ARUSUMA NƆƆBA YIRUSE : BIBU

Tɔ̃ɔ gbiikiru: ye bii mɔwɔbu ba ko kĩa ben bibun sɔɔ

1. Gãa dabina sa wa durɔ ka kurɔn swaasɔɔ. Tɛ̃ sa ko ma bibu laakariko yɛnun wãasina
sɔɔ. Sa somirum bukata mɔ too too su ka kpĩi su bɛsɛn yɛnusu nɛnɛ, saa sɛ̃ɛsɔgia yeni
sɔɔ. I ka gãa gee ni i wa keu yeni sɔɔ sɔburu koowo bɛɛn yɛnusu sɔɔ. Kpa bɛɛn yɛnu
ku seeda gia sɔ̃ɔsi bɛɛn yigbɛru sɔɔ. I durɔ, ka kurɔ ka bii mɔwɔbu ben sɔmburu
tubusio bɛɛn waasunun di. Kpa i sɔɔsi ma naanɛdokeon yɛnu ga sãawa dooma bakaru.
2. Bibu ba ko kpĩ bu ben mɔwɔbu nukudoo bakabu wɛ̃. Domi ba saawa doomaru te
Gusunɔ u ra be ba suwanɛ wɛ̃. Adama n weenɛ san yɛ̃ɛ n bibu ba sãa kurɔ kparu. Baa
Gusunɔ u kùn bɛɛ bibu kã, yen sɔ̃ bɛɛn kurɔ kpaara ko kpĩ tu yibu. U n ma sun kã su
ku duari ma Gusunɔn kɛ̃ra.

Womusu: 127: 3 ya nɛ, wee, bibu ba sãawa tubi ye ya wee Gusunɔn min di. Ba ma sãawa
soseru te ta wee Gusunɔn min di.

A Gusunɔ siara wɛn bii bawuren sɔ̃?..........................................................................

3. Sa yɛ̃ɛ ma bɛsɛn bibu ba sãawa Gusunɔn kɛ̃ru, sa ko nùn siara. Gusunɔ u sun bibu
kãwa bu ka nùn sãa, un mɔ sa n bu nɛni bɛsɛn ti n sɔ̃. Adama su ka bu seyawa win
yiiko sɔ̃.

Gisɔ sa ko wawa :

- Ma Gusunɔwa u bɛsɛn bibu mɔ ka gem

- Ye Gusunɔ u kĩi ben sɔɔ: gbiika, u kĩwa bu Kirisi mwa nge ben faaba koowo; yiruse, u
kĩwa bu sĩi kpuna ye u yi ben sɔ̃.

Wara wunɛn bibun mɔwɔ gbiiko? .................................................................................

4. Gusunɔ u sun bibu kãawa su ka bu seya win sɔ̃ ka win yiikon sɔ̃. Domi wia u sun mɔ
ka bɛsɛn bibu sannu. Gusunɔ kĩiwa su bɛsɛsn bibu nɔɔri kpa su be sɔ̃ɔsiru wɛ̃. San
bɛsɛn bibu mɔ, yen sɔna ban kpɛ̃ɛ bu sun sɔmburu kua. Adama ba ko kpĩi bu sun
nukudo bakabu wɛ̃ɛ, sanan mɛ sa be seyamɔ Gusunɔn sɔ̃.

Bii mɔwɔbun basi, waran min dia Gusunɔ u kĩ bu nùn sã? .............................................

5. Yen sɔ̃ Gusunɔwa u bɛsɛn bibu mɔ, ma win yiikon sɔna sa bu seyamɔ, u kĩa bu nun
sɔmburu kua. Yohanu u win garasanu kpuro wa keu di te bara soku sekɔdɛ sɔɔ. Tɛ̃ u
 yĩiyɔbu mɔ ma Gusunɔ u nun sokawa u ka ko pasitɛ. Adama Yohanun baba u ye
yinamɔ yen sɔ̃ u kĩ Yohanu u sɔmbru ko u ka win wɔnɔn bun keu sɔbe. Win baa un
nɛɛ, na nun seyawa a ka man dera nɛn tɔkɔru sɔɔ.

Bɛɛn yam waru sɔɔ n ka baa wi dɛnde u ka yĩna Yohanu u ko pasitɛ? Mba Yohanun baa u
duari? .........................................................................................................................

6. U duari ma Gusunɔwa u gina bɛsɛn bibu mɔ. N weenɛ su kasua kpa su ka wa ye sa kĩ
bii be Gusunɔ u sun wɛ̃ɛ sɔɔ. Sa kĩiwa ban bwãado, kpa bu keunu ko, kpa bu sɔn
geenu wa bu ko. Ye baawure kpuro kĩ yera mi. Adama bɛsɛ naanɛ dokeobu sa ma
gãanu gãanu kĩ bɛsɛn bibu sɔɔ, nia: gbiika, bu Kirisi mwa nge ben fabakowo; yiruse,
kpa bu Gusunɔn kpana swĩi.

