ശ്രീദുര്‍ഗാ ആപദുദ്ധാരാഷ്ടകം അഥവാ ദുര്‍ഗാപദുദ്ധാരസ്തോത്രം Lyrics in Malayalam:

ദുര്‍ഗാപദുദ്ധാരസ്തവരാജഃ

നമസ്തേ ശരണ്യേ ശിവേ സാനുകമ്പേ നമസ്തേ ജഗദ്വ്യാപികേ വിശ്വരൂപേ ।

നമസ്തേ ജഗദ്വന്ദ്യപാദാരവിന്ദേ നമസ്തേ ജഗത്താരിണി ത്രാഹി ദുര്‍ഗേ ॥ 1॥

നമസ്തേ ജഗച്ചിന്ത്യമാനസ്വരൂപേ നമസ്തേ മഹായോഗിവിജ്ഞാനരൂപേ ।

നമസ്തേ നമസ്തേ സദാനന്ദ രൂപേ നമസ്തേ ജഗത്താരിണി ത്രാഹി ദുര്‍ഗേ ॥ 2॥

അനാഥസ്യ ദീനസ്യ തൃഷ്ണാതുരസ്യ ഭയാര്‍തസ്യ ഭീതസ്യ ബദ്ധസ്യ ജന്തോഃ ।

ത്വമേകാ ഗതിര്‍ദേവി നിസ്താരകര്‍ത്രീ നമസ്തേ ജഗത്താരിണി ത്രാഹി ദുര്‍ഗേ ॥ 3॥

അരണ്യേ രണേ ദാരുണേ ശുത്രുമധ്യേ ജലേ സങ്കടേ രാജഗ്രേഹേ പ്രവാതേ ।

ത്വമേകാ ഗതിര്‍ദേവി നിസ്താര ഹേതുര്‍നമസ്തേ ജഗത്താരിണി ത്രാഹി ദുര്‍ഗേ ॥

4॥

അപാരേ മഹദുസ്തരേഽത്യന്തഘോരേ വിപത് സാഗരേ മജ്ജതാം ദേഹഭാജാം ।

ത്വമേകാ ഗതിര്‍ദേവി നിസ്താരനൌകാ നമസ്തേ ജഗത്താരിണി ത്രാഹി ദുര്‍ഗേ ॥

5॥

നമശ്ചണ്ഡികേ ചണ്ഡോര്‍ദണ്ഡലീലാസമുത്ഖണ്ഡിതാ ഖണ്ഡലാശേഷശത്രോഃ ।

ത്വമേകാ ഗതിര്‍വിഘ്നസന്ദോഹഹര്‍ത്രീ നമസ്തേ ജഗത്താരിണി ത്രാഹി ദുര്‍ഗേ ॥

6॥

ത്വമേകാ സദാരാധിതാ സത്യവാദിന്യനേകാഖിലാ ക്രോധനാ ക്രോധനിഷ്ഠാ ।

ഇഡാ പിങ്ഗലാ ത്വം സുഷുംനാ ച നാഡീ നമസ്തേ ജഗത്താരിണി ത്രാഹി ദുര്‍ഗേ ॥

7॥

നമോ ദേവി ദുര്‍ഗേ ശിവേ ഭീമനാദേ സദാസര്‍വസിദ്ധിപ്രദാതൃസ്വരൂപേ ।

വിഭൂതിഃ സതാം കാലരാത്രിസ്വരൂപേ നമസ്തേ ജഗത്താരിണി ത്രാഹി ദുര്‍ഗേ ॥ 8॥

ശരണമസി സുരാണാം സിദ്ധവിദ്യാധരാണാം

മുനിമനുജപശൂനാം ദസ്യഭിസ്ത്രാസിതാനാം ।

നൃപതിഗൃഹഗതാനാം വ്യാധിഭിഃ പീഡിതാനാം

ത്വമസി ശരണമേകാ ദേവി ദുര്‍ഗേ പ്രസീദ ॥ 9॥

ഇദം സ്തോത്രം മയാ പ്രോക്തമാപദുദ്ധാരഹേതുകം ।

ത്രിസന്ധ്യമേകസന്ധ്യം വാ പഠനാദ്ധോരസങ്കടാത് ॥ 10॥

മുച്യതേ നാത്ര സന്ദേഹോ ഭുവി സ്വര്‍ഗേ രസാതലേ ।

സര്‍വം വാ ശ്ലോകമേകം വാ യഃ പഠേദ്ഭക്തിമാന്‍സദാ ॥ 11॥

സ സര്‍വ ദുഷ്കൃതം ത്യക്ത്വാ പ്രാപ്നോതി പരമം പദം ।

പഠനാദസ്യ ദേവേശി കിം ന സിദ്ധ്യതി ഭൂതലേ ॥ 12॥

സ്തവരാജമിദം ദേവി സങ്ക്ഷേപാത്കഥിതം മയാ ॥ 13॥

ഇതി ശ്രീസിദ്ധേശ്വരീതന്ത്രേ ഉമാമഹേശ്വരസംവാദേ ശ്രീദുര്‍ഗാപദുദ്ധാരസ്തോത്രം

॥ var ഹരഗൌരീസംവാദേ ആപദുദ്ധാരാഷ്ടകസ്തോത്രം.

