PAGSUSURI NG PELIKULA

“INSTANT DADDY”

Sa Direksyon ni:

CRISANTO AQUINO

Parsyal na Kahingian sa Kursong

Mga Sining Sa Bansa

Para sa Titulong

Master ng Artes sa Filipinolohiya

PLMar - Paaralang Gradwado

Isinumite kay:

Dr. Erico M. Habijan

Isinumite ni:

Jim Boy P. Mariño

IKA-20 NG OKTUBRE, 2023

PANIMULA

Ang suring papel na ito ay naglalaman ng pagsusuri ng isa sa mga bagong

pelikula sa kasalukuyan, ang Instant Daddy. Ito ay upang bigyang pagpapahalaga ang

mga Pelikulang Pilipino na malaki ang ambag sa ating lipunan maging sa bawat

indibidwal dahil ang bawat pelikula ay salamin ng mga kaganapan ng lipunan

kinabibilangan ng bawat indibidwal. Sa kasalukuyan, bukambibig ng nakararami na ang

pelikulang ito ay magpapatulo ng luha ng bawat manonood at mag-iiwan ng kirot sa

puso dahil sa mga tagpong makabagbag damdamin. Susungkitin din ng pelikulang ito

ang iyong isipan sa mga bagay na dapat pahalagahan, buhay na dapat bigyang

importansya, at pamilya na dapat alayan ng pagmamahaa. Dagdag pa ang pagsusuring

ito ay gamit bilang pagtugon sa kahingian bilang parsyal na gawain sa kursong “Mga

Sining ng Bansa” para sa titulong Master ng Artes sa Filipinolohiya. Nawa ay

makapagbigay ng sapat na impormasyon ang suring papel na ito upang makatulong sa

mga susunod na pagsusuri.

PAMAGAT: INSTANT DADDY

Ang pamagat ay binubuo ng dalawang salita, “instant” na ang salita sa Filipino

ay saglit o madalian na siyang bungad ng pangunahing tauhan sa pelikula “instant lahat

sa buhay ko. Mabilisan, madalian, panandalian”. Ganito niya binigyang

pagpapakahulugan ang salitang instant dahil walang nagtatagal sa buhay niya maging

ang pagkakaroon ng ina ay naging instant sa kanya. At ang pangalawang salita ay

“daddy”, ang angkop na salin sa Filipino ay tatay o ama. At kapag pinagsama ang

2|Pahina
dalawang salita ito ay nangangahulugang mabilisang pagiging ama. Sa ganitong

paraan binigyang buhay at pinaikot ang kwento. Kwento ni Val bilang isang instant

daddy sa kanyang pinakamamahal na anak na si Mirasol. Paano? Tapusing basahin

ang suring papel na ito.

MGA ARTISTA

Pangunahin:

Jerald Napoles

Si Jerald Napoles ay ipinanganak noong March

2, 1983. Nag-umpisa ang kanyang karera bilang aktor

sa Teatro at komedyante. Kilala siya bilang si Tolits na

kanyang naging karakter sa isang musical stage play na

Rak of Agies. Siya ay naging talent ng Triple A

management at naging aktor din sa isa sa pinakasikat na TV Network ng bansa, ang

GMA Network. Siya ay naging bahagi ng VIVA Artist Agency noong taong 2019 at dito

niya nakilala ang kasalukuyang kasintahang si Kim Molina. Hindi nagtagal ay naging

bahagi rin siya ng teleseryeng “Ang Probinsyano” na nagbigay daan sa kanya upang

makabalik sa ABS-CBN.

Sa kasalukuyan, pinagbibidahan ni Jerald Napoles ang pelikulang nagpapaiyak

sa mga manonood, ang “Instant Daddy”. Binigyang buhay niya ang karakter ni Val na

isang lalaking naniniwalang lahat ng nangyayari sa kanyang buhay ay panandaliaan

lamang kaya hindi niya binibigyang halaga ito. Hanggang sa may isang bagay/tao ang

3|Pahina
nagpago sa kanyang buhay. Isang tao na pinaglaanan niya ng oras at binigyan ng

buong pusong pag-ibig. Ang taong nagmahal din sa kanya, ang kanyang anak na si

Mirasol. Ang dating magulong buhay ni Val ay nagkaroon ng tunguhin nang makilala

niya ang kanyang pinkamamahal na anak.

Katulong:

Althea Ruedas

Si Altea Ruedas ay isang batang aktres na unang

nasilayan noong sumali at nagwagi bilang 1 st Runner up sa

isa sa mga segment ng programang “Eat Bulaga” na “Little

Miss Philippines” noong taong 2019. Mula ng kanyang

pagkapanalo ay kabi-kabila na rin ang kanyang naging

proyekto sa pelikula man at maging teleserye. Sa murang edad hindi matatawaran ang

husay ng batang sktres dahil hindi lamang siya mahusay sa larangan ng pag-arte kundi

mahusay din siya sa larangan ng pag-awit.

