ശ്രീദത്താത്രേയധ്യാനം

ദത്താത്രേയം ശിവം ശാന്തം സച്ചിദാനന്ദമദ്വയം .

ആത്മരൂപം പരം ദിവ്യമവണ്യമുപാസ്മഹേ .. 1..

ദത്താത്രേയം ശിവം ശാന്തമിന്ദ്രനീലനിഭം പ്രഭും .

ആത്മമായാരതം ദേവം അവധൂതം ദിഗംബരം .. 2..

ഭസ്മോദ്ധൂലിതസർവാംഗം ജടാജൂടധരം വിഭും .

ചതുർബാഹുമുദാരാംഗം പ്രഫുല്ലകമലേക്ഷണം .. 3..

ജ്ഞാനയോഗനിധിം വിശ്വഗുരും യോഗിജനപ്രിയം .

ഭക്താനുകമ്പനം സർവസാക്ഷിണം സിദ്ധസേവിതം .. 4..

ജടാധരം പാണ്ഡുരംഗം ശൂലഹസ്തം കൃപാനിധിം .

സർവരോഗഹരം ദേവം ദത്താത്രേയമഹം ഭജേ .. 5..

മാലാ കമണ്ഡലുരധഃ കരപദ്മയുഗ്മേ

മധ്യസ്ഥപാണിയുഗലേ ഡമരുത്രിശൂലേ .
യന്ന്യസ്ത ഊർധ്വകരയോഃ ശുഭശംഖചക്രേ
വന്ദേ തമത്രിവരദം ഭുജഷട്ക യുക്തം .. 6..

ഇതി ശ്രീദത്താത്രേയധ്യാനം സമ്പൂർണം .

 ശ്രീദത്തമാലാ മന്ത്ര

ശ്രീ ഗണേശായ നമഃ .

പാർവത്യുവാച -
മാലാമന്ത്രം മമ ബ്രൂഹി പ്രിയായസ്മാദഹം തവ .
ഈശ്വര ഉവാച -ശൃണു ദേവി പ്രവക്ഷ്യാമി മാലാമന്ത്രമനുത്തമം
ഓം നമോ ഭഗവതേ ദത്താത്രേയായ, സ്മരണമാത്രസന്തുഷ്ടായ,
മഹാഭയനിവാരണായ മഹാജ്ഞാനപ്രദായ, ചിദാനന്ദാത്മനേ,
ബാലോന്മത്തപിശാചവേഷായ, മഹായോഗിനേ, അവധൂതായ,
അനഘായ,അനസൂയാനന്ദവർധനായ അത്രിപുത്രായ,
സർവകാമഫലപ്രദായ,ഓം ഭവബന്ധവിമോചനായ, ആം
അസാധ്യസാധനായ,ഹ്രീം സർവവിഭൂതിദായ, ക്രൗം
അസാധ്യാകർഷണായ,ഐം വാക്പ്രദായ, ക്ലീം
ജഗത്രയവശീകരണായ,സൗഃ സർവമനഃക്ഷോഭണായ, ശ്രീം
മഹാസമ്പത്പ്രദായ,ഗ്ലൗം ഭൂമണ്ഡലാധിപത്യപ്രദായ, ദ്രാം
ചിരഞ്ജീവിനേ,വഷട്വശീകുരു വശീകുരു, വൗഷട് ആകർഷയ
ആകർഷയ,ഹും വിദ്വേഷയ വിദ്വേഷയ, ഫട് ഉച്ചാടയ ഉച്ചാടയ,
ഠഃ ഠഃ സ്തംഭയ സ്തംഭയ, ഖേം ഖേം മാരയ മാരയ,
നമഃ സമ്പന്നയ സമ്പന്നയ, സ്വാഹാ പോഷയ പോഷയ,
പരമന്ത്രപരയന്ത്രപരതന്ത്രാണി ഛിന്ധി ഛിന്ധി,
ഗ്രഹാന്നിവാരയ നിവാരയ, വ്യാധീൻ വിനാശയ വിനാശയ,
ദുഃഖം ഹര ഹര, ദാരിദ്ര്യം വിദ്രാവയ വിദ്രാവയ,
ദേഹം പോഷയ പോഷയ, ചിത്തം തോഷയ തോഷയ,
സർവമന്ത്രസ്വരൂപായ, സർവയന്ത്രസ്വരൂപായ,
സർവതന്ത്രസ്വരൂപായ, സർവപല്ലവസ്വരൂപായ,
ഓം നമോ മഹാസിദ്ധായ സ്വാഹാ .
 ശ്രീദത്താത്രേയപ്രാർഥനാസ്തോത്രം അഥവാ
ഘോരകഷ്ടോദ്ധാരണസ്തോത്ര

ശ്രീപാദ ശ്രീവല്ലഭ ത്വം സദൈവ . ശ്രീദത്താസ്മാൻപാഹി

ദേവാധിദേവ ..
ഭാവഗ്രാഹ്യ ക്ലേശഹാരിൻസുകീർതേ .
ഘോരാത്കഷ്ടാദുദ്ധരാസ്മാന്നമസ്തേ .. 1..
ത്വം നോ മാതാ ത്വം പിതാപ്തോഽധിപസ്ത്വം . ത്രാതാ
യോഗക്ഷേമകൃത്സദ്ഗുരുസ്ത്വം ..
ത്വം സർവസ്വം നോഽപ്രഭോ വിശ്വമൂർതേ .
ഘോരാത്കഷ്ടാദുദ്ധരാസ്മാന്നമസ്തേ .. 2..
പാപം താപം വ്യാധിമാധിം ച ദൈന്യം . ഭീതിം ക്ലേശം ത്വം
ഹരാശു ത്വദന്യം ..
ത്രാതാരം നോ വീക്ഷ്യ ഈശാസ്തജൂർതേ .
ഘോരാത്കഷ്ടാദുദ്ധരാസ്മാന്നമസ്തേ .. 3..
നാന്യസ്ത്രാതാ നാപി ദാതാ ന ഭർതാ . ത്വത്തോ ദേവ ത്വം
ശരണ്യോഽകഹർതാ ..കുർവാത്രേയാനുഗ്രഹം പൂർണരാതേ .
ഘോരാത്കഷ്ടാദുദ്ധരാസ്മാന്നമസ്തേ .. 4..
ധർമേ പ്രീതിം സന്മതിം ദേവഭക്തിം . സത്സംഗാപ്തിം ദേഹി
ഭുക്തിം ച മുക്തിം .
ഭാവാസക്തിം ചാഖിലാനന്ദമൂർതേ .
ഘോരാത്കഷ്ടാദുദ്ധരാസ്മാന്നമസ്തേ .. 5..
ശ്ലോകപഞ്ചകമേതതദ്യോ ലോകമംഗലവർധനം .
പ്രപഠേന്നിയതോ ഭക്ത്യാ സ ശ്രീദത്തപ്രിയോ ഭവേത് ..ഇതി
ശ്രീവാസുദേവാനന്ദസരസ്വതീവിരചിതം
ശ്രീദത്താത്രേയപ്രാർഥനാസ്തോത്രം സമ്പൂർണം ..
 മന്ത്രഗർഭ ദത്താത്രേയാഷ്ടോത്തരശതനാമസ്തോത്രം

ഓങ്കാരതത്ത്വരൂപായ ദിവ്യജ്ഞാനാത്മനേ നമഃ .

നഭോതീതമഹാധാമ്ന ഐന്ദ്ര്യൃധ്യാ ഓജസേ നമഃ .. 1..

നഷ്ടമത്സരഗമ്യായാഗമ്യാചാരാത്മവർത്മനേ .
മോചിതാമേധ്യകൃതയേ റ്ഹീംബീജശ്രാണിതശ്രിയേ .. 2..

മോഹാദിവിഭ്രമാന്തായ ബഹുകായധരായ ച .
ഭത്തദുർവൈഭവഛേത്രേ ക്ലീംബീജവരജാപിനേ .. 3..

ഭവഹേ- തുവിനാശായ രാജച്ഛോണാധരായ ച .

ഗതിപ്രകമ്പിതാണ്ഡായ ചാരുവ്യഹതബാഹവേ .. 4..

ഗതഗ- ര്വപ്രിയായാസ്തു യമാദിയതചേതസേ .

വശിതാജാതവശ്യായ മുണ്ഡിനേ അനസൂയവേ .. 5..

വദദ്വ- രേണ്യവാഗ്ജാലാ-വിസ്പൃഷ്ടവിവിധാത്മനേ .
തപോധനപ്രസന്നായേ-ഡാപതിസ്തുതകീർതയേ .. 6..

തേജോമണ്യന്തരംഗായാ-ദ്മരസദ്മവിഹാപനേ .
ആന്തരസ്ഥാനസംസ്ഥായായൈശ്വര്യശ്രൗതഗീതയേ .. 7..

വാതാദിഭയയുഗ്ഭാവ-ഹേതവേ ഹേതുബേതവേ .
ജഗദാത്മാത്മഭൂതായ വിദ്വിഷത്ഷട്കഘാതിനേ .. 8..
സുരവ-ര്ഗോദ്ധൃതേ ഭൃത്യാ അസുരാവാസഭേദിനേ .
നേത്രേ ച നയനാക്ഷ്ണേ ചിച്ചേതനായ മഹാത്മനേ .. 9..

ദേവാധിദേവദേവായ വസുധാസുരപാലിനേ .
യാജിനാമഗ്രഗണ്യായ ദ്രാംബീജജപതുഷ്ടയേ .. 10..

വാസനാവനദാവായ ധൂലിയുഗ്ദേഹമാലിനേ .
യതിസംന്യാസിഗതയേ ദത്താത്രേയേതി സംവിദേ .. 11..

യജനാസ്യഭുജേജായ താരകാവാസഗാമിനേ .
മഹാജവാസ്പൃഗ്രൂപായാ-ത്താകാരായ വിരൂപിണേ .. 12..

നരായ ധീപ്രദീപായ യശസ്വിയശസേ നമഃ .

ഹാരിണേ ചോജ്വലാംഗായാത്രേസ്തനൂജായ സംഭവേ .. 13..

മോചിതാമരസംഘായ ധീമതാം ധീരകായ ച .

ബലിഷ്ഠവിപ്രലഭ്യായ യാഗഹോമപ്രിയായ ച .. 14..

ഭജന്മഹിമവിഖ്യാത്രേഽമരാരിമഹിമച്ഛിദേ .
ലാഭായ മുണ്ഡിപൂജ്യായ യമിനേ ഹേമമാലിനേ .. 15..

ഗതോപാധിവ്യാധയേ ച ഹിരണ്യാഹിതകാന്തയേ .
യതീന്ദ്രചര്യാം ദധതേ നരഭാവൗഷധായ ച .. 16..

വരിഷ്ഠയോഗിപൂജ്യായ തന്തുസന്തന്വതേ നമഃ .

സ്വാത്മഗാഥാസുതീർഥായ മഃശ്രിയേ ഷട്കരായ ച .. 17..

തേജോമയോത്തമാംഗായ നോദനാനോദ്യകർമണേ .
ഹാന്യാപ്തിമൃതിവിജ്ഞാത്ര ഓങ്കാരിതസുഭക്തയേ .. 18..

രുക്ഷുങ്മനഃഖേദഹൃതേ ദർശനാവിഷയാത്മനേ .
രാങ്കവാതതവസ്ത്രായ നരതത്ത്വപ്രകാശിനേ .. 19..

ദ്രാവിതപ്രണതാഘായാ-ത്തഃസ്വജിഷ്ണുഃസ്വരാശയേ .
രാജന്ത്ര്യാസ്യൈകരൂപായ മഃസ്ഥായമസുബമ്ധവേ .. 20..

യതയേ ചോദനാതീത- പ്രചാരപ്രഭവേ നമഃ .

മാനരോഷവിഹീനായ ശിഷ്യസംസിദ്ധികാരിണേ .. 21..

ഗംഗേ പാദവിഹീനായ ചോദനാചോദിതാത്മനേ .

യവീയസേഽലർകദുഃഖ-വാരിണേഽഖണ്ഡിതാത്മനേ .. 22..

ഹ്രീംബീജായാർജുനജ്യേഷ്ഠായ ദർശനാദർശിതാത്മനേ .
നതിസന്തുഷ്ടചിത്തായ യതിനേ ബ്രഹ്മചാരിണേ .. 23..

ഇത്യേഷ സത്സ്തവോ വൃത്തോയാത് കം ദേയാത്പ്രജാപിനേ .