Sa kĩiwa bɛsɛn bibu bu gina gbii bu sun sɔmburu kua nge Gusunɔ?...........................

7. Sa yĩiyɔbu mɔ ma bɛsɛn biba Gusunɔn sɔmburu kuamɛ, ye sɔ̃ɔ Gusunɔwa u bu mɔ, ma

u ma su be wɛ̃ɛwa su ka bu seya win sɔ̃. N weenɛ su gãa geenu kĩa ben sɔ̃. Silasi ka
Susani ba bii mɔɔ, Muli. Ba kĩ Muli u Kirisi mwa fuku un sãa win faaba koowo. Baran
kãanaru mɔwɔwa win sɔ̃ kpa ban wi Gusunɔn gari sɔ̃ɔsimɔ. Ye Muli wɔ̃ɔ nɔɔba yiru
tura, u win baa sɔ̃ɔwa u nɛɛ, wi u kĩ u Kirisi mwa un sãa win faaba koowo. Ma Silasi
ka Susanin nukura dora too too yen sɔ̃ Muli Kirisi wura.

Mban sãa Mulin mɔwɔbun kĩ gbiikiru ben bii sɔɔ?.........................................................

8. Ben kĩ gbiikira, Muli u Kirisi wura nge win faaba koowo. Yen biru ba kĩ u Gusunɔn
kpuna swĩi win wãaru sɔɔ. Silasi ka Susani ba kãanaru mɔ ba dɔɔ ben bii Muli sɔ̃. Ma
baa nùn dam kɛ̃ɛmɔ Gusunɔn gari sɔɔ, bara nùn nɛɛ u Gusunɔn kĩiru kasuo. Mulin
keun biru u bibelin keu da. Muli nua ma bweeseru gara wãa te ta laabari gian kpaaron
bukata mɔɔ, ma u kĩa u da ben mi. Ba mɛ u yɛ̃ɛ sãa sãa ma un gobi bɛkɛ waasi ka mɛ u
nukudobu mɔɔ. Win mɔwɔbun tii ba nukudobu mɔɔ win sɔmburun sɔ̃.

Kpuna yera Muli mɔwɔbu ba u swĩi?.............................................................................

9. Muli mɔwɔ ba kĩiwa u Gusunɔn kpuna swĩi ye u yi win sɔ̃. Ba ma yɛ̃ ma Muli sãawa
Gusunɔn kɛ̃ru, ba ma nùn seyawa Gusunɔn yiikon sɔ̃, domi wia u nun mɔ̃. Ban ma
mɛra bera ba nùn mɔ̃, u ko ka bu gobi naawa sia, ba naanɛ sãa ma Gusunɔ ko bu dera
ben tɔkɔru sɔɔ.

Mulin mɔwɔbu ba gãanu yiru kĩi wi sɔɔ. Ban sãa nin yiruse?........................................
 1- U Kirisi mwua nge win faaba koowo
2- ...........................................................................................
10. Ba kĩiwa u Gusunɔn kpuna swĩi, ye u yi win wãarun sɔ̃. Bweeseru garu ta wã te sɔɔ bii
mɔwɔbu baran tama ben biba sãawa ben tin mɔru, ba busika ma bii bera ba ko bu
arumani wɛ̃.

N weenɛ naanɛ doke bii mɔwɔ ban busiku nin bweeseru mɔɔ?......................................

11. N weenɛ naanɛ doke bii mɔwɔ ban yeni kĩ ben bibun sɔɔ, bu Gusunɔn kpuna swĩi ben
wãaru sɔɔ, ban kĩiru tu wunana be ka naanɛ doke sari ba be bè ba kĩi ben bibu ban sãa
ben sɔn koowobu, ben sian yĩiyɔbu wãawa ben bibu sɔɔ. Adama naanɛ doke bii
mɔwɔbun mi ben sian yĩiyɔbu ran wãawa Gusunɔ sɔɔ kpa ban kĩi ben bibu bu Gusunɔ
sɔmburu kua nge mɛ wi Gusunɔ u kĩ.

Bɛsɛn tɔkɔru sɔɔ wara ko sun nɛnɛ sanamɛ bɛsɛn bibu ban kpɛ̃ bu sun gobi kɛ̃?

12. Gusunɔwa ko sun nɛnɛ. Gãasɔ ka gãasɔ bara bii tusiaru ko sɔɔsi sɔɔ kpa bii mɔwɔbu
bu gere bu nɛɛ ba ko ben bibu seyawa Gusunɔn sɔ̃, ba ra nùn siara bii win sɔ̃ ba ra nùn
bii wi nɔmu sɔndie kpa win wãaru tu ka nùn yiiko wɛ̃. ba ran ma gãanu yiru ye sa naa
gire kĩi ben bibu sɔɔ.

Gãa gbiiki nira nweenɛ bii mɔwɔbu bu kĩa ben bin sɔ̃?