Sa pelikulang “Instant Daddy” biigyang buhay niya ang karakter ni Mirasol o mas

kilala bilang Mira na siyang naging dahilan ng pagbabago ng kinikilalang ama na si Val.

Siya ang naging sentro ng mundo ng kanyang ama, tinuring siya bilang isang prinsesa

at binigay ang lahat ng kanyang pangangailang maging maligaya lamang. Ang kanyang

karakter sa pelikula ay naging simbolismo ng pag-asa dahil binigyan niya ng bagong

pag-asa ang buhay ng kanyang ama.

4|Pahina
DIREKTOR

Crisanto Aquino

Ang pelikulang “Instant Daddy” ay idinerehe ng isa

sa mga pinakamahuhusay na director na si Crisanto

Aquino. Ilan sa mga kilaalang gawang pelikula ni Aquino

ay One More Chance noong taong 2007, In My Life noong

taong 2009, Heneral Luna noong taog 2015, at madami

pang iba. Makikita ang kahusayan ni Aquino sa pagbuo ng mga dekalibreng mga

pelikula dahil karamihan sa kanyang mga pelikula ay tinangkilik at pinag-usapan ng

maraming Pilipino.

Sa kasalukuyan, isa na naming maipagmamalaking likhang pelikula ang

inihandog niya para sa atin, ang “Instant Daddy”. Masasabi kong napahusay ng

pagkakabuo niya sa pelikulang ito dahiln sa napakadaming plot twist. Nagustuhan ko rin

ang paraan niya na pagtatanim sa isipan ng kanyang manonood ng isang sitwasyon at

pagkatapos ay magkakaroon ng pagbabali sa kwento gamit ang mga hindi inaasahang

pangyayari at mag-iiwan ng mabigat na damdamin sa mga manonood.

Bilang kabuuan, ipinamalas ni Crisanto Aquino ang kanyang kahusayan bilang

isang director upang maghatid ng dekalibreng pelikula para sa mga Pilipino.

ISTORYA

5|Pahina
 Ang kwento ng pelikulang ito ay tungkol sa isang lalaki, si Val na bata pa lamang

ay itinuturing nang panandalian lamang ang mga nangyayari sa kanyang buhay. Ito ay

dahil sa murang edad pa lamang ay iniwan na siya ng kanyang ina. Pinaniwala siya ng

kanyang ama na ang kanyang ina. Ito ang dahilan kung bakit takot si Val na lumikha ng

ano mang koneksyon sa mga taong nakikilala niya. Hanggang isang araw, isang batang

babae ang muling magbibigay ng pag-asa sa buhay niyang tila naghihintay na lamang

ng katapusan. Naglaan siya ng oras at pagmamahal sa batang itinuturing niyang anak

hanggang sa nagkaroon iba’t ibang tagpo na magbibigay ng mga hindi inaasahang

pangyayari sa buhay ng pangunahing tauhan. Mga tagpong mgapapaiyak sa mga mata

ng manonood dahil sa mga rebelasyong hindi inaasahan tatalakayin sa kwento.

Masasabi kong nagtagumpay ang buong produksyon sa pgapapakita at

pagpapadama ng pelikulang ito. Hindi madali ang makawala sa mga emosyon na

pinaranas ng pelikulang ito. Napakahusay ng direktor sa pagsasalaysay ng kwento

gamit ang pelikula. Masasabi kong tunay na napaglaruan ng direktor ang damdamin ng

mga manonood. Isa pa pagbibigay-pugay rin sa hindi matatawarang kahusayan ng mga

actor na gumanap. Hindi ko aakalaing ang isang komedyante ay mapapaiyak ako dahil

sa husay nitong magpakita ng mensahe gamit ang pag-arte.

ELEMENTO NG PELIKULA

PRODUKSYONG DISENYO

Ang produksyong disenyo ay nakatuon sa angkop na mga kasuotan, gamit

props, at background ng pelikula. Kinakailangan na magkaroon ng angkop na mga

6|Pahina
kagamitan upang maging matagumpay ang paghahatid ng mensahe sa mga manonood

at upang mas maging epektibo ang pagsasalaysay ng kwento. Ang pelikulang “Instant

Daddy” ay binigyang pansin ang paggamit ng bulaklak na Mariposa sa kwento upang

pagtagmi-tagmimiin ang ideya nito na siyang lalong nagbigay ng kulay sa kwento.

Sinisimbolo nito ang pagkakaroon ng mabuting puso at pagbibigay liwanag sa mga

tagpo ng mga tauhan ng kwento. Dagdag pa, ang paggamit ng kasuotan ng mga

Disney Character sa bawat selebrasyon ng kaarawan ni Mira. Sinisimbolo naman nito

ang pagiging responsable at pagiging mabuting ama ni Val. Itinuturing niyang prinsesa

ang kanyang anak at handa siyang ibigay kung ano man ang nais nito. At panghuli, ang

paggamit ng gamot bilang props. Isa ito sa instrumentong ginamit ng director upang

bigyang tuon ng mga ang pagkakasakit ng pangunahing tauhan sa kwento para ibaling

ang isipan ng manonood sap pag-iisip sa kug sino ang malalang karamdaman.