മസ്കരീശോ മനുസ്യൂതഃ പരബ്രഹ്മപദപ്രദഃ .. 24..
.. ഇതി ശ്രീ. പ. പ. ശ്രീവാസുദേവാനന്ദ സരസ്വതീ വിരചിതം
മന്ത്രഗർഭ ശ്രീ ദത്താത്രേയാഷ്ടോത്തരശതനാമ സ്തോത്രം
സമ്പൂർണം..
 ദത്താത്മപൂജാസ്തോത്രം

ശ്രീഗണേശായ നമഃ ..

അജിതാമൃത യോഗനിദ്രിതാച്യുത ശക്തേഃ സ്വകൃതാതിമോഹിത .

ദ്യുമുഖേ ശ്രുതിബന്ദിഗീതതോ ഭഗവഞ്ജാഗൃഹി ജാഗൃഹി ത്ര്യധീട്

.. 1..

അഥ ധ്യാനം .
യതോഽസ്യ ജനതാദ്യജ സ്വവശമായ ആദ്യോ വിഭുഃ
സ്വരാട് സകലവിദ്ഗുരുഃ സ സുഖസച്ചിദാത്മാ പ്രഭുഃ .
അസംസൃതിരൂപ ഉജ്ഝിതമലോഽമുമൈക്യാപ്തയേ
നിവർത്യ നയനം നിഷേധവിധിവാക്യതശ്ചിന്തയേ .. 2..

കാര്യാക്ഷമാന്വീക്ഷ്യ പൃഥഗ്യുതാന്വാ യോഽനുപ്രവിശ്യാപി

വിഭുർനിജാംശാത് .
നിന്യേ പ്രഭുത്വം ഹി മഹന്മഖാംസ്തമുപാഹ്വയേ
ത്രീശമവന്യചിത്തഃ .. 3..

അനോജജ്ജവീയോ ഹൃദോഽപ്യാപ്നുവന്നോ സുരാഃ

പൂർവമർശത്പരാഞ്ചോഽപി തിഷ്ഠത് .
പരാന്ധാവതോഽത്യേതി യദ്വ്യസനം തേ ത്ര്യധീശാഽർപിതം
ചിത്തമസ്താന്യവൃത്തി .. 4..

രാഹോഃ ശീർഷാദൗപചാരികഭിദാ വിഷ്ണോ പദം ത്രീശ തേ

 പ്രത്യക്ത്വാച്ച നിസർഗശുദ്ധമപി സൻ
മായാംശതോഽശുദ്ധവത് .
ഭാതം മൂഢധിയാ തദർഥമമലം ജ്ഞാനാമൃതം യത്നതോ
ധ്യാമത്രേഽത്ര ഹിരണ്മയേ വിനിഹിതം പാദ്യം
ഗൃഹാണാത്മഭ .. 5..

ദേവാചാര്യപ്രസാദപ്രജനിതസുരസമ്പത്തിസദ്രത്നജാത-
ശ്രേണ്യാഢ്യേ മഞ്ജുലേഽസ്മിന്നതിതരവിമലേ ഭാജനേ വൈ
വിശാലേ .
ധൃതഭജനജലാദ്വേഷ്ടൃതാദ്യർഥജാലേ
സ്വർഘ്യം സമ്പാദിതം തേ ത്ര്യധിപ പരമ ഭോഃ
സ്വീകുരുഷ്വാപ്തകാമ .. 6..

വിധിവച്ഛ്രവണാദി യത്കൃതം തേ ത്ര്യധിപാ ഭവ മേ പ്രസീദ

ശംഭോ .
ദ്വിദവിധാവരണാംബു തേഽർപിതം സത്കൃപയാഽഽചമനം കുരുഷ്വ
തേന .. 7..

പ്രവചനാദിസുദുർലഭതാ ശ്രുതേസ്ത്ര്യധിപതേ ത ഇഹ
ശ്രുതിവിശ്രുതേ .
പരമഭക്തിസുശീതലസജ്ജലം വപുഷി സിക്തമഥാപ്ലുതയേഽസ്ത്വലം

.. 8..

യത്കിഞ്ചിജ്ജഗതി ത്രീശ തത്ത്വയാഽഽവാസ്യമീശ തേ .

വസ്ത്രത്വേനാർപിതം തേന പരാനന്ദാർഹതാസ്തു മേ .. 9..
യദ്ബ്രഹ്മസൂത്രം ത്രിവൃതം കൃത്വാ സമന്ത്രം ത്രിപ സസ്വന്ത്രം .
ദത്തം സുമിത്രം ഭജതേ ന ചാത്ര സന്ത്രസുപാത്രം
കുരുമാഽന്യതന്ത്രം .. 10..

ആഹ്ലാദനം ചന്ദനമുച്യതേ തത്സത്യർതരൂപം ന തതഃ പരം തേ .

പ്രേഷ്ഠം ത്ര്യധീശാഗുണ തേന നൂനമാലേപനം തേ പ്രകരോമി
ഭക്ത്യാ .. 11..
ഭഗവംസ്ത്ര്യധിപ പ്രദദാമി മുദേ സുമനഃ സുമനഃ സകലാർഥവിദേ
ഖലു തുഭ്യമമൂല്യമഘൗഘഭിദേ സുമനഃ സുമനസ്കമനന്യഹൃദേ

.. 12..
യോഗാനലേഽത്ര
ബലദർപപരിഗ്രഹാഹങ്കാരാഭിലാഷമമതാപ്രതിഘാംശ്ച ദഗ്ധ്വാ .
ധൂപോഽയമുത്തമതമോഽർപിത ആര്യശാന്തിദ്വാരാ ത്ര്യധീശ
പദപര്യവസായ്യസൗ തേ .. 13..

സോഽഹംഭാവപ്രോജ്വലജ്ജ്ഞാനദീപോ
മൂലാജ്ഞാനധ്വാന്തസമ്പാതഹൃത്യൈ .
സ്ഥേയാൻഭാസ്വാഁശ്ഛാശ്വതസ്ത്രീശ തുഭ്യം സ്വാത്മജ്യോതിർദത്ത

ഏതം ഗൃഹാണ .. 14..

യസ്യ ബ്രഹ്മക്ഷത്രേ മിത്രേ ഗ്രാസോ മൃത്യുർലേഹ്യം പേയം .

ക്വാന്വേഷ്ടവ്യം തസ്മൈ കസ്മൈ നൈവേദ്യാർഥം ദത്തം ദ്വൈതം

.. 15..
ത്രീശ തേഽദ്യ പരഭക്തിവീടികാ പഞ്ചമൈകപുരുഷാർഥസാധികാ .
നിർവികല്പകസമാധിതഃ പുരാ രഞ്ജികാഽസ്തു ഭവഭഞ്ജികാ
വരാ .. 16..

ത്വം ത്രീശാഹമഹം ത്വമിത്യവഗതേ സ്ഥേമ്നേ നിദിധ്യാസനാ-

ത്മാനസ്തേ പരിദക്ഷിണാ ഹി വിഹിതാ യദ്യച്ച മേ ക്രീഡിതം .
തദ്ബ്രഹ്മാസ്തു ചിദന്വയേക്ഷിതുരഥോ ത്വാനുസ്മരൻ വ്യാഹരേ-
ത്താരം താരകമേകമാത്മനി യഥാ ശാർദൂലവിക്രീഡിതം .. 17..

അസകൃദഭിഹിതാ തേഽനേകജന്മാപ്തപുണ്യൈഃ
പ്രണതിവിതതിരേഷാ ദ്വൈതശേഷാ വിശേഷാ .
ത്വയി വിനിഹിതമേതന്മേജ്ഞ സർവം സ്വകീയം ത്ര്യധിപ ജയതു
പൂജാ ത്വദ്യശോമാലിനീയം .. 18..

യന്മേ ന്യൂനം സമ്മതം സ്ഥൂലദൃഷ്ട്യാ ഭൂമൻ

തേഽനുക്രോശപീയൂഷവൃഷ്ട്യാ .
നിത്യം പ്രേയഃ സ്വപ്രഭം ശാലിനീയം തസ്യാഭൂത്സമ്പൂർണതാ
ശാലിനീയം .. 19..

രോധനം ദ്വ്യാത്മനഃ ശോധനം ദ്വ്യാത്മനഃ പൂജനം ത്ര്യാത്മനോ

ഭോജനം സ്വാത്മനഃ .
യത്ര സൈഷാഽഽത്മപൂജാഽസ്തു കണ്ഠേ സതാം സ്രഗ്വിണീ മാ
പരാ സ്ത്രീവ കണ്ഠേ സതാം .. 20..
ഇതി
ശ്രീമദ്വാസുദേവാനന്ദസരസ്വതീവിരചിതാഽഽത്മപൂജാസ്തോത്രം
സമ്പൂർണം.
 ദകാരാദിദത്താത്രേയാഷ്ടോത്തരശതനാമസ്തോത്രം

ദത്തം വന്ദേ ദശാതീതം ദയാബ്ധി ദഹനം ദമം .

ദക്ഷം ദരഘ്നം ദസ്യുഘ്നം ദർശം ദർപഹരം ദവം .. 1..

ദാതാരം ദാരുണം ദാന്തം ദാസ്യാദം ദാനതോഷണം .

ദാനം ദാവപ്രിയം ദാവം ദാസത്രം ദാരവർജിതം .. 2..

ദിക്പം ദിവസപം ദിക്സ്ഥം ദിവ്യയോഗം ദിഗംബരം .

ദിവ്യം ദിഷ്ടം ദിനം ദിശ്യം ദിവ്യാംഗം ദിതിജാർചിതം .. 3..

ദീനപം ദീധിതിം ദീപ്തം ദീർഘം ദീപം ച ദീപ്തഗും .

ദീനസേവ്യം ദീനബന്ധും ദീക്ഷാദം ദീക്ഷിതോത്തമം .. 4..

ദുർജ്ഞേയം ദുർഗ്രഹം ദുർഗം ദുർഗേശം ദുഃഖഭഞ്ജനം .

ദുഷ്ടഘ്നം ദുഗ്ധപം ദുഃഖം ദുർവാസോഽഗ്ര്യം ദുരാസദം .. 5..

ദൂതം ദൂതപ്രിയം ദൂഷ്യം ദൂഷ്യത്രം ദൂരദർശിപം .

ദൂരം ദൂരതമം ദൂർവാഭം ദൂരാംഗം ച ദൂരഗം .. 6..

ദേവാർചയം ദേവപം ദേവം ദേയജ്ഞം ദേവതോത്തമം .

ദേഹജ്ഞം ദേഹിനം ദേശം ദേശികം ദേഹിജീവനം .. 7..
ദൈന്യം ദൈന്യഹരം ദൈവം ദൈന്യദം ദൈവികാന്തകം .
ദൈത്യഘ്നം ദൈവതം ദൈഘ്ര്യം ദൈവജ്ഞം ദൈഹികാർതിദം

.. 8..

ദോഷഘ്നം ദോഷദം ദോഷം ദോഷിത്രം ദോദ്ര്വയാന്വിതം .

ദോഷജ്ഞം ദോഹപം ദോഷേഡ്ബന്ധും ദോർജ്ഞം ച ദോഹദം

.. 9..

ദൗരാത്മ്യഘ്നം ദൗർമനസ്യ-ഹരം ദൗർഭാഗ്യമോചനം .

ദൗഷ്ട്യ്ത്രം ദൗഷ്കുല്യദോഷ-ഹരം ദൗർഹൃദ്യഭഞ്ജനം .. 10..

ദണ്ഡജ്ഞം ദണ്ഡിനം ദണ്ഡം ദംഭഘ്നം ദംഭിശാസനം .

ദന്ത്യാസ്യം ദന്തുരം ദംശിഘ്നം ദണ്ഡ്യ്ജ്ഞം ച ദണ്ഡദം .. 11..

അനന്താനന്തനാമാനി സന്തി തേഽനന്തവിക്രമ .

വേദോഽപി ചകിതോ യത്ര നുർവാഘൃദ്ദൂര കാ കഥാ .. 12..

ഇതി ശ്രീവാസുദേവാനന്ദസരസ്വതീവിരചിതം

ദകാരാദിദത്താത്രേയാഷ്ടോത്തരശതനാമസ്തോത്രം സമ്പൂർണം .
 ശ്രീദത്താത്രേയവജ്രകവചം

ശ്രീഗണേശായ നമഃ .
ശ്രീദത്താത്രേയായ നമഃ .
ഋഷയ ഊചുഃ .
കഥം സങ്കല്പസിദ്ധിഃ സ്യാദ്വേദവ്യാസ കലൗ യുഗേ .
ധർമാർഥകാമമോക്ഷാണാം സാധനം കിമുദാഹൃതം .. 1..