1- .............................................................
2- U Gusunɔn kpuna swĩi win wãaru sɔɔ.
13. Kĩi gbiiki tea u Kirisi mwua nge win Faaba koowo. Sanamɛ ba Gusunɔ bii nɔmu
sɔndia sãa yerɔ yan sãa dobo dobon gari. Tɔ̃ɔ ten dia mɔwɔbu ba ra nɔɔ mwɛ̃ru ko mà
ba ko ben bii seya swaa gia sɔɔ, n mɔ Gusunɔ u ka nùn kpara tɔna man kùn mɔ u ka
Gusunɔ sɔmburu kua.
Maakun bii wɔndia u kurɔ burɔ sãa ma u ra sɔmburu ko keu dirɔ, u Yesu mwua saa
min di u sãa wɔndia biibu, u Yinni kĩ ma u nùn mɛm nɔɔwamɛ. Maaku u gobi di too
wɔndia win keu sɔɔ, ma u kua lokotoro. Yen biru u kĩa u mɔraru daa pasitɛ gon mi wi
u sɔmburu mɔ min ka wuu maro todinɛ, wɔndia wi u wa ma Gusunɔn kpunawa u ka
pasitɛ wi somi. Maaku ka win kurɔ ba nuku doobu kua yen sɔ̃.

Gãanu yiruse yerà n weenɛ bii mɔwɔbu bu kĩa ben bibu sɔ̃?

1- Bu Kirisi mwua nge ben faaba koowo

2- .............................................................
 14. Gãanu yiruse ye sa ko kĩa bɛsɛn bibun sɔ̃ yera: bu Gusunɔn kpuna swĩi. À n Gusunɔ
wunɛn bii nɔmu sɔndia yan geruwa u ko pasitɛ, adama un ka tii mɔ̃ u ka ko ye Gusunɔ
u kĩ. N weenɛwa bii baawure un tii mɔ̃ u ka Gusunɔn kpuna swĩi. Ya sãawa bii
mɔwɔbun yãkuru. Ba mɛ Maaku u ra gãa geenu kpuna sãa win wɔndian sɔ̃, u
nukudobu mɔ yen sɔ̃ win wɔndia ko naanɛ doke pasitɛ sua durɔ, adama wɔndia win
dwuani ba kĩa bu gobi bɛkɛ bikia, ma pasitɛ wi un gobi yi mɔɔ ba mɛ Maaku u yĩna u
gobi bɛkɛ bikia, u kiwa win wɔndia u Gusunɔn kpuna swĩi ye sãa win wãaru sɔɔ.

Mba n dera Maaku u kpĩa u win wɔndia wi tii mɔru deria u ka Gusunɔn kpuna swĩ?
___________

15. U n gobi mɛra gãanu u n ma gobi bɛkɛ bikie wɔndia win dookiru sɔɔ. Elise u sãawa
gbee wuko naanɛ dokeo u kafen dãa gbaaru mɔɔ ka naa merosu. U gobin bukata mɔɔ
too, adama ùn ka win bibu garimɔ u kura gobin gari gere ma n kun mɔ̃ ben yigbɛ te ta
wãa ta n kparo mɔɔ. Win bweesera wesianamɔ bu ka Gusunɔ sɔmburu kua ba mɛ ba
sãa mɛtriba ka afɛrisiba, ma ba dam kɛnamɔ ben baawure u ka Gusunɔ sɔmburu kua
sɔmbu te Gusunɔ u ko bu nɔmu sɔndia sɔɔ.

Gãanu yiru yera naanɛ doke bii mɔwɔ ba ko kĩa ben bibu sɔ̃?

1- _____________________________________________________________________
2- _____________________________________________________________________
16. Yè n weenɛ su kĩa ben sɔ̃: bu Kirisi mwua nge ben faaba koowo, kpa bu Gusunɔn
kpuna swĩi ye sãa ben wâarun sɔ̃. Yosɛfu u sãa naanɛ dokeo ma u bibu ita mɔ̃ bii be ba
ra sɔmburu ko too keu dirɔ, ban wãa yɛ̃nuɔ Yosɛfu u ra win bii be baasi bu ka sɔmburu
ko too keu dirɔ kpa bu sɔn geenu wa mi bara goni kɔsie dee dee, yen sɔ̃ ba gobin
bukata mɔ̃ yɛ̃nuɔ.

Mba n sãa Yosɛfun kĩru win yɛ̃nun sɔ̃?

_____________________________________________

A ǹ ka Yosɛfu somi, mba ka wi sɔ̃?

________________________________________________

17. I ko i bɛɛn wisibu keu bibu gabu sɔ̃

Wara u bɛɛn bibu mɔ̃?

__________________________________________________________
Gãanu yiru yera n weenɛ naanɛ doke bii mɔwɔbu kĩa ben bibun sɔ̃?

