ഉമാമഹേശ്വരസ്തോത്രം

നമഃ ശിവാഭ്യാം നവയൗവനാഭ്യാം

പരസ്പരാശ്ലിഷ്ടവപുർധരാഭ്യാം .

നാഗേന്ദ്രകന്യാവൃഷകേതനാഭ്യാം

നമോ നമഃ ശങ്കരപാർവതീഭ്യാം .. 1..

നമഃ ശിവാഭ്യാം സരസോത്സവാഭ്യാം

നമസ്കൃതാഭീഷ്ടവരപ്രദാഭ്യാം .

നാരായണേനാർചിതപാദുകാഭ്യാം

നമോ നമഃ ശങ്കരപാർവതീഭ്യാം .. 2..

നമഃ ശിവാഭ്യാം വൃഷവാഹനാഭ്യാം

വിരിഞ്ചിവിഷ്ണ്വിന്ദ്രസുപൂജിതാഭ്യാം .

വിഭൂതിപാടീരവിലേപനാഭ്യാം

നമോ നമഃ ശങ്കരപാർവതീഭ്യാം .. 3..

നമഃ ശിവാഭ്യാം ജഗദീശ്വരാഭ്യാം

ജഗത്പതിഭ്യാം ജയവിഗ്രഹാഭ്യാം .

ജംഭാരിമുഖ്യൈരഭിവന്ദിതാഭ്യാം

നമോ നമഃ ശങ്കരപാർവതീഭ്യാം .. 4..

നമഃ ശിവാഭ്യാം പരമൗഷധാഭ്യാം

പഞ്ചാക്ഷരീ പഞ്ജരരഞ്ജിതാഭ്യാം .

പ്രപഞ്ചസൃഷ്ടിസ്ഥിതി സംഹൃതാഭ്യാം

നമോ നമഃ ശങ്കരപാർവതീഭ്യാം .. 5..

നമഃ ശിവാഭ്യാമതിസുന്ദരാഭ്യാം

അത്യന്തമാസക്തഹൃദംബുജാഭ്യാം .

അശേഷലോകൈകഹിതങ്കരാഭ്യാം

നമോ നമഃ ശങ്കരപാർവതീഭ്യാം .. 6..

നമഃ ശിവാഭ്യാം കലിനാശനാഭ്യാം

കങ്കാലകല്യാണവപുർധരാഭ്യാം .

കൈലാസശൈലസ്ഥിതദേവതാഭ്യാം

നമോ നമഃ ശങ്കരപാർവതീഭ്യാം .. 7..

നമഃ ശിവാഭ്യാമശുഭാപഹാഭ്യാം

അശേഷലോകൈകവിശേഷിതാഭ്യാം .

അകുണ്ഠിതാഭ്യാം സ്മൃതിസംഭൃതാഭ്യാം

നമോ നമഃ ശങ്കരപാർവതീഭ്യാം .. 8..

നമഃ ശിവാഭ്യാം രഥവാഹനാഭ്യാം

രവീന്ദുവൈശ്വാനരലോചനാഭ്യാം .

രാകാശശാങ്കാഭമുഖാംബുജാഭ്യാം

നമോ നമഃ ശങ്കരപാർവതീഭ്യാം .. 9..

നമഃ ശിവാഭ്യാം ജടിലന്ധരഭ്യാം

ജരാമൃതിഭ്യാം ച വിവർജിതാഭ്യാം .

ജനാർദനാബ്ജോദ്ഭവപൂജിതാഭ്യാം

നമോ നമഃ ശങ്കരപാർവതീഭ്യാം .. 10..

sanskritdocuments.org
BACK TO TOP
 നമഃ ശിവാഭ്യാം വിഷമേക്ഷണാഭ്യാം

ബില്വച്ഛദാമല്ലികദാമഭൃദ്ഭ്യാം .

ശോഭാവതീ ശാന്തവതീശ്വരാഭ്യാം

നമോ നമഃ ശങ്കരപാർവതീഭ്യാം .. 11..

നമഃ ശിവാഭ്യാം പശുപാലകാഭ്യാം

ജഗത്രയീരക്ഷണ ബദ്ധഹൃദ്ഭ്യാം .

സമസ്ത ദേവാസുരപൂജിതാഭ്യാം

നമോ നമഃ ശങ്കരപാർവതീഭ്യാം .. 12..

സ്തോത്രം ത്രിസന്ധ്യം ശിവപാർവതീഭ്യാം

ഭക്ത്യാ പഠേദ്ദ്വാദശകം നരോ യഃ .

സ സർവസൗഭാഗ്യ ഫലാനി ഭുങ്ക്തേ

ശതായുരാന്തേ ശിവലോകമേതി .. 13..

ഇതി ശ്രീശങ്കരാചാര്യകൃതം ഉമാമഹേശ്വരസ്തോത്രം സമ്പൂർണം ..

ശ്രീശൈലേശഭ്രമരാംബാസ്തുതിഃ

Encoded and proofread by Sunder Hattangadi

% Text title : Umamaheshvara Stotra

% File name : umamaheshvara.itx

% itxtitle : umAmaheshvarastotram mallikArjunastotram shrIshaileshabhramarAmbAstutiH cha

(shaNkarAchAryavirachitam)

% engtitle : Uma-Maheshvara Stotra

% Category : shiva, pArvatI, stotra, shankarAchArya

% Location : doc_devii

% Sublocation : shiva

% SubDeity : pArvatI

% Texttype : stotra

% Author : Sri Sankararacharya

% Language : Sanskrit

% Subject : religion/hinduism

% Transliterated by : Sunder Hattangadi

% Proofread by : Sunder Hattangadi

% Description-comments : Hymn in praise of Parvati and Shiva

% Indexextra : (meaning , Video)

% Latest update : Nov. 1,, 1999, August 30, 2018

% Send corrections to : Sanskrit@cheerful.com

% Site access : https://sanskritdocuments.org

This text is prepared by volunteers and is to be used for personal study and research. The file is not to be copied or
reposted for promotion of any website or individuals or for commercial purpose without permission.
Please help to
maintain respect for volunteer spirit.

Home
Sitemap
Blog
Contributors
Volunteering
GuestBook
FAQ
Search

sanskritdocuments.org BACK TO TOP