വ്യാസ ഉവാച .
ശൃണ്വന്തുഋഷയഃ സർവേ ശീഘ്രം സങ്കല്പസാധനം .
സകൃദുച്ചാരമാത്രേണ ഭോഗമോക്ഷപ്രദായകം .. 2..

ഗൗരീശൃംഗേ ഹിമവതഃ കല്പവൃക്ഷോപശോഭിതം .

ദീപ്തേ ദിവ്യമഹാരത്നഹേമമണ്ഡപമധ്യഗം .. 3..

രത്നസിംഹാസനാസിനം പ്രസന്നം പരമേശ്വരം .

മന്ദസ്മിതമുഖാംഭോജം ശങ്കരം പ്രാഹ പാർവതീ .. 4..

ശ്രീദേവ്യുവാച .
ദേവദേവ മഹാദേവ ലോകശങ്കര ശങ്കര .
മന്ത്രജാലാനി സർവാണി യന്ത്രജാലാനി കൃത്സ്നശഃ .. 5..

തന്ത്രജാലാന്യനേകാനി മയാ ത്വത്തഃ ശ്രുതാനി വൈ .

ഇദാനീം ദ്രഷ്ടുമിച്ഛാമി വിശേഷേണ മഹീതലം .. 6..
ഇത്യുദീരിതമാകർണ്യ പാർവത്യാ പരമേശ്വരഃ .
കരേണാമൃജ്യ സന്തോഷാത്പാർവതീം പ്രത്യഭാഷത .. 7..

മയേദാനീം ത്വയാ സാർധം വൃഷമാരുഹ്യ ഗമ്യതേ .

ഇത്യുക്ത്വാ വൃഷമാരുഹ്യ പാർവത്യാ സഹ ശങ്കരഃ .. 8..

യയൗ ഭൂമണ്ഡലം ദ്രഷ്ടും ഗൗര്യാശ്ചിത്രാണി ദർശയൻ .

ക്വചിത് വിന്ധ്യാചലപ്രാന്തേ മഹാരണ്യേ സുദുർഗമേ .. 9..

തത്ര വ്യാഹർതുമായാന്തം ഭില്ലം പരശുധാരിണം .

വർധ്യമാനം മഹാവ്യാഘ്രം നഖദൺഷ്ട്രാഭിരാവൃതം .. 10..

അതീവ ചിത്രചാരിത്ര്യം വജ്രകായസമായുതം .

അപ്രയത്നമനായാസമഖിലം സുഖമാസ്ഥിതം .. 11..

പലായന്തം മൃഗം പശ്ചാദ്വ്യാഘ്രോ ഭീത്യാ പലായിതഃ .

ഏതദാശ്ചര്യമാലോക്യ പാർവതീ പ്രാഹ ശങ്കരം .. 12..

ശ്രീപാർവത്യുവാച .
കിമാശ്ചര്യം കിമാശ്ചര്യമഗ്രേ ശംഭോ നിരീക്ഷ്യതാം .
ഇത്യുക്തഃ സ തതഃ ശംഭുർദൃഷ്ട്വാ പ്രാഹ പുരാണവിത് .. 13..

ശ്രീശങ്കര ഉവാച .
ഗൗരി വക്ഷ്യാമി തേ ചിത്രമവാങ്മാനസഗോചരം .
അദൃഷ്ടപൂർവമസ്മാഭിർനാസ്തി കിഞ്ചന്ന കുത്രചിത് .. 14..

മയാ സമ്യക് സമാസേന വക്ഷ്യതേ ശൃണു പാർവതി .

അയം ദൂരശ്രവാ നാമ ഭില്ലഃ പരമധാർമികഃ .. 15..

സമിത്കുശപ്രസൂനാനി കന്ദമൂലഫലാദികം .
പ്രത്യഹം വിപിനം ഗത്വാ സമാദായ പ്രയാസതഃ .. 16..

പ്രിയേ പൂർവം മുനീന്ദ്രേഭ്യഃ പ്രയച്ഛതി ന വാഞ്ഛതി .

തേഽപി തസ്മിന്നപി ദയാം കുർവതേ സർവമൗനിനഃ .. 17..

ദലാദനോ മഹായോഗീ വസന്നേവ നിജാശ്രമേ .

കദാചിദസ്മരത് സിദ്ധം ദത്താത്രേയം ദിഗംബരം .. 18..

ദത്താത്രേയഃ സ്മർതൃഗാമീ ചേതിഹാസം പരീക്ഷിതും .

തത്ക്ഷണാത്സോഽപി യോഗീന്ദ്രോ ദത്താത്രേയഃ സമുത്ഥിതഃ ..

19..

തം ദൃഷ്ട്വാഽഽശ്ചര്യതോഷാഭ്യാം ദലാദനമഹാമുനിഃ .
സമ്പൂജ്യാഗ്രേ നിഷീദന്തം ദത്താത്രേയമുവാച തം .. 20..

മയോപഹൂതഃ സമ്പ്രാപ്തോ ദത്താത്രേയ മഹാമുനേ .

സ്മർതൃഗാമീ ത്വമിത്യേതത് കിംവദന്തീ പരീക്ഷിതും .. 21..

മയാദ്യ സംസ്മൃതോഽസി ത്വമപരാധം ക്ഷമസ്വ മേ .

ദത്താത്രേയോ മുനിം പ്രാഹ മമ പ്രകൃതിരീദൃശീ .. 22..

അഭക്ത്യാ വാ സുഭക്ത്യാ വാ യഃ സ്മരേന്മാമനന്യധീഃ .

തദാനീം തമുപാഗത്യ ദദാമി തദഭീപ്സിതം .. 23..

ദത്താത്രേയോ മുനിം പ്രാഹ ദലാദനമുനീശ്വരം .

യദിഷ്ടം തദ്വൃണീഷ്വ ത്വം യത് പ്രാപ്തോഽഹം ത്വയാ സ്മൃതഃ ..

24..

ദത്താത്രേയം മുനിഃ പ്രാഹ മയാ കിമപി നോച്യതേ .

ത്വച്ചിത്തേ യത്സ്ഥിതം തന്മേ പ്രയച്ഛ മുനിപുംഗവ .. 25..

ശ്രീദത്താത്രേയ ഉവാച .
മമാസ്തി വജ്രകവചം ഗൃഹാണേത്യവദന്മുനിം .
തഥ്യേത്യംഗീകൃതവതേ ദലാദനമുനയേ മുനിഃ .. 26..

സ്വവജ്രകവചം പ്രാഹ ഋഷിച്ഛന്ദഃപുരഃസരം .

ന്യാസം ധ്യാനം ഫലം തത്ര പ്രയോജനമശേഷതഃ .. 27..

അസ്യ ശ്രീദത്താത്രേയവജ്രകവചസ്തോത്രമന്ത്രസ്യ,
കിരാതരൂപീ മഹാരുദ്ര ഋഷിഃ, അനുഷ്ടുപ് ഛന്ദഃ,
ശ്രീദത്താത്രേയോ ദേവതാ, ദ്രാം ബീജം, ആം ശക്തിഃ,
ക്രൗം കീലകം, ഓം ആത്മനേ നമഃ . ഓം ദ്രീം മനസേ നമഃ .
ഓം ആം ദ്രീം ശ്രീം സൗഃ ഓം ക്ലാം ക്ലീം ക്ലൂം ക്ലൈം ക്ലൗം ക്ലഃ .
ശ്രീദത്താത്രേയപ്രസാദസിദ്ധ്യർഥേ ജപേ വിനിയോഗഃ ..
അഥ കരന്യാസഃ .
ഓം ദ്രാം അംഗുഷ്ഠാഭ്യാം നമഃ .
ഓം ദ്രീം തർജനീഭ്യാം നമഃ .
ഓം ദ്രൂം മധ്യമാഭ്യാം നമഃ .
ഓം ദ്രൈം അനാമികാഭ്യാം നമഃ .
ഓം ദ്രൗം കനിഷ്ഠികാഭ്യാം നമഃ .
ഓം ദ്രഃ കരതലകരപൃഷ്ഠാഭ്യാം നമഃ ..

അഥ ഹൃദയാദിന്യാസഃ .
ഓം ദ്രാം ഹൃദയായ നമഃ .
ഓം ദ്രീം ശിരസേ സ്വാഹാ .
ഓം ദ്രൂം ശിഖായൈ വഷട് .
ഓം ദ്രൈം കവചായ ഹും .
ഓം ദ്രൗം നേത്രത്രയായ വൗഷട് .
ഓം ദ്രഃ അസ്ത്രായ ഫട് .
ഓം ഭൂർഭുവഃസ്വരോമിതി ദിഗ്ബന്ധഃ ..

അഥ ധ്യാനം .
ജദദങ്കുരകന്ദായ സച്ചിദാനന്ദമൂർതയേ .
ദത്താത്രേയായ യോഗീന്ദ്രചന്ദ്രായ പരമാത്മനേ .. 1..

കദാ യോഗീ കദാ ഭോഗീ കദാ നഗ്നഃ പിശാചവത് .

ദത്താത്രേയോ ഹരിഃ സാക്ഷാദ്ഭുക്തിമുക്തിപ്രദായകഃ .. 2..
വാരാണസീപുരസ്നായീ കോൽഹാപുരജപാദരഃ .
മാഹുരീപുരഭിക്ഷാശീ സഹ്യശായീ ദിഗംബര .. 3..

ഇന്ദ്രനീലസമാകാരശ്ചന്ദ്രകാന്തിസമദ്യുതിഃ .
വൈഡുര്യസദൃശസ്ഫൂർതിശ്ചലത്കിഞ്ചിജ്ജടാധരഃ .. 4..

സ്നിഗ്ധധാവല്യയുക്താക്ഷോഽത്യന്തനീലകനീനികഃ .
ഭ്രൂവക്ഷഃശ്മശ്രുനീലാങ്കഃ സശാങ്കസദൃശാനനഃ .. 5..

ഹാസനിർജിതനീഹാരഃ കണ്ഠനിർജിതകംബുകഃ .
മാംസലാംസോ ദീർഘബാഹുഃ പാണിനിർജിതപല്ലവഃ .. 6..

വിശാലപീനവക്ഷാശ്ച താമ്രപാണിർദലോദരഃ .
പൃഥുലശ്രോണിലലിതോ വിശാലജഘനസ്ഥലഃ .. 7..

രംഭാസ്തംഭോപമാനോരുർജാനുപൂർവൈകജംഘകഃ .
ഗൂഢഗുൽഫഃ കൂർമപൃഷ്ഠോലസത്പാദോഷരിസ്ഥലഃ .. 8..

രക്താരവിന്ദസദൃശരമണീയപദാധരഃ .
ചർമാംബരധരോ യോഗീ സ്മർതൃഗാമീ ക്ഷണേ ക്ഷണേ .. 9..

ജ്ഞാനോപദേശനീരതോ വിപദ്ധരണദീക്ഷിതഃ .
സിദ്ധാസനസമാസീന ഋജുകായോ ഹസന്മുഖഃ .. 10..

വാമഹസ്തേന വരദോ ദക്ഷിണേനാഭയങ്കരഃ .

ബാലോന്മത്തപിശാചീഭിഃ ക്വചിദ്യുക്തഃ പരീക്ഷിതഃ .. 11..

ത്യാഗീ ഭോഗീ മഹായോഗീ നിത്യാനന്ദോ നിരഞ്ജനഃ .

സർവരൂപീ സർവദാതാ സർവഗഃ സർവകാമദഃ .. 12..

ഭസ്മോദ്ധൂലിതസർവാംഗോ മഹാപാതകനാശനഃ .
ഭുക്തിപ്രദോ മുക്തിദാതാ ജീവന്മുക്തോ ന സംശയഃ .. 13..

ഏവം ധ്യാത്വാഽനന്യചിത്തോ മദ്വജ്രകവചം പഠേത് .

മാമേവ പശ്യൻസർവത്ര സ മയാ സഹ സങ്ചരേത് .. 14..

ദിഗംബരം ഭസ്മസുഗന്ധലേപനം ചക്രം ത്രിശൂലം ഡമരും

ഗദായുധം .
പദ്മാസനം യോഗിമുനീന്ദ്രവന്ദിതം ദത്തേതി നാമസ്മരണേന
നിത്യം .. 15..

