദുഷ്ടപ്രശമനായ നമഃ .
ഓം ജയഗണപതയേ നമഃ .. 180..

ഓം ജനാർദനായ നമഃ .
ഓം ജപാരാധ്യായ നമഃ .
ഓം ജഗന്മാന്യായ നമഃ .
ഓം ജയാവഹായ നമഃ .
ഓം ജനപാലായ നപഃ
ഓം ജഗത്സൃഷ്ടയേ നമഃ .
ഓം ജപ്യായ നമഃ .
ഓം ജനലോചനായ നമഃ .
ഓം ജഗതീപാലായ നമഃ .
ഓം ജയന്തായ നമഃ .. 190..

ഓം നടനഗണപതയേ നമഃ .
ഓം നദ്യായ നമഃ .
ഓം നദീശഗംഭീരായ നമഃ .
ഓം നതഭൂദേവായ നമഃ .
ഓം നഷ്ടദ്രവ്യപ്രദായകായ നമഃ .
ഓം നയജ്ഞായ നമഃ .
ഓം നമിതാരയേ നമഃ .
ഓം നന്ദായ നമഃ .
ഓം നടവിദ്യാവിശാരദായ നമഃ .
ഓം നവത്യാനാം സന്ത്രാത്രേ നമഃ .. 200.. (നവദ്യാനാം
സന്ധാത്രേ))

ഓം നവാംബരവിധാരണായ നമഃ .
ഓം മേഘഡംബരഗണപതയേ നമഃ .
ഓം മേഘവാഹനായ നമഃ .
ഓം മേരുവാസായ നമഃ .
ഓം മേരുനിലയായ നമഃ .
ഓം മേഘവർണായ നമഃ .
ഓം മേഘനാദായ നമഃ .
ഓം മേഘഡംബരായ നമഃ .
ഓം മേഘഗർജിതായ നമഃ .
ഓം മേഘരൂപായ നമഃ .. 210..

ഓം മേഘഘോഷായ നമഃ .
ഓം മേഘവാഹനായ നമഃ . (മേഷവാഹനായ)
ഓം വശ്യഗണപതയേ നമഃ .
ഓം വജ്രേശ്വരായ നമഃ .
ഓം വരപ്രദായ നമഃ .
ഓം വജ്രദന്തായ നമഃ .
ഓം വശ്യപ്രദായ നമഃ .
ഓം വശ്യായ നമഃ .
ഓം വശിനേ നമഃ .
ഓം വടുകേശായ നമഃ .. 220..

ഓം വരാഭയായ നമഃ .
ഓം വസുമതേ നമഃ .
ഓം വടവേ നമഃ .
ഓം ശരഗണപതയേ നമഃ .
ഓം ശർമധാമ്നേ നമഃ .
ഓം ശരണായ നമഃ .
ഓം ശർമവദ്വസുഘനായ നമഃ .
ഓം ശരധരായ നമഃ . (ശരധാരായ)
ഓം ശശിധരായ നമഃ .
ഓം ശതക്രതുവരപ്രദായ നമഃ .. 230.. ..

ഓം ശതാനന്ദാദിസേവ്യായ നമഃ .
ഓം ശമിതദേവായ നമഃ .
ഓം ശരായ നമഃ .
ഓം ശശിനാഥായ നമഃ .
ഓം മഹാഭയവിനാശനായ നമഃ .
ഓം മഹേശ്വരപ്രിയായ നമഃ .
ഓം മത്തദണ്ഡകരായ നമഃ .
ഓം മഹാകീർതയേ നമഃ .
ഓം മഹാഭുജായ നമഃ .
ഓം മഹോന്നതയേ നമഃ .. 240..

ഓം മഹോത്സാഹായ നമഃ .
ഓം മഹാമായായ നമഃ .
ഓം മഹാമദായ നമഃ .
ഓം മഹാകോപായ നമഃ .
ഓം നാഗഗണപതയേ നമഃ .
ഓം നാഗാധീശായ നമഃ .
ഓം നായകായ നമഃ .
ഓം നാശിതാരാതയേ നമഃ .
ഓം നാമസ്മരണപാപഘ്നേ നമഃ .
ഓം നാഥായ നമഃ .. 250.. ..

ഓം നാഭിപദാർഥപദ്മഭുവേ നമഃ .
ഓം നാഗരാജവല്ലഭപ്രിയായ നമഃ .
ഓം നാട്യവിദ്യാവിശാരദായ നമഃ .
ഓം നാട്യപ്രിയായ നമഃ .
ഓം നാട്യനാഥായ നമഃ .
ഓം യവനഗണപതയേ നമഃ .
ഓം യമനിഷൂദനായ നമഃ .
ഓം യമവിജിതായ നമഃ .
ഓം യജ്വനേ നമഃ .
ഓം യജ്ഞപതയേ നമഃ .. 260..

ഓം യജ്ഞനാശനായ നമഃ .
ഓം യജ്ഞപ്രിയായ നമഃ .
ഓം യജ്ഞവാഹായ നമഃ .
ഓം യജ്ഞാംഗായ നമഃ .
ഓം യജ്ഞസഖായ നമഃ .
ഓം യജ്ഞപ്രിയായ നമഃ .
ഓം യജ്ഞരൂപായ നമഃ .
ഓം യജ്ഞവന്ദ്യായ നമഃ . (യജ്ഞവന്ദിതായ)
ഓം യതിരക്ഷകായ നമഃ .
ഓം യതിപൂജിതായ നമഃ .. 270..

ഓം സ്വാമിഗണപതയേ നമഃ .
ഓം സ്വർണവരദായ നമഃ .
ഓം സ്വർണകർഷണായ നമഃ .
ഓം സ്വാശ്രയായ നമഃ .
ഓം സ്വസ്തികൃതേ നമഃ .
ഓം സ്വസ്തികായ നമഃ .
ഓം സ്വർണകക്ഷായ നമഃ .
ഓം സ്വർണതാടങ്കഭൂഷണായ നമഃ . (ഭൂഷിതായ)
ഓം സ്വാഹാസഭാജിതായ നമഃ .
ഓം സ്വരശാസ്ത്രസ്വരൂപകൃതേ നമഃ .. 280..