1- _____________________________________________________________________
2- _____________________________________________________________________

Tɔ̃nu yiruse: n weenɛwa bii mɔwɔbu bu ben bibu sɔ̃ɔsiru ko

1. Wara gina bɛsɛn bibun mɔwɔ gbiiko?

________________________________________

Gãanu yiru yera n weenɛ naanɛ doke bii mɔwɔbu kĩa ben bibun sɔ̃?

1- _____________________________________________________________________
2- _____________________________________________________________________
2. Gusunɔwa u sãa bɛsɛn bii mɔwɔ gbiiko, ye sa ko ma kĩa ben sɔ̃ yera bu Kirisi mwua
nge ben faaba koowo kpa bu Gusunɔn kpuna swĩi ben wãaru sɔɔ.
Gisɔ sa ko wawa ma bii mɔwɔbun sɔmbura bu ka ben bibu sɔ̃ɔsiru wɛ̃. yaran sɛ̃ɛ bibu
bu ka Yesu mwua nge ben faaba koowo kpa bu Gusunɔn kpuna swĩi man kùn mɔ̃ ba
bu dera. Sa ko wa Sɔ̃ɔsirun tireru wiru 6:6-7 sɔɔ, mà n weenɛ bii mɔwɔ baawure u win
bii sɔ̃ɔsiru kowa wɛ̃rabu sari.

Mba n ko bibu garasia Gusunɔn swaa n di?

__________________________________________

3. Sa ko yen gari wa, surɔkudo yorua handunian kɔkiribu, kpasi kɔ̃sobu, ben tin kĩiru,
Setan yɛ̃ri. Bibeli ya sun sɔmɔ ma kɔkiribu bu weewa dunian di, ka wasin kĩirun di, ka
Setan min di. Biba sɔ̃ɔsirun bukata mɔwa kpa bu ka Gusunɔ wɛ̃re.

Waran n weenɛ u bibu sɔ̃ɔsiru wɛ̃?

________________________________________________

4. Bibun mɔwɔba ba ko ye ko. Gusunɔ u bii baawure tɔnu yiru wɛ̃ɛ, baba ka yayi, yen sɔ̃
gãa dabina nu wã ni nu ko bii yĩnari u Gusunɔn kpuna swĩi. U ko n wãawa ben
nɔɔmawɔ wɔ̃ dabinu u n tii mɔ. Gusunɔ u kĩa mɛ kpa mɔwɔbu bu ka ben bii sɔ̃ɔsiru ko.

Mba n bukatawa biba mɔ̃ bu ka kpɛ̃a kpa bu Gusunɔ wɛ̃re?

_____________________________

5. Bii mɔwɔbun sɔmbura bu ka bibu sɔ̃ɔsiru wɛ̃ yèn sɔ̃ ba yen bukata mɔ̃. Su mɛri ye
Gusunɔn gari gerua, su gari Sɔ̃ɔsiru 6:6-7.
Tire naasi sɔɔ, mba mɔwɔ ba ko ben bibu sɔ̃ɔsiru ko wɛ̃rabu sari?
________________________

6. Yɛ̃nuɔ biba ra sɔ̃ɔsiru mwuɛ̃, keu dirɔ dooru, garibu ka yora bara mɛri. Adama yɛ̃nuɔ
bara bu sɔ̃ɔsiwa nge ba ko ka wãaru di. I ma Sɔ̃ɔsiru 6:7 gario

Tire naasi sɔɔ, mana ka mana sɔɔra i ko i bɛɛn bibu sɔ̃ɔsiru wɛ̃, sɔ̃ɔ teru nɔn nyewa i ko ye ko?
________________________________________________________________________

7. Na gara nɔn unɛ: i n wãa yɛ̃nuɔ, i n wuu dɔɔ, i n ko kuna ka i n sewa. Yera ya gerumɔ
mà n weenɛ i bu sɔ̃ɔsiru kowa saa baayere. N naanɛ doke sari bà ba ko bɛsɛn bibu
sɔɔsiru wɛ̃. N weenɛ mɔwɔbu ka ben bibu ban nàn wãa sannu kpa bu kpɛ̃ bu ka be
Gusunɔn garin gem sɔ̃ɔsi, yeya ya ko be busikunu kɔsi.

Mana n weenɛ mɔwɔbu bu ben bibu sɔ̃ɔsiru ko?

______________________________________

8. Yɛ̃nuɔ n weenɛ, domi sɔ̃ɔsiru ta sãawa baba ka yayin sɔmbu gbiikiru, n kere bu gobi
bɛkɛ wa n kùn mɛ bɛɛrɛ n kùn mɛ bu sɔmburu garu ko sɔɔsiɔ.

Amana n kon naanɛ dokeo mɔwɔbu sãa sanamɛ ben bibu ba Gusunɔn garin di gara yen sɔ̃ ban
bu sɔ̃ɔsiru wɛ̃?
________________________________________________________________

9. Mɔwɔbu ba ku ran nuku dobu mɔ sanamɛ ben bibu ba gara Gusunɔn garin di, Gusunɔ
u kĩa bu nùn gia yen sɔna u sun kanamɔ su be sɔ̃ɔsiru wɛ̃.
“wooda” ya sãawa garì ko te ta tubusia dam giru mɔ̃. I ko wura Oo sanamɛ ba garì ko
ten tubusianu wɛ̃ dee dee, n kùn mɛ, kpa i wura Aawo.