(അഥ പഞ്ചോപചാരൈഃ സമ്പൂജ്യ ഓം ദ്രാം ഇതി

അഷ്ടോത്തരശതവാരം ജപേത്)
ഓം ദ്രാം .

അഥ കവചം .
ഓം ദത്താത്രേയഃ ശിരഃ പാതു സഹസ്രാബ്ജേഷു സംസ്ഥിതഃ .
ഭാലം പാത്വാനസൂയേയശ്ചന്ദ്രമണ്ഡലമധ്യഗഃ .. 1..

കൂർചം മനോമയഃ പാതു ഹം ക്ഷം ദ്വിദലപദ്മഭൂഃ .

ജ്യോതിരൂപോഽക്ഷിണീ പാതു പാതു ശബ്ദാത്മകഃ ശ്രുതീ .. 2..

നാസികാം പാതു ഗന്ധാത്മാ മുഖം പാതു രസാത്മകഃ .

ജിഹ്വാം വേദാത്മകഃ പാതു ദന്തോഷ്ഠൗ പാതു ധാർമികഃ .. 3..

കപോലാവത്രിഭൂഃ പാതു പാത്വശേഷം മമാത്വവിത് .

സ്വരാത്മാ ഷോഡശാരാബ്ജസ്ഥിതഃ സ്വാത്മാഽവതാദ്ഗലം .. 4..

സ്കന്ധൗ ചന്ദ്രാനുജഃ പാതു ഭുജൗ പാതു കൃതാദിഭൂഃ .

ജത്രുണീ ശത്രുജിത് പാതു പാതു വക്ഷഃസ്ഥലം ഹരിഃ .. 5..

കാദിഠാന്തദ്വാദശാരപദ്മഗോ മരുദാത്മകഃ .
യോഗീശ്വരേശ്വരഃ പാതു ഹൃദയം ഹൃദയസ്ഥിതഃ .. 6..

പാർശ്വേ ഹരിഃ പാർശ്വവർതീ പാതു പാർശ്വസ്ഥിതഃ സ്മൃതഃ .

ഹഠയോഗാദിയോഗജ്ഞഃ കുക്ഷീ പാതു കൃപാനിധിഃ .. 7..

ഡകാരാദിഫകാരാന്തദശാരസരസീരുഹേ .
നാഭിസ്ഥലേ വർതമാനോ നാഭിം വഹ്ന്യാത്മകോഽവതു .. 8..

വഹ്നിതത്വമയോ യോഗീ രക്ഷതാന്മണിപൂരകം .

കടിം കടിസ്ഥബ്രഹ്മാണ്ഡവാസുദേവാത്മകോഽവതു .. 9..

വകാരാദിലകാരാന്തഷട്പത്രാംബുജബോധകഃ .
ജലതത്വമയോ യോഗീ സ്വാധിഷ്ഠാനം മമാവതു .. 10..
സിദ്ധാസനസമാസീന ഊരൂ സിദ്ധേശ്വരോഽവതു .
വാദിസാന്തചതുഷ്പത്രസരോരുഹനിബോധകഃ .. 11..

മൂലാധാരം മഹീരൂപോ രക്ഷതാദ്വീര്യനിഗ്രഹീ .

പൃഷ്ഠം ച സർവതഃ പാതു ജാന്യുന്യസ്തകരാംബുജഃ .. 12..

ജംഘേ പാത്വവധൂതേന്ദ്രഃ പാത്വംഘ്രീ തീർഥപാവനഃ .

സർവാംഗം പാതു സർവാത്മാ രോമാണ്യവതു കേശവഃ .. 13..

ചർമ ചർമാംബരഃ പാതു രക്തം ഭക്തിപ്രിയോഽവതു .

മാംസം മാംസകരഃ പാതു മജ്ജാം മജ്ജാത്മകോഽവതു .. 14..

അസ്ഥീനി സ്ഥിരധീഃ പായാന്മേധാം വേധാഃ പ്രപാലയേത് .

ശുക്രം സുഖകരഃ പാതു ചിത്തം പാതു ദൃഢാകൃതിഃ .. 15..

മനോബുദ്ധിമഹങ്കാരം ഹൃഷീകേശാത്മകോഽവതു .
കർമേന്ദ്രിയാണി പാത്വീശഃ പാതു ജ്ഞാനേന്ദ്രിയാണ്യജഃ .. 16..

ബന്ധൂൻ ബന്ധൂത്തമഃ പായാച്ഛത്രുഭ്യഃ പാതു ശത്രുജിത് .

ഗൃഹാരാമധനക്ഷേത്രപുത്രാദീഞ്ഛങ്കരോഽവതു .. 17..

ഭാര്യാം പ്രകൃതിവിത് പാതു പശ്വാദീൻപാതു ശാർങ്ഗഭൃത് .

പ്രാണാൻപാതു പ്രധാനജ്ഞോ ഭക്ഷ്യാദീൻപാതു ഭാസ്കരഃ ..

18..
സുഖം ചന്ദ്രാത്മകഃ പാതു ദുഃഖാത് പാതു പുരാന്തകഃ .
പശൂൻപശൂപതിഃ പാതു ഭൂതിം ഭൂതേശ്വരോ മമ .. 19..

പ്രാച്യാം വിഷഹരഃ പാതു പാത്വാഗ്നേയ്യാം മഖാത്മകഃ .

യാമ്യാം ധർമാത്മകഃ പാതു നൈരൃത്യാം സർവവൈരിഹൃത് ..

20..

വരാഹഃ പാതു വാരുണ്യാം വായവ്യാം പ്രാണദോഽവതു .

കൗബേര്യാം ധനദഃ പാതു പാത്വൈശാന്യാം മഹാഗുരുഃ .. 21..

ഉർധ്വം പാതു മഹാസിദ്ധഃ പാത്വധസ്താജ്ജടാധരഃ .

ഓം ദ്രാം .

മന്ത്രജപഃ .

ഓം ദ്രാം അംഗുഷ്ഠാഭ്യാം നമഃ .

ഓം ദ്രീം തർജനീഭ്യാം നമഃ .
ഓം ദ്രൂം മധ്യമാഭ്യാം നമഃ .
ഓം ദ്രൈം അനാമികാഭ്യാം നമഃ .
ഓം ദ്രൗം കനിഷ്ഠികാഭ്യാം നമഃ .
ഓം ദ്രഃ കരതലകരപൃഷ്ഠാഭ്യാം നമഃ .
ഏവം ഹൃദയാദി ന്യാസഃ .
ഓം ഭൂർഭുവഃസ്വരോമിതി ദിഗ്ബന്ധഃ .
രക്ഷാഹീനം തു യത്സ്ഥാനം രക്ഷത്വാദിമുനീശ്വരഃ .. 22..

ഏതന്മേ വജ്രകവചം യഃ പഠേച്ഛൃണുയാദപി .

വജ്രകായശ്ചിരഞ്ജീവീ ദത്താത്രേയോഽഹമബ്രുവം .. 23..

ത്യാഗീ ഭോഗീ മഹായോഗീ സുഖദുഃഖവിവർജിതഃ .

സർവത്രസിദ്ധസങ്കല്പോ ജീവന്മുക്തോഽദ്യ വർതതേ .. 24..

ഇത്യുക്ത്വാന്തർദധേ യോഗീ ദത്താത്രേയോ ദിഗംബരഃ .

ദലാദനോഽപി തജ്ജപ്ത്വാ ജീവന്മുക്തഃ സ വർതതേ .. 25..

ഭില്ലോ ദൂരശ്രവാ നാമ തദാനീം ശ്രുതവാദിനം .

സകൃച്ഛ്രവണമാത്രേണ വജ്രാംഗോഽഭവദപ്യസൗ .. 26..

ഇത്യേതദ്വജ്രകവചം ദത്താത്രേയസ്യ യോഗിനഃ .

ശ്രുത്വാശേഷം ശംഭുമുഖാത് പുനരപ്യാഹ പാർവതീ .. 27..

പാർവത്യുവാച .
ഏതത്കവചമാഹാത്മ്യം വദ വിസ്തരതോ മമ .
കുത്ര കേന കദാ ജാപ്യം കിം യജാപ്യം കഥം കഥം .. 28..

ഉവാച ശംഭുസ്തത്സർവം പാർവത്യാ വിനയോദിതം .

ശ്രീശിവ ഉവാച .
ശ്രുണു പാർവതി വക്ഷ്യാമി സമാഹിതമനാവിലം .. 29..
ധർമാർഥകാമമോക്ഷാണാമിദമേവ പരായണം .
ഹസ്ത്യശ്വരഥപാദാതിസർവൈശ്വര്യപ്രദായകം .. 30..

പുത്രമിത്രകലത്രാദിസർവസന്തോഷസാധനം .
വേദശാസ്ത്രാദിവിദ്യാനാം നിധാനം പരമം ഹി തത് .. 31..

സംഗീതശാസ്ത്രസാഹിത്യസത്കവിത്വവിധായകം .
ബുദ്ധിവിദ്യാസ്മൃതിപ്രജ്ഞാമതിപ്രൗഢിപ്രദായകം .. 32..

സർവസന്തോഷകരണം സർവദുഃഖനിവാരണം .
ശത്രു സംഹാരകം ശീഘ്രം യശഃകീർതിവിവർധനം .. 33..

അഷ്ടസംഖ്യാ മഹാരോഗാഃ സന്നിപാതാസ്ത്രയോദശ .

ഷണ്ണവത്യക്ഷിരോഗാശ്ച വിംശതിർമേഹരോഗകാഃ .. 34..

അഷ്ടാദശ തു കുഷ്ഠാനി ഗുല്മാന്യഷ്ടവിധാന്യപി .

അശീതിർവാതരോഗാശ്ച ചത്വാരിശത്തു പൈത്തികാഃ .. 35..

വിംശതിശ്ലേഷ്മരോഗാശ്ച ക്ഷയചാതുർഥികാദയഃ .
മന്ത്രയന്ത്രകുയോഗാദ്യാഃ കല്പതന്ത്രാദിനിർമിതാഃ .. 36..

ബ്രഹ്മരാക്ഷസവേതാലകൂഷ്മാണ്ഡാദിഗ്രഹോദ്ഭവാഃ .
സംഗജാഃ ദേശകാലസ്ഥാസ്താപത്രയസമുത്ഥിതാഃ .. 37..
നവഗ്രഹസമുദ്ഭൂതാ മഹാപാതകസംഭവാഃ .
സർവേ രോഗാഃ പ്രണശ്യന്തി സഹസ്രാവർതനാദ്ധ്രുവം .. 38..

അയുതാവൃത്തിമാത്രേണ വന്ധ്യാ പുത്രവതീ ഭവേത് .

അയുതദ്വിതയാവൃത്ത്യാ ഹ്യപമൃത്യുജയോ ഭവേത് .. 39..

അയുതത്രിതയാച്ചൈവ ഖേചരത്വം പ്രജായതേ .

സഹസ്രാദയുതാദർവാക് സർവകാര്യാണി സാധയേത് .. 40..

ലക്ഷാവൃത്യാ കാര്യസിദ്ധിർഭവേത്യേവ ന സംശയഃ .

വിഷവൃക്ഷസ്യ മൂലേഷു തിഷ്ഠൻ വൈ ദക്ഷിണാമുഖഃ .. 41..

കുരുതേ മാസമാത്രേണ വൈരിണം വികലേന്ദ്രിയം .

ഔദുംബരതരോർമൂലേ വൃദ്ധികാമേന ജാപ്യതേ .. 42..

ശ്രീവക്ഷമൂലേ ശ്രീകാമീ തിന്തിണീ ശാന്തികർമണി .

ഓജസ്കാമോഽശ്വത്ഥമൂലേ സ്ത്രീകാമൈഃ സഹകാരകേ .. 43..

ജ്ഞാനാർഥീ തുലസീമൂലേ ഗർഭഗേഹേ സുതാർഥിഭിഃ .

ധനാർഥിഭിസ്തു സുക്ഷേത്രേ പശുകാമൈസ്തു ഗോഷ്ഠകേ ..

44..

ദേവാലയേ സർവകാമൈസ്തത്കാലേ സർവദർശിതം .