ഓം ഹാദിവിദ്യായ നമഃ .
ഓം ഹാദിരൂപായ നമഃ .
ഓം ഹരിഹരപ്രിയായ നമഃ .
ഓം ഹരണ്യാദിപതയേ നമഃ . (ഹരിണ്യധിപതയേ)
ഓം ഹാഹാഹൂഹൂഗണപതയേ നമഃ .
ഓം ഹരിഗണപതയേ നമഃ .
ഓം ഹാടകപ്രിയായ നമഃ .
ഓം ഹതഗജാധിപായ നമഃ .
ഓം ഹയാശ്രയായ നമഃ .
ഓം ഹംസപ്രിയായ നമഃ .. 290..

ഓം ഹംസായ നമഃ .
ഓം ഹംസപൂജിതായ നമഃ .
ഓം ഹനുമത്സേവിതായ നമഃ .
ഓം ഹകാരരൂപായ നമഃ .
ഓം ഹരിസ്തുതായ നമഃ .
ഓം ഹരാങ്കവാസ്തവ്യായ നമഃ .
ഓം ഹരിനീലപ്രഭായ നമഃ .
ഓം ഹരിദ്രാബിംബപൂജിതായ നമഃ .
ഓം ഹരിഹയമുഖദേവതാ സർവേഷ്ടസിദ്ധിദായ നമഃ .
ഓം മൂലമന്ത്രഗണപതയേ നമഃ .. 300..

ഇതി ശ്രീവല്ലഭമഹാഗണപതിത്രിശതീനാമാവലിഃ സമാപ്താ .

 മഹാഗണപതിസഹസ്രനാമസ്തോത്രം 2 അഥവാ
വരദഗണേശസഹസ്രനാമസ്തോത്രം

ശ്രീഗണേശായ നമഃ .

ശ്രീഭൈരവ ഉവാച -
ശൃണു ദേവി രഹസ്യം മേ യത്പുരാ സൂചിതം മയാ .
തവ ഭക്ത്യാ ഗണേശസ്യ വക്ഷ്യേ നാമസഹസ്രകം .. 1..

ശ്രീദേവ്യുവാച -
ഭഗവൻ ഗണനാഥസ്യ വരദസ്യ മഹാത്മനഃ .
ശ്രോതും നാമസഹസ്രം മേ ഹൃദയം പ്രോത്സുകായതേ .. 2..
ശ്രീഭൈരവ ഉവാച -
പ്രാങ് മേ ത്രിപുരനാശേ തു ജാതാ വിഘ്നകുലാഃ ശിവേ .
മോഹേന മുഹ്യതേ ചേതസ്തേ സർവേ ബലദർപിതാഃ .. 3..

തദാ പ്രഭും ഗണാധ്യക്ഷം സ്തുത്വാ നാമസഹസ്രകൈഃ .

വിഘ്നാ ദൂരാത് പലായന്ത കാലരുദ്രാദിവ പ്രജാഃ .. 4..

തസ്യാനുഗ്രഹതോ ദേവി ജാതോഽഹം ത്രിപുരാന്തകഃ .

തമദ്യാപി ഗണേശാനം സ്തൗമി നാമസഹസ്രകൈഃ .. 5..

തമദ്യ തവ ഭക്ത്യാഹം സാധകാനാം ഹിതായ ച .

മഹാഗണപതേർവക്ഷ്യേ ദിവ്യം നാമസഹസ്രകം .. 6..

(പാഠകാനാം ച ദാതൄണാം സുഖസമ്പത്പ്രദായകം .

ദുഃഖാപഹം ച ശ്രോതൄണാം മന്ത്രനാമസഹസ്രകം) .. 7..

അസ്യ ശ്രീവരദഗണേശസഹസ്രനാമസ്തോത്രമന്ത്രസ്യ ശ്രീഭൈരവ

ഋഷിഃ .
ഗായത്രീ ഛന്ദഃ . ശ്രീമഹാഗണപതിർദേവതാ . ഗം ബീജം .
ഹ്രീം ശക്തിഃ .
കുരു കുരു കീലകം .
ധർമാർഥകാമമോക്ഷാർഥേ സഹസ്രനാമസ്തവപാഠേ വിനിയോഗഃ

ധ്യാനം-
ഓംഹ്രീംശ്രീങ്ക്ലീം-ഗണാധ്യക്ഷോ ഗ്ലൗംഗം-ഗണപതിർഗുണീ .
ഗുണാദ്യോ നിർഗുണോ ഗോപ്താ ഗജവക്ത്രോ വിഭാവസുഃ ..

8..

വിശ്വേശ്വരോ വിഭാദീപ്തോ ദീപനോ ധീവരോ ധനീ .

സദാശാന്തോ ജഗത്താതോ വിഷ്വക്സേനോ വിഭാകരഃ .. 9..

വിസ്രംഭീ വിജയീ വൈദ്യോ വാരാന്നിധിരനുത്തമഃ .

അണീയാൻ വിഭവീ ശ്രേഷ്ഠോ ജ്യേഷ്ഠോ ഗാഥാപ്രിയോ ഗുരുഃ

.. 10..

സൃഷ്ടികർതാ ജഗദ്ധർതാ വിശ്വഭർതാ ജഗന്നിധിഃ .

പതിഃ പീതവിഭൂഷാംഗോ രക്താക്ഷോ ലോഹിതാംബരഃ .. 11..

വിരൂപാക്ഷോ വിമാനസ്ഥോ വിനയഃ സനയഃ സുഖീ .

സുരൂപഃ സാത്ത്വികഃ സത്യഃ ശുദ്ധഃ ശങ്കരനന്ദനഃ .. 12..

നന്ദീശ്വരോ സദാനന്ദീ വന്ദിസ്തുത്യോ വിചക്ഷണഃ .

ദൈത്യമർദീ മദാക്ഷീബോ മദിരാരുണലോചനഃ .. 11..

സാരാത്മാ വിശ്വസാരശ്ച വിശ്വചാരീ വിലേപനഃ .

പരം ബ്രഹ്മ പരം ജ്യോതിഃ സാക്ഷീ ത്ര്യക്ഷോ വികത്ഥനഃ ..

14..

വീരേശ്വരോ വീരഹർതാ സൗഭാഗ്യോ ഭാഗ്യവർധനഃ .

ഭൃംഗിരീടീ ഭൃംഗമാലീ ഭൃംഗകൂജിതനാദിതഃ .. 15..