Devi Stotram – Lalita Pancha Ratnam Stotram Lyrics

in Malayalam:
പ്രാതഃ സ്മരാമി ലലിതാവദനാരവിംദം
ബിംബാധരം പൃഥുലമൗക്തികശോഭിനാസമ് |

ആകര്ണദീര്ഘനയനം മണികുംഡലാഢ്യം

മംദസ്മിതം മൃഗമദോജ്ജ്വലഫാലദേശമ് || 1 ||

പ്രാതര്ഭജാമി ലലിതാഭുജകല്പവല്ലീം

രക്താംഗുളീയലസദംഗുളിപല്ലവാഢ്യാമ് |

മാണിക്യഹേമവലയാംഗദശോഭമാനാം

പുംഡ്രേക്ഷുചാപകുസുമേഷുസൃണീര്ദധാനാമ് || 2 ||

പ്രാതര്നമാമി ലലിതാചരണാരവിംദം

ഭക്തേഷ്ടദാനനിരതം ഭവസിംധുപോതമ് |

പദ്മാസനാദിസുരനായകപൂജനീയം

പദ്മാംകുശധ്വജസുദര്ശനലാംഛനാഢ്യമ് || 3 ||

പ്രാതഃ സ്തുവേ പരശിവാം ലലിതാം ഭവാനീം

ത്രയ്യംതവേദ്യവിഭവാം കരുണാനവദ്യാമ് |

വിശ്വസ്യ സൃഷ്ടവിലയസ്ഥിതിഹേതുഭൂതാം

വിദ്യേശ്വരീം നിഗമവാങ്മമനസാതിദൂരാമ് || 4 ||

പ്രാതര്വദാമി ലലിതേ തവ പുണ്യനാമ

കാമേശ്വരീതി കമലേതി മഹേശ്വരീതി |

ശ്രീശാംഭവീതി ജഗതാം ജനനീ പരേതി

വാഗ്ദേവതേതി വചസാ ത്രിപുരേശ്വരീതി || 5 ||

യഃ ശ്ലോകപംചകമിദം ലലിതാംബികായാഃ

സൗഭാഗ്യദം സുലലിതം പഠതി പ്രഭാതേ |

തസ്മൈ ദദാതി ലലിതാ ഝടിതി പ്രസന്നാ

വിദ്യാം ശ്രിയം വിമലസൗഖ്യമനംതകീര്തിമ് ||

ദുർഗാദ്വാത്രിംശന്നാമാവലീ

ദുർഗാ ദുർഗാർതിംശമനീ ദുർഗാഽഽപദ്വിനിവാരിണീ .

ദുർഗമച്ഛേദിനീ ദുർഗസാധിനീ ദുർഗനാശിനീ .. 1..

ദുർഗതോദ്ധാരിണീ ദുർഗനിഹന്ത്രീ ദുർഗമാപഹാ .

ദുർഗമജ്ഞാനദാ ദുർഗദൈത്യലോകദവാനലാ .. 2..

ദുർഗമാദുർഗമാലോകാ ദുർഗമാഽഽത്മസ്വരൂപിണീ .

ദുർഗമാർഗപ്രദാ ദുർഗമവിദ്യാ ദുർഗമാശ്രിതാ .. 3..

ദുർഗമജ്ഞാനസംസ്ഥാനാ ദുർഗമധ്യാനഭാസിനീ .

ദുർഗമോഹാ ദുർഗമഗാ ദുർഗമാർഥസ്വരൂപിണീ .. 4..

ദുർഗമാസുരസംഹന്ത്രീ ദുർഗമായുധധാരിണീ .

ദുർഗമാംഗീ ദുർഗമതാ ദുർഗമ്യാ ദുർഗമേശ്വരീ .. 5..

ദുർഗഭീമാ ദുർഗഭാമാ ദുർഗഭാ ദുർഗദാരിണീ .

നാമാവലിമിമാം യസ്തു ദുർഗായാ സുധീ മാനവഃ .. 6..

പഠേത് സർവഭയാന്മുക്തോ ഭവിഷ്യതി ന സംശയഃ .

ശത്രുഭിഃ പീഡ്യമാനോ വാ ദുർഗബന്ധഗതോഽപി വാ .

ദ്വാത്രിംശന്നാമപാഠേന മുച്യതേ നാത്ര സംശയഃ .. 7..