നാഭിമാത്രജലേ സ്ഥിത്വാ ഭാനുമാലോക്യ യോ ജപേത് .. 45..
യുദ്ധേ വാ ശാസ്ത്രവാദേ വാ സഹസ്രേണ ജയോ ഭവേത് .
കണ്ഠമാത്രേ ജലേ സ്ഥിത്വാ യോ രാത്രൗ കവചം പഠേത് .. 46..

ജ്വരാപസ്മാരകുഷ്ഠാദിതാപജ്വരനിവാരണം .
യത്ര യത്സ്യാത്സ്ഥിരം യദ്യത്പ്രസന്നം തന്നിവർതതേ .. 47..

തേന തത്ര ഹി ജപ്തവ്യം തതഃ സിദ്ധിർഭവേദ്ധ്രുവം .

ഇത്യുക്ത്വാൻ ച ശിവോ ഗൗര്യേ രഹസ്യം പരമം ശുഭം ..

48..

യഃ പഠേത് വജ്രകവചം ദത്താത്രേയോസമോ ഭവേത് .

ഏവം ശിവേന കഥിതം ഹിമവത്സുതായൈ പ്രോക്തം .. 49..

ദലാദമുനയേഽത്രിസുതേനപൂർവം യഃ കോഽപി വജ്രകവചം .

പഠതീഹ ലോകേ ദത്തോപമശ്ചരതി യോഗിവരശ്ചിരായുഃ ..

50..

.. ഇതി ശ്രീരുദ്രയാമലേ ഹിമവത്ഖണ്ഡേ ഉമാമഹേശ്വരസംവാദേ

ശ്രീദത്താത്രേയവജ്രകവചസ്തോത്രം സമ്പൂർണം ..
 അദ്വൈതമാലാമന്ത്രഃ

വരാഭയകരം ദേവം സച്ചിദാനന്ദവിഗ്രഹം .

ദത്താത്രേയം ഗുരും ധ്യാത്വാ മാലാമന്ത്രം പഠേച്ഛുചിഃ .. 1..

ഓം നമോ ഭഗവതേ ദത്താത്രേയായ

സച്ചിദാനന്ദവിഗ്രഹായാദൃശ്യത്വാദിഗുണകായ
നിത്യശുദ്ധബുദ്ധമുക്തസ്വഭാവായാസംഗതായേക്ഷാമാത്രേണ
പ്രകൃതിപ്രവർതകായാജായാവ്യക്താത്മനേ
ഭൂതേശ്വരായ സദ്ധർമത്രാണാർഥം യോഗമായയാവിഷ്കൃത-
ശുദ്ധസത്ത്വസ്വരൂപായാച്യുത ഭവബന്ധം വിമോചയ വിമോചയാ
ഽപാപവിദ്ധാസക്തതയാശ്രമോചിതകർമാണി സാധയ സാധയ
ശ്രീമൻ സാധനസമ്പദം ദേഹി ദേഹി
സദ്ഗുരൂത്തമ ഗുരൂപസത്ത്യാ ശ്രവണാദ്യഭ്യാസപൂർവകം
ഭവത്പദഭക്തിം വിതര വിതരാ
ഽഽദ്യ ലയവിക്ഷേപാദീൻപരിഹര പരിഹര
ശ്രീഹരേഽസംഭാവനാദിഡാകിനീർജഹി ജഹി
ക്ലേശകർമവിപാകാശയവർജിതാവിദ്യാദിക്ലേശാന്നാശയ നാശയ
ഹൃഷീകേശാർഥദോഷദൃഷ്ട്യാ പ്രമാഥീന്ദ്രിയാണി വശീകുരു
വശീകുരു
സർവാന്തര്യാമിൻ വൈരാഗ്യാഭ്യാസവശാച്ചഞ്ചലം മന
ആകർഷയാകർഷയാ-
സംഗ രാഗദ്വൈഷൗ വിദ്വേഷയ വിദ്വേഷയാ
ഽഽപ്തകാമ കാമാദിശത്രൂനുച്ചാടയോച്ചാടയ
കല്പനാതീത ദുഷ്കല്പനാഃ സ്തംഭയ സ്തംഭയാ
ഽസുരനിഷൂദനാസുരഭാവം മാരയ മാരയാ
ഽത്തസുദർശന വ്യാധിസ്ത്യാനാദിയോഗോപസർഗാഞ്ഛമയ ശമയ
മൃത്യുഞ്ജയ പ്രമാദമൃത്യും വിദ്രാവയ വിദ്രാവയ
വിമുക്ത ഹൃദയഗ്രന്ഥിം ഭിന്ധി ഭിന്ധി
നിഃസംശയ സർവസംശയാംശ്ഛിന്ധി ഛിന്ധി
നിർവാസന ദുർവാസനാ വാരയ വാരയ
ക്രിയാകാരകഫലസംസ്പൃഷ്ട ജ്ഞാനാഗ്നിനാ ദാഹ്യകർമാണി ദഹ
ദഹ
പാശവിമോചന പാശാംസ്ത്രോടയ ത്രോടയാ
ഽഽദിത്യവർണാത്മസ്വരൂപപ്രദർശനേന സ്വപദേന നിയോജയ
നിയോജയ
ജയ ജയ ഭഗവന്നനസൂയാനന്ദവർധനായ ദത്താത്രേയായ നമസ്തേ
നമസ്തേ .. 500..

ഇതി പഞ്ചശതാർണം യോ ദധ്യാന്മാലാമനും ഗലേ .

അർഥം തസ്യ ന മുഷ്ണന്തി ദേഹസ്ഥേന്ദ്രിയതസ്കരാഃ .. 2..

ദംഭദർപാദയോ ഘോരാ യേ ചാവിദ്യാനിശാചരാഃ .

യേ യോഗഭൂചരാ ജ്ഞാനഭൂചരാഃ ഖേചരാ അപി .. 3..

അന്തരായകരാ ഭൂതഗ്രഹാഃ ക്രൂരതരാ അപി .

യാശ്ച തൃഷ്ണാദിരാക്ഷസ്യോ ദുർഭരാ ഭൈരവാ അപി .. 4..

യേ ച ത്രിവിധദുഃഖാഖ്യാ വേതാലോ ലോഭസഞ്ജ്ഞിതഃ .

മഹാമോഹാഭിധോ ബ്രഹ്മരാക്ഷസോ ദ്വിവിധാവൃതീ .. 5..

ശാകിനീ ഡാകിനീ ചാപി ലയാദ്യാശ്ച പിശാചകാഃ .

ദൂരാദേവ പലായന്തേ തേഽപി മാലാഭൃതോ ദ്രുതം .. 6..

ധീശുദ്ധിക്രമതോ ലഭ്യാ പരഭക്തിഃ പ്രജാപിനഃ .

ദത്തോഽന്തേ പരമം ദദ്യാത്പദം ദേവസുദുർലഭം .. 7..

ഇതി ശ്രീ പരമപൂജനീയശ്രീവാസുദേവാനന്ദസരസ്വതീവിരചിതഃ

അദ്വൈതമാലാമന്ത്രഃ സമ്പൂർണഃ .
 ശ്രീദത്തസഹസ്രനാമസ്തോത്രം

ദകാരാദി

.. അഥ ധ്യാനം..

യാവദ്ദ്വൈതഭ്രമസ്താവന്ന ശാന്തിർന പരം സുഖം ..

അതസ്തദർഥം വക്ഷ്യേഽദഃ സർവാത്മത്വാവബോധകം ..

.. അഥ ശ്രീ ദകാരാദി ശ്രീ ദത്ത സഹസ്രനാമസ്തോത്രം ..

ഓം ദത്താത്രേയോ ദയാപൂർണോ ദത്തോ ദത്തകധർമകൃത് .

ദത്താഭയോ ദത്തധൈര്യോ ദത്താരാമോ ദരാർദനഃ .. 1..

ദവോ ദവഘ്നോ ദകദോ ദകപോ ദകദാധിപഃ .

ദകവാസീ ദകധരോ ദകശായീ ദകപ്രിയഃ .. 2..

ദത്താത്മാ ദത്തസർവസ്വോ ദത്തഭദ്രോ ദയാഘനഃ .

ദർപകോ ദർപകരുചിർദർപകാതിശയാകൃതിഃ .. 3..
ദർപകീ ദർപകകലാഭിജ്ഞോ ദർപകപൂജിതഃ .
ദർപകോനോ ദർപകോക്ഷവേഗഹൃദ്ദർപകാർദനഃ .. 4..

ദർപകാക്ഷീഡ് ദർപകാക്ഷീപൂജിതോ ദർപകാധിഭൂഃ .

ദർപകോപരമോ ദർപമാലീ ദർപകദർപകഃ .. 5..

ദർപഹാ ദർപദോ ദർപത്യാഗീ ദർപാതിഗോ ദമീ .

ദർഭധൃഗ്ദർഭകൃദ്ദർഭീ ദർഭസ്ഥോ ദർഭപീഠഗഃ .. 6..

ദനുപ്രിയോ ദനുസ്തുത്യോ ദനുജാത്മജമോഹഹൃത് .

ദനുജഘ്നോ ദനുജജിദ്ദനുജശ്രീവിഭഞ്ജനഃ .. 7..

ദമോ ദമീഡ് ദമകരോ ദമിവന്ദ്യോ ദമിപ്രിയഃ .

ദമാദിയോഗവിദ്ദമ്യോ ദമ്യലീലോ ദമാത്മകഃ .. 8..

ദമാർഥീ ദമസമ്പന്നലഭ്യോ ദമനപൂജിതഃ .

ദമദോ ദമസംഭാവ്യോ ദമമൂലോ ദമീഷ്ടദഃ .. 9..

ദമിതോ ദമിതാക്ഷശ്ച ദമിതേന്ദ്രിയവല്ലഭഃ .

ദമൂനാ ദമുനാഭശ്ച ദമദേവോ ദമാലയഃ .. 10..

ദയാകരോ ദയാമൂലോ ദയാവശ്യോ ദയാവ്രതഃ .

ദയാവാൻ ദയനീയേശോ ദയിതോ ദയിതപ്രിയഃ .. 11..
ദയനീയാനസൂയാഭൂർദയനീയാത്രിനന്ദനഃ .
ദയനീയപ്രിയകരോ ദയാത്മാ ച ദയാനിധിഃ .. 12..

ദയാർദ്രോ ദയിതാശ്വത്ഥോ ദയാശ്ലിഷ്ടോ ദയാഘനഃ .

ദയാവിഷ്യോ ദയാഭീഷ്ടോ ദയാപ്തോ ദയനീയദൃക് .. 13..

ദയാവൃതോ ദയാപൂർണോ ദയായുക്താന്തരസ്ഥിതഃ .

ദയാലുർദയനീയേക്ഷോ ദയാസിന്ധുർദയോദയഃ .. 14..

ദരദ്രാവിതവാതശ്ച ദരദ്രാവിതഭാസ്കരഃ .
ദരദ്രാവിതവഹ്നിശ്ച ദരദ്രാവിതവാസവഃ .. 15..

ദരദ്രാവിതമൃത്യുശ്ച ദരദ്രാവിതചന്ദ്രമാഃ .
ദരദ്രാവിതഭൂതൗഘോ ദരദ്രാവിതദൈവതഃ .. 16..

ദരാസ്ത്രധൃഗ്ദരദരോ ദരാക്ഷോ ദരഹേതുകഃ .

ദരദൂരോ ദരാതീതോ ദരമൂലോ ദരപ്രിയഃ .. 17..

ദരവാദ്യോ ദരദവോ ദരധൃഗ്ദരവല്ലഭഃ .

ദക്ഷിണാവർതദരപോ ദരോദസ്നാനതത്പരഃ .. 18..

ദരപ്രിയോ ദസ്രവന്ദ്യോ ദസ്രേഷ്ടോ ദസ്രദൈവതഃ .

ദരകണ്ഠോ ദരാഭശ്ച ദരഹന്താ ദരാനുഗഃ .. 19..

ദരരാവദ്രാവിതാരിർദരരാവാർദിതാസുരഃ .
ദരരാവമഹാമന്ത്രോ ദരാരാർപിതഭീർദരീട് .. 20..

ദരധൃഗ്ദരവാസീ ച ദരശായീ ദരാസനഃ .

ദരകൃദ്ദരഹൃച്ചാപി ദരഗർഭോ ദരാതിഗഃ .. 21..

ദരിദ്രപോ ദരിദ്രീ ച ദരിദ്രജനശേവധിഃ .

ദരീചരോ ദരീസംസ്ഥോ ദരീക്രീഡോ ദരീപ്രിയഃ .. 22..