വിനർതകോ വിനേതാപി വിനതാനന്ദനോഽർചിതഃ .

വൈനതേയോ വിനമ്രാംഗോ വിശ്വനേതാ വിനായകഃ .. 16..

വിരാടകോ വിരാടശ്ച വിദഗ്ധോ വിധിരാത്മഭൂഃ .

പുഷ്പദന്തഃ പുഷ്പഹാരീ പുഷ്പമാലാവിഭൂഷണഃ .. 17..

പുഷ്പേഷുർമഥനഃ പുഷ്ടോ വികർതാ കർതരീകരഃ .

അന്ത്യോഽന്തകശ്ചിത്തഗണശ്ചിത്തചിന്താപഹാരകഃ .. 18..

അചിന്ത്യോഽചിന്ത്യരൂപശ്ച ചന്ദനാകുലമുണ്ഡകഃ .
ലിപിതോ ലോഹിതോ ലുപ്തോ (100) ലോഹിതാക്ഷോ
വിലോഭകഃ .. 19..

ലുബ്ധാശയോ ലോഭരതോ ലാഭദോഽലംഘ്യഗാത്രകഃ .

സുന്ദരഃ സുന്ദരീപുത്രഃ സമസ്താസുരഘാതനഃ .. 20..

നൂപുരാഢ്യോ വിഭവദോ നരോ നാരായണോ രവിഃ .

വിചാരീ വാന്തദോ വാഗ്മീ വിതർകീ വിജയേശ്വരഃ .. 21..

സുപ്തോ ബുദ്ധഃ സദാരൂപഃ സുഖദഃ സുഖസേവിതഃ .

വികർതനോ വിയച്ചാരീ വിനടോ നർതകോ നടഃ .. 22..

നാട്യോ നാട്യപ്രിയോ നാദോഽനന്തോഽനന്തഗുണാത്മകഃ .

വിശ്വമൂർവിശ്വഘാതീ ച വിനതാസ്യോ വിനർതകഃ .. 23..

കരാലഃ കാമദഃ കാന്തഃ കമനീയഃ കലാധരഃ .

കാരുണ്യരൂപഃ കുടിലഃ കുലാചാരീ കുലേശ്വരഃ .. 24..

വികരാലോ ഗണശ്രേഷ്ഠഃ സംഹാരോ ഹാരഭൂഷണഃ .

രുരൂ രമ്യമുഖോ രക്തോ രേവതീദയിതോ രസഃ .. 25..

മഹാകാലോ മഹാദംഷ്ട്രോ മഹോരഗഭയാപഹഃ .

ഉന്മത്തരൂപഃ കാലാഗ്നിരഗ്നിസൂര്യേന്ദുലോചനഃ .. 26..

സിതാസ്യഃ സിതമാല്യശ്ച സിതദന്തഃ സിതാംശുമാൻ .

അസിതാത്മാ ഭൈരവേശോ ഭാഗ്യവാൻ ഭഗവാൻ ഭഗഃ ..

ഭർഗാത്മജോ ഭഗാവാസോ ഭഗദോ ഭഗവർധനഃ .

ശുഭങ്കരഃ ശുചിഃ ശാന്തഃ ശ്രേഷ്യഃ ശ്രവ്യഃ ശചീപതിഃ .. 28..

വേദാദ്യോ വേദകർതാ ച വേദവേദ്യഃ സനാതനഃ .

വിദ്യാപ്രദോ വേദസാരോ വൈദികോ വേദപാരഗഃ .. 29..

വേദധ്വനിരതോ വീരോ വരോ വേദാഗമാർഥവിത് .

തത്ത്വജ്ഞഃ സവർഗഃ സാധുഃ സദയഃ സദ് (200) അസന്മയഃ ..

30..

നിരാമയോ നിരാകാരോ നിർഭയോ നിത്യരൂപഭൃത് . .

നിർവൈരോ വൈരിവിധ്വംസീ മത്തവാരണസന്നിഭഃ .. 31..

ശിവങ്കരഃ ശിവസുതഃ ശിവഃ സുഖവിവർധനഃ .

ശ്വൈത്യഃ ശ്വേതഃ ശതമുഖോ മുഗ്ധോ മോദകഭോജനഃ .. 32..

ദേവദേവോ ദിനകരോ ധൃതിമാൻ ദ്യുതിമാൻ ധവഃ .

ശുദ്ധാത്മാ ശുദ്ധമതിമാഞ്ഛുദ്ധദീപ്തിഃ ശുചിവ്രതഃ .. 33..

ശരണ്യഃ ശൗനകഃ ശൂരഃ ശരദംഭോജധാരകഃ .

ദാരകഃ ശിഖിവാഹേഷ്ടഃ ശീതഃ ശങ്കരവല്ലഭഃ .. 34..

ശങ്കരോ നിർഭവോ നിത്യോ ലയകൃല്ലാസ്യതത്പരഃ . നിർഭയോ

ലൂതോ ലീലാരസോല്ലാസീ വിലാസീ വിഭ്രമോ ഭ്രമഃ .. 35..

ഭ്രമണഃ ശശഭൃത് സൂര്യഃ ശനിർധരണിനന്ദനഃ .

ബുദ്ധോ വിബുധസേവ്യശ്ച ബുധരാജോ ബലന്ധരഃ .. 36..

ജീവോ ജീവപ്രദോ ജൈത്രഃ സ്തുത്യോ നുത്യോ നതിപ്രിയഃ .

ജനകോ ജിനമാർഗജ്ഞോ ജൈനമാർഗനിവർതകഃ .. 37..

ഗൗരീസുതോ ഗുരുരവോ ഗൗരാംഗോ ഗജപൂജിതഃ .

പരം പദം പരം ധാമ പരമാത്മാ കവിഃ കുജഃ .. 38..

രാഹുർദൈത്യശിരശ്ഛേദീ കേതുഃ കനകകുണ്ഡലഃ .

ഗ്രഹേന്ദ്രോ ഗ്രാഹിതോ ഗ്രാഹ്യോഽഗ്രണീർഘുർഘുരനാദിതഃ ..

39..

പർജന്യഃ പീവരോ പോത്രീ പീനവക്ഷാഃ പരാർജിതഃ .

വനേചരോ വനപതിർവനവാസഃ സ്മരോപമഃ .. 40..