______________(1) I n kĩ i koowo

______________(2) I koowo i kùn garumɔ̃ i ko

______________(3) I koowo ya kùn sɛ̃ ma gãanu kùn bɛɛ yinarimɔ

______________(4) I koowo wɛ̃rabu sari.

10. Na yĩiɔ i nɛɛ Awo garì konu ita gbiika sɔɔ mà i nɛɛ Oo garì koru nnɛse sɔɔ. N weenɛ
su kowa ye wooda ya yĩre, su sɔ̃ɔsinu wɛ̃. gabu ba ran tama sãa bii mɛro tɔnawa ko bii
sɔ̃ɔsiru wɛ̃ Aawo n mɛ̃. Efesu 6:4 ya nɛɛ, bɛɛ tundobu i ku bɛɛn bibu mɔru barasia,
adma i bu nɛnuɔ ka nɔni dokebu kpa i bu Yinnin gari keu ko.
Wara ba nɛɛ ko bibu sɔ̃ɔsiru wɛ̃ nge mɛ Yinni u kĩ?
___________________________________

11. Ba nɛɛ ka tundoba ba ko bibu sɔ̃ɔsiru wɛ̃ n mɔ̃ mɛrobu tɔna, be yiru kpurowa. Tundon
mi ya ko saa sua fiko, adama n weenɛwa u wooda mɛnɔɔwa, domi biba sɔ̃ɔsirun
bukata mɔwa ben wãarun tɔ̃ru kpuro sɔɔ kpa bu ka kpĩ bu Gusunɔn swaa swĩi.

Tundo ko kpĩ u win bibu sɔ̃ɔsiru wɛ̃ swaa ye sɔɔ u kùn wãa yɛ̃nuɔ?
_______________________

12. Yan kpɛ̃ yu kora, yen sɔna n weenɛ tundo u saa sua too u ka win bibu sina yɛ̃nuɔ ba
mɛ̀ ya sɛ̃. Tɛ̃ɛ mɔwɔbu gabu ba kĩ bu ben wãasina kɔsi, adama gobi kason sɔ̃ ban wãa
yam tem. Ka mɛ n weenɛwa su yaaya ma Gusunɔ u nɛɛ san wi bɛsɛn bibu wɛ̃ u ko bu
kpara.
Mateu 6:33 ya nɛɛ, Yen sɔ̃, i gina hania koowo i ka du mi Gusunɔ u bandu swĩi kpa i
n sãa win tɔn geobu. Yen biru u koo bɛɛ wɛ̃ ye ya tie.

San bɛsɛn bibu sɔ̃ɔsiru wɛ̃mɔ baadoma, sa be Gusunɔ wɛ̃mɔwa. Mba Gusunɔ u sun nɔɔ mwɛ̃ru
kua, san gbia sa win bandu kasu?
_________________________________________________

13. U nɛɛ koo su wɛ̃ ye ya tie. Yen tubusiana san wi mɛm nɔɔwãamɛ ma sa bɛsɛn bibu win
swãa sɔ̃ɔsimɔ, koo sun wɛ̃ yen bukata sa mɔ̃. U n nɛɛ sa ko koo gobigibu, adama ko
bɛsɛn bukata kpuro wunana. Tundo ka mɛro be ba kùn wãa yam tem n weenɛwa bu
Gusunɔ somiru bikia kanaru sɔɔ kpa bu ka kpĩ bu ben bibu sɔɔsiru wɛ̃. Surɔkudo
Gusunɔ u koo de tundo ǹ kùn mɛ mɛro u sɔmburu wa te ta ko de un wãa yɛ̃nuɔ kpa un
wãa bibu.

Mba i kĩ n kere, kɔsia bakaru, gbee bakaru nge bii bè ba dam mɔ̀ baadoma naanɛ dokebu sɔɔ?
________________________________________________________________________

14. Na i ko kĩa bii bè ba dam mɔ̀ baadoma naanɛ dokebu sɔɔ. Gobi n kùn mɛ gbea kùn kpɛ̃
yu sun dam kɛ̃ sanamɛ bɛsɛn bibu ba swaa kɔ̃sa swĩi.

Sɔ̃ɔsiru 6:7 sɔɔ, wara koo bibu sɔ̃ɔsiru wɛ̃ saa baayere?
________________________________

15. Bii mɔwɔba ba ye ko. Gusunɔwa u be kanamɔ bu bibu sɔ̃ɔsiru wɛ̃. san Elin gari
mɛrimɔ nɔɔ mwɛ̃ɛ guru sɔɔ, Samuɛli I, wiru 2 ka wiru 3 sɔɔ, Eli u sãa yãkukoowo wi u
 arumani mɔ̃, u Smuɛli seyawa dee dee. Adama win tin bibun komara kùn do. Sa ko wa
ye Gusunɔ u nùn sɔ̃wa. Samuɛli I, 3:13, Domi Eli u yɛ̃ ma win biba bɔ̃rin kookoosu
mɔ̀, u ǹ maa bu gerusi. Yen sɔ̃na na bɔ̃rua na nɛɛ, kon win yɛnugibu sɛɛyasia sre ka
baadommaɔ ben daa kɔ̃san sɔ̃.