ദരീലഭ്യോ ദരീദേവോ ദരീകേതനഹൃത്സ്ഥിതിഃ .

ദരാർതിഹൃദ്ദലനകൃദ്ദലപ്രീതിർദലോദരഃ .. 23..

ദലാദർനഷ്യനുഗ്രാഹീ ദലാദനസുപൂജിതഃ .
ദലാദഗീതമഹിമാ ദലാദലഹരീപ്രിയഃ .. 24..

ദലാശനോ ദലചതുഷ്ടയചക്രഗതോ ദലീ .

ദ്വിത്ര്യസ്രപദ്മഗതിവിദ്ദശാസ്രാബ്ജവിഭേദകഃ .. 25..

ദ്വിഷഡ്ദലാബ്ജഭേത്താ ച ദ്വ്യഷ്ടാസ്രാബ്ജവിഭേദകഃ .
ദ്വിദലസ്ഥോ ദശശതപത്രപദ്മഗതിപ്രദഃ .. 26..

ദ്വ്യക്ഷരാവൃത്തികൃദ്-ദ്വ്യക്ഷോ ദശാസ്യവരദർപഹാ .
ദവപ്രിയോ ദവചരോ ദവശായീ ദവാലയഃ .. 27..

ദവീയാന്ദവക്ത്രശ്ച ദവിഷ്ഠായനപാരകൃത് .
ദവമാലീ ദവദവോ ദവദോഷനിശാതനഃ .. 28..
ദവസാക്ഷീ ദവത്രാണോ ദവാരാമോ ദവസ്ഥഗഃ .
ദശഹേതുർദശാതീതോ ദശാധാരോ ദശാകൃതിഃ .. 29..

ദശഷഡ്ബന്ധസംവിദ്ദോ ദശഷഡ്ബന്ധഭേദനഃ .
ദശാപ്രദോ ദശാഭിജ്ഞോ ദശാസാക്ഷീ ദശാഹരഃ .. 30..

ദശായുധോ ദശമഹാവിദ്യാർച്യോ ദശപഞ്ചദൃക് .

ദശലക്ഷണലക്ഷ്യാത്മാ ദശഷഡ്വാക്യലക്ഷിതഃ .. 31..

ദർദുരവ്രാതവിഹിതധ്വനിജ്ഞാപിതവൃഷ്ടികഃ .
ദശപാലോ ദശബലോ ദശേന്ദ്രിയ വിഹാരകൃത് .. 32..

ദശേന്ദ്രിയ ഗണാധ്യക്ഷോ ദശേന്ദ്രിയദൃഗൂർധ്വഗഃ .

ദശൈകഗുണഗമ്യശ്ച ദശേന്ദ്രിയമലാപഹാ .. 33..

ദശേന്ദ്രിയപ്രേരകശ്ച ദശേന്ദ്രിയനിബോധനഃ .
ദശൈകമാനമേയശ്ച ദശൈകഗുണചാലകഃ .. 34..

ദശഭൂർദർശനാഭിജ്ഞോ ദർശനാദർശിതാത്മകഃ .
ദശാശ്വമേധതീർഥേഷ്ടോ ദശാസ്യരഥചാലകഃ .. 35..

ദശാസ്യഗർവഹർതാ ച ദശാസ്യപുരഭഞ്ജനഃ .
ദശാസ്യകുലവിധ്വംസീ ദശാസ്യാനുജപൂജിതഃ .. 36..
ദർശനപ്രീതിദോ ദർശയജനോ ദർശനാദുരഃ .
ദർശനീയോ ദശബലപക്ഷഭിച്ച ദശാർതിഹാ .. 37..

ദശാർതിഗോ ദശാശാപോ ദശഗ്രന്ഥവിശാരദഃ .

ദശപ്രാണവിഹാരീ ച ദശപ്രാണഗതിർദൃശിഃ .. 38..

ദശാംഗുലാധികാത്മാ ച ദാശാർഹോ ദശഷട്സുഭുക് .

ദശപ്രാഗാദ്യംഗുലീകകരനമ്രദ്വിഡന്തകഃ .. 39..

ദശബ്രാഹ്മണഭേദജ്ഞോ ദശബ്രാഹ്മണഭേദകൃത് .
ദശബ്രാഹ്മണസമ്പൂജ്യോ ദശനാർതിനിവാരണഃ .. 40..

ദോഷജ്ഞോ ദോഷദോ ദോഷാധിപബന്ധുർദ്വിഷദ്ധരഃ .

ദോഷൈകദൃക്പക്ഷഘാതീ ദഷ്ടസർപാർതിശാമകഃ .. 41..

ദധിക്രാശ്ച ദധിക്രാവഗാമീ ദധ്യങ്മുനീഷ്ടദഃ .

ദധിപ്രിയോ ദധിസ്നാതോ ദധിപോ ദധിസിന്ധുഗഃ .. 42..

ദധിഭോ ദധിലിപ്താംഗോ ദധ്യക്ഷതവിഭൂഷണഃ .

ദധിദ്രപ്സപ്രിയോ ദഭ്രവേദ്യവിജ്ഞാതവിഗ്രഹഃ .. 43..

ദഹനോ ദഹനാധാരോ ദഹരോ ദഹരാലയഃ .

ദഹ്രദൃഗ്ദഹരാകാശോ ദഹരാഛാദനാന്തകഃ .. 44..

ദഗ്ധഭ്രമോ ദഗ്ധകാമോ ദഗ്ധാർതിർദഗ്ധമത്സരഃ .

ദഗ്ധഭേദോ ദഗ്ധമദോ ദഗ്ധാധിർദഗ്ധവാസനഃ .. 45..

ദഗ്ധാരിഷ്ടോ ദഗ്ധകഷ്ടോ ദഗ്ധാർതിർദഗ്ധദുഷ്ക്രിയഃ .

ദഗ്ധാസുരപുരോ ദഗ്ധഭുവനോ ദഗ്ധസത്ക്രിയഃ .. 46..

ദക്ഷോ ദക്ഷാധ്വരധ്വംസീ ദക്ഷപോ ദക്ഷപൂജിതഃ .

ദാക്ഷിണാത്യാർചിതപദോ ദാക്ഷിണാത്യസുഭാവഗഃ .. 47..

ദക്ഷിണാശോ ദക്ഷിണേശോ ദക്ഷിണാസാദിതാധ്വരഃ .

ദക്ഷിണാർപിതസല്ലോകോ ദക്ഷവാമാദിവർജിതഃ .. 48..

ദക്ഷിണോത്തരമാർഗജ്ഞോ ദക്ഷിണ്യോ ദക്ഷിണാർഹകഃ .

ദ്രുമാശ്രയോ ദ്രുമാവാസോ ദ്രുമശായീ ദ്രുമപ്രിയഃ .. 49..

ദ്രുമജന്മപ്രദോ ദ്രുസ്ഥോ ദ്രുരൂപഭവശാതനഃ .

ദ്രുമത്വഗംബരോ ദ്രോണോ ദ്രോണീസ്ഥോ ദ്രോണപൂജിതഃ .. 50..

ദ്രുഘണീ ദ്രുദ്യണാസ്ത്രശ്ച ദ്രുശിഷ്യോ ദ്രുധർമധൃക് .

ദ്രവിണാർഥോ ദ്രവിണദോ ദ്രാവണോ ദ്രാവിഡപ്രിയഃ .. 51..

ദ്രാവിതപ്രണതാഘോ ദ്രാക്ഫലോ ദ്രാക്കേന്ദ്രമാർഗവിത് .

ദ്രാഘീയ ആയുർദധാനോ ദ്രാഘീയാന്ദ്രാക്പ്രസാദകൃത് .. 52..

ദ്രുതതോഷോ ദ്രുതഗതിവ്യതീതോ ദ്രുതഭോജനഃ .

ദ്രുഫലാശീ ദ്രുദലഭുഗ്ദൃഷദ്വത്യാപ്ലവാദരഃ .. 53..
ദ്രുപദേഡ്യോ ദ്രുതമതിർദ്രുതീകരണകോവിദഃ .
ദ്രുതപ്രമോദോ ദ്രുതിധൃഗ്ദ്രുതിക്രീഡാവിചക്ഷണഃ .. 54..

ദൃഢോ ദൃഢാകൃതിർദാർഢ്യോ ദൃഢസത്ത്വോ ദൃഢവ്രതഃ .

ദൃഢച്യുതോ ദൃഢബലോ ദൃഢാർഥാസക്തിവാരണഃ .. 55..

ദൃഢധീർദൃഢഭക്തിദൃഗ്ദൃഢഭക്തിവരപ്രദഃ .
ദൃഢദൃഗ്ദൃഢഭക്തിജ്ഞോ ദൃഢഭക്തോ ദൃഢാശ്രയഃ .. 56..

ദൃഢദണ്ഡോ ദൃഢയമോ ദൃഢപ്രദോ ദൃഢാംഗകൃത് .

ദൃഢകായോ ദൃഢധ്യാനോ ദൃഢാഭ്യാസോ ദൃഢാസനഃ .. 57..

ദൃഗ്ദോ ദൃഗ്ദോഷഹരണോ ദൃഷ്ടി ദ്വന്ദ്വ വിരാജിതഃ .

ദൃക്പൂർവോ ദൃഽഗ്മനോതീതോ ദൃക്പൂതഗമനോ ദൃഗീട് .. 58..

ദൃഗിഷ്ടോ ദൃഷ്ട്യവിഷമോ ദൃഷ്ടിഹേതുർദൃഷ്ടത്തനുഃ .

ദൃഗ്ലഭ്യോ ദൃക്ത്രയയുതോ ദൃഗ്ബാഹുല്യവിരാജിതഃ .. 59..

ദ്യുപതിർദ്യുപദൃഗ്ദ്യുസ്ഥോ ദ്യുമണിർദ്യുപ്രവർതകഃ .
ദ്യുദേഹോ ദ്യുഗമോ ദ്യുസ്ഥോ ദ്യുഭൂർദ്യുർദ്യുലയോ ദ്യുമാൻ ..

60..

ദ്യുനിഡ്ഗതിദ്യുതിദ്യൂനസ്ഥാനദോഷഹരോ ദ്യുഭുക് .
ദ്യൂതകൃദ്ദ്യൂതഹൃദ്ദ്യൂതദോഷഹൃദ്ദ്യൂതദൂരഗഃ .. 61..
ദൃപ്തോ ദൃപ്താർദനോ ദ്യോസ്ഥോ ദ്യോപാലോ
ദ്യോനിവാസകൃത് .
ദ്രാവിതാരിർദ്രാവിതാല്പമൃത്യുർദ്രാവിതകൈതവഃ .. 62..

ദ്യാവാഭൂമിസന്ധിദർശീ ദ്യാവാഭൂമിധരോ ദ്യുദൃക് .

ദ്യോകൃദ്ദ്യോതഹൃദ്ദ്യോതീ ദ്യോതാക്ഷോ ദ്യോതദീപനഃ .. 63..

ദ്യോതമൂലോ ദ്യോതിതാത്മാ ദ്യോതോദ്യൗർദ്യോതിതാഖിലഃ .

ദ്വയവാദിമതദ്വേഷീ ദ്വയവാദിമതാന്തകഃ .. 64..

ദ്വയവാദിവിജയീ ദീക്ഷാദ്വയവാദിനികൃന്തനഃ .
ദ്വ്യഷ്ടവർഷവയാ ദ്വ്യഷ്ടനൃപവന്ദ്യോ ദ്വിഷട്ക്രിയഃ .. 65..

ദ്വിഷത്കലാനിധിർദ്വീപിചർമധൃഗ്ദ്വ്യഷ്ടജാതികൃത് .
ദ്വ്യഷ്ടോപചാരദയിതോ ദ്വ്യഷ്ടസ്വരതനുർദ്വിഭിത് .. 66..

ദ്വ്യക്ഷരാഖ്യോ ദ്വ്യഷ്ടകോടിസ്വജപീഷ്ടാർഥപൂരകഃ .
ദ്വിപാദ്ദ്വ്യാത്മാ ദ്വിഗുർദ്വീശോ ദ്വ്യതീതോ ദ്വിപ്രകാശകഃ .. 67..

ദ്വൈതീഭൂതാത്മകോ ദ്വൈധീഭൂതചിദ്ദ്വൈധശാമകഃ .
ദ്വിസപ്തഭുവനാധാരോ ദ്വിസപ്തഭുവനേശ്വരഃ .. 68..