പുണ്യം പൂതഃ പവിത്രം ച പരാത്മാ പൂർണവിഗ്രഹഃ .

പൂർണേന്ദുശകലാകാരോ മന്യുഃ പൂർണമനോരഥഃ .. 41..

യുഗാത്മാ യുഗഭൃദ് യജ്വാ (300) യാജ്ഞികോ യജ്ഞവത്സലഃ .

യോഗഭൃദ്
യശസ്വീ യജമാനേഷ്ടോ വ്രജഭൃദ് വജ്രപഞ്ജരഃ .. 42..

മണിഭദ്രോ മണിമയോ മാന്യോ മീനധ്വജാശ്രിതഃ .

മീനധ്വജോ മനോഹാരീ യോഗിനാം യോഗവർധനഃ .. 43..

ദ്രഷ്ടാ സ്രഷ്ടാ തപസ്വീ ച വിഗ്രഹീ താപസപ്രിയഃ .

തപോമയസ്തപോമൂർതിസ്തപനശ്ച തപോധനഃ .. 44..

രുചകോ മോചകോ രുഷ്ടസ്തുഷ്ടസ്തോമരധാരകഃ .

ദണ്ഡീ ചണ്ഡാംശുരവ്യക്തഃ കമണ്ഡലുധരോഽനഘഃ .. 45..

കാമീ കർമരതഃ കാലഃ കോലഃ ക്രന്ദിതദിക്തടഃ .

ഭ്രാമകോ ജാതിപൂജ്യശ്ച ജാഡ്യഹാ ജഡസൂദനഃ .. 46..
ജാലന്ധരോ ജഗദ്വാസീ ഹാസകൃദ് ഹവനോ ഹവിഃ .
ഹവിഷ്മാൻ ഹവ്യവാഹാക്ഷോ ഹാടകോ ഹാടകാംഗദഃ ..

47..

സുമേരുർഹിമവാൻ ഹോതാ ഹരപുത്രോ ഹലങ്കഷഃ .

ഹാലപ്രിയോ ഹൃദാശാന്തഃ കാന്താഹൃദയപോഷണഃ .. 48..

ശോഷണഃ ക്ലേശഹാ ക്രൂരഃ കഠോരഃ കഠിനാകൃതിഃ .

കൂവരോ ധീമയോ ധ്യാതാ ധ്യേയോ ധീമാൻ ദയാനിധിഃ ..

ദവിഷ്ഠോ ദമനോ ദ്യുസ്ഥോ ദാതാ ത്രാതാ സിതഃ സമഃ .

നിർഗതോ നൈഗമീ ഗമ്യോ നിർജേയോ ജടിലോഽജരഃ .. 50..

ജനജീവോ ജിതാരാതിർജഗദ്വ്യാപീ ജഗന്മയഃ .

ചാമീകരനിഭോഽനാദ്യോ നലിനായതലോചനഃ .. 51..

രോചനോ മോചനോ മന്ത്രീ മന്ത്രകോടിസമാശ്രിതഃ .

പഞ്ചഭൂതാത്മകഃ പഞ്ചസായകഃ പഞ്ചവക്ത്രകഃ .. 52..

പഞ്ചമഃ പശ്ചിമഃ പൂർവഃ ( 400) പൂർണഃ കീർണാലകഃ കുണിഃ

.
കഠോരഹൃദയോ ഗ്രീവാലങ്കൃതോ ലലിതാശയഃ .. 53..

ലോലചിത്തോ ബൃഹന്നാസോ മാസപക്ഷർതുരൂപവാൻ .

ധ്രുവോ ദ്രുതഗതിർധർമ്യോ ധർമീ നാകിപ്രിയോഽനലഃ .. 54..
അഗസ്ത്യോ ഗ്രസ്തഭുവനോ ഭുവനൈകമലാപഹഃ .
സാഗരഃ സ്വർഗതിഃ സ്വക്ഷഃ സാനന്ദഃ സാധുപൂജിതഃ .. 55..

സതീപതിഃ സമരസഃ സനകഃ സരലഃ സുരഃ .

സുരാപ്രിയോ വസുപതിർവാസവോ വസുപൂജിതഃ .. 56..

വിത്തദോ വിത്തനാഥശ്ച ധനിനാം ധനദായകഃ .

രാജീ രാജീവനയനഃ സ്മൃതിദഃ കൃത്തികാംബരഃ .. 57..

ആശ്വിനോഽശ്വമുഖഃ ശുഭ്രോ ഭരണോ ഭരണീപ്രിയഃ .

കൃത്തികാസനഗഃ കോലോ രോഹീ രോഹണപാദുകഃ .. 58..

ഋഭുവേഷ്ടോഽരിമർദീ ച രോഹിണീമോഹനോഽമൃതം .
മൃഗരാജോ മൃഗശിരാ മാധവോ മധുരധ്വനിഃ .. 59..

ആർദ്രാനനോ മഹാബുദ്ധിർമഹോരഗവിഭൂഷണഃ .
ഭ്രൂക്ഷേപദത്തവിഭവോ ഭ്രൂകരാലഃ പുനർമയഃ .. 60..

പുനർദേവഃ പുനർജേതാ പുനർജീവഃ പുനർവസുഃ .

തിത്തിരിസ്തിമികേതുശ്ച തിമിചാരകഘാതനഃ .. 61..

തിഷ്യസ്തുലാധരോ ജംഭ്യോ വിശ്ലേഷോഽശ്ലേഷ ഏണരാട് .

മാനദോ മാധവോ മാഘോ വാചാലോ മഘവോപമഃ .. 62..
മേധ്യോ മഘാപ്രിയോ മേഘോ മഹാമുണ്ഡോ മഹാഭുജഃ .
പൂർവഫാൽഗുനികഃ സ്ഫീതഃ ഫൽഗുരുത്തരഫാൽഗുനഃ .. 63..

ഫേനിലോ ബ്രഹ്മദോ ബ്രഹ്മാ സപ്തതന്തുസമാശ്രയഃ .

ഘോണാഹസ്തശ്ചതുർഹസ്തോ ഹസ്തിവക്ത്രോ ഹലായുധഃ ..

64..

ചിത്രാംബരോ(500)ഽർചിതപദഃ സ്വാദിതഃ സ്വാതിവിഗ്രഹഃ .