Wara Gusunɔ u tarɛwɛ̃ yen sɔ̃ un win bibu sɔ̃ɔsiru wɛ̃ un ma bu gerusi?
___________________

16. Gusunɔ u Eli tarɛ wɛ̃. U kĩwa Eli u win bibu seyawa dee dee, n mɔ Gusunɔn sɔmburu
tɔna. Nɔɔ mwɛ̃ɛ kpaaru sɔɔ, Pɔlu u sɔmman gari gerua yigbɛnu sɔɔ. Timɔte I, 3: 2-5.

Wara n weenɛ Gusunɔn sɔm koowo u gbii u sɔ̃ɔsiru wɛ̃?

_______________________________

Sɔ̃ɔsiru 6:7 sɔɔ, mba naanɛ doke bii mɔwɔ n weenɛ u ko wɛ̃rabu sari?
____________________

17. N weenɛwa Gusunɔn sɔm koowo u win tiin bibu sɔ̃ɔsiru wɛ̃. N weenɛwa naanɛ dokeo
u win tin bibu keu sɔ̃ɔsi wɛ̃rabu sari. I ko i wisi Oo ǹ kùn mɛ Aawo.

(1)___________Gusunɔ u koo pasitɛ suuru kua ù kùn win tin bibu sɔ̃ɔsiru wɛ̃ yè n sɔ̃ u ka tɔn
dabiru na Kirisin mi?

(2)___________Gusunɔ u koo kurɔ wi suuru kua, wi n win bibu sɔ̃ɔsiru wɛ̃, yen sɔ̃ win keu n
biru u gobi bɛkɛ mwamɔ?

(3)___________Gusunɔ u koo wi u kùn win bibu sɔ̃ɔsiru wɛ̃ suuru kua yè n sɔ̃ ba wi yɛ̃
Gusunɔn sɔmburu sɔɔ?

18. Bikia bi kpuro sɔɔ, aawowa sa ko wisi.

Sɔ̃ɔsiru 6:7 sɔɔ, mba naanɛ doke bii mɔwɔ n weenɛ u ko wɛ̃rabu sari?
_____________________

ARUSUMA NƆƆBA YIRUSE: BIBU

Tɔ̃ɔnu itase: I bu sɔ̃ɔsiru koowo ka gari ka ma wenasiru

1. Sanamɛ bibu ba Kirisi wura ma ba Gusunɔn kpuna swĩi ye u yi ben sɔ̃, domara
mɔwɔbun mi.
Sɔ̃ɔsiru 6:7 sɔɔ, mba naanɛ doke bii mɔwɔ n weenɛ u ko wɛ̃rabu sari?
_____________________

2. N weenɛwa mɔwɔbu bu ben tiin bibu sɔ̃ɔsiru wɛ̃. Sa ko wa gisɔ a mɔsuma mɔwɔ ba
ko koo bu ka ben bibu sɔ̃ɔsiru wɛ̃ dee dee. Gãsɔ mɔwɔbu gabu bara n kĩ bu be n bibu
sɔ̃ɔsiru wɛ̃ adama ba kura kpĩ, mban sɔ̃ ba ra kpanɛ? Ba n yɛ̃ mɛ ba koo ko. Gisɔ sa ko
wa n weenɛwa bu swaa yiru dendi, 1- Gari ka 2- Wenasiru.

Ben bera n weenɛ bu gina gbi bibu sɔ̃ɔsiru wɛ̃?

_______________________________________

3. Mɔwɔba ba sɔmburu mɔ̃ ta kpã. Gusunɔ u be kanamɔ bu bibu sɔ̃ɔsiru wɛ̃. Mɛtiri ka
mɔnitɛ ba ra ko mɛ saa ka saa. Adama mɔwɔbun mi ba ko n da ye koowa saa kpuro, ka
gari ka ma wenasiru. Pɔlu u Filipi gibu yorua u nɛɛ, Filipi 4:9 sɔɔ, I n da ko ye i gia ka
ye i mwa ka ye i nua nɛn min di, ka ye i wa na kua. Sanam mɛya Gusunɔ wi u bɔri
yɛndu wɛ̃ɛmɔ u ko n wãa ka bɛɛ.