ദ്വിസപ്തഭുവനാന്തസ്ഥോ ദ്വിസപ്തഭുവനാത്മകഃ .
ദ്വിസപ്തലോകകർതാ ദ്വിസപ്തലോകാധിപോ ദ്വിപഃ .. 69..
ദ്വിസപ്തവിദ്യാഭിജ്ഞോ ദ്വിസപ്തവിദ്യാപ്രകാശകഃ .
ദ്വിസപ്തവിദ്യാവിഭവോ ദ്വിസപ്തേന്ദ്രപദപ്രദഃ .. 70..

ദ്വിസപ്തമനുമാന്യശ്ച ദ്വിസപ്തമനുപൂജിതഃ .
ദ്വിസപ്തമനുദേവോ ദ്വിസപ്തമന്വന്തരർധികൃത് .. 71..

ദ്വിചത്വാരിംശദുദ്ധർതാ ദ്വിചത്വാരികലാസ്തുതഃ .
ദ്വിസ്തനീഗോരസാസ്പൃഗ്ദ്വിഹായനീപാലകോ ദ്വിഭുക് .. 72..

ദ്വിസൃഷ്ടിർദ്വിവിധോ ദ്വീഡ്യോ ദ്വിപഥോ ദ്വിജധർമകൃത് .

ദ്വിജോ ദ്വിജാതിമാന്യശ്ച ദ്വിജദേവോ ദ്വിജാതികൃത് .. 73..

ദ്വിജപ്രേഷ്ഠോ ദ്വിജശ്രേഷ്ഠോ ദ്വിജരാജസുഭൂഷണഃ .

ദ്വിജരാജാഗ്രജോ ദ്വിഡ്ദ്വീഡ് ദ്വിജാനനസുഭോജനഃ .. 74..

ദ്വിജാസ്യോ ദ്വിജഭക്തോ ദ്വിജാതിഭൃദ്ദ്വിജസത്കൃതഃ .

ദ്വിവിധോ ദ്വ്യാവൃതിർദ്വന്ദ്വവാരണോ ദ്വിമുഖാദനഃ .. 75..

ദ്വിജപാലോ ദ്വിജഗുരുർദ്വിജരാജാസനോ ദ്വിപാത് .

ദ്വിജിഹ്വസൂത്രോ ദ്വിജിഹ്വഫണഛത്രോ ദ്വിജിഹ്വഭത് .. 76..

ദ്വാദശാത്മാ ദ്വാപരദൃഗ് ദ്വാദശാദിത്യരൂപകഃ .

ദ്വാദശീശോ ദ്വാദശാരചക്രധൃഗ് ദ്വാദശാക്ഷരഃ .. 77..
ദ്വാദശീപാരണോ ദ്വാർദശ്യച്യോ ദ്വാദശ ഷഡ്ബലഃ .
ദ്വാസപ്തതി സഹസ്രാംഗ നാഡീഗതി വിചക്ഷണഃ .. 78..

ദ്വന്ദ്വദോ ദ്വന്ദ്വദോ ദ്വന്ദ്വബീഭത്സോ ദ്വന്ദ്വതാപനഃ .

ദ്വന്ദ്വാർതിഹൃദ് ദ്വന്ദ്വസഹോ ദ്വയാ ദ്വന്ദ്വാതിഗോ ദ്വിഗഃ .. 79..

ദ്വാരദോ ദ്വാരവിദ്ദ്വാസ്ഥോ ദ്വാരധൃഗ് ദ്വാരികാപ്രിയഃ .

ദ്വാരകൃദ് ദ്വാരഗോ ദ്വാരനിർഗമ ക്രമ മുക്തിഗഃ .. 80..

ദ്വാരഭൃദ് ദ്വാരനവകഗതിസംസൃതിദർശകഃ .
ദ്വൈമാതുരോ ദ്വൈതഹീനോ ദ്വൈതാരണ്യവിനോദനഃ .. 81..

ദ്വൈതാസ്പൃഗ് ദ്വൈതഗോ ദ്വൈതാദ്വൈതമാർഗവിശാരദഃ .

ദാതാ ദാതൃപ്രിയോ ദാവോ ദാരുണോ ദാരദാശനഃ .. 82..

ദാനദോ ദാരുവസതിർദാസ്യജ്ഞോ ദാസസേവിതഃ .

ദാനപ്രിയോ ദാനതോഷോ ദാനജ്ഞോ ദാനവിഗ്രഹഃ .. 83..

ദാസ്യപ്രിയോ ദാസപാലോ ദാസ്യദോ ദാസതോഷണഃ .

ദാവോഷ്ണഹൃദ് ദാന്തസേവ്യോ ദാന്തജ്ഞോ ദാന്ത വല്ലഭഃ ..

84..

ദാതദോഷോ ദാതകേശോ ദാവചാരീ ച ദാവപഃ .

ദായകൃദ്ദായഭുഗ് ദാരസ്വീകാരവിധിദർശകഃ .. 85..
ദാരമാന്യോ ദാരഹീനോ ദാരമേധിസുപൂജിതഃ .
ദാനവാൻ ദാനവാരാതിർദാനവാഭിജനാന്തകഃ .. 86..

ദാമോദരോ ദാമകരോ ദാരസ്നേഹോതചേതനഃ .

ദാർവീലേപോ ദാരമോഹോ ദാരികാകൗതുകാന്വിതഃ .. 87..

ദാരികാദോദ്ധാരകശ്ച ദാതദാരുകസാരഥിഃ .
ദാഹകൃദ്ദാഹശാന്തിജ്ഞോ ദാക്ഷായണ്യധിദൈവതഃ .. 88..

ദ്രാംബീജോ ദ്രാംമനുർദാന്തശാന്തോപരതവീക്ഷിതഃ .
ദിവ്യകൃദ്ദിവ്യവിദ്ദിവ്യോ ദിവിസ്പൃഗ് ദിവിജാർഥദഃ .. 89..

ദിക്പോ ദിക്പതിപോ ദിഗ്വിദ്ദിഗന്തരലുഠദ്യശഃ .

ദിഗ്ദർശനകരോ ദിഷ്ടോ ദിഷ്ടാത്മാ ദിഷ്ടഭാവനഃ .. 90..

ദൃഷ്ടോ ദൃഷ്ടാന്തദോ ദൃഷ്ടാതിഗോ ദൃഷ്ടാന്തവർജിതഃ .

ദിഷ്ടം ദിഷ്ടപരിച്ഛേദഹീനോ ദിഷ്ടനിയാമകഃ .. 91..

ദിഷ്ടാസ്പൃഷ്ടഗതിർദിഷ്ടേഡ്ദിഷ്ടകൃദ്ദിഷ്ടചാലകഃ .
ദിഷ്ടദാതാ ദിഷ്ടഹന്താ ദുർദിഷ്ടഫലശാമകഃ .. 92..

ദിഷ്ടവ്യാപ്തജഗദ്ദിഷ്ടശംസകോ ദിഷ്ടയത്നവാൻ .
ദിതിപ്രിയോ ദിതിസ്തുത്യോ ദിതിപൂജ്യോ ദിതീഷ്ടദഃ .. 93..

ദിതിപാഖണ്ഡദാവോ ദിഗ്ദിനചര്യാപരായണഃ .
ദിഗംബരോ ദിവ്യകാന്തിർദിവ്യഗന്ധോഽപി ദിവ്യഭുക് .. 94..

ദിവ്യഭാവോ ദീദിവികൃദ്ദോഷഹൃദ്ദീപ്തലോചനഃ .
ദീർഘജീവീ ദീർഘദൃഷ്ടിർദീർഘാംഗോ ദീർഘബാഹുകഃ .. 95..

ദീർഘശ്രവാ ദീർഘഗതിർദീർഘവക്ഷാശ്ച ദീർഘപാത് .

ദീനസേവ്യോ ദീനബന്ധുർദീനപോ ദീപിതാന്തരഃ .. 96..

ദീനോദ്ധർതാ ദീപ്തകാന്തിർദീപ്രക്ഷുരസമായനഃ .
ദീവ്യൻ ദീക്ഷിതസമ്പൂജ്യോ ദീക്ഷാദോ ദീക്ഷിതോത്തമഃ .. 97..

ദീക്ഷണീയേഷ്ടികൃദ്ദീക്ഷാദീക്ഷാദ്വയവിചക്ഷണഃ .
ദീക്ഷാശീ ദീക്ഷിതാന്നാശീ ദീക്ഷാകൃദ്ദീക്ഷിതാദരഃ .. 98..

ദീക്ഷിതാർഥ്യോ ദീക്ഷിതാശോ ദീക്ഷിതാഭീഷ്ടപൂരകഃ .

ദീക്ഷാപടുർദീക്ഷിതാത്മാ ദീദ്യദ്ദീക്ഷിതഗർവഹൃത് .. 99..

ദുഷ്കർമഹാ ദുഷ്കൃതജ്ഞോ ദുഷ്കൃദ്ദുഷ്കൃതിപാവനഃ .

ദുഷ്കൃത്സാക്ഷീ ദുഷ്കൃതഹൃത് ദുഷ്കൃദ്ധാ ദുഷ്കൃദാർതിദഃ ..

100..

ദുഷ്ക്രിയാന്തോ ദുഷ്കരകൃദ് ദുഷ്ക്രിയാഘനിവാരകഃ .

ദുഷ്കുലത്യാജകോ ദുഷ്കൃത്പാവനോ ദുഷ്കുലാന്തകഃ .. 101..

ദുഷ്കുലാഘഹരോ ദുഷ്കൃദ്ഗതിദോ ദുഷ്കരക്രിയഃ .

ദുഷ്കലങ്കവിനാശീ ദുഷ്കോപോ ദുഷ്കണ്ടകാർദനഃ .. 102..

ദുഷ്കാരീ ദുഷ്കരതപാ ദുഃഖദോ ദുഃഖഹേതുകഃ .

ദുഃഖത്രയഹരോ ദുഃഖത്രയദോ ദുഃഖദുഃഖദഃ .. 103..

ദുഃഖത്രയാർതിവിദ് ദുഃഖിപൂജിതോ ദുഃഖശാമകഃ .

ദുഃഖഹീനോ ദുഃഖഹീനഭക്തോ ദുഃഖവിശോധനഃ .. 104..

ദുഃഖകൃദ് ദുഃഖദമനോ ദുഃഖിതാരിശ്ച ദുഃഖനുത് .

ദുഃഖാതിഗോ ദുഃഖലഹാ ദുഃഖേടാർതിനിവാരണഃ .. 105..

ദുഃഖേടദൃഷ്ടിദോഷഘ്നോ ദുഃഖഗാരിഷ്ടനാശകഃ .
ദുഃഖേചരദശാർതിഘ്നോ ദുഷ്ടഖേടാനുകൂല്യകൃത് .. 106..

ദുഃഖോദർകാച്ഛാദകോ ദുഃഖോദർകഗതിസൂചകഃ .
ദുഃഖോദർകാർഥസന്ത്യാഗീ ദുഃഖോദർകാർഥദോഷദൃക് .. 107..

ദുർഗാ ദുർഗാർതിഹൃദ് ദുർഗീ ദുർഗേശോ ദുർഗസംസ്ഥിതഃ .

ദുർഗമോ ദുർഗമഗതിർദുർഗാരാമശ്ച ദുർഗഭൂഃ .. 108..

ദുർഗാനവകസമ്പൂജ്യോ ദുർഗാനവകസംസ്തുതഃ .
ദുർഗഭിദ് ദുർഗതിർദുർഗമാർഗഗോ ദുർഗമാർഥദഃ .. 109..

ദുർഗതിഘ്നോ ദുർഗതിദോ ദുർഗ്രഹോ ദുർഗ്രഹാർതിഹൃത് .

ദുർഗ്രഹാവേശഹൃദ് ദുഷ്ടഗ്രഹനിഗ്രഹകാരകഃ .. 110..
ദുർഗ്രഹോച്ചാടകോ ദുഷ്ടഗ്രഹജിദ് ദുർഗമാദരഃ .
ദുർദൃഷ്ടിബാധാശമനോ ദുർദൃഷ്ടിഭയഹാപകഃ .. 111..

ദുർഗുണോ ദുർഗുണാതീതോ ദുർഗുണാതീതവല്ലഭഃ .

ദുർഗന്ധനാശോ ദുർഘാതോ ദുർഘടോ ദുർഘടക്രിയഃ .. 112..