വിശാഖഃ ശിഖിസേവ്യശ്ച ശിഖിധ്വജസഹോദരഃ .. 65..

അണൂ രേണുഃ കലാസ്ഫാരോഽനൂരൂ രേണുസുതോ നരഃ .

അനുരാധാപ്രിയോ രാധ്യഃ ശ്രീമാഞ്ഛുക്ലഃ ശുചിസ്മിതഃ .. 66..

ജ്യേഷ്ഠഃ ശ്രേഷ്ഠാർചിതപദോ മൂലം ത്രിജഗതോ ഗുരുഃ .

ശുചിഃ പൂർവസ്തഥാഷാഢശ്ചോത്തരാഷാഢ ഈശ്വരഃ .. 67..

ശ്രവ്യോഽഭിജിദനന്താത്മാ ശ്രവോ വേപിതദാനവഃ .

ശ്രാവണഃ ശ്രവണഃ ശ്രോതാ ധനീ ധന്യോ ധനിഷ്ഠകഃ .. 68..

ശാതാതപഃ ശാതകുംഭഃ ശതഞ്ജ്യോതിഃ ശതംഭിഷക് .

പൂർവാഭാദ്രപദോ ഭദ്രശ്ചോത്തരാഭാദ്രപാദിതഃ .. 69..

രേണുകാതനയോ രാമോ രേവതീരമണോ രമീ .

അശ്വിയുക് കാർതികേയേഷ്ടോ മാർഗശീർഷോ മൃഗോത്തമഃ ..

70..
പുഷ്യശൗര്യഃ ഫാൽഗുനാത്മാ വസന്തശ്ചിത്രകോ മധുഃ .
രാജ്യദോഽഭിജിദാത്മീയസ്താരേശസ്താരകദ്യുതിഃ .. 71..

പ്രതീതഃ പ്രോജ്ഝിതഃ പ്രീതഃ പരമഃ പാരമോ ഹിതഃ .

പരഹാ പഞ്ചഭൂഃ പഞ്ചവായുഃ പൂജ്യഃ പരം മഹഃ .. 72..

പുരാണാഗമവിദ് യോഗ്യോ മഹിഷോ രാസഭോഽഗ്രഗഃ .

ഗ്രാഹോ മേഷോ വൃഷോ മന്ദോ മന്മഥോ മിഥുനാർചിതഃ .. 73..

കൽകഭൃത് കടകോ ദീനോ മർകടഃ കർകടോ ഘൃണീ .

കുക്കുടോ വനജോ ഹംസഃ പരഹംസഃ ശൃഗാലകഃ .. 74..

സിംഹഃ സിംഹാസനോ മൂഷോ മോഹ്യോ മൂഷകവാഹനഃ (600)

.
പുത്രദോ നരകത്രാതാ കന്യാപ്രീതഃ കുലോദ്വഹഃ .. 75..

അതുല്യരൂപോ ബലദസ്തുലാഭൃത് തുല്യസാക്ഷികഃ .

അലിചാപധരോ ധന്വീ കച്ഛപോ മകരോ മണിഃ .. 76..

സ്ഥിരഃ പ്രഭുർമഹാകർമീ മഹാഭോഗീ മഹായശാഃ .

വസുമൂർതിധരോ വ്യഗ്രോഽസുരഹാരീ യമാന്തകഃ .. 77..

ദേവാഗ്രണീർഗണാധ്യക്ഷോ ഹ്യംബുജാലോ മഹാമതിഃ .

അംഗദീ കുണ്ഡലീ ഭക്തിപ്രിയോ ഭക്തവിവർധനഃ .. 78..
ഗാണപത്യപ്രദോ മായീ വേദവേദാന്തപാരഗഃ .
കാത്യായനീസുതോ ബ്രഹ്മപൂജിതോ വിഘ്നനാശനഃ .. 79..

സംസാരഭയവിധ്വംസീ മഹോരസ്കോ മഹീധരഃ .

വിഘ്നാന്തകോ മഹാഗ്രീവോ ഭൃശം മോദകമോദിതഃ .. 80..

വാരാണസീപ്രിയോ മാനീ ഗഹന ആഖുവാഹനഃ .

ഗുഹാശ്രയോ വിഷ്ണുപദീതനയഃ സ്ഥാനദോ ധ്രുവഃ .. 81..

പരർദ്ധിസ്തുഷ്ടോ വിമലോ മൗലിമാൻ വല്ലഭാപ്രിയഃ .

ചതുർദശീപ്രിയോ മാന്യോ വ്യവസായോ മദാന്വിതഃ .. 82..

അചിന്ത്യഃ സിംഹയുഗലനിവിഷ്ടോ ബാലരൂപധൃത് .

ധീരഃ ശക്തിമതാം ശ്രേഷ്ഠോ മഹാബലസമന്വിതഃ .. 83..

സർവാത്മാ ഹിതകൃദ് വൈദ്യോ മഹാകുക്ഷിർമഹാമതിഃ .

കരണം മൃത്യുഹാരീ ച പാപസംഘനിവർതകഃ .. 84..

ഉദ്ഭിദ് വജ്രീ മഹാദൈത്യസൂദനോ ദീനരക്ഷകഃ .

ഭൂതചാരീ പ്രേതചാരീ ബുദ്ധിരൂപോ മനോമയഃ .. 85..

അഹങ്കാരവപുഃ സാംഖ്യപുരുഷസ്ത്രിഗുണാത്മകഃ .
തന്മാത്രരൂപോ ഭൂതാത്മാ ഇന്ദ്രിയാത്മാ വശീകരഃ .. 86..
മലത്രയബഹിർഭൂതോ ഹ്യവസ്ഥാത്രയവർജിതഃ .
നീരൂപോ ബഹുരൂപശ്ച കിന്നരോ നാഗവിക്രമഃ .. 87..

ഏകദന്തോ മഹാവേഗഃ സേനാനീ സ്ത്രിദശാധിപഃ .

വിശ്വകർതാ വിശ്വബീജം (700) ശ്രീഃ സമ്പദഹ്രീർധൃതിർമതിഃ ..

88..

സർവശോഷകരോ വായുഃ സൂക്ഷ്മരൂപഃ സുനിശ്ചലഃ .

സംഹർതാ സൃഷ്ടികർതാ ച സ്ഥിതികർതാ ലയാശ്രിതഃ .. 89..