Garì koo tera ta sɔ̃ɔsimɔ ma Pɔlu u ra keu sɔ̃ɔsi ka gari tire naasi sɔɔ?
_____________________

garì koo tera ta sɔ̃ɔsimɔ ma Pɔlu u rà keu sɔ̃ɔsi ka wenasiru tire naasi sɔɔ?
__________________

4. “I nua” yera ya sɔ̃ɔsimɔ ma Pɔlu u keu kua ka gari. “I wa” yera ya sɔ̃ɔsimɔ ma Pɔlu u
keu kua ka wenasiru. Pɔlu u gari ka wenasiru denda u ka filipi gibu sɔ̃ɔsiru wɛ̃, yen sɔ̃
u kĩ bu ka tu sɔmburu ko, n mɔ u ka ben wiru yibia tɔna ka win sɔ̃ɔsinu.

Mba Pɔlu u kĩ filipi gibu bu ko win sɔ̃ɔsini u bè wɛ̃ sɔɔ?
________________________________

5. U kĩwa bu ka ni sɔmburu ko, kpa bu wãaru di naanɛ dokebu sɔɔ. Yera sa mara bɛsɛn
bibu sɔɔ, bu ka sɔmburu ko ye sa be sɔ̃ɔsimɔ saa gari ka wenasirun di. Etiɛni u kĩ win
bibu ban durom kuanamɛ, yesɔ̃na u ra bu Efesun tireru garisie, Efesu 4:32 sɔɔ, I
durom kuanɔ kpa i n wɔnwɔndu mɔɔsinɛ. I suuru kuanɔ nge mɛ Gusunɔ u bɛɛ suuru
kua Kirisin sɔ̃.

Ka swaa yera Etiɛni u ka keu sɔ̃ɔsi?_______________________________________________

 6. U ra keu sɔ̃ɔsi ka gari. Ya wãa à n da wɛ̃n bibu sɔ̃ɔsinu wɛ̃ ka gari, adama ya n tura.
Etiɛni u kĩ win bibu gia ko yen sɔ̃na u ra bu sɔ̃ɔsinu wɛ̃ ka gari ka ma wenasiru. U
seeda gia mɔ̃ win kurɔn sɔɔ, win kpasibu sɔɔ ka ma win bibu sɔɔ.

Mba n sãa swaa yiruse ye Etiɛni u ra ka win bibu sɔ̃ɔsinu wɛ̃? (1) ka gari,
(2)_______________

7. Ka wenasiru. Ya wãwa win bibu bu wenasiru wa, kpa bu kpɛ̃ bu ye sɔ̃ɔsi ben wãaru
sɔɔ. Gari yu sãa gãa girinu nge mɛya ma wenasirun tii. I ma gario Sɔ̃ɔsiru 6:6-7 sɔɔ,
mba n sãa mɔwɔbun sɔmburu Gusunɔn wooda sɔɔ, ba n wãa yɛ̃nuɔ, ban wuu dɔɔ, ban
ko kuna ka ban ko dom se?
_______________________________________________________
8. N weenɛ bu ye n gari gerewa. Sɔ̃ɔsirun swaa mi, ya ko mà bibu dera bu ka Gusunɔn
garin gem gia.
Yɔɔsu ka win bii ba swĩina sɔn yerun di ba wiɔ yɛ̃nuɔ, swaa sɔɔ Yɔɔsu u win bii
Gusunɔn dam sɔ̃ɔmɔ saa dãa ka kpenu ka mà daani Gusunɔ u kuan di.

Swaa yera Yɔɔsu u den da u ka win bii sɔ̃ɔsiru wɛ̃? (1)__________________(2) Wenasirun
di.

9. Ka garia. Gãa dabina n weenɛ su bɛsɛn bibu sɔ̃ɔsi, su bu Gusunɔ sɔ̃ɔsi, win dam, win
kĩru, win dɛɛraru ka win wɔnwɔndu. Su bu Yesu sɔ̃ɔsi wi u sãa faaba koowo ka Yinni,
win wãaru handunia sɔɔ, win gɔɔ ka win seebu gɔrin di, ka mà win sɔma ye u mɔ tɛ̃
wɔllɔ. N weenɛwa su bu sɔɔsin gari sɔ̃, seeda ka wãa dɛɛraru te n weenɛ bu wa. I
Sɔ̃ɔsiru 6:6-7 gario kpa i ye nɛnɛ gɔruɔ. I sɔ̃ɔsio mà i yè gia kpa i n sɔru sãa i ka gere
ka wiru.
10. Mɔwɔbu gabu ba wãa, ye n sɔ̃ ban gem mɛ yɛ̃ ben tii ba kpana bu ben bibu mɛ sɔ̃ɔsi. N
weenɛwa san Gusunɔn gari yɛ̃wa su sere bɛsɛn bibu mɛ̀ sɔ̃ɔsi.