ദുശ്ചര്യോ ദുശ്ചരിത്രാരിർദുശ്ചികിത്സ്യഗദാന്തകഃ .
ദുശ്ചിത്താഹ്ലാദകോ ദുശ്ചിച്ഛാസ്താ ദുശ്ചേഷ്ടശിക്ഷകഃ .. 113..

ദുശ്ചിന്താശമനോ ദുശ്ചിദ്ദുശ്ഛന്ദവിനിവർതകഃ .
ദുർജയോ ദുർജരോ ദുർജിജ്ജയീ ദുർജേയചിത്തജിത് .. 114..

ദുർജാപ്യഹർതാ ദുർവാർതാശാന്തിർദുർജാതിദോഷഹൃത് .
ദുർജനാരിർദുശ്ചവനോ ദുർജനപ്രാന്തഹാപകഃ .. 115..

ദുർജനാർതോ ദുർജനാർതിഹരോ ദുർജലദോഷഹൃത് .

ദുർജീവഹാ ദുഷ്ടഹന്താ ദുഷ്ടാർതപരിപാലകഃ .. 116..

ദുഷ്ടവിദ്രാവണോ ദുഷ്ടമാർഗഭിദ് ദുഷ്ടസംഗഹൃത് .

ദുർജീവഹത്യാസന്തോഷോ ദുർജനാനനകീലനഃ .. 117..

ദുർജീവവൈരഹൃദ് ദുഷ്ടോച്ചാടകോ ദുസ്തരോദ്ധരഃ .

ദുഷ്ടദണ്ഡോ ദുഷ്ടഖണ്ഡോ ദുഷ്ടധ്രുഗ് ദുഷ്ടമുണ്ഡനഃ .. 118..
ദുഷ്ടഭാവോപശമനോ ദുഷ്ടവിദ് ദുഷ്ടശോധനഃ .
ദുസ്തർകഹൃദ് ദുസ്തർകാരിർദുസ്താപപരിശാന്തികൃത് .. 119..

ദുർദൈവഹൃദ് ദുന്ദുഭിഘ്നോ ദുന്ദുഭ്യാഘാതഹർഷകൃത് .

ദുർധീഹരോ ദുർനയഹൃദ്ദുഃപക്ഷിധ്വനിദോഷഹൃത് .. 120..

ദുഷ്പ്രയോഗോപശമനോ ദുഷ്പ്രതിഗ്രഹദോഷഹൃത് .
ദുർബലാപ്തോ ദുർബോധാത്മാ ദുർബന്ധച്ഛിദ്ദുരത്യയഃ .. 121..

ദുർബാധാഹൃദ് ദുർഭയഹൃദ് ദുർഭ്രമോപശമാത്മകഃ .

ദുർഭിക്ഷഹൃദ്ദുര്യശോഹൃദ് ദുരുത്പാതോപശാമകഃ .. 122..

ദുർമന്ത്രയന്ത്രതന്ത്രച്ഛിദ് ദുർമിത്രപരിതാപനഃ .
ദുര്യോഗഹൃദ് ദുരാധർപോ ദുരാരാധ്യോ ദുരാസദഃ .. 123..

ദുരത്യയസ്വമായാബ്ധി താരകോ ദുരവഗ്രഹഃ .

ദുർലഭോ ദുർലഭതമോ ദുരാലാപാഘശാമകഃ .. 124..

ദുർനാമഹൃദ് ദുരാചാരപാവനോ ദുരപോഹനഃ .

ദുരാശ്രമാഘഹൃദ്ദുർഗപഥലഭ്യചിദാത്മകഃ .. 125..

ദുരധ്വപാരദോ ദുർഭുക്പാവനോ ദുരിതാർതിഹാ .

ദുരാശ്ലേഷാഘഹർതാ ദുർമൈഥുനൈനോനിബർഹണഃ .. 126..

ദുരാമയാന്തോ ദുർവൈരഹർതാ ദുർവ്യസനാന്തകൃത് .

ദുഃസഹോ ദുഃശകുനഹൃദ് ദുഃശീലപരിവർതനഃ .. 127..

ദുഃശോകഹൃദ് ദുഃശഽഗ്കാഹൃദ്ദുഃസംഗഭയവാരണഃ .
ദുഃസഹാഭോ ദുഃസഹദൃഗ്ദുഃസ്വപ്നഭയനാശനഃ .. 128..

ദുഃസംഗദോഷസഽജ്ജാതദുർമനീഷാവിശോധനഃ .
ദുഃസംഗിപാപദഹനോ ദുഃക്ഷണാഘനിവർതനഃ .. 129..

ദുഃക്ഷേത്രപാവനോ ദുഃക്ഷുദ് ഭയഹൃദ്ദുഃക്ഷയാർതിഹൃത് .

ദുഃക്ഷത്രഹൃച്ച ദുർജ്ഞേയോ ദുർജ്ഞാനപരിശോധനഃ .. 130..

ദൂതോ ദൂതേരകോ ദൂതപ്രിയോ ദൂരശ്ച ദൂരദൃക് .

ദൂനചിത്താഹ്ലാദകശ്ച ദൂർവാഭോ ദൂഷ്യപാവനഃ .. 131..

ദേദീപ്യമാനനയനോ ദേവോ ദേദീപ്യമാനഭഃ .

ദേദീപ്യമാനരദനോ ദേശ്യോ ദേദീപ്യമാനധീഃ .. 132..

ദേവേഷ്ടോ ദേവഗോ ദേവീ ദേവതാ ദേവതാർചിതഃ .

ദേവമാതൃപ്രിയോ ദേവപാലകോ ദേവവർധകഃ .. 133..

ദേവമാന്യോ ദേവവന്ദ്യോ ദേവലോകപ്രിയംവദഃ .

ദേവാരിഷ്ടഹരോ ദേവാഭീഷ്ടദോ ദേവതാത്മകഃ .. 134..

ദേവഭക്തപ്രിയോ ദേവഹോതാ ദേവകുലാദൃതഃ .

ദേവതന്തുർദേവസമ്പദ്ദേവദ്രോഹിസുശിക്ഷകഃ .. 135..
ദേവാത്മകോ ദേവമയോ ദേവപൂർവശ്ച ദേവഭൂഃ .
ദേവമാർഗപ്രദോ ദേവശിക്ഷകോ ദേവഗർവഹൃത് .. 136..

ദേവമാർഗാന്തരായഘ്നോ ദേവയജ്ഞാദിധർമധൃക് .
ദേവപക്ഷീ ദേവസാക്ഷീ ദേവദേവേശഭാസ്കരഃ .. 137..

ദേവാരാതിഹരോ ദേവദൂതോ ദൈവതദൈവതഃ .

ദേവഭീതിഹരോ ദേവഗേയോ ദേവഹവിർഭുജഃ .. 138..

ദേവശ്രാവ്യോ ദേവദൃശ്യോ ദേവർണീ ദേവഭോഗ്യഭുക് .

ദേവീശോ ദേവ്യഭീഷ്ടാർഥോ ദേവീഡ്യോ ദേവ്യഭീഷ്ടകൃത് .. 139..

ദേവീപ്രിയോ ദേവകീജോ ദേശികോ ദേശികാർചിതഃ .

ദേശികേഡ്യോ ദേശികാത്മാ ദേവമാതൃകദേശപഃ .. 140..

ദേഹകൃദ്ദേഹധൃഗ്ദേഹീ ദേഹഗോ ദേഹഭാവനഃ .

ദേഹപോ ദേഹദോ ദേഹചതുഷ്ടയവിഹാരകൃത് .. 141..

ദേഹീതിപ്രാർഥനീയശ്ച ദേഹബീജനികൃന്തനഃ .
ദേവനാസ്പൃഗ്ദേവനകൃദ്ദേഹാസ്പൃഗ്ദേഹഭാവനഃ .. 142..

ദേവദത്തോ ദേവദേവോ ദേഹാതീതോഽപി ദേഹഭൃത് .

ദേഹദേവാലയോ ദേഹാസംഗോ ദേഹരഥേഷ്ടഗഃ .. 143..
ദേഹധർമാ ദേഹകർമാ ദേഹസംബന്ധപാലകഃ .
ദേയാത്മാ ദേയവിദ്ദേശാപരിച്ഛിന്നശ്ച ദേശകൃത് .. 144..

ദേശപോ ദേശവാൻ ദേശീ ദേശജ്ഞോ ദേശികാഗമഃ .

ദേശഭാഷാപരിജ്ഞാനീ ദേശഭൂർദേശപാവനഃ .. 145..

ദേശ്യപൂജ്യോ ദേവകൃതോപസർഗനിവർതകഃ .
ദിവിഷദ്വിഹിതാവർഷാതിവൃഷ്ട്യാദീതിശാമകഃ .. 146..

ദൈവീഗായത്രികാജാപീ ദൈവസമ്പത്തിപാലകഃ .
ദൈവീസമ്പത്തിസമ്പന്നമുക്തികൃദ്ദൈവഭാവഗഃ .. 147..

ദൈവസമ്പത്ത്യസമ്പന്നഛായാസ്പൃഗ്ദൈത്യഭാവഹൃത് .
ദൈവദോ ദൈവഫലദോ ദൈവാദിത്രിക്രിയേശ്വരഃ .. 148..

ദൈവാനുമോദനോ ദൈന്യഹരോ ദൈവജ്ഞദേവതഃ .

ദൈവജ്ഞോ ദൈവവിത്പൂജ്യോ ദൈവികോ ദൈന്യകാരണഃ ..

149..

ദൈന്യാഞ്ജനഹൃതസ്തംഭോ ദോഷത്രയശമപ്രദഃ .
ദോഷഹർതാ ദൈവഭിഷഗ്ദോഷദോ ദോർദ്വയാന്വിതഃ .. 150..

ദോഷജ്ഞോ ദോഹദാശംസീ ദോഗ്ധാ ദോഷ്യന്തിതോഷിതഃ .

ദൗരാത്മ്യദൂരോ ദൗരാത്മ്യഹൃദ്ദൗരാത്മ്യാർതിശാന്തികൃത് .. 151..
ദൗരാത്മ്യദോഷസംഹർതാ ദൗരാത്മ്യപരിശോധനഃ .
ദൗർമനസ്യഹരോ ദൗത്യകൃദ്ദൗത്യോപാസ്തശക്തികഃ .. 152..

ദൗർഭാഗ്യദോഽപി ദൗർഭാഗ്യഹൃദ്ദൗർഭാഗ്യാർതിശാന്തികൃത് .
ദൗഷ്ട്യത്രോ ദൗഷ്കുല്യദോഷഹൃദ്ദൗഷ്കുല്യാധിശാമകഃ .. 153..

ദന്ദശൂകപരിഷ്കാരോ ദന്ദശൂകകൃതായുധഃ .
ദന്തിചർമപരിധാനോ ദന്തുരോ ദന്തുരാരിഹൃത് .. 154..

ദന്തുരഘ്നോ ദണ്ഡധാരീ ദണ്ഡനീതിപ്രകാശകഃ .

ദാമ്പത്യാർഥപ്രദോ ദംർപത്യച്യോ ദമ്പത്യഭീഷ്ടദഃ .. 155..

ദമ്പതിദ്വേഷശമനോ ദമ്പതിപ്രീതിവർധനഃ .
ദന്തോലൂഖലകോ ദംഷ്ട്രീ ദന്ത്യാസ്യോ ദന്തിപൂർവഗഃ .. 156..

ദംഭോലിഭൃദ്ദംഭഹർതാ ദണ്ഡ്യവിദ്ദംശവാരണഃ .
ദന്ദ്രമ്യമാണശരണോ ദന്ത്യശ്വരഥപത്തിദഃ .. 157..

ദന്ദ്രമ്യമാണലോകാർതികരോ ദണ്ഡ ത്രയാശ്രിതഃ .

ദണ്ഡപാണ്യർചപദ്ദണ്ഡി വാസുദേവസ്തുതോഽവതു .. 158..

ഇതി ശ്രീമദ്ദകാരാദി ദത്തനാമ സഹസ്രകം .

പഠതാം ശൃണ്വതാം വാപി പരാനന്ദപദപ്രദം .. 159..

.. ഇതി ശ്രീ പരമ പൂജ്യ പരമഹംസ പരിവ്രാജകാചാര്യ

ശ്രീ ശ്രീ ശ്രീ മദ്വാസുദേവാനന്ദ സരസ്വതീ യതി വരേണ്യ
വിരചിത ദകാരാദി ദത്ത സഹസ്രനാമസ്തോത്രം ..