സാമാന്യരൂപഃ സാമാസ്യോഽഥർവശീർഷാ യജുർഭുജഃ .

ഋഗീക്ഷണഃ കാവ്യകർതാ ശിക്ഷാകാരീ നിരുക്തവിത് .. 90..

ശേഷരൂപധരോ മുഖ്യഃ ശബ്ദബ്രഹ്മസ്വരൂപഭാക് .

വിചാരവാഞ്ശംഖധാരീ സത്യവ്രതപരായണഃ .. 91..

മഹാതപാ ഘോരതപാഃ സർവദോ ഭീമവിക്രമഃ .

സർവസമ്പത്കരോ വ്യാപീ മേഘഗംഭീരനാദഭൃത് .. 92..

സമൃദ്ധോ ഭൂതിദോ ഭോഗീ വേശീ ശങ്കരവത്സലഃ .

ശംഭുഭക്തിരതോ മോക്ഷദാതാ ഭവദവാനലഃ .. 93..

സത്യസ്തപാ ധ്യേയമൂർതിഃ കർമമൂർതിർമഹാംസ്തഥാ .

സമഷ്ടിവ്യഷ്ടിരൂപശ്ച പഞ്ചകോശപരാങ്മുഖഃ .. 94..
തേജോനിധിർജഗന്മൂർതിശ്ചരാചരവപുർധരഃ .
പ്രാണദോ ജ്ഞാനമൂർതിശ്ച നാദമൂർതിയുതോഽക്ഷരഃ .. 95..

ഭൂതാദ്യസ്തൈജസോ ഭാവോ നിഷ്കലശ്ചൈവ നിർമലഃ .

കൂടസ്ഥശ്ചേതനോ രുദ്രഃ ക്ഷേത്രവിത് പുരുഷോ ബുധഃ .. 96..

അനാധാരോഽപ്യനാകാരോ ധാതാ ച വിശ്വതോമുഖഃ .

അപ്രതർക്യവപുഃ സ്കന്ദാനുജോ ഭാനുർമഹാപ്രഭഃ .. 97..

യജ്ഞഹർതാ യജ്ഞകർതാ യജ്ഞാനാം ഫലദായകഃ .

യജ്ഞഗോപ്താ യജ്ഞമയോ ദക്ഷയജ്ഞവിനാശകൃത് .. 98..

വക്രതുണ്ഡോ മഹാകായഃ കോടിസൂര്യസമപ്രഭഃ .

ഏകദംഷ്ട്രഃ കൃഷ്ണപിംഗോ വികടോ ധൂമ്രവർണകഃ .. 99..

ടങ്കധാരീ ജംബുകശ്ച നായകഃ ശൂർപകർണകഃ .

സുവർണഗർഭഃ സുമുഖഃ ശ്രീകരഃ സർവസിദ്ധിദഃ .. 100..

സുവർണവർണോ ഹേമാംഗോ മഹാത്മാ ചന്ദനച്ഛവിഃ .

സ്വംഗഃ സ്വക്ഷഃ (800) ശതാനന്ദോ ലോകവില്ലോകവിഗ്രഹഃ ..

101..

ഇന്ദ്രോ ജിഷ്ണുർധൂമകേതുർവഹ്നിഃ പൂജ്യോ ദവാന്തകഃ .

പൂർണാനന്ദഃ പരാനന്ദഃ പുരാണപുരുഷോത്തമഃ .. 102..
കുംഭഭൃത് കലശീ കുബ്ജോ മീനമാംസസുതർപിതഃ .
രാശിതാരാഗ്രഹമയസ്തിഥിരൂപോ ജഗദ്വിഭുഃ .. 103..

പ്രതാപീ പ്രതിപതപ്രേയാൻ ദ്വിതീയോഽദ്വൈതനിശ്ചിതഃ .

ത്രിരൂപശ്ച തൃതീയാഗ്നിസ്ത്രയീരൂപസ്ത്രയീതനുഃ .. 104..

ചതുർഥീവല്ലഭോ ദേവോ പാരഗഃ പഞ്ചമീരവഃ .

ഷഡ്രസാസ്വാദകോഽജാതഃ ഷഷ്ഠീ ഷഷ്ടികവത്സരഃ .. 105..

സപ്താർണവഗതിഃ സാരഃ സപ്തമീശ്വര ഈഹിതഃ .

അഷ്ടമീനന്ദനോഽനാർതോ നവമീഭക്തിഭാവിതഃ .. 106..

ദശദിക്പതിപൂജ്യശ്ച ദശമീ ദ്രുഹിണോ ദ്രുതഃ .

ഏകാദശാത്മാ ഗണപോ ദ്വാദശീയുഗചർചിതഃ .. 107..

ത്രയോദശമനുസ്തുത്യശ്ചതുർദശസുരപ്രിയഃ .
ചതുർദശേന്ദ്രസംസ്തുത്യഃ പൂർണിമാനന്ദവിഗ്രഹഃ .. 108..

ദർശാദർശോ ദർശനശ്ച വാനപ്രസ്ഥോ മുനീശ്വരഃ .

മൗനീ മധുരവാങ്മൂലം മൂർതിമാൻ മേഘവാഹനഃ .. 109..

മഹാഗജോ ജിതക്രോധോ ജിതശത്രുർജയാശ്രയഃ .

രൗദ്രോ രുദ്രപ്രിയോ രുക്മോ രുദ്രപുത്രോഽഘതാപനഃ .. 110..

ഭവപ്രിയോ ഭവാനീഷ്ടോ ഭാരഭൃദ് ഭൂതഭാവനഃ .

ഗാന്ധർവകുശലോഽകുണ്ഠോ വൈകുണ്ഠോ വിഷ്ണുസേവിതഃ ..

111..

വൃത്രഹാ വിഘ്നഹാ സീരഃ സമസ്തദുരിതാപഹഃ .

മഞ്ജുലോ മാർജനോ മത്തോ ദുർഗാപുത്രോ ദുരാലസഃ .. 112..

അനന്തചിത്സുധാധാരോ വീരോ വീര്യൈകസാധകഃ .

ഭാസ്വന്മുകുടമാണിക്യഃ കൂജത്കിങ്കിണിജാലകഃ .. 113..