Bilang paglalahat, masasabi kong gamit ang mga produksyong disenyo ay lalo

pang naging ang pelikulang ito upang maging epektibo ang pagsasalaysay ng kwento.

SKRINPLEY (5 Mahahalagang Diyalogo)

Diyalogo A: “Umire ka lang! Pero ako ang nagpalaki! Ako ang nag-alaga!”

Wika ni Val kay Julie matapos nitong pagbantaan na kukunin niya ang anak na si

Mira mula sa pangangaaga nito.

Mga Artista: Jerald Napoles, at Danita Paner

7|Pahina
Mensahe: Ibig lamang sabihin ng pahayag na ito na ang pagiging mabuting magulang

ay hindi nasusukat sa kung sino ang nagdala bagkus sa kung sino ang

nagpakamagulang, sino ang nagpalaki, at kung sino ang nagpadama ng tunay na

pagmamahal,

Diyalogo B: “Mahal ko po si Mama, pero mas pinakamahal ko po kayo.”

Wika ni Mira para sa kanyang ama na si Val nang magkausap ang mag-ama

tungkol sap ag-ibig ng anak sa kanyang anak.

Mga Artista: Althea Rueda, at Jerald Napoles

Mensahe: Ipinapakita sa linyang ito ang pagmamahal ng anak sa kanyang ama. Ibig

iparating ng linyang ito na kapag nabigay ng taos-puson pag-ibig ay taos-pusong pag-

ibig din ang ibabalik at walang kahit ano man ang makapagbabago nito.

Diyalogo C: “Mabuti kang ama, ginawa ko ngang prinsesa si Mira diba?”

Wika ni Kate kay Val noong mga panahong iniisip nitong pipiliin ni Mira ang

kanyang ina kaysa sa kanya.

Mga Artista: Ryza Cenon, at Jerald Napoles

Mensahe: Nais iparating ng pahayag na kung iniisip mong may pagkukulang ka, isipin

mo lang na madaming magagandang bagay ka ring nagawa at dapat itong bigyan ng

halaga.

Diyalogo D: “Hindi mo kasi tanggap na iniwan tayo ni Nanay!”

Wika ni Val sa kanyang ama nang malaman ni Val ang buong katotohanan na

hindi na muli ng magbabalik ang kanyang ina at kasabay nang malaman niyang ang

8|Pahina
mga liham na inaakala niyang pinadadala ng ina ay gawa lamang ng kanyang. Matindi

ang naging komprontasyon sa eksenang ito na umabot sa pag-alis ni Val papuntang

Maynila para doon na lamang mag-aral.

Mga Artista: Jerald Napoles, at Jao Mapa

Mensahe: Ang mensahe ng diyalogong ito ay ang pagsisinungaling ay walang

maidududlot na maganda kahit ang layunin ay para sa kabutihan. Dagdag pa na ano

mang sikreto, darating ang araw ay mabubunyag din. Kagaya ng nangyari sa eksenang

ito maging sa eksena nang malaman ni Mira na ang kanyang ama lang din pala ang

gumagawa ng sulat para sa kanya.

Diyalogo : “Hihilingin ko po na maging katulad n’yo po ako, paglaki ko po.”

Wika ni Mira sa kanyang ama na si Val nang tanungin niya ito kung ano hihilingin

nito kung makakapunta si sa Magic Land. Isa ito sa magagandang tagpo ng pelikula na

nagpapakta ng pagiging simple ngunit makabuluhang tagpo. Tagpo ng pag-uusap ng

ama tungkol sa kanilang mga hiling.

Mga Artista: Althea Rueda, at Jerald Napoles

Mensahe: Ito ay nag-iiwan ng mensaheng lubos na tinitingala ng kabataan ang

kanilang mga magulang. Kahit ano man ang ginagawa nito ay tama sa paninigin ng

bata.

9|Pahina
 MGA SANGGUNIAN

Instant in Tagalog. (n.d.). TagalogDotCom. Retrieved from

https://www.tagalog.com/dictionary/in_english.php?e=instant#:~:text=Best

%20translation%20for%20the%20English%20word%20instant%20in%20Tagalog

%3A&text=More%20matches%20for%20%22instant%22%20in,%3B%20an%20instant

%20

Bautista, M. (2023, October 12). Review of comedy drama designed to squeeze your

tear ducts, 'Instant Daddy' - Journalnews. Journalnews. Retrieved from

https://journalnews.com.ph/review-of-comedy-drama-designed-to-squeeze-your-tear-

ducts-instant-daddy/

Althea Ruedas. (n.d.). Retrieved from https://mydramalist.com/people/111325-althea-

ruedas

Wikipedia contributors. (2023). Jerald Napoles. Wikipedia. Retrieved from

https://en.wikipedia.org/wiki/Jerald_Napoles

10 | P a h i n a