I Sɔ̃ɔsiru 6:6 sio ka wiru, kpa i gere mana sɔɔra Gusunɔn gari ko n wãa gina bu sere yi bibu
sɔ̃ɔsiru ko?__________________________________________________________________

11. Gɔruɔwa n weenɛ yi n wãa, kpa yi n sɔmburu mɔ bɛsɛn busikunu ka bɛsɛn komanu
sɔɔ. N weenɛ mɔwɔbu bu Gusunɔn gari mɛriwa kpa bu ka yi sɔmburu ko, domi ban
kpɛ̃ bu sɔ̃ɔsi ye ban yɛ̃.
Bɛn yigbɛru ta ra mɔwɔbu dere bu ka Gusunɔn garin gem gia kpa bu ka kpĩ bu ben bibu
sɔ̃ɔsiru wɛ̃?
________________________________________________________________________

12. Yigbɛnu gãanu wãa mɔwɔbu bara n wãawa nɛnɛn, gabun mi mà bara n mɛnɛwa. Sa
ran kĩ bɛsɛn bibu bu ka bɛsɛn sɔ̃ɔsinu sɔmburu ko, ye n sɔ̃na sa ko bu sɔ̃ɔsiru wɛ̃ ka
gari, adama ka wenasinu ba ko gia n kere, sam bè go n wenasiru wɛ̃ bu saari. N ge mɛ
biba ra ben mɔwɔbun gari saari, nge mɛya bii tɔn durɔ ra win tundo sari komaru sɔɔ,
bii tɔn kurɔ mà win mɛrowa u ra saari n kere. Swaa ye ya fala sãa sɔ̃ɔsiru sɔɔ.

Mba n sãa swaa yiruse ye sa ko ka bɛsɛn bibu sɔ̃ɔsiru wɛ̃? (1) Ka gari;
(2)_________________?

13. Sa ko be sɔ̃ɔsiru wɛ̃wa ka wenasiru. Pɔlu u win tii wɛ̃ nge wenasiru te ba ko swĩi.

Korinti I, 11: 1 ya nɛɛ, I man saario nge me nɛn tii na Kirisi saarimɔ.

I n tire naasi laakari kua, mba Pɔlu u bu sɔ̃wa?

_______________________________________

Wara Pɔlu u saara?____________________________________________________________

14. Pɔlu u nɛɛ i man saario. U sãa be n wenasiru. U Kirisi saara. Nge mɛya n weenɛ
mɔwɔbu bu Kirisi saari. Adama dabira kura komɛ. Ye bara gere ka ye bara koo ya
kura tia ko, be sɔ̃ɔsinu kura binu wɛ̃, ye n sɔ̃ ban gem mɛ swĩi ben tii.

Swɛɛ yiru yera sɔɔra mɔwɔba koo ben bibu sɔ̃ɔsiru wɛ̃?
(1)_____________(2)______________

15. Gari ka wenasira ba ra ka bu sɔ̃ɔsiru wɛ̃. Toma u kĩ win bii u dee dee swĩi, ye n sɔ̃na u
nɛɛ u da gem gere, u n weesu kua ǹ kùn mɛ gbɛ̃na u ra nùn soowa. Sɔ̃ɔ teru win bii
nùn mwa u win beruse weesu sɔ̃ɔmɔ.

Win bii wi dee dee swĩi?

________________________________________________________

16. Win tundon komara koo swĩi. Tundo wi u tama biba n weenɛ bu dee dee swĩi. Aawo, a
n bu sɔ̃ɔsiru wɛ̃ a de bu te wa wɛ̃ɛ sɔɔ. N weenɛwa su kasu bɛsɛn bibu bu ko dee dee.
Titu 2:7, ya gerua ya nɛɛ wunɛn tii maa, a n bu kom gem sɔ̃ɔsimɔ...

Wara koo ko weenasiru win bibu sɔɔ?_____________________________________________

 17. Mɔwɔba ba koo ko weenasiru. Baadoma tundo ka mɛro ba koo ben bibu swaa gia
sɔ̃ɔsiwa. Yesu u win bwãabu tii kawabu sɔ̃ɔsi ka win gari ka maa weenasiru. Tɔ̃ru garu
sɔɔ u ma n ben kɔni tia, yoobun sɔmburu. U gerua Yohanu 13: 15 sɔɔ u nɛɛ, wee na
bɛɛ kom gem sɔ̃ɔsi kpa i n da maa kuanɛ nge mɛ.

I n kĩ bɛɛn bibu ko tii kawoobu, mba i ko koo?

_______________________________________

Gãanu gãanu wãa ni i ra koo ma i bɛɛn bibu sɔ̃ɔmɔ bu ku koo? I wisio Oo n kùn mɛ
Aawo_____

18. I n kĩ bɛɛn biba n sãa tii kawoobu i n bɛɛn tii kawo. Gãanu gãanu nùn wãa ni i ra koo
ma i bɛɛn bibu sɔ̃ɔmɔ bu ku ko, i bu kɔmɔwa. I Gusunɔ kanɔ u bɛɛ somi swaa ye sɔɔ.

Ka swaa yera sa ko ka bɛsɛn bibu sɔ̃ɔsiru ko?

________________________________________

I Sɔ̃ɔsiru 6:6-7
sio_____________________________________________________________

___________________________________________________________________________