ശുണ്ഡാധാരീ തുണ്ഡചലഃ കുണ്ഡലീ മുണ്ഡമാലകഃ .

പദ്മാക്ഷഃ പദ്മഹസ്തശ്ച (900) പദ്മനാഭസമർചിതഃ .. 114..

ഉദ്ഗീഥോ നരദന്താഢ്യമാലാഭൂഷണഭൂഷിതഃ .
നാരദോ വാരണോ ലോലശ്രവണഃ ശൂർപകശ്രവാഃ .. 115..

ബൃഹദുല്ലാസനാസാഢ്യവ്യാപ്തത്രൈലോക്യമണ്ഡലഃ .
ഇലാമണ്ഡലസംഭ്രാന്തകൃതാനുഗ്രഹജീവകഃ .. 116..

ബൃഹത്കർണാഞ്ചലോദ്ഭൂതവായുവീജിതദിക്തടഃ .
ബൃഹദാസ്യരവാക്രാന്തഭീമബ്രഹ്മാണ്ഡഭാണ്ഡകഃ .. 117..

ബൃഹത്പാദസമാക്രാന്തസപ്തപാതാലവേപിതഃ .
ബൃഹദ്ദന്തകൃതാത്യുഗ്രരണാനന്ദരസാലസഃ .. 118..

ബൃഹദ്ധസ്തധൃതാശേഷായുധനിർജിതദാനവഃ .
സ്ഫുരത്സിന്ദൂരവദനഃ സ്ഫുരത്തേജോഽഗ്നിലോചനഃ .. 119..

ഉദ്ദീപിതമണിസ്ഫൂർജന്നൂപുരധ്വനിനാദിതഃ .
ചലത്തോയപ്രവാഹാഢ്യനദീജലകണാകുലഃ .. 120..

ഭ്രമത്കുഞ്ജരസംഘാതവന്ദിതാംഘ്രിസരോരുഹഃ .
ബ്രഹ്മാച്യുതമഹാരുദ്രപുരഃസരസുരാർചിതഃ .. 121..

അശേഷശേഷപ്രഭൃതിവ്യാലജാലോപസേവിതഃ .
ഗൂർജത്പഞ്ചാനനാരാവപ്രാപ്താകാശധരാതലഃ .. 122..

ഹാഹാഹൂഹൂകൃതാത്യുഗ്രസുരവിഭ്രാന്തമാനസഃ .
പഞ്ചാശദ്വർണബീജാഢ്യമന്ത്രമന്ത്രിതവിഗ്രഹഃ .. 123..

വേദാന്തശാസ്ത്രപീയൂഷധാരാപ്ലാവിതഭൂതലഃ .
ശംഖധ്വനിസമാക്രാന്തപാതാലാദിനഭസ്തലഃ .. 124..

ചിന്താമണിർമഹാമല്ലോ ഭല്ലഹസ്തോ ബലിഃ കലിഃ .

കൃതത്രേതായുഗോല്ലാസഭാസമാനജഗത്ത്രയഃ .. 125..

ദ്വാപരഃ പരലോകൈകകർമധ്വാന്തസുധാകരഃ .
സുധാസിക്തവപുർവ്യാപ്തബ്രഹ്മാണ്ഡാദികടാഹകഃ .. 126..

അകാരാദിക്ഷകാരാന്തവർണപങ്ക്തിസമുജ്ജ്വലഃ .
അകാരാകാരപ്രോദ്ഗീതതാരനാദനിനാദിതഃ .. 127..
ഇകാരേകാരമന്ത്രാഢ്യമാലാഭ്രമണലാലസഃ .
ഉകാരോകാരപ്രോദ്ഗാരിഘോരനാഗോപവീതകഃ .. 128..

ഋവർണാങ്കിതൠകാരപദ്മദ്വയസമുജ്ജ്വലഃ .
ലൃകാരയുതലൄകാരശംഖപൂർണദിഗന്തരഃ .. 129..

ഏകാരൈകാരഗിരിജാസ്തനപാനവിചക്ഷണഃ .
ഓകാരൗകാരവിശ്വാദികൃതസൃഷ്ടിക്രമാലസഃ .. 130..

അംഅഃവർണാവലീവ്യാപ്തപാദാദിശീർഷമണ്ഡലഃ .
കർണതാലകൃതാത്യുച്ചൈർവായുവീജിതനിർജരഃ .. 131..

ഖഗേശധ്വജരത്നാങ്കകിരീടാരുണപാദകഃ .
ഗർവിതാശേഷഗന്ധർവഗീതതത്പരശ്രോത്രകഃ .. 132..

ഘനവാഹനവാഗീശപുരഃസരസുരാർചിതഃ .
ങവർണാമൃതധാരാഢ്യശോഭമാനൈകദന്തകഃ .. 133..

ചന്ദ്രകുങ്കുമജംബാലലിപ്തസുന്ദരവിഗ്രഹഃ .
ഛത്രചാമരരത്നാഢ്യമുകുടാലങ്കൃതാനനഃ .. 134..

ജടാബദ്ധമഹാനർഘമണിപങ്ക്തിവിരാജിതഃ .
ഝാങ്കാരിമധുപവ്രാതഗാനനാദനിനാദിതഃ .. 135..
ഞവർണകൃതസംഹാരദൈത്യാസൃക്പൂർണമുദ്ഗരഃ .
ടങ്കാരുകഫലാസ്വാദവേപിതാശേഷമൂർധജഃ .. 136..

ഠകാരാഢ്യഡകാരാങ്കഢകാരാനന്ദതോഷിതഃ .
ണവർണാമൃതപീയൂഷധാരാധരസുധാധരഃ .. 137..

താമ്രസിന്ദൂരപുഞ്ജാഢ്യലലാടഫലകച്ഛവിഃ .
ഥകാരധനപങ്ക്ത്യാഢ്യസന്തോഷിതദ്വിജവ്രജഃ .. 18..

ദയാമയഹൃദംഭോജധൃതത്രൈലോക്യമണ്ഡലഃ .
ധനദാദിമഹായക്ഷസംസേവിതപദാംബുജഃ .. 139..

നമിതാശേഷദേവൗഘകിരീടമണിരഞ്ജിതഃ .
പരവർഗാപവർഗാദിമാർഗച്ഛേദനദക്ഷകഃ .. 140..

ഫണിചക്രസമാക്രാന്തഗലമണ്ഡലമണ്ഡിതഃ .
ബദ്ധഭ്രൂയുഗഭീമോഗ്രസന്തർജിതസുരാസുരഃ .. 141..

ഭവാനീഹൃദയാനന്ദവർധനൈകനിശാകരഃ .
മദിരാകലശസ്ഫീതകരാലൈകകരാംബുജഃ .. 142..

യജ്ഞാന്തരായസംഘാതഘാതസജ്ജീകൃതായുധഃ .
രത്നാകരസുതാകാന്തകാന്തികീർതിവിവർധനഃ .. 143..

ലംബോദരമഹാഭീമവപുർദീനീകൃതാസുരഃ .
വരുണാദിദിഗീശാനരചിതാർചനചർചിതഃ .. 144..

ശങ്കരൈകപ്രിയപ്രേമനയനാനന്ദവർധനഃ .
ഷോഡശസ്വരിതാലാപഗീതഗാനവിചക്ഷണഃ .. 145..

സമസ്തദുർഗതിസരിന്നാഥോത്താരണകോഡുപഃ .
ഹരാദിബ്രഹ്മവൈകുണ്ഠബ്രഹ്മഗീതാദിപാഠകഃ .. 146..

ക്ഷമാപൂരിതഹൃത്പദ്മസംരക്ഷിതചരാചരഃ .
താരാങ്കമന്ത്രവർണൈകവിഗ്രഹോജ്ജ്വലവിഗ്രഹഃ .. 147..

അകാരാദിക്ഷകാരാന്തവിദ്യാഭൂഷിതവിഗ്രഹഃ .
ഓംശ്രീംവിനായകോ ഓംഹ്രീംവിഘ്നാധ്യക്ഷോ ഗണാധിപഃ ..

148..

ഹേരംബോ മോദകാഹാരോ വക്ത്രതുണ്ഡോ വിധിസ്മൃതഃ .

വേദാന്തഗീതോ വിദ്യാർഥീ ശുദ്ധമന്ത്രഃ ഷഡക്ഷരഃ .. 149..

ഗണേശോ വരദോ ദേവോ ദ്വാദശാക്ഷരമന്ത്രിതഃ .

സപ്തകോടിമഹാമന്ത്രമന്ത്രിതാശേഷവിഗ്രഹഃ .. 150..

ഗാംഗേയോ ഗണസേവ്യശ്ച ഓംശ്രീന്ദ്വൈമാതുരഃ ശിവഃ .

ഓംഹ്രീംശ്രീങ്ക്ലീംഗ്ലൗംഗന്ദേവോ മഹാഗണപതിഃ പ്രഭുഃ (1000) ..

151..
ഇദം നാമ്നാം സഹസ്രം തേ മഹാഗണപതേഃ സ്മൃതം .
ഗുഹ്യം ഗോപ്യതമം ഗുപ്തം സർവതന്ത്രേഷു ഗോപിതം ..

152..

സർവമന്ത്രനിധിം ദിവ്യം സർവവിഘ്നവിനാശനം .

ഗ്രഹതാരാമയം രാശിവർണപങ്ക്തിസമന്വിതം .. 153..

സർവവിദ്യാമയം ബ്രഹ്മസാധനം സാധകപ്രിയം .

ഗണേശസ്യ ച സർവസ്വം രഹസ്യം ത്രിദിവൗകസാം .. 154..

യഥേഷ്ടഫലദം ലോകേ മനോരഥപ്രപൂരണം .

അഷ്ടസിദ്ധിമയം സാധ്യം സാധകാനാം ജയപ്രദം .. 155..

വിനാർചനം വിനാ ഹോമം വിനാ ന്യാസം വിനാ ജപം .

അണിമാദ്യഷ്ടസിദ്ധീനാം സാധനം സ്മൃതിമാത്രതഃ .. 156..

ചതുർഥ്യാമർധരാത്രേ തു പഠേന്മന്ത്രീ ചതുഷ്പഥേ .

ലിഖേദ്ഭൂർജേ രവൗ ദേവി പുണ്യം നാമ്നാം സഹസ്രകം ..

157..

ധാരയേത്തു ചതുർദശ്യാം മധ്യാഹ്നേ മൂർധ്നി വാ ഭുജേ .

യോഷിദ്വാമകരേ ബദ്ധ്വാ പുരുഷോ ദക്ഷിണേ ഭുജേ .. 158..

സ്തംഭയേദപി ബ്രഹ്മാണം മോഹയേദപി ശങ്കരം .

വശയേദപി ത്രൈലോക്യം മാരയേദഖിലാൻ രിപൂൻ .. 159..
ഉച്ചാടയേച്ച ഗീർവാണാൻ ശമയേച്ച ധനഞ്ജയം .
വന്ധ്യാ പുത്രാംല്ലഭേച്ഛീഘ്രം നിർധനോ ധനമാപ്നുയാത് .. 160..

ത്രിവാരം യഃ പഠേദ്രാത്രൗ ഗണേശസ്യ പുരഃ ശിവേ .

നഗ്നഃ ശക്തിയുതോ ദേവി ഭുക്ത്വാ ഭോഗാൻ യഥേപ്സിതാൻ ..

161..

പ്രത്യക്ഷം വരദം പശ്യേദ്ഗണേശം സാധകോത്തമഃ .

യ ഏനം പഠതേ നാമ്നാം സഹസ്രം ഭക്തിപൂർവകം .. 162..

തസ്യ വിത്താദിവിഭവോ ദാരായുഃസമ്പദഃ സദാ .

രണേ രാജഭയേ ദ്യൂതേ പഠേന്നാമ്നാം സഹസ്രകം .. 163..

സർവത്ര ജയമാപ്നോതി ഗണേശസ്യ പ്രസാദതഃ .

ഇതീദം പുണ്യസർവസ്വം മന്ത്രനാമസഹസ്രകം .. 164..

മഹാഗണപതേർഗുഹ്യം ഗോപനീയം സ്വയോനിവത് .

.. ഇതി ശ്രീരുദ്രയാമലേ തന്ത്രേ ശ്രീദേവീരഹസ്യേ

മഹാഗണപതിസഹസ്രനാമസ്തോത്രം സമ്പൂർണം ..

Proofread by DPD, NA, PSA Easwaran psaeaswaran at gmail.com